|
ملف قصائد ،
لولا الرجا والامـل ماعـد الايـام واللي على الجمر الاحمر مايلامي لجلك لدوس الخطروسـج الاقـدام لوكان موتـن حمروالـدم حامـي اقرب مثل للحقيقـه فعـل صـدام واليا فقدت الامل يبقى احترامـي ياطير يلي تعلـى بالسمـا حـام خذ الرساله وبلغهـا سـلا مـي قله ترى الحكم قاسي والخبرهـام لايصدرالحكم لين يسمـع كلامـي ستين ليله وجفـن العيـن مانـام اسامر الليل وجفنـي مـا ينامـي ماشفت مثله مابين الشرق والشام ولا شفت من يشبهه ضبي العدامي لا والذي صوره وسـن الا حكـام منساه طول العمر والحب سامـي حب الشرف صفقتله روس الاعلام حسب القوانين واعراف النظامـي |
رد: ملف قصائد ،
ياعقاب مالي باالهوى غير ذكراه حسبي على سود الليالي حد تله لواشتكي حبه على الناس منساه لا والذي كل العبـاد اسجدتلـه واللي يتل القلب بعـده ولا مـاه حتى المحاني خالفت وارجفتلـه لولا المعلق ماسكاته حنـا يـاه شلع عروقـه ممكانـه وجتلـه صبرت صبرايوب والصبرمااقواه لا تلوم دمع العيـن لوإنزلتلـه ماله شبيه ولا عرفنا حـلا يـاه تاجن على روس العذارى اعتلتله انشهد انه صاب قلبي ولا اخطاه بين الحنايـا صوبـه وانتهتلـه ياعقاب ياليت الهوى ماعرفنـاه لـولاه دمـع العيـن ماخيلتلـه ياليتني ماجيت دربـه ومبـداه مجنون ليلى وعنتره ماصفتلـه |
رد: ملف قصائد ،
الا ياوليـف الـروح للصبـر برهـان صبرنا ثـلاث اسنيـن وحبـك برانـي نحل جسمي البالي وسيف الهوى سلطان علامك نسيـت الحـب وقلبـك نسانـي ابااشكي على كيمون وحقوق الانسـان يحـل القضيـه مثـل حـل اليمـانـي ولياارسلي المبعـوث اناعنـدي السـان ولاحـدن يمثلنـي يكـفـي لسـانـي اوضح لـه الصـوره وللعلـم نيشـان لعلـه يميـز حرفهـا بــا المعـانـي وليفي كما اللـي عشرواربـع ليابـان ولا لـه شبـيـه إلياحضرباالمكـانـي تصفق له العالم ويرقـص لـه الجـان يتـل المعلـق بيـن حـدب المحانـي احبه على وضح النقـى سـر واعـلان ولوالليـال السـود عـنـه إتحـدانـي ملكني مثـل ملـك السلاطيـن لعمـان ياليته يحـس الجـرح واللـي كوانـي اسامرنجـوم الليـل والدمـع هـتـان ولا ادري زمـان الحـب ولا زمـانـي |
رد: ملف قصائد ،
لا تحسبني يااريش العين ناسيك لا والذي حمى الحـرم مانسيتـك ماغبت عن عيني ولا غاب طاريك باقي علـى عهـد الوفاماسليتـك هاذي ثلاث اشهورغابت لياليـك صحيت من حلمي لكن مالقيتـك عود على قلبن يحبـك ويغليـك لا تطول الغيبه ترى القلب بيتـك عطيتك المفتاح والقلب في يديـك حتى عيوني لو تبيهـا عطيتـك نرخصلك الغالي وباالروح نشريك تامر وتنهـا ياالغـلا ماعصيتـك بين الحنايا منزلك يـوم اداريـك والشوق يدفعني ومن الوجد جيتك يامطول الغيبه سلامـة معاليـك وراك تجفانـي وانـا ماجفيتـك كان الجفا نيتك والبعد مرضيـك رفعت كفـي للولـي واشتكيتـك |
رد: ملف قصائد ،
[poem=font=",6,,normal,normal" bkcolor="transparent" bkimage="" border="none,4," type=3 line=0 align=center use=ex num="0,black""]
البارحه شفتها والشعـر منثـور = بين العذارى تكفه عن نحرها مثل القمر خدها وعيونها حور= ريانت العود يالبى حورها برق الدجا غرته الياكشف نور= يضفي سنابارقه لبت ثمرها فيها الدلع والغنج والقلب مسحور= سبحت سبع البحورإلا بحرها يفزقلبي لها احساس واشعور= لا شفت طول المعنق مع شعرها ياليت عند العرب للحب دستور= ماكان حكم الليالي في قدرها من لامني باالهوى ماهوب معذور= مادام عينه بعيده عن سهرها [/poem] |
رد: ملف قصائد ،
الا ياوجد حالي وجد من وقـف عليـه السـوم نهاية عمر بالدنيـا علـى السيـاف مقسومـه ثنى الركبة على الساحه ورفع راسه وقص اليوم وطاح الراس من دونه وجات الناس مصدومـه هذا وجدي على خلي وهـذا حظـي المقسـوم يلوم الخبل مايـدري لاكـن الخبـل مالومـه على وضح النقا حبي وعلى شوفه نذرت الصوم اذا شفته يابن تركي يا باقي العمـر لاصومـه دفعت المال من دونه وجاهيات وحب وخشـوم عطيته كل ما أملك علـى شيكـات مختومـه لاكن ابوها واقفلي علـى ابوهـا كثيـر اللـوم قسى قلبه على قلبي منزوع الرحمة ومعدومـه اعيش العمر مانساها واعيش اليوم انا محـروم مادام الحظ ماجابه ويش ذنب العين محرومـه |
رد: ملف قصائد ،
دق هاجوس الضماير والجفن عيـا ينامـي والسبب غرون لقيته تل قلبي فـي غرامـه فتنتن بالارض تمشي عمرها عشرين عامي لوتشوفه يابن تركي كان ماسقـت الملامـه خدها برق المخيله وعينها عيـن القطامـي وعنقها عنق الغزال ولامشت مثل الحمامـه وساقها مبروم ملهوف الحشا والصدر زامي نابي الارداف عينه تحتهـا بالخـد شامـه ومبسمه بالوصف خاتم لبتسم تحت الثامـي والجدايل تحت ردفه ضافيـه تزهـا مقامـه والثنايا عقد لولو والخشـم خنجـر تهامـي والوجه مثل القمر وأرق من ريش النعامـه صابني وسط الضماير رميتن من دون رامي الله انه لايعيده ويـن انـا ويـن السلامـه |
رد: ملف قصائد ،
لادارت الايام مـا راحـت جابتـك إنشد عزيز القوم بالوقت وش قـال ولو تصفي الدنيا للاجيال ما جتـك كان البشر حيه ولا ماتـت اجيـال مسكين ما تدري مع العمر غرتـك كم واحد(ن) قبلك به العمر ما طال لابد من يوم(ن) تجي وسط حفرتك بالشاش الابيض فوقك الرمل ينهال عوج النصايب فوق راسك علامتك ولاتاخذ من الدنيا يا كود الاعمـال يوم الليال السود ما شفت وقفتـك الارض ترعد والسماء برق وخيال الناس قالـت والمعازيـب شافتـك غرب الجزيرة لابس(ن) ثوب وعقال يا راعي المفتون لا تقـول حجتـك العذر ما يقبل ومرفـوض بالحـال خلـك بمفتونـك وعـود لعمتـك واصرف زكاة المال بجنيه وريـال حنا وقفنـا يـوم جاتـك وهزتـك وقفت رجل واحد على قلب رجـال لو لا مواقفنا على الضرس حطتـك كان البحر شالك ويصفقك بالجـال واليوم وش تطلبنا لا عاد طرقتـك لا عاد ترسلنا ولايجيـك مرسـال |
رد: ملف قصائد ،
|
رد: ملف قصائد ،
صح لسان شاعرها ولاهنت ع الذائقه الرائعه
|
رد: ملف قصائد ،
صح لسانك يابو وليد ملف رائع وقصائد جزله ولاتحرمنا من جديدك
|
رد: ملف قصائد ،
اقتباس:
هاذي قصائدي من ارشيف الحمايل |
رد: ملف قصائد ،
الاصل عيال الحمايل: مسجله / قناة فواصل/ قـنـاة الـشـعـر/ --------- سرتبك هواجيسك على النور والقمرى تسولف على نفسك والاحـلام بانيهـا لك الله يابن تركي ترى الخط ما يقرى يقول الخبر راحت على حض راعيهـا ترى الحب لا طول يجي جرح مايبرى نصيحـه تجنبهـا ولا عـاد تطريهـا عسى الله يعوضكم عن الترف باالاخرى تعيـش العمرمعهـا وتسعـد لياليهـا ترفق يابن تركي ترى العمر مايشـرى تعوذ مـن الشيطـان لاعـاد تبديهـا ترى الحب كاويني على النار والجمرى علامك تذكرني وانـا كنـت ناسيهـا رستبي مراسيها على شاطي المسـرى وراحـت قـدم عينـي تشربياديـهـا وجودي عليها وجد من طاح بالغـدرى تدوسه حوافرها وعنان الفرس فيهـا |
رد: ملف قصائد ،
يا هيه يلي تبيهـا تبيـع بالسـوق غيرتك ماتت ودمك فـي عروقـه مكفاك غزو الفضا والشر من فوق في صفهم جيتنـا شـرك تسوقـه ما شفت ذبح العرب والقلب محروق والطفل ميت وسقف البيـت فوقـه وين انت رايح تهز الراس مصفوق عليك برق النـوى لاحـة بروقـه وقف مكانـك ترانـا دم وعـروق ولـي يغـر السنـع حنـا نعوقـه منته وكيل العرب جاهل ومطفـوق ورايك رخيص الثمن خله بسوقـه دون الحراير نقول السوم مفـروق إنـذار للـي سمـع ولا يـذوقـه |
رد: ملف قصائد ،
يا بنت ما نرتخي و لا نرخي الـراس لو يرتخـي الـراس بيدينـي قطعتـه سيلة دمه مع الشـارع علـى السـاس ولا هين راس(ن) على متنـي رفعتـه العام الاول غلاك اشعـور واحسـاس يجري مع الدم فـي جسمـي وطعتـه واليوم روحي يا بنت من جملة النـاس من باعني بالثمـن بالرخـص بعتـه حبك ندوسه تحـت بالرجـل ينـداس يحرم عليـه مثـل ديـد(ن) رضعتـه ماني منلـي يعيـش الظيـم واليـاس ارخ الاذانـي ونفـذ مــا سمعـتـه واليوم تجزاء شـراب المـر بالكـاس عليك تشرب وتحصـد مـا زرعتـه الله خلقنـي واعـرف العقـل مقيـاس ممشي بدرب الخطى وشرع(ن) شرعته |
رد: ملف قصائد ،
اعلومي يا بن تركي كتبت الخبر مسؤل سمعة الخبر بذنك والا اعيـد واقولـه يقولون ابن تركي لقى الجاهل المجهول يكسر اجدار الوقـت بيديـن مسلولـه على موجة الرادو سمعة الخبر منقول وانا اقول ماصدق ولا هيـب معقولـه لان العرب قالت ورى بابـه المقفـول عرفناه بالسيـره لـه ابـلاد مجهولـه نصيحه يابن تركي مادام الرضى مقبول لكن بعض النصح للنـاس وش هولـه ترى الناس ما ترحم لها إلسان ورجول تجسس على البيبان والنـاس مشغولـه ولا عاد تنشدني من الصاحي والمخبول تحذر يابن تركي تجي البـاب وقفولـه |
رد: ملف قصائد ،
أببديهـا وباعلنهـا واقـول انسـاه لا والله لاكن الناس ماتدري و يش أللي صار وادريبه تضيع سنين من عمري ثمان سنين وشهلـه على كيفه يمشيها يبيـع العمـر ويشريبـه سهرت الليل باسبابه واعرف البيـت وادلـه جرحني جرح مايبرى على الدنيا واهذريبـه ظلام الكون في عيني ثلاث إسنيـن محتلـه علامه ما نفسرهـا يكـود المـوت نحريبـه ياليت القلب لي يصحي يشوف الموت واصله لاكن القلب ما يصحي نصحته ويش اسويبـه ما دام الدم في عروقي لاهين الحـب وذلـه وشوه صورته بعيني واكثـر مـن عذاريبـه |
رد: ملف قصائد ،
الله الله صح لسانك ياراعي الأوله أبيات رائعه ومقتطفات مميزه
تقديري ... ~ |
رد: ملف قصائد ،
نداء ، غيد،
صحة ابدانكم شاكرلكم ع المرورالعطر |
رد: ملف قصائد ،
هب الشمال وصافي العلم تحذيـر والخافي اعظم والرسالة خطيـره يامدعيـن العـذر مابـه معاذيـر العلـم بيـن والرحـى مستديـره قدام لاتاصـل وتضيـع التدابيـر ومن لايعرف العلم يلقى مصيـره الامـر واقـع والليالـي مداويـر لعل بعض الناس يصحى ضميـره شف البوارج جاهـزه بالخنازيـر ومحمله وسط البحـر بالذخيـره لاتنتظر دور العـرب والمقاديـر اطلب من المولى وقود المسيـره واجمع على الكلمة وصف الطوابير واللي يعكس الـراي لاتستشيـره خله على وجهه يشوف التعازيـر نقصن على الدنيا وكفـه قصيـره |
رد: ملف قصائد ،
يلـي كتبـت العلـم اخفيـت نـصـه مدري خطا ولا على الدرب مرخوص حنـا اهـل التاريـخ حرفـه ونصـه ولا انت تاريخك على البحر والغـوص ابك انت سماك(ن) واعرفـك مقصـه تمشى مع العربـان والعقـل منقـوص جوعك ثـلاث ايـام وبطنـك ترصـه حاشرك ابن سلطان يا بيضة الصوص سيرتك سيره وللعرب صـرت قصـه سبعين عام وعشت بلسـان مخـروص لا تطلـق السانـك تـرانـا نقـصـه ترجع مثل ما كنت ما تقـدر اتفـوص ناطى على صابرك وعظمـك نفصـه ما ينفعك ناقص على الدرب ويحـوص وصل كلامي لبـرق الريـش خصـه قله سنام المجـد لمطيـر مخصـوص وباقله اعلوم(ن) علـى البـال وصـه يا شجرت الوادي ترى العرق مقصوص |
رد: ملف قصائد ،
أهداء الى الامير / سعود بن بندر الدويش سلامـــي على رمــز القبيله كــــحــيـلان .................................عريب الجدود وسلم المجد بـــــابــه كتب صفحة التاريخ والمجــــد عـــنـــوان ..................................وحنى راسه التاريخ قدر ومهابــــه يسجلـــه التاريخ والفعــــــل بــــــرهــــان ..................................تهابه اسود الغاب وتحسب احسابه نخصه ابو بــــــــندر نعـــرفه كـــحــيلان .................................لعل الولي يحماه ويطول شبـــــابـــه حفيد الدويش اللي حمى الصلب والصمان .................................حماها اخو جوزاء وطهر اترابـــــه الا يا دويش مطير با الارض لــك شـــأن ...............................من الحره السوداء لشرق اللهــــابـه وانا لو نشدت النــجــم والانــس والــجان ................................عن اللي لهم تاريخ وقت الصحابـــه لقال الدويش اللي عــلى نــسل عــدنـــان .................................وكلن على جســمــه يفــصل اثــيابه وجودي علـــيــهم وجــد شـالح بن هدلان ................................ومن لا يعرف الوجــد يــقرا اكــتـابه انا لا ذكـــرت الشــيـــخ لشــيـخ ولــهــان ................................وهليت دمع العيـــن مثل الســـحــابه |
رد: ملف قصائد ،
صح لسانك يـ راعي الاوله ع الأبيات الراائعه ,, يعطيك العافيــه :m-49: |
رد: ملف قصائد ،
[poem=font=",6,,normal,normal" bkcolor="transparent" bkimage="" border="none,4," type=3 line=0 align=center use=ex num="0,black""]
ياذيب يااللي على روس المراقيب = وقتك تغير ورجمك مادرابك اربع ليالي تجرالصوت وتغيب = مدري تحب العوى ولا صوابك ذكرتني باالعرب وحرش العراقيب = وذكرتني باالذويبي يوم جابك عشاك حسب العوايد والمواجيب = وحطك بضلعك وحذر وإعتنابك واليوم راحت على ماقيل ياذيب = ضاعت علوم العرب واحسب حسابك يوم المراجل تعسر وقتهااصعيب= هذاك وقت العرب وحضرت جنابك اليا بغينا العشاء نلقى المعازيب = واليابغيت العشاء كلن يهابك [/poem] |
رد: ملف قصائد ،
البارحه قالو من اللي على ايمنـك يومك على خط الجزيـره لحالـك قلت اعتبرها من حقوقي على البنك من صافي الارباح ماهو حلالـك الطيبه جتني على طيـب معدنـك متسلسله مابيـن عمـك وخالـك سيرتك سيره والعرب كيف تامنك عز ي لمن مثلك وعـزي لحالـك لاتحسب (ن) الناس تقبل بديدنـك لابد من يوم (ن) يصحي اخبالـك يجيك من يطلب حقوقـه يلاسنـك طـلاب حـق ولايـدور بدالـك مايقبل العمله ولا مسامح(ن) عنك وان رحت والا جيت دايم اقبالـك والبارحه يوم قلتها جاتنـي منـك تبقى على طول الزمن ماصفالـك |
رد: ملف من قصائد راعي الاوله ،
|
رد: ملف قصائد ،
ياعقاب تدري وش اللي ماسك إلساني اني محب النميمـه واكـره الغيبـه يومن بعض العرب باالهرج يبلا نـي يشب نـاره ويلحقهـا مشـا هيبـه والله يالولا الحيا وشرهت العـا نـي لا رد على العـد وصفـي مشاريبـه لكن وجه الحيـا لسلـم يحـدا نـي والرجل لولا الحيا ضاعت مواجيبـه امشي على سلم ابوي ودرب جدانـي ولي الفخر لا مشيت وقمت اماريبـه ولا سفيه العرب باالهرج ما اشقا ني والحشمه ماهيب له حشمة معازيبـه هرج القفا باالمجالس هـرج مجانـي من بنك الإفلاس والعربان تـدر يبـه ياعقاب محدن معمر والعمـر فانـي والطيب اللي تطيب الناس من طيبـه |
رد: ملف قصائد ،
|
رد: ملف قصائد ،
هيه يلي تكلـم حجتـه مـن قفـاه قالها العير قبلي فـي فمـه ردهـا موت بعض العرب اخيرله من الحياه دام نفـسـه ذليـلـه نعنبوجـدهـا للحقيقـه دليـل وللمـعـارك رواه والمثل قـال كلمـه تستحـي بدهـا بالسيوف الشطيره ماطلبنا رضـاه فوق اظهورالاصايل والجثث عدهـا بين طعن الكبود وبين حذف الجبـاه مالك افعال تذكر ولانتـه اب قدهـا محتميك الخواجـه ذابحينـه ذكـاه مثل ذبح الطلي والعيـن مـا تلدهـا من يمين السنافي طيـب الله ثـراه يوم كفك قصيره منت كفـو مدهـا وصل العلم للي درسك با لو صـاه كلمتن من ضميري وصلتك ودهـا قله البيت الابيض ساكنـه ماحمـاه تدرج فوق راسه ماقدر صـد هـا هج وسط البحر متـأ ملـن للنجـاه تاركن بنت ابوها ماستر خـد هـا انقل اللي سمعته يا عريض القطـاه ثابته با الادله مـن كشـف سدهـا |
رد: ملف قصائد ،
لا باس يالي تشـرح العلـم لا بـاس عطني علومـك خـل عنـك الفراسـه من داس ثـوب النـاس لابـد ينـداس لـو الكتايـب عنـد بيتـه حـراسـه الهرجـه اللـي جاتنـا كيـف تنقـاس امـا غـلـط ولا تبيـهـا نجـاسـه احرار ما نرخي لـك الاذن والـراس وليـا شهرنـا حـر عينـه بـراسـه تبي البسوس اللي علـى راس جسـاس والزيـر سـالـم واليـالـي تعـاسـه خلك بعيد ولاتجـي السلـك والمـاس عـود علـى ثوبـك وتلقـى مقـاسـه بين الشجر تمشي على العرق بالفـاس وخرج ( ن ) تشيله فيه قربه وطاسـه احفـظ لسانـك لاتـزور مـع النـاس ربعي علـى البيـدا شيـوخ الفراسـه انشد عن اللي لامشـى يرفـع الـراس غصب ( ن ) على خشمك وخدك مداسه يشهد له التاريخ مجد ( ن ) على ساس مجد ( ن ) لبوه ومجد جـده وساسـه |
رد: ملف قصائد ،
ياوسيع المعرفة زلـة لسانـك وش تقـول يازن الرجال هرجـه لايجـي يطلـق فمـه مايفسر هرج عاقل للعـرب هـرج مهبـول يحسب حساب العرب قبل العـرب لاتكتمـه مانت خيال الكحيله ولانتـه بـراع الذلـول انت خيال(ن) على ماقيـل خيـال اضرمـه ميزة الرجال عقله لاختلف قالـوا مخبـول تكشفه هرجت لسانه لاهـرج فـي طرمـه قدم الحجه على وضح النقا حسب الاصـول وكان عندك علم هاتـه لاحضرنـا احتمـه غيرها مالك سنع واحفظ لسانـك لايطـول ياشبيه اللي عرج عند العرب مـن برطمـه من مشى درب الخطا يعقل مثل عقل الرحول وان زعل نربط ركاسه في يدينـه وقدمـه ماتعذر من لساني واثـق الخطـوه واقـول من حشم نفسه يحشم ومن غلط مانرحمـه راس مالك كوي ثوبك ياعسى الشده تزول جاك علمي من لساني يالمسمـى وافهمـه |
رد: ملف قصائد ،
فكرت بالدنيـا علـى كـل تفكيـر وعفت المنام وعفت شربي وزادي بعض العرب يمشي بحشمه وتقدير وبعض العرب يمشيبه الوجه عادي وبعض العرب كنه مخدر بتخديـر قلبه غطيـس وحادرلـه بـوادي يالله د برني علـى خيـر تدبيـر واعيش باق العمـر والجوهـادي الصلب والصمان وذودن مغاتيـر وراع الرحول اللي عليها الشدادي اخير من شوفت وجيه المخا سير اللي على الزلـه تزيـد العنـادي بين الرجاء والياس راحت مقاديـر واليا بغيت العلـم مانيـب غـادي يكفيني الدوشان شيوخ المناعيـر اخوان جوزا اللي تصـد المعـادي اللي على البيداء تهـز الطوابيـر اهل الكرم والجود واهل المبـادي خويهـم دايـم بحشمـه وتقديـر وسط العيون ومسكنـه بالفـؤادي |
رد: ملف قصائد ،
صح الله لسانك على دررالشعر في زمان المستشعرين
|
رد: ملف قصائد ،
جيتكم لسلام وصار بالصدر ضيقـه ماسمعته يضر ولا يسـر الصديـق من غلاها غلاكـم والمشاعررقيقـه ليه دمعة عيونك وانـت نورالفريـق لازعلتم زعلنا والزعل مـا نطيقـه يشهد الله علينا ما جفينا الـر فيـق لوتموت الاوادم ماتمـوت الحقيقـه ماطلبت الحقيقه من لسـان الغريـق الاسامي تشابه والعـرب بالوثيقـه ماضي العهد منا ما نزل الطـر يـق تدري انه بقلبـي مايفـارق دقيقـه ليه تنقض جروحي قبل مصحي وافيق كل ماجية بسلى جرح قلبـي يعيقـه ياعرب طال صبري والصبر ما يليق |
رد: ملف قصائد ،
اقتباس:
صح بدنك يابومشاري مرورك وسام طال عمرك تقديري |
رد: ملف قصائد ،
اقتباس:
شاكرلك ع المرورالعطر |
رد: ملف قصائد ،
الزين في ديرته والرمح مـن دونـه والسيف مظراب حده فوق الامتانـي لا طاح راسك وش اللي يسترمتونـه تلقاه ثالث رجولـك وانتـه الجانـي من دونه الموت الاحمر عنك مصيونه لا تحسبنـه هديـه جـات مجانـي لكن عوّد على خضير علـى هونـه لا جر صوته مع العربـان طربانـي خلك معه لين يبيح الصـدر مكنونـه وليا ارتفـع اريلـه وهـز الأ ذانـي عد الجنيهات عقبه إلـك مضمونـه مكسبك بين العـرب ياطيرحورانـي مايصرف إلا الذهب من طيب مخزونه ظفه معـك باالبطاقـه والعمرفانـي |
رد: ملف قصائد ،
يا صاحبي دربك خضر بين الليالي والسهـر طال الزمن ولا قصر تبقى على جمر الغضـا ما ينفعك جيب وهمر ولا ينظفك حتى النهـر لو نغسلك طول العمر الامر حكمه قـد مضـا لا تحسبن زيد وعمر صافين لك طول الدهـر سود الليالي السمر في حكمها عـدل وقضـا ما هي سوالف بالظهر العلم بيـن واشتهـر واللي على لساني ظهر الارض ضاقت بالفضا صل الصلاه بوقتها والعصر ما فيهـا جهـر رجلك على درب السفر والناس ما تأخذ عضا الجوهره موتن حمر من دونها قص الظهـر جاك الخبر لد النظر محدن يدور لـك رضـا والخاتمه ادهى وامر عيش المذلـه والقهـر عض الا نا مل واستمر مادام عقلك ارتضـا |
رد: ملف قصائد ،
سلام الله سلام يشق الأرض نصين ويهد جبال يشق البحر واليابس ولاتلقى مبانيها تصير الأرض للعيشه فضاءللبث والارسال تموت الناس مذعوره واصابعها بذانيها قفلت البيت والمعنى واقول العلم كيف الحال بنات الفكر من راسي واعرفها بساميها بديت الشعر بلساني واقول الشعر له رجال رجال الشعر معروفه تشرفني مباديها مرسله لي وكان ردي سلام الله سلام يشق الارض مع السماء بالحال كواكبهـا يفجرهـا ويمسحـهـا ويخفيـهـا تصير الارض بالدنيا ماكن مرت عليها اجيال نهايتهـا بدايتهـا عسـى ربـك يسويـهـا فتحت البيت والمعنى واقول العلـم يالحيـال بنات الفكـر ماجاتـك ولاتعـرف معانيهـا رجال الشعر معروفه تحكم الشعر قبل المـال ابن شـلاح قايدهـا وابـن عمـك يزكيهـا بعد علمي بركتلها على ظهرك حمول اثقـال تشيل الحمل ماتمشى وبطن الرجـل محفيهـا لك الله ماتدروها بعد هـذي تشـوف اجبـال تعيش العمر ماتنسى وشر النفـس ماضيهـا هذ اسمي على الموقع وهـذ رقمـي الجـوال وصلك العلم من راسي على المـوال اغنيهـا |
رد: ملف قصائد ،
الله يعطيك العافيه
|
| جميع الأوقات بتوقيت GMT +4. الساعة الآن 09:08 PM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.