.₪. سَبَائِكْ .. للمبدع / سعدْ الحريّص .₪.

[شيهانة نجد]

السلام عليكم ورحمة الله وبركاته
هنا نجمع لكم أعزائي ما توفر لدينا من سبائك الذهب
وهي قصائد الشاعر / سعد الحريص
شاعر تمكن من الحروف الابجديه لكي يصوغ منها أعذب الابيات
أترككم مع سبائكه :





وينك نحل صوتي من الحزن والصمت


يا ضحكة الدنيـا وضحـك الليالـي


باسمك بكى صوتي وباسمك تبسّمت


للي بقى للحـب منـك وبقـى لـي


شفني على كثر الجفـا مـا تعلّمـت


لو مـا ورا فرقـاك هـذا وصالـي


شفني ذكرتك همت بك كثر ما همـت


ما ضاق بك قلبي ولا ضـاق بالـي


عن كل عين ما لها دمعتـك صمـت


يا عيد قلبي حاجبـك هـو هلالـي


انا حرمنـي منـك وقتـي وحرّمـت


عقبك اعشق عيونهـن يـا حلالـي

[شيهانة نجد]

على حد الكلام وممتلي صـدري مطـر وسيـول
وقفت ولا معي غير الورق في صدقـي وخوفـي
وقفت وقلت اقول ؟ وكل ما فيني صرخ بي قـول
وانا وإن جيت اقول اللي ابقوله بحـرث حتوفـي
ابكتب لي قصيدة لا ظلال ولا لها جرة ولا مدلول
واخاف من الكلام يخونني واخـاف لـو يوفـي
ابرسم في الرمال الناعمه خطوه بـدون إرجـول
تسولف للهبايب عـن ذهـاب العمـر ونكوفـي
زماني يزرع في عيني دموع ولا جنى المحصول
أحسبنّـي بكيتـه والحصـى والرمـل مذروفـي
ضميت ومد لي بعض السراب بكفـه المشلـول
ورويت من العطش وأثر الجفاف يبلـل طروفـي
ندهني في عيوني من مهف الشمس صوت وزول
على حد النظر خيايلتهـم ليـن انحنـى شوفـي
وهبّت من شمال وقلـت هـذا بردهـا مرسـول
وحطبت من الضلوع وقمت اشب النار لضيوفـي
هلا باللي لفاني من ورى دربي مـن المجهـول
ابغنّي واطرد النسيان الأسـود واضـرب دفوفـي
في قلبي صمت ليل وخوف خطوة وارتعاش حجول
في قلبي ضحكها وأنفاسهـا ودمـوع معروفـي
في قلبي دبك خيل وهمهمـة فرسانهـا وطبـول
في قلبي برد ليلة وصفها مـا يمـدي وصوفـي
بدا (.....) على اطراف الليالي والحديـث يطـول
وهي في عمرها ليله قمرهـا يوجـع حروفـي
هي من خوفها ذاب الكلام في ريقهـا المعسـول
وانا اجمّع كلامي وارفـع اللـي طـاح بكفوفـي
ومرّينا علـى البيـت القديـم وبابهـا مقفـول
انا والليـل وجـروح السنيـن وطـوّل وقوفـي
روت عيني من غيوم الظلام ونورهـا المقتـول
وانا وإن قمت ابسند شمسها طاحت بها كتوفـي
رقيت اطول همومي لين شفته بالحشـا مذلـول
وابرقـا لا دريـت ان السمـا تتشـوّق لنوفـي
وفي ارض المحال الممحله ما ينبـت المعقـول
وانا راعي مشاعر والهموم تنـام فـي جوفـي
انا ما جيت ابعدل منعوج جيت اعـوج المعـدول
واشب النار بأطراف القصايـد واشهـر سيوفـي
الا يا جرح يا جـرح القصيـدة والظمـا مبلـول
عجز فيك الكلام وكذبتـي مـا تستـر حلوفـي

[شيهانة نجد]

جيت هارب تطاردني الهجوس
وكـل شـيٍّ جميـل ٍ كبّنـي


يا حبيبي وانا خوفي ضروس
أطو رمشـك علـي وخبّنـي


ريح عينك ملت عيني طعوس
والبكا في حشـاك يصبّنـي


كم تعذبت في فهـم النفـوس
من كرهنـي يقـول يحبّنـي


وكم حلمٍ تغربلـه الهجـوس
وانت حلمٍ طفى ثـم شبّنـي

[شيهانة نجد]

يا حلو صوتك يجي دايم حزيـن وصـدوق
يسكـن بـه البـرد ويبلـل ثيابـه بكـاك
مليان بالود واحسـاس الحبيـب الشفـوق
حنـون مـن أول عيونـك لآخـر مـداك
مليت ظلما الفراق وكان صوتـك شـروق
يا شين بعدك ويا كثر الجفـا فـي جفـاك
بيني وبينك تعـب بينـي وبينـك فـروق
دونك مشاويـري البيضـا وحزنـي وراك
إن طوّلت في عيونـي ممحـلات البـروق
والله لأضحك رضا لو ما اضحكت لي سماك
ظماي يترك على صـدر الليالـي حـروق
وإلا انت تظما ويا برد الظما فـي ظمـاك
شحيح انا فيك لو جفت في دمـي عـروق
اشح في ماك وزروعك واشـح بحصـاك
اقول ابشرب وشحـي فيـك عيـا يـذوق
مرارة النفس فينـي مـا غواهـا غـلاك
هذا قصيدي بكف الريح مـا لـه حقـوق
يا ما ويا ما اخذ منـي ويـا مـا عطـاك
والله لو هو بكره النفـس لألحـق لحـوق
لكنه أنهـى حيـاة الحـزن حيـن ابتـداك
؛

هالقصيدة حبيتها حيل :)

[شيهانة نجد]

هذا طريقي واعرف انه طريقك وجيـت
وانتي بعيدة وانا عـوّدت قبـل السـلام
لو التعب في طريقك كثر ماني مشيـت
ما رحت راجيك لو جيتك ومالي مـرام
لو ما دريتي انا يكفينـي انـي دريـت
احيان ما يشعر القايـل بطعـم الكـلام
لك مني انساك وانهيها وانا مـا بديـت
ما احد يشيل بعيونه نـور يـم الظـلام
كان الجفا جرح بيشيب الزمن ما شفيت
ما طاب جرحي ولو مني يطيب الغـرام
كان الجفا صح ما اخطيتي وانا ما خطيت
ما هو بسلم العرب عيبه ولا هو حـرام
كاني لقيت بعيون الليـل دمـع وبكيـت
مصيري ألقى ورى حبك عيوني وانـام

[هوى روحي]

يعطيك العافية على روعة
السبائك لك جم الشكر والتقدير

[شيهانة نجد]

أنادي لك وأنا لو تاقف جروحي علـى الأبـواب
أبسهر مع سوالفنـا وابنسـى بالسهـر ليلـك


أنا مليت عذري واعذري يـا أجمـل الأحبـاب
تعـب دمعـي ينـادي للبكـا ويـرد منديـلـك


ذكرتك والحشا نصفه عرب ساحل ونصف أعراب
تماكنت المراكب قلـت أببحـر وامكنـت خيلـك


هنيّك يا الصحاري وإن ضميتي ما يموت تـراب
هنيّك لو يموت الطين مـا هـد الظمـا حيلـك


هنيّك يا السحايب وإن بكيتي ما لحقـك عتـاب
وأنا للدمع فينـي مثـل لـلأرض فـي سيلـك


أحبك والسما تمطر أحبـك والجـروح أعشـاب
أحبك يا سحابـة روّحـت والأرض تبكـي لـك

[شيهانة نجد]

حبيبي لا تعاتبني كفى ليـل الجـروح عتـاب
كفاني منك دمعٍ لو بكيتـه طاحـت عيونـي

أحبك صدق وإن كذّبتني يـا مكذبـي كـذّاب
وألا يا ما اصدقه كذب ٍ حملته وأثقل متونـي

حبيبي أنت عمري يا حبيبي والهـوى غـلاب
أنا هبّـت هبايـب لا وراي ولا بعـد دونـي

حبيبي كانت الفرقا بحر قلت السنين أخشـاب
تجوّدت بطرفها قلت أبنسى العقـل وجنونـي

حبيبي كنت رجمٍ في حشاي وصرت لي مرقاب
أغني بك حروفي وأنـت وحروفـي تغنّونـي

حبيبي لو بكيته طاحت الدنيـا سمـا وتـراب
حبيبي لو بكاني طاحت الدنيـا مـن عيونـي

[شيهانة نجد]

هبت جنوب وطـاح بـرد المكاتيـب
ويا كثر ما هـب الجنـوب وذكرتـه
يملأ حضوره من حضوري وانا اغيب
ويا ما غيابي فـي غيابـه حضرتـه
انا جا مطر صارت له اضلوعي اشعيب
وان راح ريـح ٍ طيـر اللـي بذرتـه
طال السكوت ومال صمتـي مطاليـب
غير الكـلام اللـي وقـف وانتظرتـه
جنبت لو مالي عـن الدمـع تجنيـب
من وين ما صديـت فينـي شعرتـه
واصمتي اللي صار فعيونهـم عيـب
واجرحي اللي لـو فضحنـي سترتـه
لي صاحب ٍ يمـلا كفوفـه تراحيـب
لو لا الحيا من ضحكته مـا اعتبرتـه
يا صاحبي ما هـي عليـا مقاضيـب
عذروبي انك ذخـري اللـي ذخرتـه
عذروبـك انـك شوهتـك الاكاذيـب
عذروبك انـك جـاك طيـب ونكرتـه
ان جيتنـي بفـراق زود العـذاريـب
لاجيك انا مـن زود صبـر صبرتـه
للطيـر جنحـان وريـش ومخاليـب
لكـن يضيـع صيدتـه فـي غبرتـه
ومن جزم نفسي يوم صار الردى طيب
حلمـي قبـل لا يكسرونـه كسرتـه
ومن راح مني قلت يا علـه مصيـب
دورت لـه عـذر ٍ كريـم وعذرتـه
للي يبـي بعـدي انـا مانـي قريـب
اما ربحنـي وإلا انـا مـا خسرتـه
قلبـي خويـي مالقلبـي معـازيـب
واللـي حقرنـي مـن رداه احتقرتـه
رغم الجروح اللـي بقلبـي معاطيـب
حبيـت كفيـن الزمـان وشكـرتـه

[شيهانة نجد]

البارحه غنيت يـا حـادي العيـس
واليوم صمتك عن عيوني حدانـي
اليوم تلعب بي ريـاح الهواجيـس
ولادري عشانك ضيقتي أو عشاني
ما بين لوعات الجفا والوساويـس
البرد ساكـن فارتعـاش المحانـي
وانا حبيس الصمت سجن الاحاسيس
ضاق الزمان ولا وسعنـي مكانـي
والنور طعمه في عيون المحابيـس
مرٍ مثـل طعـم الكـلام بلسانـي
متى بشعري يزهـرنّ الكراريـس
ومتـى بقلبـي يمطـرن الأغانـي
بيت الشعر ماهو كـلام براطيـس
ليـت القصايـد بالدفاتـر مبانـي
والله ليفرق شعر من يرجي الكيس
عن شعر من ينحت صخور المعاني
ويبان فرقي باختـلاف المقاييـس
حتى تحس بصدق وش كثر اعانـي
والا الأماني راس مـال المفاليـس
عزي لمن كانـت جـداه الأمانـي

[شيهانة نجد]

و هـذي أبيـاات من اروع ماقرئت لـ .. سعـد الحريّص ..

من عيونٍ تحبـس الدمـع لعيـونٍ تشـوف
احضنينـي حـب ولا استبيحـي عبرتـي
ومن كلامٍ يوجع الصدر ازريـت الوقـوف
اجلسـي يمكـن يخـف الكـلام بجلستـي
كن صدري مجلس رجال وجروحي ضيوف
اطلبـو منـي سماحـك وعيـت عـزتـي
والله اني من رجالٍ وطو رمـل الحتـوف
لكن اني همـت واخلفـت ساقـة عزوتـي

[شيهانة نجد]

هذا الكلام جروح واوجاع واشواك
كنّي على طول السكوت مغصوبي
ازعلت ذولا..لجل يرضـون ذولاك
لا مرضيٍ نفسي ولاهم رضوبـي
تعبت اقلب فـي يدينـي هدايـاك
وتعبت اشاور توبتي فـي ذنوبـي
لولا الزمن لولا الليالـي ولـولاك
ماصار طيبي دوب حبـك ودوبـي
هب الهوى يمك وبانـت خفايـاك
ولاعاد لك قلـب يميـل للهبوبـي
اول عيوبك في عيونـي مزايـاك
واليوم ميزاتـي بعينـك عيوبـي
وكانك تشوح اليوم منـا ومنـاك
والله لا ارجع كل الانظار صوبـي
وان قلت انا بنساك ياسرع مانساك
من قبل ينشف عطرك اللي بثوبي
الشمس باكـر فيـك وإلا بليـاك
ماهيب لاموتي ولاهـي غروبـي
وإذا انقطع درب يجيبنـي بذكـراك
كل الدروب اللـي تـودي دروبـي

[شيهانة نجد]

غابت الشمس وإلا الحزن له مغربه
وين أبغرب وأنا حزني غروبه ثقيـل
مجدبه ياجروحي والسماء معشبـه
ساكنه والهوى ميل جريـد النخيـل
بارده ياحروفـي والدفـاء موهبـه
بارده مثل برد الخـوف والمستحيـل
صوتٍ أبعيد في قلبي ياليـت أقربـه
وبين قلبي ومابيني طريـقٍ طويـل
ليت حزني مثل حزن البشر وأكتبـه
وليت دمعي مثل دمع العيون ويسيل
أشهد أني ردي حـظ وردي تجربـه
وأشهد أني على بعض المشاعر بخيل
أيه مذنب في هالدنيا وهـي مذنبـه
من دفا حلمي الطيب لبـرد الرحيـل
عذري اللي متعبنّـي وأنـا متعبـه
مال قلبي على بعض الهقاوي دليـل
كل طيرٍ له اللـي بالسمـاء يجذبـه
وكل غصنٍ تجوز له الهبايب يميـل
صرت أقول الكلام المـر وأستعذبـه
صرت أخاف الدفاء لوني وحيدٍ نحيل
كم صبرت وليال الصبـر مستغربـه
لين قلة حلاة الصبر لو هـو جميـل
الزمن صعب والنسيان يـا مصعبـه
والدفاتر نشيّلهـا الهمـوم وتشيـل

[شيهانة نجد]

العذر مكتوب لاصـار الخطـاء مقـري
آسف على ضحكتي وآسف على احزاني
خطـاي معـذور والا غلطتـي عـذري
و مرارة العذر في قلبي وفـي لسانـي
مدري وش اللي ذكرت وضاق به صدري
مدري وش اللي نسيـت ولا تناسانـي
لبست انا ثـوب لاطولـي ولا قصـري
ياطيبـه القلـب ويـن القلـب ودانـي
سنتين من عمرها مرت ومن عمـري
سنتين احـس الزمـن فيهـا تعدانـي
سنتين مرت حياتـي مـن ورا ظهـري
والحب سجنـي ومسجونـي وسجانـي
والشعر مطرود من قلبي ومـن فكـري
سنتين ماني ب انا مانـي باحـد ثانـي
غنيت للنـاس والدنيـا علـى خبـري
والشعر في دفتري مغـرور وانسانـي
غنيـت للحـب يـوم عيونهـا تغـري
يـوم الوفـا والكـلام الطيـب الحانـي
غنيت للدمـع يـوم أن البكـى كبـري
واليوم انا اكبر من دموعـي وحرمانـي
اليوم ماعاد يمدي اللـي جـرح يبـري
مليـت كثـرت خطاياهـم وغفـرانـي
مليت انا الشعر مل الشعر من شعـري
مليت انا الحـب مـل الحـب وجدانـي
و لو هي عليه عزيز النفس من صغري
ما شاور القلب فـي كرهـي لعدوانـي
ان رحت ياكثرهم وان جيـت ياكثـري
ضاقت بي عيونهم لـو كنـت وحدانـي
تعبت وازريت مامليـت مـن صبـري
ليت الـذي راح منـي كثـر ماجانـي
احيان ودي اطيـح مـن التعـب وازري
تشيلنـي عزتـي وسـلـوم جـدانـي

نادرة بروعتها ..

[شيهانة نجد]

صحيح أحبك وأنـت والله تنحـب
لكن هذاك احرق فـؤادي وأذابـه
وش غيّر الدنيا وهي جدّها لعـب
وبدّل بشمس الضحك ليل الكآبه ؟
لا اقبل عليّ بضحكةٍ تسرق اللـب
فتحت له قلبـي وشرّعـت بابـه
مشي السحابه لا تريّث ولا خـب
سبحان من خلّى النقيض يتشابـه
لا والذي غيره حشا مـا لنـا رب
كنها مشى والأرض تحته سحابـه
لو ما تثنّى ما دريت الهوى هـب
تـرفٍ يميّلـه الغنـج والذرابـه
تفاح فتنـه فـي محيّـاه وعنـب
أجوع له واضما ضماه وشرابـه
لي عضّ عنّابه وجمر الغضى شبّ
في شفّته قلب البعيد اكتـوى بـه
عين اشقرٍ ما طار صيده ولا طب
ضاقت عليه من الرعاب الرحابـه
حرٍ يذبّ الصيد مـن مخلبـه ذب
في نظرته عز وجمـال ومهابـه
إليا شلع كنّه حجر والسمـا جـب
يهوي بها كن الصعـود انجذابـه
والليل كنّ الليل في شعـر يصـب
ّشلال من فوق المتون انسكابـه
والكلمه اللي بالهوى ما لها طـب
لا انت بسما حبه ولا فـي ترابـه

[شيهانة نجد]

ما اقول انا غير لكني اقـول ان ذهبـت
يتذكر الحب في النسيان من غـاب لـه
تفرق الغيم عن راسي وانا مـا شربـت
مابـل قلبـي بمـاه ولا ارتـوى وابلـه
قد شدني لمع برقـه بالسمـا وانجذبـت
ظميان والروح من كثـر الظمـا ذابلـه
ياحارس التيه انت بصفحتي وش كتبـت
اللي قضيت العمـر كلـه وانـا اعابلـه
لو مايقولـون عليـت البكـا وانتحبـت
بس بيقولون مجنون .. الهـوى هابلـه
البارحه كنت احس انـي كثيـر اقتربـت
واليـوم ابعـد وياخوفـي مـن القابلـه
ابطلب العـذر سامحنـي حبيبـي تعبـت
واببتعد عنك لـو نفسـي مهـي قابلـه
عاشرت انا الصدق في دربي واظني كذبت
مره .. وطاح القمـر فالليلـه الحابلـه

؛
هنا أتوقف .. ولن أفي هذا الشاعر حقه
إنما تلك مقتطفات من درره
أتمنى أن تروق لكم
ودي
؛

[نــجــم]

صح لساان شاعرهاا

ويعطيك العاافيه على ايراد الديوان الرائع

تقديري لك ..

[جهز العطاوي]

صح لسانه

مجهود مميز شيهانه يعطيك العافيه

تحياتي لكـ وتقديري

[سلطانة]

نقل راائع
سلمت

[صدى الوجد]

يعطيك الف عافيه

[يارا العامرية]

صح لسـان سعد الحريص وتسلم دياتك شوشو ع المجهود الرائع
لكـ تقديري

[اساور وأغصان]

جيت هارب تطاردني الهجوس وكـل شـيٍّ جميـل ٍ كبّنـي يا حبيبي وانا خوفي ضروس أطو رمشـك علـي وخبّنـي ريح عينك ملت عيني طعوس والبكا في حشـاك يصبّنـي كم تعذبت في فهـم النفـوس من كرهنـي يقـول يحبّنـي وكم حلمٍ تغربلـه الهجـوس وانت حلمٍ طفى ثـم شبّنـي


راقت لي ولي عووده ..
صح احساسك واختيارك فديتك :)

[شيهانة نجد]

يعطيك العافية على روعة
السبائك لك جم الشكر والتقدير
يعافيك ربي هوى .. منووورة ~

[شيهانة نجد]

صح لساان شاعرهاا

ويعطيك العاافيه على ايراد الديوان الرائع

تقديري لك ..

صح بدنك نيابة عن الشاعر .. و عافاك الباري
أسعدتني طلتك العذبة ~

[شيهانة نجد]

صح لسانه

مجهود مميز شيهانه يعطيك العافيه

تحياتي لكـ وتقديري

صح بدنك نيابة عن الشاعر .. و عافاك الباري
أسعدتني طلتك العذبة ~

[شيهانة نجد]

نقل راائع
سلمت

سلمك الرحمن
أسعدتني طلتك العذبة ~

[شيهانة نجد]

يعطيك الف عافيه


عافاك الرحمن صدى
أسعدتني طلتك العذبة ~

[العنيــــدهـ]

صح لساااان شاااعرهااا وتسسسلم يمناااك ع االنقل الراائع
يعطيك العااافيه
ودي

[شيهانة نجد]

صح لسـان سعد الحريص وتسلم دياتك شوشو ع المجهود الرائع
لكـ تقديري


صح بدنك نيابة عن الشاعر
الأروع حضورك .. منووورة يا قمر ~

[شيهانة نجد]

جيت هارب تطاردني الهجوس وكـل شـيٍّ جميـل ٍ كبّنـي يا حبيبي وانا خوفي ضروس أطو رمشـك علـي وخبّنـي ريح عينك ملت عيني طعوس والبكا في حشـاك يصبّنـي كم تعذبت في فهـم النفـوس من كرهنـي يقـول يحبّنـي وكم حلمٍ تغربلـه الهجـوس وانت حلمٍ طفى ثـم شبّنـي


راقت لي ولي عووده ..
صح احساسك واختيارك فديتك :)


صحيتي كلك .. بانتظار عودتك سوسو ~

[شيهانة نجد]

صح لساااان شاااعرهااا وتسسسلم يمناااك ع االنقل الراائع
يعطيك العااافيه
ودي

صح بدنك نيابة عن الشاعر
الأروع حضورك .. يسلمك ربي ويعافيك
منووورة العنيدة ~

[مسيّر الحريّص]

شيهانة نجد
لو ماكان سعد الحريّص شاعر شعرهـ جميل وعذب
ماكان أختارته لنا ذائقته الجميله العذبه ..
.
.

قصيدهـ لـ سعد الحريّص




لا حرام أكرهك .. وانت الحلال الحرام=ليه أحملك ذنب الحب .. وذنوبي
ليه أجي كارهً نصفي .. وصوتي هدام= أحفر عيوب غيري !! وأدفن عيوبي
ليه أناديك حلم العمر تحت الظلام=وأنت وجهً .. تلاشى فيه عذروبي
ماحيا الصدق فيك .. إلا بموت الكلام=ولا رضيت الشروق .. إلا على غروبي
قبل أعرف السهر .. من قبل أعرف المنام=كنت أحبك .. وأحب الليل ودروبي
جيت أبكرهك .. طاح القلب عشب وحمام=والتوى طفل .. يبكي في طرف ثوبي

[مسيّر الحريّص]

قصيدهـ لـ سعد الحريّص
من قصائدهـ اللي أحب أن أقراها دايم


في طريقك .. تحريت المواعيد= من يقول الهوى مابه كلافه؟
كم لشوقي وانا انادي واعيد=انت عفت الوعد .. ولأ تخافه ؟
لاتلحق عتب عيني مناقيد= ولاتلحق ندم قلبي حسافه
حس بي .. منت عن تنهيدي بعيد= من متى وانت تحسب هالمسافه
من بعادك امتلى صوتي تجاعيد=وزاد قلبي من الفرقا نحافه
زف صوتك على سمعي تراديد= من يحبك يخاف إنك تعافه

[هوى روحي]

صح السان سعدالحريص
لاهنت على روعتهاوحساسيتها
راقت لي كلماتهاولحن انغامها
تحيتي لك احترامي
هوى روحي

[عبد الله]

سعد الحريص شاعر غني عن التعريف والله يعطيك العافيه علي نقل القصايد الجزله
ولك اشكر

[شيهانة نجد]

مسير .. هوى .. عبدالله
تسلمووون ع الحضور العذب
منورين ~

[كليم الليل]

صح ألسانه


وشكرررررا على المجهود

[سـعـود]

يــعــطــيــك الــعــافــيــه عــلــى الاخـتــيــار الــرائــع

تـحـيـاتـي و تـقـديـري

[شيهانة نجد]

كليم الليل .. واثق
؛
تسلمووون ع الحضور العذب
منورين ~