ديوان الشاعر // مبارك المطيري في عيال الحمايل
السلام عليكم ورحمة الله وبركاته كــيف الحال للجميع إن شاء الله بخير اليوم جمعت لكم بعض قصائد شاعرنا مبارك المطيري الي تميز في ابداعه في الشعر أقدم لكم هذه القصائد وأتمنى ان تنال على رضاكم طاري حضورك حي طاري حضورك كان طيفك طرا0000 حـي لامـن ذكـرتـك وأفـتـخـر لاذكـرت في غيابك عما ماشـوفك غـيرك ورا0000وفي حضورك اشوف الناس لامن نظرت كـانـك ابـعد عـلـيا مــن نـجـوم الـثـرا0000والـلـه أنـي لاطـولـك لـو أبـد مـاقــدرت كـم ليـله أنتظـرت ودمـع عـيني جـرا000 طـال بـالـي بـغيـابـك والـفـرج لاصـبـرت يـاعــذاب الـيـالـي كـان قـلبـي ســرا000 كـلـه جـروح وحـمـول الـزمـن لاسهـرت انت تدري بغرامـك وخافقـي لاشـرا0000 مـايـبـيـع الـمـوده وخـابـره لاخـبـرت بالـقـصـايد تـهـيـم وغـيرك الـي قـرا0000وانت صفحة حـياتي وغايتي لانشـرت هـاك اقـراء مشـاعـر هايـمن مـابـرا0000 الجـروح العـطـيبه بـاقيـه لـو حضـرت لايـطـول غـيابـك كــان غـيـرك درا0000 الـمحبـــه تخـــون الأدمــي لاذكـرت ____________________ ياخاطري وش بقى بالحب واشواقه ياخاطري وش بقى بالحب واشواقه000وش هو بقى لي من اصحابي وخلاني الحب توي هدمت الحب باعماقه0000 وبعت المحبه لغيري بواحدن ثاني عليه سرب السحاب اليوم براقه000 وعليه غيمة عيوني هلت اوجاني راحت حياتي على شمسه ومشراقه00 واصبحت اكبر ضحيت حب باوطاني ياعين هلي مداميعك على وراقه0000دمع القصايد يريح خاطر العاني وشوفي مكاتيب مشتاقه لمشتاقه0000وقولي المكاتيب هاذي اخر احزاني شفت الدروب الطويله مالها طاقه000وشقيت نفسي على دربي ووجداني ياليتني بالدرب ماعنيت له ساقه000وقفت قبل الطريق لعين جداني مرات ودي اهين النفس باعناقه000وتحدني عزتي وافعال عماني __________________ الهاوي ياحلو حلمك والمنام ان توقفت0000 على جديلن بدرهاا دوم ضاحي يامرحباا من خطوتك لين وقفت000يلي شرحت القلب عندي انشراحي ياخوي هيضت المشاعر ولا شفت000غير الهموم الماضيه والجراحي ذكرتني في بسمته يوم خرفت000في بسمته ورموشها والوشاحي اغنج دعج وخدودها لو بعد ظفت000 يبقى قليل بحق عذب القراحي ماني موصف عينهااا دامني طفت0000جديلهااا وقمازها والرماحي وماني موصف طولهاا بس طوفت0000طوفت ردف ام العنق بتضاحي والجسم مثل الغصن والله تعرفت000 يوم يتمايل من هبوب الرياحي ياليتني في حلمك البارحه غفت000 والله ماصحى لو تجيني صياحي ماودي اسرف بالمعاني وانا أسرفت0000 في وصفهااا واخاف فيها افتضاحي خايف اقول اسم الغضي ثم تخوفت000 اني اقول اسم الابو بنشراحي اعجبتني بجزل المعاني وتلطفت0000 اني ارد القاف قبل المراحي تابع _______________________ |
رد: ديوان الشاعر // مبارك المطيري في عيال الحمايل
جتني وقال موعدي وياك الساعه ثمان جتني وقالت موعدي وياك الساعـه ثمـان وقفت وطاف الموعد المحسوم لساعه عشـر رحت المكان الي وعدنا فيه يا ضيق المكان وياشين جدران المكان الي وعدنا وأعتـذر ما كنت أصدق أجمل الأيام ذكرى بالزمـان وماكنت أميز قيمـه الأحبـاب إلا بالهجـر والصبر وين الصبر ماله بالمحبه والكيـان ماله على صبر السنيـن الماضيـه شهـر والقلب قاسي مع غرام الغير لو جاني ضمان انه يصون الحب في قلبه أبـد مالـه مقـر إلا أنت يا تاج المحبه غير حسنك ما يبـان تستاهل الخفاق وضلوعي ويفـداك العمـر ________________________ قال الوداع وقلت مع السلامه قال الوداع وقلت مع السلامه0000 مع السلامه جعل دربك سفيري روح عسى دنياك ماهي عدامه0000 ودربي اعرفه مظلم(ن) في مسيري مدام مابين الحبايب ملامه0000 ماهو بلازم حب(ن) ياعشيري ضحيت بالخفاق يوم أنعدامه000 وطعنتي في خنجرك والشطيري ماجيت اعلمك الخطاء وأنقسامه000 جيتك اباخذ مابقى من ضميري انسان مثلي له ضمير بغرامه00000صاين ضميره من ضمير الصغيري أنا عشقتك لين يوم القيامه 0000 وانتي عشقتي لك محبين غيري الجرح جرحي والمشاعر حمامه0000 لاظاقت الدنيا عليها تطيري ومعزتي مع شيمتي والكرامه 0000 تفرض عليها اتركك يالعشيري مدام لي بين القبايل زعامه0000 بقولها لك ياعشيري مطيري خلك على فرقاك مامن سلامه0000 جرحي من سيوفك دواها خطيري وسلامتكم والسموحه على التقصير وربي قصيده طرت علي وخفيفه علي وعليكم قلت امتعكم في قراتها _______________________ اللي يعزك في زمانك عزه الصدر ضايق يافهـد هلحـزه تكفى دخيلـك خلنـي لحالـي لاتنظر بعيني وجرحي تخـزه وتقراء كلامي ومايجي في بالي كلن مشا دربـه وقـام يـرزه وانا بدربـي اكثـرو عذالـي اهل النميمه والرفيـق تـوزه يترك رفيقه ويسمع الجهالـي اهل المواقف طيبهـم معتـزه لهم مواقف قدرها لـي عالـي واهل الرخامه دايمـن مهتـزه طيبه ابـد لا ماتعـدا ظلالـي وقت الرخاء تكثر عليك العزه وقت الشدايـد كلهـم زوالـي اللي يعزك في زمانـك عـزه ولـي ناولـك بـردا محتالـي ناسن هوايتها الردا وترتـزه وتروح ماهزت طرف إعقالـي وختامها علـى النبـي العـزه صلاة ربي عد وبـل وسالـي ___________________________ دروب المجاريحي ياخوي وين الدواء والقلب مجروحي وين العلاج الذي يشفي المجاريحي شفني عشير الفراش وفيه مطروحي وان زاد هجران خلي لي مطاريحي انوح نوح الحمام والا سمع نوحـي واسج لاجاء مجالـه بالتصاريحـي عشيري الي يشب النار في روحـي زود لهايـب شبوبـه بالمقاديحـي سبعة حوايل وست شهور مشفوحي وانا اتحرى على دروب المشافيحي ضاعت حياتي وانا نادي والا يوحي قطع خفووقي وله صوتي ومفاتيحي ماشح عنه والا اني عنه مشحوحي بس اشتياقـي دفعنـي للمراويحـي __________________________ ذيب واصل مرحباااا ياذيب واصل شيب من نسل الذيابه مرحبااا ياحر فوووق اوكار قلبي لك معزه مرحبااا ترحبيتن تسوى مراهيش السحابـه ياهلا يامرحباااابك من قطـر لحـد غـزه ذخر جدي من سلايل خال وعمام وقرابـه لارتكى مثل الجبل نايف ولاعالـي يهـزه عز من هو انتخى بمطير حلويـن النسابـه ذخر عبدله معاها بريـه وعلـوا مبرهـزه ماعليها نجـد فيهـا مطيـر لحـد اللهابـه برقها مثل السماء عالي ولا برقـن يلـزه لا لفى الطرقي لقانا مشرعين الطيب بابـه يبشر بدسم الشوارب والشحم فوق المعـزه غالين قدره على المطران بصدور الرحابه ولانتخى بحمر النواظر بالقسى حنا نعـزه لأبتي المطران تسوى في عيوني ألف لابه عشقها يجري بدمي وفي عروقي مرتكـزه __________________________ الصراحه مابقى فالقلب راحه الصراحه مابقى فالقلـب راحـه مابقـى عرقـن بقلبـي ماكويتـه ياصباح الجرح ياقسـى صباحـه ياعـذاب الجـرح الـي مانهيتـه الحقيقه واضحه والعمـر ساحـه ساحة اسراب المحبـه ماحتويتـه والرياح هموم للقلـب وجراحـه و كل مانسن هوى الغربي شكيته ياعيون الغيم هاض البرق لاحـه هاضت دموعك ودمعي مابكيتـه قلت لك تسري وقصرت المساحه والصبح ماطل عنـدك وحتريتـه تكسر الخاطر حروفك والسماحه والا انا كم قلت لك حرفك وحكيته صاحبك مثل الجبل كله صراحـه مايخون الـود لـو انـك نفيتـه سقت عمري لك دون الخلق واحه ولو غيرك طالبن عمري وطيتـه لا ضميت عروق قلبي لك مباحه ولو ظماءغيرك يموت وماسقيتـه كنت احبك والزمن دار بوشاحـه والضلام الي غشااااني مانسيتـه روح ماني طالبك بالحب راحـه ابك جدي لو جفانـي ماحتريتـه _________________________ زمان العجايب يازمان العجايب وين فكري يروح كل ماقلت زانت خالفتني المصايب برق ورعود حبه فوق قلبي تلوح بل مزنه ضمايه وامطرته السحايب ارتوت من سحابه كل هم وجروح اشهد انه رواني بالمطر والعشايب صنت عهد المحبه وارتوت منه روح يترك الحب كله ماعرفت السبايب يالغزال المهاجر اثرني منك انوح مابقيت التباعد بس حضي نصايب هاقين بالتجافي منها لي مزوح لين شفت المحبه مقفيه بالركايب ياعيون المولع اذكر انك نصوح ابتليت بوداعك واثرني عنك غايب ماهقيت ان سمك يالغلا لي طروح لين شفت الاطبه تستشير القرايب ودام وصلك لغيري متنظر ياشحوح هل وصلك عليه واتصل بالحبايب ____________________________ يوم أقبلت يوم اقبلت ناديتـــها بعالي الصــوت $$ يامرحبا بروح الغلاااا والركايز الموت كايد والجفاء اصعب من الموت $$ وفرقاك موت وموت الارواح جايز حبــك بقــلبي مغلقـه وســط تابــوت $$ مايندفن تحت الثرى للجنــايز اهــيم في غبـــة غرامك والا افوت $$ وما خيروني فيك ناسن عزايز حبــك وطن وانت الملك خلفك بشوت $$ تحكم دياري والضلوع الغرايز ايه اعشقك كثر البشر فيهم سحوت $$ وكثر الجمال وكثر طيب العجايز بيني وبينك لحضه احلى من التوت $$ وصفى لبنها من مغاتير فايز بالقلب مرسلك رساله مع الصوت $$ جعلك ترد الصوت مثل العزايز تابع |
رد: ديوان الشاعر // مبارك المطيري في عيال الحمايل
توي بكيت من الوداع توي بكيت من الوداع ارجوك فكـر بالدمـوع وشلون تنزل مـن عيونـي دمعتينـن سايلـه اشفق على قلبن تولع فـي غرامـك ياقطـوع قلي علامـك بالوصـل تقطـع يمينـن طايلـه اذكر زمانن فات لـك منـورن فيـه الشمـوع بيـن الشمـوع المنـوره وردتينـن مايـلـه تذكـري اول كلامـن دار فـي يـوم الربـوع كانت بدايه فـي غرامـي وبسمتينـك هايلـه وشفيك يالغالي تخلينـي علـى ذكـرك فـزوع افزع على ذكرك وانـا قاعـد بوسـط العايلـه تعال وشوف الي انتهاء من الرجاء بين الضلوع مغير يرجي طلتـك بيـن الضلـوع و تخايلـه ماتدري ان قلبي بدقاتـه علـى ذكـرك يفـوع يفوع مـا بيـن الحنايـا والضلـوع وتحايلـه انته نويت البعد يا قلب المداوي ابـلا رجـوع الله يسهـل دربـك المبعـد ودربـي جايـلـه وإذا نويت انك تجي ابشر لـك بحبـن قنـوع بسوي على شانك فرح وهديـك قلبـي شايلـه ______________________________ قصه زواج وصقه طلاق ليلة زفافي مشاهد الحور والنور وأخر زواجي لوعتـي والجليلـه قلت الطلاق وقال ماصارت شهور قالت وسيله قلت هـاذي وسيلـه قالت ترى لك منزلن عالي الدور والله لك وحدك بـروق ومخيلـه قلت ابتعد وخاطري منك مكسور ماني ورى طرد المقفيـن حيلـه امك تصلط بالردى وانت معـذور وتتبع هواها دون زوجك ضليلـه قالت يهون مفارقك وانت لي نور نوري وعمري والدورب الطويله سكت ودموعه على الخد دحدور وتقول ماحولـي احـد انتخيلـه قلت الثلاث بدفتر العـدل ديكـور سجلتها قبل اعتـرف بالحصليـه بيني وبينك ياريش العين دستور وانـا جوابـي بالدفاتـر اشيلـه اتبع هوا امك وانا منك مهجـور وعساك تلقى عندها لك وسيلـه ____________________________ وسلامتكم وصح لسان شاعرنا وحنا في أنتظار جديده وأي شي را أنزله لكم أول بأول وقريبا الشاعر ( محمد عوض سرور - عبدالرحمن الشمري - محمد حمد بن فطيس ) قريبا انتظرووونا الرجاء ذكر المصدر منتديات عيال الحمايل مرزوق الديحاني |
رد: ديوان الشاعر // مبارك المطيري في عيال الحمايل
صح لسانه مليووون
ولاهنت اخوي ع هالدايوان الرائع الله يعطيك العافيه ع مجهودك |
رد: ديوان الشاعر // مبارك المطيري في عيال الحمايل
صح لسان الشاعر مبارالمطيري
ولاهنت اخوي مرزوق ع هالدايوان الرائع الله يعطيك العافيه ع مجهودك |
رد: ديوان الشاعر // مبارك المطيري في عيال الحمايل
صح لسان الشاعر مبارك المطيري
ولاهنت يامرزوق على النقل |
رد: ديوان الشاعر // مبارك المطيري في عيال الحمايل
ديون رائع .. معطر بأجمل المفردات الشعريه
صح لسان الشاعر مبارك المطيري ويعطيك العافية على انجاز هذا الديوان واخراجه بشكل رائع |
جميع الأوقات بتوقيت GMT +4. الساعة الآن 01:17 AM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.