يــــــــــا أنا

انت وحدك لو تكون لغيري أزقر لك أبيك ،،،،
انت وحدك من تنامى فوق غصن المستحيل


و مستحيل القلب عندي صار يقبل لك شريك ،،،
و مستحيل لغير هيبة ما نوى يشد الرحيلــ ..


إنت يا نصفي غصونك صمت
يزهرني كلام ،،

لو تخيلتك: جنون الشوق
في بوحي تهيم ،،

بين أوراقي تحط عيونك بصدق و تنام
وعند أول حرف من اسمي باحساسك تقيم ،،

تختنق لو أسكن سكوني عتب والا ملام
تطلب أنحائي : (انثريني) لجل تحيين الرميم ..!

انت كلي يا جواب الي سأل: من هو يكون ؟
رددك: أروع محيا يرسمك كلك حلا ،،


وأنا إنت بداخلك لو بحت باسرارك فنون
تزهر الدنيا أزاهير الفرح طفل و غلا

،

تعكس أشيائي ملامح من تفاصيل الضيا
هيبة المسلم مع وضوءه تلاوات و طهر،،


و انثر فكفيك من ماء انتمائي لك حيا
و ارتسم بأعلى جبينك من صدى قلبك فكر



ليت، لو أسألك وينك؟ قلت :لبيتك هِنـــا
تحتضن عيني هدبك دموع أفراح و شموع


أسحب أشلاء الحزن من بين عينك يا أنا
و قلت:
أنا غيم ارتحل ياتيك و لا يبغي الرجوع ،،


ياااه
و اصمت
ياااه
و وقته أنتثر كلي هدوء
بسكتك فيني صخب ثم تبتدي بوحك وله



وقتها بس يهتني عهد الفرح بأول نشوء
نصف دار لنصف آخر

من حنينه و كمله

،، __DEFINE_LIKE_SHARE__