سجن الذيب
ماجورياذيب يأبن الذيـب سرحانـي=ما جور من ذا القفص والحاله السيـه
يا ذيب انا خابـرك بالحيـل زعلانـي=ونظرتك تشرح لنا اللي تخفـي النيـه
قال ايه شفني وعان اوخيـي اوزانـي=والكـل منـا مايقـدر ينفـع اخـويـه
قلت ايـه هـاذي اذنوبـك لا ترجانـي=ارتـاح والسجـن للمجـرم رفاهـيـه
قال انت لا تتهمني فـوق مـا جانـي=يكفـي عذابـي لكـن كـب الحزازيـه
وشلون تصدر حكم من غيـر برهانـي=أسمـع أعلومـي وقصتنـا الحقيقيـه
الجـوع غلـلاب والوالديـن شيبانـي=وتعبو من الضلع والروحـات والجيـه
وحنـا كبرنـا وأبويـه ليـش ربانـي=مـن شـان لا كبـر نكفيـه المكديـه
وفأحدى الليالي صملت أغزي ووصاني=قال أحذر البدو وأخططهـا السماويـه
ثم جيت ساري وانا خايـف وعجلانـي=ابغى العشـا ثـم لقيتـه طـارف ليـه
والناس نامـو وتـال الليـل جرانـي=ولا ادري ان دون العشا خطه خصوصيه
جيته امدرهم وطحـت أبفـخ عدوانـي=فالخطه اللي لنـا مـن عصـر مبنيـه
وعني مارد الخبـر لبـوي وأخوانـي=ثم ارسل ابوي أخوي يشوف وش فيـه
ثم جاك ساري ما يدري ويـن يلقانـي=وأصبح مصيره مصيري نعنبـو حيـه
صرنا رهاين سوى في سجن الانسانـي=عدة أشهور علـى ذا الحـال مقضيـه
وشرواك لاجا مـع السكـه وساوانـي=وقف وجانـي وأخـذ صـوره فكاهيـه
أحـد يقـدر وأحـد جاهـل وفسقانـي=وأحد ليا شافنـى جـا فيـه مسحيـه
صرنا هنا عرضة للنـاس مـن دانـي=ولاأحد من الناس فـي قلبـه محنيـه
ثم قلت تبغى الحقيقه وضعـك ابكانـي=والله ما أرضى على الطيـب حفوفيـه
لكـن ياذيـب فـي هـاذي لا تنخانـي=حنـا ترانـا ياذيـب الضلـع طرقيـه
ومن لايعرفك ماشـال لقـدرك اثمانـي=وحنا علـى عـزة الأنفـس قصاويـه
واللي سواتـك لـزوم ايعلـق العانـي=ويكفل ويحفل وهاذي صعبـه اشويـه
ولأ حدعرف منهوالمجني مـن الجانـي=وانته ترى المتهم تسعيـن فـي الميـه
أحكام الاقـدار جتبـك عنـد هذلانـي=قوم" مافيهـا علـى الأخصـام ماويـه
لكن خل الصبر لك سيـف وأحصانـي=يمكن تزيـن الأمـور أشويـه أشويـه
وانكان تبغى قصيدة عطـف واحسانـي=بعطيك كم بيت عطهـا سعـود جاهيـه
قل لـه ترانـي دخيلـك فـك بيبانـي=بعيش تال العمـر فـي وسـط حريـه
وقل له تراني بري مـن فعـل جدانـي=ان كان من بينكـم حـرب ونفوسيـه
انا سنافي ما خـون الجـار والعانـي=ولاني حرامـي ولا أحـب الحراميـه=
جيتـك مسيـر ولالـي مقصـد ثانـي=وصارت احكامك على الضيفان عرفيـه
وأوصيك لا تعتـرف لوكنـت غلطانـي=وأتصير عبره لغيـرك فـي السعوديـه
لو كان ما معك بعـد اليـوم جحدانـي=بتشهـد عـلاك البصامـات الجنائيـه
وانكان علمـك لا سمعـه راح مجانـي=قله ترى الموت أخيـر مـن الكراهيـه
حنا الذيابه لنـا فـي العـز عنوانـي=والطيب ورثن لنا مـا هـوب عاريـه
والله مبغـاك وأنتـه كيـف تبغـانـي=ترى العلاقه ماهـي ياسعـود جبريـه
ان كنت مديـون خلصنـي يـا ديانـي=هات السـواري وزيـد الكيـه الكيـه
الموت راحـه ولا سجنـي وحقرانـي=وشوفة عدوي صبـاح وكـل عصريـه
حتـى اكلابـك بعـد سجنـي تحدانـي=الله وأكبـر مسويـتـن حونشـيـه=
نسـى يـوم طليـق الكلـب خبلانـي=كم ليلة جيـت وأقفـى يـدرق الفيـه
واليوم باشـه قـدم عينـك وقومانـي=يبغـى القضيـا ولا ذي ابمثـل ذيــه
لكـن مماتنـي صوتـه ولا أحيـانـي=ارفـع وقـاري عنـه وأكـرم ايـديـه
مير انت ياسعـود بالذمـه لا تنسانـي=شفلي طريقه تـرى نفسـي رجاويـه
أكرمتنـي بالشحـم يـاذرب الايمانـي=واسقيتنـي مويـة عذبـه ومنقـيـه=
من بيننا صار ملـح وزاد يـا افلانـي=ولا أظن خدمتـك لـي بالغـدر مقفيـه
لوكان والله ما تسوى شوف صدقانـي=ومد النظـر والقـدم بـأرض خلاويـه
جعلك ماتسجن مثل سجنـي يسجانـي=والله لتكـره حياتـك كـره مـا زيـه
الله لا يبـلاك يـا سعـود ولا يبلانـي=تـرى اذنـوب الخلايـق نارهـا حيـه
اطلق سراحي لجل تجـزا بالاحسانـي=ووعـدك يمـك معـاد اكـرر الجيـه
__DEFINE_LIKE_SHARE__