والله انا ابتكلم عن نفسي بس بقول شغلة ،،

الانسان اذا كان متبلد المشاعر مايحس هذا يخلونه ممسحة عندهم
ايش ماقالوا ايش ما سووا فيه صقعوه ضربوه مسخروه بالكلام الزايد عن حده
مايحس وقدامي عينات زي كذا ما اقول الا الله لايبلانا ..

عن نفسي انا حساسة جدا عند شغلات معينة ..
مثلا جات وحدة شافت فيني شي مافيها يعني هي نحيفة و انا مليانة
تجي تقول يوووووه لعد تلبسين جينز مرة شكلك يصير يضحك وانا قيدي شايفة
عليها شغلات واقدر اتنمر لكن اخلاقي ما تسمح هنا ساعتها اصير
حساسة و حتى اقاطعها ما اكلمها ابدا بالذات اذا كان لسانها فلت قدام
جمعة بنات يعني شوفوني وانا جريئة وصريحة ولا علي منها .. طبعا هذا مثال
وصارلي موقف مشابه تقريباً ..

اصير انسانة حساسة عند بنتي ربي يحفظها ويحميها من كل شر
اي وحدة ترفع صوتها عليها ولا تضربها قدامي هنا اصير مجنونة مو بس حساسة
وقبل فترة جارتي صقعت بنتي على كتفها وانا صرخت عليها وهددتها
ان ثاني مرة عادتها من وراي ولا قدامي كلامي مو معها مع اهل زوجي يتفاهموا مع رجالها
عشان بعد كذا تعيدها مرة ثانية وصارت تقولي وش فيك ضربة خفيفة ماصار شي
وانا سامعة هبدة يدها وتقول خفيفة كيف لو كانت قوية

واللي تتنمر على شي فيني ربي خلقه ما اقدر اغيره هنا اصير حساسة مرررة
وبعدين يجوا يقولوا نمزح معك ايشبك كذا حساسة .. ياماما فيه فرق بين المزح
وبين الحش امزحي معي اصقعيني اضربيني اهبدي ظهري ما اقول شي سبيني تفلي بوجهي
لكن حدك عاد عند خلقة ربي خط احمر .
انا بطبيعتي انسانة فرفوشة واحب الضحك والمزح لكن الحش فيني او في غيري هذا
انا ما ارضاه ويعتبر غيبة و مليان في حياتي ناس زي كذا ما اقول الا الله لايبتلينا بس .

والتدخل في اموري الشخصية من ناحية لبسي او مكياجي او ستايلي عموما والانتقاد لمجرد يعني
تطلق موهبة طوالة اللسان ويعني اني صريحة واعرف انتقد هنا اكس عليها مالها داعي بحياتي
و طبعاً هنا اصير حساسة .

لازم الانسان يصير عنده احساس ولا لو ماعنده احساس صار ممسحة ويغسلوا
فيه بلاط المباني كلها . __DEFINE_LIKE_SHARE__