®°·.¸.•°°·.¸منتديات عيال الحمايل¸.•°°·.¸.•°®

[poem=font=",7,crimson,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
(ياكثر ما بالصدر شعر وسواليـف=وياكثر ماصرت أول القول وأتلاه
وياكثر ماجا يحمـلك يمي الطيـــف=على وهـــج قيس المــلوح وليلاه)[/poem]
[poem=font=",7,white,bold,normal" bkcolor="teal" bkimage="" border="none,4," type=1 line=0 align=center use=ex num="0,black""]
يقولها شاعر من الغِيد ما عيّـــــف=واللي يباها دونها حد وقضـــــــاه
كم واحد ٍ مثله دموعه ذواريــــــف=على هنوف ٍ حبها قد توطـــــــــاه
وانا سواته مونس ٍ جرح واهيـــف=كني جريح ٍ زاد همه ومشكــــــاه
على الذي في حبها لي محاريـــــف=سوات ابن لعبون مع حب ميــــاه
هذي ثلاث عقود مالي مواليـــــــف=كود الذي قفا وقفت مطايــــــــــاه
عايش على ذكرى جميلة تواصيـف=ام العيون السود والخد ما احــلاه
من عقبها وانا عليه تخاليـــــــــــف=حالي براه الحب واقول ويـــــــلاه
اجر صوتي في علو المشاريـــــــف=واقنب قنيب الذيب لا جر بعـــــواه
واهرف مع الجيان واقول يا حيـــف=على هنوف ٍ بالستيره مربـــــــــاه
ماخوعت في الحي والسوق يامنيف=على الدروب العوج ماهي مضراه
اديبة ٍ من بيت فيه التكاليـــــــــــــف=للدين ويا العلم والعز يزهــــــــــاه
عهديبها يوم الهوى مابه الزيـِـــــف=واصد عنها كان مرت لمقضــــــاه
خوف ٍ من الحقاي وسط الملاقيــــف=يرمي علينا هنة ٍ جوف مخبـــــاه
هاك الليالي فارقه بالمعـاريــــــــــف=والحب مصيونن ولا به مباهـــــاه
واليوم خشيف الريم ماقيل لي شيـف=في حينا هذاك ما عاد شفنـــــــــاه
قفت سنين العمر والوقت كا لسيــف=حكمه قطع في حبنا ما قطعنــــــــاه
على الذي في حبها لي محاريـــــــف=سوات ابن لعبون مع حب ميـــــاه[/poem]
الشاعر/مشعل بن صنت العصيمي