العيد ثوب الحزن للطفل وام الشهيد = وش عذركم للدموع اللي على خدها
كنا عرب باالجزيره يذوب منا الحديد= من قو بأس العرب محدٍ وقف ضدها
واليوم دم العرب يسفك ولامن جديد= ستين عام القضيه هاتها ودها
ياكثر مااسمع كلام من العرب والوعيد = الطق في روسنا والكذب ماسدها
انشهد ان العرب مملوكه مثل العبيد = الفعل مامن فعل والدين مع يدها
العذر ياام الشهيد سيف العرب من جريد= والكلمه اللي تجي في الحلق واردها
الله يجيب الامام اللي يزيل العديد = واللي بناء ساساها في المجد ماهدها
محدٍ مخلد على الدنيا حياته وحيد= لابد رجله تجي في القبر ويمدها
والله يسلط على صهيون بأسٍ شديد = ماعاد فيها حسافه نعنبو جدها
الاثنين 8/ 10/ 1435هـــ
الحقوق شبكة عيال الحمايل
__DEFINE_LIKE_SHARE__