[ALIGN=CENTER][TABLE1="width:95%;background-image:url('http://www.t1111t.com/vb/mwaextraedit2/backgrounds/158.gif');border:4px double gray;"][CELL="filter:;"]
[SIZE=5][ALIGN=center]
[mark=#666666].. عـــذب الــقصــيد.. [/mark]
إعداد: ظل القمر
[ALIGN=CENTER][TABLE1="width:95%;"][CELL="filter:;"][ALIGN=center]
ما قلتلك؟؟؟؟
ماقلتلك !!!!
,
,
وحدك غديت النور .. والباقي ظلام !
وان السهر لابانت خيوط الفجر .. يبدا ينام !
يتركني بروحي اطيّر من حنيني / لك حمام !
وأحمله شوق وسلام ..
وماقلتلك !!
,
,
انت الوحيد اللي اشوفه ذنب
مهما ارتكبته / مااحس انه حراام !
وماقلتلك !!
,
,
ان الحنين رماح .. وان الغياب أحباب !
وإن الشعر مفتاح .. وإن القلوب .. أبواب !
وإن الهنى ماله على قلبي دروووب !
وان الحزن فيني بنى / بلدان وهمومي [شعوب ]
وإن الشعر مالي غنى عنّه .. وعنّه ماأتوب ..
وإن الحنين اللي بنا .. أطهر مساحات الذنوب ..
وإن الشعر ../ مثل الحزن قسمة ونصيب !
وإن المنافي ..مع مرور الوقت تصبح ديرة أولاد الغريب !
وإن الصبر .. مهما يواصلنا يجي يوم [ ويغيب ] !
يمكن لأنه مثلنا !
والا الصبر مل الصبر ..
مدري ولكن قلتلك ..
ماقلتلك !
,
,
أشيائي الحلوه قليل !
وإنك أحد أشيائي الحلوه القليل !
معاك احس إني سهر ليله طوويل
ألقابه لحزني .. خليل !
وأحس في صبري حطب .. وأيّام غيباتك فتيل !
ماادري متى يجتاحني هذا الملل ؟!
وأحرق من سنين الصبر !
وماقلتلك !!
,
,
لو جيتني مرّه مطر !
تلقاني بدوٍ تنتظر !
يستبشرون ان جت مقاديمك تغنّي عن حضورك يمّهم !
من طهرهم ..البرق في تعريفهم يعني الحياة ..
والغيم صوته أغنيات !
من غبت عنهم عايشين بهمّهم !
تفرقوا .. وصاروا شتات !
وانت الوحيد اللي تجي وتلمهم !
وماقلتلك !
,
,
أشياء (3) باقيه ماقلتلك ..
إنّك مثل حزني .. قدر
وإنّك مثل ليلي سهر
وإنّك عمر ..
والعمر مرّه بالعمر !
والعمر مرّه بالعمر !!
,
,
[/ALIGN][/CELL][/TABLE1][/ALIGN]
[/ALIGN][/CELL][/TABLE1][/ALIGN]