ديوان الشاعر : راعي الاوله

مساء الخير للجميع ...

حبيت انزل لكم ديوان الشاعر الكبير والاعلامي ومستشار في منتديات عيال الحمايل

الشاعر والاب والاخ / راعي الاوله

واتمني ينال الديوان اعجابكم يارب __DEFINE_LIKE_SHARE__

ولا نقول الكلام بلا دليل

طال صبري على درب العميل= عشر واربع صبرنـا كاملـه
والصبر بعد هـذهِ مستحيـل= من يغر السنـع مـا جاملـه
حسبي الله عليه نعـم الوكيـل= ليه يومه نسـى مـن قاملـه
ما طلبت العرب رد الجميـل= لين شفت العـرب متحاملـه
و لانقول الكـلام بـلا دليـل= والدلايـل عليهـم شامـلـه
احسبه قبلها رجـل(ن) ثقيـل= يحفـظ إحقوقنـا ونعامـلـه
ممشا بالخطى رجل(ن) يميـل= ومن رضاهـا يعـظ اناملـه
ما ربينا علـى كـف البخيـل= ولا مشينـا بـدرب الطاملـه
تربيتنا على شيـخ(ن) جليـل= نكسر العظم عنـد الصاملـه
ما غذانا على لحـم الحسيـل= ولا شربنـا حليـب الهاملـه
كان تسمع ترى راسك ذليـل = وانت راعي العلوم الخاملـه
بعدها لا يجي لسانك طويـل = إلـزم العلـم فـي فرامـلـه
ماطلبت الجنيه مـع الكفيـل= لجـل دارك تعشـى اراملـه

__DEFINE_LIKE_SHARE__

شد حيلك يالسنافي

شد حيلك يالسنافي والوعـد راس الطويلـه = خابرينك يالسنافي مامشيت الـدرب خايـف
لايغرك برق ساري لو برق وسط المخيلـه= برق صيف اللي تشوفه ماعلى برقه حسايف
المثل وش قال بالمـاء ماتغطيـه النثيلـه = والمثل معروف يبقى ولا قل وش انت شايف
انهض الجنحان والغايه تبررهـا الوسيلـه = خل قلبك من حديد ولا تمـر العلـم طايـف
ادري انك ماتوصـى وانـت رجـال دليلـه = كاسب" كل المراجل عندنا بالطيـب كايـف
وادري انك للمواقـف ماتخلـى مستحيلـه = قالها اللي مانساها يوم بعض الناس عايـف
ياعسى بعض العرب يمشي على درب القبيله = يفهم الرجال علمه لايقـول العمـل زايـف

__DEFINE_LIKE_SHARE__

انا بعتذر للي سكن دار الايتام

انا بعتـذر للـي سكـن دار الايتـام = وانا مادريت ولا عرفـت الجريمـة
عرفت الخبر صدفه بعد ما مضى عام = يخون الامانـه والامانـه عظيمـه
حسيبك ايلاه الكون يا كلـب صـدام = تهيـن اليتـم ولا رحمـة اليتيمـه
ولين عليهم عقـب صكـات الايـام = ولا انته عوضهم بالكفوف الرحيمـه
تظيم اليتيم اللي من الوقـت منظـام = ظلمته على الدنيا يا مـال الظليمـه
لكن الخبر بكره على الـدرب قـدام = ثمنهـا كبيـر وعاقبتهـا وخيـمـه
تعيش العمر كله على عـظ الابهـام = ولا لك مع العربان حشمـه وقيمـه

__DEFINE_LIKE_SHARE__

لاتنشد الناس وانت مضيع الطاسه

يا ادمي قلتلك لاتقرب الكاسه = تصغر في عين العرب وتعيش ماساه
لاتنشد الناس وانت مضيع الطاسه = اليا بغيت السنع فكر وتلقاه
ماشفت رجل (ن) ينهان ويرتفع راسه = الا ردي العقل والناس تشناه
مافيه ذرة رجوله ميت احساسه = ولاني خويه وهذا فعل يمناه
ماخاف ربه عسى الله يقطع أجناسه = يهين نفسه ويمد الكف برضاه
واليا وقف ماعتدل ياسرع منكاسه = رجليه ماشالته ولاتثبت اخطاه
ماعز نفسه رفيق السوء مجلاسه = والناس ماترغبه ولاتحب ممشاه
هذا جزى اللي يدق الزير واجراسه = أن عاش ميت وان مات الناس تنساه

__DEFINE_LIKE_SHARE__

نحبه ابو متعب مامثله ولا صار

يعيش المليك اللي لها حرز واستـار = مليك العـرب دايـم وقايـد وطنـا
يمينه تمـد الخيـر والخيـر للـدار = وقلبه علـى الاسـلام ولجلـه تعنـا
نحبه ابو متعـب مامثلـه ولا صـار = ابونـا ليـا جينـا بيدينـه حظـنـا
يقود السفينة وسط غبـات الابحـار = سياسي محنـك تحـت ظلـه امنـا
عريب الجدود ومكرم الضيف والجار = رفـع رايـة التوحيـد نفـداه حنـا
على امره مشينا راعي الطيب والكار = ومن لايطيـع الامـر ماهـوب منـا

__DEFINE_LIKE_SHARE__

ترى الناس ما ترحم لها إلسان ورجول

اعلومي يا بن تركي كتبت الخبر مسؤل = سمعة الخبر بذنك والا اعيـد واقولـه
يقولون ابن تركي لقى الجاهل المجهول = يكسر اجدار الوقـت بيديـن مسلولـه
على موجة الرادو سمعة الخبر منقول = وانا اقول ماصدق ولا هيـب معقولـه
لان العرب قالت ورى بابـه المقفـول = عرفناه بالسيـره لـه ابـلاد مجهولـه
نصيحه يابن تركي مادام الرضى مقبول = لكن بعض النصح للنـاس وش هولـه
ترى الناس ما ترحم لها إلسان ورجول = تجسس على البيبان والنـاس مشغولـه
ولا عاد تنشدني من الصاحي والمخبول =تحذر يابن تركي تجي البـاب وقفولـه

__DEFINE_LIKE_SHARE__