روائـــــــــع ,, ابن فطيــــــــس [الأرشيف] - ®°·.¸.•°°·.¸منتديات عيال الحمايل¸.•°°·.¸.•°®

مشاهدة النسخة كاملة : روائـــــــــع ,, ابن فطيــــــــس

دانــه

04-09-2010, 01:55 PM

ودي بك
ودي بـك وابيـك وابـاك وابـغـاك
جمّعتهـا لرضـاك واختـار فيـهـا

شف ويش منها يتبع احكاك ورضـاك
اللي لك اسقـي مسمعـك لا ضميهـا

غديت (افر)احكـاي واسايـر احكـاك
انـا تشّـرف لكنـتـي واهتويـهـا

مضمونهـا ودي بشوفتـك واهـواك
اللي دروب اهل الـردى مـا تجيهـا

صانـك ولـي امـرك وحبـك وداراك
لاقــدر ردع الحـظـوظ ومجيـهـا

نفسـك مهذبهـا وعـز الله ربّــاك
ايـدري ان جيـش الهيـام يغزيـهـا

الله قسم يبـلاك بـي وانـت يبـلاك
اللي سواتـي فـي العـرب يرتجيهـا

محبة (ن ) ذربه من القلـب تكسـاك
محبـة (ن) صـدق الهـوى يكتسيهـا

يامرك قلبـك بالوفـا لـي وتنهـاك
ناس (ن) على لامـاك تفـرك يديهـا

رزين عقـل ومـن مزايـا مزايـاك
نفسـك تحـب وعفـتـك تمتطيـهـا

تطيع عقل (ن) ما بعـد زل واغـواك
شاعـرك تعصـاه ..وانـت تعصيهـا

ماشفـت منـك الا عيونـك ويمنـاك
محبـة (ن) راع الـردى مـا يبيـهـا

يقبـض فـوادي لا تخيلـت فرقـاك
اشف عين (ن) مـا سـواك يعنيهـا

وياعزوة اخوانـك ومطلـب هـذولاك
ناس (ن) محبـة والــدك تدعيـهـا

ناس (ن) تخـدم ابيـك كلـه لعينـاك
هـو يحسـب ان الله عليـه يهديهـا

ياجعلها تفدى علـى الارض ماطـاك
الله بمـن هــو مثلـهـا يبتليـهـا

لكـن لعـب فـي ياوليفـي تغّـلاك
نفسي غلاك مـن الصـدود يحديهـا

تبطـي علـي وانـا هنـا واتحـراك
كبـدي لواهيـب الصبـر تشتويـهـا

اجمّع علومك امـن هنـاك وهنـاك
والله لـو انهـا تنشـرى لا اشتريهـا

وعذرك (انا لاهي) يا ويش اللي الهاك
اهـي ومر(ن)منـت لاهـي تليـهـا

كانك مشكك في الوفا والغـلا هـااك
جوالـي اقـر القائمـه كــل ابيـهـا

رقمك مع (الصادر) ولا (وارد ) اسواك
والناس في اللي ( لـم يـرد عليهـا ).

وايــاك واياني...وايـانـي ايــاك
من غيبة (ن) من دون عذر يحميهـا

يتبـع /

دانــه

04-09-2010, 01:56 PM

،؛،.. الــبـارحـــة ..،؛،

البارحة ربي كتب لي ومريت ..
..دربٍ عليه بروق الأحباب لاحت

جيت المكان اللي جمعنا وخفيت ..
.. وقامت جروحي للجوارح وصاحت

ياليتني في لفة الدرب زليت ..
.. كان العيون من الدموع استباحت

التم غيم الدمع من يوم لفيت ..
.. وورقا القصيد لشوفة الغيم ناحت

وضحكت ماأبغي الناس تدري يبالفيت ..
.. لكنها غصبٍ على العين ساحت

حارت دموعي في عيوني وصديت ..
.. وأرمشت مابيها تبين .. وطاحت

وعقبه برق في العين براق .. واسقيت ..
.. خدي ووناتي بصدري تلاحت

وأنا أحسب إني في فراقه تشافيت ..
.. وان عبرتي من مدخل الزاد زاحت

اللي يحسب إني على البعد سجيت ..
.. والا ان عيوني للرقاد استباحت

ياليتني من قبل لا أحبه اقفيت ..
.. والا ان دروبي عن دروبه تناحت

أهون علي من البكا والتناهيت ..
.. وأشلا من سدودٍ على الناس باحت

عرفت كيف الحي يفرق عن الميت ..
.. وعرفت قيمة نعمتي يوم راحت

قولوله اني عقب بعده تدانيت ..
.. ورجلي عن دروب المعافين شاحت

البعد نار وطاعة العذل كبريت ..
.. يقصر على بعده .. ترى الكبد فاحت

دانــه

04-09-2010, 01:57 PM

،؛،.. دكـــــتور العـــيون ..،؛،
(يامؤمن الريفي )انا جيتك زبون..
.. جيتك على مدح اكثر الناس وعنيت

جيت وتعالى الله عمّا يشركون..
.. لولاه (يامؤمن) لطبك ما اهتديت

راضي بحكم الله علي مهما يكون..
.. عالج عيوني لو بعد طبك عميت

ودي اخاشر فالبصر من يبصرون..
.. واشوف دربي لا سرحت ولا ضويت

والى قنصت اثبت مع اللي يثبتون..
.. واشوف طيري كل ما اوميت ودعيت

ياااكثر ما يضرب خويي (الطابلون)..
.. من كثر ما اكلّته مطباات وكليت

وودي اشوف اللي علي يعرضون..
.. وبعض الليالي ودي اسري دون ليت

وااشوف ناس ٍ فالقفا ما يرحمون..
.. اما وقفت لصاحبي والا مشيت

من دون نظاره ولا هم يحزنون..
.. يااا كثر ما كسّرت كشمات وشريت

لكنٌ يا دكتور جعلك ما تهون..
.. ابغيك كلمت راس دامك ما بديت

اسمع......ولا ابغي اللي وزانك يسمعون..
.. ربي كتب يكشف لك اسراري وجيت

صورة عديل الروح عندك فالعيون..
.. واخاف تقطعها بموسك ما وعيت

ولا عليك امر..اطوها تحت الجفون..
.. وعقبه لو تقطع عيوني ما شكيت

هي راس مالي والعرب ما يدركون..
.. اني على باب الممات و ما حكيت

ياقو قلبي يوم قفن الضعون..
.. اللي على ذاك الموادع ما بكيت

ويا صبر صبري والعواذل يحسبون..
.. اني دلهت من الهوى والا سليت

اسكت عساهم من سكاتي يسكتون..
.. وانا عن اللي في ضميري ما انتهيت

وادور الفرحه مع اللي يسهرون..
.. وان ذكروني خذت فنجال وسريت

اخذت من وقتك يا دكتور العيون..
.. عالج عيوني لو بعد طبك عميت

واستر علي واللي معك لا يفطنون..
.. انت الوحيد اللي بعد ربي دريت

دانــه

04-09-2010, 01:59 PM

،؛، شــــطـــر حفـــــظتــــــه ،؛،

ماني بمن ياتي ولا يدري به ..
.. شطرٍ حفظته ما أعرف كتابه

شطرٍ يناسبني لمثل الليله ..
.. وآشوفني في ذا المكان أولى به

أبا أتكل بالله ونعمٍ بالله ..
.. اللي ما يوصد دون خلقه بابه

باقول واللجنه تقيم قولي ..
.. ومن كثرة الشعار ماني آبه

الحمد لله واثقٍ من روحي ..
.. وإن كنت ذيب فالرجال ذيابه

ما أقول أنا أشعر واحدٍ في العالم..
.. لكن قصيدي كفو وأنا أدرى به

الشعر جمعنا لو تفرقنا ..
.. حدودنا وظروفنا الغلابة

الله يبيض وجه راعي الفكرة ..
.. عز الله انها تنحسب لحسابه

والله يبيض وجه من يرعاها ..
.. محمد الله يحفظه لأحبابه

محمد ولد زايد عريب المجنى ..
.. ولي عهد الديرة الخلابة

الشعر تاريخ لنا من مبطي ..
.. وإعلامنا يوم السنين نهابه

الشعر بيت والوزن عمدانه ..
.. معناه طنب وقافيته حجابه

الشعر وادٍ فيه صيد واجد ..
.. وكلٍ على الوادي يهج ركابه

والأفكار صيد وكل شاعر قانص ..
.. وكلٍ يدسم شاربه مخلابه

أحد خياله حر .. وأحد وكري ..
.. وأحدٍ خياله كوبجٍ بقطابه

وأنا خيالي كل ما هديته ..
.. حول على الوادي وصاد عقابه

شاركت أمثل ديرتي وربوعي ..
.. وكل يمثل ديرته وأقرابه

والله إلى الله راد والله قاله ..
.. إني لا أسلمها الفخر وكتابه

داري قطر .. وأنا هنا أمثلها ..
.. المجد مطلوبي وأنا طلابه

عهدٍ علي إني لا أشرف داري ..
.. ترك صبي ما يعز ترابه

شوفوا دمي من حبها عنابي ..
.. وحماستي من ضوها شبابه

شاعر خليجي والعروبة بيتي ..
.. والبيت ما ياقف بدون أطنابه

وإن عودت بين القبايل فزعه ..
.. أنا أشهد إني في اللوازم لابه

لي في القبايل ربع .. وأقدرهم ..
.. ماني بمن يجهل مقام أصحابه

وإن عودت لأصلي .. فأنا أصلي مري ..
.. من صلب يام أهد القنا وخضابه

قومٍ لنا فوق المعالي بيرق ..
.. والسيف قوة سلته بنصابه

الشعر طوقني وأنا طوقته ..
.. قمت آتمشى به وأفك أبوابه

يا بنت ياللي تفرقين بعودج ..
.. ما ألومهم لو كثروا الخطابه

لامر بج دربج على خلق الله ..
.. قالوا كذا بالأصبع السبابه

زينج يزينه فعل أبيج وجدج ..
.. وإنتي بدورج للنقى كسابه

قومي تباهي بي .. وفلي راسج ..
.. عليج من ستر الشرف جلبابه

وإن ما سترتج بالفعول وباسمي ..
.. فعقبني الفنجال يا صبابه

دانــه

04-09-2010, 02:00 PM

،؛، .. ســـولفـــــوا .. ،؛،

سولفوا تكفون لا عاد تسكتون ..
.. قبل لا أهوجس وياتيني بلاي

السكات يزود طعوني طعون ..
.. وتنكسر لا جا على راسي عصاي

سولفوا لو ما بغيتوا اتسولفون ..
.. قبل لا اقعد في الحزن رايح .. وجاي

واضحكوا لو بالعماله تضحكون ..
.. وجاملوني لو يضايقكم حكاي

لي وليفٍ راح جعله ما يهون ..
.. هو دواي وداي .. أو داي ودواي

راح لكن طيف زوله في العيون ..
.. مرةٍ قدامي ومرة وراي

وإن سكتوا جا وهو طيفه يمون ..
.. رحت أهوجس له وأبين له ولاي

مكسب عيوني من الفرقا مزووون ..
.. تمطر لطاريه .. والبرق ؟ أصدقاي

كل ما طروه لو هم يمزحون ..
.. احرموني من غداي ومن عشاي

أدري إنه ما تناسى الود كون ..
.. تسمع إذنه في قفاي اللسن عداي

وكانهم قالوا نسيته يكذبون ..
.. وإلا أنا فيه أمتلك نظرة وراي

كان حبه لي على خبري مصون ..
.. والله ان كني بقدري .. وبغلاي

ذي بقايا الحب وأطلال الجنون ..
.. والله أعلم في ضميره وش بقاي

غير طيعوني ولا عاد تسكتون ..
.. ولا والله إن أسمعكم بكاااي

دانــه

04-09-2010, 02:01 PM

،؛،.. في كــــفـــها خــــاتــــــم ..،؛،

في كفها خاتم وفي خدها خال ..
.. وفي عينها غيم وعمارات وبيوت

الخال شفته واضحٍ من ورى الشال ..
.. والخاتم الماس مرصع بياقوت

والعمر في العشرين كني مانيب زال ..
.. والجسم كنه من جبل ثلج منحوت

جبل ولكن لا طرقه الهوى مال ..
.. وخطواتها ماهي بالأمتار بالفوت

ماهي تشوف الشمس من ظل الاظلال ..
.. ومصيافها ما بين لندن وبيروت

الشمس لو تشرق على جسمها سال ..
.. كنها مجسم محلبيه وبسكوت

ومن صغر مبسمها شقى حالها الحال ..
.. ما تاكل الا اللوز والخوخ والتوت

ماهي تشوف الناس تمشي وتختال ..
.. ومرٍ على جاكور ومرٍ على حوت

وخدامتين وهي بلا زوج وعيال ..
.. وسمعتها تدعي الدريول يياقوت

وثلاث جوالات ماهو جوال ..
.. ومن يوم خلقت كل شيٍ بريموت

لكن قلبي مالها فيه مثقال ..
.. وش قرب البشت الحساوي من الكوت

ياجعلها للي خذت قلبي نعال ..
.. اللي غلاها عندي الشرب والقوت

حوريةٍ من فوقها الليل شلال ..
.. كنها صبحٍ فوقها الليل مكتوت

قلبي لها من كثرة الشوق مشخال ..
.. وللسر عن كل المخاليق تابوت

تنحت لي من الحب في القلب تمثال ..
.. وحبي لها ينحت على الساحه بيوت

في عينها ماكل رجال رجال ..
.. وأقصى حدود الوصل في سلمها الصوت

زودٍ على القلب وعلى الحسن من آل ..
.. روسٍ لهم روسٍ على متونها بشووت

الى رضت موتوا يا أهل روس الأموال ..
.. وإلى زعلت جربت وش سكرة الموت

من دونها رجلي وراكب وخيال ..
.. والسيف والأمواج والبحر والحوت

دانــه

04-09-2010, 02:02 PM

،؛، .. يا قـــو قلــــبـــك .. ،؛،

ياقو قلبك على الصّـده ويـا صُــــــبـرك
وياوسع صدري على صدك ويا صُبري

وياطول عمـرك بذاكـــــــرتـي وياكُبـرك
وياشيب عيني بشيّب عــــاد ذا كــــُبـري

والله لون حمل صبري فوقـك..ان تبرك
والله ولو تعتذر منـت بعلـى خــــــــبـري

ان ما جبرك الغلا ما اقدر على جـــبـرك
ياللي على ارض الوفـا ما شبرك بشبري

تـــزعل وترجع وتـلقانـي عــــلـى خبـرك
وانا انكسر لك واجـــــيـك ادوّر لــجبـري

طـــيفك وذكــــراك طـيلـة غيبتـــك سبـرك
وشـــــوقي لشوفتك طيلة غيبتـك سبـري

امـــــحق وليف ومحبه والا اقــول ابـرك
حسبي عليك اعشقك وانت اتحفر قــبري

دانــه

04-09-2010, 02:03 PM

،؛، .. في شاعر المليون .. ،؛،

في شاعر المليون للشعر مضمار ..
.. والسابقة في الشوط تظهر بيدها

امضمرين أبكار الأفكار شعّار ..
.. وكلن يحضّربكرته في وعدها

واللي تردت لا يدور لها أعذار ..
.. معذورة ما دام قد ذا جهدها

واللي تعوص وتضرب الحاجز يسار ..
.. تشلّ ف الدنة وترجع بلدها

وأنا ذلولي بنت صوغان الأشعار ..
.. من حبها عندي تفحم وحدها

إن جاره الله من تصاريف الأقدار ..
.. جاتك وجاك الجيش كله بعدها

الله عليها من مقاريد الأنظار ..
.. وصلت تحست ما غشاها زبدها

وتلقوفها بالعلم رمز وإشعار ..
.. وصفق لها منهو بعينه شهدها

ومن روبها أول ما تنصخ تمطار ..
.. ياللي تزعفرها من الطاس زدها

شبهت بالهجن الأصيلات الأشعار ..
.. وقصيدتي تراث أهلنا مددها

أعتزبه وأقبله إجلال وإكبار ..
.. واحة شرف يا سعد منهو وردها

أغلبنا في موجب الضيف والجار ..
.. يحلب لبنها قبل يذبح ولدها

وتراثنا من دونه نبيع الأعمار ..
.. وبأفعالنا روس المعالي صعدها

واليوم ضاق الجو من كثر الأقمار ..
.. تبث حقد لي لحقده رفدها

غزا الشعر قبل أمس غازين الأفكار ..
.. قومن على الساحة دفعها حقدها

تلفقوا ثم جاؤوا من كل الأقطار ..
.. هذا يصبحها والآخر هجدها

هذا يحرف في الأسف سر وإجهار ..
.. وهذاك يذبح موهبة في مهدها

وقفوا علم للشعر في وقت الأسحار ..
.. غاروا على الساحة وعروا جسدها

وصاحت بعد ما شافت سترها طار ..
.. ووقّف ولد زايد محمد ساعدها

قال أبشري بالستر وبردة الثار ..
.. وأضفى عليها سترها ما نشدها

واستل سيف في المواجيب بتار ..
.. واطلب وردن في العلا من فقدها

على خطى زايد خطاويه ما بار ..
.. والحاجة اللي في خياله وجدها

أغنى العرب من شوف أكاديمي ستار ..
.. ومن شوف أمر من السخافات وأدهى

شفت الشعر بستان وأبوابه أزهار ..
.. وقطفت ما يسقي المشاعر شهدها

قطفتها من ديرة تنبت أحرار ..
.. من دار بو مشعل ذراي وسندها

دانــه

04-09-2010, 02:04 PM

،؛، .. يـــوم المزايـيـــن .. ،؛،

من لابتي مّره الى جـدي افطيـس ..
.. ربعي مطوّعة الصعـب بالصمايـل

ناموس ياللـي تكسبـون النواميـس ..
.. ياهـل العلـوم الغانمـه والجمايـل

اهل السموت وفي الملاقا فواعيـس ..
.. يقطعـك يـاهـرجٍ بلـيـا دلايــل

انتو خيارينٍ علـى الخيـل فريّـس ..
.. اسـمٍ ينومـس بيـن كـل القبايـل

يامقلّطينٍ شـذرة السيـف والكيـس ..
.. قد قالها ابن حميـد ضمـن المثايـل

منصا الرجال اللي على ضمّر العيس ..
.. وفالحرب نطّاحة شبـا كـل عايـل

هواجـرٍ لاجـات قدهـي مقاويـس ..
.. ركب الضيوف امن السرا والقوايـل

تنصـا ربـاع امتعّبيـن المحاميـس ..
.. مروين حـد المرهفـات الصقايـل

يردون غصباً والعـزاوي متاريـس ..
.. لاجـا نهـارٍ فيـه عـدلٍ ومـايـل

وامسيّسين اسياسة الفـوز تسيّيـس ..
.. باللبل وبالهجـن السبـاق الاصايـل

تفوز في يـوم المزايـن وفالريـس ..
.. من كـل منعوتـه تسمـى وحايـل

ولو حصل للبل من النـاس تفليـس ..
.. يكفيكم انك فالعـرب مـن لاوايـل

تلبس من العنّـاب زيـن الملابيـس ..
.. يوم المزاين مـع ارجـال الحمايـل

يزها بها لـون العلـم تتبـع افنيـس ..
.. ابـلٍ لهـا عـادات كسـب النفايـل

ومدحي لبو زايد محمد بـلا قيـس ..
.. مدحٍ لـو يقـارن بفعلـه .. قلايـل

الله يمهّـل بـه ويخـزي لاباليـس ..
.. وايدوم ذكره فـوق كـل الطوايـل

دانــه

04-09-2010, 02:05 PM

،؛، .. لا ضاقت الدنيـــا .. ،؛،

لا ضاقت الدنيا عليك وتشاويت ..
.. خلق الله اللي فالرخا كان واجد

ومن العرب والصوت والثوب مليت ..
.. وقامت عليك هموم بأقعا تراجد

فارفع يديك لخالقك لا توضيت ..
.. وادعو تراك أقرب إليا صرت ساجد

ووقت من أوقاتك للأوقات توقيت ..
.. وسجل لنفسك في المساجد تواجد

وأبشر بفزعة حامي الدين والبيت ..
.. إليا هجدك من الهواجيس هاجد

اللي يميت الحي ثم يحيي الميت ..
.. لرضاه شف كثر البشر بالمساجد

دانــه

04-09-2010, 02:05 PM

،؛،.. أنا جـــيت كـــلي ..،؛،

ماهو بكيفك عقب شيٍ حصلي ..
.. من ذوّق المحتاج يصبر الى احرجْه

خليتني من حلو حاليك احلي ..
.. واصبحت مدمن حب والقلب روّجْه

بين العروق وصار مافيه " ملي " ..
.. الا وله جُرّه تمرّه وتسهَجْه

وذود الغلا في عشب قلبي تفلي ..
.. وتراب صدري للمطر منـْك ما احوجْه

يمحل الى صدّيت ويموت يا اللي ..
.. صديت عنـّه والله احياه واخرجْه

ولي خاطر ٍ يسألـْك من لي ياخلي؟ ..
.. غيبتـْك تلعب به وشوفتـْك تبهجْه

ولي عين حالي دمعها لك يهلي ..
.. وانْ رحْت راحت مالح الدمع تزعجْه

غالي ولا يحتاج بسّك تغلي ..
.. غلاك اخذ قلبي وروّضـْه واسرجْه

ولو قلت ياعيني بصدره تملي ..
.. شافت خفوق ٍ حبك الذرْب توّجْه

وماهو على كيفك عقب ما حصلي ..
.. من ذوّق المحتاج يصبر الى ازعجْه

(عطيتني وجهك وانا جيت كلي ..
.. محروم والمحروم ما ينعطا وجْه)

دانــه

04-09-2010, 03:00 PM

الصيف

لاوالله الا يالربـع دخّـن iiالصيـف
كـلٍ تبـع مشهـاه وانـا اهنـيّـا

اللي قصد لندن وباريس00 iiوجنيف
واللي عن اسفـار الطييايـر iiعيّـا

اما جلس في الدار كهرب iiوتكييّـف
والا استكـن ابظـل00والا iiتفـيّـا

برجوا اسهيل الله يحييّـه لا iiشيـف
فـي طلعتـه كنّـه جميـل المحيّـا

طال الركـود بطايـلات iiالمواقيـف
(عمّاش)مـع(هـذّال) iiذيّـا00وذيّـا

عقب الفضا وامعانق الغيم iiبالكيـف
علـى الوكـور وحالهـا هالسويّـا

الريـش طايـح مابقـى iiالاتناتيـف
تمللـت لـوهـي iiشباعـا00وريّـا

يعيضنا00ويعيضها خالـق iiالطيـف
تطرب 00ونطرب بالقنـص iiلاتهيـا

نتعـب عليهـا وانتحمّـل تكاليـف
هي غيّنـا لا صـار للنـاس iiغيّـا

هذا الهوا 00 ياعارفين iiالمعاريـف
هذا الهوا ياراعـي الصنـف iiهيّـا

سوجة نفس00 خوة نشاماً مشاغيف
على القنص00وايضا رجال iiالحميّـا

مثل الحرار اللي تـرب iiالمشاريـف
يرهون فـي كـل المراجـل iiارهيّـا

اخلاقهم ما هـي تصنّـع وتزييـف
الله لهـم لا جـاو حيّـا 00 وبيّـا

دانــه

04-09-2010, 03:01 PM

ياوجودي

الا ياوجودي وجد مـن فاجـأه ديّـان
برغم اعتزال الناس من كثرة iiاديونـه

بعد ما فضى جيبه وكفه وحالـه iiشـان
تناسـوه ربعـه كنهّـم مـا iiيعرفونـه

تناسوا مواقيفـه ولا كـن شـيٍ كـان
على غير ما ترضى الكرامـه يحدونـه

وهو كان منقع طيب منهل وفا iiواحسان
فلاشـك عّـوان الزمـان ايتحـدونـه

رفع كفه الخالي الي الخالـق الرحمـان
عقب ما تصافوا كلهم ظلم مـن iiدونـه

سريع الفرج كافل برزقه جميع iiانسـان
قبل طلبته واعطاه ما خيّـب اضنونـه

على اللي سلب عقلي بسلهامة الاعيان
على العهد لو تبعد نحاياه مـا اخونـه

الى جيت باادله من خياله بعض الاحيان
يذكرّني القمري على الغصـن بلحونـه

يذكرّني القد المخصّـر وهـو iiمليـان
تعزّال رسلانٍ علـى الضـو iiمركونـه

يتيم الوصوف وليّن العود غصن iiالبان
جميـل المحيـا والحجاجيـن مقرونـه

الى اوما بليل امجدله من على الامتـان
تخيّلـت كـن الليـل ممسـاه بمتونـه

والى طاح واسترسل وبانت لي iiالاوجان
تخيّلت نور الصبح وان الشفق iiدونـه

لها بنّـة العطّـار واحكايـة iiالمرجـان
مع اللول والرمّان كـن البـررد iiلونـه

معا ذا ..ولولا الميز باقول بنت iiافـلان
على شان مثلـي لاعشقهـا iiتعذرونـه

دانــه

04-09-2010, 03:01 PM

يابريئة...

يابريئه وانتي ابعد مـا يكـون مـن البرائـه
تفعلين اللي تبينـه بالخفـى وانتـي iiبريئـه

كل عاقل يا بريئه كـان واثـق مـن iiذكائـه
في ذهابه يفقد اللي كان ملكـه فـي iiمجيئـه

ينظرك والكـون كلـه مايفكّـر فـي iiنسائـه
الصبايـا فـي عيونـه كالنطيحـه iiوالرديئـه

ياغرامـه يـا مرامـه ياعذابـه يـا شفائـه
ياسريعه في الصدود وفالمواصل يـا iiبطيئـه

دام حبك من نصيبي والقـدر والـرب iiشائـه
حب مثلك كيف ما ارضابه وهو قدر iiومشيئـه

يحفظك ربي من الحسّاد واصحـاب الإسائـه
صانك الله عن هوى الشيطان ودروب الخطيئه

يامرام القلـب يادمّـه ويـا صافـي هوائـه
يا امل يا شمعةٍ بانت علـى دربـه iiمضيئـه

مانظرتي بأم عينك فيـه وشلـون iiإمتلائـه!؟
بالغلا وايظا الجوارح كل ابوهـا بـه iiمليئـه

مانظرتي واعترفتي في غـلاه وفـي iiوفائـه
كيف ياتي لك بلا ميعـاد والخطـوه iiجريئـه

انكسر واحتار في الجيّه ووقّف مـن iiحيائـه
والحيا شعبه مـن الايمـان والإيمـان iiبيئـه

في النهايه اكتشفت انّـك دوا قلبـي iiودائـه
والحقيقه والله انّي كنت احسب انّـك iiبريئـه

دانــه

04-09-2010, 03:04 PM

ليتني طير

ليتني طير إلى من ضاق رفرف به iiجناحـه
لا تضايق حرّك الجنحان لحـدود iiالسحابـه

يرتفع حتى يبدل ضيقـة الصـدر انشراحـه
يعتلي النسناس ويعانق بـه النـوّ iiوضبابـه

لو يروح بعيد ما أحد يسألـه سبـة مراحـه
ما هو بمثلي يفجّـر ضيقتـه دمـع وكتابـه

لا نوى ما هو يحسّب فرق بعد ولا مساحـه
ولا يحاتي لا لفى بـأرض بعيـد ولا iiقرابـه

ما يفكّر غير فـي لمـة جناحـه iiوانفتاحـه
لا بغى ينزل بنهر وان بغـى ينـزل بغابـه

لأجل قلب لا طرى له صاحبه داعب iiجراحـه
عانده وجه الزمان وزاد وقته مـن iiمصابـه

صاحبي والحظ الأ قشر قلّد أيامـي iiوشاحـه
يسقي أيامي دموع ويطعـم الظلمـى iiكآبـه

في رجاء لقياك دارت غربتي في كل iiساحـه
وعين قلبي في غيابك صدّقت كذب iiالسّرابـه

لا أرتسم بعدك هجير ترتسم لقيـاك iiواحـه
ولا أرتسم حبك قريب تصبح اللقيـا iiمهابـه

لا جنت فرقاك فرح ولا أثمرت جمعاك iiراحه
بين حرّ القرب وأحزان الفراق أوجه iiتشابـه

من مساء هاجس لقاك اللي يماطل في صباحه
لين هاجوس الفراق اللي تمادى في iiعذابـه

ليت قلبي طير لا من ضاق رفرف به iiجناحه
لا تضايق حرّك الشريان لحـدود iiالسحابـه

دانــه

04-09-2010, 03:05 PM

امحـــــــــــــــــــــق وجيه

ماهـو بكفـو الوقـت حبـك يمحيّـه... ياللي تخـاف صـروف الايـام تمحـاه
ارتـاح ..مـادام المواصـل يقـوّيـه... انت انت..وانـا انا..وقلبـي هـو ايـاه
حتـى ولـو بتغيـب ذكـراك تكفـيـه... ياواحـدٍ تكفـي عـن النـاس ذكـراه
حبك علـى رملـة خفوقـي مواطيـه... ورياح عذلني عنك مـا تمسـح خطـاه
واللي يعذل القلـب عـن درب غاليـه... الله بمـا يـبـلا الموالـيـف يـبـلاه
اخفيـه يابالفيـت والـحـال يبـديـه... ادنـاة واحـد ينظـر الحـال يـقـراه
مخفيه فيـه ومعتنـي ٍ بـه وحاميـه... من كـل عيـن ٍ ودهـا تنـزل حمـاه
قلب ٍ يحبـك والهـوى الـذرب ماليـه... كانـك مكذبنـي ؟؟ بعيـنـك تـحـلاه
شرط ٍ تشوفـك فيـه منـت بحواليـه... ويمكن تشوف ديـار واماكـن ارعـاه
وبتشوف به تمثـال والوقـت هاريـه... وبتشـوف زرع ٍ ميـت وواقـفٍ مـاه
وبتشوف جرح ٍ فيـه سكيـن راعيـه... راح ونسى السكيـن والجـرح ينخـاه
وبتشوف حصن ٍ عج الاقـدار سافيـه... وبتشوف باقـي بيـت راعيـه خـلاه
لا تنزعـج هـذا خفـوقـي وباقـيـه... ولا تضايـق مـن تـصـدع زوايــاه
قـد زلزلـه فرقـا وهـزت عراويـه... والله ستـر والحـظ عانـه وعـافـاه
وكانه صلح لك واعجبك زيـن تبنيـه... ابـنـه وجـهـز للمقابـيـل مبـنـاه
ابغيـك بـس مـن المفـارق تداريـه... وازهل من يـداري شعـورك ويـدراه
وحلـل وحـرم فيـه يابـرك بلاويـه... وحلّه وراع رضاي ورضـاك ورضـاه
جعلك بعد بعض الوجيه ... امحق وجيه نـاس ٍ مراتعهـا الرفـيـق بتقـفـاه
انواع واخطـر نـوع مانـي بناسيـه... نوع ٍ علـى تفريـق الاثنيـن مسعـاه
تلقـاه دوم وكــل يــوم ٍ تلاقـيـه... والى بغيتـه صـدق مـا عـاد تلقـاه
ولا انت ردك كل مـا ادعيـك... لبيـه انشهـد ان منتـوا بفيعينـي اشـبـاه
منت بمع العالم ولا تقـول لـي... ليـه انت ادرى منـي وش جوابـي وفحـواه
كذيـه... ومـن الله يازيـن والـيـه... واغلا طـروش القلـب ودواه مـن داه
الحلـم ياتينـي بـزولـك واراعـيـه... وفـي كـل حلـم اقـوم قبـل اتحفـاه
اعشق سميك فـي البزاريـن وادعيـه... واقبـل خطـاه الـى اخطـا واتلـقـاه
واسمك يروعنـي الـى مـر طاريـه... واحـب ملقـوف ٍ يسولـف وطــراه
وامـر بيتـك مـن بعيـد ٍ ولا اجيـه... وانـا لونـه فـي يـدي مـا اتـعـداه
حتى (توايـر) (موتـري) تلتفـت فيـه... تبغي تلـف ويستحـي العقـل والجـاه
وصلك يخيـط الصـدر والبعـد يفريـه... ويابـري حالـي كـان صديـت بريـاه
ويلي علـى ادري حبنـا ويـش تاليـه... وويلي على ادري وش ورى الغيب ويلاه
عشـان اشـوف اذا محبتـك ... ترفيـه والله لا اقفي عنـك....... استغفـر الله

دانــه

04-09-2010, 03:07 PM

جيناتك

ماني بقـادر علـى تغييّـر iiجيناتـك
ما دام طبعك كذا مخلوق فـي iiدمّـك

دوّر علـى كثـر روحاتـك وجيّاتـك
تلقى المواساه والتحنان عند ii..امّـك

لاتبكي اليوم تـو اليـوم مـا iiفاتـك
الوقت ممدي ودمعك يمسحـه iiكمّـك

وان ما قبلت النصيحه يوم هي iiجاتك؟
لاتحسب اني حزيـن وناقـلٍ iiهمّـك

خلّك على ما تبي تمشـي iiبمشهاتـك
تمشي على رغبتك وابليس iiمزتمّـك

متعـدّيٍ مستـوى ذوقـي iiملـذاتـك
اقفيت ضامي بدون الشرب من iiجمّك

لوكنت ليلي وانا سهران مـا iiاباتـك
ولو كنت شوقي وانا مشتاق ما اضمّك

ولو ذبت لي شمع ما نّور iiمسافاتـك
ولو كنت ورده من الريحان ما iiاشمّك

لملم على باقـي الذكـرى iiجراحاتـك
وتذكّر اني ولو ما امدحك !!ما iiاذمّـك

ما دام هوج العواصف تبتلـي iiذاتـك
اخاف تقفـي مـع التيّـار iiويخمّـك

من يوم عادك طفل هـذي iiمعاناتـك
الله يستـر عليـك الحـال ويتـمّـك

وان طعت ياهوه شوف افضل iiهوياتك
اخير من تبعـة المسمـوم iiوايسمّـك

الموج لاكبـر مـا تنفـع iiمهاراتـك
لوكنت سبّاح في عرض البحر iiطمّـك

لاشك ما ضنتي ..ما تسمع اوشاتـك
الصدق لوعم خلـق الله مـا iiعمّـك

وانكـان ودّك تذكّـرهـا iiبدايـاتـك
من يمي الوصل والتقصير من iiيمّـك

جرّب مع واحـد ٍ غيـري iiمياناتـك
مدري لواني بعدها صرت ما iiاهمّـك

اكيـد مقـدر علـى تغييّـر جيناتـك
ما دام طبعك كذا مخلوق فـي iiدمّـك

بن فلاح المصعبي

04-09-2010, 03:18 PM

يعطيك العاااافيه

وصح لساان بن فطيس

ارق التحاااايا

سـعـود

07-09-2010, 09:37 AM

دانــه

09-09-2010, 09:09 AM

يعطيك العاااافيه

وصح لساان بن فطيس

ارق التحاااايا

الله يعافيك يابرق

ولاتبخل علينا هنا بقصايد أبن فطيس
سرني حضورك أخوي ,,

الواقعي

10-09-2010, 04:59 AM

يسلموا على هذا الطرح الاكثر من رائع <<<

فــ احسنتي احسنتي لا وحدة احسنتي قدر الالف احسني <<

فـــ هذا ان دل دل على تميزك الدائم وتميز قلمك >>

فـــ موضيعك مشرقة الا تعرف الغرررروب >>

دمتي لنا قلما بارزا <<

تقبل ردي المتواضع بين صفحاتك العطرة <<<

عاشق المزيونه

20-09-2010, 12:51 PM

ديوان رائع .. شكراً ليك

دانــه

21-09-2010, 03:47 AM

سعووود اسعدني حضورك ’

دانــه

26-09-2010, 07:06 AM

قصيدة اجتماعية :

غــاســـل ٍ كــفـــي مـــــن مـصـافـحــة بــعـــض الــيــديــن
وقــــافــــل ٍ بــوجـــيـــه اهـــلـــهـــا صـــنـــاديـــق الـــبـــريـــد
وشـايــف ٍ شـــي ٍ لــــي اعــــوام مــالــي فــيــه عــيــن
وقــــاطــــع ٍ خــــيــــط الــهـــقـــاوي بــســكــيــن الـــوكـــيـــد
وخــالــص ٍ مــــن طــيــب ضــــن ٍ مـوهـقـنـي سـنـيــن
وظـاهــر لـــي عـقــب عـــرف الــعــرب عــقــل ٍ جــديــد
وطـايــح ٍ مـــن عـيـنــي ارجــــال عــنــدي كــــان ويــــن
وحـــــاقـــــر ٍ مـــنـــهــــو يـــقـــيــــس الاوادم بــالــرصـــيـــد
ومحتمي ٍ من غدر الاصحاب في حصن ٍ حصين
ولابــــس ٍ لــرمـــاح الاقـــــراب ثـــــوب ٍ مـــــن حــديـــد
ومــاضـــي ٍ مــنـــي عــلـــى الــلـــي تـمـشـيـنــي يــمــيــن
مــــا تــجــي مـنـهــو قــريــب ٍ والـــــى احـتـجـتــه بـعــيــد
الـــمـــواقـــف تـــشـــخـــل الــــنـــــاس والـــطـــيّـــب يـــبـــيــــن
كــــــل عــــــام يــطــيــح تــســعــه ويــصــفــا لــــــي وحـــيــــد
اشـــهــــد ان خـــيــــر الـــمــــدارس تـــجــــارب الاولــــيــــن
واشـــهـــد ان راي الــتــجــارب هــــــو الــــــراي الــســديـــد
واشـــهــــد انـــــــي لــلــبـــلاوي عـــلــــى الــدنــيـــا مــــديــــن
كـــــــل مـــــــا راجـــعــــت نــفــســـي طــلـــعـــت الـمـسـتـفــيــد
وانــــت يـالـلــي عـقـبــك الــزيــن بــيــن الـبـيــض شــيــن
مسـتـحـيـل يـطـوفــك الـشـعــر وانـــــت اصـــــل الـقـصـيــد
الـقــصــيــده فـــــــي عــيـــونـــي بــــدونــــك مــــــــا تــــزيــــن
لازم ان اجــــيــــب طــــاريـــــك يـــــــــا مــــلـــــح الــنــشــيـــد
انـــــت يـالــلــي مـــــن بــطــيــن الـــفـــؤاد الــــــى الاذيــــــن
والله ان حـــبــــك مــــــــع الــــوقــــت مــايــنــقــص يــــزيــــد
فـــــي غـيــابــك لـــــك مـحــبــه ولــــــك شــــــوق وونـــيـــن
وفــــي حــضــورك شــــف عـيـونــي كــلامــي مــــا يـفـيــد
اقـــهــــر الـضــيــقــه بـــذكــــراك مــــــــن حــــيــــن لــحـــيـــن
وانـثــر دمــوعــي عــلــى الــوصــل مــــن عــيــد ٍ لـعـيــد
لــــك غــــلا ً سـبــحــان ربـــــي مــلـــى الـدنــيــا حـنــيــن
ولــــك وفــــا ً سـبـحــان ربــــي مــكــن فـالــكــون غــيـــد
شــــف مـكـانــك فـــــي مــكـــان ٍ عـــــن الـعــالــم دفــيـــن
فـــــي مــكـــان ٍ مـــــن ورى مـــثـــل عـــيـــدان الــجــريــد
مــكـــرم ٍ حــبـــك ولـــــه فـالـحــشــى ســـمـــن وســمــيــن
يـــقـــدع مــــــن الـــحـــال واصــــــب لــــــه بــــــن الـــوريــــد
افـتــضــحــت مـــــــن الـهــواجــيــس بـــــــك فـالـمـسـلـمـيــن
كــل مــن سـولـف عـلـي قـلـت لــه وش قـلــت؟ ..عـيــد
الـــهـــوى ســـجـــن الـعـشـاشـيــق وانــــــا لــــــك ســجــيـــن
وودي ان ســجــنــي مـــؤبــــد ولـــــــي حـــــــارس وقـــيــــد
عـــزتـــي لــــــي مــــــن فـــراقـــك عـــســـى ربــــــي يــعــيـــن
ادري انــــــه فـــــــي طــريــقـــي ولـــــــو وصـــلــــك مـــديــــد
صـابــر ٍ غـصـبـا ورى الـخـشــم لــــو جــرحــي مـكـيــن
ودي افـــــعــــــل لـــــكــــــن الله يـــفــــعــــل مـــــــــــا يـــــريــــــد

دانــه

26-09-2010, 07:07 AM

قصيدة فيها خيال : وعتاب للحبيب :

يـامـرحـبـا تـرحـيـبـة الــبـــدو بـالــبــرقالـــلـــي لـــهـــم عــامــيــن مـارحـبــوبــه
رحبـه اوسطـهـم ومــن فرحـتـه غــرقجـفـنــه بــدمــع بــلــل اطــــراف ثــوبـــه
البرق شرق وهو له صويحب شرقوبـــــرق بــصـــدره بـــــارق مـــادروبـــه
ياللـي سرقـت النـوم والعافـيـه ســرقيـــازاد قـلــب الــلــي هــــواك وشــروبــه
ميـزة حبيـب القلـب يطـلـع لـهـا فــرقوحـتــى عـذاريــب الحـبـيـب مـحـبـوبـه
تغيـب ماهـمـك وانــا الـلاحـي الــورقولاتــخــاف مــــن الـجــفــى والـعـقـوبــه
الوصـل مرهـم كبـد ولا الجـفـى حــرقوالصـبـر ينـفـظ فــي غـيـابـك جـيـوبـه
كسرت كل ابواب وصلك مـن الطـرقوغيـرك طــرق قلـبـي ولانــي بصـوبـه
واللـي يريـد الـوصـل يامكـثـر الـطـرقلــو وقـفــوا كـــل الـعــرب فـــي دروبـــه

دانــه

26-09-2010, 07:08 AM

في جروح الاحباب والفرقى

قـــد عطـيـتـك وانــــت مـاضـنــك لـئـيــموالــنــصــيـــحـــه لـــلـــيـــالـــي تــــــذكــــــره
لاتــحــرك جــرحــي الـمـاضــي الالــيــمولاتـحـسـب ان طـــول بـعــدك طــهــره
كـــل جـــرح يـهــون يـالـجــرح الـقـديــموكـــل شـــي قـــد مـضــا مـعــك اذكــــره
جــرحـــي وذكــــــراك والــلــيــل الـبـهــيــمحــــــزت فــــــوادي بــمــثـــل الـمــنــشــره
الـعــذول غـــراب وانـــا اكـبــر غـشـيــموالــجــروح الــمــاء وطــاريـــك حــجـــره
والـزمــان اكـــرم مـــن الــحــظ الـكـريــملانـفـتـح لــــي بــــاب صــوبــك ســكــره
وحبـك اللـي لاطـرى لـي رحــت اهـيـمقمـت احسـب اصـغـر كـلامـك واكـبـره
لـيـتـنــي عـــــاد الـــهـــوا تــــــوه فــطــيــمانــعــذلـــت لــعـــاذلـــي بــــــــس خــــيــــره
مالـقـيـت مـــن الـوفــاء يــــااول نــديــمكـون صــدق الـحـزن وجـهـه وظـهـره
عقب رمح الشوق في وجه الصميمسيـف هجـرك فــي قـفـاه وشــف ثــره
وانـــت شـكـلـك تحسـبـنـي فـــي نـعـيــملـــنــــي اخـــبــــي صـــوابــــي واســــتــــره
لايــــغـــــرك حــــلـــــم رجـــــــــال حـــلـــيـــممــهــون الــلــي مــــن سـكـوتــه فــجــره
ولاتحسـب الجفـن مــن دمـعـه عقـيـميسـتـحـي مـنــك والـــى اقـفـيـت انـثــره
ولايــغــرك وان بــــدا جـسـمــي سـلــيــموالله ان جـســمــي ســــــوار الـمـقــبــره
والله ان امـــر مـــن ضــحــك الـغـريــمشـــوف حـقــي بـيــن ايـاديــه اشــكــره
والله ان احـــــر مـــــن دمـــــع الـيـتــيــمدمــعـــة الـــرجـــال مــــــن فـــرقـــا مــــــره

نــجــم

26-10-2010, 05:47 PM

الله يعطيك العاااافيه على الايراااد ..

تقديري لك ..

العنيــــدهـ

26-10-2010, 06:27 PM

صح لسان شاعرها ويسسسلموو على هالإنتقاء الرائع
يعطيك العافيه

احاسيس مشتاقه

30-10-2010, 06:29 AM

رووووووووعه يعطيك العافيه

المزيون

17-11-2010, 03:02 AM

الله يعطيك العاااافيه على الايراااد ..

تقديري لك ..

دانــه

02-12-2010, 03:51 AM

أشكركم حبايبي على المرور
ولاتبخلون علينا من ديوان هالشاعر المميز :)

اساور وأغصان

13-02-2011, 07:44 PM

الله يعطيك العااافيه على الايراد

تقديري لك ,,

صعبة المنال

13-03-2011, 12:24 PM

الله يعطيك العاااافيه على الايراااد ..

تقديري لك ..

يارا العامرية

15-03-2011, 07:33 PM

صح لســـآنه
وتسلم يمناك والله يعطيك العافية
تقديري

سما الحمايل

15-03-2011, 08:52 PM

http://store1.up-00.com/Mar11/afG42576.gif
انتظر بوح فكرك ونبض قلمك..http://store1.up-00.com/Mar11/fPP42576.gif
الله يعطيك الف الف عافيه..http://store1.up-00.com/Mar11/9sa42576.gif

كنت هنا..
سما الحمايل..
http://store1.up-00.com/Mar11/cjk42576.gif

http://www.t1111t.com/vb/images/smilies/m-64.gif

دانــه

15-04-2011, 09:54 AM

.
(( الخيانــــــــــــه))

الخيانه داء والفرقا اشوف انها دواءه
عازم ماعاد اطوله ولله الـمـشـيئه

الفـراش اللي يغره في المصابيح الاضاءه
ولا انا عرف الوجيه الـسود لوكانت مـضـيئه

أن حسبتيني جرييء وشــفــتي ان هـذي اساءه
فأنــتي اول مـن اساء بحقيي وكنـتي جريئه

اعرفي ان الخيـاانه ماتواطن والـبراءه
وموتي بسيف الهجر .. لن الهجر .. موته بطيئه

دانــه

15-04-2011, 10:06 AM

((كل عام وانت بخير))

كـل عـام وأنـت بخـيـر يامـحـرق الــروح
يــالــلــي تــــــدور لـلـمــفــارق ســبــايـــب

والله مـالـك مـــن ورى الـصــد مـصـلـوح
إنشـد خفوقـن مـن لـضـى الـصـد ذايــب

لك في الخفوق إقصور وديار وصروح
وش فيـك عنـهـا يـاهـوى الـبـال غـايـب

الـعـيـد مـــن دونـــك مـتـاهــات وجــــروح
وشـوفـك يـسـاوي الـعـيـد بـيــن الـقـرايـب

~~

.

.

دانــه

15-04-2011, 10:08 AM

((حكم ضميرك))

حكم ضميرك بين الاثنين واختر
.. لاهل العلا جره .. وللدون جره
الطيب ماحدد ابحر ولا بر ..
.. من جا على دربه من الخلق سره
يوم اللقا ما انصف ضعيفٍ ولا سر..
.. اللا مع من جاد كره وفره
لو كان شفت الناس ببشوت وغتر ..
.. كم من محارٍ ما لقي فيه دره
الحلقه ان زرت ابطان الجمل زر ..
.. ما استر من لا عزوة له تسره
الجمره ان ماتت فلا ينفع الكر ..
.. مافادها الشباب لو زاد كره
كم واحد يضحك وهو يضمر الشر ..
.. عرق الشري ما انباك لونه بقره
ما كل من يضحك بوجه الفتى بر ..
.. من يصدق الصاحب بالافعال بره

~~

.

.

دانــه

15-04-2011, 10:15 AM

((شقرن ومهديها ابو مشعل لنايف))
ياعيون اللي يهد وهو معشى
،،،،،،،،،،،،،،،،،،،،،،،،،اشقرن مهديه ابومشعل لنايف
من قنص به ماازعله قرب المعشى
،،،،،،،،،،،،،،،،،،،،،،من كثرصيده ضحى سامح وعايف
والله ان طاريك فالبال ايتمشى
،،،،،،،،،،،،،،،،،،،،،،،والله ان باب الرجا عاده مسايف
مالحبك طب مادامه تفشى
،،،،،،،،،،،،،،،،،،،،،في صميم اللي ورى عوج النحايف
الامل مثل الهوى لا طال عشى
،،،،،،،،،،،،،،،،،،،وانت بصرك فالهوى وش انت شايف

~~

.

.

سلطانة

21-04-2011, 09:21 AM

http://www.halauae.com/uploads/images/alsaher-3814931317.gif

دانــه

22-04-2011, 08:35 AM

لاهنتي سلطانه ع الحضوور ...

منادي

22-04-2011, 09:31 AM

صح لسان الشاعر ابن فطيس
اشكرك يادانه على جمع الراوئع
الله يعطيك 1000 عافيه
و
تحية اعجاب لمن يستحق الاعجاب
منادي

دانــه

22-04-2011, 10:28 AM

الرووعه حضوورك يامنادي ولاهنت ...

صعبة المنال

01-05-2011, 10:34 PM

دانه
صح لسان الشاعر ابن فطيس
أج ــمل وأرق باقات ورودى
لموضوعك الجميل وطرحك العطر
دمت برضى من الرح ــمن
لك خالص احترامي وتقديري
صعبة المنال

دانــه

02-05-2011, 05:41 AM

ميرسسسي ع الحضورحبايبي ...

فادي الشلاحي

04-05-2011, 03:48 AM

تسلمً يمينكً على هالطرح
تقديري
,,

دانــه

11-05-2011, 02:35 AM

فادي لاهنت ع الحضور ..