يامروض القاف .. لاعبني ..!!((واللي يبي يوسع صدره يطب))

[نـ دمعة ــوف]

اقول لجميع الأخوات والأخوان
يالله تعالوا ..
بعيد عن الرسميات
يامروض القاف .. لا عبني
...........................رقص لنا الشعر وحروفه
هجيني الشعر.. يطربني ..
.........................لا من سجع .. تلمع سيوفه


المطلوب :الرد بنفس القافيه والبحر

[منادي]

صح لسانك استاذتي دمعة نوف
مالها غير الشلاحي او الهاوي او دمعة وداع
او اي شاعر وشاعره من شعراء وشاعرات عيال الحمايل
ننتظرهم .. الله يعطيك 1000 عافيه

و

تحية اعجاب لمن يستحق الاعجاب
منادي

[راعي الاوله]

كحيلان / ليه محد يقدر يرد انا الاول رغم الموضوع ماهو موجه لي

اصخر البيت ما يتعبني


وانذر العالم الملقوفه

من نزل عندنا لايبني


لين يطلب اذن واشوفه



ملاحظه / سنزل بيت مقفل على الشعار والشاعرات كلهم داخل المنتدى وخارجه

خلال الايام القادمه ولكم الحق تستعينون بنجوم المحاوره بدون استثناء وكذالك نجوم شعراء

النظم بدون استثناء لن انزلها الى في عيال الحمايل حقوق الطبع ملك له /

مع احترامي وتقديري واعتزازي بكم

اخوكم / راعي الاوله

[دمعة وداع]

ههههههههههههه

نوف سويتيها
ماني قايله لك يالغلا فكينا في الغثى الله يصلحك <<<<< اغتنمتي غيابي


بس ملاعبه رائعه من عضوه ولا اروع صح قلمك المميز

وقدها ياراعي الاوله وصح قلبك

نـــــــــــــــوف

يامروض القاف .. لا عبني
...........................رقص لنا الشعر وحروفه
هجيني الشعر.. يطربني ..
.........................لا من سجع .. تلمع سيوفه


راعي الاوله
اصخر البيت ما يتعبني
........................وانذر العالم الملقوفه
من نزل عندنا لايبني
.......................لين يطلب اذن واشوفه

[شيهانة نجد]

صح لسااااااااااانك نوف صح لساااااااااااانك راعي الأولة ولا هنتوا


تحساتي

[اجا1980]

:
هلااااا فيك دمعة نوف
واضافة جديده لقسم المحاورة
والله يعينك .. البحر قصير .. والشعراء كبار
:
الأخ الغالي // راع الأوله
هلااااااا فيك وبحضورك اللطيف
وماندري نشارك .. والا من العالم الملقوفه
على الأقل خلونا نتعلم .. ومنكم نستفيد
:
واستلم مداخله فقط :
:
طرق القوافي بيسحبني
ولا نعرف الرد وظروفه
خايف اليا جيت تضربني
واعود والراس ملفوفه
:
وبعيد عن جو المحاورة
اقبلوها بكل رحابه صدر
ولكم مني كل الود

[نـ دمعة ــوف]

مشكوووووور
أخي منادي
على المرور الكريم
بس .. وين الناس .. شكل المحاورة حرقت ..!!
تحياتي ..

[نـ دمعة ــوف]

مشكوووووور
أخي راعي الأوله
على المرور الكريم
وعلى حسن استجابتك ..
ولكن .. تراي جاهله في قوانين المحاوره هنا
ولا ادري .. كيف بتصير .. انا شرطي انها بعيده عن الرسميات
تحياتي ..

[نـ دمعة ــوف]

مشكوووووورة
أختي دمعه وداع
على المرور الكريم
وفديتك .. انتي اللي شجعتيني للدخول بالمنتدى
وجيت انا علشان مدحك له ..
بس ان شاء الله .. لنا انا وياك ليله (شيله)
بس شدي حيلك

تحياتي ..

[نـ دمعة ــوف]

مشكوووووور
أخي اجا
على المرور الكريم
ومعليك زود .. وشكرا على الرد اللطيف
وراح يجيك دورك ..
تحياتي ..

[نـ دمعة ــوف]

/
\
/
ــ
ويامساء الخير للجميع
///
حمر النواظر .. تراقبني
.....................لحربنا .. تقرع دفوفه
وشيخ الشياطين .. راكبني
..............مسكين من ..ماعرف نوفه
ـــ
تحياتي

[دمعة وداع]

ههههههههههههههههههههههههههه

نوف اعقلي الله يصلحك

الله يعينا عليك <<<<<<<< ابتلشت بك

بصراحه انا ماحب اخوض شعر المحاوره
لاني احسه شعر مختص برجال <<<<<<<<< تقوله وهي خايفه منك

بس عشانك بشارك معكم

وتسلمين على هالابيات الرائعه


خذي القلم دوك واكتبني
.....................من نوتة الشعر معزوفه
أن كان ودك .. ترغبني
...................بمحاور الشعر وضيوفه

[الشلاحي]

صحة السنتكم جميعاً

محاوره رائعه

ومن الفضل ان تكون بين اثنين حتى نهاية الطاروق

[راعي الاوله]

اختي العزيزه / دمعة نوف

صح لسانك يامبدعه

حسب علمي لم اسمع بشاعره في مجال المحاوره واصلي لتكوني اول شاعره في هذا المجال

لك اختي العزيزه كل الاحترام والتقدير

ملاحظه

الغالي اجا / انا سلمتك الرايه للقياده انا خارج الموضوع علي اطيع اوامرك واذاطلبتني

انا حاظر لك كل الاحترام والتقدير


شكرا لاختي / دمعة وداع على مشاركتها وحضورها اتمنى للجميع التوفيق


اخوكم / راعي الاوله

[نـ دمعة ــوف]

اقول لجميع الأخوات والأخوان
يالله تعالوا ..
بعيد عن الرسميات
يامروض القاف .. لا عبني
...........................رقص لنا الشعر وحروفه
هجيني الشعر.. يطربني ..
.........................لا من سجع .. تلمع سيوفه
المطلوب :الرد بنفس القافيه والبحر


حنا قلنا الدعوة للجميع لأخوات والاخوان

واللي يرد أجا ..والا غيره ... فيهم الخير والبركه
ومازلنا مواصلين ان شاء الله
والهدف .. الداعبة والوناسه
وعلى بساط الحمايل مايصير الا الخير
والله لايجيب الزعل

[راعي الاوله]

دمعة نوف

تعلن التحدي للشعار الميدان ياحميدان هل من مجيب

وين اجا وين القايد

الدعوى يا اخوان امزوح ولافيه زعل

تقبلو احترامي وتقديري

اخوكم / راعي الاوله

[البتار]

صحة السنتكم جميعاً
محاوره رائعه
ومن الفضل ان تكون بين اثنين حتى نهاية الطاروق



صحة السنتكم جميعاً

[نـ دمعة ــوف]

مساء الورد

وش بالولد بس حاربني
في وجهنا عج عاصوفه
بلا سبايب .. يحاسبني
يالله دخيلك عن صدوفه

[دمعة وداع]

مساء الورد
وش بالولد بس حاربني
في وجهنا عج عاصوفه
بلا سبايب .. يحاسبني
يالله دخيلك عن صدوفه

هههههههههههههههههههههههه


t11t39 t11t39

نوف اعقلي
وخليك حلوه حلوه

بس صح قلبك ودام قلمك متميز
وننتظر الي بيرد

من شيخان الحمايل t11t59

[الهاوي]

ههههههه
حسبي الله على من كان السبب
استلمي يانوف :


هذا الولد كنّه الحبني = لاشك مايلحق شفوفه
خلّيه للخبز والجبني = وانتي بدربك ياغطروفه

[اجا1980]

دمعة نوف
تعلن التحدي للشعار الميدان ياحميدان هل من مجيب
وين اجا وين القايد
الدعوى يا اخوان امزوح ولافيه زعل
تقبلو احترامي وتقديري
اخوكم / راعي الاوله
:
هلااااااا وغلاااااا
شاعرنا الفاضل // راعي الأوله
ما عليك زود
مالها الا مثلك وشرواك ..
انت(( راعي الأوله )) اسم على مسمى
وما شعرنا الا قطرة في بحرك ..
سر.. بنا ونحن خلفك ..
لاهنت .. ولاهان راسك
دمت لنا ونحن لك
ولك .. مني كل الود

[نـ دمعة ــوف]

الهاوي
هلابك مليون
مشكورررر
اخوي واشكر تواضعك
واستلم :

يامرحبا .. من يصاحبني
تحية الورد .. مقطوفه
واللي .. تكبر يخاطبني
سلامته .. مابه حسوفه

[نـ دمعة ــوف]

اجاء 1980
مشكور اخوي
على مرورك
وكلكم خير وبركه

تحياتي

[راعي الاوله]

الغالي اجا / يسلم راسك يانجم
للمره الثانيه اقولك ومصر وبشده ولن اتنازل عن رايي انت القايد انتها المضوع

ملاحظه

رد تاخرة في الرد على دمعة نوف لكم يامبدعين كل الاحترام والتقدير

اخوكم / راعي الاوله