( حـــــــــب الـــتــليفون )
الحب الأول مضى واقفت مراكيبه
وهذى الزمن صارحبه بارق ِ يسري
حب ِ موقت ولأ تعرف مشاريبه
وسحابة الصيف ترعد مالها مطري
واليوم حب الغزل كلن يماريبه
الحب جهر(ن) بلى سد(ن) ولأسري
حب التليفون يالأحباب ماليبه
حب التليفون هذى حبنا العصري
ياعاشق الصوت بالهاتف تحييبه
من دون صوره عشقة الصوت ماتدري
حبيت صوت(ن) بلى صوره تهليبه
تقول صوته ملك قلبي واخذ فكري
واصبحة مجنون في حبه واساليبه
أسبوع ياخذ معك وأن طولت شهري
ماتدري انك ضحيه من ملاعيبه
يحب غيرك ثمان وخمس مع عشري
يحب هذاك وهذى ايضا يلبيبه
ويحلف ماغيرك حبيب ويقسم النذري
يكذب وينصب وذا طبعه يمشيبه
كم واحد(ن) ذوقه من صالي الجمري
على التليفون يامكثر مطاليبه
مشغول خطه يبيع بحبه ويشري
وانته تراقب على خطه وتحريبه
سهران ليلك تدق الرقم للفجري
تقول ابا حاسبه واظهر معاييبه
من التليفون وشغاله نفذ صبري
لاقلت وش مشغل ِ خطك نفض جيبه
يقنعك جاب الدليل وجابلك عذري
مر(ن) يقول أشغله من بعض أصاحيبه
ومر(ن) يقول العطل بالخط ياعمري
واحد(ن) كشف خطته وبانت مكاذيبه
عرف نواياه وأخذ الحيط والحذري
واحد(ن) غدابه وجرحته مخاليبه
واصبح غريق ِ صفى من دونه البحري
وحب ِ بلى ساس ماتنفع مكاسيبه
مدام حبله قصير وينقطع بدري
هذى أخر الحب مجنونه يغنيبه
وحب التليفون تاخذ بأخره صفري
وهذي نصيحة مجرب في تجاريبه
لهل العقول السليمه قلتها بشعري
__DEFINE_LIKE_SHARE__