والله ان ودي بممشى على الوجهة جنوب
مشفي ان الله بيطرح على الديرة ثراه
طالت المده وجا حل نسناس الهبوب
يالله انك لاتخيب ضعبف في رجاه
جعل تاتينا علوم الحيا من كل صوب
كل رجل يتبع ابله ويمشي في هواه
زين روحتها إلى صايدات بعض الدروب
وارزة الويت لها في بيان من وطاه
دارج السيل من جاه قال ذا جذوب
من كثر ماينثر الما على الشاطي غثاه
احتكر يوم انتحى واجتمع من كل صوب
لو بنا قدامه العرق خرب مستواه
قد له ايام وليالي ونوه له انصوب
لاضواه اليل قام اتكاشف لك سناه
جعل يسقي ديرة مانزل فيها الهيوب
ويسقي اديار المسلمين ويوسع عطاه
حي شب الضو قدهي معى وجه الغروب
والنجر يصقع وياتيه من يسمع ادعاه
ودلة فنجالها ينحسب له ومحسوب
يقعد الراس المشوش ويسلم من خواه
وسالفة ربع يحطون لـ الزاير سلوب
لين ياتي له على الدرب والممشى جراه


--------------------
الشاعر ناصر ال دلبج