المساعد الشخصي الرقمي

مشاهدة النسخة كاملة : ديوان الشاعر :مضواح بن شتوي ( خولان بن عامر)


كرومي
12-06-2009, 09:20 PM
بسم الله الرحمن الرحيم
السلام عليكم ورحمة الله وبركاته
لمن اراد ان يعرف سيرة الشاعر ((مضواح بن شتوي))

******
والآن مع ديوانه
******
****
**
فتنة لميس

ياكثركم كثراه يامال النفود=ياهل القصايد والمدايح في لميس
رحتوا ضحايا للشفايف والخدود=اللي عليها من دقيق الفن كيس
القدس محتله تحت حكم اليهود=مستيسره في حكم طاغوت نجيس
وبغداد في حكم الثعالب والقرود=لا شعب لادوله ولا حتى رئييس
رسولنا سبّوه والعالم شهود=وتاريخنا يرفس به الطاغي رفيس
عدونا من خلفنا يبغي يسود=له خطة واهداف يضرسها ضريس
اسلامنا كل العداء ضده تكود=من اكبر الحاخام لين اصغر لويس
اطفالنا تقتل على يد الحقود=وابطالنا راحوا ضحايا خندريس
واسلاحنا ماغير نرجم بالحيود= واطلق شنب فينا معه بندق رويس
شح المطر لانو لابرق ورعود=والارض مثل النار تلهب في يبيس
وحنا نغني في لميس ام الجعود= والوضع عادي للجليس وللونيس
ياحيف ويش اللي حصل ياهل العهود؟=يا احفاد من يحمى ليا حمي الوطيس
اللي على الاسلام والسنه تذود=اللي تدوس الشرك واصنامه دويس
امجادكم في نقص واعداكم تزود=غرتكم الدنيا ويغريكم بليس
نسمع قصيد جعل يومه مايعود=والهرج له مقياس وين اللي يقيس؟
لصار مال الهرج في معناه فود=احسن تسد ااذنك ودور لك جليس
الهرش يبقى هرش والحاشي قعود=والحر يبقى حر ولا الهيس هيس
ياللي تناسيتو من الرب الودود=تعوذوا من نزغة ابليس الخسيس
وجيهكم من كثر ماتعصاه سود=واللي غفل عن طاعة المولى تعيس
توبوا عن الزلات واصحوا يارقود=وتمعّنوا في حالة الحال البئيس
المشكله صار العدم مثل الوجود=وانتوا هل التوحيد معدنكم نفيس
ياهل الشهامه ياعريبين الجدود=لاتندبون الوقت والحظ النحيس
اظن مايحتاج للسائل ردود=الرد والمعنى على جبهة لميس
مضواح بن شتوي=

كرومي
12-06-2009, 09:24 PM
الاقتصاد انهار
الاقتصاد انهار والوضع في العالم خطير=والعجب! شقراء.. مع الخيل يومي ذيلها
تقطع المضمار وإن قرّب الشوط الاخير= روحّت والخيل باقي لها باقي لها
مايصير اللي حصل يانشاما مايصير = نحتملها غصب ونحطها ونشيلها
بين راس الضلع وام القناء مبرك بعير=والمنايا كل يوم توّرد سيلها
والجمل ماعاد جاء له رغى ولاّهدير=والعرب تالي الليالي تدنّى حيلها
السنين اعجاف واحوالنا والوقت غير=مالت الدنيا علينا وزادت ميلها
كيّها متمكن من على الضلع القصير=والمهبّل من بكاها نبي نبكي لها
لعبةٍ يلعب بها بوش من مدة بلير=والمذله بعض الاحيان يطفح كيلها
ياسعد خل الفلك في مداره يستدير=دورة الايام تركض وراها خيلها
لاتشرّه وانت غالي ولك قدركبير=الصبر مطلوب والناس لاتشكي لها
الامل لازال موجود والدنيا بخير=والبلد محكومةٍ في ذرى حلحيلها
انتظر لاعل ولا عسى بشرى بشير=الدهر يومين والقوم يكثر قيلها
احتفظ بالسر والسر خله وسط بير=من حفظ تدوينها يكشفه تسجيلها
الضماء والجوع والموت الاحمر والهجير =والفقارى لوّ شكت ماحدن ياوي لها
مالها الا اللي بخلقه وفي شؤنه خبير=ثم ملكنا اللي هموم العرب يركي لها
المليك اللي على الشعب نورٍ مستنير=كلمة التوحيد بين الدول يدعي لها
حاكم بالعدل والشرع والسيف الشطير=لوّ سمع شكوى من اصغر طفل يصغي لها
القضيه مالها غيرابو متعب نصير=حلّها بيديه واهل الوفاء يوفي لها
عاش ماقصّر وسهّل لنا ماهو عسير=مابقى الا ثلةٍ واضح تمثيلها
انكشف تمثيلها للكبير وللصغير=لين صارت قصةٍ ما انعرّف تاويلها
ودي اعلمّك بالعلمٍ لوّ انه مرير=الكوارث والمصايب معي تحليلها
لو معا راعي الغنم شور جيته واستشير=والقلوب اللي تغش العرب ياويلها
الرباء بوابة الفقر والذنب الكثير=والجهل راس المصيبه وُظلمة ليلها
والتقدم والحضارة وديباج الحرير=مالنا منها سواء بالعيون نخيلها
وضعنا حساس واكرم رجل فينا فقير=والمسافه كل يومٍ يقّرب ميلها
المكر والغدر والغش والكذب الوفير=مخمخت في الروس حتى طفاء قنديلها
والله ان الكُبر والموت ما منه مطير= والسنه وايامها جمعّت تحصيلها
ودي اضرب لي مثل قبل ما احّث المسير=نعمة الله من جحدها لقاء تبديلها
فيل صنعاء وابرهه ويش لقيوا من مصير=واهل صنعاء ضامنه نصرها من فيلها
والنصر من عند منهو على ذلك قدير=مرسل ان الطير ترمي حجر سجيلها
والحقيقه كل طير على نهجه يطير=والعقول الفاهمه فكرها يصفي لها
المعاني بين بحر القوافي والغدير=سجلوها واسمحوا لي على تعديلها
مادرى عنها الفرزدق ولايدري جرير=دلةٍ شقراء من الكيف زادوا هيلها
السوالف ما حصل من خبرها الا اليسير=موجز النشره حصل واتركوا تفصيلها
ودي انهييها ببيتين معناها مثير= ربُما تبقى مثل للسنين وجيلها
التهاون بالمهّمات فيروس الضمير=والبذخ يفسد بيوت الغنى ويزيلها
لوّ تلالي كوكب الشرق في سودة عسير = كان ماِدفعت ملاين في منديلها
مضواح بن شتوي=

كرومي
12-06-2009, 09:26 PM
قصيدة ابتكرها الشاعر نفسه بكل شطر يبدا بحرف من الحروف الهجائية

العيد قرّب واغلب الناس طفران=بينه وبين افراح عيده مناعه
توه مسدد قبل يومين ديان=ثمّن عليه البنك بيته وباعه
جاه الفقر والدين باشكال والوان=حتى مقامه ضاع عند الجماعه
خلوه بين الهم والغم حيران=دارت به الايام واعلن دفاعه
ذابت عروق القلب من كثر الاحزان=رايه لوّانه زين مامن قناعه
زاد الحمل والحظ مازان مازان= ستين حمل ولا معاه استطاعه
شاف القهر والجيب قد كان مليان=صكات بقعاء ماتعرف الشفاعه
ضده زمانه بعد ياكان ماكان=طيبه وصيته زارعنّها زراعه
ظنه وعلمه مثل نور القمر بان=عنده مزايا في الكرم والشجاعه
غلاه ماينقص وله مركز وشان=في مجلسه في منطقه في متاعه
قلته وانا اللي شايف فلان وفلان=كم من كريم لاعه الوقت لاعه
لو ضحكوا العربان في العيد زعلان=من ظرفه القاسي تغيّر اطباعه
ناس تعيّد في فرنسا ولبنان=هاذي ضروف الوقت ساعه وساعه
وناس تعيد في مجاعة وحقران=يالله لاتسقي زمان المجاعه
مضواح بن شتوي=

سـعـود
12-06-2009, 09:26 PM
شـكــ وبارك الله فيك ـــرا لك ... لك مني أجمل تحية .

كرومي
12-06-2009, 09:29 PM
الحلم الواقع
البدايه بأسم علام السريره=ياكريم عمنا فضله وخيره
ربنا اللي مالنا معبود غيره=الكريم المنتقم رب البريه
باسمه ابداء وابتدي واهيض قافي=البيوت اللي معانيها نظافي
انتقيها مثل لول البحر صافي=خايف لا واحدٍ يشرهه عليه
من بنات الفكر زينات الثنايا=كلما ناديتهن يعطن تحايا
كنهن يوم اقبلن مثل السرايا=السريه بعدها تتبع سريه
القصيد ان كان ماجاءله معاني=ماتعب فكري ولاينطق لساني
اجتهد واحرص على كسب السماني=فرق مابين السمينه والرديه
شاعر من ورث ابوي ورث جدي=اللبس ثيابي على قيسي وقدي
اعشق الجزلات واحب التحدي=مغرم في حب( لليلى العامريه)
الشعر ماهو بقاف يوزنونه=الشعر مثل البحر عمقه ولونه
والبحر ماكل ناس يسبحونه=والشعور إحساس شعرٍ داخليه
اسمعوا ياللي تحبون القصايد=ياوسيعين المعرفه والبنايد
يامفسرة الحلوم العلم كايد=فسروا حلم الليالي النرجسيه
المهم..البارحه في حلو نومي=في سبات النوم مادري في علومي
طيف ليل بين طيات الحلومي=حلم مادري علم مادري جاذبيه
شفت عذراء في منامي قابلتني=جيت اكلمها وهي ما كلمتني
بعد ساعه بالحقيقه علمتني=واللتّفت وباحت اسرار البنيه
قلت قبل اسمع كلامك ياجميله=ودي ادري بالحقايق والفصيله
انتي من آيت عرب وايت قبيله=قالت انا في الحقيقه يعربيه
ايه انا اللي طال صبري طال صبري=صابره والصبر وداني لقبري
اجبرتني صكة الايام جبري=بين هم وبين غم وبين اذيه
صابره للقهر لي ستين عامي = ماتهنيت الشراب ولا طعامي
وإن بغيت النوم مايحلا منامي= في الليالي التاليه والاوليه
ياوجودي ياوجودي ياوجودي=من قهر ظلم النصارى واليهودي
القنابل كنّها صوت الرعوي = والدماء سالت ولا خلت ضميه
قلت هاتي العلم هات العلم هاتي =مرحبا والله يازين البناتي
دوبني شفت المزايا والصفاتي=ياغزال الريم .يا الحره. الابيه
إرحبي ثم إرحبي مليون مره=مرحبا ياللي تحت سقف المظره
مابقى لك في الصبر مثقال ذره=إرحبي ثم إرحبي من طيب نيه
إرحبي ثم ارحبي يانور عيني=سامحيني سامحيني سامحيني
سمّعيني سمعّيني سمّعيني = ترجميها بالحروف الابجديه
قالت إسمعني ودقق في كلامي=ودي اكتب لك هنا بعض الاسامي
إعطهم مني تحيه والسلامي=كل واحد سلمه مني تحيه
بلغ اصحاب االفخامه والجلاله=بلغ اصحاب السمو واهل العداله
بلغ اللي مايهمه غيرحاله=بلغ اللي عارف وش صار فيه
علم اصحاب المناصب من عربنا=علم شعوب العرب شيبان وابنا
علم اللي نسي عنا ما حسبنا=قل لهُم وين العروبه والحميه
قل لهم مليار مسلم ماحموني=لا احتموا فيني ولا . راحوا . وجوني
ليتهم يوم النسب ماناسبوني=يوم عز الآدمي والأدميه
خيلّو ا فيني وخلوني لحالي=لا قريب ولا صديق ولا موالي
في مجابهة التحدي والليالي=عايشه في ظلم وانواع الزريه
صابهم مثل الردى مدري مذله=الرخامه خيّمت بالوضع كله
صاير في اللي حصل فجوه وخله=واستباحتني الحروب العالميه
من بني صهيون عانيت المهونه=كل مايطرى عليهم يفعلونه
والعرب جاهم من الموقف سخونه=خوف مادري ذل مدري جاهليه
الله اكبر وينكم خمسين دوله=ماحدن منكم برز واعلن فعوله
وين وقفات النشاما والرجوله=الرجال اللي مواقفهم نديه
وين ساروا وين شدّوا وا وين راحوا=ليتهم يوم المهمات استراحوا
استلذوا واستمدوا واستباحوا=اواستبادوا حرمة النفس الرضيه
شجب واستنكار هذا اللي نشوفه=ماحدن منهم ظهر واعلن وقوفه
الزمن ماقدّروا حتى ظروفه=الضماير ميته والنار حيه
همهم ركب الكدالك والكراسي=والمقام اللي يسمونه رياسي
والشعوب مقيّده والوقت قاسي=راعيّ. ماخاف من ذنب الرعيه
نصف قرن فوق عشر سنين راحت=واليهود الغاصبه فيّ استباحت
نارهم فيني مع الاعوام فاحت=والغدر والظلم وانواع الاذيه
العداء تسرق وتنهب وإتّئمّر=تقتل الاطفال وبيوت تدّمر
كم وكم مستوطنه فيني تعمر=والدماء مثل المزون العقربيه
اليهود اهل الخيانه والسذاجه=والجهاله والنذاله والهماجه
واهل ذله لو حصل يوم المواجه=واهل حقد فيه غدر وعنجهيه
كيف اوقّف ضدهم وانا لحالي=لاعتاد ولا حلال ولاعيالي
إغتصاب وفوضويه واعتقالي=واستباحتني الجيوش البربريه
عذبوني واعدموني واحرقوني=بالسلاسل كبلوني قيدوني
لين صار االدمع . دم . في عيوني=والمجازر في الصباح وفي العشيه
الارامل .والثكالا .واليتاما=والشيوخ.اللي يحبون السلاما
تنتظر وقفة رياجيل نشاما=والنشاما مالهم حسٍ وهيّه
اه انا من ماجرى ياهول هولي=يوم انادي ماحدن عندي وحولي
بعد ماراحوا هل الفعل البطولي=مالقيت اللي اعتزي به في البقيه
ااااه لو يدري صلاح الدين عنكم=لودرى عنكم بسيفه مارحمكم
كل ابوكم لا عجمكم لاّعربكم= ذا جزاكم يوم ضيعتُ الوصيه
اذكرو (حطين )واللي محتميها=وذكروا وقعة صلاح الدين فيها
(ياطبريه) ذكّريهم واذكريها=والعّبيها في هدفهم لولبيه
(يابجيله) ذكريهم بالبطوله=وابن ابي الوقاص تشهد له فعوله
من بطوله في بطوله في بطوله=انهزم رستم وجيش الفارسيه
كم وياكم من بطولات كثيره=والجيوش اللي على الطاغي مغيره
حققوا نصراً على طول المسيره=عزة الاسلام من عزة وليّه
وينكم ياللي تحبون الشهادة=فرصة ما مثلها ياهل العبادة
والله انها العز وانواع السعاده=نصرة المظلوم تدفع كل سيه
والله ان جدانكم كانوا دواهي=مايعرفون المراقص والملاهي
ماتربوا في الشوارع والمقاهي=مجدهم تاريخ وعزوم قويه
انظروا ماذا حصل مدفع وغاره=اليهودي يم غزه شب ناره
والدماء في كل بيت وكل حاره=تقتل الارواح وطفالٍ بريه
ينقلون اللي حصل صوتن وصوره=عارفين مابقى فيكم معوره
واللتهيتوا في نقل دوره وكوره=والمزاين واللحون السامريه
والمسلسل والآكاديمي وغيره=والمسارح والدعايات الحقيره
وانشغلتوا بالحكايات المثيره=في لميس وفي برا مج شاعريه
بعضكم .ولا بعضكم فيه. همه=ادري ان وده يفاديني بدمه
واعرف اني شغله الشاغل وهمه=بس ماله في زمانه مقدريه
والدليل اللي حصل والكل خايف=فوق راسي بالمدافع والقذايف
صوبتني والعرب والكل شايف=ماورد حيٍٍ على حوض المنيه
والدليل انكم .ترازمتم . كذيّا= إن ما فيكم .ندا . ولا حميّا
جعلكم زاد الحوائم والحديّا=مانبي منكم عطاء ولاهديه
الهدايا والعطاء قدح الفتيله=والمجابه بالقصيره والطويله
بالقنابل والصواريخ الثقيله=والتحدي في خشوم المدفعيه
والله انها ياعرب عيبٍ وعيره=يوم ما اقدرتوا تفكون الاسيره
كن مافيكم على الاسلام غيره=والوفاء من عادت الناس الوفيه
في مخططهم نواياهم لعينه=يم مصر ويم لبنان الحزينه
وبعدها يبغون مكه والمدينه=عذرهم خيبر ويثرب في الدعيه
ويم سوريّا والاردن واهل دجله=والعراق اللي له الهّمات عجله
في نواياهم ردى وعيون حجله=في الخليج الّهُم نوايا باطنيه
اااه يا فيصل لوّ انه طال عمره=ما انجنا من نخلنا للغرب تمره
كان كلن يحسب الف حساب لامره=ارهف امن السيف واثقل من طميه
قال له كلمه وكلن قد فطنها=هزة العالم وخاف الغرب منها
لوبقى فيصل سنين من زمنها=صار نصر مثل نصر القادسيه
والامل لازال بعد ه في خوانه=هقوتي فيصل وابو متعب مكانه
الامانه مالها الا هل الامانه=والفرج بيد الولي منشي الرفيه
قمت اقاطعها ولو ماهو بودي=قلت هدي العلم والموضوع هدي
االقضيه بالتعنصر والتحدي=وانتي اخبر بالقضيه ياذكيه
ابشري يابنت باللي تطلبينه=اسمحي لي في جوابٍ تسمعينه
والله انا منك عشنا في غبينه=والغبينه سببت موته بطيه
صايرٍ يابنت في الدعوى تخالف=النصارى واليهود اكبر تحالف
كونوا قوه وعهد كان تالف=واصبحوا اكبر مثل في العنصريه
من وعد بلفور مخراج االظليمه=استهانو به وهو مسرح جريمه
لين صرتي بين خلق الله يتيمه=والتهاون زوّد الكيه بكيّه
استغلونا بعد ضعف الخلافه=ما اجتهدنا نحسب ان الوضع تافه
ماحسبنا للعواقب وللمسافه=والنفوس الخاينه ماهي نقيه
في السنين التاليه بوش ابتلانا=له ثمان سنين يغزل في لحانا
قََتل الاطفال واستحيا نسانا=عيّد بصدام في عيد الضحيه
انكشف سرٍ يكنه في ضميره=الهدف لسلامنا ينهي مصيره
والمصالح في الخليج وفي الجزيره=من رداه شعوبنا في مأسويه
اكبر ارهابي على وجه البسيطه=بالدماء غير وعدل في الخريطه
ياكثر حقده على الشرق ومحيطه=مالنا عنده وربعه قابليه
بوش الابن وبوش الاكبر والنصارى=خططو تخطيط وافكار تبارى
والهدف نصبح مساكين وفقارا=حقدهم مدفون وانفسهم رديه
خططو غزو الكويت إمن العراقي=ابرمواخطة وفكره واتفاقي
واقبلوا بجيوشهم لاجل النفاقي=لين فاوزا في نجاح المسرحيه
حن على نياتنا رحنا وجينا=مادرينا بالعواقب مادرينا
واصبحوا في كل دار وكل مينا=والقواعد في النجف والناصريه
الشعوب إمن القهر يابنت ماتوا=مالهم حيله ولوّ ناموا وباتوا
القيادات السبب راحوا وفاتوا=واغدّرت فيهم قيادات اجنبيه
ياوطنا ياعربنا ياوطنا=البلاء واللي حصل فينا ومنا
ضعفنا في ديننا حطم امنّا=والخوافي ماش والنيه مطيه
واختلاف الراي فينا صار عاده=والتمسك في الرياسه والقياده
والهواء لاهب مارحم الجراده=والعذر يابنت غلطه مطبعيه
اعذرينا يافلسطين الحبيبه=ان تكلمنا وعاندنا مصيبه
وان صبرنا لحقنا قهر وغليبه=ما لنا الا الله علام الخفيه
سامحينا سامحينا سامحينا=والله انحن في مواجيبك نسينا
والله انحن يالحبيبه مارضينا=ابشري بالخير والدنيا مديه
لوّ تكاتفنا عل الحق انتصرنا=في سنام المجد رحنا واشتهرنا
وان تجمّعنا على الموعد حضرنا=واتحدنا بالقلوب وبالهويه
والله انا اهل المروه والشجاعه=لوّ تجمعنا على العليا جماعه
كان قال المعتدي سمع وطاعه=لوّ تكاتفنا بحزم ومعنويه
اسمعي يابنت لوّ هي بالتماني=كانت شعوب العرب قاصي وداني
واردين المعركه والعمر فاني=يشربون الموت شرب الشاذليه
للجهاد وللشهاده والمجابه=يفرحون اليا فتح يابنت بابه
طبعهم من مدة ايام الصحابه=في الخنادق قبل صنع البندقيه
ابشري بالنصر من رب العبادي=بعد مانقبل على صوت الجهادي
ان كتبه الله ونادى له منادي=سجل التاريخ نصرللقضيه
قاطعتني في كلامي واحرجتني=طبطبت بكفوفها من فو ق متني
وادعتني ليتها ما وادعتني=فٍقت من نومي وانا عيني شقيه
ارهقتني في منامي من حكاها=ليتها مابينت لي عن خفاها
دمع عيني من سببها هل ماها=ذوقتني من قهرها سم حيه
قمت اصلي واطلب الله في صلاتي=اطلبه وارجيه توحيد الشتاتي
واطلبه نصر الليالي المقبلاتي=وان يوحدنا ويجمعنا سويه
وان يعز اسلامنا ويديم عزه=وان يحقق نصرنا في كل حزه
وان يكون النصر معكم ياهل غزه=يامقابيس الوغي في كل هيه
انتم اللي تستحقون الاشاده=وانتم اللي تستحقون الشهاده
وانتم اللي تستحقون القياده=مرهقين اكبر قواعد عسكريه
انتم اللي تستحقون المدايح=من هو اللي غيركم جاب الفلايح
صامدين للعداء والدم سايح=في سبيل الله وفي نصرة نبيه
في الحقيقه ماشكيت الا على الله=والشكاوي عند غير الله مذله
سامحوني كان في الطاروق زله=المعذره وان حصل مني خطيه
والنهايه الف صلى الله وسلم=عالنبي اللي لنا ربّا وعلم
خير من للحق والدعوة تكلم=النبي الهاشمي خير البريه
مضواح بن شتوي الحبابي القحطاني=

كرومي
12-06-2009, 09:32 PM
بنت رجّال
] اما تزوّج جادلٍ بنت رجّال =دهماً.. تحط عطاس راسك براسك
لصار راسك ممتلي طيش وإهبال=ترجع وراسك فاضي من إعطاسك
ولا اترك الدوّّّاج ودروب الانذال=والله ماترفع مقامك وباسك
عيب عليك إن كان لك بيت وعيال=تلبس ثياب ماتناسب مقاسك
يلحقك ذنب وعيب في كل الاحوال=وإبليس يلقى فرصته يوم حاسك
ويزين فيك الهرج والقيل والقال=حتى هلك واللي يحبك وناسك
يلحقك منهم هرج لايم و عذال=وحتى الامور الصح تمشي عكاسك
وإعرف ترى للناس قيمه ومنزال=وتلبس لباس مثل لبسك لباسك
وعندك مثل ماعندهم زول وازوال=واعراضهم ماتنحّسب في قياسك
إذكر مثل في سابق الوقت ويش قال=إتذكّرك به حاسةٍ من حواسك
واليا ذكرته يمكن اتغيّر الحال=وإتعاف كاسٍ تشربه غير كاسك
وإن زال ناقوس الخطر والغلط زال=عرفت منهاجك وطيبك وساسك
اما طلع لك صيت واعلوم وافعال=ولا قطعت عروق عزك بفاسك
من لادرى عن دين ربه ولا سال=لوّ مال وقته ماهقيت إيتماسك
ومن لا عرف عن قيمة الجاه والمال=مثل الذي في الحج جهل المناسك
عليك باللي بيده آمال وآجال=خلك بعروة دين الاسلام ماسك
وتصير طيب حظ وامجددّ امال=وان طابت امالك تجدّد حماسك
لاينقطع ياسك وبادر بالاعمال=خل الرجاء مابين حلمك وياسك
حاول تغانم فرصة العمر لوّ طال=عسى تصلّح غلطتك وإنتكاسك
الموت له ميعاد و العمر رحال=وإن مارفعت الراس وطيت راسك
مضواح بن شتوي=

كرومي
12-06-2009, 09:59 PM
إهطيل وإنطيل
قالوا نبي منك قصيدة جديده=شاعر ولد شاعر ومن بيت شعار
عطنا البيوت الفاتنات الفريده=اختار ولاّ ودّنا منك نختار
قلت القصيد اليوم كل له اييده=نصف الشعب صاروا من الشعر تجار
كلن تفنن في تنّوع رصيده=بين الريال وبين درهم ودينار
كم واحد يبغى يسوي وليده=اهم شيٍٍ ٍ يلفت قلوب وانظار
واكبر طموحه صورته في الجريده=ولا ظهوره في قنوات الا شعار
وليا حصل زرقه وفرصه سعيده=يمكن يشارك في اكاديمي استار
رخص الشعر ما بين عبده وسيده=ماعاد له حشمه وقيمه ومقدار
اتناهشوا لحمه وجزوا وريده=ماكنّه الا هبرةٍ عند جزار
حتى شواعير الغنا والنشيده=قالوا لهم شعار جزلين وكبار
وصاروا شريحه في البلد مستفيده=اخذوا حكاية قصة الهر والفار
هاذي الحقيقه والعلوم الاكيده=من زعل منها يلتفت لا اقرب اجدار
خلاص. ولاّ . كِل ما اقلت اعيده؟=بعض المجامل يدخل العبد في ا لنار
المعذره ما عاد عندي قصيده=من يوم صار اهطيل وانطيل شعار
مضواح بن شتوي=

خالد ابو اثنين
12-06-2009, 10:17 PM
صح لسان الشاعر مضواح بن شتوي
لاهنت اخوي كرومي

كرومي
12-06-2009, 10:17 PM
العشق ماهو كذا
البارحة ساهرٍ عيـت عيونـي تنـام=اسبابها اللي خذا رورحـي وقفابهـا
كني سجين بعدها عايش فـي ظـلام=في حجرةٍ مظلمـة ماينفتـح بابهـا
يازين صدك وهجرانك لمثلـي حـرام=الله ولا عشرةٍ ماضحـك لـي نابهـا
العشق ماهو كذا العشق ود وغـرام=اما لهـا ياللطيـف الـروح ولابهـا
اخاف يلحقك من خولان هرج ومـلام=هرجة قفا ماتسراللـي تحاكـا بهـا
اما تزيد الرضى ولا نزيـد الخصـام=ما ارضى عليك الخطية وانت ترضابها
وان صار فيها زعل يصير فيه انقسام=وليا انقسمنا عدانـا تفتـل اشنابهـا
العام يوم الزعل بين المحبيـن قـام=وقامت صقور الهداد تحـد مخلابهـا
حطيت يدّي بيدك ياحسيـن الوشـام=محبةٍ اهل الوفاء مابـاروا اصحابهـا
تأمر وانفذ الاوامر في جميع المهـام=واقول لبيه اربـك تحسـب احسابهـا
واليوم اشوفك نسيت الود والاهتمـام=ماهي بها ياحبيب الروح ويش جابها
ان كان هذا الغلاء والود والاحتـرام=عفـت المحبـة وخليتـك تهنابـهـا
تجهل نظامي وانا علي يمشي النظـام=واللي ذبحني حِـلاك اللـي تحلابهـا
البلبل اللي يغرد يـوم نـاح الحمـام=غنابها بس مـادري كيـف غنابهـا
خل الحيّل والتغطرس ياعزيز المقـام=بعض التماني وهّـم للـي تمنابهـا
هذا مثل يذكرونه قبل تسعيـن عـام=اللـي تغـدى بكذبـه ماتعشابـهـا
مضواح بن شتوي=

كرومي
12-06-2009, 10:38 PM
جامعي يدورله وظيفه

لي ثمان سنين ادّور لي مع العالم وظيفه=والغريب اني مخضرم والشهاده جامعيه
والبلد مليان مثلي يمكن انهم بالنصيفه=والبطاله كونت في مجتمعنا عنصريه
زعل ابوي وزعلت امي واصبحت حاله مخيفه=مالهم غيري وانا ودي بخدمة والديه
يرتجون الفايده والفايده صارت كليفه=والفقر دكا على المركى ودن السمسميه
ان بغيت النوم عفته وان بغيت الزاد اعيفه=حالتي يرثالها والاقرباء شرهوا عليه
صارت قلوب البشر قشرا بعد كانت لطيفه=يوم ماعندي وظيفه مابقالي قابليه
والوظايف سكروا بيبانها كلن وكيفه=والتجارة روّحت بيد العماله الاجنبيه
سجلوني لو على بند الاجورات الضعيفه=من خذيت الجامعه ما طب قرشٍ في يديه
باشتري لابوي غتره واشتري لامي قطيفه=كم تمنيت اشتري لابوي ولاّ امي.. هديه
وعاد قدامي زواج ومستحقاتٍ خفيفه=ياهني اللي توظف في الحكومه واهنيه
اكتبوني حارس كلن تشّبث في رغيفه=بعد ماكنت احلم اني في قطاع العسكريه
البطل صار الضحيه بين بارع والعسيفه=الله اكبر يازمان صاروا ابطاله ضحيه
ليت وادي فاطمه سيله مثل وادي حنيفه=كان نبت العشب بين الكوع وشداد المطيه
المشاكل حلها عند الرياجيل الشريفه=مالها الا سيدي نايف وزير الداخليه
مضواح بن شتوي=

كرومي
12-06-2009, 10:42 PM
بلتوث العيد
اقبل وشهر الصوم والمغفرة فـات=عسـاه عيـد المجـد والانتصـارا
العيد قرّب مابقـي غيـر ساعـات=ودي اعايدكـم كبـار وصـغـارا
قبل الزحام ومشكلـة الاتصـالات=للي هبت شعب الجزيـره طفـارا
تحسب علينـا بالهلـل والريـالات=حتـى غدينـا كـل ابونـا فقـارا
ناكل بعضنا ماكل الذئـب للشـات=والحـل لله ثـم طـوال العـمـارا
اللي لهم في قمة المجـد وقفـات=حكام نجد اهل الوفاء في الجـوارا
تكفى يابو متعب زبـون المهمـات=ضاعو شباب المملكـة والعـذارا
صارورضحيـة للبلتـوث بالـذات=خطـة يهـود نفذتهـا النـصـارا
يا درع نا ياذخرنا عنـد الازمـات=ياخـادم البيتيـن ستـر الـديـارا
الغرب يصنع كل يـوم صناعـات=وحنا على بعض العلـوم إنتبـارا
حييين لكّناعلـى حسبـة امـوات=نقضي لليالي العـام كلـه سهـارا
هـذا اذا مافيـه روحـه وجيـات=امـا كــذا ولا كـذيـا حـيـارا
اللي على الترقيم واللي على الشات=واللي على جسر المحبـه سكـارا
مـع احترامـي للبنـي العفيفـات=للي لهـن فـي مجتمعنـا وقـارا
ولا الشباب مطبقة شـرح الايـات=اللي على سنـة محمـد غيـارا
مضواح بن شتوي=

كرومي
12-06-2009, 10:46 PM
العقل نعمة
ياهيه ياللي تحسب الوضع ساده=العقل نعمه والتكّبر زريه
والدين رحمة والعباده سعاده=والفضل لله والتغطرس خطيه
اسمع كلامي حسب نص الا فاده=وانت اعتبرها من صحيبك وصيه
الرزق قسمت ربنا في عباده=كلن عطاه الله قسمه عطيه
كلن حسب ما الله كتب له واراده=وانا رضيت بما تحوشه يديه
العبد لوّ رزقه يجي بإجتهاده=كانت بنوك الشرق والغرب ليّه
ومن غير ذالك كان عندي زياده=عماير اهل ادبي والفيصليه
وعندي وعندي في التجاره عماده=ومؤسسات كلها عالميه
وعندي على تجار لندن سياده=وتُجّار اهل باريس والبندقيه
وحطيت برج المملكة لي عياده=وسويت لي مضياف في العاذريه
وسويت لي شرهه وسويت عاده=وسويت مضمار الفرس والمطيه
والمستحق اعطيه وادفع سداده=اما عطا محتاج ولا هديه
كلن حسب ظنه وحسب اعتقاده=وانا على ظني شرحت القضيه
وليّت يا هذا الزمان ونكاده=كم من حلي قام يشذب حليّه
الادمي ينّحب حسب اقتصاده=اما . هنى . ولا حياةٍ شقيه
العبد لو حصل هواه ومراده=مكن يموت وعلته داخليه
العمر يفنا والليالي مزاده=شبنا ودنيانا كماها صبيه
لولا التفنن في الذكاء والبلاده=ماصارت عقول الثعالب ذكيه
واللي غباه اصبح مغطي فواده=يبقى مكانه ضمن قوم غبيه
اللي يدمر مجتمعه وبلاده=اكيد ماله عندنا قابليه
انا عرفت مزوّرين الشهاده=اللي تبث السم في الشاذليه
هبي عليهم ياسفوف الرماده=هبت عصير هب تالي عشيه
مالي وراهم صبح لليل وسواده=ذمتك ياخولان منهم بريه
ابعد عن اهل الشك واهل القراده=في يوم من الايام مالك هويه
البعد عنهم والتوّحد عباده=يكفيني اهل المعرفه والحميه
ربعن لهم بالطيب والجود عاده=لى سلوم اجدادهم الاوليه
الدين فيهم والولاء للقياده=على كتاب الله وسنة نبيه
اللي يشاركني شرابه وزاده=واللي يدافع في غيابي عليه
دايم على الله منهجه واعتماده=هذا خويي واعتبرني خويه
عسى النسيم اللي يذعذع براده=عسى عبيره طم نجد العذيه
مضواح بن شتوي=

كرومي
12-06-2009, 10:50 PM
حاضر ولبية
لصار مالك من رفيــــــــــقك مودّه= خله ولا تتعب على شان ترضيه
اللـــي معــك ســـاعه وينساك مــدّه= وزيارته لــك يوم تفضى مخابيه
ماجاب لــه بين النشــاما مســــدّه= اللــه ولا رفقة رفيـــق المشاريه
هــذا الــذي مافـــيه لطـــيب نــــــدّه= خله يدّور له حلــيٍ يخــاويه
دور رفيق في اللـــــــــــــوازم تعدّه= يفرح بشوفك وانت تفرح وتغليه
اللي علــــوم الطيب ورث لجــــــدّه = ماجات. بدعه غيــر من ترثة ابيه
اللي يــوّدك وانت مثلــــه تـــــوّده= ومن غير هــذا كــل فرضٍ يصليه
لجــاء لزوم بين الاجـــــــواد ســدّه= تطرب لفــزعاته وتطرب لطاريه
هذا على ما تملك النفــــــــس بــــدّه= ولا هو بلاقي غــير حاضر ولبيـه
ولا الردي ماله من العيب صــــــــدّه= حتى التشّّره لاحــقٍٍ في عــوانــيه
اللي لبس له ثوب ماهـــــــــو بقــدّه= اما قصــر ولاّ عثــّر بين رجليـــه
مضواح بن شتوي=

كرومي
12-06-2009, 10:54 PM
ياشاعر المليوووون
ياهاجسي سريت بي فوق الذلول =اللي خطاويها تهد عقالها
في ساعةٍ عيا خطرها لايزول = عجايب الدنيا بها واهوالها
لليلٍ هوايلها وظلماها تهول = غابت ثريّاها وغااااب هلالها
فجت فيافي الارض ضلعان وسهول= ماهمها سهل الخلاء واجبالها
قامت تمايل بي وانا قلبي ميول = لاغنت الورقى طرب غنى لها
تومي هبايب نجد به في كل حول= في حالةٍ قولوا معي يرثالها
وده يقول ولايقول اللي يقول = عن حاجةٍ ما وده انه قالها
تدري بها العراف وكبار العقول = اللي تعرف اقصارها وطوالها
واللي تفكر بالخروج امن الدخول = قومٍ تميز دقها وجلالها
انا اعتبرها في نظر عيني فحول = قرومٍ قومٍ وافي مكيالها
مرّت بها سود الليالي والفصول = مما تشوف النوم مايهنى لها
ياشاعر المليوون قول ولاتطول= في روضةٍ خضراء وفيّت شالها
خل البيوت عيونها روقٍ وحول= واحسب لشيلتها مع موالها
والصوت خله في المسامع له ذهول =والفرصة اللي جاااات لاتغتالها
خلك على حسب الطلب حسب المثول =اما لهم ولاّ لكم ولاّ لها
وابشر بتصويته على حسب الميول = عبر القناة اللي تبث ارسالها
صارت مثل الاسهم طلوع في نزول = واهدافها دينارها وريالهأ
ظهر الجمل قامت تزايمه الحمول = مرٍ يزايمها و مرٍ شالها
ما تلحق الشرهه رديين الفعول =شرهة قوافلها عل جمّالهاا
ياطيرابن برماان صول ولا تجول = صيدتك لاتتعب ولا تشقى لها
حب المضاهروالغواني والطبول = اصبح غنيمه عند من يعنى لها
اصبح لهم عشقٍ امحلى ومعسّول =احب من حب المره لعيالها
الذيب يقنب والجحارة للثعوول = ثعالبٍ قامت تهز اذيالها
ياهاجسي معناك حاول لا يطول= لاتبتلش بالوانها واشكالها
حاول تجيب من البحر ماسٍ ولول = هات الجواهر والدرر وامثالها
لجيت مابين النشاما والزحول= اهل الفعول اللي تعد افعالها
اقولها واعدها حسب الاصول = عسى تجملني مع عقالها
يالله عسى ياتي لها عندك قبول = اخير من حب الشيوخ ومالها
مضواح بن شتوي=

كرومي
12-06-2009, 10:58 PM
معرض الرياض للكتاب
وزير الاعـلام ردوا له وقـــولــــوا له = وزارة اعـــلامــــنا ياكــبر غلـــــــطتها
تـــكفون تكـــفون قولوا له وردولــــه = اكبر خـــــطيه رضاهـــم عن خطيتــــها
وقولوا لناس معه في منصبه حولــه = اهل الامـــانات تُسأل عن امانتهــــــــــا
قولوا لــــــــناسٍ عن الاسلام مسئوله = ما نسمـــــع الا بطاريها وسمعتهــــــا
اللي حصل في بلد الاسلام يــاهــولــه = غلطه كبيره ولا ادري كيف رضــــيتها
جريمة العصر منها غير مقبـــولـــــه =في منـــــهج الشرع والدوله وسلطتهـــا
في حق الاسلام مقصوده و معمـــولـه =واهدافها واضحه من نهــج نيتـــــــــها
الحــاصل اللي حصل ياجور محصوله= والمشكلـــه في المشايخ كيف طــاعتها
الجنس والزندقـه والكفـر ويش هوله = في مـعرض اكتابهم جابــــــوا روايتها
واكبر مصيبه كتب الالحاد وذيولــه = ماحدٍ درى كيف لمتهـــا وجــابتــــهــــا
ياعنك خطــة ردى بالعــــمد مفعولـــه = من قوم تـــبرم ورى الاسلام خطتهــــا
اهدافهـــــــا بالخزي ولعــار مــحموله = وشبــاب الاسلام والسنة ضحيتهــــــــا
هاذي مصيبه على الاسلام واصــوله = الله يســــتر ويلــــطف من نــــهايتهــــا
في ارض هذا الوطن ماهي بمعقوله! = اهل الكــــفر كتبــــها ننشر دعايتــــها؟
اللي تسب النبي بالكــذب وّطولــــــــه! =وتسب الاســـلام هل نرغب مودتهــــا؟
اكـــيد هاذي نوايــــا ناس مغــــــلوله = ناسن عسى الله يكشف سـر غايتـــــــها
افكــارها بالردى والهــدم مشغولـــــه = ماهمها الآّ خراب االديــــــــن واٌمــــتها
حتى المره والمـــره دره ومجــــموله = يبغون نزع الحجاب ونـــــزع غطوتهـــا
يبــغون تحريرها وتصير مجهـــــوله = وان كان صارت كذا راحت كــــــرامتها
اوضاعنا من بعضنا ليش مخـــذوله؟ = قومٍ تــــغّـــير مذاهـــبها وسنــــــــتها
ناس تضـــــاها بفعل الشر وتقولـــــه = يــــا كـــثر ماتتــــفتري ياقــــل غيرتــها
يالله ياللي لــه الُعُبّــــــاد صلّوا لـــه = يــارب تهـــــدي عبـــادك وانّ تثّبــــــتها
يارب وفق مـلكنا واحفـــظ الــدوله = الــــدوله اللــي على الاســــلام ملتـــــها
مضواح بن شتوي=

كرومي
12-06-2009, 11:00 PM
شريط صبرك
شريط صبرك فر ويلف وييعيــد = ياقّو عزمـك يـا وسيـع البنايـد
بين الرجا والياس والعبد والسيـد =اصبر لها صبر الجمل للشدايــد
وانا هواجيسـي صدور ومواريـد = والهـم يطـوي حالتـي ويتزايـد
كني سجين حـز فـي رجله القيـد = ولا مريض عـاف حتى الوسايـد
رفقة هل المعروف واهل الوفا فيـد = يفدونهـم قومٍ تبيـح السدايـد
انا عرفت اصحابنا زيـد وعبيـد = ياما استفدت من التجارب فوايـد
الشعر حكمـه والمعانـي مفاريـد = ولا كل شاعر بارع في القصايـد
ولاكل من ركب الفرس قال اناتيـد = ولاكـل مـن قـاد الطوابيرقايـد
ولاكل من لقّب با ابوزيد ابوزيـد = ولا كـل مـن سمـوه زايد بزايـد
ولاكل من واعد صدق في المواعيد = ولاكل من عيّد مـع العيـد عايـد
اهل الحداثه والهـزل جابو العيـد = حسبي عليهم مرخصيـن الجدايـد
لشفتهـم معـا .............يـــد= احزن علـى سلم العرب واتعايـد
وجه الشبه ماينقص الشكل ويزيد = الشكـل واحد فـرق بس القلايـد
وحنـا بـدو لنا طبوع وتقالـيـد = علـى سلوم اجدادنـا والعوايـد
ليـا وردنـا صافيات المـواريـد = نارد ولانخشـى ضعـاف العقايـد
نلطم عيون اهـل الردى بالعباريـد = وناطا على خشـم العداء وانتسايـد
ونخشا من الشرهه وبعض المناقيد = والعيب ماله فـي طرفنـا مصايـد
ولا نأمن الدنيا وهـرج المقاريـد= للي يحبـون الحكـى والزوايـد
والعلم له معنى ومصـدر وتحديـد = والصدق بيّن وامن الاوطان سايد
لاهان ديوان العرب يـا الاجاويـد = فيه الـدرر والمبهمـات الفرايـد
ورخ لنـا تاريـخ قـومٍ صناديـد = سجـل لهـم مجـد تعلى ونايـد
اللي لهم في العز والمجـد تمجـيد = ماحرفّـوا سلـم العرب والبدايـد
حنا بلشنا فـي هـل الكذب والكيـد = اللي تكّتـب على الورق والجرايـد
اللي ينقص فـي التواريخ ويزيـد = ويله من الله يـوم فرز الشهايـد
مضواح بن شتوي=

كرومي
12-06-2009, 11:21 PM
في مزاين عتيبه

سلامي على العتبان ومزايـن العتبـان = سلامي على اللي صيتهم واضـح دوره
قبيله لها بيـن القبايـل مكـان وشـان = على العز والناموس والطيب مشهـوره
هل السيف واهل الرمح والخيل والميدان = واهل خوةٍ من سابق الوقـت مذكـورة
واهل فزعةٍ لبان وقـت اللـزوم وحـان = واهل ديرةٍ على العز والساس معموره
وأهل كرمةٍ يشبع بها التايـه الجيعـان = ويشبع بها سرحـان والبـر وانسـوره
رجال مواقفها علـى الثبـت والبرهـان = فعايـال عتيبـة مجدهـا ساطـع نـوره
وانا . لوّ . باعد ابطالهم كلهم فرسان = مشايخ مع فرسان شجعان وا نمـوره
على رأس شيخ شاع صيته مع العربان = مسجل له التاريخ في عهـده أحضـوره
خـذينا معـاهم سجةٍ في زمـان كـان = وكـلن على صيد الفـلا يسبر صقـوره
عـتيبه عتيبه ياهـل المدح ياالظـفران = طحاطيــح روس و فخرها عاليٍ سوره
اقوله نيابه عن شموخ العـرب قحطـان = بني عمي اللي فعلهم فخـر. واسطـوره
تراحيبنـا وفعولنـا للعـرب عـنـوان =رقينا سنام المجد . وآعـز . مقصـوره
زمان مضى يوم الفشق محزمـه مليـان = نحتنا الفخر والنصر في نجد واصخـوره
ويشهد لنا فعل ابن هادي وابـن هـدلان = ويشهد لنا تاريـخ الامجـاد وعصـوره
وياعتيبة الهيـلا هـل الملتقـى الرنـان = مواقيفكم يشهـد لهـا البـر وابحـوره
سعيتوا على العليا مشايخ مع الاعيـان = على الطيب والاعلام خضراء ومنشوره
على طاعـة الله واحـد رازقٍ رحمـن = عظيم الجلال اللي لـه النـاس مامـوره
وعلى سنة الهادي محمد وعل آلقـران = وبنيتـوا مزاينكم و وقويتـوا جسـوره
وطاعة ولي الامر في الراي والحسبـان = واظفتوا على حب الوطن بهجة اسروره
ولافي المزاين غير جمعا ورفعت شـان = على الطيب والاحوال يسـره وميسوره
وهـذا وكـلٍ مزايـن يعتبـر ميـزان = مرسّم على وضح النقاء ما اختلف شوره
ولايكتب الهرج المّزور سـوا الضيعـان = هل السم في الاقلام وعقـول مسحـوره
هل العلمنه والملحد ة زمـرة الشيطـان = يقولون قول يخلـف الرجـل وشعـوره
تذم المزاين واتتطـأول علـى البـدوان = تصفّـق مـع الفنـان وتمجّـد الكـوره
تهّمش على عادتنا اللـي مـن الجـدان = لوّ انها تعـذر عـذر ماهـي بمعـذوره
سواليفهم وهروجهم تزعل الفهمــان = تشب الفتن كنها على الكـذب مجبوره
وحنا قبايل نصـرة . الديـن والايمان = على فطرة الاسلام من منبـع ظهـوره
و نزهى عقيدتنـا ولا نقبـل الخـذلان = على منهج الله حسب شرعة ودستـوره
ولانعرف اهل الكذب والزور والبهتـان = عسى اللي يدّور للـردى ينفجـر زوره
ولاعنـدنا غير الولاء. شايب. وشبّــان = ومن فضل ربي كل الاحـوال مستـوره
يعيش الملك وتعيش ياخيـرة الاوطـان = عسانا فداك وزمـرة الشـرك مقهـوره
نحب الوطن ونذود عنـه ولـّو ننهـان = ولاّعندنـا ضده . تحـزّب . ولا. ثــوره
ولا ّنا لا بو متعب تزايـد بـلا نقصـان = مليك فـرض حبـه لشعبـه وجمهـوره
مليك جرى حبه مع الدم فـي الشريـان = على غيبته نشفـق وننصـاه ونـزوره
كريم السجايا العاهـل القايـد الربـان =مزايـاه معدومـه وفضـلاه مشكـوره
حبيب العرب صقر العرب قايد الشجعان = عسانا فدا له من عنا الوقت وشـروره
ويسلم لنا طير الســعد سيدي سلطـان = ولي العهـد ياتـاج شعبـه ومنظـوره
نعيش برغد ونعيش في نعمـةٍ وامـان = تحت هيبة اللي في التواريخ منصـوره
سعاطير نجد اللي حمت ماورى الحـدان = ملوك الجزير وأهل الاضغـان مدحـوره
تحت راية ابن سعود صرنا مثل الاخوان= كيان بناهـا القايـد الفـذ اخـو نـوره
وختم الكلام المجد في ملتقـى العتبـان = لقينـاه يالعتبـان. بالصـوت. والصـوره
مضواح بن شتوي=

كرومي
12-06-2009, 11:23 PM
مرثية صياف

ياقاف في صياف غن الطواريق=هات البيوت اللي على الكيف ياقاف
بنات فكري قامت اطل وتويق=ولاني بشاعر كان ما ارثيت صياف
انا علّيه للنشاما مواثيق=للي لهم في قمة المجد مشراف
قولو معي يا هل الوفاء يا مطاليق=مرحوم ياللي له مع الشعر ميقاف
الشاعر اللي وثق الشعر توثيق=ينعاه شعر الرد محراف محراف
وينعاك منهو في معانيك عِشيق=وتنعاك حرب اهل الوفاء روؤس واشراف
من غيبتك والشعر من ضيق في ضيق=واليوم جاله ضربة فوق الانجاف
وصياف من موته نشف عندي الريق=والحزن يبس بطن وديان وارياف
الموت حق ولا على الموت تعليق=لكن به بين العرب رؤس واطراف
يالله يارحمان والي المخاليق=علام ماتكتب ملايكة الاكتاف
ترحم فقيد بعد ماغاب ما اطيق=لا اقرى ولا اسمع عنه هرجه وسولاف
اللي موّرث له ذهب في صناديق=الله عسى ما الشعر بعده بينعاف
الشعر باسمه شامخ المجد ويليق=باللي لعسرات المحاريف عساف
مضواح بن شتوي=

نــجــم
13-06-2009, 01:14 AM
حياك الله بيننا ويا هلا ومرحبا فيك

صح لسان الشاعر مضواح بن شتوي

ولاهنت يا كرومي ع الديوان الرائع

مجهوود طيب منك تشكر عليه

يعطيك العافيه

جهز العطاوي
13-06-2009, 02:45 AM
صح لسانه مليووون

ديوااان راااائع اخوي كرومي

اشكرك الله يعطيك العافيه

دمت بخيــر

كرومي
13-06-2009, 11:33 AM
لا تعتذر


لاتعتذر مني ترى العذر مرفوض = مالك عذر لو كان غيرك عذرته
قدرك عليّه حق وارضاك مفروض = وغلاك من بين الحنايا قبرته
ماودي ابْحر معك في العلم واخوض = اخاف لاذكر شي ماقد ذكرته
بيني وبينك سر غالي ومحفوض=وقصر الوفاء بيني وبينك عمرته
وانا على رفقتك فائز ومحضوض =وورد الوفاء على مكانك نثرته
اللي علاقتهم بلاكذب وعروض =يبقى الغلا من بينهم زاد كرته
صحيح دنيانا توافيق وحضوض= وانا على شرواك ياما انتظرته
و اللي محبتهم عقارات وقروض=القلب عنهم لنكسر ماجبرته
الارض خضراء والمطر يروي الروض=والفضل لله ربي اللي شكرته
من ينكر المعروف عايب ومبغوض=لوّ كان اخوي اللي من امي هجرته
حتى ولوّ لي فيه هقوه وملحوض=لو مالت ايام السنه ما اعتبرته
الله يجبر قلب عايض ومعيوض = ويجبر عزايه في خوي خسرته
وختامها يارب شربه من الحوض= حوض النبي محمد اللي نصرته
مضواح بن شتوي=

كرومي
13-06-2009, 11:35 AM
إرهاب سوق الماال
ياملكنا ياطويل العمر ياصقر العروبه=ملتجانا بعد ربي كل ماضاقت علينا
ياحبيب الشعب ياستر الوطن تاجه وثوبه=فزعة المضيوم من صكات بقعاء والسنينا
حن نحارب شلة الارهاب واللي روجوو به=واصبح الارهاب ياشهم النباء منا وفينا
نهب مادري سرق والحاصل ترى العالم دروبه=هئية في السوق رضيت في حلال المسلمينا
نهبت اموال الضعافى والمساكين مغصوّبه=اغتصاب المال بيديهم ولاهو في يدينا
فقرونا خسرونا والفقر راحو وجو به=قصدهم نصبح سوا الصومال ولا مثل غينا
النوايا خاربه والفقر والمقصود صوبه=رايهم معروف واحنا بالنوايا خابرينا
شلة ماهمها شرق الوطن ولا جنوبه=همهم مكشوف والدنيا بلتنا وابتلينا
الفقير اليا تجر بين الخلايق شهرّو به=وحن يابو متعب سواة الناس بعنا واشترينا
لو شباب المملكة حصل رجال رحبو به=كان ماراحو يابو متعب يسار ولايمينا
والسبايب من بني علمان في درب مشو به=نهجهم واسلوبهم مافادنا دنيا ودينا
وانت ماغيرك يحكم الراي ويحط العقوبه=قبل ماتشمت عدانا ياطويل العمر فينا
لاتحدانا العداء ونصير للعالم اعجوبه=ماشكينا الا على الله ثم على مثلك شكينا
وانت خيرك في الاذاعة والصحافه سولفو به=في بلاد المسلمين وكل دار وكل مينا
في الجزيره عايشين به وفي الشام اهرجّو به=وفي بلاد السند واهل الهند واروبا وسينا
المواطن دوب ما نبت اللحم على العظم دوبه=وانت ابونا وانت قائدنا ولاغير ك رضينا


مضواح بن شتوي=

ابوفارس
13-06-2009, 01:41 PM
مشكور اخوي كرومي ع الديوان الرائع...

شارد الذهن
13-06-2009, 01:46 PM
خولان بن عامر

شاعر كبير في النظم والمحاوره والحقيقه ان قصائده تطربني ومتابع لهم من قديم

الله يعطيك العافيه اخوي على نقل الديوان الثمين والجزل

كرومي
13-06-2009, 05:02 PM
شواكيش الوريش
(ولّ).. ياشارون ماجاك من يلعـن ثـواك=ِنِبت لك في تالي الوقـت ياملعـون ريـش
قمت تعبث في فلسطيـن وتسيّـر إخطـاك=كن مافي الارض غيرك يهيج ويستطيـش
والعرب كْنهمْ . هلْ. لك وربعك واصدقـاك=ماحدٍ منهـم تحّـرك ولاحـدٍ قـال ليـش
الشجيع من العرب قام يهـرج فـي قفـاك=يشجب اللي منك يحصل ولايقـدر يهيـش
يامتـى عالعيـن ياتـي نهـار الاشتبـاك=في نهار فيه الاسـلام لـه قـوة وجيـش
يابني يعرب حصل فـي القيـادات احتكـاك=الكراسـي سمّرتهـا شواكيـش الوريـش
قـام هـذا مثـل هـذا وهـذا مثـل ذاك=في رضى اللي قام يخرش بني يعرب خريش
حـل فينـا الـذل والمهزلـه والارتبـاك=كن.. حن.. من دون ذولاك ما نقدر نعيش
صاروا القادات قـادات كشخـه وامتـلاك=والشعوب معشعشه في بيوتٍ من عريـش
نبت في بخشاتنا عـود شيـح وعـود راك=ما استفدنا الا المساويك وصحون الجريش
قُطّفتْ الاثمار مابين ..سَـم.. وبين..هـاك=لين صرنا في يد الغرب مثـل السندويـش
الذهب نرسله للغـرب مـن دون اشتـراك=وهم علينا يرسلـون المخـدّر والحشيـش
همهم تدميـر الاسـلام ويصيـر انفكـاك=من زمان فات وقلوبهم سـود وغشيـش
ياوطنا جعـل ربـي مـن الشـر ايحّمـاك=جعل من ينويك بالشرشاله.. سيل.. بيـش
في رضا الله ياوطنا ثم رضانا فـي رضـاك=كـان حنـا مافدينـاك والاّ ويـش ويـش
دمنـا وارواحنـا ياوطـن تبقـى فــداك=والله ان حب الوطـن والغـلا ماينتهيـش
مضواح بن شتوي=

كرومي
13-06-2009, 05:06 PM
سيناريو مسرحية بغداد
يالله ياللي كل عبٍد ساله = اللي له العبد التقي صلى له
سبحان من يسمع دبيب النمله = عالصخرة الصما بليل كاله
بالله تغفر زلتي وذنوبي = وجنبني الحقران والختّاله
ويالله حسن الخاتمه ياربي = ولا تخليني على اهلي عااله
ويارب جنبني الفتن في الدنيا = وفتنة مماتي والقبر واهواله
وفتنة حياتي والنساء اكبر فتنه = وفتنة زمان ظاهرٍ دجاله
ويالله تعز الدين واهل السنّة = اللي على سنة محمد وآله
اللي على الاسلام فيها غيره = ماجمعت الاحزاب والعماله
ولا بها نعره ولا قوميه = ولا العروبه والا الكلام الماله
تنهج على نهج الرسول محمد = نبينا خير البشر وازكى له
افضل صلاةٍ على النبي صلوها = اخير شيٍ للفتى يبقاله
اعماله الزينه وفعلن طيب = ماينفعه لمات غير اعماله
من بعدها يا هاجسي علمني = عطني خبر بغداد ويش احواله
قال الخبر كلن عرف مضمونه = علمن جبين المتقي يندا له
لعبوا علينا زمرة ملعونه = ويقودهم بوش اللعين لحاله
اتجمعوا من كل صوب وديره = واتقسموا نفط العراق وماله
وبوشن جمع له من النصارى شله = كلن خذاله قسمتن تهدا له
وبلير جاهم فازعٍ يتعزوى = ومجّمع له شلة واحثاله
يقول انا باسرق مع من يسرق = ماكّنه الا ورث له من خاله
وباقي الدول تبغى تسوي سمعه = مصدقين بوش فيما قاله
في زعمه المكذوب قبل الازمة = اكبر دمار شامل جينا له
وبعض العرب صّدقه وايد قوله = هو ما درى انه غازين يعنى له
وجاونا وسوو شي ما يتسوى = كلن يسوي مثل ما سوى له
وصار الفرات ونهر دجله تنعى = تنعى العرب وتقول ويش ذا الحاله
وبابل ينوح وينتخي في يعرب = ينخى العرب لكن ماحدن جاله
وبغداد يابغداد دار الحكمة = ارض الحضاره والزمن وارجاله
انشد عرب هارون وانشد جعفر = وانشد هل التاريخ وين ابطاله
والبصرة اتوجد وتبكي الكوفه = على الزمن والجيش والخياله
اواه ياهذا الزمن التالي = كلن عن اسلامه ودينه داله
كان العراق اشهر بلد في القوه = له هيبة كل يخاف ظلاله
كان النصارى واليهود تهابه = والفرس ماتقدر تطول احباله
واليوم صار اضعف بلد في العالم = ماعاد له قوه ولا له طاله
كل السبب من بوش يلعن جده = حقده على الاسلام سواها له
حقده على الاسلام وأهل السنه = خلاه يرخص كل مايطرى له
ماهو بحب للخليج وناسه = ولا بحب أهل العراق . الا ّ.. له
له نيةٍ معروفةٍ مكشوفه = الله يقطع نيته واشكاله
نصّب بليمر بالنيابه حاكم = واخذ بليمر حصته في فاله
وقال اصبروا المشكله معروفه = عامين ويجيكم خبر منها له
يبغى يسوي شي في ذي المده = وسواء لشارون اليهودي قاله
حّول له النفط العراقي منحة = وشعب العراق امن القهر يرثاله
يضحك على السنه وحط الياور = ريس يكّشخ غترته واعقاله
من شان نرضى با احتلال الكافر = ونقول هذا ريسٍ فزنا له
ولا الروافض كل ابوهم ربعه = يعدهم كنهم هله واعياله
لاّن هّم مثله واللعن منه = وهذا البلاء اللي كلنا نخشى له
صدام سوى في حياته حاجه = يعجز بها غيره يسويها له
كان الروافض في زمانه خُدّج = كانه يدوس الرافضي بنعاله
رأسه تحت رجليه مثل البومه = ومشغله في شغلت الشغاله
على حسب دينه ودين اجداده = ماينعرف اصله ولا منزاله
واليوم صار الرافضي له هيبه = كنه كديشٍ فالتين عقاله
بالله ياللي كلنا تحت امره = ياواحد ما خاب عبدٍ ساله
انك تحل العقده المعقوده = ا لعقده اللي مالها حلاله
الا أنت يارب الملا سبحانك = لعبدك المكروب فرجها له
هوّن مصيبنتا بردع الظالم = الزمره الحيالة المحتاله
حن السبايب في ضعف قوتنا = اهمالنا في اسلامنا وافعاله
ذا موجز الموضوع قبل النشره = غنابها خولان في مواله
هذا وصلى الله على اشرف خلقه = على محمد خير رسله واله
مضواح بن شتوي=

كرومي
13-06-2009, 05:09 PM
عيال وايل
عد براق سرى جاله من القبلـه مخايـل = حن رعاده وهلت نوته وانشـت مزونـه
مرحبا في مرحبا في مرحبا والشك زايـل =ياهلا با اللي سنام المجد رجم يصعدونـه
مرحبا يا هل الوفا والمرجله ياعيال وايل = ياهل الو قفات واهل الطيب كنز يذخرونه
فعهلم وامجادهم معروفـة بيـن القبايـل = عزوة يشهد لها التاريخ واللـي يكتبونـه
غردي يابيض للي مانسوا فعل الجمايـل =الصديق يحشّمونـه والخـوي يقدرّونـه
والكرم في سلمهم عاده ووافين الخصايل = والجميل اليا اعترض في مستحقه يفعلونه
ا شهد انكم ياهل النالاااات ذربين الفعايـل = صيتكم وامجادكم شبه الجزيره يعرفونـه
منكم ابن مهيد راعي وقفة يوم الهوايـل = المصّوت بالعشاء يوم القبايـل يخبرونـه
وعاد منكم برجس وساجرمعّسفة الاصايل =والعواجي وابن ملحم وكم شجاع يذكرونه
وعاد ابن هذال تاريخه وفعلـه بالمثايـل = شيخ له شيخه على كل الشيوخ يمجدونه
بيض الله اوجهيكم بيضا يقوله كل قايـل = والجميل انـه لنـا ولا لكـم تستاهلونـه
قلتها والمدح فيكم له ثبـوت لـه دلايـل = عزوة حرابها وقت مضى تسهـر عيونـه
مضواح بن شتوي=

كرومي
14-06-2009, 05:05 PM
(السكوت اخير من بعض النقاش)

صاحبن مازارني وانا مريض = وايش ابي به بعد قمت من الفراش
الشجون تهيض والدمعه تفيض = وخاطري من ضيقة الايام جاش
والمشاعر من خفاياها تهيض = هاوَشَت‍‍‍‍!! قلبي وانا احب الهواش
لين حطت في صميم القلب غيض = واقبلت بنات فكري كاش كاش
اقبلت تركض مع المعنى ركيض =كنها تاخذعلى الركضة معاش
الليالي سود والايام بيض = والرجال ارجال ولا اللاش لاش
كان تبغى الصح بالخط العريض= رفقة اهل الطيب ولايابلاش
اقبلوا الوافين من رؤس الفريض= من ورى تيماء ومن وادي اخباش
تعّبوا الاقدام والايام قيض= واقبلوا بالعود الازرق والكباش
سنّدوا من كل فج يامعيض = وادهشوني بالمواقيف إندهاش
اشهد ان اللي يخاويهم حضيض= من يدّور صحبة الوافين عاش
في بعض الاصحاب ياربي تعيض = ثُلــــة ٌ(ن) في تالي الايام ماش
مخبل اللي يرتجي م الديك بيض = مثل من يرجي من الصخرة إعراش
لو تناقشنا حصل فتل ونقيض = السكوت اخير من بعض النقاش
مضواح بن شتوي=

كرومي
14-06-2009, 05:09 PM
البشت الحساوي
يالله اني في ذراك مـن المصايـب والبـلاوي = والتكبـر والتغطـرس والجهـل والجاهلـيـه
والزنـا والقتـل والشـلاّت وعيـال القهـاوي = والربا واهل الربـا واهـل الغبـا والعنصريـه
والردى واهل الردى واهل الحيَل واهل الملاوي = والنمائـم والكـلام الشيـن والنفـس الدنـيـه
وعن هروج الكذب والزمّات والهرج المـراوي = والنفـاق ورفقـة الانـذال والنـاس الـرديـه
وأكل مال الغير من الايتـام ولا مـن غنـاوي= ومن غضبك ومن سخطك ومن عقوقي والديـه
وعن دروب العيب واهل الظلم صحبة كل غاوي = والنكـاده والقـراده والحـسـد والعنجهـيـه
والقهر والديـن والنكبـات والشـر المخـاوي = وعن قلال الدين واهل الفسق وانـواع الزريـه
يا إلهي ذا رجاي وفيـك انـا قلبـي رجـاوي= طلبتي لك طلبة المحتـاج وارفـع لـك يديـه
انت ماغيرك يعرف بغايتـي ولا ايـش نـاوي = جـل شانـك ياعليـم عالـم عـن كـل نيـه
بعدها ياهاجسي سجـل بيوتـي فـي النـداوي = البيـوت اللـي لهـا عنـد النشامـا قابلـيـه
الهدف منها شرف لاهـو طمـع ولا هـراوي= الطمع فـي طاعـة الرحمـن خـلاّق البريـه
بنصح اللي عاد قلبه فـي هوىالدنيـا هـواوي = لا تغـره لاتضـره نزغـة النفـس الشقـيـه
الهوى والنفس والشيطـان والحـظ الشقـاوي= وصحبة اهل الشر واهل العيب ناس فوضويـه
من يطاوعهم جميع.. يصير في الدنيا عنـاوي = لايفـاد ولايفـيـد وذمـتـي مـنّـه بـريـه
انتبه من صحبـة اللـي دايـم دربـه خنـاوي = مـاوراه الاّ المضـره والنـكـد ولاّ البلـيـه
تستحي من الناس لشافـوك وايّـاه امتخـاوي = خايف من هرجـة العقـال مـن هـذا خويـه
سمعتـه مشهـورة بالعيـب ولاّ بالـرشـاوي = لايفرق في الصواب.. ولايفـرق فـي الخطيـه
لابلتـك الباليـه فـي فزعتـه ماهـو بقـاوي= فـي العلـوم التاليـه ولاّ العـلـوم الاولـيـه
اشهد ان فرقاه يا هل المعرفه عيـد.. ومنـاوي= ابتعـد عنـه تـرى رفقتـه مسكـه مخلبيـه
كان ماانت بعند نفسـك لا طبيـب ولا مـداوي = فأعتبر نفسك مـع العـراف ماعنـدك هويـه
الحياة بـدون ديـن ..والله انهـا مـا تسـاوي= اشهد انها ما تسـاوي بالثمـن (ربـع الوقيـه)
دوّر اللي صحبته صحبة شرف ماهـو دنـاوي = سمعته عند العرب دين ..ونامـوس.. وحميـه
بالكرم والطيب تلقى سمعتـه مـع كـل راوي= ما تناسـى مـن حقـوق الله ولا سنـة نبيـه
وان حضر بين العرب في صلح ولاّ في دعاوي= ينهـي الموقـف ولا راوى مـع هـذا وذيّـه
رفقة اهل الطيب راس المال وكبـار الهقـاوي= الرجـال اللـي مواقفهـم مـع العالـم نديـه
لابـدا لـك لازم تلقـى مواقفـهـم تــداوي = ما حسب حجم اللزوم ولاحسب حجـم القضيـه
البيـوت مفتّحـه للضيـف والبـارق سنـاوي= ان لفاهم مـا لقـى غيـر الشحـم والشاذليـه
والعلوم الطيّبه مـن هـرج ولا عـود جـاوي = كـل ابوهـا عندهـم نامـوس وعلـوم شليـه
ذي مزاياهم وانـا قلبـي علـى ذولا نحـاوي= اتمنـى خّـوة اهـل الطيـب والنيـه مطيـه
ذي نصيحة شاعر قلبه علـى الغالييـن يـاوي = قلتها وارجوك يـارب المـلا ترضـى عليـه
قلتها ماابغى وراهـا لا جـزاء.. ولا عطـاوي = ماعلي امن الجـزاء ولا علـي امـن العطيـه
لابس ثوب جديـد.. ولابـس بشـت حسـاوي = ومن وصايـا شايبـي متحـزّم بالحضرميـه

مضواح بن شتوي=

كرومي
14-06-2009, 05:11 PM
صديق في الشدائد
صديق في الشدايـد مانفعنـي = انا وقت الرخاء ياويش ابي به
ليا منـي زهمتـه ماسمعنـي = وليامنه زهمني قمـت اجيبـه
عسى لاعاد يوم بـه جمعنـي= ولا عاد النهار اللـي يجيبـه
وفايه له مـع طيبـي دفعنـي = وانا ماشفت تقديـره وطيبـه
بعد ماصار ذ ا لي ويش يعني= اكيد إنه.. استوى طيبه وعيبه
قررت أن اتركه واقول.. دعني = ولو.. ني.. له ابن عم وقريبه
عسى يفـدا رفيـق لاذ عنـي = وقف يوم الحميـا والمصيبـه
فزع بالمال والجـاه ورفعنـي= وكلامٍ زيـن وهـروج لبيبـه
مضواح بن شتوي=

كرومي
14-06-2009, 05:15 PM
العام الاول
وصلوا الغالييـن مـن كـل فج وكـل ريــــــع= وانت يا (.....)ما زرتنـــي ولا بديـــــــت
تحسـب ان دنيـاك تبقى على كيفـك ربيـــــع= ظني انـك يابـرق الريـش عنهـا مادريـت
بيـض الله وجه غيـرك هل الجـاه الرفيـــــع= الرجال اللي بنت للوفاء تسعين بيــــــــت
وانت مالك عندنا لا شبيــــه ولارضيــــــــع= ليتني ذيك السنــــه لا فزعت ولااعتزيت
جعلك افـدا واحدن مـا احـدن الحـقه ريـــــع= صـاحبن مانسيني لــوانا عنّـه نسيــــــــت
عند حـزات الشــدائد مثـل ســـــد منيـــــــع= في العــلوم الغـــانمــة جــامعنهــا كمبلـيت
من زرع لـه طيب عنـد النشاما مايضيـــــع= اما انا من عقــب هاذي ترى منـك انتهيـت
وانت فـي سـوق الغلاءلا اشتريـت ولا تبـيع= في علـوم المرجله لاتبيع ولا شــــــــريـت
ويش لومــالي من النـــاس غــيرك ياتبيــــع= اشهـد اني ياحمـر العين مـنك ما استحـيـت
عــام الاول يوم شــديت وانحــاز والقطيـــع= فزعوا الصـدقان وانت من العـين اختفيـت
الشدائد علمتلــي بصدقانــــــي جميـــــــــــع =اشهد انها بينت لي وانا عنها غفيــــــــــت
من يحــمل طاقته فوق مالا يستطـــــــــيــــع= مثل من حمــل ثلاثيــــــن طن في ونيــت
انت طاقتك محدوده وتشرب من الوضيــــع= عندنا لك يابعـــــــوض الشجرعلبة فليــت
مضواح بن شتوي=