®°·.¸.•°°·.¸منتديات عيال الحمايل¸.•°°·.¸.•°®

السلام عليكم
حياكم الله .. الديم مثل المحقق كونان قررت تتعمق وتعرف وش نسوي وش تصرفاتنا وين نروح ووين نختفي ومتى نطلع .. شغل مباحث بس بشكل لطيف .. وعشان كذا لازم ندخلها بالسرا ونفصفصها بالساعه والدقيقه والثانيه تعلمنا عن برنامجها النووي من الصحيان الى النوم ونطلع الاسئله من بين سطورها وماوصيكم خلوها تلعن اليوم اللي نزلت فيه الموضوع :155:

برنامجي ياسادة وسيدات المجتمع مايختلف عن برامجكم الا باشياء بسيطه والبدايه من الصحيان عندي لان نومي ثقيل شوي ويكون صحياني الساعه ثلاث العصر لاني باجازه ومافيه دوام اصلي الظهر واتمغط نص ساعه لما يدخل وقت العصر واصلي وبعد كذا اقلب بالتلفزيون تضييع للوقت حتى اذان المغرب والفطور وبعد الفطور الصلاه ونجلس للسوالف والقهوه والعلوم الطيبه حتى اذا العشاء وبعد العشاء يبدأ الانتشار اما مسيار خفافي او نقضي بعض الاشغال بالرغم من زحمة الرياض اللي لاتطاق الا ان زحمته برمضان مقبوله احس الناس كلهم ذوق وتنزل عليهم السكينه والدين مرة وحده لدرجة ان اللي اشارته خضراء يوقف من زود الاحترام لابو اشاره حمراء عشان يمشي !! المهم على الساعه 11 نرجع نجتمع مره ثانيه ووقت السحور ثابت الساعه 1 الى وحده ونص مايتقدم ولا يتاخر عن هالوقت وتستمر الجلسه الى الساعه ثنتين وبعدها ينفض المجلس كل واحد يروح لبيته استعداد للامساك وصلاة الفجر بعد الصلاه يستمر برنامجي على النت المهم النوم يمكن انام على الساعه 7 او 8 في هالاوقات

رمضان شهر خير وبركه حتى اجواءه روعه وذكرياته اروع والحقيقه مايحظرني موقف معين لكن ايام رمضان كلها جميله بالنسبه واعتبرها ايام حلوه .. على فكره انا من محبي السوبيا ويومياً لازم تكون موجوده على السفره وطيحت فيها ناس كثير :130: وهم بالمقابل طيحوني بالفول :82: كنت زمان انتقد اخواننا اهل الغربيه لما اشوف سفرتهم لازم يكون عليها فول كنت اقول كيف يجيلهم نفس يفطرون على فول لكن بعد ماجربته حصلته افضل مليون مره من المكرونه يعني بالمختصر فطوري شوربه + سبمبوسه + فول + ونحبس بكاس سوبيا :129: بعد كذا عينك ماتشوف الا النور .. واحلى رمضان اللي مر علي هي اللي اشهر رمضان اللي قضيتها بالكويت عند خوالي كان لرمضان رونق واجواء وايام جميله جداً جداً جداً بالفعل كنا نحس بروحانيته وكنا نسعد بلياليه .. اتمنى لكم لتوفيق وتقبل الله صيامكم وقيامكم