\
\
(( الظروف الاقتصادية ))
بقلم : no tamil7
بكت دفي دوف وعطني معـه ولاعـه
وانا ادري اني بقربـه حالتـي سيـه
والحال عود نحيـل وكثـرة أوجاعـه
غير الهواجيس من هذي علـى ذيـه
اراقب الصبح ليـن يحيـن مطلاعـه
والنوم ما مـر جفـن العيـن موليـه
يالعين ما طاب لك نوم الهنـا ساعـه
تغضين فيهـا بالأحـلام الرومانسيـه
تدرين حالي مـن الهوجـاس ملتاعـه
في ظل سوء الظـروف الأقتصاديـه
يالعين رمشك يرف وهـب ذعذاعـه
وأنا أدري إن الهـوى دايـم شماليـه
سحابهـا بالوسـم ماطـاب مرباعـه
من لاهب القيـض عـدا المربعانيـه
والقلب لامن طرى له طـاري شاعـه
ما كنـه إلا سكـن بـأرض خلاويـه
وقامت تحثه همومه واعلـن اقلاعـه
وده على اوداعها روحـه بـلا جيـه
يا داليـا والوليـد :الطاعـه الطاعـه
برى: ترى أخلاقـي الليلـه تجاريـه!
والدكم الظاهر انـه شانـت اطباعـه
وعلاقتـه فـي حـدود الدبلوماسـيـه
وأنا لو أشكي تعـب بالقـول سمّاعـه
ضاقت عليه الوسيعـه مـن شكاويـه
تدرون وش يقهر الرجال مـن باعـه
اليا طلـب حاجتـن ماهـي بمقضيـه
وتدرون وش هي مصيبة من له اوداعه
إن كان ودعت سـرك مخلـف النيـه
البيـر جمـة ولكـن مالهـا قـاعـه
وعيا يطـول الرشـا بالدلـو للميـه
آجاهد النفس والخالـق لـه اوداعـه
وانا فـدى ديرتـي وأهـل السعوديـه
http://www.t1111t.com/vb/showthread.php?t=76509