يالله يالـوالـي علـيـك التـدابـيـر=
يالـرازق الخـلاق وأمـرك مطاعـي
بامـرك وتيسيـرك تسيـر المقـاديـر=
ومن خالف أمرك ما بها شك ضاعـي
جعـل المـزون اللـي علينامحاديـر=
يسيـل مـن همالهـا كــل قـاعـي
والروض يسقي الروض من وابل الخير=
عند الولي لا مـن ضاقـت وساعـي
حتى العشوب تزوف والأرض تخضير=
لا شافهـا قلـب بـه احسـاس تاعـي
الخيـر مقبـل فاللـيـال المناحـيـر=
الوسم طـاح وبـاذر العشـب فاعـي
يازين شوف السيل عقـب المعاصيـر=
عقب الدهـور تزيـن كـل المراعـي
حتـى عطايـا الله بكـار ومعاشـيـر=
لا من ضواها الليـل تمسـي شباعـي