®°·.¸.•°°·.¸منتديات عيال الحمايل¸.•°°·.¸.•°®

بسم الله الرحمن الرحيم

عندما حدرت عتيبه ..ونزلت في نجد ..احتدمت المعارك بينها وبين قبائل متعدده لا يستهان بها ..لكن عتيبه صارعت والحرب دول ومكنها الله تعالى من نجد كما مكن غيرها منه في السابق..
المهم انه في احدى المناويخ نبب الامير تركي بن حميد عليه رحمة الله على قبايل عتبيه ..وجوه على كل صعب وذلول ..من يمين ومن يسار وهم يقولون يافرحك ..يافرحك.. الا العصمه تاخروا .. فكان الامير يقتلب ويجلس ويقوم وينشد اخوياه عن الي جوه من عتيبه ..واذا علموه يقول طيب لكن وين هل الجيش الي على ارقابها الحية .. المهم ان اخوياه قالو له ارتح يالامير ونم والعصمه جايهم الخبر وفالطريق واصلين يمنا ..

فقال زعيم عتيبه الامير الشاعر تركي بن صنهات بن حميد :

مـانـام لـــو كـــل الجـمـاعـه يـنـامـون ..
لا واعـيـونــي مـبـعــد الــنــوم عـنـهــا

لين ان اهل عوج الوسيمه يحلون ..
قـومــن تـزبــن فالـلـقـاء مـــن زبـنـهـا

آلاد عاصـم زبـن مـن كـان مغبـون ..
قــومـــن تــقــلــد فـالـمــعــارك كـفـنــهــا

مركي عتيبه يـوم طاعـن ومطعـون ..
ومقلـطـة حـيـل الغـنـم فــي صحـنـهـا

لم يصبح الصبح الا والعصمه تحت راية الامير تركي بن حميد رحمه الله مع قبايل عتيبه الاخرون