[align=center]







(( مقعد وله مدة ))

لشاعــر : مهدي الحبابي


اللي كتب لي في جبينـي ولا غـاب

كنـه بـدربـي دائــمٍ يحتريـنـي


مؤمن بحكـم الله ولا عنـه مجنـاب

واللـي علـي مكتـوب لازم يجينـي


وانا ادري ان فالوقت غالب وغـلاب

والوقـت بهذلنـي وجـور السنينـي


والفرحه اللي لبسها للـون الاهـداب

تضحك علي وانـا احسبنهـا تبينـي


ضحكت معي حتى دعتنـي للعجـاب

وفي لحظة الفرحة عثت في ضنينـي


حطت محمد بين الاضـراس والنـاب

وقامت تعلكه واسرف الوقـت فينـي


مقعد وله مده على الحال مـا طـاب

ضاقت جميـع السبـل والله يعينـي


حاله نحل ما عـاد تنفعـه الاطبـاب

نبـرات صوتـه كلبوهـا ونيـنـي


أضحك وقلبي بين الانجاف منصـاب

من شان ما أفـرح علـي شامتينـي


وأجامـل العالـم واضحـي للحبـاب

اللـي لهـم منـزل بقلبـي وعينـي


أحفظ مكاني واحفظ احقوق الاجنـاب

وأعز نفسـي وأصـل اللـي يبينـي


اشفق على النادر من أقراب واصحاب

واشفق على اللي دينه يكـون دينـي


وافتح لمعرفة اهل العـرف الابـواب

والا الـردي مـا جيـه ولا يجينـي


موجز عن النشره وتوضح الاسبـاب

تسع اسنـوات والظـروف تحدينـي

\
\

[/align] __DEFINE_LIKE_SHARE__