عاتبت قلبي قبل اعاتبك وايقنت
أن الهوى يكفيه سابق حضوره
لاتسال المجروح عن ليلة السبت
في شاشة الجوال آخر ظهوره
حبك ل نفسك يتبعك وين ماكنت
ونظره غرورك نفسها بكل صوره
وكثر التعالي منك يستنزف الوقت
واحساسك القاسي يبدد شعوره
بذلت جهدي وشوفني ويش حصلت
بيحت ن شوق ماتفيح قدوره
طيشك ملاك اعناد من فوقك ال تحت
اقول طعني وانته اتطيع شوره
وصلتني ب عنادك ل قمه الصمت
ودفنت بوحي تحت بابك وسوره
كم لي وانا اسال عنك وازهمك لاهنت
واشوف حبك فرض وانته ضروره
ماخنت جورك لاكن اب خاطري خنت
و ب سيف صبري رحت احارب سروره
عيني عماها الحب ليني تبصرت
والعيب ب افكاري عليك امحصوره
ياورد ب يديه طلعت وتلونت
وش له يشح الورد ب اجمل عطوره
كنت احسبك طب ن على جروحي وطبت
واثرك عذابي والجروح امحكوره
واليوم من عيني مع الدمع فارقت
وانهيت حبك والغلا من جذوره
معاند الشوق
[/font]
|
__DEFINE_LIKE_SHARE__