روايتي ( سارة و بدر )

جميله ورائعه. .اعجبني السادس
اكثر من الخامس. .اجزاء مشوقه
كما انت ياشجونه __DEFINE_LIKE_SHARE__

ماشاء الله تبارك الرحمن. .
الجزء السابع. ..
ابهرتني الحبكه في سرد الاحداث. .
احسنتي وابدعتي ياشجونه __DEFINE_LIKE_SHARE__

سعد الحمايل

شاكرة لك تواجدك هنا اتمنى ان يستمر ...

__DEFINE_LIKE_SHARE__

-- ( الجزء الثامن ) --

في ناحية ثانية ..

في فيلا ابو محمد الكبيرة ...

عند الرجال ...

ابو بدر : استعد بعد شوي زفتك انت و عروستك ..
بدر سااااااكت و يناظر في المعازيم ..
ابو بدر معصب و يحاول مايبين قدام الناس عصبيته : اقووووووول ي ولد .. طالعني زين .. هالوجه العابس انا ما ابيه فهمت ؟؟؟
ابتسم و خليك بشوش في وجه معازيمك .. الليلة فرحتك وامحق فرحة جعلك مانيب قايل !! كلن يناظر وجهك ويقولون الموضوع
تم غصب عنك !
بدر مبتسم و في وجهه الغضب : ايه يبة هذا الصدق .. الموضوع صار غصب عني ..
سكت وطالع في المعازيم بيشوف من اللي يطالعه لقاهم لاهيين بالهذرة والسوالف و ثم قال لابوه وهو يبعد الابتسامة : عااااالاقل يبة
واسيني ..!! قول لي كلمة تطيب خاطري .. مو صار اللي انت تبيه وتدري مثل ماقلت غصب عني .. كله تهاوشني و تتكلم معي
كني عمري 10 سنوات ! حس فيني الله يخليك وخليني في حالي افكر في ورطتي مع هالبنت اللي وهقتني فيها ... اووقات احس اني
بقوم واعلن للجميع اني بوقف هالحفلة ومابي اتمم الموضوع لانك قاعد تزيدها علي وتضغط وتضغط ... طالعني وطالع حزني و زعلي
وحط نفسك مكاني وواسيني .. ولدك انا مو عدوك ..... !!!! حتى مافكرت بكون سعيد معاها ولا بندب حظي المخيس ! سكت و قال :
حط في بالك اني مو سعيد بالعكس نفسيتي تعبانة واتمنى الحين الارض تنشق وتبتلعني وترتاحون مني ...
طالع في ابوه بنظرات غضب و لف وجهه للناحية الثانية ...
ابوه يطالع فيه و ساااااكت قام اخذ له كاس موية و شربها كلها .. توترت اعصابه ب زياده لانه فعلا باع ولده بصفقة ثمنها ملايين ...

عند العروس ..

ابتسام : وينه ليش ماطلع ؟ مو ع اساس بيتصور معااي ؟؟؟
امها وهي تبخرها : مدري ي قلبي انا كلمت ابوك قبل شوي و قالي شوي ويطلع ...
ابتسام وهي تتأكد من مكياجها الثقيل و ممسكة بمرايتها : احس اني اليوم اجمل من الايام اللي طافت ..
عمتها تبي تفجر الضحكة ومسكت نفسها ...
طالعتها ابتسام مستغربة و قالت : وش فيك غصيتي ؟؟
عمتها وهي تحرك يدها ب ( لا ) : مافيني شي مافيني شي ..
وهي في الاصل كانت بتضحك ع شكل وجهها بالمكياج الاوفر و رسمة الحواجب الشيطانية الغريبة و
زاد حجم كبر جبهتها مع سحبة شعرها على ورا و حواجبها المبالغ فيهم و بشرتها السمرا و لون الروج الفاتح ...
يعني شكلها كان يضحك وهي شايفة انها جميلة ...

جا ابو محمد عند ابو بدر والعريس و سألهم مستغرب : هااا يالا متى بنعلن وقت الزفة ؟؟
بدر يتريق : مدري عنكم انتم اللي تقررون كل شي مو انا ..
ابو محمد ساكت ويناظر فيه وابو بدر قاله : وش فيك قوم يالا ...
جا خالد عند ابوه و بدر و قالهم : المصورة تنتظر من اول تقول انها فوق عند العروس ..
بدر من قهره ماعرف وش يقول مستحي يقول مابي اشوف العروس ولا ابي انزف معها .. بس قال : ومين طلب مصورة ؟؟ انا ماطلبت ؟
ابو محمد بهدوء : العروس تبي تصور معاك ..
بدر بصرامة : لا .. قولوا للمصورة ترجع بيتها .. ماني حق تصوير و حركات بنات صغار .. وقف من مكانه وراح الجهة الثانية و سحب
اخوه خالد معاه و كان يبرطم بكلام مايسمعه الا خالد : هذا اللي ناقصني .. عجوز وتبي تتصور .. جد ماتستحي على وجهها ..
ابو محمد يطالع في ابو بدر وهو يقول : وش فيه ولدك معصب .. ليه وش اللي صاير ؟؟؟
ابو بدر يرقع الموضوع : اعذره اعذره وانا اخوك تراه متوتر وقلقان مع اول يوم له من حياته الجديدة ..
ابو محمد يتأكد : يعني مافيه شي اكيد ؟؟
ابو بدر مبتسم : تططططططممممن .. ابد مافيه شي ...

قفلت ام محمد الاتصال و قالت للمصورة والعروس : العريس مايبي يتصور .. و يقولك خلاص ارجعي بيتك ...
وقربت منها تعتذر : جد جد اسفة حبيبتي ...

ابتسام استغربت وجات عند امها وهي تسحب الفستان : وش هوو ..؟؟
ومسكت بالمصورة وقالت انتظري ... وطالعت في امها وصارخت : ليش مايبي يتصور ؟؟ دقي على ابوي قوليله خليه يطلع يتصور معي
مثل ماباقي البنات في ملكتهم يتصورون ... حلال عليهم وحرام علي ؟؟؟
المصورة : اروح ولا ابقى _ سورية
ام محمد : خلاص روحي حبيبتي ... و هذا حسابك ..
ابتسام خنقتها العبرة وتطالع وهي ساكتة ..
امها : خلاص حبيبتي وش نسوي هو كذا يبي .. المهم انك تملكتي و الهم انزاح عن قلوبنا ..
ابتسام مقهورة : وش قصدك انزاح عن قلوبنا ؟؟؟
امها ترقع : ياااقلبي مو قصدي شي بس المعنى ان موضوعك تم و العريس صار لك فهمتي ؟؟
ابتسام تتنفس براحة ومبتسمة ...

خالد : وش فيك من يوم سحبتني وانت ساكت ماقلت شي ؟ بس تطالع هنا وهناك ..
بدر يطالعه و يقول : صدقني انا نفسي مدري وش اقول .. البنت هذي صارت زوجتي .. كيف بالله
بكون معاها وهي اكبر مني بسنين طويلة ... ماراح احس معاها بأي معنى من معاني الحب ولا اي ود ..
كله بنحاش منها .. انا متورط شلون بطلع اقابلها الحين عشان الزفة .. مو طايقها موووو طايقها ..
خالد يطالع فيه وهو حاس بمعاناته : صدقني ي بدر والله ان الشي هذا مضايقني بعد بس وش السواة
خلاص وقعتوا عالعقد انت وياها وصارت حرمتك .. يالا وانا اخوك .. توكل على الله و روحلها .. ينتظرونك فوق ..
وطالع جواله لقى امه تتصل فيه ..
رفع خالد الخط ... و رد على امه وبدر يراقب ..
شوي بعد ماقفل الاتصال قاله : امي تقولك يالا هي تنتظرك عند البوابة عشان تشوف عروستك ..
بدر وهو يمسح العرق من جبهته : والله ما استاهل والله العظيم انها ماتستاهلني مووو هي البنت اللي اتمناها .. ليييه مازوجوها لشايب كبرها ..
خالد يدخل الجوال بجيبه : صل عالنبي وانا اخوك واستهدي بالرحمن ... خلاص هذا النصيب .. قول الحمدلله لعل في هالموضوع
خير .. يمكن يتغير كل شي بعد الملكة ...
بدر بصوت عالي : ماااااا ظنيت ... لاحد يقول بيتغير كل شي .. ماراح يتغير دام الموضوع صار غصب عني ..
خالد يهدي فيه : خلاااص خلاااص اذكر الله ي بدر وش فيك .. اقولك .. بعد ماتتزوجها خله يمر شهر وسوي مشكلة معاها وطلقها .. هذا احسن حل ...
بدر ساكت ويطالع في خالد ..
ابتسم له خالد يواسيه ويقوله : يالا فديتك توكل على الله .. ومسك في يده عشان ياخذه للبوابة الثانية و طلب من الرياجيل يدقوا الطبول عشان يزفون بدر
لين البوابة ...

عند سارة و سعود :
مازالت المصورة تصور فيهم وهم في اتم السعادة و كل شوي صوت الزغاريد ترتفع ...
ونظرات سعود ماتفارق حبيبته سارة و حط خشمه فوق خشمها و هي شاقة الابتسامة وخذت لهم المصورة
هاللقطة .. و لقطة شقية ثانية و ظهورهم لاصقة في بعض ومسووين حركات بوجيههم ..
ولقطة رومنسية وهو ماسك خصرها ويبوس جبهتها ولقطة ثانية يبوس يدها .. قعدوا يتصوروا فوق النص ساعة وماملوا ابد ....

دخل بدر من البوابة وشاف امه و ام العروس ومجموووعة حريم نفس يوم الشوفة
متجمعين بشكل مزعععج .. سلم بدر على امه من يدها و فوق راسها وهي زعلانة حيل والزغاريد شغالة و شاف خواته و فتح يدينه عشان يضمهم و ركض عليه
ارتموا ع صدره .. انقهرت ام العروس ليش ماراح وسلم عليها غير هي جات لين
عنده عشان ينتبه لها ويسلم عليها .. هو منتبه لها و لكنه متعمد مايبي يسلم عليها مو طايقها بس شاف يدها يوم انمدت
وخواته ضامهم و سلم عليها بسرعة و وخر يده .. استغربت ليش ماباس يدها مثل مايسووا العرسان مع امهات عرايسهم ؟؟
لملمت ام العروس كرامتها اللي تناثرت تحت رجول العريس و رجول امه و سوت انها فرحانة ماتبي لحد انه ينتبه لها وهي
بهالموقف ... لكن مع الاسف الكثير من الحريم شافوا الموقف وقاعدين يتكلموا وينتقدوا ..
امه تهمس له وهي تمشي جنبه : زين ماسويت الحين ... و قليل ...
بدر ساكت مارد وتم يمشي وسط الدق والزغاريد والاغاني العالية .. والحريم حوله متغطين ..
قالت ام العروس : من هنا .. - تدله ع غرفة ابتسام ..
و بدر ساكت وممسك بيد امه و خواته وراهم ...
فتحت ام العروس باب غرفة ابتسام عن اخره وهي تقول : يا هلا ويامرحبا بالعريس اسفرت وانورت ..
بالمبارك ان شاء الله .. تفضل تفضل ...
دخلوا جميع والعريس كان بالواجهة و يوم شاف ابتسام تفاااااجأ !!!!!!
شاف التسريحة الكبيرة اللي كنها هرم و مكياج مايناسب لون بشرتها والفستان
الكموني المطرز بالترتر الازرق .. شي ابد مو حلوووووووو .. حتى امه و خواته يطالعون التحفة العجيبة اللي قدامهم ومو
مصدقين ان هذي بتكون عروسة بدر و زوجته مستقبلا ..
وعد قالت بعد فترة من الاستغراب وبكل براءة : ووووووووووع وش هالخياس ..؟؟
الحين هذي عروس ولا مهرج ؟؟؟
سادت لحظة صمت بعد كلام وعد و لاحظت ام محمد ان ام بدر لافة راسها الجهة الثانية و تضحك بدون ماتطلع صوت
و طالعت بدر لقته يطالع فيها ووجهه معفط و منقرف و متضايق و طالعت في ابتسام لقتها منصدمة من استغراب العريس واهله ,,
ام محمد طالعت في وعد وهي تبرطم بصوت واطي : قليلة ادب ماعرفوا اهلك يربونك ..
وعد تناظرها منقرفة و لفت راسها عالناحية الثانية ...
طالعت ابتسام في بدر وابتسمت له تبيه يدر عطفه عليها لكنه بلع ريقه وقال لامه : بلغيهم يزفونا الحين راسي يوجعني بروح ارتاح ..
ام بدر وهي تطالع ام محمد والعروس : من عيوني حبيبي الحين ابلغهم ...
ام العروس متضايقة ومقهورة : وقفي مكانك ي ام بدر .. انا راعية البيت وانا اللي ابلغ مهوب انتي .. خليكي جنب ولدك ...
و طلعت من غرفة ابتسام ..
مشى بدر صوب العروس ووقف جنبها و قال لامه : يمة شوفي اذا تغطوا الحريم علميني ...
طالعت في العروس نظرات حقد قوية وقالت بعنف : ان شاء الله .. الله يصبرني على هالبلوى ... وقالت لبناتها : امشوا معي انتوا بعد ...
تموا ابتسام وبدر لحالهم في الغرفة ينتظرون اعلان الزفة ..
طالعت فيه ابتسام تبيه يعبرها ولا يقولها شي .. بس سااااااكت ويطالع في الارض يعد الدقايق والثواني عشان هالحفلة الكئيبة تخلص ..
ترددت تكلمه وخايفة من ردة فعله .. بس قررت تسأله وهي خايفة : ليه ماتطالعني ؟ حتى يدي مو ممسكها ؟
طالع بطرف عينه مستغرب و هو يقول : ولك عين بعد .؟ ماشالله جريئة ...
قالت وهي مختنقة : حتى ماقلتلي مبروك .. ما سألتني كيفك ؟؟
قال بكل برود بدون مايطالع فيها : يضرك يعني لو ما سألت ؟؟
ردت و الدموع متحجرة في عيونها : لا .. ابد مايضر .. بالعكس حركاتك الغامضة هذي محفزة لي ... وضحكت تتشمت بنفسها : ههههه
طالع فيها منقرف و سأل ببرود : وش تقصدين ؟
قالت وهي تاخذ الورد بقوة من فوق السرير : ماقصدت شي ...
رد ببرود اكثر : احسن ..
سكت و ثم قال : يكون في العلم ي بنت الناس ... انا بكون زوجك على سنة الله ورسوله وقدام الله وخلايقه .. لكن حطي ببالك ..
مافيه اي شي يجمعني فيك ... زوجة في العقد فقط ..
طالعت فيه وهي تفتح عيونها منصدمة وقالت : نععععم ؟
قالها : من قال نعم سمع ..
قالت ومازالت منصدمة : و كيف هذا ؟؟ وليه هالحفلة وليه كل هاللي صرفناه و ليه هالعزايم وليه وليه وليه .. دام كذا ليه خطبتني ..؟؟
بتاخذني تحفة في بيتك ؟؟
قال : شي من هالقبيل ...
صارخت : لييييه خطبتني ..
رد ببرود : هذا النصيب للاسف .. - ( غطى على رغبة ابوه بالزواج منها عشان لايخرب عليه كسب الصفقة ) ثم التفت عليها وتروع مرة
ثانية من منظر حواجبها والمكياج وقال : اسمعيني زين وحطي كلامي حلق في اذونك .. تبين تخربين ع نفسك تكلمي بكلمة وحدة قدام
اهلك ورب العباد لا اتركك معلقة مثل ما انتي .. و اروح اتزوج بنت من اختياري واصغر منك .. فهمتي ..
قالت ودمعتها تطيح : ليش قبلت فيني زوجتك دام بتسوي معاي كذا ؟؟
قالها ببرود اكثر : هذي رغبة ابوك ... و بيتحمل النتايج ... وطالع فيها مرة ثانية و رافع اصبعه : ياويلك .. ياااااويلك ي ابتسام تتكلمين بحرف
واحد .. بتخسرين نفسك للابد ... -------( هو يبيها تسكت خايف ع ابوه مايكسب الصفقة ولا هو ماهمه شي لو طلقها في لحظتها محد يقدر يحاسبه )
دخلت امها و شافت بدر رافع اصبعه ناحيتة ابتسام .. كانت تبي تبلغهم ان اغنية الزفة الحين بتشتغل ف قالت مستغربة وهي تطالع يد بدر : وش السالفة ؟
بدر يطالع فيها باحتقار ..
ابتسام ردت وهي تصطنع الابتسامة : مافي شي .. مافي شي يمة .. نقاش عادي .. نقاش بيني وبين زوجي .. وطالعت فيه كنها تقول كذا حلو ؟
قالت ابتسام كذا متعمدة عشان يرق قلب بدر من ناحيتها لكن بدر مازال في حال مايسر لا عدو ولا صديق ...
ام ابتسام تطمنت ثم قالت : طيب .. يالا تعالوا برا عشان تستعدون بنزفكم الحين ...
مشى بدر قبل ابتسام وطلع برا الغرفة و لحقته ابتسام وهي تطالع فيه وعيونها كلها دموع ..
استغربت ام العروس تصرف بدر و تمنت لو انها تنهي الحفل لين هنا لانها تعرضت هي و بنتها لاهانات و تجريح بما فيه الكفاية من ام العريس وبناتها والعريس نفسه ...
دقت ام العروس على حقت الدي جي عشان تشغل الموسيقى الخاصة بطلة العريس والعروس ..
بعد ثواني شغلت البنت اللي ماسكة الدي جي موسيقى خاصة بالحفلات مستوحاة من اغنية جورج مايكل المشهورة careless whisper
وقفلوا الانوار مع تشغيل الموسيقى و سلطوا ضوء ساطع صوب المكان اللي حيطلعوا منه العريس و العروس ...
في هذي اللحظات وقف بدر عند البوابة اللي راح يدخلون منها لقاعة الحفل و وصلت ابتسام وهي رافعة الفستان و تمشي بسرعة و الحريم كلهم داخل ينتظرون ..
قربت ام العروس من بدر وقالت له مستنكرة : ليش مامسكت يدها ؟؟ منقرف ؟؟
طالع فيها وهو رافع حاجب ومنزل الثاني وفاتح عيونه عن اخرهم و مبين من هالنظرة المتفحصة يسألها انتي وش دخلك ... وجابها بنظراته فوق وتحت ..
لين ارتاعت ام محمد من هالنظرة المفجعة من عيونه الكبيرة و بعدت عشان تفتح لهم البوابة ...
وصلوا لين نص الموسيقى و طلعت موسيقى ملكية كلها طبول و مزامير عالية معاها زغاريد احترافية تشبه زغاريد المصريات ...
بسسسرعة مسك بدر يد ابتسام واصطنع ابتسامة و البوابة تنفتح .. تفاجأت ابتسام وطالعت .. مو مصدقة يدها في يده ..
اطلقوا دخان ملون مع الظلام الحالك و اضواء الليزر و الضوء متسلط على العروسين ...
صفقوا جميع المعازيم و صارخوا ...
دخلوا العروسين وماشيين بطيء و جات ام بدر جنب ولدها و تصفق له بدون اي ابتسامة في وجهها ... وكانت تطالع عروسته بحقد
و تخص بالنظرات لامها اللي مخططة انها تنتقم منها بس ماتدري كيف ...
وهم ماشيين الشغاالات في القاعة ينثرون الورد الابيض و الاحمر و الوردي ... لين مشوا ربع الصالة ...
شوي قفلت الدي جي الزفة الملكية ووراها فورا اهازيج ولا اروع : اللهم صلي على نبينا محمد ... و بعدها قصيدة ابيات شعرية
فيها اسم ابتسام وبدر ... انقهر بدر في داخله ليش يدمجون اسمه مع اسم هذي البنت ..
تموا ماشيين لين وصلوا نص الصالة ...
جات وحدة من عمات العروس و همست للعروسين ان حقت الدي جي بتشغل موسيقى رومنسية و طلبت من العريس : انت بتمسك
خصرها وهي بتمسك كتوفك و بتدورون شوي يعني لمدة دقيقتين .. وبعدها بنشغل اغنية اجنبية وتحركون كذا حركات تحمس ..
العريس طالعها وقالها : من جدك انتي ؟؟ تبيني اسوي معاها مثل الافلام ؟؟
ابتسمت عمة العروس وقالت : وش فيها مو حلالك ؟ مو زوجتك ع سنة الله ورسوله .؟؟ ارقصوا شوي مافيها شي بس دقيقتين ..
تضايق العريس بس عشان مايفشل نفسه قدام المعازيم وافق انه يراقصها ..
بسرعة راحت عمة العروس وهي تأشر لحقت الدي جي تشغل اي موسيقى رومنسية .. و شغلت بسرعة ..
قام بدر حط يده في طرف خصرها يعني قدام بطنها شوي .. وهي مسكت كتوفه مترددة .. مايبي يطالع وجهها وتم يبتسم لخواته اللي متحمسين مع
هالمنظر واخيرا شافوا هالرقصة قدام عيونهم .. بس للاأسف مع وحدة شيفة عجوز ..على حسب تعبيرهم ..
غير امهم تأشر لهم يوقفون ورا ماتبي يشوفون مناظر كذا .. و قعد يرقص بهدوء ويدور وهي تدور وتطالع في وجهه وهو يطالع يمين ويسار مايبي
يشوف وجهها ... وتوهق بدر قاعد يفكر شلون يرقصون الناس عالاغاني الاجنبية .. ياوهقته وهقااه بيتفشل اكثر واكثر .. كافي عروسته مفشلته
بمنظرها المهرجي ... مرت 3 دقايق و اندمجت اغنية ماريا كاري my all remix .. تحمس بدر مع الاغنية و ترك عروسته و بسرعة راح صوب خواته وجابهم عنده
على ساحة الزفة و قعدوا يرقصوا معاه رقص اجنبي حركات عشوائية باليدين والخصر والناس يصفقون و يزغردون و مسك عروسته بس عشان لاحد يتكلم
عليه و دخلها معاهم عشان ترقص مع خواته معاه هو لا .. و قعدت ترقص معاهم شوي و بعدت .. وجا هو عند البنات وشغال طق رقبة وهز كتوف
عالاغنية الاجنبية هذي عند وصلة فيها بوب ضخم و فاتح البشت و يضحك بحماس مع خواته و عروسته تطالع فيه مبتسمة لكنها حزيييينة ... و دمجت حقت
الدي جي اغنية Beatfreakz - Somebody Watching Me روووووعة جدا و ترقص ,, وكل اللي في القاعة قامو يرقصون بالرغم من العبايات ...
حتى امه جات للساحة واكتشف بدر مهاراتها الاحترافية في الرقص وكانت رووووعة و مسك خصر امه وقعد يرقصها .. و مازالت ابتسام ترقص لحالها غير
دخلوا عماتها عشان يرقصونها ... همس بدر في اذن امه تخلي خالد يدخل يشاركه .. وااافقت فورا و اتصلت عليه و مافيه دقايق الا ام بدر ماسكة بيد
خالد وتقوله بدر يبيك ترقص معاه .. خالد مستغرب وش خلاه يتحمس ...
قالتله هو يقول مايبي الناس تلاحظ زعله و يبي يرقص مع خواته مو مع عروسته ..
قعدت عروسته فوق الكوشة ومتغطية بمسفع ...
وطلب خالد يشغلون اغنية احبه كلش ل وليد الشامي بما ان حنين موجودة في القاعة والاغنية موجهة خصيصا لها وشغلتها راعية الدي جي ..
و تلطم خالد ومع اخوه صاروا يتنكسون وخواته يدورون حولهم ..
خقوا نص القاعة على خالد شافوه يرقص باحتراف و امه تقرا عليه من بعيد اية الكرسي والمعوذات خايفة عليه من العين ..
حنين انههههبلت عليه و قلبها طار صوبه وتلثمت بطرحتها عشان امه لاتنتبه لها وقربت صوب الساحة الخاصة بالزفة وعيونها ناحية خالد ..
انتبه لها خالد لانه يعرف العيون هذي شافها هذاك اليوم في بيت بسيط و رايق .. وانبسط اكثر ويدعي ربه يرقص معاها في اجمل ليالي يتمنوها اثنينهم ...
قعد هو و بدر يدقون رقبتهم وتموا يرقصون لين تعب خالد واستأذن من اخوه انه بيرجع عند الرياجيل .. و لمن بغى يطلع من القاعة مر من جنب حنين و بسسسرعة سألها : شخبارك ؟؟
استحت حيل وقالت : بخييير ي مال الخير .. شخبارك انت ؟ رد وهو ماشي : بخير بشوفتك .... :$
حمرت خدودها وتمت واقفة تشوفه وهو ماشي لين طلع من القاعة ..
جلس العريس جنب عروسته بدون مايكلمها بشي ..
قالتله هي تمدحه ممكن مع المدح يعطيها وجه : رقصك روعة ..
قالها ببرود : لاتحاولين معي .. فاهم وش تبين انتي ..
طالعته بنظرات مالها تعبير و سكتت ..
طلعوا الحريم كلهم عشان يسلمون عليها ويباركون لها ..
بعد 10 دقايق قال بدر لامه : انتهت مهمتي هالليلة .. خلاص ابرجع البيت ابي انام راسي جد يوجعني ..
ام بدر وهي تطالع في ابتسام بحقد : اسم الله عليك من كل شر جعلهم في عدوينك وحسادك ان شاء الله .. يالا مشينا ...
جات ام محمد وقالت له : على وين ؟؟؟
طالع فيها ساكت غير ردت امه قالت : وليش تسألين ؟؟ نسينا ناخذ اذنك ؟؟
قالت : لا ما اقصد .. بس لسة بدري الساعة 1 .. ماتعشيتوا ؟
بدر ببرود : بكرة عندي شغل .. يالا مع السلامة .. يالا يمة قولي لخواتي بنمشي البيت ...
قالت يالا الحين اكلمهم انت اطلع جهز السيارة وانا بدق على ابوك وخالد ..

شوي كذا قالت ام بدر لبناتها اللي كانوا جالسين مع صديقاتهم : يالا خلاص بنمشي ..
شروق : بدري يمة ليش الحين نمشي ؟؟
ام بدر معصبة : لمن اقول انا شي لاتردين ولاتعترضين .. مفهوم ؟
شروق : اعتذر ..
طالعت في صديقاتها وقالتلهم : هذي اخر مرة تجتمعون فيها مع بعض .. فهمتوا انتوا بعد ؟
طالعوا فيها مستغربين وماردوا عليها بس مستنكرين تصرفاتها الغريبة ...
راحت ام بدر من عندهم و قالت شروق للبنات .. مين يوصلكم لبيوتكم ..؟؟
حنين ونورة ماعندهم احد يوصلهم اما بقية البنات اخوانهم واهلهم موجودين ...

شوي دقت شروق على خالد وقالتله ان حنين ونورة ماعندهم احد يوصلهم ..
خالد هنا حس باحساس الفزعة وقال : اججججل قدااااام ... قوليلهم انا برا انتظرهم ..
شروق خايفة : طيب وامي ؟؟
خالد : ماااااااعليك مليون تصريفة اصرفها ... يالا انا برا ..

ابتسام تطالع المعازيم وحاسة بدوخة وقهر ومصدعة مرررا .. ماتوقعت انها تتزوج واحد جاحدها ومو معبرها بالمرة ,,, كل مرة
تحس تبي تفضفض لامها تتذكر تهديده لها وتتراجع فورا .. كم مرة تحاول انها تكسبه وماتقدر مو معطيها مجال ابدا ,,,, حتى ماسلم عليها ولا طالعها قبل
لايمشي البيت ....
ماتصور معاها ولا سلم عليها ولا قطع كيك معاها رغم ان كل سي مجهزينه ... بس بدر مايبي كل هذا لان
البنت مو من اختياره ..

تابعوا المزيد من التشويق والحماس في الجزء المقبل ..

__DEFINE_LIKE_SHARE__

-- ( الجزء التاسع ) --

مر من الوقت 3 ساعات

تعشوا المعازيم و رجعوا للقاعة بانتظار زفة سارة و سعود ..

دخلت ام عبدالله عند سارة .. وكانت مروج و ليان و بقية الشلة جالسين معاها ...
ام عبد الله وهي مرتبكة : بسسسسرعة ي بنات وين السي دي اللي جهزتوه للزفة ؟؟؟
مروج : معي معي ي خالة لاتهتمين ..
ام عبدالله : يااالا طيب هاتيه نرسله مع عبدالله ياخذه للرجال عشان يشغله من عنده ..
وانتم يابنات العريس داخل يالا تغطوا وانزلوا للقاعة تحت و كلموا الشغالات يجهزوا المكان ...
بسرعة قاموا البنات من مكانهم و خذوا عباياتهم ...
سارة ساكتة وتفكر في سعود ماتوقعت تطيح في حبه فورا ...
امها شافتها بالها منشغل وسألتها : هاااا يا بنيتي وش فيتس ... وراتس ساكتة ماتتكلمين ؟
طالعت سارة في امها وابتسمت وقالت بهدوء : مافيني شي يمة بس كذا قلقانة من الزفة .. اخاف اطيح ولا شي ...
قالتلها امها : لا حبيبتي ماراح تطيحين .. عريسك جنبك بيمسكك .. يالا الحين بتصل على سعود يجي و تستعدون للزفة ..
و طلعت بسرعة وتركتها في الغرفة لحالها ...

بعد 10 دقايق اندق الباب ...
سارة وهي قدام المرايا : ادخلي مفتوح ..
سمعت صوت حنون يقول : قمممر تهبلين .. مايحتاج تتأكدين ..
طالعت و هي متفاجأة منه ولقت سعود واقف عند الباب .. ثم ابتسمت وجات عنده و مسك يدينها و باسهم .. دخلت امها من وراهم
وقالت وهي مبتسمة : ياعسى الله الكريم انه يسعدكم كذا على طول ...
الاثنين : امين يارب ..
سعود وهو يناظر في عروسته : عمتي انا حبيت بنيتك ...
امها مستانسة : يسسعدك ربي معاها ولايحرمكم من بعض ...
سعود : ان شاء الله يارب .. يارب قدرني واسعد هالانسانة ...
سارة شاقة الابتسامة وتطالع فيه وهي ساكتة ..

بعد شوي جا لام عبدالله اتصال وردت .. قفلت بعد ماردت وقالت : بسسرعة بسسسرعة عند الباااب ..
الزفة بتبدأ الحين ... انتبهوا ترا البوابة تشتغل بالريموت ... اول ماتقربون من الباب راح اأشرلهم يشغلون لكم الاغاني ...

مسك سعود يد سارة و قالها يالا تعالي ...
سمعوا الاثنين صوت المطربة تقول يا بنات الزفة العريس بيدخل .. تغطوا الله يسعدكم ...
وقفوا عند الباب و انفاسهم تتلاحق ويطالعون في بعض ويطمنون انفسهم بنظراتهم الدافية و يد سعود تشد ع يد عروسته ...
ام عبد الله قالت يالا دقيقة وانا تحت بستقبلكم من قدام البوابة ...
نزلت امها بسرعة لين تحت و هي تنزل اشرت للمطربة انها تكلمهم يشغلون الاغاني حقت الزفة ...
والناس تترقب طلة العروسين اشتغلت اهازيج عالية و ناعمة ( اللهم صلي على نبينا محمد لرمزي عطية ) ....
حست سارة و هي تسمع هالاهازيج انها فعلا راح تنزف بعد شوي وتستعد .. تطالع في سعود
وهي تضحك من قلبها وهو يضحك والباب مقفل عليهم ...
والناس تطالع في الباب والضوء متسلط عليه و الانوار تحت مقفلة في القاعة ...
جا فاصل في النشيد اهازيج انجليزية و اصوات زغاريد الحريم تحت وام عبدالله تطالع ناحية الباب تبي تشوف بنتها وهي
تطل مع عريسها ... وجات ام حسن ( ام العريس ) جنبها وقفت ومسكوا بيدين بعض كلن بتشوف فلذة كبدها ...

الا البوابة تنفتح شوي شوي لمن وطي صوت الاهازيج وارتفعت نغمة روووعة ( موسيقى طلي بالابيض ) والبوابة تنفتح
شوي شوي والحريم يصارخون متحمسين ...
لين ظهر العريس وهو يطلع و ماسك بيد عروسته و لاتشوفون سارة بهالحالة والناس تحت يشوفونها ممسكة بيد عريسها ..
طااااحت دمعتها فووووورا و تناظر في سعود وهم يقربون ناحية الدرج ... وقفوا شوي وهو يبوس يدها ويهمس لها ( لا تبكين ترا ببكي معك ) ..
ضحكت ودمعتها وسط خدها وشافت امها اللي رفعت يدها هي وام العريس يرحبون فيهم والاثنين رحبوا فيهم من مكانهم ..
ويطالعون في الناس والمعازيم ..
قالتله سارة بأذنه ويالله يسمعها : الاغاني وهذي الموسيقى كلها اختيار مروج صديقتي ...
اذا ماعجبتك بوريها الويل ...
طالع فيها وقال : باااااالعكس روووعة ...
و تموا واقفين بمكانهم ويطالعون الناس والناس مستانسين ع شكلهم لايقين حيل ع بعض ..
رخوا موسيقى طلي بالابيض ... وارتفعت صوت زغاريد مع صوت العصافير وامواج البحر و العريس يطالع فيها و ميت فرح ...
قالها بسرعة قبل لا تبدأ : هذي اهداء اخوانك لك ..
مافهمت ...
الا تسمع صوت

الف الصلاااة والسلام عليــــــــــــــــــــك ياااااا حبيب الله محمد
الكورال : اقبلت العرايس .. اقبلت والنور معهااا .. اقبلت والنور معهاااااا

منى امارشا : اقبلت احلا العرايس ... اقبلت والنور معهااااا ... اقبلت والنور معهااااااااا ,,,

حسين الجسمي : اقبلت احلا العرايس والنور معهااااا ... اقبلت والنور معهاااااا ,,
الكورال : اقبلت احلا العرايس .. اقبلت و النور معهااااااا ...
منى امارشا : اقبلت احلاا العرايس ... اقبلت والنور معهاااا .. اقبلت والنور معهااااا ..
حسين الجسمي : اقبلت احلا العرايس ..اقبلت والنور معهااااا ... اقبلت والنور معهاااااا ...
الكورال : اقبلت احلا العرايس .. اقبلت والنور معهااا ... اقبلت والنور معهااا ...

سارة هنا شقت الابتساااامة بقوووة وتطالع في العريس منصدمممممة وهو فهم ليش انصدمت ... لان اخوانها في الصباح
زفوها ع هذي الاغنية و طاحت دمعتها مرة ثانية .. احححححلا لحظة في حيااتها و كنه حلم وهو حقيقة ...

منى امارشا : حسنها در النفايس .. كنها شيخة زمنها .. كنها شيخة زمنهااااااا
حسين الجسمي : آآآآآآآه حسنها در النفايس .. كنها شيخة زمنهااا .. كنها شيخة زمنهااااا ..
منى امارشا : بقدرة الله محروسة .. ياااا احلا عروسة يااااااااا احلا عرووووسة قدرة الله محروسة .. ياااا احلا عروسة يااااااااا احلا عرووووسة و لا إله الا الله ...
حسين الجسمي : الف الصلاة على محمد ,,
منى امارشا : لا اله الا الله ..
حسين الجسمي : الف الصلاة على محمد
الكورال : لا إله الا الله ...
حسين الجسمي : الف الصلاة على محمد ..

منى : اقبلت .... احلا العرايس ... اقبلت ... والنور معهاااا ...
الكورال : اقبلت احلا العرايس ... اقبلت و النور معهاااا ...
منى امارشا : حسنهاا در النفايس .. كنها شيخة زمنها ...
الكورال : اقبلت احلا العرايس .. اقبلت والنور معهاااا ...
منى امارشا : لا اله الا الله ...
الكورال : الف الصلاة على محمد ...

ارتخى الصوت شوي شوي و ارتفعت اغنية تايتانيك بالعربي ( ديانا كرازون ) ...
و ابتسم سعود وطالع في عروسته وقال : يالا نرقص هنا والكاميرات شغالة ...
طالعت فيه وقالت : ماعرف ارقص ...
قالها : بس كذا نلف وانا ممسك خصرك عادي .. تراها سهلة مهيب ذيك الصعوبة ... واسمعي الكلمات وانتي تناظرين عيوني ..
ابتسمت موافقة و حطت يدينها ع كتوفه و صارت تطالع عيونه ...

كل ليلة في حلمي ...
بشوفك .. في خيالي ...
كل مكان ... يرجعني لذكرى ....
ليه تبعد عني ... و تسيبني .. ليالي ..
ارجع تاني عشاني ...
فاكراااااك ...
قريب .. وبعيييييييد ...
ليييييييه غبت هناك ...
دانتا معايا والبى معااااااااااك ... على طووول ...
البين ... دايبييييين ...
ولا شي عنك يبعدني ..
والايام بتدوبني ... و ليييييه اناااااااا لييييلي يطووووووووول ...

عاشت سااارة هذي الكلمات وتطالع في سعود وقلبها يتعلق فيه اكثر واكثر وهي تشوفه مبتسم
لها ويدور معاها والمعازيم رافعين اياديهم ويحركونها بهدوووووووء والكاميرات تشتغل فلاشاتها ...

كل ماتبعد عني ...
ترجع لي في احلااامي ...
كل ماغمض عيني ... القاااااااااك ....
حبك ساااكن البي ...
و انا بنسى ايااامي ..
اااااه لو تعرف حبي ...
عااااشقاااااااك ...

قريب و بعييييييد ..
ليه غبت هناك ...
دانتا معايا .. والبي معاااااك .. على طووووول ..
البين .. دايبين ... و لا شي عنك يبعدني ..
والايام بتدوبني ...
و ليه .. اناااا ليييييييييييلي يطوووووووووول ...

لييييييييييييييييييييييههههه الفرااااااااق ...
واااااااه من الفراااق ..
انتا معايا والبي معاااك على طوووووووول ...
لييييه الفرااق .. واااااااااه من الفراااااق ..
وحدة صعبة و ليل وغربة ...
غبت ليه ... البعااااااد نااااااااااار و لييييييييه ..

وعند نهاية الاغنية يوم قالت حبييبييي ..
حملها من خصرها لفوق وقعد يدوووووور فيها وهي تصاااارخ و فرحاااانة ..
وحضنها بعد مانزلها ومستمر يدوووور فيها .. والناس تصااااارخ مستانسين من اللي يشووفونه ...
وبسرعة اشتغلت اغنية وش جاه .. تررررقص و رهيبة وتحبها سارة كثيررر ...
ولقت نفسها رافعة يدينها وتتنكس باحتراف وسعود فورا اندمج معاها وامها وامه تحت يطالعونه
و ميتين عليهم ...
مسكها من يدينها و يراقصها و وقف وراها وممسك خصرها وهي قدامه تتنكس وترحب في الناس قدامها و توزع عليهم بوساتها
و كملت مع عريسها رقص لين ارتخى صوت الاغنية واشتغلت اغنية اجنبية من اختيار مروج اسمها
were do you go
ترقص تررررقص تحممممس .. وصارت سارة ترقص مع سعود حركات عشوائية بس مرتبة وهو بعد يصفق لها وهي ترقص
و تتدلع قدامه وناسية نفسها قدام الناس بس مانست نفسها قدام سعود اللي ملك قلبها وعقلها ..
و صار يمسك بيدها و يدور فيها ويسحبها لها و يفلتها على قدام و يسحبها قدامه و يرفعها ويدوووور فيها ..
وهم يرقصون اشرت لهم ام عبدالله انهم بينزلون الحين على الكوشة و طلبت من المصورة توقف قدام الدرج و مجهزين سلات الورود
عند الكوشة ...
مسكها سعود من يدها وهي رجعت مسكت العصا اللي فيها الورد .. و قربوا من الدرج ...
وشغلوا ( احلا زفة 2010 ) .. قديمة الزفة بس روووووووووووووووووووووعةة ...

(زفة ملكية راقية و خاصة لطلة العروس ...
زغاريد مع كلمة الف الصلاة والسلام عليك ياحبيب الله محمد ... )
قديمة الزفة بس روووووووووووووووووووووعةة ...

وهي ممسكة بيد سعود ويطالعون بالمصورة ويبتسمون و يرحبون فيها عشان تصورهم ...
و الشغالات يساعدونها عشان تقدر تنزل الدرج لان الفستان كبير من تحت وماتشوف الدرج بسبب كبره عشان
كذا لازم يساعدونها ...

تمت الزغاريد شغالة مع الموسيقى لين نزلوا من الدرج و بعدها
اشتغلت اغنية منى امارشا : يايمة حبيته ...
تموا واقفين ام العريس جنب ولدها وام العروس جنب بنتها وكل وحدة المبخرة بيدها والبنات ينثرون عليهم الورد
والمصورة تصورهم ..
طلبت المصورة من سارة انها ترقص عالاغنية حركات خفيفة و العريس يرقص معاها شوي ...
تمت ترقص شوي لين ارتخى صوت الاغنية وشغلوا اغنية امان ( ميريم فارس )
اغنية دارجة هاليومين والناس كلها تحبها ...
و قعدوا الناس يرقصون عليها حولهم ... و سارة وسعود بس كذا يدقون رقبة ويطالعون حولهم
ويوزعون الابتسامات لين شافت مروج قربت منها و تهمس لها ( الكيكة بتقطعونها على الكوشة ومجهزين الاغنية لها يالا استعجلوا ..)
وهي ترقص اشرت لها بالموافقة ...
طالعت الكوشة وشافت الكيكة وتفااااااااااااااااجأت ....
كيكة ع شكل عروسة لااابسة نفس فستان الملكة اللي هي لابسته ...
و العريس واقف ورا العروسة .. طالعت وعشان الكاميرا متسلطة عليها ماقدرت تطلع ردة فعلها
عشان لا تتفشل لمن تشوف الفيديو بعدين ... طالعت في عريسها ولقته يطالعها ومبتسم لها ...
ابتسمت له وهي تاخذ نفس طويل وتطلعه متحمسة ...
في اثناءها شغلوا موسيقى ريميكس لام كلثوم ( انت عمري ) عشان تمشي لين الكوشة مع عريسها ...
10 دقايق من نهاية الدرج لين وصلت الكوشة مع عريسها والتصوير شغال و الحريم ينثرون عليها الورد ...
و وصلوا لين الكيكة الكبيرة ... وقفت مع عريسها جنب الكيكة عشان يتصورون مع بعض بنفس الوقفة
اللي مسويينها في الكيكة وقفوا سعود وسارة ...

بسرعة جابت ليان السيف الكبير عشان يقطعون الكيكة مع بعض ... وولعت الشموع اللي تنثر شرار عالي يوصل للسقف ...
و شغلوا اغنية ريميكس اجنبية ... و جابوا كراتين كلها بلالين منفوخة بغاز الهيليوم ...
و عطت السيف للعريس لانه ثقيل ع سارة و مسكت معاه ... قربت المصورة عشان تصورهم وهم يقطعونها مع بعض ...
و لمن قطعوها جات المشرفة اللي تشرف على القاعة و قطعت شوي من الكيكة و عطت شوكة لسعود و شوكة لسارة
وطلبت منهم كلن يأكل الثاني ...
نفذوا طلبها مع التصوير ... و المرة الثانية .. شوكة لحالها في يد العريس وطلبت منهم المشرفة الاثنين يخلصونها بقضمة ..
و سووها وصورت الفيديو لهاللقطة ... و الشموع تنثر شرارها ,,,

شوي كذا طلبت سارة من امها انهم يدخلون ابوها و اخوانها عبدالله وماجد تبيهم يشوفونها وهي عالكوشة ...
مرت 5 دقايق وشغلوا اغنية سامري ( يارايحين الحرم ) عشان اخوان العروس يرقصون ....
و لين دخلوا مع ابوهم اللي ممسك بالعكاز الاغنية تاخذ دقيقتين لين يبدأ الطرب فيها ...
باست سارة راس ابوها و راس امها و عريسها باس راسهم وسلم على اخوانها وهي بدت ترقص معاهم كلهم و عريسها
ممسك بيدها واخوانها تلطموا بغترهم و يرقصون سامري وكلن ممسك بعصا و المعازيم كلهم يصارخون و يشجعونهم
وسارة تحممممست لهم مرة و عجبها الوضع لانها كانت تشوف العرايس يرقصون مع اخوانهم ماتوقعت
في يوم ان الشي نفسه يتحقق معها ...
وقفوا كلهم جنب بعض والعصي فوق كتوفهم و يرقصون مع الطرب يشبه الرقص الجيزاني ...

تصوروا كلهم مع بعض و خلصوا رقص وكل شي و جلس العروسين على الكراسي المجهزة لهم ...
و صارت المطربة هنا تغني مع الطقاقات ... والحريم حولهم قاعدين .. قام العريس طلب من سارة تقوم لحالها ترقص مع اخوانها ..
مامنعت بالعكس هي تبي من اول ترقص معاهم بس عشان ابوها مستحية منه لكن لمن راح عند الرياجيل
خذت راحتها لانها تستحي قدام ابوها تصير جريئة ...

مرت الليلة كلها روووووووعة وقصة جميلة بالنسبة لسارة و سعود و بدت حياتها الجديدة مع طلة سعود
و طاحت في حبه فورا من اول نظرة ع قولتهم ...

و انتهت الحفلة على خير ....

في ناحية ثانية

ابتسام ع سريرها و و دافنة راسها بمخدتها و تبكي ...

و ناحية ثانية ...

بدر جالس ع سريره و يفكر في مصيره مع هالبنت اللي ارتبط فيها غصب عنه ...

و قريب منه شوي ..

خالد يفكر في طريقة اللي يرتبط فيها ب حنين بس مايدري كيف ... خايف من امه تعترض طريقه وتخرب عليه
مثل ماهي مخربة ع خواته ومو تاركتهم ع راحتهم ...

شروق و وفاء قاعدين بغرفتهم ويفكرون في اللي صار بفيلا ابو محمد من امهم ومن ام العريس و من موقف
امهم مع صديقاتهم ...

ابو ابراهيم مستانس ان ولده ارتبط ب بنت ابو محمد عشان يتحصل ع صفقة العمر ...

و من جدة للرياض ..

ببيت ابو عبدالله ...

سالم منسدح على سريره ويفكر كيف يحصل على عنوان اخوه ابراهيم ... اشتاق له حيل رغم اللي سواه اخوه فيه
وحرمه من الميراث الشرعي حقه ...
وعبدالله وماجد في سابع نومة تعبوا من الصباح لليل وهم واقفين على رجولهم ...
و سارة على سريرها متمددة و تقلب بصورها هي وسعود في جوالها ... لين غفت عينها و راحت في النوم ...

بعد يومين ,,,,

فتحت ام عبدالله الباب و رحبت في سعود اللي كان بيده باقة ورد وعلبة كبيرة شوي و
علبة سي دي مع علب شكلها روعةة ...

رحبت فيه ترحيب حار و طلبت انه يدخل المجلس ...
شوي جات سارة وهي لابسة جينز وردي و بدي اسود صوفي اكمامه طويلة وياقة تغطي الرقبة
وتاركة شعرها مفرود و خصل من قدام لامتهم على ورا بالشباصة ..
ومكياج وردي خفيف ... سلمت على خطيبها وهي طايرة فيه و امه جالسة وتطالعهم .. عطى سارة باقة الورد
وقالها : هذي لك يارب تعجبك ...
خذتها وهي مبتسمة ...
امها : وليه ي وليدي هالكلافة حنا مانبي الا شوفتك ...
ابتسم وطالع ام عبدالله وقالها : عمتي ... عند سارة مافيه شي يغلا عليها .. وطالع فيها ومسك يدها ...
قالتله ام عبدالله : يارب يسعدكم ي وليدي ويسخركم لبعض ... انا بقوم اسوي القهوة .. ماني مطولة ..
و طلعت من الغرفة ...
طالعها سعود وهي تطلع من الغرفة ومسك يد سارة ويبوس فيها ورا بعض ويقول : اشتقتتتت لك اشتتتقت لك ي بنت ...
ساارة وهي تضحك : بسسس بسسس لايقفطوني اخواني معاك وحنا كذا ...
سعود مستغرب : حلااالي ... انتي زوجتي .. مايقدرون يكلمونك حرف ..
سارة : موو كذا .. انا استحي يشوفوني معاك قاعد تبوس يدي وش بيفكرون عني ...؟
ابتسم وترك يدها و قال : مو مشكلة عيوني .. اسمعي .. عندك لاب توب ؟
سارة مستغربة : ايه عندي ...
قالها : حلللووووو ... يالا روحي جيبيه .. جبت معي فيديو زفتنا انا وانتي ... حابة تشوفيه ؟؟
فتحت سارة عيونها وفمها مستانسسسة : جججججد ؟؟؟ اكيد بشوووفه .. الحين اقوم اجيب اللاب توب ...
وطارت ناحية غرفتها ...
دخلوا عبدالله وماجد لمن سألوا سارة ان سعود موجود ... و سلموا على بعض وقالهم بتشوفون
زفتي انا وسارة شرايكم ...؟؟
ماجد : ايييه اكيد .. حنا طالعين في المقطع ؟؟
سعود : ايه وانتم ترقصون معي انا وسارة .. وين عمي ابوعبدالله ؟؟
عبدالله : قبل شوي طلع يقول بيروح عند واحد مواعده ...
رجعت سارة وبيدها اللاب توب والشاحن و شبكته بالجدار ...
طالع سعود في شاشة اللاب توب و قال : هذي الشاشة صغيرة علينا كلنا ... وش رايكم اشبك اللاب توب بالبلازما ..؟؟
عبدالله : ايه والله ياليت ...
سارة : الحين اجيب السلك دقيقة ..
راحت عشان تجيبه و رجعت و شبكت الجهاز مع البلازما ودخلت السي دي ... ثم قالت : مانبي نتابع لين امي تخلص تحضير القهوة ...
اروح اشوفها وارجع لكم ...
سعود مبتسم لها بحنان كبير وقالها : طيب ...
عبدالله وماجد يطالعون ويغمزون في بعض والضحكة بتطلع بس ماسكين انفسهم و سعود قفطهم : ووووش فيكم ؟؟
عبدالله : لا لا ي خوي مابه شي .. سكت وبعدين تذكر شي ... و سأله : اقول سعود كيف وظيفتك ...؟ عساك مرتاح ؟؟
سعود : الحمدلله ي خوي مرتاح ... ولو انها ماتناسب شهادتي لكن الحمدلله ...
ماجد : والله لو تدخل المجال العسكري ... اريح لك ...
سعود : لالالا يرحملي اهلك مالي ومال العسكر انا يالله اتقيد بدوامي في الصباح ...
مو مرابط في المعسكرات و منحرم من النت ومن التمشيات ...
ماجد ساكت مارد ...
رجعت سارة بعد شوي وهي شايلة صينية القهوة و الفناجيل وام عبد الله بيدها صينية القاتوه ...
سألتهم كلهم : عسى ما تأخرنا عليكم ي عيالي ؟؟؟
كلهم : لالا تعالي اقعدي ...
سارة حطت الصينية وخذت الفناجيل و صارت هي تصب القهوة وتقدمها لهم ... و وزعت عليهم القاتوه ويوم
عطت سعود صحنه عطاها بوسة بالهوا ... ضحكت و غمزتله انهم موجودين .. وجلست جنبه وصاروا ياكلون من القاتوه ..
و بدوا يتابعون المقطع .

في ناحية ثانية ..

خالد سلم على شخص و استلم المفاتيح و شكره كثير ... ويوم ركب الشخص سيارته و راح ... طالع خالد
الناحية اللي فيها بيت حنين ... و هو مبتسم وطاير من الفرحة ...
وبباله شي مقرر انه ينفذه ...
في الحلقات الجاية تعرفون وش تخطيطه ...

اما بدر ف على حالته منهمك بالاوراق والقضايا اللي ماسكها ... و من المكتب للبيت ومن البيت للدوام .. متناسي
موضوع ملكته من بنت ابو محمد اللي كل ما طرت بباله كل مخه يتشتت في اماكن ثانية و يفقد تركيزه على شغله ...

اما ام بدر ف جالسة في صالونها في البيت وبنت مسؤولة عن الباديكير والمناكير تسويلها اظافرها ووحدة تسويلها
تقشير لبشرتها ... و تتكلم مع صديقاتها بالجوال .. السماعات بأذونها و منشغلة معاها بالسوالف والحش عن ام محمد وعن اللي صار
يوم ملكة ولدها وتوصف لها شكل العروس وكم عمرها وان ولدها انجبر عليها ..

ابو بدر مع ابو محمد في المكتب ...

ابراهيم ساكت ينتظر ابو محمد يكلمه عن موضوع الصفقة و ابو محمد يكلمه في موضوع زواج بنته ...
فهم ابو بدر ان ابو محمد يبي يضمن ان بنته انسترت في بيته عشان يسلمه الصفقة المربحة ... و عاد انقهر ابو ابراهيم من
هالمماطلة و طفش من انه يضغط على ولده عشان يملك على ابتسام ...

نرجع لسارة ...

وهي تطالع للفيديو انتبهت لشي مهم في المقطع وهم ينزلون من الدرج ...
شافت سعود حاط يده صوب صدره و تألم شوي .. وسعود نسى ان اللحظة هذي تصورت وهو مايبي سارة تحس بأي شي وسوا نفسه ماشاف اللحظة هذي .. و
اخذ نفس عشان لا يضرب قلبه بقوة ويوتر سارة ... طالعت فيه سارة وهو طالع فيها مبتسم ..
ما ابتسمت بس تمت تطالع فيه و عيوونها كلها تساؤلات وهو فهم هالنظرات ... لكنه غمزلها عشان تتطمن و باس فوق اذنها
وهو يقول بهدووء : تابعي لايفوتك ولا شي ...
بلعت ريقها و داخلها يقرقع فيها مو متطمنة بالمرررة خاصة انه مسك ناحية قلبه والغريب انه محد انتبه لان امها و اخوانها عيونهم
على سارة .. لكن سارة عيونها على حبيبها ..
ووسط فرحتهم بالمشاهد في الفيديو صالت وجالت انواع الافكار المرعبة في بال سارة من بينهم انها تفقد سعود ... وهذا اللي ماتبيه
ومن هاللحظة بتبدأ تعيش حياتها متوترة وتفكر فيه اكثر وتحرص على سلامته ... يعني ماراح تكون مرتاحة نهائيا الا اذا شافته
قدامها عايش ...
حس سعود ان يده تنضغط من يد سارة و طالعها بطرف عينه و انتبه انها تطالع الفيديو و في دمعة بطرف عينها ...
عرف انها بدت تقلق .. قام اخذ راسها وحطه فوق كتفه و مسك يدها اقوى من مسكتها ...

بعد مقطع الفيديو طلع سعود علب مزخرفة و جميلة ومزينة باسم سعود وسارة ...
و وزعها على امه وعبدالله وماجد ..
فتحوها و انبهروا ..
لقوا صور سارة وسعود قبل الزفة .. وكل علبة فيها اكثر من 50 صورة ...

اما سارة كانت جنب سعود وتطالع الصور و بالها بس صوب سعود وتطالع وجهه وخايفة تنحرم منه ...
فيها شعور تبي تبكي و سعود يضحك مع اخوانها وامها و تضحك معاهم بس قلبها و روحها مختنقين ... تبي تعرف وش
بلى سعود يوم حط يده ع صدره ... خايفة تسأله و ينفضح قدام اهلها و محتمل انه يكون شي مايبي احد يعرفه ...

بعد ماشافوا الصور و الفيديو وكل شي .. جهزت ام عبدالله العشا
كأول يوم يتعشى فيه سعود في بيت سارة

طلع ماجد لغرفته جاله اتصال مهم ..
و عبدالله يتكلم بالجوال عند سارة وسعود ...

سارة رفعت عيونها وطالعت في سعود وقالتله بعد تفكير وبصوت واطي : سعود ..
طالعها وقالها بكل حب : عيوووونه وقلبه انتي ... امريني ..
سمعت هالكلمتين الحلوين و انقبض قلبها من الخوف وقالت مختنقة : ابيك تصارحني سعود .. ارجوك ..
قالها مبتسم وهو يرفع شعرها عن عينها : اصارحك بكل شي .. بس انتي اسأليني ..
سكتت شوي و بدت تتنفس بقوة وقالتله بخوف : سعود ...
ثم تراجعت شوي ماتبي تسأل خايفة تكون ظالمته واحساسها يطلع غلط ... بس فكرت انها تبي تكون ظالمته
وتبي احساسها يكون غلط .. لكنها رجعت سألته : سعود .. انت تشتكي من شي .. صح ؟؟
استغرب و ضحك بهدوء : وش فيك ي قلبي ليش تسألين كذا ؟؟
قالتله مترددة : لأني ... لأأني شفت يدك تحطها ... على صدرك وتتألم ...
هو يدري انها انتبهت ويدري انها حست وخايفة ويبي يكذب الموضوع .. قالها : لا ي عيوني ما اشتكي من شي ..
هذاني قدامك تشوفين اشتكي من شي ..؟ ما اذكر اني حطيت يدي ع صدري بس يمكن شي نخز ولا الم جا بعضلات صدري ...
يعني أأكدلك انه مو شي خطير ...
سارة مسكت يد سعود بيدينها وقالت وهي خايفة : ارجوك لاتخبي عني شي .. اي شي يضايقك ولا يألمك قووولي ارجوك ...
رفع يده وباس يدينها وقال : تطمني ي قلبي ... مافيني الا العافية ...
طالعت فيه وعيونها واضح فيهم الخوف .. لكنها ابتسمت تبي تطمن نفسها ..
ثم قالتله .. طيب فديتك .. انا بقوم اشوف امي وين وصلت في الطبخ وراجعتلك ... تبي شي اجيبه لك ؟؟
ابتسم وقال : جيبيلي انتي ...
ضحكت : هههههههههههههههههه
فرح لضحكتها وقال : يالله اني اشوف ضحكتك هذي دااايم على محياك ..

اتصل ابو بدر على بدر وقاله : وينك الحين ؟؟
بدر : في المكتب .. اكلمك شوي ي يبة قدامي وحدة اتناقش معاها في حل قضيتها ..
ابو بدر : الموضوع ضروري ومايتأجل ... تعال ..
بدر يبي ينفجر و مهدي القنبلة بداخله : يبة .. يبة .. و اشر للحرمة اللي قدامه انها تم مكانها وشوي راجع ...
كمل كلامه وهو طالع من مكتبه : يبة انا الان مشغول وقدامي قضية وحدة معقدة لازم احلها مع الحرمة والحرمة من اول تنتظرني ودفعت
فلوسها ... تبيني اصير قدامها نصاب ...؟؟ ماقدر اجيلك الحين معليش ... خليها لمن نرجع البيت ...
ابو بدر متوتر وهو يضرب بالقلم عالطاولة : اسمعني وش اقولك .. كلامي يتنفذ بالحرف الواحد ... تستعجل في موضوع زواجك ببنت ابو محمد
مفهوووم ؟؟
بدر منصدم : يبة انت وش فيك علي ...؟؟ انا وش اللي سويته لك عشان تعاقبني كذا ؟؟
ابوه : مثل ماقلتلك ... الرجال مشترط استلم الصفقة بعد زواجك من بنته ..
نزل بدر الجوال من اذنه و قال منقهر : الله يلعن ابو هالصفقة على ابو محمد على بنته ...
رجع الجوال لاذنه وقال وهو ممسك اعصابه : نتفاهم في البيت مو هنا ... وراي قضية ابي اخلصها ...
ابوه : اوك .. في البيت .. راح انتظرك .. ومماطلة مابي .. مثل ما ابي الموضوع بيمشي ... فهمت ؟؟
بدر : عن اذنك يبة انا مشغول ..
و نزل الجوال من اذنه بدون مايقفله ... و قعد قدام الحرمة و يدينه ع راسه وهو يتكلم بكلام مو مفهوم ..
الحرمة : ي خوي بدر انا امشي الحين ,,, شكلك مشغول وانا عطلت عليك ... بعدين ارجعلك ...
بدر رفع راسه وطالع فيها وقال : لالاالا اختي اقعدي .. ماعليك .. نكمل الموضوع وين وصلنا ؟؟

في بيت ابو محمد ...
ابو محمد لزوجته : كلمت ابو بدر انهم يستعجلون في موضوع زواج بدر من ابتسام ..
ام محمد : حلو حلوووو .. كذا نضمن بنيتنا انها انسترت وبعدها تعطيه صفقته ... بس متى بيكون الزواج .؟
ابو محمد : نهاية الشهر ذا .. كم باقي عليه ؟؟
ام محمد : باقي حوالي 16 يوم ...
ابو محمد : فيه وقت اجل ... اسمعي .. متى بتنزلون انتي وبنتك تتقضون من المهر ؟؟
ام محمد : بعد صلاة العصر بننزل المجمع نشتري كل شي ولا يهمك ...
ابو محمد : اجل اطلعي بلغيها تبدأ تجهز ...

ابتسام جالسة ع سريرها و بيدها كتاب تقرأ فيه ..
شوي دخلت امها و شافتها شاردة ناحية الشباك وتطالع و الكتاب بيدها ...
قربت منها ومسكت كتفها وقالتلها : ابتسام حبيبتي ...
ابتسام انتبهت : هلا يمة ...
امها : يالا حبيبتي تجهزي بننزل السوق ..
ابتسام : وش له يمة ؟؟؟؟؟
امها مستغربة : حبيبتي وش فيك .. بنقضي لك ولا ماتبين ؟؟
ابتسام تطلع نفس طويل من صدرها و قالت : يمة مايبيني ... ليش تغصبوه علي ؟؟؟
امها وهي تجلس جنبها وتحرضها : يااااغبية يااااا تعبانة ... هذا جالك على طبق من ذهب ... ليش بدال ماتحمدين الله
تعاتبين ..؟؟ ماتدرين يمكن بعد الزواج يتغير معك ... يااااكثر هالبشر اللي تزوجوا تقليدي و بطلب من اباء العرايس و ماتشوفينهم
عايشين اجمممل ايام حياتهم مع بعض .. مو شرط يحبك الحين .. بكرة بتزين الامور وكل شي يصير طبيعي وتجيبين العيال والبنات
ونفرح في احفادنا انا وابوك ...
ابتسام بهدوء : طيب يمة هو قال شي ؟؟؟
امها : لااا حبيبتي ابوه اللي قال ... و وعد ابوكي يخليه يستعجل في الموضوع ...
سكتت ابتسام وقفلت الكتاب وحطته على الكمودينة جنب السرير وقالت : طيب يمة بقوم اتجهز ..
امها قالتلها قبل لاتقوم : حبيبتي اسمعيني وحطي كلامي في بالك زين ...
تقدرين انتي بطريقتك واسلوبك تكسبين بدر .. لاتنتظرين انتي منه .. خليه هو ينتظر .. وانا متأكدة 100% انه بينقلب حاله و يحبك
ويحس فيك ... معروف الانثى ي قلبي انها عاطفية و داخلها مشاعر حلوة تقدر تفجرها في وجه زوجها بظرف دقيقة ..
اضمني بدر من ناحيتي .. بينقلب حاله ويتغير اسلوبه معك .. لاتقلقين ...
ابتسام كانت تطالع امها وشاردة بعد اللي سمعته .. ثم تحركت وهي تلم شعرها الخشن و راحت صوب الحمام ( وانتم بكرامة )
وقالت : انا بتجهز يمة ..

بقية الحلقات ترقبوها في الجزء العاشر ....

__DEFINE_LIKE_SHARE__

-- ( الجزء العاشر ) --

رجع خالد من برا و هو يصارخ ينادي الشغالة ... طلعت له الشغالة من المطبخ و بيدها المنشفة مبللة شكلها كانت تنظف ..
قالها : بسسسرعة اكويلي ثوب وشماغ ...
وطلع فوق مسرع ... شافته امه كيف مستعجل و استغربت ... وقعدت تفكر اكيد وراااه شي مخليه كذا مرتبك ومستعجل ..
سمعوا شروق ووفاء ووعد صوت باب غرفتهم ينطق و لملموا الاشياء بسسسرعة من قدامهم وخشوها تحت السرير ...
وراحت وعد فتحت الباب ... الا يشوفون خالد يدخل ...
شروق مستغربة وهي تقوم عن السرير بعد ماسوت وضعية الجالسة تذاكر في كتابها : خالد .. مبكر اليوم ولا انا غلطانة ...
تحرك بسرعة وفتح الباب وتأكد ان مافيه احد عنده ورجع قفله وقال للبنات : بسرعة ابيكم في موضوع ضرووووري ...
وقعد فوق سرير وحدة منهم وتجمعوا حوله وقال بصوت واطي : اسمعوني ي بنات ... انا ابقولكم موضوع مهم جدا جدا ...
ويكون بيني و بينكم ... مابي امي ولا ابوي يدرون لين اتمم كل شي ...

في هالاثناء وصلت ام بدر لين باب غرفة خالد وحطت اذنها عالباب تحاول تسمع اذا في شي مهم مخبيه عنها .. ماتدري
انه في غرفة البنات ...

شروق متحمسة وبصوت واطي : قوول .. واللي تقوله ماراح يطلع تطمن ...
خالد : ابي رقم ابو حنين اذا تقدر هي ترسله لك ..
شروق : وليش ؟؟ وش صاير ؟
خالد : ماعليك مافيه شي يخوف .. و ابتسم ...
من ابتسامة خالد البنات فهموا خالد وش يبي ...
شروق قامت ومسكت الجوال و كتبت وارسلت ...
وصلت رسالة بعد دقيقتين و همست ل خالد : تقول ليش تبين رقم ابوي ؟؟ صاير شي ؟؟
شروق كتبت : خالد يبيه يقول ضروري ...
بعد دقيقة ارسلت الرقم .. وعطت الجوال ل خالد ..
نقل خالد الرقم لجواله .... ورجع الجوال لأخته ...
ثم قال : بنات ... انا اشتريت بيت جديد ...
طالعوا البنات في بعض مستغربين ... و كمل هو بصوت واطي : هذا البيت بتزوج حنين فيه ...
كلهم البنات فتحوا فمهم من الفرحة وقفلوها بأياديهم و فرح خالد لفرحة خواته الا وفاء تقول : يعني صديقتنا بتصير زوجتك ..؟؟
خالد يمسكها من وجهها ويقفل فمها مرتبك : هششش هششششش وش قاعد اقول انا ارخي صوتك لاتطب امي علينا وتصير سالفة ...
شروق وهي تقرب من اخوها وتهمس : بس كيف ... امي وابوي ؟؟؟
خالد : ماعليكم انا اللي بكلم ابوها وانا بتزوجها بالسر .. امي وابوي ماراح يدرون لكن الزواج بيصير مثل اي زواج ...
ابتسموا البنات فرحانين وقالوله : بنروح زواجك و امي ماراح تدري ...
قالهم مستانس : اكيد اكيد زواج صديقتكم هذي ماراح تفوتونه ... اتركوا بس الامور علي طيب حبيباتي ؟
ابتسموا ووافقوا ...
قالهم وهو يوقف : اجل كملوا هبالكم واقفلوا الباب لاتجي امي ترميكم في المسبح ... انا بروح الحين اتصل في الرجال واطلب منه موعد ...
يوم طلع من الغرفة شاف امه ملصقة اذنها ومتوصية في التلصيق ..
تروع و بصوت عالي : ييييممممة ...!!!! وش تسويين هنا ؟؟؟
ابتعدت عن الباب وقالت : وش عندك في غرفة البنات ؟؟؟
طالع في خواته وقفل الباب وراه وقالها مستغرب : يعني ظنك وش اسوي ؟؟؟ حتى هذا ممنوع ؟؟
قالتله : مو ممنوع ... لكن وش عندك تتكلمون بصوت واطي ...؟ وكنكم ماتبوني اسمع !!
رفع خالد عيونه فوق واخذ نفس طويل وطلعه ثم قال لامه : يعني وش عنه بنتكلم .... يمة لاتسوين ان اهل البيت عصابات على بعض ....
دخلت عشان اسلم ع خواتي ... و كلمتهم عن دراستهم وعن حفلة التخرج اللي بيسوونها ... قولي لا مو هذا الموضوع !!
طالعت فيه ساكتة مو مقتنعة ...
قالها : انا وراي كم شغلة بخلصها والليلة معزوم على زواج خويي ... لاتدوريني ...
و راح لغرفته ...
طالعت امه في الباب و ثم التفت لباب غرفة شروق ووفاء وكانت بتدخل عشان تستفسر لكنها تراجعت و لفت ونزلت ...
شروق طلعت نفسها بعد ما ارتاحت وقفلت الباب بالمفتاح وقالت وهي ترجع سريرها : راحت راحت .. طلعوا الفضايح يالا ...

خالد وقف عند سيارته والجوال بأذنه ويوم سمع الخط يرتفع قال : السلام عليكم ...
ابو نايف ( ابو حنين ) : عليكم السلام ورحمة الله ..
خالد : وشلونك عم ابو نايف ... عساك طيب ...
ابو نايف : والله بخير ي الطيب ... ماقلتلي من معي ...
خالد : معاك خالد ابراهيم ال (.....) ... اخو شروق ووفاء ووعد اذا عرفتهم ...
ابو نايف يرحب بقوووة : يااااااااااااااااااااا هلاااااا ويااااااامرااااااحب بك والنعم والله فيك يا الاجودي ...
حس خالد بهالترحيب انه الموضوع ان شاء الله بيتم ...
قاله فرحان : تسسسلم تسسلم عمي ابو نايف الله ينعم بحالك والنعم بك ملايييين ..
ابو نايف وهو يقعد بعد ماكان منسدح وحنين جنبه جالسة ومو فاهمة شي وتقشر برتقالة : والله اسعدني اتصالك ي وليدي ...
دام خواتك يجون بيتنا تمنيت اني اتعرف على احد من اخوانهن واشكره بقوة لان بناتي عندهم صديقات طيبات ومتربيات صح ...
خالد مستانس : الله يسعدك ي عمي تسلم والله من طيب اصلك ... سكت شوي ثم قال : عمي ... انا ابيك في موضوع مهم جدا .. ولازم اشوفك ..
ابو نايف : اكككيد اكيييد ي وليدي حياك بأي وقت ... بس وش هو موضوعه ... ان شاء الله خير .؟
خالد : الا كل الخير ي عمي ... اقدر اجيلك الحين ولا فيه احراج ولا مشغول ؟؟؟
ابو نايف يطالع ساعته لقاها 9:30 ...
قاله : والله ي وليدي مادري انت وش رايك ...
خالد : الموضوع بالنسبة لي ضروري وما يتأجل ... بس انا الحين بدخل فيه يعني عشان لايصير اي تفكير و خوف وتوتر .. انا طالب يد بنتك حنين على سنة الله و رسوله ...
تفاااااجأ ابو نايف وانصدم وطالع في حنين اللي مندمجة في تقطيع البرتقالة وتسولف مع نورة اللي كانت ممسكة بالايباد وتلعب ...
وقاله وهو مرتبك : والله ي وليدي فاجأتني الصراحة بهالموضوع ماتوقعت انه يكون فيه خطوبة ..
هنا حنين رفعت عيونها و نورة نفس الشي وتموا يطالعوا بأبوهم باهتمام شديد ومنصدمين من اللي انخطبت فيهم ...
خالد : ابتسم وقال : والله ي عمي انا قلت الموضوع ضروري وما يتأجل .. حبيت اعطيك العلم من الحين ...
ابو نايف يطالع ب حنين و قاله : بس انت تعرف ان البنت تدرس الحين و قرب موعد تخرجها من الثانوية ..
خالد : كل شي اعرفه ي عمي خواتي يكلموني عن موضوع التخرج من يومين و قالولي في احتفال بيسوونه عندك في البيت ..
ابو نايف : ايه ايه قالتلي البنت .. سكت ثم قال : طيب ي وليدي اول شي لازم اشاورها هي واخوانها واخذ رايها .. و تصلون الاستخارة عشان ربي يختارلكم الخير ...
فففرح خالد وقال : يعني ي عمي انت موافق ...؟؟؟
قاله مفتخر : القى مثلك لبنتي و اقول لا .. اكون غلطان .. رجال ومعدنه اصيل وشهم واخلاق ... يكفي اني اعتبر صديقاتهم مثل بناتي ...
خالد : وهم بناتك مو مثل بناتك ...
ابو نايف : افتخر والله واتشرف ..
خالد : عسى الله يطول لي في عمرك ي عمي ويسعدك ... طيب متى تحب اجي اتقدم رسمي ...
قاله ابو نايف : تعال بكرة الساعة 7 و نتفق ان شاء الله .. انا بشاور البنية و اشاور اخوانها الحين ...
خالد : على بركة الله ي عمي .. يالا اتركك الحين ... مع السلامة ..
ابو نايف : مع السلامة الله يوفقك ...
قفل ابو نايف جواله وطالع في حنين مبتسم ولقاها مبححححححلقة وساكتة هي ونورة ... ابتسم وقالها : جالك معرس ي حنين ... اتوقع تعرفين من هو ...
حنين منصدمة وتتنفس بقووووة ... و نورة تطالع فيها ثم قالت لابوها : من جد يبة ..؟؟ خالد ابراهيم ال ( ... ) ماغيره ..؟؟؟
ابو نايف : ايه هو حبيبتي ... ثم طالع في حنين اللي كانت تتنفس بقوة وتطالع بالارض و قالها : سمعتي الحوار ي بنيتي ... انا قبل لا اشاور اخوانتس بشاورتس
انتي ... وش رايتس ؟؟
حنين كل شي كان قدامها اختفى وتشتت تركيزها و تمت ساكتة ماردت ..
نورة حركتها : حنين ... وش فيك ؟؟؟
ابو نايف مبتسم : منصدمة حبيبتي ... الحين تهدا .. صبي لها قلاس موية ...
راحت نورة عشان تجيب الموية ... هنا قالها ابو نايف : حبيبتي حنين .. وش قلتي ... انا ادري ان خالد رجالن طيب واجودي وكل اب يتمناه زوج لبنته ..
وعطيته موافقتي مبدئيا ... الباقي الحين عليك .. اذا ماتبي تردي الحين ... لك اللي تبين .. صلي الاستخارة واطلبي الخير والتوفيق من الله ...
طالعت في ابوها وقالت : يبة انا موافقة ...
فرح ابوها وقال : اجل بالمبااااارك بالمباااارك ... يارب يختارلك الخير ي بنيتي ... قومي .. قومي توضي وصلي الاستخارة يالله ي قلبي ...
ابتسمت وطالعت في ابوها وباست راسه وقامت من مكانها ...

تم خالد قدام سيارته واقف يفكر و كل فرحته ماتوسع الكون ...
بعد نص ساعة شاف سيارة اخوه داخلة الكراج ... يوم وقفها وطلع منها قال لخالد : خير وش عندك واقف هنا ...
خالد : ولا شي ...
قفل بدر سيارته بالمفتاح و بيده اوراق كثيرة ... وقاله : شف هذي كلللها قضايا انا مستلمها يبيلها دراسة و ابوك مستلمني
بموضوع زواجي من بنت ابو محمد ....
خالد مستغرب : الحين مو انت ملكت ع ذي بنت ابو محمد ... ليه ما عطوا ابوي صفقته ...؟
بدر يتريق : الظاهر الرجال مو واثق يخاف ابوي ياخذ الصفقة وانا اترك بنته .. مفهووم الوضع مايحتاج له تفكير ,,
خالد : الله يعينك من جد على اللي انت فيه ... انا بروح اشوف الشغالة خلصت من الكوي عشان
انا الليلة معزوم ع زواج واحد من الربايع ..
بدر مارد و تم يمشي داخل .... ولحقه خالد ..

قعد بدر على الكنب بالمجلس و بسرعة فتح الملفات عشان يقرا القضايا اللي قدامه ...
دخلت امه وهي تقفل جوالها و قالت : بدر حبيبي .. كيف دخلت وانا ماحسيت عليك ؟؟؟
قالها وهو يقرا بملف : كنتي تتكلمين بالجوال يوم انا دخلت ..
قالت : كنت اكلم ابوك ...
ماهتم و قعد يقلب بالملف و العقود ثم قال : ادري
قالتله : ابوك يبيك تتزوج بنت اللي ماتتسمى و يقول لازم يستعجل ...
حط بدر الملف فوق الطاولة بأقوى ماعنده لدرجة ان تحفتين كبار تحركوا وطاحوا بالارض وانكسروا ...
وصارخ بكل عنف : الظاهر انا بترك اشغالي واتفرغ لبنت الكلب ابو محمد ...
تروعت امه اول مرة تشوفه معصب كذا ... قالتله : وووش فيك ترفع صوتك علي انا نسيت نفسك قدامي ؟؟؟
وبعدين ترا مهوب عاجبني انك تتزوج هالبنت لانها مو داخلة مزاجي لاهي ولا امها ... هذي رغبة ابوك وش تبينا نسوي ... ننتحر ؟؟
مسك راسه وقعد يستغفر ربه و سكت ...
حزنت عليه ثم قالت : استهدي بالله ي ولدي ... اسمعني وش بقولك ... تزوجها ... واذا ابوك مسك الصفقة ..
طلقها فورا .. انتم بدون الصفقة ماراح تتفقون ولا انا راح اتفق معاها ولا راح احبها بتصير مشاكل بيني وبينها للسما ...
ابوك ماهمه االااا هالصفقة ام 60 مليون مدري كم .. بتمر السالفة انت لاتزعل ...
بدر : يمة .. يمة بالعقل بنت ناس هذي حتى لو اني ماحبيتها ولا ارتحت لها ... بتم حوبتها برقبتنا .. لاتنسين ان عندي خوات ...
قالت ببرود : بسم الله عليهم بناتي ان شاء الله حظهن يطلع مثل حظ امهن ...
سكتت ثم قالت : اسمع كلام ابوك ي ولدي وفكنا من الحنة والزنة تراني مليت من جد ... تزوجها ولي طلعت الصفقة واستلمها
ابوك ساعتها رجعلهم بنتهم ...

حنين الان في عالنم ثاااااااني ...
في حالة انها تتخيل نفسها عروس و زفتها مع خالد ...
وتحس انها وهي لحالها بالغرفة تفكر ان حب خالد حولها يحوم .. ورفعت عيونها للسما
وقالت : ياارب توفقني معاه وتعينني ع اسعاده ...

تعشى سعود مع سارة و عايلتها عشاء دسم و لذيذ من يدين ام عبدالله ...
قال : اكرمكم الله ,, تسلم يدينس عمتي عالعشا الطيب ...
ام عبدالله مبتسمة : جعله عافيه ع قلبك ي وليدي ...
ابو عبدالله : وش فيك ي سعود مامداك تجلس الا شبعت ... ما اكلت شي ؟؟؟
سعود وهو يمسك بطنه : الله مير يسلمك عمي سالم .. الحمدلله شبعت جعله بيت عامر ان شاء الله ...
ابتسم وقاله : بالعافية وانا ابوك ي وليدي بالعافية ...
سعود : الا وين الحمام ؟؟
ام عبدالله : من هناك ي وليدي .. قومي ي سارة دليه .. تحركت سارة وقالتله : يالا معي ...
يوم وصلته الحمام قالها انتظريني هنا ..
ابتسمت وقالت : وليش ؟؟
ضحك : هههههههههه ... اخاف ...
سارة : هههههههههههههههههههههههههه ... طيب بنتظرك ..
دخل الحمام وقفل ع نفسه ... و بسسرعة طلع من جيبه شريط دوا و بسرعة اخذه وبلعه مايحتاج يبلع وراه موية ...
بعد دقيقتين خرج من الحمام وهو يناظر سارة اللي تشيك ع بشرتها بالمرايا ,,,
قالها : كم مرة اقولك انتي ماتحتاجين مرايا ...
استحت وقالت : ما احس بنفسي وانا اطالع وجهي بالمرايا ...
قام مسك ايدينها الثنتين وباسهم ثم قال : متى نجتمع انا وانتي في بيت واحد ؟؟
ابتسمت مستحية وقالت : قريب ان شاء الله ...
راح يبوس يدها ورا بعض لين ضحكت وقالت : ابوي بالبيت وش فيك نسيت ...؟ لا يجي الحين يشوفنا كذا ..
ترك يدها وقال : ماشبعت منهم بس يالا ماعليه .. كم شهر كذا لين اخلص الشقة ونجتمع انا وانتي ان شاء الله ...
ابتسمت وقالت : ان شاء الله حبيبي ...
سمع كلمة حبيبي وابتسم لها وسألها بهمس عالسريع : تحبيني ؟؟
تروعت من السؤال لانها شايفة ظل من بعيد يقرب وقالت وهي تدفه : ايه ايه احبك يالا قبل لحد يشوفنا ...
و لمن طلع من عند الحمام شافت ابوها يقرب بعكازه وقال لسعود : يالا ي وليدي الشاي عالنار ... روح واجلس وخلنا نسولف ...
ابتسم سعود ماوده يترك سارة و يروح ف قال : ابشر عمي سالم ...

في مكان ثاني ...

وصل ابو بدر للبيت وطالع الساعة لقاها 11 ونص الليل .. يوم دخل عطا الشغالة شماغه وعقاله و شنطة العمل حقته
و دخل المجلس ... جات زوجته ام بدر و قالتله : هلا هلا ابو بدر ... شخبارك ؟
قال بدون نفس : الحمدلله .. وين بدر ؟
قالتله : في غرفته يراجع اوراق وملفات وقضايا ,,,
ابو بدر : وش قال عن الموضوع اللي كلمتك عنه ؟
ام بدر توترت من هالموضوع يعصبها من جد ... قالت : ابو بدر خلاص كلمته وقلتله في حال استلم ابوك الصفقة طلقها ..
سكتت وقالت : ابو بدر ارفق عليه شوي تراه مغصوب لانضغط عليه لا يسوي مصيبة حنا في غنى عنها ,,,
ابو بدر مارد ...
قالتله : الحين اقولهم يحطون الاكل ,,
ابو بدر : لالالا لاتحطين شي تعشيت في الشركة ... بس قوليلهم يسوون لي نعناع ...
قالت : ان شاء الله الحين اكلمهم ..
قالها : ولاتتركين بدر كلميه قوليله يستعجل في الموضوع خلينا نخلص ويرتاح راسي
قالت : خلاص خل هالموضوع علي لاتحر عمرك عشان السكر عندك ...
قالها : ناديلي البنوتات وحشوني ابيهم يقعدون معي ...
قالت : ان شاء الله ...
و طلعت من المجلس عشان تنادي عالبنات ...

بدر الحين في غرفته جالس يفكر في هالمصير الاسود اللي حطه ابوه فيه .. وكل ماتذكر ان البنت اكبر منه
بكثير و شينة تحسسسف كثير والحين ابوه يضغط عليه عشان يتزوجها ... مايدري وش هي الطريقة اللي تفكه من هالزواج الغبي ...
ويقول في نفسه : انا ابي بنت اصغر مني واجمل بكثير مني ... مااتوقعت اطيح هالطيحة !!
فففجأة سمع صوت صراخ خواته جاي ...
بسسسرعة قام من مكانه وطلع من الغرفة عشان يشوف وش سبب صراخ خواته ...
ولمن طلع من الغرفة لقى امه بعد طالعة الدرج تراكض بتشوف وش سبب هالصراخ المرعب ...
جا بدر بيفتح الباب لقاه مقفل بالمفتاح .. قام دقه بقووووة ويقول بخوف : افتحوا الباب ي بنات ... وش فيكم ... ورجع يدقه بقوة و يسمع صراخهم و بكاهم ...
امه تناظر وهي خاايفة وتقول : الله يستتتر وش هالصراخ الغريب ..؟
بدر مالقى حل غير انه يكسر الباب ويشوف وش فيهم يصايحون و يصارخون ... و دفتين من كتفه الا الباب ينفتح وبسرعة دخل وشاف
خواته قاعدين في الزاوية وحاضنين بعض و يبكون بكل عنننف ... قرب منهم بسسسرعة وامه بعد وخايفة ..
و سألهم وهو متروع ... : وش فيكم وش هالصراخ ؟؟؟
صارخوا بخووف : فااااااااااااااااااااااااار !!!!!!
ام بدر مستغربة وبقرف : ووووووش هوووووووووو !!!!!!
بدر بسرعة : وووينه وووينه ؟؟؟؟
ماردوا خايفين ويرتجفوا .. قام مسكهم بحنان وقال تعالوا تعالوا غرفتي والحين انا والشغالات ندوره ...
بسسسرعة قاموا معاه وطلعوا من الغرفة وراحوا غرفة بدر ...
وطلعت امهم معاهم لانها هي تخاف اكثر من البنات ... قام بسرعة نادى على الشغالات و طلب منهم يسوون بحث مكثف عن
مكان الفار .. و خواته وامهم في غرفته و حالتهم حالة .. طلع ابو بدر غرفة بناته لانه كان ينتظرهم وتأخروا ... وشاف حالة غرفة البنات
مقلووووبة فوق تحت .. واول مادخل الا يسمع صوووووت ضربة قوووووية و يقول : خخخخذ ي ابن الكلب اجل تخوف خواتي هاااااا ...
استغرب ابوه وقال : وش فيكم وش السالفة ؟؟؟؟
قتل بدر الفار بعد مالقاه ورا التسريحة بعصا كبيرة هبدها عليه قضى نحبه ع قولتهم .. وقال للشغالات : شيلوه وارموه بعيد وبعدين تعالوا رتبوا المكان ...
طالع بدر في ابوه وقال : ولا شي بس فار دخل غرفة خواتي ...
استغرب وقال : فار ... ومن وين جا هالفار ؟؟
بدر يأشر : مدري
ابو بدر وهو يناظر الحوسة : ووين البنات ؟؟
قال : مع امي في غرفتي ..
راح لهم و بدر واقف مكانه و صار يضحك ع شكل خواته وهن خايفات وقال : صدق الانثى ناقصة عقل ..
دخل ابو بدر عند البنات و حضنهم وقال : سلامتكم ي بنات .. خلاص قتله بدر و راح معد فيه فار .. تطمنوا ..
انقهرت ام بدر من اسلوب ابوهم معاهم هي تبيه يكون صارم شوي معاهم ..
قالتلهم بصراخ : ابي اعرف هالفار من وين ددددخل ؟؟؟
وعد بخوف : انا تركت الشباك مفتوح اتوقع منه دخل ..
امها : المنطقة اللي حنا ساكنين فيها خالية من المخلوقات هذي ...؟؟ قولولي الصدق من وين دخل ..
شروق : وش تقصدين يمة من وين دخل ؟؟؟
امها : ماما لو سمحتي وش يمة هذي ؟؟
ابوهم : خلاص ي فاطمة وش فيك عليهم مو كفاية ارتاعوا من الفار ... اتركيهم ياخذون نفسهم شوي ..
قامت ام بدر على غرفة البنات تبي تشوف من وين دخل الفار وش المنفذ اللي خلاه يدخل ..
طالع فيها ابو بدر وتم ساكت وهو يحضن في بناته ويهديهم شوي .. والبنات خايفين انها تشوف الاسرار اللي ممكن تفجر قنبلة عنيفة بالبيت ,,,
قالتله شروق : يبة امي الحين بتشوف شي تكررههه وبتجي الحين تصارخ ... نبي الامان ...
استغرب وقال : شي تكررهه ..؟؟ مثل وش ؟
قالت : شوكولاتات وروايات وقصص و شيبسات ومكياجات كلها بصندوق سري .. اتوقع الحين بتجي هاجمة علينا ...
تذكر انها حارمتهم من هالاشياء وسكت ...
بدر واقف وهو يناظر امه تطلع اكياس الشيبس بمختلف اشكالها والشوكولاتات والكتب الصغيرة كلها روايات بناتية ...
مسكت هالاشياء كلها و بدر يطالع وساكت .. قالت : ووووش ذااااا ... وش ذاااااا ...
بدر ببرود : وش ذا يمة ... اكياس شيبس و شوكولاتات .. وش يعني بتكون .؟؟
صارخت : انا بناتي ياكلون اكل الفقاااااارة ؟؟؟؟
بدر : استغفري ربك هذي نعمة !!
ام بدر شالت الاغراض وقالت : انا اوريهم الحين ...
بدر يلحقها ويقول : يمة صلي عالرسوووول وش تكبير المواضيع هذي ...؟؟؟ ماصار شي يعني لو اكلوا من هالاشياء !!
دخلت غرفة بدر وبيدها الاكياس والكتب وقالت بعنف : ممكن القى تفسير ل وجود هالاكل بغرفتكم ؟؟؟
ابو بدر يطالعها و البنات ساكتين يتحامون في ابوهم ...
صارخت : انا الليل عالنهار اهتم بأمور الصغيرة والكبيرة في هالبيت واتعب تعب لين اقول امين عشان لا اشوف هالاكل المقرف يدخل
بيتي ... تقومون انتي وياها تجيبونه لين عندي ... كييييييييف دخلتوه البيت ابي افهم ؟
ابو بدر : خلاص وش فيك كبرتي الموضوع ؟؟؟
بدر : يمة كله شيبس و شوكلاتات مو قنابل !!
صارخت : لحد يعترض اللي اقوله ... بناتي ماياكلون هالخياس ...
بدر وابو بدر : استغفر الله العظيم
كملت : انا اهلي علموني وش الاكل الصحي من الاكل اللي يدمر الجسم .. وهالاكل يا قليلات الحيا يخرب الجسم
وتبون تخرب اجسامكم وقدام العالم يقولون فاطمة تأكل بناتها اكل مخيس .. كل وحدة فيكم جسمها مترهل ويفشل !
بدال هذا فيه سلطة في فواكه فيه عصيرات فيه اكل صحي المطبخ متروس ... من دلكم على هالاكل .. حنين ونورة و قليلات الادب اللي تعرفتوا عليهم صح ؟؟؟
ابو بدر صارخ : اووووووووووووه ... خلااااص ماصارت هذي تهاوشين ع شوية شيبس وشوكولاتة .. كل بنات في سنهن ياكلن من هالاشياء ...
ام بدر : يعني ترضى بناتك يمشن وكرشتهن مترين قدام !!!!!
طالع في بناته وسألهم : من متى تاكلون شيبس وشوكولاته ؟؟؟
ردت شروق و وفاء : من زمان ...
صارخت امها : من زمان ... من زمان ياللي ماتستحي !!
ابو بدر صارخ : فااااااطمة ... اسكتي .... الحين يقولون لك من زمان .. طلعيلي جزء صغير من كرشتهم الحين ...
و مسك شروق وقال : الحين شروق جسمها مترهل ولا وشلون ؟؟؟ شايفة انتي في شي مترهل ؟؟
ومسك بقية البنات وقال : وين الترهل في الموضوع ابي افهم .. معصقلات ونحيفات !
بدر ماسك فمه مايبي يضحك ...
قالها : لاتكبرين الموضوع وانتهينا .. اكلوا شيبس وش صار يعني ماتوا ؟؟ وحضنهم وقال : بسم الله عليكم ..
امهم تطالع فيهم وقالت : اخر مرة اشوف كذا في بيتي ولا حسابكم عسير معي ! الحين فهمت وش سر قفلة باب الغرفة هذي عليكم وصوتكم
الواطي .. لكن من الحين طالع مافي مفتاح بشيله عنكم وبشوف وش بتسوون من وراي ...
بدر : يمة تراكي مكبرة الموضوع ... خلاص اقصري الشر ...
ابو بدر يبوس بناته : ماعليكم حبيباتي ... بعدين نتكلم في هالموضوع ...

يتبع الجزء الحادي عشر ...

__DEFINE_LIKE_SHARE__