صرخة التحرير
قال الشاعر عبدالله الحضبي السبيعي
[poem=font=",6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
تبسم فرح طفلٍ رماله حجر وارتاح = سمع صرخة التحرير دايـــــم تناديله
رماهم بقوة عزم ماهمه الارواح= صمود انتفاضة شعبٍ النصر يــــــــومي له
بغى ثار أخوه اللي توفى بدون سلاح = قهر والقهر ينجب بطــوله وتبسيله
نظر في يمينه ثم شاهد زميل طاح= ونظر في شماله وأحرق الدمــــــع منديله
وشاهد عجوز تلطم الوجه بالمسباح= تجر الونين وترفع الصوت تشـــــكي له
وشاف اليهودي يكسر الناس بالألواح = والآخر رصاصه يحرق الناس باشعيله
وكل الشوارع مظلمه بالألم وصياح= قنابل ودبابات ضخمات ومـــــــــــهيله
ولبس له عمامه واحتزم ناوٍ المرواح= حياته خساره والمناصيــــــب وشهيله
وشارك مع أبطال الحجاره بكل كفاح= عسى الله يعينه لين يلحـــــق مواصيله
تحسّب على اللي حط وسط البلاد أشباح= وبنى دولة الصهيون بالغدر والحيله[/poem]


فأعجب بأبياته الشاعر المعروف محمد بلقفص العمري فقال :



[poem=font=",6,darkred,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
سطورك بها ريح النفل يازميلي فـاح=برغم إنها ترسم حدث بـان تفصيلـه
تمعنت في قافك وشفته بكـل ايضـاح=رسم ملحمة شعـبٍ تلوفـه بهاذيلـه
وحنا نناضر سطوة الغاشـم السفـاح=مثيل الـذي تابـع مسلسـل تماثيلـه
ويا الشاعر الحضبي عسى همهم ينزاح=ويفزع لهم ربـي بنصـره وتعجيلـه
ويبقـى عـدو الله يتجـرع الأتـراح=وتلقاه صرخات المآسي وتجـري لـه
ويرتاح طفـل هكـذا حالتـه ياصـاح=و يبرز شعار النصر والكفـر ياويلـه
وتهدى عجوزٍ سدها من عناهـا بـاح=ويسقط زعيم الكفر من بعـد تبجيلـه
يضل الفرح يمسي بهم والسعد سـراح=ويلعب حزين الأمس يكثـر مووايلـه
وتظهر فلسطين الأبيه بزيـن وشـاح=ويكسر صليب نعنبوا مـن يغنـي لـه
وتظهر عليها نعمـة الـرازق الفتـاح=بعد ما سقاهـا ظلـم لنـذال حنظيلـه[/poem] __DEFINE_LIKE_SHARE__