يالله
السلام عليكم مساء الخير كيف حالكم عدت إليكم بهذه القصيده بعد انقطاع سنوات
يالله ياخالق محيطات وجبال رب الحجر رب الشجر والثقلين يامنزل الكوثر وعم والأنفال يامنزلن طه ويونس وياسين يارب ترحمنا ليا جات الاهوال في موقفن مافيه ربع وقريبين يومن عبوس مشيبن روس الأطفال يومن تشوف الناس مثل المجانين ماينفعك وش كان عندك من أموال لا صرت منتب من هل الحق والدين الرابح اللي فاز في صالح أعمال رجلن يحمد الله على الزين والشين يالله يالمعبود يا عالم الحال يالله ياخالق من الخلق زوجين فيني عيوب وعندي ذنوب واهمال عبدن ضعيف ورأس مالي من الطين لا خير في شخصن على الناس يختال مسكين ومثله خلق ربي مساكين يارب ترحمنا ليا جات الآجال في ساعة ماعاد فيها مجيبين الموت حق ولا به شكوك وجدال من لا يموت اليوم بيموت بعدين عسى لنا في جنة الخلد منزال مع النبي الهاشمي والنبيين وصلاة ربي عد ما هل همال على الذي مبعوث رحمه وتبيين |
رد: يالله
عليكم السلام ورحمة الله
الله يحييك صح لسانك قصيده جزله ومعبره |
رد: يالله
صح لسانك ملايين |
رد: يالله
صح السانك شاعرنا
حروف راقيه باحساس جميل سلمت رحال وسلم ابداعك تحياتي |
رد: يالله
صح لسانك
|
رد: يالله
عليكم السلام ورحمة الله.
حياك الله اخوي..الطيرالرحال. وصح لساااانك..الف مره |
رد: يالله
صح لسانك وعلا شأنك
|
جميع الأوقات بتوقيت GMT +4. الساعة الآن 01:56 PM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.