الي قريب حياه لا يستحي والي عليه سخونه لا ياكل الحلا بارد هههههههه
بقولكم سالفه صارت لي بما ان البنات بالمطبخ لحد يقولي وراه ماتساعدينهم مافيه شي
يضبطون القهوه ويحسبونها ذبيحه رايحات كلهم ههههههه
المهم ماعلينا هذا الله يسلمكم بالمستوى السادس فالجامعه حصل التماس بسيط فالجامعه
كنا انا وصديقاتي نتقهوى بالمسرح فجاه المسرح صار فاضي ماهي عاده ومشينا الوضع فجاه نسمع صراخ البنات
وبنت تركض تقول حريقه انا وصديقاتي جلسنا نصارخ والي تركض والي تصيح يعني خلاص باب المسرح بعيد قلنا بنموت ههههههه
ياربي استغفر الله وقتها انا كل همي اختي الي اكير مني بسنه اخاف اسلم ويقولون امي وابوي وين اختك رحت ادورها ومعي بنت خالي وحده من عايلتنا فكانوا مانعين دخول الطالبات للمبنى كانوا يطلعون وانا ابي ادخل ادور اختي ونسمع دكتوره تصرخ لحد يلمس الجدران والي معي يصيحون يقولون خلينا نطلع انا الا ادخل مسكتني دكتوره قالت لو هي بالمبنى طلعوها اكيد
واقعد اصرخ هي الحيوانه سمعت صراخي تقول احسبها وحده ثانيه ماهو انا يوم لقيتها خميتها واصيح
اثرها كانت بتروح وتخليني تقول حريقه لعنبو بليسك تدوريني ليه طبعا هي علمتني وقت مارجعنا للبيت المهم بـ لحظه هذي
دقت بنت خالة بنت خالي تقول وش فيكم وعلمتها ان عبياتنا بالغرفه الي ملتمس فيها العداد قالت انا بجيب عبايات واجيكم
المهم البنات يصارخون وانفتحت البوابات وحذفت وحده من البنات طرحه قالت اطلعوا ولا بتموتون بسرعه تخيلوا الشكل
اربع بنات بطرحه وحده هههههههههه وطلعنا والله واحنا نمشي فيه وحده متستره جتنا قالت ي بنات تستروا الي من العايله
جلست تصيح وتقول تستهبلين هذا وقتك طبعا الي طلعوا بدون عبايات الرجال الله يجزاهم خير حذفوا الشماغ لهم
المهم وصل المنقذه الي هي بنت خالة بنت خالي هي واخوها نزلت مع بوابه غير الي حنا طالعين منها ويوم دقت بنت خالي رد
اخوها علينا ويوم علمته ترك اخته وجانا انتم تخيلوا بعد ان ركبنا معه وحنا حالتنا حاله صياح هو انخرش يحسب ان فينا شي
وكل ما سالنا نزيد صياح عاد الصدفه طلع يصير صديق اخوي ياه بغينا نموت وقتها رجع للبوابه الي دخلت منها اخته
ونزل يدورها يوم جاءت تقعد تصيح معنا يوم سالتها بنت خالي قالت صحت معكم ههههههههههه
اذكر يوم وصلنا البيت اهلي ماعندهم خبر انا خميت ابوي واختي خامه امي ونصيح يوم علمناهم انهبلوا
وسطرت اختي علي الي سوته قالت اذا صارت مره ثانيه لاتدوريني اهربي بعمرك حيوانه ههههههههه
__DEFINE_LIKE_SHARE__