مديت يوم الاحد صباح الاثنيني = كل المماشي على الله ماحسبناها
قطعت ممشى الركايب فوق رجليني = اقبل على حزوم والاخرى اتعداها
لانمت قامت هواجيسي اتصحيني = حيث المغيبه بعد مافات ماقواها
نطيت رجم واثري الليل ممسيني = بديارغربه يعل السيل ماجاها
الشمس غابت وانا هاالحين هاالحيني = بطحى عدامه ولاني لاحق ماها
والمشرب اللي معايه مايكفيني = الدرب كايد ورجلي باد حذواها
لكني تحت رحمة اللي مايخليني = حيثه على مايريد ارزاقه اعطاها
يوصلني اللي تحرى في سويديني = عامين مني خبرمقطوع ماجاها
هبت هبوب الشمال وبردها شيني = ماتدفي النار لوحنا شعلناها
مايدفي إلاحضن مدعوجة العيني = الا عطشنا شربنا من ثناياها
هي شبه وضحى تمطرح بين ذوديني = وردت على عقله ماغثرب بماها
ياكثرماتزعجين الدمع ياعيني = على هنوف جديد اللبس يزهاها
اضحك مع اللي ضحك والود طاويني = طية شنون القرب لاقطرواماها
تستاهلين الرمد وهزوم ياعيني = عين تعلق مع المقفي بلياها
لواشتهت لي عييده غيرتبريني = هي اللي تعرف الدواوالعين تجلاها
قالت مقاسيم حالت بينك وبيني = تبعد وراها وانا ودي املاماها
وانا احسب اني من اول ماتعديني = تنسى المحبه وانااللي ماقدرأنساها
عزالله اني معاها الله معنيني = والا ماني رايح لها واترضاها
من عقب انا باالسهل والماقع الزيني = نطحت كمخة وانا من قبل ماارقاها
عواد ابوسالم من مبطي يمنيني = بعض التماني ترى نصبربلياها
الشاعر / سلمان بن سويلم البلوي
رحمه الله
__DEFINE_LIKE_SHARE__