بساط الاحلام


ليت الندم ياهاجسي عظة ابهام

لاادمي يديني بس ابرتاح منها


وياليتها غربة وطن عشرة اعوام

الروح تصبر دام تسكن بدنها

ولا غربتي مابين نفسي والايام

عجزت اعالج من كسوري وهنها

غربه تسافر بي على بساط الاحلام

وتتركني انشد واقعي المر عنها

غربه سفيها تشتري اليوم عن عام
وانا اللي ادفع من غبائي ثمنها

تبكي وانا اسهر واطوي الليل مانام
لين الشفق يلمس جبينه وجنها

تصرخ وانا ادفع خطوتي قبل الاقدام
عجزت ادوّر وين ابلقى وطنها

مدري عبيد الفلس هم شبه الاصنام
ناسِ تحقق ذاتها من وثنها

مدري غلطت اني تشيمت مادام
اللي بقى عنده مبادي طعنها

مدري بريح الحظ من سكرته قام
صاد ف سنابل حلم عمري وطحنها

مدري الطفوله احلامها تولد اوهام
ماتت ولكن هاجسي مادفنها

خلت عفيف النفس ظلِ له عظام
ومن الوزى لا هج عنها زبنها
__DEFINE_LIKE_SHARE__