مديت كفي للسما وانتحر طير=من طاح طيره قلت جاني عزايه!
تركت حلم(ن)ظمنا حزة اعصير!=وايقضت لجروح المنايا حكايه!
استبسل الصبح وتفتّق على خير!=يبذر لفلاّح المشاعر بدايه!
يرسل دموع الشمس تمحي المحاذير!=اللي تحرض لارتكاب الغوايه!
يقراك كف وينبئك كيف بتسير!=وادوربك اصغر من مساحة وفايه!
يلقاك زيف ويحقرك دون تقدير!=يبداك طيش ويحتفل بك نهايه!
ياكثر ماضاقت علينا المعاذير!=وياكثر ما عج الكذب والجنايه!
حنا كذا نصنع للاحلام تبرير!=وندور اضيّق زاويه للوقايه!
نبني بروج الحب ونعيش تصوير!=ونهد مايبقى هنا بالمرايه!
ونهج بيبان العتب دون تفكير!=ونحطم اقيود الولا والوصايه!
وان مرت اقلوب العذارى مصادير!=الشمس تلفحها وترجع ظمايه!
ماقلت لك كثر الهدد يقتل الطير؟=ماقلت لك خل القنص والرمايه!