قصيدة في الشيخ/هذال ابن فهيد بمناسبة مشاركة ابنه الشيخ/طلال
الحفل وافي والمناعير وافيــــــن= والكامل الله والقصيده جديـــده
تسمعوا في القاف نوه على ويــــن= يا هل العقول النيره والسديـده
قاف ٍ معمد صوب شيخ الشيابيـــن= سلايل الأبطال يزها القصيـده
فيحان بن هذال سقم المعـــــــــادين= شيخ ٍ ولد شيخ وصفاته حميده
من صلّب اخو هملا زعيم المغذيــن= ألاد مشيب طايلين العنيـــــده
روس ٍ من الهيلا على الطيب عجليـن= فيهم ذاربه والشجاعه اكيـــده
والليله بأم رقيبه النور نوريــــــــــــن= الأوله للشعب فرحه سعيـــده
بسلامت اللي للمواطن كريميــــــــــن= حكامنا ريف المواطن وعيـده
عبدالله وسلطان وسلمان شافيــــــــــن= يا الله عساهم في حياة ٍ مديـــده
قولوا معي يا هل الوفاء قولوا آميــــن= دعوه من الاعماق ماهي وحيـده
والثانيه لدوا على يسار ويميـــــــــــن= في محفل ٍ بالعز قاده عميـــــــده
شوفوا مقام الشيخ فيحان ذا الحيــــــن= سيف الكرم سله وناره وقيـــــــده
ويقول للحضار عد الملبيــــــــــــــــن= وعد النجوم وعد ما أخضر جريده
يا مرحبا ترحيبة ٍ للحشيميـــــــــــــــن= مكمله بفعول ماهي زهيـــــــــــــده
تكريم لابنه وانتم ضيوف غاليــــــــــن= ما تخلفون الضن وقت الوعيــــــده
ابنه طلال مشارك ٍ بالمزاييــــــــــــــن= الفاهيات اللي اخطاها بعيـــــــــــده
سود ٍ سوات جنوب سود الضلاعيـــــن= فيها صفات ٍ للتباهي جويــــــــــده
مارددت في الشبك وألا المراحيـــــــن= متيه بين العلم والفريـــــــــــــــــــده
واليوم بأم رقيبه إلها مياديــــــــــــــــن= تزحم جلال البوش فيها مكيـــــــــده
في ضف ابو فيحان طلق الحجاجيــــن= سايد على الميدان مهوب سيــــــــده
طلال فعله يرفع الراس والعيـــــــــــــن= ذرب اليمين وحي راس الوليـــــده
من شأن جائزة الموحد له اسنيـــــــــــن= ينقا خيار البوش يبغا حصيــــــــده
بين الرجال مدلّهين المياميـــــــــــــــــن= والفوز بأسم الشعب مابه فقيــــــده
دام الحكم لله ثم للسلاطيـــــــــــــــــــــن= حنا ترانا في حياة ٍ رغيـــــــــــــده
واختامها يا هل الوفاء والشجيعيـــــــــن= جتكم قصيده غير طور النشيـــــده
الشاعر/مشعل بن صنت العصيمي
http://www.youtube.com/watch?v=lzYCBU1gSnk