عبد العزيز محمد الشريفي !
أولاً :
يوم ان كلٍّ قال مدري وبعدين
برك لها عبد العزيز الشريفي
ثانياً :
أجمل الشعر شعرٍ فيه فكره
واجمل المدح مدحٍ في محلّه
ما مدحت بحياتي شخص نكره
لو دمحت لخويي ألف زلّه !
ثالثاً :
أبو بدر لو يطلب الروح تفداه
عبدالعزيز اللي نبيه ونحبّه
تكبر به النخوه وتصغر به الآه
وكل الفخر للشعر لو ينكتب به
مرّه نويت اني أعدد سجاياه
لقيت مابه ريح إلاّ تهبّه !
نخيته وقال أبشر وجا من اقصاه
والطيب هو ساسه وعنده مصبّه
يوم ان غيره كنكن وقطّع رشاه
برك لها في كل ود ومحبه
كنعان جده من يسوي سواياه
كم فارسٍ لا شافه الخوف طبّه
مبطي وعلمه غانمٍ لا عدمناه
واخون لعازات الليالي نضبّه
والذ حاجه فيه واحلا مزاياه
ان ما مدحته مالك الله تسبه !
__DEFINE_LIKE_SHARE__