المساعد الشخصي الرقمي

مشاهدة النسخة كاملة : ( مـســاجـــلات الـشــلاحـي )


البتار
08-12-2005, 07:21 PM
بسم الله الرحمن الرحيم

اليكم بعض مساجلات مرقبنا العام

وشاعرنا الكبير الشلاحي

أمل ان تحوز على أعجابكم ورضاكم

.. .. ..

محاورة الشلاحي و بندر بن بطيحان

الشلاحي:-

استلم يابن بطيحان جا ك الدور جاك = والرجال الباقيه دورها واصل لها
لا تحسبني نسيتك ماعاش اللي نساك = انت من شجره يضلل عليه ضلها
اسعد الله لي صباحك ويسعدلي مساك = السعد فالك يا بندر حياتك كلها
ودي اخذ معك مشوار واعرف مستواك = خوت الطيب يا بندر ترا ما ملها


بندر بن بطيحان:-


مرحبا ترحيبتن من وطاك اليا سماك = والمعاني للعبادل يذعذع فلها
أحذف الغتره ليا صاح ذاك لعين ذاك = والقلوب المستغله تموت بغلها
أعرف أن الجدي وسهيل فالكون أخوياك=فوق هام السحب شد الرحال وتلها
في مدارات الكواكب ترى بندر معاك=الجيوب مجهزه والدروب ندلها


الشلاحي:-


البقاء وانته عن الطيب ما تقصر خطاك =انت لن صعبت عليك الامور اتحلها
شفت ناساً طامعه في عشايه مع عشاك =يا وسيع المعرفه وش تبي نعملها
ما علينا خوف لو صار في الوضع اشتباك = لن بغوها سلم ولا السيوف انسلها
يا خوي الدرب قدام لا ترجع وراك = انت وش رايك ديار العداء نحتلها


بندر بن بطيحان:-


حب بيشه لا يهمك ليا دارت رحاك=من فصيلت عوشزه ما يظلل ظلها
خلهم لعلهم من فداي ومن فداك=واليدين اللي تطاول ماهو بحسلها
ما ردك دجله وغيرك موارده الهلاك=الجزيله هاتها والهزيله خلها
أي دوله وأي جبهه تبي تضرب عصاك=أن بغيت نعزه وأن بغيت نذلها



ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ



محاورة الشلاحي مع منادي



الشلاحي:-


الليلة الليلة بدينا بالهجوم = نادو منادي ياعساه أيصدها
وأن كان محدن صدها سجلت قول = واللي عقد روس الحبال يحلها
أنا ولد شالح ليا جات اللزوم = وانته منادي يا منادي قدها
أسمع قضيتنا ودور للحلول = واللي عقد روس الحبال يحلها


منادي:-


يامرحبا بالذيب لطّام الخشوم = الصاحب اللي هجمته خطط لها
بعطيك فن الملعبه حسب الاصول = واللي عقد روس الحبال يحلها
يابوعمر قالو ترى البادي ظلوم = شبيت نارك وانتويت اشبها
ماهمني عبدان لو زوله يهول = واللي عقد روس الحبال يحلها


الشلاحي:-


الطم خشوم أهل الرداء ولا القروم = يمناي فوق أخشومهم ما مدها
اللي تفكر الطلوع وفي النزول = اللي عقد روس الحبال يحلها
صحبة مصالح يا منادي ما تدوم = يا صعب مبناها ومهون هدها
هاذي طبيعة و الطبيعة ما تزول = اللي عقد روس الحبال يحلها


منادي:-


ناديت سرحان الخلا يقضي اللزوم = عله يحل المشكله وانشابها
يابوعمر جتك الرساله والرسول = واللي عقد روس الحبال يحلها
مدباج والراهي متى عنهم نقوم = ونسلم المركب بامر قبطانها
يالكاهن اللي كل ماصلنا يصول = واللي عقد روس الحبال يحلها


الشلاحي:-



أنته ليا لديت عينك في النجوم = يصعب على رجال مثلك عدها
وش رايك أقفل عليكم با لقفول = واللي عقد روس الحبال يحلها
مدباج و الراهي ليا جات القسوم = اللي يسوونه نسوي ضدها
أثر منادي تالي ايامه جفول = واللي عقد روس الحبال يحلها


رد مدباج يامنادي وابشر بالفزعه


للمقدم الجمّاح انا قلبي عزوم = لاجا نهارن بالقنا نرتدّها
وشعيل دون الزمل بالعقل امعقول =اللي عقد روس الحبال يحلّها

وهذا ردي الراهي



مدباج والراهي ليا هدّوا تحوم = ياطير بن برمان عنك نردّها
والله ماتفرح ولو وقتك يطول = واللي عقد روس الحبال يحلها

الشلاحي:
-
أســتــلم يــا مدباج:-


جتني جمال عقيل غفل بلا وسوم = وانا بعد ما جات اوسم خدها
وحط فوق أظهورها كل الحمول = اللي عقد روس الحبال يحلها


استلم يا الراهي :-


فزعة منادي زودت فوقة هموم = سموة طيراً يدرق في سدها
يا طير ابن برمان ما تقدر تقول =اللي عقد روس الحبال يحلها



ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ

محاورة سفير بلا سفارة و الشلاحي

سفير بلا سفارة:-


ياسلام الله عليكم من سفير بلا سفاره = ياسلام الله عليكم بعد طولت المغيبه
ياولد شلاح عودنا وكررنا الزياره = سجل إسمي ياولد شلاح من ظمن الكتيبه


الشلاحي:-


مرحبا ترحيبتاً حلوة ولا فيها مراره = مرحبا بك يا الحبيب في مواقعنا الحبيبه
ما قدر اسجلك وانت بدون رخصه واستماره = طلع الرخصه وانا اسجلك في ايامن قريبه


سفير بلا سفارة:-


ياهذيل اشرايكم نبغا على المطران غاره = حيهم مطرود والميت على راسه نصيبه
ودنا نطرد مطير اصحابنا من كل حاره = ان بغوها بالرضاء والا بغوها بالغصيبه

الشلاحي:-


أتحدى يا هذيل اتئيدونه في قرارة = مير شوري تنصحونة لا يجيبلكم مصيبة
ما طردنا واحداً ضيع يمينة من يسارة = يا سفير بلا سفارة فيك شك وفيك ريبة


سفير بلاسفارة:-


لاتحدى يالمطيري ثم أولعها شراره = أبلشتك الهينه مانته بقادر للصعيبه
والله إنا يالمطيري مانوينا بالقشاره = وشهي الأسباب يومنك تفتش فالحقيبه


الشلاحي:-


شبها حنا سوات النار و هذيل السجارة = السجارة ما اتحملها ليا شبة شبيبه
ياهذيل اطلق شنب فيكم نعديه الخفارة = والعزب في مطير يا الهذلان حصله خطيبه


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ


محاوره بين مدبااج والشلالاحي


مدباج:-


حطوا لي ياهل الصمان موجه مع ولد شلاح = مايدخل وسطها الفـرّاع بعيونـه يراعيهـا
ابا اسويبه اسواتن تزعزع قلبـه المرتـاح = بعدها المعمعه والغطرسـه قلبـه يخليهـا


الشلاحي


أنا أبحطها وبعطيك فرصه طيـر ياسـداح = ليا صارت ما بين أثنيـن أعقلهـا واثنيهـا
مدام اللي غزى مدباج ما يحتاج أجيب أسلاح = اولعها بـدون أسـلاح مـا يقـدر يطفيهـا


مدباج


انا عيني من البارح تخيل البـارق اللمّـاح = وانا عندي يقيـن الارض نـوّه مايروّيهـا
عليك المنتدى يصفق كفوفه والقلوب اصحاح = وكلن يطلب رضاتـك و رغباتـك يلبّيهـا


الشلاحي


وانا عيني من البارح تشوف السارق المزاح = تشوف السارق المـزاح يكحلهـا ويعميهـا
تصفق يوم حظى قام تزعل كان حظك طاح = شهادة حق يا مدباج وانته منـت راضيهـا


مدباج


الا ياهيه لاتدخل بحـورن تغـرق السبّـاح = ولاتنطح رجالن من كـرم ربـي معافيهـا
الاوش لازم الوبّال عند الشاوي المصـلاح= لو ان ارضه من اسيول السحاب ايسيل واديها


الشلاحي


اغوص البحر يا مدباج واطلع منه باالارباح= واعرف العافية من عند ربي منت معطيهـا
عرفنا شغلت الشاوي عرفنا شغلت الفـلاح= عرفنا اللي يسرحهـا و لايقـدر يظويهـا

مدباج


الا ياكابتن الرحله ليا طارت بـلا مـلاّح= مع فجوج السما يضرب ذنبها في مواميهـا
عليك الميل حط وشيل ماطارت بدون اجناح= توضّى للصلاه اللـي عبـاد الله تصلّيهـا

الشلاحي


أنا الكبتن لاكن أنته وشنته ما عليك وشاح= مدام أنك بدون اوشاح شللي طلعك فيهـا
أنا ماودي اجرح والحقيقة مخلبي جـراح= أنا عاقل مع العقـال و الجهـال أربيهـا

مدباج


انا واحد من الركاب وانزل ديرتك سوّاح= لوازم مطلبي في ديرتك توجـد بهاليهـا
انا اسد المسامع بالاصابع ماسمع النبّاح= لو ان كلاب ديرتكم تشوشلّـي بذانيهـا

الشلاحي


أطيبها بعود ومسك ريح الطيب فيها فاح= الياطيبتها بالطيب الأصلي مـا تدانيهـا
مدامن القفول المقفلة يوجد لهـا مفتـاح= أناماهمني بعض السوياءاللي تسوسهـا

مدباج


انا ماني بطيرن لاتعلى يجذبـه ملـواح= غلط واكبر معيبه انك على راسك تدربيها
اثرك الي على الغره بتفكيره يجيه اشفاح= تريح واسترح مثلك غشيمن لو يجاريهـا



ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ

محاورة الشلاحي وعلي بن دمخ

الشـلاحـي


شفتلي صورة غريب يصبلـه فنجـال دلـه=صبها اللي يذبح العشاق نظـرة مـن عيونـه

قلت منهـو قالـو انـت ماعرفتـه قلـت لله=قالو اعضاء منتدى الصمان غيرك يعرفونـه


علي بن دمخ


خل عنك اللي تقهوى ياطويـل العمـر خلـه=مير قلي كيف حالـك ياصحيبـي والمعونـه

انت ابو نيه وابـو نيـه يـدور كـل زلـه=كان جيتك من ورى ظنك حشى ما صير دونه


الشـلاحـي


راعي الصورة عرفتة بعد حصلـت الادلـه=أعتراف الرجـل أدانـه دورولـه تاجدونـه

نيتي يا علي زينه ونـت لـك طبـع وجبلـه=فيك نوع من الغرام أطيبلكـم لـو تتركونـه


علي بن دمخ


شي عادي لو يعرفه صاحبي يعـرف محلـه=في محلـك والنشامـا كـل يومـن يدهلونـه

احسبنك قبل هـذي تنقـض الحبـل وتحلـه=ان فتلنا الحبل يبطون العرب مـا ينقضونـه


الشـلاحـي


شي عادي عندكم يصحابنـا والوضـع فلـه=أنتم اللـي تفتحـون البـاب واللـي تقفلونـه

أن فتلتـو حبلهـا يصحابنـا نقـدر نفـلـه=العرب يصحابنا تقدر علـى اللـي تقدرونـه



علي بن دمخ


دحدرت ماعاد يمـدي لا تزيـد الطيـن بلـه=ياعجايب ياغرايـب يابشـر وش هالنمونـه

ما بقالي راس مال وراح راس المـال كلـه=وراح منا الصاحب المديون ما تحصى ديونه



الشـلاحـي


ما يخليها تدحدر رجـل لـه مذهـب وملـه=العهد مثل الوعد بيـن النشامـا مـا تخونـه

كل رجلاً دون مالـه ياعلـي سيفـه يسلـه=أنت عندك صاحبك وصويحبـي لا تقربونـه



علي بن دمخ


الكلام بلاش لا تاخـذ عـن القمـرا مظلـه=واحد نضحك معاه شـوي ونطيـر جنونـه

دوّر شلويـح ابـن شـلاح يالشاطـر وقلـه=بلغه عن قصـة الطـاروق واللـي يلعبونـه



الشـلاحـي


تذرى عن سحابه صيـف ثوبـي مـا تبلـه=ما عليه لو بروق الصيف تبرق في مزونـه

كنت أحسب أنك كما الدكتور تعرف كل علـه=اثرك اللي جاء على الدكتور يشكي من سنونه



على بن دمخ


من برك للحمـل يارجـال ملزومـن يشلـه=ولا يخليها سوى رجـال يرضـى بالمهونـه

انت يادكتور افندي وش بـلا كبـدك مغلـه=من يشوفك قال كبده مـن زمانيـن مغبونـه



الشـلاحـي


من برك للحمل وزراء يا علي حملـه يقلـه=يا عسى تكسر يمين اللـي عليـه يساعدونـه

علي في تالي زمانه يا جماعـه وش حصلـه=يا جماعه علموه الراس عـزه مـن متونـه



علي بن دمخ


ليت ابو عين ٍ كريمه دمع عينـه مـا يهلـه=لعنبو درب الهوى ياشيـخ يامكثـر طعونـه

الهوى ما يرحـم العشـاق دقـه مثـل جلـه=وانت رجال انسيابي والهـوى يبغـا مرونـه


الشـلاحـي


والله أني ما عشقت الصورة اللي في المجلـه=الشيوخ شيوخ درب المرجلـه مـا يجهلونـه

الهـواء يـا علـي وداك النجـوم المستقلـه=يا شباب الموضه اللـي كـل شـي تقلدونـه


علي بن دمخ


ماذبح طيـر البحـر ياربعنـا ياكـود ظلـه=الله اكبر ياطويـر البحـر يامقشـر ظنونـه

الهنوف اللـي تغنـج قصدهـا تلقيـط جلـه=عقب راحت مالقت ياصاحبي ستر ومصونـه


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ

محاورة الشلاحي و سفير بلا سفارة


سفير بلا سفاره


جيتكـم عانـي وادل الـدرب ادلـه=من ديـار هذيـل حملـت المتاعـي
الجمل يومه فـدر محـدن فطـن لـهوان هدر يامطير زاد الصاع صاعي


الـشـلاحـي


مرحبـا واللـي سواتـك مـا نملـه=مرحبا يـا ضيـف ترحيبـاً يذاعـي
الجمـل كانـه فـدر يفـدر محـلـه=وان هدر يا هذيـل تاكلـه السباعـي

سفير بلا سفاره


سيـف هـارون الخليفـه لـو يشلـه=كان جتك هذيل تزحـف فالمراعـي
مير خلـك فـي ذراه وتحـت ظلـه=عن سموم القيظ وعن سـم الأفاعـي

الـشـلاحـي


سيـف هـارون الخليفـة لـو يسلـه=كان فوق هذيـل ضاقـن الوساعـي
يا وسيع العـرف شيـخ هذيـل قلـه=المحلي مـا يجـي مثـل الصناعـي

سفير بلا سفاره


ان نشدت الشيـخ جـاك العلـم كلـه=مار خل الشيـخ محفـوف ومطاعـي
قد خطفنـا امـك وابـوك يقـول لله=بالسيـوف اللـي محادبهـا قطاعـي

الـشـلاحـي


العرب تدري عن الشيخ اش حصلـة=يا طويل العمر كـل الشعـب واعـي
مـا خبـرت هذيـل داري تستحلـة=الهذيلي مـا شيـن درب الضياعـي

سفير بلا سفاره


كـل شـيءٍ ثابتـن باوسـط سجلـه=والظماير بيـن ميـت وبيـن واعـي
ياعميلـي علمـنـا مافـيـه خـلـه=يالمطيـري تجحـده والعلـم شاعـي

الـشـلاحـي


منتـه الدكتـور تعـرف كـل علـه=أنت اضنك صرت من ضمن الوجاعي
مـا جحدنـا فعلكـم دقـه وجـلـه=يا سفيـر هذيـل غـواك الرفاعـي

سفير بلا سفاره


تحسبـن الفعـل مقـداعـن ودلــه=لاتزيـد الـهـرج ماللهرج داعــي
يالمطيري ابـن لـك قصـرن وفلـه=وطمنـه واحـذر تزيـد الارتفاعـي

الـشـلاحـي


هرج نسمعله وبعـض الهـرج ازلـه=والسفـيـنـه ماتقادابـلاشـراعـي
ياالهذيلي كـان لـك مذهـب وملـه=لدعينـك فاالهـجـوم وفاالدفـاعـي

سفير بلا سفاره


انـت مسلـم والديـانـه مستقـلـه=مشبهاني لانـت سنـي ولا شياعـي
تنفـخ المزمـار وملحونـك تتـلـه=وتشـرب التنبـاك وثيابـك جباعـي

الـشـلاحـي


انت مسلم بس صل الفـرض صلـه=ياسفيرهذيـل فـي البنـك الزراعـي
ان فتلـت الحبـل ماتـقـدر تحـلـه=ماع سمن هذيل يـا الهـذلان ماعـي

سفير بلا سفاره


ان غـدر جسـاس هــذا مذهبـلـه=ليـه ياجسـاس خيبـت المسـاعـي
جـاك ابوليلـى بقلبـه الـف غلـه=نـاوي يعلقـك مـن حـد الكراعـي

الـشـلاحـي


ياسفيرهـذيـل دمـعـك لاتـهـلـه=لاتهـل الـدمـع قــدام الـوداعـي
كـان ابـو ليلـى يبـي ذلـه نذلـه=والسفيـر ايمـوت مايلـوي ذراعـي



ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ


محاورة الشلاحي و مدبااااج



مدبـاج


ياسلام الله برده علـى اهـل المنتـدى=ردتن من هاجسن لـي وانـا بابديبهـا
ابتدا مدباااج والليـل مـع لعبـه بـدى=ناوي الصمان لـو ان عوالـي ذيبهـا

الشلاحي


مرحبا ترحيبتن جالها صوت وصـدى=بالنيابه عـن هـل المنتـدى اغنيبهـا
انت ضيف ولك عزيمه عشى والا غدى=وحـدة منهـا تخيرلهـا يـا طيبـهـا

مدبـاج


البقا من شاعرن ينظـر لبعـد المـدى=مايرود لشوفتـن مـن نواهـا يجيبهـا
ماعلى الخيّـر تخيّـر ليامنـه حـدى=مير انا ليّـه ذهيبـه عجـل بسريبهـا

الشلاحي


ما عرفت الشيخ مدبـاااج قـدام النـدى=ودي اعرف ديرة اهل الوفاء وامشي بها
ما على الخير تخير مشـى ولا عـدى=ذاهبتكم كيف ضاعت عسـاك اتجيبهـا


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ


محاورة الشلاحي مع الهاوي

الشلاحي


يا سلام الله على الهاوي و اناء ماني بهاوي= ما هويـت الا العلـوم الطيبـه قبـل الرديـه
انت هاوي من مشاء درب الهواء يا ذيب غاوي= الحقيقه ما تزعل وانت لا تزعل عليه
العرب شافوك قبل اسبوع بالبشت الحساوي=في الرياض ادور حول المملكه والفيصليه
الروايه مـا تصـح اليـا روت مـن غيـر راوي= اسنـد القصـه علـى راوي وذمتنـا بريـه


الهاوي


مرحبا ترحيبتن تنعشك يالشخص الرخاوي= يوم قلبك ماتعلـق فـي هذيـك ولاهذيـه
ياجملنا لاتطيح الا على القـاع امتسـاوي= وافتح اذنك ودي آخبّرك تفصيـل القضيـه
الهواوي غير ..والهاوي سوات النجم هاوي= لاهوى خلا شياطيـن السمـا بالمهمهيـه
ولا لابست البشت ماهو عيب يزها يالنداوي= وكان رحت السوق مافي روحتي يمه زريه



الشلاحي


البقاء يا اللي ترحب برقها يبرق سماوي= مر فوق الاحمدي وامرار فوق السالميه
الغناء من عند خالقناء وأنا رجلاً غناوي=ما جهلت الطيبه والطيبه مني وليه
الجمل حمله يشيله والبلاء وارد عراوي= ما تشيل الحمل خلت من حمولتها شويه
أنت لو انك تمهل كان تاصل للحراوي= لاتعجل لين اعلمك الحروف الابجديه

الهاوي


لاتجي في وادي السرحان وانته رجل شاوي=لو سلمت اليوم ..باكر ماسلمت من الاذيـه
ياولد شلاّح طعنـي لاتدهـورك الهقـاوي=من يـذب الريـع لازم يحتـزم فالبندقيـه
كان مانته قانع امن الشيخ يوم اصدر فتاوي=ماعليّه لو سنام الضلـع عانقتـه طميـه
كان مخباطك قوي حنا عطيبيـن الاهـاوي=حسنتك تجزى بحسنه سيّتك تجـزى بسيّـه

الشلاحي


ما عليه خوف يا الهاوي ونا ناوي وناوي= اذبحه ذيب الخلاء لن كان قرب للرعيه
ولد ابن شلاح يا الهاوي ليا جات العزاوي= يشرب الماء من دليه ما يصدرها ضميه
والبلاء لن كان شيخ المحكمه يأخذ رشاوي= من دفع للشيخ رشوه قال دافع له هديه
للعدو سماً سقطري ما يداويه المداوي= وللمسالم سلم ما نرضى على المسلم خطيه

الهاوي


لو نويت ولو نويت ولو تجيب امن الدعاوي=راس ابو عمّار ماحـرر فلسطيـن الابيـه
انت سمّجت القضيه يوم كثّرت الشكـاوي=تلهم امن السم وآنا آقول لك لقمه هنيـه
وكان شيخ المحكمه ياصاحبي ياخذ كراوي=اثبت الحجه ودوّنهـا تـرى النيّـه مطيـه
لارفعت الراس فوقك حد جـلاّب المنـاوي=وان رخيت الراس خذ طعنه بخنجر نافعيـه

الشلاحي


ما تريح في حياتك وانت لك قلبن شقاوي=فالزمن ناسن سعيده فالزمن ناسن شقيه
بعد ما طيبتها بالعود الأ صلي قلت جاوي =والله انّ ما نطيبها بطيب الجاونيه
أنت ضيعت الطريق ورحت مع درباً خلاوي= لا تسج الرجل يا الهاوي ترى الديره خليه
راس ابن شلاح سالم ما يجي راسي بلاوي= والمصيبه في الرفيق اللي يلد العين فيه

الهاوي


دوج في وسط النسيم وعصر سنّد للقهاوي=قض وقتك ياطويل العمر في روحه وجيّـه
انت رجالن مطيّبها تجي سـارح وظـاوي=خلّها منك وورا لاتقـرب النـار اللظيـه
كنت احسب انك دليله تقطع الفرجه قطاوي= وعقب فعلتك الشنيعه غـرّدي يالراعبيـه
انت رجالن مفتح عين وقليبـك عمـاوي=شلت ذاك الخرج واثر الخرج به دابن وحيه


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ


هذة الابيات كانت موجهة للاخ منادي ورد عنه نيابتاً اخوي الهاوي

الشلاحي


يا سلام الله على الريس وانا ماني بريس= جيت اعبر عن شعوري ما نـدور للرياسه
يا منادي قبل تلبس بشتك الضافي تقيـس= وانتبه ما كل ريس حطله كرسـي وماسـه

الهاوي


بالنيابه عن منادي واقبل الهرج المسيّس=مرحبا في مرحبا والكل معروفن قياسـه
العرب تبحث عن اللي دايم رخيّص كويّس=والجبان يذل لو غطوه في درعه وطاسه

الشلاحي


علم الهاوي ليا منه بناء بيته يليس= العرب ما تمدحه لـن كـان مـا فوقـه لياسـه
المنادي يشتري ويبيع والهاوي يكيس= منهو اللي علم الهاوي على فن الكياسه

الهاوي


ياولد شلاح خل الهربده واصحـا تتيّـس=كان شفت الصامله ماهي بلعبات ووناسه
المنادي حظه المقرود جابك ثـم هيّـس=وانت تقلب فوقه الطاسه وهو غافل بناسه

الشلاحي


ما نجيب الهربده والهربده طبع الخسيس= ولد ابن شلاح يا لهاوي ما يمشي با الخساسه
المنادي في سعاده وانـت يـا لهـاوي تعيـس= انتبـه قـدام نقلبهـا علـى راسـك تعاسـه

الهاوي


ويش جابك عندنا ياصاحب التكس المطيّس=عقب مانته تطرد المعزا وحارسها حراسه
لاتصادم بالسباع القاطعه وانتـه بسيّـس=البسيّس لاقضبه السبع بالرجليـن داسـه

الشلاحي


البقاء من هاجسن فا الشعر دائم ما تخيس= ولد ابن شلاح يا بندر مدرسها دراسه
ودي انشد بندر المذكور عن عطسة مريس=عطسته تضربها الامثال ما فيها نجاسه



تـقـبـلـوا تـحـيــات
أخــوكـم :- الــبــتـــار

أمير الحب
08-12-2005, 07:38 PM
يسلمووو أخوي محاورات جميله

البتار
08-12-2005, 09:04 PM
العفو اخوي

ومشكور على المرور الطيب


تحياتي لك

عــ الهوى ــز
08-12-2005, 09:57 PM
يعطيك العافيه والله


وتسلم اخوي البتار على مساجلات وصح لسان الشلاحي



تحياتى لك

البتار
08-12-2005, 10:00 PM
الله يعافيك استاذي عزو

ومشكور على المشاركة والمرور الطيب

وصح بدنك نيابتاً عن استاذي الشلاحي

تحياتي لك ،،،

الشلاحي
08-12-2005, 10:06 PM
الف.. الف.. الف..

شكر لك

اخوي البتار

وجهود تشكر عليها

ولاهنت

أخوك:

الشلاحي

اخو فرجه
10-12-2005, 02:42 AM
صح لسان ابو عمر وصح لسان الشعار الباقين

ومجهود راائع بالفعل

اشكرك على ايراداها لنا

تحيه من القلب الى القلب

اخو فرجه

فيصل الدويش
10-12-2005, 02:43 AM
الله عليك البتار الحقيقه طربتنا

وصحت ابدانهم جميعن

فقط سجل اعجابي

وتقبل تحياتي

مفااااااااااارق

الهاوي
10-12-2005, 11:19 AM
الله يعطيك العافيع على ايراد المساجلات يالبتار
لاهنت

الراهي
10-12-2005, 03:37 PM
شكرا على الجهود المبذوله ولاهنت
يالبتار على النقل الرائع
تحياااااااتي

منادي
11-12-2005, 04:21 AM
مجهود راااااائع
اشكرك استاذي البتار الله يعطيك 1000 عافيه
محاورات رائعه لشاعرنا الرائع الشلاحي
وعمل تشكر عليه يااستاذي
دمت ودام لنا ابداعك والى الامام

و

تحية اعجاب لمن يستحق الاعجاب
منادي

عطر الليل
12-12-2005, 01:04 AM
صح لسان ابو عمر وصح لسان الشعار الباقين

وتسلم يمينك يالبتار على الجهود

وتقبل تحياتي

عطر الليل

عيناويه دلوعه 19
19-12-2005, 09:43 AM
تسلم اخوي على هالمسجااااات

ريـ العامري ــم
22-04-2006, 09:00 PM
صح بدنك ويسلم لسانك يا الغالي

الشيخـه
30-05-2006, 12:39 AM
صحت السنة الشعار ولاهنت اخوي البتار على النقل
تحياتي





الشيخه

ريـ العامري ــم
30-05-2006, 06:01 PM
يسلمو مليووووون يا الشلاحي
و تسلمون كلش يا الشعراء
الله دراكم
لا هنتو

روح الورد
31-05-2006, 11:50 AM
مشكورررر اخوي البتااااار على هذه المساجلاااات الرائعه
وصح لسااااان شاعرنا الشلاااااحي وكل الشعااااارالمحاورين له
تقبل خااااالص امنياتي
اختك حوووووريه

المايسترو
14-06-2006, 02:43 PM
مشكور حبيبي البتار على هالنقل المبدع اثابك الله حبيبي


تحياتي ،،،،،،،،،

السامر
06-07-2006, 01:37 AM
سلام خاص لمن سجل المساجلات
وصح لسان قايلهاt1t11

الجوهره
19-11-2006, 03:30 AM
محاورات رائعه
مشكور

العقيد
14-06-2007, 07:43 AM
شكرا جزيلا على هذا النقل
الجميل

محاورات رائعة وصح لسان جميع شعرائها

ولك مني جزيل الشكر والتقدير ،،،


اخوك
سواق تريله

كايدهم بقوة
01-07-2007, 06:19 AM
صح لسان الشلاحي

وشكرا لك اخوي البتار على نقلك

الرائع جدا

جبــــنة
23-07-2007, 04:02 PM
يعطيك العافية على هالمجهود الرائع اخوي البتار

شارد الذهن
31-07-2007, 03:44 PM
شكرا جزيلا على هذا النقل
الجميل

عاقل المره
04-08-2007, 09:44 AM
مشكوووور

شقران
19-08-2007, 02:23 AM
مشكور على هالملاعب الاكثر من رائعه وصح لسانهم ولا هانو جميع
ولا هنت يالبتار على هالمجهود الطيب

الطيـّر
07-10-2007, 08:04 AM
مشكورررر اخوي البتااااار على هذه المساجلاااات الرائعه
وصح لسااااان شاعرنا الشلاااااحي وكل الشعااااارالمحاورين له
تقبل خااااالص امنياتي

غــــزل
04-12-2007, 04:09 AM
تسلم يالبتار على هالمسجلات الروعه وبعطيك الف عافيه على جهدك

صح لسان الشـــــــــــلاحي ولا هانوا البقيه

تقبلوا مروري اختكم

غــــــــــــــــزل

سمو المجد
04-12-2007, 04:21 AM
مشكورررر اخوي البتااااار على هذه المساجلاااات الرائعه
وصح لسااااان شاعرنا الشلاااااحي وكل الشعااااارالمحاورين له
تقبل خااااالص امنياتي

مازن العوني
21-01-2008, 04:23 PM
ابو عمر سعدت بقصايدك

مازن العوني
21-01-2008, 04:27 PM
عدت اعجابا

فيصل الهدباني
11-02-2008, 02:00 AM
صح لسانك لاهنت ولا هان الذيب ياذيب
مع تحيات أخوكم: فيصل المطيري............,,,,,,,,,,,,

عاشق المرجله
21-02-2008, 07:45 AM
الشلاحي صح لسانك

مازن العوني
28-02-2008, 05:11 PM
سعدت بطرحك الجميل مااشاء الله الشلاحي