رمضان يجمعنا

من مهاوي العتبان
الى اعضاء منتدى الحمايل
هل تعلمون انني احبكم حد الثماله
فحبكم يجري في دمي وكيبوردي كما يجري السيل بالوادي
ومن هذا المنبر ((منبر منتدى الحمايل منبر من لا منبر له))
تحسوون العباره القابعه اعلاه داخله غلط
ماعلينا

اانني اوصيكم ونفسي بالمنتدى خيراً
المنتدى منتداكم. وانتم الاعضاء ...
فكيف يسير المنتدى من غير اعضاء او كيف يفرفرش الاعضاء من غير منتدى
((حااسه اني داخله جو))
بالله عليكم قولولي.. كيف ((انواع الحماس))
الله الله بالمنتدى ((شكلي بفطس))

نبي اعضاء فلاويه

ونبي ردود وتفاعل في كل الاقسام واهم شي مواضيعي <<امزح

بدخل بالموضوع<<ماكنه بدري

كل عام وانتم بخير مبارك عليكم شهر رمضان واسأل الله ان يبارك لنا فيه ويجعلنا من المغفورين وان يبلغنا إتمام هذا الشهر ونحن ومن نحب بأفضل حال..

كيفكم مع رمضان وكيف دبغ الصحون ي الدبب
هذا السؤال للشنبات

اما البنات كيفكم مع الكرف

هالموضوع ي حبايب نبيه للسوالف وسعة الصدر
وينفس الوقت نتعمق في جوانب من حياة بعضنا البعض ونبحر الى مالا نهايه في الذكريات والزمن اللذي ولاّ .. انا عارفه ان هالتعبير اللغوي تبطون ماجبتوه ..

الزبده ..

بستضيف عضو .. ويسولف علينا

عن برنامجه في رمضان .. واجمل الذكريات المخزنه بميموري دميجته عن هذا الشهر ..؟!
الاكلات اللي يحبها .. المواقف اللي مرت عليه ..!
اشياء كانت برمضان وفقدها او العكس ..!
كل شيء اعتبرو هالموضوع مثل الديوانيه كلنا مجتمعين والسوالف عفويه .. ابي منكم المشاركه بالتعليق على مايكتب الضيف
بالمختصر جلسه بعيده عن الرسميات والردود المتكرره ..!! عسى الفكره وصلت عقب هالهذره ..!!

طيب


ضيفي الاول

الشنب الفيلسوف

فـليتفضل مشكور بهل السبحه __DEFINE_LIKE_SHARE__

والله انك روعه ياعسل
وبنتظار الفيلسوف
تحياتي لك
هوى روحي __DEFINE_LIKE_SHARE__

السلام عليكم. .
ابد. .مابه جديد. ..
اصحى الساعه 10 اروح الدوام ..طبعا بعد التقاعد اشتغلت معقب في شركه. .
ع الضهر ارجع البيت احط راسي. .اصحى العصر ..اروح افرفر في السوق واهم شي اروح اشتري ..راس خروف. ..وسوبيا. .طبعا راس الخروف في الغربيه مشهور. .يكون مطحون ومفلفل ومبهر. .ارجع البيت ابدا. .انا والاولاد نساعد ام عبدالعزيز. .واحد عليه المكرونه واحد عليه السمبوسه واحد عليه الشربه. .وام عزوز تعيش ملكه. .لا لا. .امزح اما تعيش ملكه كثروا منها. .قصدي ..قصدي تحط رجل ع رجل ..لا لا ولا هةذي. .المهم انت فاهمين قصدي. .يجي المغرب نفطر ..وبعد كذا نصلي المغرب. .نرجع نتابع سلفي. .ورامز ماكل الجو. .تجي صلاة العشا. .نروح نصلي العشا والتراويح. .وبعد نجلس في هواش انا وام عزوز تبغى تروح الحديقه وانا مافيني حيل. .اروح مره هي تفوز. .ومره انا افوز. ...زي اليوم رفضت اني اروح الحديقه. .زعلت واخذت بطانيتها وراحت غرفة الاولاد وقلبتها زعله. ..وطبعا لاني مااقوى ع زعلها ..قلتلها يالله قوني اوديك الحديقه. .والا الان ماطلعت من الغرفه. .(متكرنه) تجي الساعه 2 اروح احط راسي. .واصحى ع الساعه 3.30 اقوم اتسحر. .وبعدها اصلي الفجر. .وانام. ..هذا جدولي والسلام ختام __DEFINE_LIKE_SHARE__

ابشركم رضت ام عزوز والحين رايحين الحديقه. .
وش اسوي من الحب ماقتل __DEFINE_LIKE_SHARE__

هاه وينكم. ...
ههههههههههههههههخه __DEFINE_LIKE_SHARE__

اقدم اعتذاري. .
ع سوء التفاهم اللي حصل. .
ههههههههههههههه. ..حركات رمضانيه __DEFINE_LIKE_SHARE__

برنامج تحفه يا الفيلسوف
ربنا يرضى عنك ام عزوز دايما ويبعد عنكم الزعل
بس انت دايما وديها الحديقه واي مكان تحبه
يا بختك يا ام عزوز ملكه وقت تحضير الطعام وملكه بتنفيذ الطلبات
ربي يسعدكم ويديم راحة البال والامان عليكم
ومشكورة اختي الديم على هالبرنامج الشيق
بس لا تستضيفيني هههههه __DEFINE_LIKE_SHARE__