ديوان الشاعر ماجد مطر الشمري

دكـــــــــــــــــــــــــتور

دكتور ماتعالج المسحور

جيتك وانا خاطري مكسور

اشكي لك الحال يادكتور

مريض يشكي لدكتوره

تكفا تهز البشر تكفا

مافيه شيِ عنك يخفا

والنا بالقلب ماتطفا

نار الهواء حيل مسعوره

لجيت بعد الولي يمك

وحطيت همي على همك

لوكان ماني ولد عمك

انخاك عالج اخوى نوره

قال ابشر بعزك اوفيبه

وعلاجك اليوم بوصيبه

وما قدر الله نمشيبه

وكلِ بجهده وميسوره

اعطاني وصفه علاجيه

مضاد ميه على ميه

حبه صباح ومسائيه

ويقول الاسرار مستوره

دكتور فاهم ومتعلم

ولمن هرج ماقدر اتكلم

كم ليلةِ فيه انا اتحلم

اخاف وامشي على شوره

قلت الصراحه يادكتوري

قلبي من الحب مخطوري

في حب صاحبك مجبوري

مريض يعبر عن اشعوره

قال انتبه وامسك احدودك

لاتطق عودك على عودك

وتعمي عيونك ابارودك

اثقل يابو نفس مطيوره

دكتور محبوب وحبيب

طبعه كذا دايمِ طيب

واحسه من قلبي قريب

فيه الصراحات مخبوره

مع كل هذى يصارحني

ومهما تكلمة فاهمني

واسامحه لو يعاتبني

بس العلاقات محظوره

لاكن فشل بأخر المشوار

وخلى حبيبي يشب النار

دكتور يلعب على الشطار

ومن تحت يدهن لك سيوره

بغيته عون وطلع فرعون

يقول صدقت يامجنون

خليتك عبره لهذا الكون

وبدري على خلك تزوره

واصبح طبيبي وقف ضدي

وشجع حبيبي على بعدي

وانا خذيت الأمر جدي

وليلي بوجهي طفاء نوره

ياليت من وصفته سالم

لوكان خلي علي ظالم

ياكثر حبه على العالم

غطى على نجد وبحوره

والله مامثله جميع انسان

الله يجازيه بالأحسان

والمعذره كان انا غلطان

مريض ويسب دكتوره

__DEFINE_LIKE_SHARE__

عيد ميلاد المحبة

عيد ميلاد المحبه تجدد كل عام

واحمد الله واشكره دايم(ن) خيره كثير

من عيون الحسد ياالله وعيال الحرام

في رجاك ونلتجيبك ولاغيرك مجير

ياشريك الروح والقلب بهديك السلام

ياسناء حائل وضيئه من شماله لأعسير

ياحيات الروح والشوق ياعالي المقام

يالغلا يأم الغلا نور قلبي والنظير

ياملاك الحسن والزين يابدر التمام

ياعلاج القلب ودواه في طبه خبير

يانجوم الليل بالليل يانور الظلام

ياشعاع الشمس وشروقها فوق الغدير

ياربيع القلب لاعانقه ريح الخزام

ياسفير الحب للحب يا أغلى سفير

يانسيم الصبح والخد يزهى بالوشام

ياذهب ياماس ياجوهره تغني الفقير

ياشبيه الريم ياهيه ياضبي العدام

يازهور الريف يالورد يانسمة عبير

يالغلا للعشق عطشان وجروحي صيام

بشربك وابل معلوق قلبي والظمير

بشتكيلك جرح حبك وامشيك بنظام

وافتديك بدم قلبي وانا بحبك أسير

بحضنك واذوب يابنت واصحابك وانام

وانثرك واجمعك يابنت في برد وهجير

لين احس البرد يابنت يسطى بالعظام

واشعلك وادفيك يابنت بعماقي واغير

ايه اغار من العيون ومن تهاويل الزحام

ايه من نفسي اغير حتى من طفلِ صغير

اذكري حروف الهجاء واذكري جلوس وقيام

واذكري ذيك الزوايا طالبه وانا مدير

عامنا الهجري جديد ومنهج الدرس احترام

طالبه متفوقه وكل صفحاتك تثير

والدروس مبرمجه والبدايه بالخصام

ومدرستنا موحده واسمها الحب الكبير

اللبسي ثوب الفرح والمرح والاحتشام

واللبسي لشوق والحب ملبوس الحرير

وللسعاده والهناء طيري جوز الحمام

واضحكي في دنيتك جعل فالك فال خير

والهبوب الي هواها يعانقه الغمام

تجمع الغيمه بغيمه وبارقها أمير

امطرت لك حب بأسم المكارم والكرام

وانبتت لك بالحشاء حبها الوافي وفير

باللهجة المصري بحبك اوي اوي يامدام

مش حسيبك عاوزك دائم(ن) قنبي خفير

باللهجة الشامي تئبرني شوى بدك بتمام

كرما لعيونك يصير هلأ هلأ عم بيصير

باللهجة البدوي فديتك وحبك للأمام

لبا قلبك لاتشيل همك لووضعه خطير

ابدوي(ن) لانخيته تثلث بالحزام

جاك برشاش والخنجر والسيف الشطير

والبدو فيهم شيم مابهم هرج وكلام

والوفاء من طبعهم والكرم فيهم غزير

ابدوي(ن) جاك عاشق ويطويه الهيام

ابدوي(ن) جاك بالحب راكب له بعير

وعيد ميلاد المحبه اربعه وعشرين عام

وعيد ميلاد المحبه الغيرك مايصير

__DEFINE_LIKE_SHARE__

أصــــدق الـعــشــاق

يازمانن صار فيه الحب هين

بارقه جنوب ورعاده شمالي

حبُِ موقت بزينه لك تشين

ينقلب أحيان معشوقك خيالي

والمحبه مالها وقتُِ معين

عيش جوك لاصفالك بااليالي

أصدق العشاق ملعوبه مطين

وكل يوم يسل سيفه للقتالي

لأنكشف وضعه يبادر باالتزين

ويتهرب لاسئلته كم سؤالي

الورد يذبل وشوك السدر لين

(والعنب حامض لونه شبه حالي)

أصح يامجنون بوقلبُِ حنين

وأخر الموال طاروقه يشالي

يبلش المديون من جور المدين

صفحة النسيان تطوي كل غالي

القمر يبداء هلاله لوتبين

وينتهي مثل أوله بأسم الهلالي

والمحبه وضعها ماهوب هين

والسحاب يشتته نفح الشمالي

__DEFINE_LIKE_SHARE__

السلام عليكم ورحمة الله وبركاته :
( قصيدة مسندها لأبن العم الشاعر / نهير نمش الشمري )

يابو نمش الوقت قام يتلوُى

قام يتلوى يانهير تلواي

ياكثر ماسوى وسوى وسوٌى

وقتُِ يروح وقتُِ بعجته جاي

دنيا لنا قامة سيوره تطوٌى

مثل الحنش لامن طوى صيده طواي

احد(ن) بها الدنيا بحياته تكوٌى

واحد(ن) تجنب كنها تقول له باي

تضحك له الدنيا ومعها تغوٌى

من صغر سنه عايش بعالمُُ هاي

ياليت أبونا (أدم) والأم (حوٌاء)

ماطاعو الشيطان واغواهم غواي

كان ابن (ادم) عند ربه تبوى

وبجنة الفردوس مايعزف الناي

ياكل ويشرب وبكل روض(ن) تهوٌى

وأنهار مايعرف لبنها من الماي

وملائكه بأمر الله من حيث نوٌى

ولو يطلب النهرين ساقي وسقاي

عسل وخمر لو يشربه ماتروٌى

من سلسبيل يشرب ماهي قهوه وشاي

وبنات حور الجوى ياويش جوٌى

مالذ له وطاب ادؤاك ودواي

برحمة الله ولافيه ذيبُِ تعوٌى

ولافيه صرافه والأشي بمخباي

ولازوجةُِ توذيك وعليك سوٌى

ولاتشيل هم عيال نازل ورقاي

حكمة إله الكون باالله تقوٌى

وياالله حسن الخاتمه واقبل ادعاي

الشاعر / ماجد بن مطر الشمري




مجاراة الشاعر / نهير النمش الشمري

حييت ياقفُِ لفاني على اوُى

من شاعرٌِ يبغاء مردي ومعناي

يامرحبا مليون واهلآ هلوٌى

اعداد مايذكر كرم حاتم الطاي

يابو فهد هذا زمان القصوٌى

فيه انحناة الراس يامحكم الراي

فيه الحصاني صار مجده علوٌى

والا الذيابه صار مجده تذراي

اطلب من الله يارفيقي رضوٌى

منه النجاة وغافر الكل خطٌاي

هو جاعل الصعبات بأمره رخوٌى

هو دامح الزلات عالم سواياي

بأمره يكون الكون ستر وهدوٌى

والناس في حكمه مهرول ومشاي

الموت حاصل بالبلد والسعوٌى

والدايم الله والبشر دوم نساي

لاشك نطلب رحمته مانتشوٌى

بأمره يزينها ويخفي رزاياي

اللأدمي يمشي زمانه سهوٌى

في غفلتك ماتفرق الصبح وعشاي

دنيا دنيه ياعساها تلوٌى

كم راح فيها يافتى الجود حكاي

ابليس دايم للأوادم عدوٌى

في خوة الملعون يحداك حداي

الوقت ماياتي لنا بالمنوٌى

عقب الحسايف مانبدل خطاياي

يارب تجعل بالمنازل مضوٌى

رحماك يارحمن تدمح دهاياي

انت الكريم وعاليٌِ في علوٌى

اجيك وكتابي اشيله بيمناي

الشاعر / نهير بن نمش الشمري

__DEFINE_LIKE_SHARE__

(( ياقـــــــــوة الله ))

وش هالزمان الي كثر فيه الاعجاب

ياقوة الله لاحيا لاحشيمه

عجاب يتحول الي حب وعتاب

علاقة(ن) بين الصبايا حميمه

وين الحيا والعيب يابنت الانساب

بنت تعشق له بنت والله جريمه

صارت عليكن تلتفت كل الارقاب

منظر سخيف وله عواقب وخيمه

وبعدين وش هي أخرت عشق كذاب

معقوله منيره تزوج بريمه

وشلون اهل ريمه يروحون خطاب

لهل منيره يطلبون الكريمه

وبعد المحبه يجتمع شمل الاحباب

زواج بنت وبنت حاجه عظيمه

هذا الزواج الناجح الي له أسباب

ولأ زواج الشرع موضه قديمه

التربيه ياللأسف نجمها غاب

معاد ابد لاثرها اي قيمه

افلام تركيه وتقليد الاجناب

والنت يلعب بالعقول الغشيمه

الجرح عفن وبحثوله عن اسباب

وش دوركم ياهل القلوب السليمه

الشاعرة/ بنت وايل

مجاراتــــــي للـــــقـــصــــيدة
(( يابنت وايل ))

خطوى قصيدة جمالها سحر جذاب

في قوى معناها حضة بالقسيمه

يابنت وايل صح منطوقك وطاب

وقصيدتك مثل السهم في صميمه

أبياتها مثل الذهب عند ذهاب

تحكي عن الواقع بقصه أليمه

عشق النساء اليوم يحسب له حساب

مثل ما قلتي ورقصة له حليمه

حب البويات الي غزى بسمه الداب

هذى زمان العولمه يالعليمه

قبلك أنا نشرته بصحف وأكتاب

وفي كل وادي بالمعاني يهيمه

عشق العذاراء وحب تلعات الأرقاب

صارن ضحايا الغرب وين الفهيمه

والمشكله التربيه قلت أداب

والعايله كلن ضرب له خريمه

والوازع الديني لياقل ترتاب

والراعي المسؤل مثل البهيمه

ضايع ولايعرف سوى فتحة الباب

قليل فهم والأم ماهي حكيمه

أخص حاله نادره فالها تراب

نسبه ضئيله علهن بالحريمه

والتربية له دور بعقول اللباب

وبالمجتمع بنات عزن وشيمه

الشاعر / ماجد مطر الشمري

__DEFINE_LIKE_SHARE__

(( الـــــــوتـــســـــــــاب ))

لايعمي عيونك الوتساب

يسهر عيونك ويشقيها

وتساب في عالم ِ كذاب

كم عين بنت ِ يبكيها

ياكثر مابه من الاعجاب

وياكثر روس ِ يوطيها

مايخطي السهم لامن صاب

وجروحه صعبه تداويها

يرسل لك الرابط الجذاب

وشيطانه الناس يغويها

افلام اباحيه دون حساب

من غيرها علوم مخفيها

الطعم وسط البحر شذاب

سنارته سمها فيها

الشبهه مثل سم الداب

ضحية الداب ينهيها

وبلاك بيري فتح له باب

قبله كحلها ومعميها

من سبته راح فيها رقاب

حوادث الخط تفنيها

راحت عوائل وراح الشناب

من الرسايل وقاريها

أبا النصح البنت قبل الشاب

حذرى من النار تاطيها

ياالله يالواحد التواب

شبابنا اليوم تهديها

وتحفظ وطنا من الأرهاب

والرواحنا دون الراضيها

وتلاحم الشعب بطيبه طاب

عاش الملك عاش حاميها

ماعمر ضنه بشعبه خاب

ولشعب يبذل مساعيها

__DEFINE_LIKE_SHARE__

(( حــبـــــيـــبــتــــــــي ))

حبيبتي أحلى الليالي والأيام

حبيبتي يسعد مساء ليلة العيد

في ليلة العيد اكملت كل الأحلام

عيد و فرح على المحبين وسعيد

البارحه ياعيد حطمت الارقام

عودتني ياعيد ملبوس ِ جديد

عودتني هذي السنه وقبلها العام

مامثلهن مرن على القلب تأكيد

محلى اللقاء في عيدنا حظنا قام

وحلو المشاعر يعزفن الأناشيد

ماغير انا وياك والشوق قدام

في جوى هادي عن عيون الحواسيد

الشوق يجمعنا وحنا له هَيام

جينا على شوق المحبه مواريد

يأحلى ملاك الكون ياوردة الشام

ياالي زهاك الحسن ياشيخة الغيد

هو فيه مثلك ياالوفاء باالوفاء دام

تدوم عشرتنا مع الحب ويزيد

حبيبتي تشهدلنا روس الاقلام

مثل شهادة مكتب احصى المواليد

__DEFINE_LIKE_SHARE__