برحالكم صلوا



أدآء و توزيع | حمود المقبل
.
.
كلمات l مشعل معتق






[marq]الجملة اللي خلت ضلوعي حطام
وباسبابها قلبي من الحزن موجوع
من بعدها وانا أعاني من آلام
متحيرن ، مصدوم ، مذهول ، مفجوع
"برحالكم صلو" غزتني بالاسقام
قيلت و قشعر جلدي وسالت دموع
الله اكبر .. ياتصاريف الايام
كيف المساجد مابها سجود وركوع !
حتى "المطاف" اللي بعد كثرة زحام
فضى بعد ماصار للكل ممنوع
كيف الحرم مافيه من يلبس حرام
بعد الجموع اللي تجي بعدها جموع
احيان اقول آظنها اضغاث الاحلام
و ياليتني اصحى من الحلم مفزوع
واحيان اقول اظنها اوهام بأوهام
وانا الصراحة قصدي آهدي الروع
يالله عسى ماهي عقوبة من آثام
من منكرات اقوال وافعال وطبوع
نستغفرك ياذا الجلالة والاكرام
عفوك لنا ياربنا حصون ودروع
و قبل أختم الابيات عندي خبر هام
نصيحتن بالظلمة سراج وشموع
مثِل ماتستخدم معقم و كمام
استخدم "إرضاء الله" بكل موضوع
كمم لسانك عن جراثيم الآثام
و عقّم نوايا قلبك ،، تعيش مرفوع

[/marq]


https://youtu.be/Bv3dLkWn6Jo