الهاوي
26-12-2005, 03:49 PM
استميحكم عذرا يااعزائي لهذه المتواضعه:
ابطى حبيبي علومه ليـه ماجنّـي=
له مدة ايـام ماجتنـي مراسيلـه
يالله عسى خير وش به غايبن عني=
انا آتحرّى الفرج ليلـه ورا ليلـه
دايم مع الحلم والهاجوس متمّنـي=
يسرح خيالي مع اللي نافلن جيلـه
والله يالولا الطيوف اللي يزورنّـي=
واسلّي النفس في شوفة مداهيلـه
يمدي الليالي بعلم الغيـب حطنّـي=
واشرب ذحاح الدهر وآرد مناهيله
من اولن خابرن ظنه علـى ظنـي=
لويبعد الـدار مايقطـع مواصيلـه
واليوم من غيبته مانيـب متهنّـي=
واكيد غيري على ماصار حاكيلـه
قم يانديبي ورد اله الخبـر عنـي=
لعل يسمح من الحاسـد واقاويلـه
قلّه على العهد ماجاه الخطا منـي=
حافظ وداده ولاآضيّـع محاصيلـه
ولغير ناب الردايف ماضحك سنـي=
عايش برجواه وبرجوى مظاليلـه
الهـــــــــــــاوي
ابطى حبيبي علومه ليـه ماجنّـي=
له مدة ايـام ماجتنـي مراسيلـه
يالله عسى خير وش به غايبن عني=
انا آتحرّى الفرج ليلـه ورا ليلـه
دايم مع الحلم والهاجوس متمّنـي=
يسرح خيالي مع اللي نافلن جيلـه
والله يالولا الطيوف اللي يزورنّـي=
واسلّي النفس في شوفة مداهيلـه
يمدي الليالي بعلم الغيـب حطنّـي=
واشرب ذحاح الدهر وآرد مناهيله
من اولن خابرن ظنه علـى ظنـي=
لويبعد الـدار مايقطـع مواصيلـه
واليوم من غيبته مانيـب متهنّـي=
واكيد غيري على ماصار حاكيلـه
قم يانديبي ورد اله الخبـر عنـي=
لعل يسمح من الحاسـد واقاويلـه
قلّه على العهد ماجاه الخطا منـي=
حافظ وداده ولاآضيّـع محاصيلـه
ولغير ناب الردايف ماضحك سنـي=
عايش برجواه وبرجوى مظاليلـه
الهـــــــــــــاوي