الغريق

بين خطوه ضايعة ...واخرى انتظار
امشي مدري وين ياخذني الطـــريق

اّّّّ اّ اّه احس بقلبي المجروح.....نار
يالشـــوارع قامت الدنيا تضـــيق

وين اروح اليوم...ما عندي خــيار
منهو الليــله على جرحي...يويق

جفت بوجهي الجداول......والبحار
يعني ما ضل يا جفاف العمــر ريق

ورحت افضــفض للحـديقة بالغبـار
ماوعيت الا وســـط بيتي العتـــيـق

اّنا لازم أتـــخذ............اية قــــرار
قبل لا تصبح..حطب هذا الحــــريق

يا بعد ناسٍ رموني..........للدمــار
كيف ابلقى فراقٍ. لمـــثلك يليـــق؟

يكفي انّك جيتني.. يا احلى سمــار
وصرت لي اوفى خوي واصدق رفيق


جيتني بعد المحل...ورد وخضـــار
وقمت احــس اني.مثل طيرٍ طلــيق

وصرت انام الليل..واعيش النهار
وصــار للدنيا...طعم ثـــاني وبريـــق

كنت قبلك عايش ايـــامي انكســار
من حبـــيب مفارق ..لطعنة صديق

لين مــــا وصّلت ......حد الانهيــار
وقلت يـــــا غيبوبتي..ما ودّي افيق

جيــتني وفكّيت عن عمري الحصار
وزحت عني كــل هم.وكــل ضيــق

والسؤال اللي يشّب بالقلب.. نااار
ليه انا يا صاحب الــقلب الرقــــيق ؟؟؟

قمت اذوق الحـــب..احسّ انه مرار
مثل طعم المـــي بلســـان.. الغريق


الرقة 2003م __DEFINE_LIKE_SHARE__