®][ محمد جارالله السهلي ][® [الأرشيف] - ®°·.¸.•°°·.¸منتديات عيال الحمايل¸.•°°·.¸.•°®

الامـ عذووبه ـيره

08-10-2009, 02:10 PM

][®][^][®][ محمد جارالله السهلي ][®][^][®][

حين يحضر الابداع . .
يقف التعبير. . صامتاً . . مندهشاً . .
فيتشنج القلم ../ انبهاراً . .
وتبدأ الذائقه بالحديث . .

بين يدي الآن لآلئ نادرة من قاع "بحر" نادر ايضاً . .
بحر/ عذوبته ونقاءه . . تشبه عذوبة ماءه تماما . .

لكي لا اطيل . .

شاعري وشاعركم جار القمر/محمد بن جارالله السهلي
فلنقرأه بذوائقنا و احساسنا فقط . .

شاعرنا . .
شاعر اشبه بــ [الكاميرا مان] . . !
فهو مصور مبدع . . فالشعر طبعاً . .

شاعر. . له ثقله وشعبيته الجارفه
رغم ازدحام الساحه الشعريه في فترة انطلاقته . .

الا انه حجز له مكان بين."الكبار" . .

وهو منهم بلا شك..!

شاعر . . عُرف اكثر وازداد جمهوره

بعد امسية احياها العام قبل المنصرف

في منتزه الواحه في منطقه الثمامه " الرياض "..

بمشاركه الشاعر مدغم بوشيبه . .

حيث كان الحضور الجماهيري لتلك الامسيه غفير ومذهل . .مما ادى بعد توفيق الله لنجاح تلك الامسيه بنجاح شاعرها . .

شاعر قصائده مليئه بالحزن والدموع وسرعان ما تصل لشغاف القلوب . .

فها أنا انثر بين يديكم بعض من لآلئ هذا البحر وبإذن الله تحوز على اعجابكم

. .

(( البطآآقــهـ الشخصيــهـ للشاعر ..))

الاسم : محمد بن جار الله السهلي

المدينه : الكويــت وهو من اصل سعودي

العمر : 23 سنه

الحالة الاجتماعيه :متـزوج

مسيرته الشعريه : بداها منذ 5 أعوام

,,,,

شاعرنا استطاع أن يحلق بنا إلى عالم القوافي والأوزان ..

كما استطاع ان يرسم لنا من واقع الكلمات أجمل الصور وأروعها

هنا حيث قصائده التي عانقت حروفها صدق الاحساس وحسن

التصوير والاتقان نقف وقد هالنا شموخ الكلمات ورقة المعاني

ونبحر معه وكأننا نحن من نظمنا الأبيات

...

,,,,

هناك حيث قصائده قد لامست شغاف قلوبنا وحررت الآمنا من قيودها

وانطلقنا معه وبه الى حيث الموسيقى الهادئه

وحيث آلآهات الكامنه في تلك الصدور المتعبه ...

انه شاعرا قد جعل من الكلمه والقلم طوع

أمره ومن القرطاس مهدآ لفكره

..

,,,,,

انه شاعر قد سابق الافكار وصاغ المعاني لتتجسد لنا

في اطار جميل يفهمه الصغير قبل الكبير

لايكون هذا الوصف لغير الشاعر..

{{ مـحـمد جـآر الله السـهلي }}

http://m-alsahli.com/images/sha3r.jpg

الامـ عذووبه ـيره

08-10-2009, 02:11 PM

http://www.nada99.net/uppics/mypic.php/nada99_61392853.bmp

لاصرت بايعني اشوفك على خير ... مع السلامه دام مابه سلامه

قلت انتهينآ قلتلك خير يا طير .... ماني اول شخص يخسر غرامه

امحذرك من قبلها الف تحذير .... لعفتني بيعف قلبي هيامه

ماني بميت لا ولا احتاج تبرير .... صح الله لسانك ووفركلامه

بسمعك حبكه وفكره وتصوير ... وافهم عدل يامدعي بالفهامه

وجه الشعر ابيض ويحتاج تبرير ... ودي تزينها القصيده علامه

ماضيك الاسود بذكره دون تقصير ... كذا يكون بخده الشعر شامه
يصدق معي تعبير ويخون تعبير ... ياضيعت الشاعر بوقت انسجامه

يمكن خطى دونك بالشعر مير .... لو ماحترمتك للغرام احترامه

ماكان حبك غير بس طعنتك غير ... علمتنيمعنى الندم والندامه

ماجاك مني اي زله وتقصير .... كل ما خطيت اعاتبك ببتسامه
حسبي على الذكره اذا هبت عصير .... ماعاد تنفع شرهتي والملامه

البال ظامي وقتها والحزن بير ... خسرتك وهمي كسبت اهتمامه
والليـل فازعلك كذا جاني مغير .... ظلمتي واكثرظلمني ظلامه

لقبل علي اوحيت صوت المسايير.... وفزيت كل ظيف يقوم بمقامه

وليا عزم هالليل ضيقه وتفكير ... قلي بربك كيف اقدر انآآمه

مافي داعي للعتب والمعاذير ... الغدر خال الجرح واطيب عمامه

اما يجيب الله مطر تالي وخير ... ولا السلامه ماشي مامن سلامه

الامـ عذووبه ـيره

08-10-2009, 02:12 PM

(( اصعب سؤال )) اللي جوابه للأسف مثله (( سؤال )) !!

ما هو تفلسف !! الا موقف صار واسمع " ثاني بيت

" :

البارحه يومه سأل

: (( وش ذكرك ذيك الليال ؟! ))

كان الجواب بكل بساطه : (( من متى اصلا نسيت

؟! ))

ادري بان جمع

(( الصعوبه والبساطه )) شي محال !!

لكنها صارت كذا !! واللي (( اهم )) اني دريت

:

ان الحياه فبعد احبابك

اذا جف الوصال

اتعيشها لو تقتنع انك خلااص اصبحت(( ميت !! ))

يا صاحبي
لو كل شي يمر بالخاطر يقال

ما كانت العبره تــــولجني اليامنك طريت ؟!

شفني قدرت احبس دموعي
بس (( دمع القاف )) سال

ويا كبرها

ساكت ولكن داخل اوراقي بكيت !!

عمر الحكي ما كان دافي لاابتدى بقولة

تعال

لجل اتجاهل رجفة حروفي اليامني حكيت ..

الحال في بعدك قسم بالله ما اسميه
حال

انوي على الضحكه واحس كلي خطا لاني نويت ؟!

اتصور انك من رحلت اشوفك لجسمي
ظلال

لا شفته امشي ببتعد واثره معي مهما مشيت !!

مدام يعني في بحرك لفرحتي
مليون جال

وش فيه موجك ما ركد ؟ قربت اموووت وما رسيت ..

يرضيك ما عادت معي تفرق اذا جالك مجال

لاني اقتنعت انك نهايه واني ببطي ما بديت !!

صرت (( اعقد حجاجي ))
اذا جابوك باطراف الجدال

وانا قبل لاقالوا اسمك كني : ميت ثم حييت

..

تعبت اعيش

الدور وافتح للمعاذير الخيال

واتخيل اني جيت في بالك وبانك استحيت ..

وتردلي كلك (( ولــه))
وتقول : ( كن البعد طال ؟ )

ومن الفرح ما عاتبك واقول : ( ياخي مابغيت

! )

حتى وانا تخيل حشمتك

! لن قلبي لا يزال

يكرر اسمك داخل اعماقي بنبضه لا سهيت

..

قلي شسوي

فيك ؟ وانت بداخلي اصدق مثال

للحب واحساس القصيد ان عانق الليل وسريت ..

ربي يصبرني

على الفرقا مدام الحظ مال

وانت بيجيلك يوم تعرف ليه في بعدك شكيت ..

واذا بلاك الله
وعذبك اشتياقك (( بس تعال ))

واقرى القصايد في غيابك كلبوها بيـــت ... بيـــت

..

بتدرى ان ( اصعب سؤال ) اللي يجي رده ( سؤال )

لا قلتلي ( وش ذكرك ؟ ) ثم قلتلك ( متى نسيت ؟ )

الامـ عذووبه ـيره

08-10-2009, 02:15 PM

أي والله ضايق ومرهق ومخنوق وحزين
وإما بموت من الوله وإلا بموت من القهر

واللي لعب في حسبة أيامي وخلاها سنين
إني على ذا الحال ياشعري لي اكثر من شهر

بعت المدينه لاجل عين!! وقالوا : الخافي يبين
ودفنتك بجوفي!! وقالوا : وش بقابك ماظهر؟

يامطول الغيبه ياطول الشوق مير الله يعين
العاشق اللي عاش بين عدّك والنهر

عيّد بي غيابك سنه والليله من العايدين
ولاعاد عيدك يالجروح اللي بقلبي من دهر

ياصاحبي لو تعتذر عن غيبتك عذرك سمين
حبك بعد ماغبت عن عيني تمادى وازدهر

من يوم شفتك والنعاس بعينك النجلا سجين!
ومن النفس ذاك اليوم وعيوني سجينه للسهر!

علّقتني بالضحكه اللي تسبق الغمازتين
وتركت لي شاعر كتب فيك القصايد واشتهر

سيّلت دمعك واستباح الدمع ستر الياسمين
وعلّمتني كيف الندى يجمّل خدود الزهر!

ليتك عقب ماغبت غيبت اشتياقي والحنين
أو ليتني ماقد دفعت احلام عمري لك مهر

وياصاحبي لاعاد تنشدني عن الحزن الدفين
أقسى الطعون! الطعنه اللي من حبيب وفالظهر

الامـ عذووبه ـيره

08-10-2009, 02:24 PM

يـضـيـق صدري كــل مـا هـبت علـي مـن الـجـنوب

............... نـسايـمٍ مـامـلـت طـعـونـي وقـلـبـي مـلّهـا . .

وارقـى علـى مـرقاب حـزنـي واتـحـرى للـغـروب

............... وامـسـك جـدايـل هـالحيـاه الـمـدبـره وافـلّـهـا..

واشوف وشلـون الـلـيـال ادور فـي الـوقـت الـلـعـوب

................. واجـمـع مـسـائـل هـالبـشر فـي دفتـري واحـلّـها..

والـعـن ابـو الـحـظ الردي !! واسـتـغـفـر المولــى واتــوب

............... وآقـول يـا ربـي تـعيـن اللي صـبـر ثـم شـلّـهــا ..

ويـا سـعـود قـرب لــي مــدام الـوقــت والـعـمـر مـحـســوب

................. واسـمع يـا خـوك ابـيـات مـن جـوفـي نـويـت اتـلّـها ..

لا صارت الـدعوه مـابـين : ( ضـلوع صدري ) و ( الـهـبـوب ) !

.................. بـقـولها و : (( اللـي عـقـد روووس الـحـبـال يـحلّـهـا ))

وش عــاد نـرجـي مــن زمــن صـارت بــه كبار الـذنــوب

............... انـك عـلـى الـباطـل سـيـوف الـحــق تونـي سـلّـهـا !!

اسلامـك اصـبح (( مـتـهـم ! )) والـنـور غـيّـب ومـحـجـوب

.............. دروووبـهم يــا كـثرهـاا ؟؟ وادروبنــا يـــا قـلّهـا !!

خـويّـنا تـصلاه نــار الـكفـر ونـشـوفـه يــذوب

............. وحـنّا نـترجـى مـن (( عـجـوز الـغـرب )) تـرهـي ظـلّهـا !!

لا عـادبه فــزعـه ولا غـيـره ؟! وحيـلتـنـا يــا دوب

................ ( نـشجـب ونـستـنكـر ) عـسـاهـا تنـسمـع او علّهـا ..

صــار الـتـنافـس بالـطرب مــن اولويـات الشـعـوب !

................... (( الـغـانـيه صـفـقلـها ؟؟ والراقصه طـبلّـهـا !! ))

والـمـوضـه تـحـاصـر تقـالـيد الـعــرب مــن كـل صــوب

....................... تــفوح دلـتـنا زعــل واعـوانـهم تــزلّـهـا ..

والـكل مـنّـا يـشـوف نـفـسه بالـتخـاذل مـغـصوب

.................. احلـوقـنـا ماتـت عـطش ! يالله طـلبتك بـلّهــا ..

يالله سـتـرك مـن علـومٍ فـي خـواطرنــا تـجـوب

.................. رحـماك سـهـلـها عـلينـا دقـها مـعٌ جـلّهـا ..

ويـا سـعـود اخـذهـا مـن نـمـط (حـكـيٍ عـلـى لـسـان الـقـلـوب)

................ اربــع نـصـايــح لـحـيـاتــك يــا عــســى تـوصـلّــهــا ..

الـمـرجـلـه هــي ( الـبلـد ) وافـعال يـمـنـاك ( الـدروب )

................. والادمـي يــولـد ( غريـب ) ولاتـسـنّع دلّـهـا ..

والـكـايده تـبـغــى ولد مــاهوب طـمـاع و كـذوب

................. والـرابـح اللـي نفـسـه لربـه قدر يـذلّهـا ..

وتــرى الـكـرم عـنـد الـعرب يـغطي آلاف الـعـيوب

................. وانك بـخـيل تـسـاوي عـيوب الـعرب ذي كـلّهــا ..

واحـذر تـحـسـب ان كـل بـيـر ابـدنـيتـك بــه ( مــا ) شـروب

.................... واذا تـجاهـلـت الـعـواذل ابـتـمـوت بـغــلّهـا ..

وانـا بـوّدع راس مـرقـابـي اذا حــل الــغـروب

.................... وبـقول يـا ربـي تـعـين اللـي صـبـر ثم شـلّـهـااااا !!

الامـ عذووبه ـيره

08-10-2009, 02:25 PM

أسبوع مرولا وصل منك مرسال
يا قو قلبك كيف تقطعني أسبوع
الجوع كافر وأنت ما ترحم الحال
وأنا عليك من الوله ميت جوع
ياللي غيابك صعب يطري على البال
تركتني ضايق وحاير ومفجوع
ما كني الا شايب فاقد عيال
وما كنك إلا محرم حق مشروع
يفوع لك قلبي ليا مر الأطلال
ياليت مالي قلب يشتاق ويفوع
حسبي عليك اشلون قطعت الآمال
بمووت لاصار الأمل فيك مقطوع
يا صاحبي ما كل نزّال رحّال
انت الحيا من وين مارحت متبوع
نسياني الزول بالأعماق يختال
أصعب على صاحبك من حبة الكوع
لو الثمن في شوفتك عمر رجال
كان الثمن من يوم ماغبت مدفوع
ولو القدر ما تم قوله ليا قال
ما ضاق صدر ولا انحنا راس مرفوع
يا صاحبي عشقتني فعل وأخصال
وأنا عشقتك شعر وأحساس وأطبوع
وشلون تتركني كذا لاشها بلال
وقدام عيني تجف ينبوع ينبوع
وأنا عشانك جيت والغيم همال
أسيل الوديان وداحم جموع
ما ردني عنك سواليف عذال
تزعل علي ربوع واتقدر ربوع
كان المهم أعيشك جنون ووصال
ويكون لي كلمة ولي راي مسموع
واليوم ضاقت بي من الجال للجال
فرقاك تقسم ظهر وتحز وتلوع

لوجيت شفت الحال ما سرك

الحال

في غيبتك ضايق وحاير ومفجوع

هاذا غياب أسبوع وشلون لوطال
اطالبك لا يطول اغيابك عن أسبوع

الامـ عذووبه ـيره

08-10-2009, 02:36 PM

أحضرك واتلو عليتك البسملـه
والفـاتحه والغاشـيه والزلزلـه

واعلّمـك وش الحديـث المنطقـي
من شان تعرف كـل شـي ٍ تجهلـه

خدمه .. بقدمها بـلا شـرط وثمـن
يا صاحب آفـاق الخيـال الممحلـه

وماهيب من بـاب المـوّده والغـلا
لكّن من بـاب احتـواء البلبلـه !!

كنت احسب ان سود الليالي ربّتـك
واثرك على نفـس العلـوم الاولـه

موّسـوس وحالتـك حالـه مزريـه
الحلـم قدامـك وعاجـز تاصـلـه

على مدار العام مـن قـل الثقـه :
بينك وبين الشـك والريبـه صلـه

ذكائك المزعوم حاجـه مؤسفـه !!
تضحك علـى تفكيـرك وتستغفلـه

سويت نفسك فاهم الوضـع وذكـي
وكليتها يا بـو الشبـاب مفلفلـه !!

ما احد ٍ جبرك تضيع وسط المعمعه
وتستصعب الموقـف ولا تستسهلـه

القصد واضح والمعانـي واضحـه
ليه اتمادى فـي الحكـي وتؤّلـه ؟

طويق ثابت والجبـل يبقـى جبـل
فلنعتبـر هــذا ســؤال وعلله ؟!

شفت ان مالك بالثقـه موطـأ قـدم
كـب الغـرور المفتعـل ولاّ اقتلـه

وان عوّدت نهج وقناعـات وفكـر
الاجوبه ترضـي غـرور الاسألـه

المرجله لا صارت هايـط وشعـر
مـا عـاد ابيهـا لعنبوهـا مرجلـه

وان كانها مواقـف وقـول وفعـل
ماعندي الا : تـم وابشـر وازهلـه

خذ لك نصيحه كانت تسـام بجمـل
يا مسيلمه او بالاصح يـا عبهلـه !!

لا عاد تخطب في شبـاب المجتمـع
ريّح .. وخل الدين والنصـح لهلـه

ولا عاد تشهد زور فارجـاء البلـد
وتبقى كذا مـن مرحلـه لا مرحلـه

حتى ابليس بيستحي مـن كذبتـك !!
من كبرها ما هيب من ضمن عملـه

واليا بغيـت الجـد سجّـل مايلـي
واستحملـه واستوعـبـه واتقبـلـه

ماهوب عيب انـك تغيّـر منهجـك
العيب وانـواع الخطـا والمهزلـه

انـك تجـي كلـك وتستنقـد فئـه
على فعل وانت اول اللي يفعلـه !!

راجـع حساباتـك وفكّـر واتعـض
واضرب على نفسك جميع الامثلـه

ان كان ما انت بكلهـا مثـل مثـل
مـاوالله اقـول الشعـر واسترسلـه

خلاصة الموضوع كله ( من - إلى )
بيت ٍ يوضح لك غموض المسألـه :

أنا .. لو اني مـا لعبـت بحسبتـك
ما كان يسبب لك قصيدي مشكلـه

الامـ عذووبه ـيره

08-10-2009, 02:39 PM

عســاني المــوت

الحب .. طفل ٍ سكن شعري وهوجاسي
وفي ظلوعي العـوج ربيتـه وكبّرتـه

خذاني من .. الوطن والناس وانعاسي
وابـلا قناعـه .. تقبّلتـه و برّرتـه

سلمت أمري إليه وطحـت متواسـي
إلين ماصار شـي ٍ مـا تصوّرتـه !!

حبيبتي .. كيف اكذّب حزني وياسـي
لو العذر يعـذرك قبلـك تعذّرتـه !!

الله يسامحك .. ما قدّرتـي احساسـي
وانا على شانك .. الاحسـاس قدّرتـه

نسّاني الهم .. غالي ربعـي وناسـي
وذكرت ربي .. وقلبي فيـك ذكّرتـه

ودوّرتي اسهل طريق .. لضيقة انفاسي
ماكن درب الفرح .. لرضاك دوّرتـه

يا سيّـدة خافقـي ومحطمّـة باسـي
كـم مرة ٍ لمت خفّاقـك وحذّرتـه

صحيح احبك .. وآخاف فراقك القاسي
وخطاك .. يامـا تجاهلتـه ومرّرتـه

لكنّـي اليـوم لا ذاكـر ولا نـاسـي
ودّعتك الله .. وقلبي عنـك صبّرتـه

عساني الموت .. كان بينحني راسـي
ويا جعلي الضيم .. لو مبداي غيّرتـه

الامـ عذووبه ـيره

08-10-2009, 02:45 PM

لا يطـوّل سكوتـك ولا يطـوّل سكـاتـي
تـرى الـدعـاوي بسيـطـه لا تكبّـرهـا

خلـك علـى خبـري وظنـي وهقـواتـي
خابرنـي الضيـق والضيقـات خابـرهـا

وسّـع لـي البـال يـا سيّـد طموحـاتـي
ولا تغيّـر النظـره اللـي كنـت تنظرهـا

تقول : حـب البشـر طـوّق مساراتـي ؟
ابـك انـت حبـك مساراتـي يسيّرهـا !!

ان غبـت عانـت عيونـي مـن معاناتـي
وذكـرك يصبّرنـي وطيـفـك يصبّـرهـا

لا يـا بعـد شهرتـي واعظـم نجاحاتـي
وكل القصايد مـن ابسطهـا ليـا اشهرهـا

ولا يـا بعـد مـن يـدوّر لانكسـاراتـي
شعّار سبب وجـودي ضيـق خاطرهـا !!

انت اجمـل اللـي تسجـل فـي سجلاتـي
ان جيت : وين البشر ؟ وان رحت : مكثرها

يـا اوّل وآخـر قصيـدي وآروّع ابيـاتـي
محـدٍ يحـب القصايـد كثـر شاعرهـا !!

مـا فـاق حبـي لـك الا حبـي لـذاتـي
يعنـي احبـك محبّـه مــا اتصـوّرهـا

يا اصدق من النشـوه اللـي فـي بداياتـي
لا قلت لي كـم بيـت .. وقالـوا انشرهـا

واغلى مـن الدمعـه اللـي كـل صدماتـي
تطلـب يدييهـا !! واحجّرهـا ولا انثرهـا

وآحـن منـي علـيّ ان شفـت زلاّتــي
القـاك بررتهـا لـو صـعـب ابـررهـا

واطهـر حكايـة محبّـه فـي حكايـاتـي
مـن قبـل لا عيشهـا حسّيتـك اطهرهـا

لا تلومنـي لا بديـت آخــاف وآحـاتـي
كـل حاجـةٍ غاليـه مـا ودّي اخسـرهـا

ولا تضـايـق لـيـا كـثّـرت جيّـاتـي
ضيّعـت فيـك السنيـن وجيـت ادوّرهـا

تـعـال رتبـنـي ورتــب حسابـاتـي
او تدري شلـون ؟! رتبنـي و بعثرهـا !!

مو مشكلـه لـو تصيـر اطـوّل مسافاتـي
المشكلـه لابـديـت احـسّـك اقصـرهـا

اكبـر عيوبـي : بديتـك مـن نهايـاتـي
واكبر عيوبك : لقيـت اوّلـك بآخرهـا !!

يـا مكتشـف عالمـي واقـدم حضاراتـي
حـرام كسـر الخواطـر بيـد جابرهـا ؟!

مـدام تقـدر علـى اللـي فـوق قدراتـي
لا تذخـر الفزعـه اللـي قلـت ذاخـرهـا

رجعنـي لوقتـي او رجعـلـي اوقـاتـي
عاميـن تنطرنـي .. وعاميـن ناطـرهـا

وتقـبـل الــود والشـكـر وتحـيـاتـي
يـا ساكـن الـروح والـروح ومشاعرهـا

وروّق وركّـز وحـاول تفـهـم الآتــي:
فكـره تـأكـد قلـيـل الـلـي يفكـرهـا

لـو ان غيـري معـاك يسـوي سـواتـي
قلت : انت نعمه وهـو عاجـز يقدّرهـا !!

الامـ عذووبه ـيره

08-10-2009, 02:47 PM

تقـدم الدنيـا لنـا درس ٍ جديـد بـكـل يــوم
والناس تسلم من غثا الدنيا بحفـظ دروسهـا !!

وعلى حسب حفظ المواجيـب وتعاليـم السلـوم
نعـرف مقاسـات البشـر بالمرجلـه ونقوسهـا

صيت الرجال الوافيّـه بأفعالهـا .. ولا ّ الرخـوم
ينبيـك عنهـا : قـل نفعتهـا وشيـن نفوسهـا

تطرد ورى الدنيـا وتكشـخ بالمواتـر والهـدوم
مثل ( الحريم ) أغلب دراهمهـا علـى ملبوسهـا

والإمعـه والشايـب الكـذّاب وضعيـف العـزوم
ناس ٍ مع العالم بـلا هيبـه تدربـي روسهـا !!

والبخل : خلاّنـه بهايـم !! لا تسـام ولا تسـوم
لا شفتها ترفـع يـدك حمـد وشكـر وتبوسهـا

على الصحن هم أول الجلاّس وآخـر مـن يقـوم
يعيّفك حلـو الاكـل والشـرب طـول جلوسهـا

ماهيـب للـلازم سنـد ولا ذخـر عنـد اللـزوم
تمـوت ماسـرّك مهايطهـا وكـثـر فلوسـهـا

وسوالف الخبلان .. رفعة ضغط وصداع وهمـوم
فـلاوة ٍ تخطّـف علـوم الـعـرب وتحوسـهـا

واجب عليك إليا حكت عن جملة حكاهـا تشـوم
الهند مـا يـرأس حكومتهـا سـوى هندوسهـا

وربع المصالـح والمجامـل خـوة ٍ ماهيـب دوم
اقولهـا والتجربـه قطـع وريــدي موسـهـا

وقت الرخا .. مثل الصقور اللي على المرقب تحوم
فيّ ٍ يـذّري ساقـك الرمضـا وحـر ّ شموسهـا

وإليا احتمت صكّات بقعا وامست علومـك علـوم
اتلـوّي خششهـا وتجحـد خوّتـك وتدوسـهـا

من عقب ما انت الطيّب وقدرك معـزّز ومحشـوم
تصيـر اردى مـا خلـق ربـي ودم ضروسهـا

أبعد عن الأشكال ذي .. بعد الثرى عـن النجـوم
وش حاجتك في قرب رديـان العـرب ونجوسهـا

ماهوب عيب إليا عزموك تقول يالربع .. معزوم !
العيـب : لارحـت لعزايمهـا وجيـت عروسهـا

وخلّك فطيـن تعلّمـك دنيـاك درس بكـل يـوم
والرجل يسلم من غثا الدنيا بحفـظ دروسهـا !!

الامـ عذووبه ـيره

08-10-2009, 02:50 PM

إستريـح شـويّ .. واسمعنـي ثوانـي
بعدها مسموح .. قول اللـي تقولـه ..

جيت لك والقلـب ماهـو بالمحانـي !
شف قبل لوصلك سابقنـي وصولـه !!

ووالله ان لو لا الغلا مـا جـاك عانـي
يا بعـد منهـم بكولـه و ضحكولـه ..

عاشقك سـوّاح !! وعيونـك موانـي :
اخذني ّ .. من الحزينه .. للخجولـه !!

أبتسم خلنـي افضفـض لـك عشانـي
الحكي غصن ٍ عجز صوتي يطولـه ..

تعقد احجاجك وتعقـد لـي لسانـي !!
المطر يـا غيـم ضميّـان لهطولـه !!

خاطري مكسـور مـن قسـوة زمانـي
وانت ( كنْك إياااه ) وفعولك فعولـه !!

تعتبرني .. شخـص مغـرور وأنانـي
واعتبرك .. الكون في عرضه وطوله ..

آآه لـوّ تحـسّ بـجـروح الأمـانـي
كان ما تزعـل علـي ّ بهالسهولـه !!

حط ( عمرك ) يابعد ( عمري ) مكاني
وان لقيت قصور ؟؟ قول اللي تقولـه ..

وأنتبـه يـا سيّـد الغـيـد الغـوانـي
التشّـره والمعاتـب لـه أصـولـه ..

لا تساومـنـي ولا تـجـرح كيـانـي
كل شـي ّ إلا ّ الكرامـه والرجولـه !!

الامـ عذووبه ـيره

08-10-2009, 02:54 PM

أمسيه واعلام واضـواء وصحافـه
وانـا لاوقفـت مابينـي وبينـي !

اتساقط ضيـق واحبـاط وحسافـه
كني اخنق حلم عمري في يدينـي !

واتسامى فكـر واحسـاس وثقافـه
واكسب التقدير والاعجـاب فينـي

يا طويل الحزن والواقـع خرافـه
كذبةٍ ماهيـب تسلتطـف يقينـي !

ليه مااغنيّـك تحنـان ولطافـه ؟
وانت نبض الروح وانفاس تحكيني

ماتهز الريـح غصـنٍ لارتجافـه
ينكسر صوتي ! وتستاحش يميني !

كل مامر المسـا صـدري وحافـه
قلت له والشمس مشرقها جبينـي :

من مشت رجله على درب السخافه
طاح من عقلي قبل قلبـي وعينـي

الرجل لاصار مابه ديـن : تافـه
والعدو لاصار يعجبنـي : خدينـي

والفشل لاصرت ترضى بالوصافـه
وانـت قـادر تستبـد وتحتوينـي

وكان انا من لاربـط فعلـه بقافـه
جعل تبكيني عيـون اللـي يبينـي

وجه صبـحٍ مـن حيـاه وعفافـه
استحي من طيف زوله لو يجينـي

نهر سكر مـن ضفافـه لاضفافـه
اغنيات الملـح وانشـودة حنينـي

ناسي النسيان !! طبعـه واختلافـه
واصبح اللي راح واللي يحترينـي

عاشقه .. وقف هنا والعمر طافـه
هو متى يرجع وترجع لي سنيني ؟!

الفراق .. شعور من شـدة جفافـه
يبذر عيوني !! ويقطف دمعتيني !!

القلـوب تعـاف طاريـه وتخافـه
يعتريها شئ .. عانـه يعترينـي :

كل أبوي طعـون واحـزان وكلافـه
لاانتهاني جـرح الآخـر يبتدينـي

ليت حظي مارمى عمـري خلافـه
ولا ترك لي تمتمة وينه ووينـي ؟!

وليت مابيني وبينـه مـن مسافـه
مثل مابين السهر وجفون عينـي

الامـ عذووبه ـيره

08-10-2009, 02:58 PM

بـالرغم : من كثـر زلاّتـه وغلطاتـه !
ياطـول بالـي عليـه وياوسـع صـدري

وإن هبّ شعري علـى كـل إتجاهاتـه ؟
ماكنّ فوقي سمـا ولاّ الثـرى حـدري ؟!

أتخيّلـه ساكـت .؟ ويحكـي معاناتـه !
وإن قلت: وشلون صارت؟ قلت لك مدري !

عيونه تسولف !! وتشرح لـي سكاتـه ؟
وياحيّ رقة سوالـف رمشـه الخـدري !؟

بس علّمه كان مـا راجـع حساباتـه ؟؟
تراي حاسب حساب الدمع مـن بـدري !!

خيانة أحبابـي ، و وقتـي ، وطعناتـه !
لـو نزّلـت دمعتـي مانقصّـت قـدري ؟

ولا صار ناوي علـى فراقـي وحياتـه ؟
ما عاد تلمح عيونـي وجهـه البـدري !!

انـا ؟ عرفـت الولـه مـن قـلّ جياتـه
وجايز يعرف الوفا لا حسّ في غـدري ..

الامـ عذووبه ـيره

08-10-2009, 03:01 PM

يا الغايب اللي غابت سنيني معـاك
يا جعل ما جاني من الفرقـا يجيـك

استغفر الله !! جعل ماجانـي فـداك
حتى لو ان نهايتي .. على يدييـك!

مسامحك .. واللي بقوله فـي قفـاك
خيرك كثير .. ويرحم الله والديـك

ماصار شي ابلا رضاي الا رضاك
اللي ماهو فيني وابيه القـاه فيـك!

كنت السما في عيني وعيني سمـاك
كانت حياتـي كلهـا منـك واليـك

كنت بيديني مير مدري من خـذاك
حسبي على تقصيري وحسبي عليك

علمتني.. وش الحياه مـن الهـلاك
في موادعك هذا وفي جيّتـك ذيـك

ياكيف ابلقى شخص يسواني سـواك
كل مانويت انهيك في شخص ابتديك!

أبـدى أقـارن مستـواه بمستـواك
واخاف لاتزعل وابيعـه واشتريـك

والمشكله : رغم محبتـك وغـلاك
واني رغم كل شيّ مشتـاق وابيـك

ما هوب من حقي يضايقني جفـاك
ولااعشقك ولاالمحك ولااحتريـك!!

لكن ما يخفانـي ولا اظـن يخفـاك
حقي عليك .. انّك تطمنّي عليـك!!

الامـ عذووبه ـيره

08-10-2009, 03:04 PM

اللـي مثلـك يـا حبيبـي مـا يـلام !
قوم وانسى الدمع .. وانساني معـه !!

لا تحاتي الليـل ! ودعنـي .. ونـااام
السهر مـا هـو بضيـق الا سعـه ؟؟

خلّنـي مابيـن كـذبـك !! والـغـرام
بنثـره وآخـر طموحـي اجمـعـه ..

بك ( ختمت المسك ) يا ( مسك الختام )
واحفظ ( اغلى ) بيت وانسى ( مطلعه )

( شاعرك ) لا شحّ صوتـه بالكـلام ؟
ناظـر عيونـه كـلامـه تسمـعـه !!

مـا ورى هـاك الطعـون الا الخصـام
ومـاورى وصلـك وقربـك منفعـه ..

عدّني مـا كنـت وانسانـي .. مـدام
الفراق اصبح : ( جهاتي الاربعـه ! )

خابـرك حسّـاس وتخـاف الزحـام !
خـاف قلـب ٍ بـه همـوم مجمعـه !!

إعتـقـه لله !! واتـركـه بـســلام
ما بقى بـه عـرق تقـدر تقطعـه ؟!

ضامي واطرد سرابك ( نصـف عـام )
حالتـي حالـه ! واجامـل واتبعـه ..

كل ما طـاح ( الامـل ) شلتـه وقـام
لين طحت ! ولا لقـى مـن يرفعـه ؟!

غلطتـي كنـت انتظـر منـك اهتمـام
وغلطتك ( بُعدي ) ثمنها و ( ادفعـه )

لا تقـول البُعـد والفرقـا حــرام ؟؟
الحرام : اعطيك ( عمـر ) تضيّعـه !!

الامـ عذووبه ـيره

08-10-2009, 03:08 PM

الكلام احيـان مـا منـه ثمـره
خلّني ساكت وسـوّ اللـي تبـي

ضيّق الخاطـر كلامـك وكسـره
آه .. من كسر الخواطر وتعبـي

واعـد الجمّـال فالبـال عـشـره
كلهم مـا حققـوا لـي مطلبـي

والقصيد إن مر ليلـي وسهـره
احطب ضلوعي و اوّلـع فحطبـي

مختلف فكـر وشعـور وحنجـره
أخطف الألباب واسبيهـا سبـي

والعفو ( توبيخ ) عند المقـدره
مير ماش عراش في راس الضبي

صاحبي يا صاحبـي لـو اخسـره
مستحيـل إن الخسـاره بسببـي

الغبي منهـو يصـدق لـه مـره
والمره ما تصـدق الا مـع غبـي

علّـمـه لا يزعـجـك بالثـرثـره
عبهلـه كـذاب ومحمـد نبـي

لا يحسبّهـا كــذا بالمسـطـره
فرق بيـن الأعجمـي واليعربـي

كم قبـر ٍ فـي قبـور المقبـره
يحفره شايب ويدفن بـه صبـي

وكم رجل ٍ شاف شـي ٍ يقهـره
من ولد عمه على شـان اجنبـي

وكانها مابيـن ذنـب ومغفـره
لحيتي تكـرم وكرّمـت شنبـي

الكلام احيـان مـا فيـه ثمـره
خلّني ساكت وسـوّ اللـي تبـي

الامـ عذووبه ـيره

08-10-2009, 03:17 PM

يا كبر ذنب السؤال .. ويا ثقل دم الاجابه !!.
لا انتهى حبك وصدرك مختنق بحروف.( ليه ).؟؟

وقتها كن خافقك .(جالي).وحزنك .(شيخ لابه).
اتصـــدّد .. لكن الدنيا تحـدك.. تنتخيه ..!!

يا رفيق الهم .. علمني اذا عيني ربابه .!
منهو يسمع نزفها لامن نظرها ويحكيه ؟؟

بسئلك بالله قلي : عن شقا الدرب وسرابه
كيف علقني بكذبة .. (( باكر اوصل وارتويه !! )).

لو فقلب الليل رحمه ما فتح للجفن بابه
وعشمه في حب نجمه .. يدري انها ما تبيه !!

ولو يضيق الكون بالطعنات تلقى بي رحابه
لا تعكر بال خنجر .. تركض ظلوعي تجيه !!

لا يشيل الهم .( همه ). دام تجمعه القرابه
في صدر شاااعر يعده: واحدٍ منـه و فيه ..!!

له علي .. دامه يبيني ما اخونه في غيابه
كان ما جالي اجي له .. يحتويني واحتويه ..!!

ولي عليه .. انه ما ينساني ويصفطلي عذابه
ولا يعرضني لضحكٍ صدق ما عاد اشتهيه ..!!

اقسى من حزني وهمي الفرح حضرة جنابه !!
لا طرى ما يطري الا.. منهو عرفني عليه ..!!

ذاك من يحكي على عيني وتقنع باغترابه
لجل تعتق صورةٍ فيني سجنت كل الوجيه ؟!

غايتي .(فرح الحزن). لا ينكسر بالقلب نابه
وخوفي لا.(حزن الفرح). يخنق لي انفاسي بيديه !!

من ورى قلبي رسمتك غيم يحكي بوح غابه
كل غصنٍ منحني فيها يمدله راحتيه .؟

هاك صدري شوف بعيونك متاهات الغلابه
في شوارع هالحنايا كم متشرد نزيه ؟؟

لا قبل عطف السنين .. ولا رضى بسلم الذيابه
ما سئل كود الاماني .. يا الاماني جاوبيه ..!!

ويش اقول وويش اخلي .. والبلاوي ما تشابه
غير لا قالت في قلبي لا حشى مالي شبيه !!

ليت في وجه الزمن .( ذرة حيا ).واحسب احسابه
احشمه لجل يحشمني .. دون شي ٍ أحتريه ..!!

وليت شعري ما يخيّب هقوة اللي قد هقابه
لا تولّج هاليمين وصحت فيهااا اكتبيه .!!.

وليت دربي لا نثنت رجلي يقدرني ترابه
كان وربي ما احاتي قولت : .(ازرى ينتهيه ) ..!!

بعدها بذيّل اسمي بآخر دموع الكتابه
دام كل بيت بقصيدي شال دمعة ما يليه !!

هذا انا يا صاحبي حلمي الاقي لي اجابه
لا انفجر صدري وضاقت دنيتي بحروف.(( ليه )).!!

الامـ عذووبه ـيره

08-10-2009, 03:23 PM

أصعد المشـراف يـا شعـري وذبّـه
أنـت اكبـر مـن محيـطـه وارتفـاعـه

مركـبـك هبـايـب افـكـاري تـهـبّـه
والبحـر ميّـت علـى فلـة شـراعـه

و السمـا تشتـاق لـك شـوق الاحبّـه
لانّــك تحـجّـم فضـاهـا واتسـاعـه

خش تقصيـري !! عـن عيونـي وخبّـه
خلّنـي كامـل مـع التفكيـر .. سـاعـه

ليـن اسـوي منـك : دافـع للمسـبّـه !!
لكـل فـارغ ودّه : يـمـارس ضيـاعـه

اشهـد ان بعـض الشتايـم .. مستحبّـه !!
الدلـيـل القـاطـع لطـيـب البضـاعـه

يـا تعـب حالـي ويـا حـالـي وطـبّـه
والله ان كنّـك اخـوي مـن الرضـاعـه

اتنـومـس فـيـك وانــوّه وانـبّــه :
انحـدار الطـرح فـي جيـلـي إشـاعـه

أعشقـك .. ومخالـفـك ربــي وربّــه
بيـنـي وبيـنـه مجـافـاه وقـطـاعـه

الكـراهـيّـه ضـريـبـه للمـحـبّـه !!
فلسـفـة شـاعـر وتوظـيـف لقنـاعـه

كـل شـي ٍ نكـرهـه عكـسـه نحـبّـه
مثـل كـره الخـوف حبـا ً بالشجـاعـه

جـايـز اربــاك العـقـول المستتـبّـه
بالـدهـا و العنجهـيـه واللـكـاعـه !!

مير قلب الشعر : غصـن ٍ مـا لعبّـه
غيـر نسنـاس الرقـي والاستطـاعـه

يـا أولـي الألـبـاب والإبــداع لـبّـه
في اكتشاف الدارج و حُسن اختراعه

والأكيـد : ان الـدرّر فـي كــل غـبّـه
وكـل ٍ ونسبـة ذكـائـه واطـلاعـه !!

والمهـم : مـوت النهـر فآخـر مصـبّـه
النهـايـه المنطـقـيّـه لانـدفـاعـه !!