اقلـــط هـــلا يامرحبــــابك ملاييـــن
ويامرحبا في ساعةن جابت الضيف
ياضيف جيت وشوفتك سرت العين
بالمختصــر جيتك ياضيف تشريف
غــلاك ما يحتــاج تطلـــب براهين
له موقعن معــروف بين السراجيف
نفــرش على دربك ورود البســاتين
ولرضاك غير نلطـف الجـو تلطيف
وانته وانا ياضـــيف مثــل الحبيبين
ولا بيــــننا ياضــــيف زايد تكاليـف
عن جيـتك ما قلــت بكـــره بعــدين
تجي على كيفك وتمشي على الكيف
وانا الى شــفتك ما اعقــد الحجاجين
وعن واجبك ماني مســوي محاريف
اهلا هــلا ياضــيف يامرحب اهلـين
اقلط وهــرجــنا بزين الســـــوالـيف
هات الكلام اللي علــيه المضــامين
والهـزل خله من نصــيب الملاقيف
وانته تعرف الزين يفرق عن الشين
ما من وراه الشـــين غير التحاسيف
ومادمـــت غالي مرحبــابك ملاييـن
حنـــا على شـــوفك وقربك ملاهيف
واليا اختلـــف طاريك دور خفيفــين
والعلم ما يحتـــاج له زود توصـيف
،،
الغانم
__DEFINE_LIKE_SHARE__