لاواهـنــي مـــن شـــاف نـجــوى بـــداره
لو هي دقايـق بـس يمـلا بهـا العيـن
ويشكـي لهـا الحـال ويكشـف اســراره
ويـقــول حـبــك فـــاق كــــل الـمـوازيــن
نــجــوى حــلاهـــا زايـــــدٍ مـــــع غـــــزاره
طول وجمال وجدايل ٍ فـوق متنيـن
لو طالعت للقمر يختلف عن مسـاره
ولو ناظرت للشمس تصيـر نصفيـن
ولـــو نــزلــت لـلـبـحـر يـقـلــب حــجــاره
وكـل السمـك يصيـر تـراب ٍ وطـيـن
ولــــو طـلـعــت لـلـيــل شــعـــت انـــــواره
ولـــو مـشــت بـجـبـال ثـــارت بـراكـيــن
ولــو دخـلـت بسـتـان طـاحــت اثـمــاره
ولـو سكنـت بسهـول تنبـت بساتـيـن
ولــو شافـهـا شـاعـر يضـيـع اشـعــاره
ولــو شافـهـا مــوزع ينـسـا العـنـاويـن
ولـو شافـهـا صـايـم ٍ يعـجـل افـطـاره
ولـــو شـافـهـا تـاجــر يـخـلـي مـلايـيـن
ولــو شافـهـا بــردان يـشـكـي الـحــراره
ولــو نـاظـرت حـامـل تـرمـي جنيـنـيـن
أخــــذت صــــك الــزيـــن زايـــــد قـــــراره
ومــن بعـدهـا يـانـاس مافـيـه حـلـويـن
واسـتـغـفـر الله كــــان زلــيــت بـعــبــاره
وهـذا كــلام إعـجـاب بسـيـد المزايـيـن
ومن يمشي دروب الحب تكويه ناره
ويقـول شعـر ٍ بــس يبـغـى براهـيـن
والـحـلا مــا يجـيـبـه جـــاه ولا شـطــاره
مـيـرالـولـي خــــلاق لـلـزيــن والـشــيــن
تسوى البـدوا عنـدي وأهـل الحضـارة
تسوى العرب مـع العجـم والسلاطيـن
__DEFINE_LIKE_SHARE__