|
ديوان الشاعر عبدالعزيز الشاطري
السلام عليكم ورحمة الله وبركاته يسرني ويشرفني .. بأن اطرح امامكم ديوان شاعرنـا ( عبدالعزيز الشاطري ) وأتمنـى ينال أعجابـكــم :m-49: |
رد: ديوان الشاعر عبدالعزيز الشاطري
تالا والشغالة يا ملكنا دام حكم المملكة حق وعداله والقضايا فالمحاكم تختم بختمٍ سماوي يا ملكنا ليه صرنا ضحك للعالم وعاله قصة الشعب السعودي بين مكتوبٍ وراوي يا ملكنا في بلدنا صار هم الشعب حاله وانته المسؤول الأول يوم تقديم الشكاوي لا وزير ولا أمين ولا مدير ولا وكاله من هموم اليا هموم ولا تفيد بها الرجاوي كل ما صارت قضية غيروها في عجاله واستفادوا والمواطن في مخابيه الدعاوي والشباب اللي تعذب من غرابيل البطاله لا وظايف تنتشلهم من براثين البلاوي وْلو بدا له في مجالات التجارة لو بقاله خسّرتهم العمالة لو ثمنها وش يساوي صاروا اغراب بوطنهم كل واحد راح ماله واحتوتهم الشوارع والملاهي والقهاوي والعمالة شر ما أدراك ما شر العماله البلد والشعب راحوا بين بنقالي وجاوي ينشرون من المصايب والبلاوي والرذاله كم سمعنا من قصصهم فالصحف سارح وضاوي وآخرتها فالبراءة ما حصل من قتل تاله طفلةٍ تلعب مع اللي قلبها للشر ناوي يوم ابوها وامها كلٍ مداوم في مجاله قطّعتها الخادمة لا رادع ولا قلب ياوي عذرها وقت الادانة من بلدها في رساله لازم تْنفّذ جريمة قتل والانسان غاوي في مدينة ينبع اللي يومها اسود من لياله يوم غرقت من دموع الحزن في يومٍ شقاوي |
رد: ديوان الشاعر عبدالعزيز الشاطري
اليوم عيد ووطنا كل الايام عيد
في يوم واحد من الميزان من كل عام عيد الوطن والوطن في كل الايام عيد من يوم توحيدها بعزم الرجال الكرام حق علينا الفرح في كل عامٍ جديد باذن الولي مملكتنا من جنوبٍ وشام وْمن البحر للخليج الشعب إيدٍ بإيد من عهد عبدالعزيز اللي له المجد قام لعهد عبدالله اللي للمواطن سنيد صقر العروبة كفوفه خير مثل الغمام لا هل همالها يروي بها كل بيد عبدالله اللي يحل الكايدات العظام وْسلمان في موقفه وجه السعد والعضيد في كل شبر يعيش الشعب أمن وسلام ويرد عن حدّها لا جاه ظلمٍ وكيد أمن وأمان ومحبة بين شعب وإمام حتى ولو يشتكي له حبها له يزيد منها ارتوينا الوفا والصدق جوف الظلام واليا انبلج نورها حبٍ وخيرٍ مديد في كل ليلة نجدد للملك والنظام البيعة اللي بها يبقى بلدنا سعيد يالله تحفظ بلدنا والملك كل عام اليوم عيد ووطنا كل الايام عيد |
رد: ديوان الشاعر عبدالعزيز الشاطري
الصحبة اللي غرّت القلب ما فات مات وكل ما هو لنا آت يوم البشر بافعالهم يفرقوني هيهات ياللي غافلٍ عنه هيهات يا ما تجرعنا سببه الغبوني الناس ما بين الحساني وسيات زادت هممهم فيه مايشبعوني كلٍ على فعله يزيد السجلات واللي على فعل الخطا يندموني لو جرّ منه القلب فالعمر ونات ما عاد ينفع ليت والا ارْحموني والحي فعله حي يبقى ولو مات ذكره ينومس كل جيلٍ يجوني مير البلا لآ صار فالعمر سجّات لو الذكا حطّ الغبا فالسجوني الصحبة اللي غرّت القلب لحظات واعمت عيوني واستمرت تموني ليت الزمن يرجع واعيد الحسابات يوم انكشف حيد الغطا عن عيوني واشطب على بعض البشر فالملفات بانت حقايقهم وخابت ظنوني ما دام مات بعمرنا كل ما فات يالله عفوك قبل ريب المنوني |
رد: ديوان الشاعر عبدالعزيز الشاطري
حب الزبيب حسبي على عاداتنا والتقاليد حبيبتي حطّت على اللول شيله كنت آتسلى فالجواهر تراديد واليوم نور الصبح غطّاه ليله لا الدين يامر به ولكن مناقيد شوفة وجيه الغيد عند القبيله صارت على العشاق والغيد تعقيد في شوفته مابين حيله وحيله والله يآشوفتك يالريم لي عيد اليا ابْتستمتي ضوح برق المخيله وانهلّت مْزون المحبة على البيد ريقك ملاها نرتشف سلسبيله من شان نظمى من قريّب على حيد ريضان حبك واكتست بالخميله وْعيونك النجلا غبنتي بها الغيد حتى قلوب العشق منها قتيله والخد باقة ورد باقي ولايْبيد ينشمّ عطره من مسافة طويله واللول الاخر زان من فرعة الجيد اليا نثرتي من وراه الجديله والنحر من رمانتينه بدا يْزيد وحب الزبيب بْروسها يشتكيله والخصر فوق الشبر لاقيل تحديد والكف كفي قفلتين الكميله يالريم في وصفك لو اقول واعيد تضعف حروف الشعر عند الجميله ماتذكرين الذيب سرحان والصيد اليا قنب فالضلع يلقى حصيله والعطفة اللي خلف نار وبواريد والفارس المغوار فوق الاصيله ياما تذوّقنا عذوق العناقيد والصيف بارد والظما في صميله تكفين حطّي عذر لاجل المقاريد مايظلمونك في سلوم القبيله قولي : ( ليا شفته نسيت التقاليد ) من شان اشوف اللول من دون شيله |
رد: ديوان الشاعر عبدالعزيز الشاطري
مارد وشيطانيه في سالف ازْمانيه في كل قيفانيه اليا اقْبلت وادبرت مارد وشيطانيه في ميلها للهوى ظميا ورويانيه مهار وبكار في ساحات ميدانيه اليا نزلت والعبت اسرج لها حْصانيه يصهل وتصهل على مزمارها غانيه تهيم في كل شي يا كثر وديانيه في كل وادي على اشكال والوانيه واليوم جتني على ال مزمار روحانيه مستسلمه خايفه من كثر عصيانيه ادعو إلهي بها رؤوسها حانيه يالله ماطْلب سوى رحمه وغفرانيه " في جنةٍ عاليه " " قطوفها دانيه " مع النبي لي معه حظوه وجيرانيه نشرب من انهارها اصناف في آنيه ناكل ملذات من خيرات بستانيه واللي نبيه يحضر بيدين غلمانيه في قصر من زخرفٍ ممتدّ فاعْيانيه به قاصرات النظر لولو ومرجانيه فرصة لمن يعمل ال خيرات بايمانيه يالله انا معترف يا كثر عصيانيه يا نفس توبي ترى دنياك ذي فانيه واستغفري واعملي ما ينفع الثانيه يوم انّ كلن عمل والعدل ميزانيه من ثقّله فاز به من خفّ خسرانيه والختم كثر العمل سيات واحْسانيه صلوا على المصطفى من نسل عدنانيه |
رد: ديوان الشاعر عبدالعزيز الشاطري
تقرب شافيها الذوابح من يمين ياويل قلبي من نهاية غرامه من الغزال اللي شرد بالشرايين يبى السلامة مير مامن سلامه يشرد من القلب وترده له العين يلعب ويرتع وسط ريع العدامه خالي من امثاله ولا يقبل اثنين حبه تمكّن فيه والحب ضامه باخر عشر يمشنّ بعد الثلاثين شاب وتشبب واستعادت نظامه كنه على عمر الفتى قبل عشرين لو البس عقال وعليه العمامه من لامني ما يعرف الحب والزين الزين في ظبي الفلا في قوامه غصنٍ تروّى بالحلا والثمر تين فوق الحلا كله على الخد شامه تقرب شفايفها الذوابح من يمين وْزادت جمال بقربها الابتسامه مزن يتقاطر بالشهد بين برقين والصدر نابي والنحر بانقسامه سرّ النظر والخصر مابين شبرين يكفي كذا لو قلت غيره ملامه لو انها هي البلا للمحبين لو شافها المحرم يحل بحرامه وافلس من الدنيا بها وافلس الدين ياويل قلبي من نهاية غرامه كنه على عمر الفتى قبل عشرين |
| جميع الأوقات بتوقيت GMT +4. الساعة الآن 03:43 PM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.