بنات الشام
انـــا حبـيـبـي مـنـبـع الـطـيــب والــزيــن
زيــن الـعـذارى مــا وصـــل ربـــع زيـنــه
يسـوى بنـات الـشـام والهـنـد والصـيـن
وبـاريـس مــع لـنـدن وحـتــى المـديـنـه
ويسـوى البـدوا عنـدي واللـي مقيمـيـن
وحتـى الـذي بوسـط البحـر بالسفيـنـه
ابــو عـيـون ٍ ســود بالكـحـل يـزهـيـن
وكـــل الـحــلا مـوجــود بلـمـعـة جبـيـنـه
ومبـسـم ٍ زاد الـشـهـد فـيــه ضعـفـيـن
وزيــن الـعـذارى مــا سـكـه فــي يديـنـه
فيـه الـحـلا والطـيـب والحـسـن واللـيـن
عـجـزت لا اللـقـى فـيـه شــيءٍ يشيـنـه
هــو غايـتـي هـــو مطـلـبـي بالمـزايـيـن
يالـيـتـنـي اشــبــك يــــدي فــــي يـمـيـنـه
بالحـيـل أحـبـه حـــب فـــوق الـمـوازيـن
روحـــي وحـيـاتــي كـلـهــا لــــه رهـيـنــه
عشريـن يــوم ٍ كنـهـا عـنـدي سنـيـن
والـلـي مـثـل حـالـي عـسـى الله يعيـنـه
شوقـي لـه اكـبـر مــن غــرام المحبـيـن
شــوق ٍ سـطـا بـالـروح بـيـن حنيـنـه
يـا أغلـى قصيـده قلتهـا بعـام الالفيـن
انــــا حـبـيـبـي الــيــوم ويــنــي وويــنـــه
روحـي وقـولـي لــه تــرى وقتـنـا شـيـن
والـلــي حــكــا بــالأمــس لا تسمـعـيـنـه
خلـيـه يصـبـر غايـتـي مـــن القريـبـيـن
وانــــا اوعــــده يــرتــاح بــاقــي سـنـيـنـه
يـا غيـر حكـم اللـي لـه الخلـق راجيـن
والـــلـــي مــــــن الله كــلــنــا راضـيــيــنــه
واوصــيــه بــامـــه تـــــرى بــرهـــا ديـــــن
وقـولـي رضــا الله مــن رضــا والـديـنـه
وصافي المحبه لا حصلت بين قلبين
تـســوى كـثـيــر الــمــال لــــو تملـكـيـنـه
قــولــي مـشـاعــر داخــلــك لا تـخـبـيــن
ارجــــوك قــولـــي لـــــي مـــــا تكـتـمـيـنـه
__DEFINE_LIKE_SHARE__