طلال الشعلان :
بعـد الـثـلاث/ وعـقـرب الفـكـر مــادار
حـاولــت لــكــن هـالافـكــار تـتـشـابـه
وشبيـت فـي بيـت الشِعـر موقـد الـنـار
وشـربــت فـنـجـال السهروالـصـبـابـه
وفجـأة سمـعـت بخـلـوة القـلـب سـمّـار
والـشـعــر شــــرّع للمـسـايـيـر بــابــه
هـذا انـت غـيـرت المعـانـي والافـكـار
وكـســرت عـمــدان الـمـلـل والـرتـابـه
صوتك انساب بمسمعي مثـل الاوتـار
لـــه حــنــةٍ تـشـبــه حـنـيــن الـربـابــه
وصاحت زغاريد الفرح سـر وجهـار
وذابــت مـلامــح دهـشـتـي والـغـرابـه
وتعـطـرن بـنـات فـكــري بـالاشـعـار
وتـسـابـقـت يــمــك خــيــول الـكـتـابـه
حيـاك يــا نـسـل الصنـاديـد الاحــرار
في عرس حرفي ضيـف عـز ومهابـه
(طلال) أو(لورنس) هي نفس الاخبار
ذيـابـه وجـابـت مــن ظـهـرهـا ذيـابــه
قبلـك وانـا قلبـي مثـل جـرد الاشـجـار
وكني علـى صـدر الصحـاري خرابـه
بعـدك وشفـت الشعـر بعيـون الاقمـار
وبـعـد الضـمـا هـلـت علـيـه السـحـابـه
الرقة 2005م
أهلاً رد طلال الشعلان
اهلاً هلا باعداد ماهلت أمطار
واعداد ما مطرب يجر العتابه
يامرحبا ترحيبةٍ تنثرأزهار
لـ عرس الكتابه والمعاني كتابه
وياراكب اللي يقطع الجو بطيار
أسرع من الصاروخ واللي مشابه
ومحملن ردي على أبن الاخيار
ومحملن رد السلام/ وأجابه
حييت ياللي تقضي الليل بأسهار
بعد الثلاث وفكر/ قافك درابه
اقرب تقهوى قهوة الكيف ياجار
وخل القوافي من قرابه لـ قرابه
جهزت/ دلة مهيلة كلها ابهار
لك صبت المعنى َبـصافي شرابه
ومديت لك فنجال طيبة وتذكار
وهندمت لك قافٍ يشد العصابه
الشعر به ناسٍ صعاليك وأمار
وأنت الأمير وشعر غيرك ترا به
تملك مفاتيح الأدب عندك أصرار
متيم قوافي وغيرك القاف عابه
ياخوك ماهي مسألة سر وأسرار
هذا الشعر عاري وتملك ثيابه
بحر الشعر مايعرفك غير بحار
وهذا الشعر رحلة وفكرك زهابه
__DEFINE_LIKE_SHARE__