المساعد الشخصي الرقمي

مشاهدة النسخة كاملة : ديوان ناصر الفراعنه


عين أبوي
14-03-2009, 01:30 AM
هنا سوف يكون ديوان الشاعر / ناصر الفراعنه


نتوكل على الله

عين أبوي
14-03-2009, 01:31 AM
يا حال ما احدٍ في الغريـب يْحامـي * * * والله لإبــن عـمّـه ولا بــنْ خـالـه


تعبـت وآنـا بـس ّ اعـضّ ابهامـي * * * علـى الـذي حـطّ الخـفـوق سْبــالـة


ريــمٍ يـمـدّ الـمـيـم قـبــل الـلامــي * * * خــلّ البـنـات لْـحـال وهْـــو لْحـالـه


شفتـه ورايـه واحسـبـه قـدّامـي!! * * * وصارت يميـن اللـي وراه شْمالـه


من شاف نـوره ينعمـي يـا سامـي * * * من ويـن لـه عنـد الرحيـل دْلالـة؟


امــرار اقــول الله يجيـبـه دامـــي * * * وامــرار اقـــول الله يطـيّـب فـالــه


من صادفه يسحـب جديـد الخامـي * * * معقـول مـا شـاف الربيـع قْبـالـه!!


حسنـه لـو يْمـرّ الـدريـك الظـامـي * * * مـا عـاد ظنّـي يطـري المـا ببـالـه


ولـو مـرّ أصــمٍّ أخــرسٍ متعـامـي * * * مـا فيـه بيـت مـن الشعــر مـا قالـه


ليتـه وقـف لــي وقـفـة الأكـرامـي * * * اشوى لنا يا صاحبـي واشـوى لـه


لا والله الا صـابــنــي بـعْـظـامــي * * * وانـا احســب انّـي شــاربٍ فنجـالـه


اقفـى وهـو للعـرق الابهـر رامــي * * * يــا ويــل حــيٍّ بالعـيـــون اغـتـالـه


حــيٍّ رمــاه الـرمـش بالسلهـامـي * * * مـا هقوتـي عـظـم الـقـدم يشتـالـه


لو هو مثل نَسْـج الحريـر الشامـي * * * لــه هيـبـة الـلـي جمـرتـه شعّـالـة


وخــدٍّ تـعـدّى الــدار دار الـيـامـي * * * لاحـت علـى نـجـدٍ بــروق خْيـالـه


زلّـت وانـا اللـي مـا تـزلّ اقـدامـي * * * يـوم أنّ كـفّ الريـح تـرفـع شـالـه


ثْنيـن تغضـي اغضـاية الخِـــدّامـي * * * وثْنيــن تـاقــف وقـفــة الخيّـــــالـة


وثْنـيـن تلـعـن خـامـس الهنـدامـي * * * وثْنــين تفضـح في الظــلام هْـلاله


ووسْـطٍ يلاعـب ريشـة الرسّـامـي * * * ربّ العـصـا يـأمـر وحـنّـا عْـيـالـه


وردفٍ يشـرشـح بالعبـايـة زامــي * * * ادخل على الله كيف وسْطـه شالـه


مـا يقطـع الراكـب بخمـس ايّـامـي * * * بـيـن الجـدايـل تقطـعـه فــي ليـلـة


شفته وشفت الموت خمس آسامي * * * عنـق ونحـر بطـن وظهـر وكْمالـة


فكـان انْ جدايـه سكبتـي مرزامـي * * * لأبــو جــداً جبـتـه لأبـوهـا حـالــة


ياللـي تبيـنـي عـقـب هــذا آنـامـي * * * يــا ويـــن انــا والـــلال لالا لالـــه


مـا دام هـو نَيْـم البخَـت مـا قـامـي * * * جاء النـوم والا راح مالـي وْمالـه

عين أبوي
14-03-2009, 01:33 AM
ويـــن أســــــــجّ



وين أسجّ ؟ وكنّ في جوف الحشا شيخ ٍينادي
لا بغيـت أسـجّ عـن حلـو المحيّـا, قــال: هـيّـد


يا كثر ما قد عرفـت مـن العـذارى يابـن بـادي
بسّ قلبي بسلك صفراً مـع هَـلَ الفيضـه متيّـد


مهـرةٍ ريـحـة عرَقـهـا ريــح ريـحـانٍ وكــادي
في هواها أمّـة محمّـد بيـن مـن عـارض وأيّـد


ويـل ويلـك لوتشـوف خدودهـا بيـضٍ تشـادي
قشـطـةٍ صـبّـوا بـهـا ذوب الـمـربّـى يـاعـويّـد


والمبيـسـم سـكّـرٍ دقّــوه مــع نـكـهـة زبـــادي
مـن يشوفـه قبـل لا يبـدي هــلال العـيـد عـيّـد


والنـحَـر كـنّـه فـيـافـي رقّـــةٍ فـيـهـا حـمــادي
فوقهـا لبّـى الملـبّـي واجـهـم المـاشـي وسَـيَّـد


والنـواهـد واقـفــاتٍ كـنّـهـنْ عـسـكـر بـــلادي
أو كنيـسـة راهــبٍ مــن حــبّ يـاقـوتٍ تشـيّـد


النهَـد كنّـه يـا ابـن بـادي عـن اردافـه يـفـادي
كـنّ راسـه راس شغمـومٍ ركــب راســه وبـيّـد


لا متى ذبح البشر عند العيون السـود عـادي؟
لا متى والموت حدر رْموشها السود يتصيّـد؟


والحواجب سيفهن مـا يطعـن ألا فـي الثنـادي
آمــــراتِ نـاهـيــاتِ جــازمــاتِ مــــا تـحــيّــد


والجدايـل فـوق عاتقهـا بيـاضٍ مــع ســوادي
تقـل عـبـدٍ قــام يـومـي بالمهـفّـة فــوق سَـيِّـد


والخصـر لا ميّلـت بـه حيّـةٍ فـي جــوف وادي
يـا وِسِـع بالـه علـى ردفٍ علـى عظمـه تعـيًـد


لعنبوهـا يـوم هــزّت ردفـهـا عـاشـر وحــادي
كـنْ قدمهـا مـن ثقيـل الـردف لا سـارت مقـيّـد


فيـه إلـى منّـه مشـى هيبـة مفـرّج والمـهـادي
من يشوفه يلعـن آبـو خامسـه والشـوف جيّـد

عين أبوي
14-03-2009, 01:37 AM
arabic,5,darkblue,bold,normal" bkcolor="transparent" bkimage="" border="double,4,gray" type=1 line=0 align=center use=ex num="0,black"]
يا بعد خضبـات الايـدي وقانيـة النقـوش=والله اني لك خطيـر لاطيـر بـدون ريـش
وا عنا روحي ويا حوش قلبي منـك حـوش=حوش ذودٍ حاشه (الجهر) وإلا (أبرق نفيش)
من هنوفٍ ما ملوا عينها أصحاب العـروش=حتى لو هم بدّلوا عرشهـا الفاخـر عريـش
جادلٍ لا مِدْح أبوهـا مـن السكـره تشـوش=لين يضرب عاشق البيض شيشٍ جنب شيش
كنْ بصدري فرخ طيرٍ من الصوت مخـروش=يوم يطرون اسمها لـوّ أنـا مانـي خريـش
أو بصدري كنْ جماهير شعبٍ بإسم (بـوش)=صوّتت وبصـوت واحـد تـردّد : فليعيـش
غادةٍ في الضلع الاحمر تروش الـروح روش=للخوافق من لهـب حبهـا الطاهـر وقيـش
أربعي من وجد حالي عليها اربـع وحـوش=الأوادم في ونَس وآنـا فـي قفـرٍ وحيـش
يا صباح الخير يا ضحكة الوجـه البشـوش=لوّ جرّة ضحكها فـي الحشـا جـرّة حنيـش
فتنةٍ من سوق (رنية) إلى سوق (الحبـوش)=ومن قصر (برزان شمّر) إلى قصر (الدويش)
حالفٍ لعيونها إني لأمـوش العظـم مـوش=موش ريح الصيف باقي شجـر وادٍ هشيـش
من بهاها صاح (عجران) عند (ابن مخشوش)=في فـؤاده ضمّـر الخيـل غاديـةٍ طشيـش
كلّ شيْ بالمختصر في هذيك البنـت خـوش=خوش زين وخوش عقل ولا في البنت طيش
لو جمعنا الزين زين أرض فارس والحبـوش=زينهم مع زينها ما كـلا يـا نـاس عيـش
كنّ فوق عيونها في هـدب سـود الرمـوش=من جيوش الغرب جيش تقدّم خلـف جيـش
يا سبيب عبيّةٍ إسمهـا الأصلـي (كـروش)=يا جديلٍ فوق الامتـان غـادي لـه وريـش
مثل ساري ليلةٍ بأبيـض الصبـح مغبـوش=وصف مجدولٍ بيدها مـع الغبشـات هيـش
والخدود أصفى من الزبد مـا فيهـا خـدوش=لو توارت ما لهـا إلا قمـر نصـفٍ دقيـش
كنّ عارم صدرها من احمر الثـوب بيطـوش=ليتنـي فوقـه واهدّيـه ملعـون الحريـش
في علوّ الصدر نهديـن غاذيهـا الرشـوش=ليت من صدره عليها وقـف وقفـة شويـش
يـا نهـودٍ غازلتهـا مُذَهَّـبـة الـقـروش=كلّ نهد بوقفته تقـل مـن سـادة (قُرَيـش)
وكنّ عاتر ردفها الضخم يوم اقفـت يهـوش=فيه من عتـرة قطـا مهـرةٍ ماهـي كديـش
ولّ ردفٍ يوم ناشـه حريـر الثـوب نـوش=فـزّ ثـمّ اهتـزّ كنّـه بنـاب الـداب نيـش
يا زعول اردوفها ليه ششت الثـوب شـوش=ما خبرنا ثوب عـذراً قبـل هاليـوم شيـش
ولا اخبر به ردف من ضيّق ثيابـه يكـوش=لا صفق وركٍ بـوركٍ سمعنـا لـه وشيـش
قلبي اللي من عراويه يـا نـاس محشـوش=من هوى غادة (غـداةُ غـدٍ) غيـداً وغيـش
ما ملوا عين الكحيلة من اهل الغوش غـوش=غير ابن قرمٍ إلى قام ما هـوب ابـن تيـش
يا طروشٍ وجّهت صوب نجـدٍ يـا طـروش=بأيش اجازيكم إلى جيتـوا المجمـول بإيـش
عن لساني بلّغوهـا تـرى القلـب مْعـروش=عرش حنّان الدبا في غصون ارضٍ نشيـش
كان نقبي يا جميلـه طلـع علـى فشـوش=عيشتي في تالي الوقت يا حلوه علـى ايـش
في هواك أصبحت كني مع الناس مغشـوش=إثر في غيبويـة الحـبّ غيبوبـة حشيـش
لعنبوك استغفري لي إلـى جـوك الطـروش=عن قصيـدٍ مـا ذكرتـه ولا تقوليـن ليـش
لو نبيّن ما ورا الصدر مـن شـيٍّ يجـوش=كان بأكثرنا بيمـدي جليـد المـاء يجيـش [/poem]
ناصر الفراعنة[/QUOTE]

عين أبوي
14-03-2009, 01:38 AM
صرخة هزت بيوت غزة بيت بيت


صرخةً هزت بيوت المجنن بيت بيت
كادت الاموات منها تجاوب ميت ميت
قمت اجاوب داوي الصوت منها ليت ليت
ليتني من دون بعض السوالف دون دون
لا متى تسبى فتاةٍ ولايغضب فتى
لا متى صهيون تسلب محارمنا شِتا
هل على صهيونٌ حينٌ من الدهر اتى
لم يكونو فيه نطفة زنا ما يقذفون
ايها المجدُ القديم افترش ثوبك ونم
منت لاقي من يقول انتهضٌ حراً وقم
صرخةً يهتز منها حرم اول حرم
نصفنا عن طشٌة الخوف عنها غافلون
ليت شعري كل حيٍ صحىَ حتى جُحا
والمغفل مثل ماهو مغفل ماصحى
عن رَحى حرب تجانب طواحنها ضحى
الجماعه في ملَكوت ربي سارحُون
ايها الحكام من ارض مِكناسٍ إلى
ارضُ جاكرتا ومن أبٌ حتى كربلا
لو عقدتم امركم مرةً وحده على
ان تخوضوا الحَرب حتى وانتم كارهون
بشنبي إن ما جا اولمرت كالكلب يعدِي
يطلب الصفح بوجه كليلٍ اسودِ
ان صهيوناً ولو طاولو نجم الجدي
أجبَن الخلق لكنكم لاتفقهون
إنٌ محضَ الكفر اذ ليس بعد الكفر ذنب
ان ندع صهيون تبني جنب الطنب طنب
عيب تدحمنا بجنب وانحن عشرين جنب
يالِهذا العارِ هل بعد هذا العارِ عار
اُمٌة المليار تهتك محارمها نهار
اي سلام واي تعايُش واي حق وجِوار
واهلنا قدامنا من خِلاف يُصلبون
أُمةٍ مع كونها اكبر حجم واكثر بشر
للأسف في وزنها ماتعادل كيس برٌ
عقب ماهي هالكبر صارت هالكبر
تسن مافيهم قلوبنٌ ولافيهم عيون
إصـح يانايـم وفتـح عيونـك ياخَبَل
السرا ياصلك لو انك فـي قِمـٌة جبل
والله إن تاكل مثل ما كلوا ربعـك دبـل
راجع الحسبة قبل لا توهقـك الظنـون
منت باطيب من بني الماضين ساسٌ
ولانت باشجع راس منهم ولو سويت راس
ولانت باقوى باس منهم ولا اصعب مِراس
مير عجل بالطعن قبل تاصلك الطعون
يامصر يامصر الأبطال من ماضي الزمان
أعلى أرضكِ أولمـرت يمـد اللسان
ويتهـدد شعبنـا أينمـا كـانٌ وكان
من عَذر أبناء هـودا بكـم يستهـزؤون
ولعوها نـار والا افتحـوا معبـر رفَـح
خلوا الأبطال تِدِّب بني صهيـون صـح
كيل أمتنا من العيـش فـي ذل انطفـح
كيف هانوهـا وأنتـم قيـامٌ تنظـرون

أجوديه وبالزين مبلية
14-03-2009, 01:39 AM
صح لسان شاعرها


يعطيك العااافيه

عين أبوي
14-03-2009, 01:39 AM
قصيدة من قصائد شاعر الثقلين ناصر الفراعنة


لاكنها لايست ككل القصائد قصيدة تتميز بالجمال كجمال أبو فارس

حطّ راسك يا أطرق العود أنا ماني رسول
عـادتـي لا شـفـت غـصـنٍ يمـيـل iiآمايـلـه

في جمالك وش عسى كلّ ما نكتب يقـول؟
وانـت مـن شافـك خطيـرٍ يضيـع iiالقايـلـة

فتنتك ما حاشها فـوق وجـه الأرض iiزول
هـايـلـة وبـكــلّ مـعـنـىً نـقـولـه iiهـايـلـة!

لعنـبـو قـلـبٍ يحـبّـك ولا صــار iiمْـهـبـول
يــا منسّـيـنـي انتـمـائـي لـذيــك iiالعـايـلـة

حسنـكـم مــا يفـتـن ألاّ مـكـبّـرة iiالـعـقـول
والاّْ راع النقـص مـا احـدٍ عليكـم iiسايـلـه

ما تشوف شلون شمسك ولا مـرّةْ iiتـزول
والشموس اللي سواهـا لـو ابْطـت iiزايلـة

لـو تـطـبّ بـديـرةٍ يابـسـةْ قـشـراً مـحـول
لا تعـجّـب لــو تـشـوف اوديَتْـهـا iiسايـلـة

من يشوفك تظلم الساق بقْصـار iiالحجـول
كيف له ما شـاف بـرق الربيـع iiوخايلـه؟!

من ثلاثك يالغضي ودّي اركب لي iiرحـول
ليـن اشـوف الحايلـي ممسـيٍ فـي iiحايـلـه

غير سبـعٍ فـوق سبـعٍ ولـولٍ عـضّ iiلـول
خابـرٍ لـي شــيٍّ اعـظـم ولانــي iiقايـلـه!!!

خصرك اللي يوم هز السما عرضٍ iiوطول
مـثــل طـفــلٍ لا تـزيـعـل عـلــيّ iiآحـايـلـه

من لبن! من خيزران! الوكـاد إنّـه iiيهـول
بْـرغـم مــا فـيـه ســوّاه غـيـره شايـلـه!!

أهيـفٍ مـن طيبتـه مـا عــرف ذولا وذول
والاّْ كـيـف يشـيـل ردف بثقـلـه iiغايـلـه!!

لـو تطـبّ الملعبـة مــن تهـامـة iiللفـضـول
حرّمـت تلعـب علـى القـاع شقـر iiآصايلـه

كلّ غصنٍ يا اطرق العود لو حتّـى iiيطـول
أنـت منـه اطــول وعـادتـك راع iiالطايـلـة

عين أبوي
14-03-2009, 01:56 AM
قصيده للفراعنه دفاع عن البدو

الـــبـــدو

كان زميل الشاعر يدخن في مكان ممنوع التدخين فيه
ولم يكن يعلم بذلك فجاء إليه المسؤول عن ذلك المكان
فقاله بكل سخريه :هذا انتم يالبدو!!!
نلقاكم عند هذي وأردى...!!!!!!!
فليته نصحه عن التدخين وليته ترك البدو وشأنهم ومنذ متى والبداوه عيب أيها المسؤول الأرعن ....؟
لقد حمدنا الله على نعمة الامن والامان, والذي جعلنا أخوان متحابين

أولاً تحمده انت أيها المسؤول وقد عمرت كرشتك في ظل هذا الإمن والامان ....!!!!


فكان الرد من الشاعر/ ناصر الفراعنه



الله من قلبٍ على مرتع الخور
كنه هشيمٍ دمدم العود بالي

كني غضيض اللي مع الخبت مسعور
باقي من المده ثلاثه ليالي

يكفخ بلا ريشٍ وينفخ بلا زور
ويكفيه عن رد الجواب السؤالي

دنياك يا خالد على السرج ولكور
ما تفجع الا من زحول الرجالي

تجبر عراوي الكلب والبوم والثور
وتكسر عراوي الطيبين العيالي

تنزل مقام مخرقة كل طابور
وترفع مقام مخرزين النعالي

شاخت بها الأذناب لحاسة السور
سود الوجيه مبيعين الشيالي

فيه وليد اللاش وعالم ودكتور
ولقيطة الحجاج حضرة معالي

وسلالة الجزار مطوة وساطوره
تأمر علينا في العصور الوالي

فإن كان ياخالد معنى منجور
ما حدٍ يا ابن مدعث من الوقت سالي

وانته عريبٍ وافي الجد مخيور
يا صلب زايد يا كريم السبالي

أما مع تقطع من العرق مشبور
والا قطعت العرق كله لحالي

روحي مثل روحك على سبق مطيور
ما بين قولة لا تجين وتعالي

فكان الزمان بحدة البدو مامور
يا لوم قلبي يوم ينحاس بالي

ترى يخالد ما ورا الشرف مذخور
ولا احدٍ يهد والطير والقاع خالي

من عقب حنا ذرى كل مظهور
على سروج الصافنات المتالي

تنتف شواربنا على غير مبرور
ونشرب مرار ويشرب الغير حالي

يا طى الثعل هامة ثمانين منعور
والذيب عود فرسةٍ للرخالي

و ولد الردي لاجاء على راس عنقور
يبلاك في نفسه لو أنك مثالي

صيده ليا جابه زريطي وعصفور
يوم النشامى ماتصيد الهزالي

بالهرج عدة نابية كل عثمور
والفعل ما ملى صغار السحالي

يوم ان كل إله حيله ومقدور
جداه كشخة غترته والعقالي

ولدة حرامٍ بارد الخد مقصور
هيسٍ يكبر موخره بالسمالي

سبوٍ جبو قدره مع الناس محقور
وش عاد لو عدى الرجوم العوالي

خبلٍ يدور مع قفا الناس ثغرور
والقفو ما نوخ ظهور الجمالي

والعنز لو ربي رزفها بزمّور
ما يحتميها من ذياب السهالي

ومن لا يحوش الطيب والعمر ميسور
مايدركه لي ما غشاه الثفالي

فياللي تعذربنا هبيلٍ ومطيور
أجل البداوه عيب؟ لا يالخمالي

كان البداوه عيب مانيب مصغور
يالطيب عيب معطرين السلالي

حنا البدو أحرار واسود ونمور
سيفٍ ويقص مروبعات الحبالي

حنا البدو وحنا عمى كل مغرور
ما حنْ عيال مضببين الدلالي

يشهد لنا من حدر الالحاد مقبور
ويشهد لنا في القاع من لايزالي

حنا البدو وسيفٍ بالامان مشهور
وتشهد عليه قصارها و الطوالي

لانقطع الذمه..ولانشهد الزور
لانتلب العاني ليا جاك جالي

ولانقلب المله..ولانطرد العور
ولانسهج الشينات وسط المفالي

ولاننقل العجرا..ولانطلب الغور
ولانلحق الكف اليمين الشمالي

ونذبح العجفا..ولانسبق الدور
ولانطرد المقفي لشد الرحالي

ولانزرع الصبخا..ولانحفر القور
ولانطرح الا من السمان الجزالي

ولا نعبد الرتبه ولو هو امبراطور
ولانهاب الا عزيز الجلالي

ولانخلف الهقوه.ولانطلق الحور
الا على طيب وحافظ ووالي

مانقطع الساقة.ولا نبعج الشور
ولا ندغر القاله بقيل وقالي

ولا نبخس الكليه.ولانجحد النور
ولاحِنْ من اللي يكنزون الريالي

ولانشعب الذله.ولا نخاوي البور
زرق العيون ضراب شرد السحالي

ولانضرب الطبله.ولا نشحد الكور
فضلة عبيدٍ للأكابر موالي

ولا ندهل العِبْلة ولو طورها طور
والزرق في يد من عليه اتكالي

حنا البدو يوم اكثر الناس طرطور
ناطى صما صيم الجبالي

عشة,ولاقصرٍعلى الذل معهمور
نلعب عليه الهملا هملالي

عشة تدوم ولو على سبعة بحور
ولاقصر لامالت به الريح مالي

حنا البدو يوم اسهب الملح منثور
يا ما خزمنا روسها ما نبالي

رجّالنا في حامة الحرب مسطور
ورضيعنا مع ضرب الاشهب يلالي

حنا على كبد العدو مر ممرور
وعلى الخوي ميًّ قراحِ زلالي

ما قد وخذ من حقنا كبر الاظفور
مير الدهر خلى الخفايف ثقالي

من خلقة الدنيا إلى نفخة الصور
البدو اخيرالناس اول وتالي

ذباحةٍ يوم اول الوقت مذعور
حماية المركي نهار القتالي

فحولٍ وسادتنا حصا كل شنظور
ولحافنا بيض النجوم المدالي

مانبدي الشكوى لخاطر ومخطور
ألا على الواحد احد ذو الجلالي

ولا نغبظ الحاكم على حكمه الدوُر
اليا رعينا في الفياض الخوالي

يا ما حلا سوق المعاشير بقفور
ونجم السويبع مثل قرن الغزالي

في خايعٍ توه من الوسم ممطور
نوار عشبه مثل نقش الزوالي

إبل رعوها البدو مع كل عثور
تسوى شبحات الوجيه المكالي

روحك يا ابن مدعث على ريشة كرور
اخذ بها صفر العراقيب تالي

وان عذربوها بأشقر الكيف معذور
أغاديه يذهب عن حشا الجوف صالي

وان عذربك من سلحة الناس مسمور
اشرب وطق مشقره لاتمالي

قبلك شربه الجِهر ناصر ومنصور
وعضيب وعقاب عنِزَة والهلالي

وشرب ازرق الدخان ماهوب محظور
العيب زرع الهافيه عند غالي

ابشر يا خالد دام لي دم يفور
مانيب من هو قال دور بدالي

أما خذينا حقنا واقبل النور
ولا ترانا من بنات الحلالي

ماني وأنا ناصر بهورٍ ولد هور
وأنا الذي من راس عمي وخالي

فيالله في كونٍ مثل كون جمعور
هشهاش باروده سوات الخيالي

يصبح به الهافي عن العز مكسور
ويصبح به الطيب على راس عالي

ناخذ به خفاف الموازين بالدور
وكم راس نذلٍ عن كتوفه يشالي

والنصر الي قالوا على الضد منصور
ما هو على زعلة خويً قبالي

وما قل دل وزبدة الروض حمرور
والا كثير الهرج ماله ومالي

عين أبوي
14-03-2009, 01:57 AM
اليهود

كان ناسين اليهود=آبي اذكّر باليهود
هم مصبّغة الجلود=هم مدنّسة الجِعَب
لعنبوهم فرد فرد=كلب كلب قرد قرد
المحارم جرد مرد=والرجال اهل مْعَلَب
يقتلون الانبياء=ويعبدون المومياء
لا كرامة لا حياء=باقية شعب خَرِب
كذّبوا موسى واخوه=واذبحوا يحيى وابوه
فوق طست قدّموه=لل....... .......
وابن مريم كذّبوه=خاصموه وحاربوه
لولا ذو العرش اصلبوه=فوق عود المنقرب
اقسموا بالفانية=أنّ مريم زانية
واولغوا في الآنية=ونجّسوا نهر الحبب
صادوا الحيتان يوم=سبت واصغوا للنجوم
عقب ما هم كان قوم=راحوا قرود عُصب
تاهوا بسينا سنين=في سنين الأربعين
لا معان ولا معين=تايهين في النُقَب
افسدوا وسط الديار=واسجدوا في اول نهار
عند عجل له خوار=والدما حد الركب
ويوم طالوت بغى=قتل جبّار طغى
ادبروا قبل الوغى=شرق يبغون الهرب
احمد قد سمّموه=اغدروا به واسحروه
وآزروا من حاربوه=ابن أخطب ذو الجِلَب
فيهم الفرعون سيد=ساطهم سوط العبيد
بالحبال وبالحديد=والفوا منه التعب
بالرجال انزل بلاه=وبالنسا خدّم نساه
لين موسى جاه جاه=وكبّله راس وكب
وبختنصّر ذو الوثاق=بين فارس والعراق
ساقهم سوق النياق=نصْ ونصّ آخرْ صلب
وهتلر عشّى بهم=جايعات كلابهم
زين ما سوى بهم=يوم خلاهم صلب
للغواني يركعون=وللزواني يسجدون
لا جباه ولا عيون=جاثمين في الذرب
هم قووايد الخنا=هم عماميل الزنا
لا هناك ولا هنا=هم مجنّدة .....
اعظم الامم ذنوب=وانجس العالم قلوب
ضايعين في الشعوب=لا مربّ ولا مضبّ
زين الدنيا لهم=شمعدان اطلالهم
المذلة فالهم=في الحناجر تشرأبّ
حلت اللعنة بهم=سابحين في وهم
مثلهم مثل البهم=في رجاء المرتقب
الدياثة طبعهم=والخنا من نبعهم
ساد فيهم ضبعهم=اهب يالملعون اهبّ
هم اذل العالمين=لا بدنيا لا بدين
كارهين صاغرين=لو علوا هام السحب
شعب كل يلعنه=ماله الا المسكنة
لو سعى ما أمكنه=في الامم صاروا ذنب
مالهم في الارض أرض=عرضهم ما هوب عرض
حكم هتكه فرض فرض=فرض عين إن وجب
من ذبح فيهم وحيد=هقوتي له اجر الشهيد
بشّره يوم الوعيد=يال حسن المكتسب
والسبب أن اليهود=ذبحهم يبرى الكبود
أمّةٍ تؤمن بعود=ولا ترى في الرب رب
لو بيدها اخطر سلاح=شعب اذل من السحاح
طفل بليا سلاح=شاعهم شوع الهلب
من حجر طفل شهر=شافوا نجوم الظهر
طفل في عمر الزهر=شب فيهم واحتطب
طفل خلاهم خشاش=كيف لو بيده كلاش
مثل ذا الطفل او بلاش=من نسانا في الطلب

عين أبوي
14-03-2009, 01:58 AM
المقامة الفرعونية (هذيان في هذيان) (( حــرفٌ مميز )) من روائع فرعون الشعر

مونـس الفرقـا غنـا الورقـا علـى المرقـا يفـوعـه"
.........."صاد خمس وخمس من صيد امس باعه ثم باعه

في عَشِر حشْر ونَشِر ما هن بِشَرْ شوعه يشوعه"
..........""فـي صُفـر سـودٍ عُفـر دق وحـفَـر واودع وداعــه

راهــبٍ مـبـدى سـجـوده سـابـقٍ مـبـدى ركـوعــه"
".........."ماخـذٍ مـن مبـتـدى ممـشـى بـنـي عمـشـا لكـاعـه

فـي فجـر سبتـه سـرق سبتـة ثلوثـه فـي ربوعـه"
".........."حــرّةٍ رزّوا علمـهـا فـــي تـمـيـم وفـــي خـزاعــة

حـربـةٍ زرجــا وضـبـعـة واديٍ عـرجــا قـطـوعـه"
..........""بُنصـره فـي خُنصـره مـا ينـصـره مِــدّه وصـاعـه

من تِسِـع فيهـن وِسِـع شفنـا نزولـه فـي طلوعـه"
..........""فـي رُبِـع سابـع سبِـع مـا تاكـل سباعـه ضبـاعـه

يـا ملـوك الجـان حنّـوا راحتـه ساعـة خضـوعـه"
..........""مـا خبـرنـا واحــدٍ تــزوّج اخـتـه فــي الرضـاعـة

الف صبحا من بنات الفرس ساقـوا فـي رجوعـه"
".........."والف شقحا مـن بنـات الـروم ساقـوا فـي وداعـه

جاك من لا جـاك ريـح العبـد الادريسـي يضوعـه"
..........""فـي تهـامـة حنّـكـوه اربــع مـلـوكٍ مــن قضـاعـة

صـارع الدنيـا وهـي دنيـا وصـارت تحـت كوعـه"
..........""والقطا عجل الخطـا فـوق الوطـا ساعـه وساعـه

وش نبـدّل وش نعـدّل فــي قِهَـوتـه فــي قـدوعـه"
..........""لـو نسـوّي مـا نسـوّي وش نسـوّي يــا جمـاعـة

يـا معلّـم فـي المبلّـم صـار طبـعـك مــن طبـوعـه"
..........""لا تسـلّـم لا تكـلّـم وانــت طـبـعـك مـــن طـبـاعـه

كـلّ شــرعٍ لــه شريـعـة كــلّ اصــلٍ لــه فـروعـه"
.........."والاصـول الشركسيّـة مـا تبـوضـع لــك بضـاعـة

مـا يـرد مـن القـدر كثـر الـحـذر سـاعـة وقـوعـه"
.........."بالقـنـا طــقّ القـنـا لـيـن الثـنـا يـحـلـى سـمـاعـه

مــا يـنـوز مــن العـجـوز الا ولــد عـنـزٍ دنـوعــه"
".........."والـهـنـادي لـلأعــادي مـــا نقـلـنـاهـن شـفـاعــه

مــن تـزنّـد للمـهـنّـد كـــلّ بـــن كـلــب يـصـوعـه"
.........."لألـف جربـا وألـف حربـا حامـي البـارود صاعـه

ذا ودم واسـلـم وأَسـلِـم وآخــر الفسـقـان طـوعـه"
.........."مــن تبـرجـم مــا تـدرجـم يــا متـرجـم فـالإذاعــة

عين أبوي
14-03-2009, 02:00 AM
غزلية من نوع آخر







لو تحب اللـي يحبـك كثـر ماقلبـه يحبـك
والله ان يحيى ويفنى من سعادة فـي سعـادة
لو نسيم الشوق من جوفي ولـو مـره تهبـك
مابقى غصن من العود الخضر ماهـو رمـاده
لويقول القلب ياريحـان قلبـي ماحسـب بـك
من يصدقني وقلبـي يرتعـش لا قيـل غـاده
ما تشوف اني اجي عريان ابي وصلك وقربـك
دمي شماغي ومن دمعي لبست الثـوب سـاده
يـوم اشبـك ??الهـم سبـع سنيـن اشبـك
ما طرى في بالي اني يوم ابشري لي وسـاده
في عيوني صرت اجمع صورتك دمع واصبـك
لولا خوفي من هلك لبستهـا صـدري قـلادة
لو بيدي ما انـزل لـك جبينـك بـس ربـك
ربك اللي حط في الدنيـا عبيـد وحـط سـاده
ما قطعت الياس من شرقك وانا مشتاق غربـك
الارادة عـن غرامـي فيـك مثـل الـلا إرادة
يامحيرني علـى جمـر الغضـا ياقـو قلبـك
ألف ليل وليل والقمرا علـى خبـري سـواده
إيه بركض ليه ماركض دام هذا الدرب دربـك
يابلغت القصد او يـا يـدرك العبـد الشهـادة
وإن حصل ذا أو حصل ذا مستوي جرحك وطبك
من معه مثلك حـلا يستاهـل الركضـة ودادة
من جمالك يوم اقول لك يا قمـر كنـي اسبـك
وكل فات غيركـم قولـة قمـر غايـة مـراده
من يقول انه كتب بك يا خسارة وش كتب بـك
تمضي الدنيا وكل مـا قـال كلمات(ن)معـاده
من يموت بساعتـه لا طالعـك ماهـو بذنبـك
وكل مقرود ايتحمل مـا يجيـه مـن القـراده
آه لو تحبنـي بـس كثـر مـا قلبـي يحبـك
ماغدا لطـول السهـر لعيونـي القشـرا ؟؟؟

عين أبوي
14-03-2009, 02:02 AM
قصيده رائعه جدا جدا (حييت يا جمس)



حييّـت يـا جمـسٍ جـدادٍ مشاريـه **** عبّارتيـنٍ بميـة ألــفٍ شريـنـاه
أربع ميا وخمسين مـن عنـد أهاليـه **** آخر موديـل بعالـم الشـرق عـزّاه
حالف حـرام إنـي لاسوقـه واعدّيـه**** يوم إن ولْد أمّـه قصـر مـا تهقـواه
جمسٍ ليـا شفتـه عزالـك تقهويـه ***** يا ِطيْب طِيْب القهوجـي كـان قهـواه
تقـول معـزومٍ لحفلـة (سـواريـه) **** جاك امتشيّك وامتعطّـر ومـا احـلاه
سـوّاه لطـوال الشـوارب مسـوّيـه **** ما يركبـه يـا كـود حامـي حمايـاه
حرٍّ كفـخ مـن روس عالـي مباديـه **** قـرمٍ تلطّّـم وأشقـر الكنـت طفّـاه
يا ليت راعي الجمس يومـه يسمّيـه**** على اسم عنتر والا بـو زيـد سمّـاه
حيثه شنب يستاهـل المـدح زاهيـه **** ملعون أبو مـن لا قمـز لـه وحيّـاه
من عزته ما ركبو أهـل الدلـع فيـه**** ولا سـوّقـوه أولاد بـابـا ومـامـاه
ولا ساقه الخكري ولا احمـر عتاريـه**** وبنـات المدينـة مـا تعلّـن زوايـاه
الجمـس أحبّـه حـبّ غـالٍ لغاليـه **** حـبٍّ عظيـمٍ حـبّ نمـرٍ لوضـحـاه
ومن حشمته لا جيـت اسافـر اماليـه**** ولا خلّص المشـوار جيـت آترضّـاه
يا شيب عيني يوم آجي لـه والاقيـه**** مثل الذي وسـط الخـلا شـاف لامـاه
خطـرٍ ليـا ناديتـه يقـول: لبّـيـه **** ومن دون سايق يشتغـل مـن ورا ذاه
هـو ميّـتٍ فيّـه وانـا ميّـتٍ فـيـه **** ولو هو حديد أحـب شوفـه وطريـاه
لا قمت المّـس فـوق بديـه واداريـه **** بـلا شعـورٍ قـمـت ادوّر شفـايـاه
ليته هنوف لأجـل اضمّـه واحتويـه**** غروٍ تضوع المسـك صافـي ثنايـاه
حالف يمين انـي لاابيعـه ولا أهْفيـه**** لوربّحونـي بألـف ألــفٍ مــدلاّه
يوم الجبـان يبيـع صاحبْـه بجْنيـه **** والله ما ابيعه دامهـا أمّ الطلـي شـاه
حتى وأنا في المسجد الفرض اصلّيْـه**** أدعي لجمسي يا عسى الخلـد مثـواه
وان كان عنّـي راح مانـي بناسيـه**** كـود البـدو حـب المقاطيـن تنسـاه
وتحـرم علـي نـوره حـرامٍ مقفّيـه **** وتحرم علي البيض مـن كـل منحـاه
يا وين أبلقى لـي حريـص ٍ أوصّيـه **** لا غبت عن جمسي يـزوره ويرعـاه
فـي ذمّتـي بغالـي الـروح لاافديـه **** ولأملّكـه عمـر المعـنّـى ومخـبـاه
ومن جلدي البالـي لاوقّـي سماريـه **** ومن هو سعى للجمس ما خاب مسعـاه
يا لايمي في الجمـس غـادي وسفّيـه **** بـلاك مـا شفتـه ولا شفـت حليـاه
لي جمس مابه جمـس مثلـه يباهيـه **** ولا في جموس الشرق تلقـى سجايـاه
من شـاف فوقيّـه وطالـع بحدريـه **** والله ان يمـوت بساعتـه داه بـرداه
رمـز الفخامـه والاناقـه مـع التيـه **** الحسـن والابـداع والعقـل والجـاه
ذي اس از انترناشيونال عنـد قانيـه **** مـا يكسـح اللـي للمهمـات يقـنـاه
مخـروط والمخـروط صعـبٍ تحدّيـه**** ويصعب على متن البسيطـه مجـاراه
ومكينتـه علـى أربعيـن وحوالـيـه **** وعموده على العشرين حنـا خرطنـاه
لاقـام بنزينـه تشخـتـر سِواقـيـه **** الكلبليـتـر أزمــع أمـــره وودّاه
وعلـى المكينـه والبساتـم يـودّيـه **** وحمر التوانـك جمّهـا مـا ذخرنـاه
يـا دوب تحتـرّ البساتـم وتـوذيـه**** طشّ الرديتـر غترتـه وألحقـه مـاه
كـن لـون بنزينـه بصفّايـةٍ فـيـه **** أحمر شفايف عضّـه الزيـن بشْفـاه
وكن لون زيته يوم تكشـف معاريـه **** ذهب جواهرجي علـى الكـف راعـاه
وقـزوز بالشكمـان رجليـه وايديـه **** بمكينـة(ٍ بالخـام الاسـود) مغـطّـاه
ونـوع الكرونـه رقـم 7 بطـاريْـه **** ورقــم 3 احتيـاطـي حفـظـنـاه
وتروسهـا حجـم 4 يــا مقـدّيْـه **** مثل القـلاده فـوق صـدر الخونـداه
مثـل المسـدّس يبرمـه مـن يعبّيـه **** أبو محالـه لا وطـا التـرس ماطـاه
يفتـرّ سيـر المروحـه مـن تواليـه **** وسيرٍ بـراس الدينمـو قـام يشعـاه
المروحـه هفّـت وضفّـت سوافـيـه **** ذعـذاع غربـيٍّ تقـافـت عشـأيـاه
وسرنـدلٍ حمـر البسـاتـم تلالـيـه **** وعمود تيمن غرهـدن فـي حجأيـاه
صـمّـام بوجـيّـه بـنـارٍ يغـذّيـه **** وتولّـدت شرارتـه وأكمـل اغــذاه
واليـا لـذع فيـه البليتيـن نـاريـه **** كنّـه شـرَر لحّـام فـي بـابٍ اوزاه
ومفتول دفرنسه عـن القـاع حاميـه**** عـن صكّـة القيعـان يدفـع منايـاه
الجمـس كنّـه متّهـم جـاء محاميـه **** دفرنس والقاضـي غـرازٍ بصحـراه
وكبـر المطبّـه مـا يغيّـر هقاويـه **** ومساعداتـه عـن يمينـه ويـسـراه
والاذرعـه عـن ميلـةٍ بـه تواسيـه**** كنْها عضـود مْلاكـمٍ شـرب غرشـاه
وان شال حمـلٍ مـا يكثّـر شكاويـه**** يا وش يهمّه والسسـت كلهـا افـداه
كن رفرفيـن حـول حوضـه مداويـه**** شيهانتـيـنٍ دوّمــنْ بالخضـيـراه
وكن لـون كبّوتـه ولمعـة عراويـه **** خدود (أصاله) بأحمـر اللـون تطـلاه
وكنّه (كلوديـا شيفـرٍ) فـي تمْدريـه **** تعرض لنـا آخـر موديـلات الازيـاه
وكن زول بدْيه يـوم يغريـك صافيـه**** (مارلين منـرو) وسـط فلـمٍ لفتنـاه
وكن الكفر لا جيـت بالوصـف ابدّيـه **** حبْ خالٍ ب (سندي كروفـرد) شفنـاه
ولا لـه شبيـهٍ فـي نعومـة تمثنيـةالا **** (نعومـي كامبـل) لْمـن تمثـنـاه
وكن نقشة جنوط الكفر فـي محانيـه **** سجّـاد شيـرازيّـةٍ فــي مـصـلاّه
وصقلة قزازه يـوم أردّ النظـر فيـه**** من وجنة (كلـودا الشمالـي) حلايـاه
ولون المرايـه مـن يراعيـه يلهيـه **** من خلقته كن أطـرق العـود يجـلاه
ولو هي بهـا للعيـن فتنـه وتمويـه **** بها تشوف اخريـم الابـره ومنشـاه
أصفى مـن اللولـو بمحّـار شاطيـه **** مـعْ واحـدٍ فـي مبـرم السلـك دلاّه
وبغمزة (سميره بنت توفيـق) أحلّيـه **** لا أعطـى الاشـاره والمواتـر تقفّـاه

عين أبوي
14-03-2009, 02:03 AM
قصيدة ( أرض فارس )لفرعون الشعر الأول


سقيفـة معبـدٍ فــي أرض فــارس"
"سقيفة صدر ابـو فـارس يفـارس

علـى كتفـي نقلـت الـيـوم حتـفـي"
"ولــي بالجـنـة العلـيـا هـجــارس

بـخـدّ صَبـيّـةٍ مــن نـسـل هـاشـم"
"ورسني مـن بنـات الجـانّ وارس

ألا يـا عيطمـوس الجـانّ صيحـي"
"ودقّي لي على صـوت المهـارس

وطيـري بــي لسـبـعٍ بـعـد سـبـعٍ"
"بأجـنِـحَـةٍ كـأجـنـحـة الــنــوارس

أنــا العـبـد الــذي صـلّـوا عـلـيـهِ"
"بـقــفــرٍ دمـــــدم الآثـــــار دارس

بعشـريـنٍ رأى مـــا لا رأى مـــن"
"بني التسعين من دارسْ ومـارس

لصيحَـتِـهِ تـزلـزل قـصــر مـــارد"
"ودهــمٍ مــن بـنـي بـكـرٍ تـكـارس

سـبـيـعـيّ وذو مـعـنــى ومـبـنــى"
"صناديـد الوغـى الأسـد العتـارس

زيــازيــمٍ شـغـامـيــمٍ أشـــــاوس"
"زحـازيــحٍ طحـاطـيـحٍ أشــــارس

سـلاطـيــنٍ شـيـاطـيـنٍ صــــوارم"
"وإن حمي الوغـى عُمْـيٌ أخـارس

ورثنـا قيصـراً فـي عـرش رومــا"
"ومن كسـرى ورثنـا ملـك فـارس

تسـلـطـنّـا بـنـجــد ألــــف عــــامٍ"
"وفــي التـاريـخ تـذكـيـرٌ لـــدارس

أقمـنـا دولـــةً فـــي إثْـــر دولـــة"
"على مضَضِ وبرد الدهـر قـارس

جلـيـنـا ظـلـمـة الأتـــراك حــتّــى"
"تصـوّف ربّهـم فـي شهـر مـارس

كسـرنـا شـوكـة الـبـاشـا مـحـمّـد"
"ضــراب الـتـرك أولاد البـطـارس

جعلنـاهـم شعـوبـا فــي الـعــراق"
"وفــي مـصـر يلـمّـون السـبـارس

عسـفـنـا كـــلّ عـربـيــدٍ مــدجّــج"
"فما من ضربنـا انجتـه المتـارس

نـدلّــه إبـلـنـا جــوســاً وقــســرا"
"وترعى عنـوةً عشـب العضـارس

تـدرّسـنـا عـلــى روس الــرمــاحِ"
"وليس سوى الحروب لنا مدارس

لنـا فـي صفحـة التاريـخ مسـهـم"
"بـأمّـات الـكـتـب ذات الـفـهـارس

ولنـا فـي الأنجـم العلـيـا مصـلّـى"
"وفي أقصى بـلاد الأرض غـارس

بعبـدتـنـا سـبـيـنـا ألــــف حــــرّة"
"وعبلـة عشـق عنتـرة الـفـوارس

فـمـنّـا مـــن تــلاعــب بـالأسـنّــة"
"ومـنّـا مــن تـلاعــب بـــالأدارس

ومـنّـا حـربــةٌ فـــي كـــل هـيـجـا"
"ومـنّـا ضـربـةٌ فــي كــل فـــارس

فـــإن كـانــوا كـمــا كـنّــا وكـنّــا"
"كمـا كانـوا فـمـا للـدهـر حــارس

ومـــن يـسـتـبـدل الآيــــه بــآيــه"
"عليـه انيـاب كـلْ لاشٍ تـضـارس

رمانـا الدهـر فـي يـد كـل واطــي"
"قــلال الأصــل أبـنـاء الـهــدارس

زمـــانٍ بــــه مـمـالـيـك الـعـبـيـدِ"
"بلـحـم أسيـادهـا قـامـت تـفـارس

زمـــانٍ بـــه سـراحـيـن الـذيـابـة"
"خضـاب كفوفهـا الـداء النقـارس

انــا العـبـد الــذي صـبـأوا إلـيــهِ"
"ذوي الملـك الجبابـرة الغـطـارس

عين أبوي
14-03-2009, 02:04 AM
درر من غزلياتـ شاعر مضر

غروٍ نطحني يجرّ الغيّ ويل أ مه
مثل أمّي أنّه عذاب الروح مثjل أمّي

عليه لبّسني إبليس الهوى عِــمّة
وابليس من قبل بن خالي وابن عمّي

يا ليت من هو تليّن في طرف كمّه
اليا تمدّد طرف كمّــه عـــــلى كمّــــي

غروٍ ذبحني وانا من لحمه ودمي
وش بقّىْ للي مهو من لحمي ودمّي

لا جيت اخمّه وقلت الخمّه الخمّة
قال :ابتــــعد يا ولد بدري على خمّي

ما يدري انّه خبر (إنَّ) وأنا ضمّة
يا حلو حلو الخبر مرفـــــــوع بالضمّي

يوم انكشف لي نحَرْه وبانت الزِّمّة
قامت شياطين بقــــــعا تزمّني زمّي

يا عين شيهانةٍ في عالي القمّة
قمّت بريشٍ وريش البُرْق ما قمّـــي

لو في بريقعْه رحمة كاشف الغمّة
ما كان زوّد سواد بريقــــــــعه غمّي

الزين إلى جاء لزينٍ ناقصٍ تمّه
والله لولاه حسن البيض ما تمّي

زينٍ عليّه تغيّر وانعَسَـــر صمّه
نسى ثلاثة ليالٍ عسْرها صمّي

ومن صار لي في الرخا عبدٍ وانا عمّه
لا جاء القسا صرت له عبدٍ وهو عمّي

سقى الولي يوم انا دلوٍ وهو جمّة
واللهْ ماْيسقيني ألا صافي الجمّي

يا لعنبوه انْ مدحته كنّي آذمّه
وغيره تمنّاني اقصد به ولو ذمّي

مدري على اسم القمر سمّوه يا يُمّه
والا على اسم الغضي وجه القمر سِمّي

عين أبوي
14-03-2009, 02:05 AM
رايــــــــــــــح وطي..!!


توّ ماجيتي وخلّيتي العاشق وطي
"كيف لو ترخين عن نور خدّك برقعه

والله انّ الزين غيرك ولو زان خْرطي
لو كبر مثل اربعه نقّصوا منها اربعه

ياهنوف الروح مما عطاك الله عطي
عاشق كل مابغى يذكر اسمه ضيّعه

احمر التفّاح والا من الحلو اصفطي
لمخطوف من عظم فرحته عضّ اصبعه

واقلطي في مجلس الصدر يا بنت اقلطي
لعنبو من لا فرش لك من الصدر اضلعه

وفي بساط من حنايا ضلوعي بسّطي
مجلس ما نجتمع به لابو من جمّعه

ونشّطي روحي بذايب أنينك نشّطي
قالوا ان الميت يحيى عقب ما يسمعه

ورقّصيني فوق خصرك وهدي وامغطي
ويش فيها لالتوى والتوى قلبي معه

واعصري لي من قراح الشفايف واخلطي
زنجبيل سلسبيل عليــــل منبعه

واكتبيني كلمة في ثمانك واشخطي
وكان جرحي مابرى عقبها وش ينفعه؟

مابغيت آصدّق انّي معك رايح وطي
لين شفت العين ترسمك ظلّ وتتبعه

عين أبوي
14-03-2009, 02:06 AM
العيون والخمر والموت


ياللي عـلى شان شيٍّ فوق منديلي
زعلت !! تحسب يتيمة دمعتي حُمرة

اركد وعن رقم خطي لا توصّيلي
راجع شفاهك وتلقى فوقها النمرة

لا يا بعد مـا يـقال وبعد ما قيلي
حبك غمرني وغمرة حبكم غمرة

يا ويل ويلي عليك ومـنك يـا ويلي
لا حجّةٍ دلّهت عـنكم ولا عُمرة

الطرف لا شفت هاك الطرف يغضي لي
يا هوّ سكران يا مخلوق من خمرة

طرفٍ بلا صوت يدعـيـني ويـدعي لي
وانفسي اللي سبب دعوتْه منْدمْرة

والرمش لأغضى هَدَبْه الأسود الليلي
يا موت, يا إن ملاك الموت تحت امْره

رمشٍ بلا يدْ يصافـحني ويومي لي
سبحان من سلّّ سُمره(1) من سنا سًمْرة(2)

أسود سواده بلا كحلٍ ولا مِيلي
كنهّ خذا من سبيب عْـبـيّةٍ ضمْرة(3)

في غير خدك يمـلحـق حيلتي حيلي
ما اذكر إبِه تـمرةٍ خاوت على جمرة

يا جمرةٍ فوق صافي الخدّ عزّي لي
يا لعـنـبـوك احرقيني وارجعي تمرة

ونهدٍ ليا ذبّت الـشـيلـة يـلبّي لي
يـطمر عدامة حـشاي وطمرته طمرة

دامه لحاله فأنا عن ذبحه مْشيلي
أحبّ ذبح النواهد زُمْرةٍ زُمْرة

من مرّ ما شافكم يا لابس النيلي
ما فات نصْ عمره ألا فات كلْ عُمره

عين أبوي
14-03-2009, 02:06 AM
(غاغ غاغ .....غوغ غوغ)



الطفل الصغير جدا ما كثيرا نداعبه
باللعب على شفاهه وترديد الكلمة المحبوبة عند الآباء (غاغ غوغ)
ولكن تكون على المحبوب افضل اذا اعطاه الله
من صفاء النية ونقاء السريرة ما يجعلك تراه كالطفل المدلل

ما كتبت الشعر يا نور عيني من فراغ
فيك واللي فيك يحتاج له وقت وفروغ

الشعر فـي غيركم سامجٍ مايستساغ
وفيك ما لا يستسغ من ورا خشمه يسوغ

احسن الابيات فـي بوتقة قلبي تداغّ
بسّ من هيبتك لا جيت ابكتبها دغوغ

اتعب المرسم يـدي واتعب الفكر الدماغ
لين شفت لنجمة الشيب في راسي بزوغ

من عذر قلبي نهار ابرز البيضا وزاغ
هـوّ بـه من شــاف ما شفت قلبه ما يزوغ؟

في حياتي ما ذكرت انّي طشّيت الشماغ
لين شـفته وانزلغ دمعي الاحمر زلوغ

طفل توّه في حشا امّه يغاغي (غاغ غاغ)
يـتلعثم وان حكى افصح كلامه (غوغ غوغ)

ما يعرف من الهوى كود لعبه بالصباغ
ابيض ابيض ما يعرف الصدوغ من الرسوغ

في عيونه صاغ الآله شيٍّ مايصاغ
فصّ ساحر صاغ فيه آية الفرقان صوغ

وفي الهدب هيبة (نَبِيْ) ما عليه الاالبلاغ
وفي النهد طفلٍ بلغ من قبل سنّ البلوغ

وفي خدوده راغ بارق سحاب الشرق راغ
بسّ انا من خوف يعمي عيوني وين اروغ؟

يـا جماعة وان غدا القلب من جوفي وباغ
من يدوّر لي معه قلب آخر ما يبوغ؟

عين أبوي
14-03-2009, 02:07 AM
...النــــــــــــــــــتفة!!

الناس ما زعّلتها حروب بسْ وينك؟
يوم انت تزعل على أدنى سبب واتْفه!!

يا ناعم العود لي ديني ولك دينك
وكلٍّ إلى ثوّرت مسؤول عن حتفه

يا زين زينك وبعض احْيان يا شينك
خصٍّ لجاء طاري الفرقا وقلت: إتْفه

والا انت ما في البشر طينٍ مثل طينك
ياعين فيها من الموت الحمر هتْفة

والله ما يقدر الوقفة قدم عينك
إلاّ هبيلٍ نقل حتفه على كتفه

فإن كان تنشد عن الحال, انشد اثنينك
في ذمّتي ما بقى من حالي النتفة

عين أبوي
14-03-2009, 02:08 AM
البلاط الهاشمي


ما دريت انّي بحبّي حسين اللون شَرْهْ
لين شفت يْديْه ربعٍ ورا محاشمي

يا حمد كِنّي إلى قمت اطالع في نَحَرْهْ
آتمشّى في رِحاب البلاط الهاشمي

عين أبوي
14-03-2009, 02:10 AM
ماني قطاة ادناة ماخضه

يارجل عـن دار عبـاد الصنـم فضـي
فضي يرجلـي وخلـي فضتـك فضـه
وياعين عن كـل عـورة غافـل فضـي
والا ابتليتي وعنـك الطـرف ماغضـه
ويانفس عن مايدنـس شيمتـك جضـي
جضي جضيض افحج حس الونس جضه
وحظي على مـن يسـد النايبـه حظـي
حر يدورج قصيـر الريـش ويحضـه
في ذمتي ماعلـى المقفـي درج فضـي
الا على من علـى شوفـي درج فضـه
ويانفس في ذروة المجـد العـلا نضـي
نضة حـرار الوقـار النضـه النضـه
ومن كل مصافح وصخ يد يايدي وضـي
يامصافح النجس كفك نجس قـم وضـه
قصر الخنـا ماجذبنـي لونـه الفضـي
ما ابغـاه لـو طـرزوا مبنـاه بالفضـه
بيـوت الا بيـوت الـعـز تنقـضـي
لوهي حديـد سـرع ماتجيـك منقضـه
وليـد يامسنـدي مامضـنـي مـضـي
الازمـان يـمـازح دابــه ورضــه
ومن فعلـه الوجـه مسـود ومبيضـي
وبافعالهـا النـاس مسـوده ومبيـضـه
عند اختلاط الزهـر حلـو ومحمضـي
تظهر لك التجربـه حلـوه ومحمضـه
وليد شوفـه رفيـف البـرق معرضـي
تعرض بروح عروض اعراض معرضه
ناب الدهرعضني ثـم كضنـي كضـي
وقفى وقفيـت اعـض المـر واكضـه
وقت يبي في مثل سعن محثـل خضنـي
هيهات ماني قطـاه ادنـاه مـا خضـه
وقـت بلاظيـه قـام يلظنـي لـظـي
لاظي تلظى ومـن لاظـي لظـي لظـه
وقت ليا شض شاضي شضوته شضـي
اظهر شظو ساق شظو الشظو ماشظـه
روض بدبـدب دبـا حنـان مكتـضـي
قلب هجوسه تجوسـه جـوس مكتضـه
وغافل زمانه يحسب الضو مثل الضـي
ماينبـه الا وقـد نـاب الدهـر مضـه
وقت ملي بالحصا كفـه يبـي رضـي
وبجاه الف لام ميـم ارضيـه وارضـه
وباصابعي لـو بينفعنـي كثـر عضـي
اكلت كل اصبع من كثـر مـا أعضـه
حظي جلس لي على المليـان ومفضـي
طلقه عمـى ساقـه اول سـاق تفضـه
وليد لو من شكى حظـه يـري حظـي
تحمـد الله ميـة مـره علـى حـظـه
اصيح وين الذهيـب اليابـس الغضـي
واثر البحـر يابسـه واليابسـه غضـه

عين أبوي
14-03-2009, 02:11 AM
(ولد اللاش)

قصيدة من قديم ابوفارس

(ولد اللاش)





رج راسي وانا وسط الرياضـي
شوف ناس على السفله تبايـع
لا معي واسطة والجيب فاضـي
والرجا عند ولد اللاش ضايـع
قالوا ارضى وانا مانيب راضي
مارضى الهون من يبغى الطلايع
والله اني لولا بعض المقاضـي
لاذكر اشياء وما سـواه شايـع
والله اني لولا شـي يجاضـي
لا تتبـع خبيثيـن الطبـايـع
لين ابرد قدمها في الرماضـي
واظهر علوم اخفتها الصنايـع
ابك حتى الدجاجة اليوم قاضـي
والرخا امواق في روس الرفايع
ابرق الريش شبعان مجاضـي
والعديم اشقر الجنحـان جايـع
لو هي بالقنا والسيف ماضـي
ان تشوف اصفر العرقوب رايع
دنيا ما من وراها الا الشواضي
تودع القلب في جسمه ولايـع
صابنا من مـوارده انقباضـي
عقب قفى بها خكيـري ومايـع
ذوقتنـا الغـرارا والحماضـي
وامعصور الحدج في كل خايـع
وذوقتهم شهاليـل الحياضـي
وامخلط العسل عقب الوسايـع
طقّعت لنشاما فـي الرباضـي
وابن الاجـواد ورتـه الفنايـع
وافرحت قوم وَجدِي والعواضي
كسبوا الخيـل فيهـا والقلايـع

عين أبوي
14-03-2009, 02:12 AM
آه لوتحبني بس كثر ماقلبي يحبك

لو تحب اللي يحبك كثر ماقلبه يحبك
والله إن يحيى ويفنى من سعاده في سعاده

لو نسيم الشوق من جوفي ولو مره تهبك
مابقى غصنٍ من العود الخضر ماهو رماده

لو يقول القلب ياريحان قلبك ماحسبك
من يصدقني وقلبي يرتعش لاقيل غاده

ماتشوف إني أجي عريان أبي وصلك وقربك
دمي شماغي ومن دمعي لبست الثوب ساده

يوم أشبك أثري إلى الهم سبع سنين أشبك
ماطرى في بالي إني يوم أبشري لي وساده

أسهرك والهقوه إني لاتعبت أقدر أكبك
ولادريت الآعقب صار السهر للعين عاده

في عيوني صرت أجمّع صورتك دمعٍ وأصبك
لولا خوفي من هلك لبستها صدري قلاده

لو بيدّي ماأنزّل لك جبينك بس ربك
ربك اللي حط في الدنيا عبيد وحط ساده

ماقطعت الياس من شرقك وأنا مشتاق غربك
الإراده عن غرامي فيك مثل اللآ إراده

يامحيرني على جمر الغضى ياقو قلبك
الف ليل وليل والقمرى على خبري سواده

إيه باركض ليه ماأركض دام هذا الدرب دربك
يابلغت القصد أو يايدرك العبد الشهاده

وإن حصل ذا أو حصل ذا مستوي جرحك وطبك
من معه مثلك حلا يستاهل الركضه وتاده

من جمالك يوم أصوت ياقمر كني أسبك
وكل فاتن غيركم قولة قمر غاية مراده

من يقول إنه كتب بك ياخساره وش كتب بك
تمضي الدنيا وكل ماقال كلمات معاده

من يموت بساعته لاطالعك ماهوب ذنبك
كل مقرود يتحمل مايجيه من القراده

آه لو تحبني بس كثر ماقلبي يحبك
ماغدى طول السهرلعيوني القشرا عباده

عين أبوي
14-03-2009, 02:13 AM
حبذا الموت معها

كل ماقلـت : أحضنينـي تـرى مانـي صـري
قالت : أغسل يدك قلت : السبب قالت : كذا

وابـري حالـي بــري وافــري جيـبـي فــري
مهـرةٍ مــن دونـهـا كــم مـهـر شـيـخ جــذا

لـشـعـرهـا بـايـعــي يــايــدي وأسـتـغـفـري
وشـم يـا أنفـي منـه قـبـل تقـفـي بــه شــذا

يـوم فلـت شعـرهـا الغـجـري قــدم نـاظـري
رحـت أغنـي : حبـذا الـمـوت معـهـا حـبـذا

طحـت مـن شلفـا ذيـاب علـى شلفـا جــري
يوم فيي رمـش أتقـي رمـش واللوعـه بـذا

حكـم سـود رموشهـا فــي حـكـمٍ عسـكـري
يذهـل الغافـيـن مــن خــوخ وجنتـهـا عــذا

مهـرةٍ فـي ثغرهـا مـن تـمـر بيـشـه ســري
فـي العـذارى أسلوبهـا أعظـم مثـال يحـتـذا

عــود رمــانٍ لسـاقـه محـيـر الـمـاء مــري
واقـــــف حــتـــى اذا هــبـــه الـغــربــي اذا

مـن ليونـتـه يتمـايـل تـقـل راعــي خـمـري
فـــي رجـاهــا قـــرح الـخـيـل نـرذيـهـا رذا

الصـدر خيمـه سمـا والنهـد قـاسـي طــري
عندها في خصرهـا نقـص كامـل فـي الغـذا

تحـت قبـة معبـد الـصـدر غنـيـت صـخـري
ياحـمـد لـيـن ان ذا طـووعـه مــن ذا مـــذا

والثنين اللـي علـى الصـدر مجرمهــــن بـري
ياحـمـد مــن ذا أنــا داخــلٍ فـــي وجـــه ذا

بـيـن خـصـرٍ أشـتـراكـي وردفٍ عـنـصـري
ساقـهـا مـــن عـربــدة ردفـهــا يـشـكـي أذا

مهـرةٍ لا جيتهـا مـن عنـاي أجــري جــري
ماحذتـنـي لــو لحـافـي قــدم رجـلـــي حـــذا

فــي دلعـهـا يــذوب تسعـيــن مــرة مــادري
واحــدٍ فــي عــز نـومــه بضحكـتـهـا هـــذا

أستريحـي يـا مـهـا وأقـعـدي يــا البـنـدري
في عيون البيـض مـن حسـن ملهمتـي قـذا

حسنهـا بحسـن الـعـذارى يبـيـع ويشـتـري
بنـت شيـخ لا عـطـا مــن الطنـاخـه مـاخــذا

أبـك أنـا مـن قبـل لا أشوفهـا مانـي صـري
كيـف أجـل لاشفتهـا وهـي كــذا وأنــا كــذا

عين أبوي
14-03-2009, 02:13 AM
قصيدة (يايبه) الموجهه لأبيه يرحمه الله وهي في المدح والفخر


يايبـه يانــور عيــنٍ تبلشـهــا الســـهــر . . . يايبــه ماجــور ماجــور يانســل الكــــرام
يايبه ياعزوتــي من صواديـف الدهـــــر . . . يوم طير الضيم فوقي نفض ريشه وحام
لأجلك العيـن انتثــر دمعهــا دمٍ حمــــــر . . . والحشا كنه على واهــج الرمضـا حـطـام
يايبه وإن خانك الساق أنا ساقك وســـر . . . ان بغيـت السهـل والا شواهيــق العــدام
يايبه وإن قصر الشوف شوفك ماقصـــر . . . دامنـي لك شـوف وعيـون فوقـك ماتنـام
يايبه وإن خانك الكــف أنا كفــك حـجـــر . . . إضـــرب بي اللي تبـي هامـةٍ والا قــوام
يايبه وإن خانك السمع أنا إذنك فالبشــر . . . في ذمتي ماتسمـع ألا خـبر عــزك يقـام
يايبه وإن خانوا أصحابك أنا صحيبك جبر . . . مير مافأصحابك اللي عطى درب المـلام
يايبه وإن درهـم القـــوم أنا دونـك بحــر . . . والله إن تبطي مضـاريبـهـم بـرد وســـلام
يايبه لاغطـرف القمــري الشــــادي ودر . . . جر هاجوس المعنى عليـك أحـلى كـــــلام
يايبه ياعـزة الجــار وضيـــوف الســـحر . . . يامـــزبن واحــــدٍ طقتـه بقـعـــا وهـــــام
مالقيتك بفرجة السـوق تصلــخ وتهـــدر . . . الك عند الـنــاس قـــدرٍ وهيـبة وإحتـــرام
ولاأنت باللي فوق جاره عصـاته تنكسـر . . . يمدحك جارك وضيفك وربعــك والخـصــام
وكان سبَّل عسـعـس الليل ثـوبه واسـتتر . . . شف دمعــك في صلاتك مثل وبل الغمـــام
ياعسى يفدى قدم رجــلك اللي ماانعــثر . . . رجلك اللي ماسعـت كـود في عـز المقـــــام
كم وكـم فنجــال بـنٍ بمـجلـسـك انتــثــر . . . مجلسٍ للعـود الأزرق على وكــــره مــــرام
وكم سمانٍ راعي الضان لقــدومك ذخر . . . حثـهــن بأطـراف كـفـك لضيفـانٍ حـشــــام
كن نقفة دمهن فالثــرى سيــــلٍ حــــدر . . . وكن ريح شحومهـن فالفـضا ريـح الخـــزام
يايبه شفـت الليـالي مجاهـيـــم وعـــفـر . . . عن مباغـيــت المنــايا التهـينـا فالحطـــــام
كلنا يـدرق عليـه الـزمــــــان وينتـــثـــر . . . فوق منصوب الشداد وعلى ظهور المسـام
يايبه من زاد كاد وخفـــى عزه شــهــــر . . . وأنـت عـزك فالخضيـرا جـلا جـنـح الظـــلام
يايبه من هام شــيٍ وهـو ماله ظـــهـــر . . . ذاق دون اللـي يبي مــزة الحنــظـل شــــمام
يايبه من يبغي المجــــد من دون معــذر . . . مثـل زارع شتـلةٍ فالصبـخ يبغـى الصــــرام
من هـمـل فــرجه بلـيا سمــيـنٍ ماظـفــر . . . تنطحـه شمـسٍ تجدويه مطعــوم الســــمام
يايبه تسبيــــحةٍ يــوم جنـــح اللـيـل در . . . ماتســاوي وزنـهــا كنــوز مصــرٍ والشـــوام
يايبه ماشق صـم الصـفا غـيـر الصــبر . . . والكدر عقب الصــبر ينتـحــي مثل الحـــلام
يايبه دنـياً لقيـنا لـهـا بطــن وظـــهــــر . . . الحظـيـظ اللي بها عــز نفسـه واستــقــــام
والختام بريــح مســكٍ وريحـــانٍ ذعـــر . . . الصـلاة الـزاكـيـة من ضمـــيـرٍ مســــتهـــام
للنبي الهاشمي صاحـب الكـف الخضـر . . . عد ماغنـى على خضــر الأغصــان الحـــمام

عين أبوي
14-03-2009, 02:15 AM
أواهُ يا أمي

أمي قبل وحين ولادتي:
...
..
.

أواهُ يا أمي
يا من حملتي عني همي
وغّمّكِ _من غير ذنبٍ منكِ_غمّي
وتكوّن منكِ لحمي ودمّي

أواه يا أمّي
سمّي عليّ _فداك القلبُ_ سمّي
إني أريد أن أشمّكِ يا أمّي
على جيوب ثيابي
على أطراف كُمّي

أواه يا أمّ فارس
من قال أني في شهر مارس
أهيم على كل مُدَارسٍ وَمُجَالَس
ضميني , ضميني
إن برد هذا العام قارس

دعها يا أبي
إنها أمي
إنها ابنةُ ملاعب الأسنّة
المطلق فوق ظهور الخيل الأعنّة
ومن جعل الله تحت أقدامها الجنّة

دعها يا أبي
إنها ابنة عامر بن صعصعة
إنها أم البنين الأربعة
الضاربين الهام فوق الخيضعة
والمطعمون الجفنة المدعدعة

دعها يا أبي
إنها أمي
إنها ليست الشيخة
بل هي الأميرة والملكة
إنها أعظم ما خلّفهٌ جدي لي من الترِكة

إنها أعظم ما بُشّر بهِ بن آدمْ
وأعظم ما أجلّته الأعاربُ والأعاجمْ

هي الإلياذة
بل الشاهنامة
لالالا بل الإنياذة

إنها ذلك المخلوق الضعيف
الذي ذلّت لهُ أعناق الجبابرة
ورنت له أعين التبابعة
وخرّت له رقاب القياصرة
إنها ذلك المخلوق
الذي اهتزت له عروش الأكاسرة

دعها يا أبي
إنها أمي
إنها من حملتني في بطنها تسعة أشهرْ
إنها التي إذا ما يوماً أصابني الأبهر
وشكى من جورها المبطن على الظهر
تراني أنام وهي على جمرٍ تسهرْ

أواه يا أمي
سأسألكِ يا أمي
ما شأن تلك التسعة الأشهر؟

سأقول لكِ أنا ما شأنها :

في الشهر الأول:
كنتُ في رحمكِ نُطفة.

في الشهر الثاني:
كنتُ في رحمكِ مضغة.

في الشهر الثالث:
كنتُ في رحمكِ علَقَة.

في الشهر الرابع:
بدَأَت تتشكّل في رحمكِ ملامحُ آدميّتي
وبدَأَت تتكوّن في رحمكِ دلائلُ إنسانيّتي

في الشهر الخامس:
صدَقَت رؤياكِ
وعوّضكِ اللهُ مسعاكِ
وتوارد إلى ذهنكِ أنّ ما حملتيهِ ولَدْ.
فسبحان من لم يكن لهُ والدة ولا ولَدْ.

في الشهر السادس:
بدأتِ تبحثين لي عن اسم.
يحمل في مضمونهِ وسماً ورسمْ.
وقررتِ أن تسميني بسم أعزّ الخلق عليكِ
بعد أمكِ وأبيكِ
وأعظم ما نالكِ من والديكِ.
إنه اسمُ عمّكِ الناصر
المُهلك القياصر.
والواصل الأواصر
وكان لكِ الله قبل هذا قوةً وناصر

في الشهر السابع:
بدأ جنينكِ الناصر يداعب برجليهِ رحمكِ الرقيق.
يريدُ أن يشقّ له إلى الدنيا طريق.
فهو في رحمكِ يسبحُ كالغريق.

في الشهر الثامن:
أخَذَت مُشاكسة الناصر تبدو أكثر.
وكأنهُ بين اللحم المردوم يريدُ أن يظهر.
فقد كثُرَت من الجنين تقلّباته
وحركاتهُ غلبت سكناته
وأنتِ رغم الألم العظيم تبتسمين
وتهللين وتكبرين
وله بعين الرضا تقولين:
مهلاً جنيني
أنت لست في سجن !
أنت في رحم أمك
فلا يطول غمك وهمك
فستخرج قريباً إن شاء الله وترى أمك.
أعلمُ أنك أكثرت الحراكَ تريدُ الخروج.
وملاحقة الأطفال حول المروج.
فلطفاً بي , يا بنيّ
فأنا أشدّ إشفاقاً على رؤيتكَ منكَ يا نون عيني
فأسألك بالرحم الذي بينكَ وبيني
أن لا تقلق ولا تحزن
وأن لا تقتلني باشتياقي الدائم إليكْ.
وأن ترحمَ قلبي الهائم عليكْ.

في النصف الأول من الشهر التاسع:
بدأتِ ترسمين لجنينكِ مئات الصوَرْ.
وجعلتِ في خدّهِ حُمرةً وفي عينهِ حوَرْ.
رغم أنكِ تعلمين أنهُ ذكَرْ.
ومن أين للذكرِ ما ذُكِرْ ؟
إلا أنكِ من فرطِ حبكِ لهُ ووجدكِ عليهِ
جعلتيه على صورة يوسف في عمرعيسى وهيئة محمّد.
وهذا الجنين الشقيّ
لا يهدىْ من روع أمهِ
ولا يرعى سباتها
وبدأتِ يا أمي تحدثين نفسكِ من سيُشبهُ هذا الجنين؟
هل سيكون شبيهاً لأمه أوأبيه؟
أم سيكون شبيهاً لأختهِ أو أخيه؟
وكأني بكِ يا أمّي وأنتِ تحدثين نفسكِ وتقولين لها:
هو أغلى الكون عندي
سواءً شابهني أو شابه أباه.
أو قاربني أو قارب أخاه.

ثم تهمسين بصوت خافت_وانتِ تنظرين إلى الانتفاخ الحاصل بسببهِ في بطنكِ_:
لله ما أجمله
لله ما أكمله
لله ما أحسنه
لله ما أفتنه
حتى وإن كنتُ لا أراه
ما أصعبه في رحمي وما أسهله.

وبدأتِ بعد ذلك باشتراء العشرات من الملابس لهُ
وهو لم يزل لحمةً نيّةً خلقها المولى من عنق بويضةٍ وصاحبها.

في النصف الأخير من الشهر التاسع:
يزداد النوحُ والألم.
والتعب والنصب والسقم
ليضج من النوح الأكم
وتسهرُ أمّ ناصر والناس نيام.
لتجاوب الصوت أطيار الحمام.
ولقد كانت نار صغيرها في رحمها
برداً وسلام.
فإذا بدأ الجنين بالاكتمال.
والامتثال والاعتدال.
وأخذ يتأهّبُ للخروج من ذلك القفص الإلهي
تحلُ حينئذٍ القدرة الإلهية
ومن ثمّ يأمر المولى القدير
السميع البصير
بخروج ذلك الطفل الصغير.
...

أتعلمين يا أمي ؟
لماذا خرجَ رأس ذلك الطفل قبل جسدِه_وهذا شيء لم يستطع الوصول إليه علم أمسي ولا علمُ غدي_؟
لقد خرج رأسه قبل جسده نتيجة الوله العظيم الذي أصاب الجنين لرؤية أمهِ . فقرر وهو في رحمها أن يراها بأي طريقة ولأن عينيهِ في رأسه أخرج رأسه أولاً ليرى تلك المخلوقة العظيمة التي أنجبته. وأيضا لكي يكون في أول خروج لهً إلى الدنيا ساجداً برأسهِ لله سبحانهُ وتعالى. فهو من أنشأه من رحمِ تلك المرأة.

أتدرين يا أمي لماذا خرجتُ من رحمكِ وأنا أبكي؟
إنهُ من أجل أن تعجّلي بأخذي في أحضانكِ. وأن لا يلمسني أحدٌ قبلكِ .
ألا ليت الأمهات يدركن هذا الشيء مثلكِ.

أواهُ يا أمي
الآن فقد . أكاد أقتل نفسي
وأقطع رمسي
وأندبُ أمسي
لأني قلتُ لكِ في ذات يومٍ : أفّ

أواهُ يا أماه
بل واويلتاه واحسرتاه
كيف قلتها لكِ عند أتفهِ سبب.
وما قلتيها لي وقد رأيتِ الموت مني بلا سبب.

أواهُ يا أمي.
أواه كم تحمّلتِ غضبي
وأواه كم ذُقتِ بسببي

أواه يا أمي
سامحيني
سامحيني
سامحيني
إني مشتاقٌ إليكِ
فخذيني وقولي لي : هلمّ إليّ يا جنيني
والله يا أمي ما تمنيتُ أن أعود طفلاً
إلا لتحضنيني

اساور وأغصان
14-03-2009, 02:16 AM
عين ابوك وربي ... تذكرت كلمة قالها لي استاذي نجم مررررررررررره يوم عجبه موضوع نزلناهــ ..


يا مااااااااااااااااااااااااااال العافية والله


..^_^..


صح لسان ناصر وتسلم يمينك

لايكون ناصر الفراعنه ابوك :|

عين أبوي
14-03-2009, 02:16 AM
هذي قصيدة ((ملحمة الجد والحفيد))


اللي قالها ناصر الفراعنه في دولة قطر


وهي بصراحه من كتابتي انا يعني سمعتها وكتبتها


واكيد فيه اخطاء سمعيه ومطبعيه والكلمات اللي ماعرفتها حطيت بدالها نقط(....)







اليكم القصيده..













الله اكبر هل يا نجم واثبت يا علم
والله اكبر علي السيف واسطر يا قلم
والله اكبر يهلك الشر في ظل القيم
والله اكبر يظهر النور والخافي يبين
& & &
والله اكبر في وطن من على مجده سما
والله اكبر في وطن من بحر جوده طما
حلو ما جا من سما من جما يقطع ظما
كل قاف في حما من حمى داره يزين
& & &
في رجا من لا قطع من مناجينه رجى
جعل نو سيف برقه فتق صدر الدجى
في تخوم العرش يوم امتطى الغربي وجى
للرعد ببطون نوه مع الهجعه رنين
& & &
في ركونه من قدم صاح ابو زيد ثلاث
وفي ركونه من ورا ...بيض الاناث
مايصيب من الحثاث انقلب رمل دماث
كن حراير كربلاء فيه يبكن الحسين
& & &
مدلهم من في طرف مشلحه مثل الوحوش
او جيوش من بني الزنج تتلوها جيوش
قرن من لا غرهدوا باسم غاليها تشوش
يوم طقوا شوطيو مفترق نوه اثنين
& & &
جعل وبله كل ما عرقله ثقله وطاح
فوق قبر ملاعب الخيل واطراف الرماح
تنتثر حبل المصوبه على قبره صباح
قبر شيخ كلمته ما تعود كلمتين
& & &
وافق النجم المسمى وهلت مزنته
يوم عقّب يوم والريح تأرف وزنته
جعل خيره كل ما ساد مافي خزنته
مايفاخت قبر حامي عقاب المنسفين
& & &
قبر شيخ في حياته لمن بعده قصص
سيرة نحتاج في شرح غامضها حصص
قبر من كان نص وباقي الجيش نص
قبر من يفرق حسامه ضنين من ضنين
& & &
قبر جاسم بن محمد عسا هاك السحاب
فوق قبر طاب من طيب من في هالتراب
قبر من احيا شببها وهو توه شباب
لين حاذف القريه عظيم القريتين
& & &
ايه جاسم بن محمد ولا فيها غبا
منتهى القالات وابليس ابو شدق يهبا
جاسم جاسم اذا بلغ السيل الزبا
مزبن السارين منصى وجيه الممحلين
& & &
من ضنا ثاني ومن راس معراد طلع
نادر من راس عيطه ادرج الريش وشلع
في قلوب مصاولينه من الروعه هلع
لاضربها صمط والموت سلعة صاملين
& & &
الزعيم اللي على الرغم من قل العدد
صاول الاتراك لين انتزع هذا البلد
لين قلدها قلادة شرفها يد بيد
في غياب من ضعون باهلها ضاعنين
& & &
حاكم في سيرته ما تعيد في خوي
ولا تغير مع رفيق على درب سوي
ولاتقاوى الا على كل من مثله قوي
ماشي في حكمه الشعب ممشى الراشدين
& & &
تشهد الوجبه وتشهد عظام الجمجمه
في نهار منه ابو تسعة يفتح فمه
يوم راحت قوة القمع الاحمر شرذمه
نصر واحد لا يساوي...عدة سنين
& & &
ويشهد الشقب المسمى وهو عود كهل
يوم لوّح في ظهر سابقه كانه جبل
ما ثنى صفراه حتى صقط ارضا هبل
وانجلت اسطورة الترك عن زيف مبين
& & &
وتشهد الوكره وتشهد مثاني دامسه
وش لقى من ظبة السيف الالمح لامسه
اربع عديتها ولا تهون الخامسه
فالعدامه يوم سكر دخنها الخافقين
& & &
يا مغني في مطاول مسايل من حرض
ذا قليل من كثير وبعض من بعض
ما جحدها غير من كان في قلبه مرض
العلم مرفوع والصدق سلم الطيبين
& & &
حاكم احيا عقيدة سلفنا من الرفات
من عقب لطم الخدود وعقب وأد البنات
في سبيل الحق صارع جيوش اربع جهات
صابر صبر الصحابه وصبر التابعين
& & &
في ثمنانميه وسبعين تردفها ثمان
في مثل هذا الزمان ومثل هذا المكان
كان ميلاد الحبيبه قطر تحت الدخان
تحت بارود البنادق وعج الثائرين
& & &
تحت ...الرصاص اعلن الشيخ الخلاص
ولا خلاص الا ويأتي تحت نار الرصاص
لامناص لمن يبي العيش حرا لا مناص
لين يدفع مادفع جاسم بالاحمرين
& & &
حدد الميلاد جاسم واعلن موعده
اي نعم ميلاد دولة قطر جا في يده
دولة لعيونها ساق جوعان ولده
دولة في حبها ساق كل غالي ثمين
& & &
لم يؤسس دولته من فراغ او من عبث
او مجرد صدفة جت على غيبة حدث
بـ... بالسيف والمشي من بين الجثث
كم جنين كان في مقتله مولد جنين.
& & &
كم كسر شوكة مريد وكم اصقط وثن
وكم بعث مبدا كريم وكم احيا سنن
لم يقل يجري الهواء عكس ما تهوى السفن
بل مضى في ما اقتنع به مضي الصالحين
& & &
طش ثوب الخوف لمحنية بيض الكفوف
مع نشامى ينقلون الحتوف مع الكتوف
يدري ان المجد دوما تحت ظل السيوف
ماينال الا بحز على حبل الوتين
& & &
فارس الفرسان صفوة تميم اولاد مر
من تناولها بكفه وهي جمر حمر
لين اعاد امجاد سبع القبايل من مضر
ال ثاني قبلة المجد بين العالمين
& & &
ويوم جدد بالي المجد والغايب رجع
وثبت الدوله على عز والقمري سجع
ودع الدنيا وللقرب من ربه نجع
ودع الدنيا وداع الاباة الفاتحين
& & &
ابك لولا اللي بقى من عيال العود حي
كان ...الشعب ماصبره فالارض شي
جعل جاسم جار ذو الوحي من عليا لؤي
في عدن بين الارائك وبين الجنتين
& & &
جاسم اعظم سلف جاء منه اعظم خلف
ابو مشعل جا وزاد الشرف الاول شرف
ابو مشعل واحد العصر ذا لو بحلف
عندنا عن شاهد واحد له شاهدين
& & &
حاكم ... وجيه الذيابه العاويه
جامع عدل الاشج ودهاء معاويه
كل عوجا في يده عودت متساويه
دون جزء من عرينه تروغ اسد العرين
& & &
حنكته خلت قطر فوق فوق فوق فوق
يوم لبسها بيديه الذهب طوق وطوق
دولة يصبوا لها القلب والخاطر يتوق
شعبها لاعدو ........وق



تاابع ..

عين أبوي
14-03-2009, 02:16 AM
هذي الدوحه سحر حسنها سود العيون
كنها ... الليل في لحظة سكون
فاتنه وارت جسدها تحت سود القرون
تحت ضو الشمع شعشع ذهبها فاليدين
& & &
زاد ابو مشعل وهج حسنها الطاغي وهج
لين حرك حبها في دواخلنا المهج
كم لسان عن سحر حسنها الحالي لهج
وكم سرح فيها الوسد حسنها من سارحين
& & &
في قيادة شيخها اصبحت بين البروج
برج ثامن في مدارات افلاكه يدوج
مع هزيف الموج كادت سواحلها تموج
بل يكاد الصخر من رقة الساحل يلين
& & &
كنها والبحر من حولها ريشة مداد
في دواة لم ينش حبرها الازرق سواد
من يسره ان يطالع ارم ذات العماد
ينزل الدوحه يرى ما يسر الناظرين
& & &
قادها شيخ تجل السماء بخبرته
باقتدار عبقري رسمها بابرته
من غلاها مايداري عليها عبرته
احتضنها لين رتّب معالمها اجمعين
& & &
ماعتدني مستوى الدخل في كل البلاد
بذكائه مستوى دخل شعبه فازدياد
دونها صبر الى ان مشى فوق ...اد
وين كانت قبل فتره وشف ذالحين وين
& & &
إن ابو مشعل رغم كونه اطيبنا جدود
ليس متكالا بما سوو جدوده يسود
بل بما سواه هو ساد والعالم شهود
يشهد الواقع وتشهد بحوث الباحثين
& & &
اي نعم هذا حمد اي نعم هذا حمد
تعجز بطون النسا ان تلد مثله ولد
لو بأفعاله يخلد على الدنيا احد
كان ابو مشعل بأول سجل للخالدين
& & &
لاضحك في نون عينه ترى مثل المزون
وان غضب في نون عينه ترى ريب المنون
بعزومه كل ما لم يكن يوما يكون
ليه لا فالصخر قد يخرج الماء المعين
& & &
بايمن حجاجه تهايق كرم حاتم علي
وبايسر حجاجه نهض عنتر العبسي الي
وكن جاسم في جبينه هتف بالصوت لي
ياغريب ابشر بعزك ولك مني يمين
& & &
ابلج يقطر عرق سالفة خده صخا
في رخا حكمه يعيشون شعبه في اخا
مارتخا في سد حاجاتهم واليا انتخا
هز صوته ما تعاقب عليه المشرقين
& & &
ترثة من ال ثاني معاضيد السعد
يوم جيش الروم يضرب بدفه فالوعد
كم بروس المرهفات افجروا ضوف الجعد
لا تلاحو في ظهور المطايا مردفين
& & &
علموا كل اذن تسمع وكل عين تشوف
ابو مشعل عز يعرب رغم كل الانوف
حاكم باسمه تناقل اوادم بالالوف
من جبال الازد حتى بلاد الرافدين
& & &
وولده جمبه عضيده تميم ومن تميم
الشبل ذا ابن الاسد ذا عظيم من عظيم
في رضا ابوه يتفانى وذا طبع الكريم
وفي امور الشعب ساهر وليله ليلتين
& & &
خير ابو مشعل وشعبه على كل الشعوب
وسئلوا لبنان من فالشمال وفالجنوب
يوم نار الحرب قامت تصاليها الهبوب
واصبحوا من حد حوض المنايا بين بين
& & &
مشكلة لبنان اعيت سلاطين الدول
وابو مشعل حلها في دقيقه او اقل
معجزه ان تجمع الناس من شتى الملل
تحت مله واحده ساعة او ساعتين
& & &
وبفضل ربي ابو مشعل حل الخلاف
نظرته احيت جذع نخلة من عود ساف
صير العدوان اخوان في ساعة طواف
يوم غيره غارق في بحرها من سنين
& & &
يشهد الحاضر لبو مشعل واللي حضور
وكل ازمه كان دوره يعادل الف دور
في شفافية مباديه ما يجلوا الصدور
وما جعله للثقه عند كل المسلمين
& & &
اي نعم هذا ابو مشعل وهل يخفى القمر
ذو الايادي البيض في اثنينهم بدو وحضر
حنكته في رؤيته ادبت اصعب بشر
وابهرت من كان يستنتج الاحداث زين
& & &
منهجه ثابت كما هو من امس وقبل امس
واتجاهه في تجلي وضوحه عين شمس
ماسعى في مصلحة هاك خمس وهات خمس
ثابت في معطياته ثبات المتقين
& & &
كل اطراف النزاعات من كل الامم
يرفضون الا اذا كان ابو مشعل حكم
النزاهه زادته مع شمم عزه شمم
لين اصبح مقطع الحق في دنيا ودين
& & &
ابو مشعل ما وصل ما وصله من فراغ
لين في عمق الحوادث طحن عظم الدماغ
السياسه موهبه ما هي بحذفة شماغ
قد ما هي نظرة ثاقبه جت من فطين
& & &
نظرته قدام تسبق فعوله ما يقول
مالتفت في بهرجة مستخفين العقول
مضري يبرم الحق ويقول ويطول
والدلايل قدمنا من شمال ومن يمين
& & &
عكس اقوام يقولون مالا يفعلون
بالفلس من حمقهم مثل ماراحوا يجون
في شعوب اهل الخليج اكثروا دس الظنون
لين ملت من ثغاهم اذان السامعين
& & &
ياهل الدوحه عليكم من القيسي سلام
كل ما يردف غمام مع الغفشه غمام
وكل ما فوق الغصون ابتهل طاير حمام
وكل ما طافت بمكه جموع المحرمين
& & &
اشهد الله واشهد الجند الابيض في سماه
انكم في ثومة القلب في داخل حشاه
والله ان ارداكم اللي عجزنا في وفاه
جيتكم من شدة الشوق يدفعني الحنين
& & &
شاعر جا ينقل الطيب من وادي سبيع
بالنيابه عن هوازن وعن قيس جميع
جيت ابارك لبو مشعل على وقت الربيع
واحتفي معكم بيوم يسر المخلصين
& & &
شاعر رتلت ماقلت في نقرة رجم
في خفوقي صلصلة جن روعهم نجم
اربعه منهم عرب واربعه منهم عجم
دندنولي دندنه دندندن مرتين
& & &
في شظوف الرجم ابو نجم من سقط اللوى
قمت الاحي دندنتهم من الدجره سوى
وكل ما ذعذع علينا من الغربي هوى
قمت انا فيهم وهم فالسرا واحد ثنين
& & &
ذا وصلى الله وسلم على احمد سيدي
يوم تمت تومها فالبساط الاحمدي
ثم صلى الله على من بروض المسجدي
والكرام إثرة الال هم والسابقين

عين أبوي
14-03-2009, 02:17 AM
تسعين من الانس وتسعين من الجن

البحر الغضياني بحــر أوجدة الشاعر ناصر الفراعنة

وهذه قصيدة (علامك ياناصر) على هذا البحر



وبمقدمة للشاعر نفسه :


وللمعلومية القصيدة على بحر جديد اسميته _ولتعذروني_ (الغضيّاني) لحاجة في نفسي

ومـا أشكـل عـلـيـكـم هـو ضــرب مــن الـخــيــال والـجــنــون لا اكـثــر .

ولـقـد كان هـنـاك ايـضا عليـهـا اعتداء مـن بـعض الـشاعرات المستـشـعـرات








يقول ناصر علامك يناصـر صـار ناصـر واحـد ثانـي
اهيف بناصر دقيّق خناصر مـدرِ كيـف اهلـه يشوفونـه
قلت انت لا هنت ويش انت لو هو جاك يالعذال مـا جانـي
ما لمت من كان عشـره ثمـان وبـان للعـدوان مكنونـه
انا طواني هوى مـن لقانـي قبـل عـام وروع اخوانـي
بو مبسم احمر تلالا بروق الصيف ساعة شيـف بسنونـه
وثمان كالطشّ والرشّ بشّ هـشّ مـن لولـو ومرجانـي
ترياقها كاس اصهب علـى سفـرة ملـوك الليـل يثنونـه
وعين كما بيض هند وقدحـة زنـد سنـد عنـد غلمانـي
وسيف مسجّر ورمـح مشجّـر هجّـر وفجّـر ومسنونـه
والخـد جمـرة كريـم لهبهـا سامـر بأسنـاف ديوانـي
او لون ياقوت احمر على اسمر من بلاد الشـرق يجنونـه
والكف تابوت موت ولو انـه مـن حريـر ازرق وكتانـي
ما سر فرخ الحمامة منامـه حـدر فيـة غصـن زيتونـه
وجديل ذيل الاصيل الطويل اعقب شليـل الخيـل فسقانـي
اشقـر محجّّـل ثـلاث مبجّـل عنـد حـكـام يلـزونـه
ما دام عيني عليها رواق عـن حسـن غيـره وصيوانـي
حتّيش لو وقفوا فـي طريقـي تسعـة وتسعيـن مزيونـه
يا سهيل ماانته سهيل سهيل اسم الغضي مياس الاردانـي
ما انته بحوله لواسمك على اسمه هلك صـاروا يسمونـه
سهيل اسـم مـن لبيّـن تعيّـن للنفـل شعـب ووديانـي
في كل ربع وغب وخبت وجب وكل قاع اشهـب وتلقونـه
ليه العجب يوم ادور بروض ارض وطاها نبـت ريحانـي
لا بيّن سهيل مـا يامنـون السيـل اهـل بـرّ يخيلونـه
غرو ليا بان نجمه تغيب نجوم كـل البيـض مـن دانـي
له قونس الراس للكاس يوم الطاس لأهل الطـاس يدنونـه
غرو شكمني وحبه حكمني حكم بـن مقـرن وابـن ثانـي
عليه اكبّر واحبّر واعبّـر يـوم اشبّـر مضـرب طعونـه
ياحول حال لحـال استحـال ومـات مـا لفّـوه بأكفانـي
وعزي لمن شاف الاجواد في موتـه وهـو حـيّ يعزّونـه
ويلاه ما كن ربي خلق فـي الارض هـمّ الا علـى شانـي
اشـوف مـا هـمّ الا واذوقـه قبـل خلـق الله يذوقونـه
ولو باهقى من ورا جرتي للصوت مصلـوح قـد امدانـي
شقيت ثوبي وجريت لي صـوت قطيـن الشـام يوحونـه
يا طول بالي اجامل على جرحي وانا الموت الحمر جانـي
حولي خوالي وكنـي لحالـي واثرهـا الاشـواق ملعونـه
يا شيب شيبي ويا طرّ جيبي ليت لـي ريـش وجنحانـي
لأزور خلـي جهـار نهـار وتالـي الاعمـار مدفـونـه
يا ويل ويلي ويا قطع حيلي ويا خسـارة كـل مـا كانـي
ما باقي الا انا والهـوى عميـا تمشـط شعـر مجنونـه
يا راس راسي على قوّ باسي ازرت تشيل ثيابـي امتانـي
وخوفي على الراس لا يجيه يوم تعتذر عن شيلـه متونـه
ويا خوف خوفي ويا صرم جوفي يوم شوفي مـا تعدانـي
احط في وجـه الايـام الايـام والايـام بالايـام مقرونـه
ويا جرح قلبي على ما فعل بي حبي السلبي وش اعطانـي
ووش في يدي يا يدي والهوى يومي على قلبـي بحجّونـه
ويا ثلم سيفي هو الحب من كيفي عقـب خفـه توطانـي
وانا ضنـا لابـة سيفهـم مـن دم عبـد وعـم يسقونـه
ويا جرح جرحي (جمعي وطرحي) ايجازي وشرحي وتبياني
عن ما نشا في حشا ثم مشـا بيـردّ مظنـون لمظنونـه؟
ويا شر شري انا وين اسرّي عظم ساقي صـوب جيرانـي
الدار من دار عنهـا سمـي النـار غـار تلعـب جنونـه
ويا لوم لومي من الزين لومي ويش قومي تقـل سكرانـي
للحب سكرة وللبعد سكرة والهوى مـا هـو علـى هونـه
ويا كبر همي ويا فجعة امي بيـن ابـوي وبيـن عمانـي
في ساحة البيـت لا حـيّ فيرجونـه ولا ميـت فينسونـه
ويا روح روحي ما احد يسمع ولا احد بيوحي صوتي الفاني
مثـل المـدوّه بنجـد وذوده مـن ورا نجـران يطرونـه
ويا ويح ويحي يبوج الوضيحي دون خلي تسع الاوطانـي
من دونه العاوي الطاوي الضاوي وحوض الموت يردونـه
ويا وجد وجدي وش اللي بيجدي من عقب مدعوج الاعياني
يا كود ضربه بكف كـف وصـف دمعـه صـف بعيونـه
ويا عوب عوبي ويا شق ثوبي وين غض العـود خلانـي
غـرّ غريـر ضـريـر قـريـر لـيّـن بـيّـن كـونـه
ويا جور جوري على شوف نوري طاح من راسي حميداني
ويا خف خفي ويا بعد شفي كـن وسـط الصـدر بالونـه
ويا شق شقي عقب سرق حقي وجلّـي ودقّـي تناسانـي
نسى نهار امـس يوم(...)اسفـل شفتـه وامـزّ غليونـه
في ذمتي لوّ مـن بينـي وبينـه زعـل عبـس وذبيانـي
امداه يرضـى انـا لا ذبحـت اهلـه ولا خالفـت قانونـه
ويا غبن غبني على صاحبي يجذبني ادنى خيـط سبهانـي
ويا غلّ غلّي وانا اشـوف خلـي دونـه الملّـي يعدونـه
فيا وين اشوفه واحوفه والوفه والنـوى دونـه تقصّانـي
تغيب دونه ديـار وتبيـن ديـار تلـو ديـار مـن دونـه
تسعين انسي وتسعيـن جنـي زدتهـم تسعيـن شيطانـي
وتسعين عفرا وتسعين صفـرا زدتهـن تسعيـن مدهونـه
راجن وماجن وساجـن وداجـن كـل فـج خالـي قانـي
وعن الغضي يوم جن ما خبر جابن ولا يـدرن وش لونـه
الصاحب اللي على غير عيني ما ظهـر زولـه ولا بانـي
اسمه كتمته عن اقرب هلي خل عاد نـاس مالهـا مونـه
ومن غيرتي حالف ما يشوف الزين غيـري واحـد ثانـي
ولو هي على الكيف حتى ملايكة المقابـر مـا يشوفونـه

عين أبوي
14-03-2009, 02:18 AM
قصيدة (ياوقتنا اللي صار فيه الذنب راس)

إحدى عجائب شاعر مضر

هي من فرعونيات شاعرنا الكبير

حِكم ، فخر ، وصف الناقة ، ..........







ياوقتنا اللـي صـار فيـه الذنـب راس
مواخـر الأذنـاب تسجـد لـهـا روس
البوم ياطـى فـي بطـن كـل قرنـاس
والذيـب عدنـه عـن الجمـة تـيـوس
ياوقـت ياثالـم شبـا كــل عـبـاس
ياخالـقٍ روس الأسنـة مـن الخـوص
خليتـنـا فــرعٍ وخليتـهـم ســاس
خليتهـم ركـبٍ وحنـا لهـم عــوص
ناسٍ ترمـم عظمهـا مـن لحـم نـاس
وكوسٍ تصافق خمرها مـن ورى كـوس
يا وقت أباري لك علـى قـب الأفـراس
لاشـك ماتشفـق علـى قلـب فاعـوس
وأنـا اللـذي مابيـن مجهـم ومغـلاس
مابيـن أرضٍ وأرض هايـم ونـاطـوس
لاقاضـمٍ حـبـه ولاشــاربٍ كــاس
ولانيب مـن عفريتـة الجـن ممسـوس
لاشـك هـمٍ يـودع الـراس يحـتـاس
كنـه يبرشـم ناظـر العيـن دانــوس
مبطي لاجاء الطيب نتنومـس تنومـاس
واليـوم لاجانـا تـقـل قـاطـعٍ روس
وكل السبب وضحاً علـى عنقهـا فـاس
والسـر لاواضـح ولاهـوب مدسـوس
ماننشـد الوجـه المعفـن ليـا خــاس
ونشره على الطيب إلى صـار داسـوس
ياحيـف يالباسـة الجـوخ والـطـاس
شرابكـم مـن علقـم الـذل محـيـوس
ومن رام له مجدٍ علـى ربـط الأسيـاس
والله ان يمـر القبـر صيـرٍ ومغمـوس
المجد مايصلح علـى الرخـم الأنجـاس
الا علـى غمـرٍ ينـوس الخطـر نـوس
وماكل من يدلـج علـى اليـم غطـاس
ولاكل من ركب علـى الخيـل سنعـوس
والله يـالـولا إخـتـلافٍ بالأجـنـاس
ماعاد نفـرق بيـن فـارس ومفـروس
وياللي حقرت النفس والمكسـب طفـاس
لعن الله آبـو محجـر النفـس بطفـوس
ومن رضي لأجل القرش عيشته منخـاس
.......عرضه لو يبـوس القـدم بـوس
سواة نـاسٍٍ بالشـرف مالهـا أمـراس
تسحب مشالحهـا علـى غيـر نامـوس
والله يالعيـشـة منـظـف وكـنــاس
آخيـر بالعيشـة بهـا الـذل متـروس
وياغرفـةٍ فالسطـح فيـران وبـسـاس
ولاقصـرٍ أساسـه مدوخـل ومنخـوس
وسهري على سطحٍ من الشوك محسـاس
أخير من نومي علـى القطـن مدعـوس
وياهملجة عيني علـى المـوت بنعـاس
و لافتحت عيونـي علـى كـل دعبـوس
ولو هو ضحك لي وسنه أبيض من الماس
قلبه كما حـبٍّ رعـاه أسـود السـوس
نذلٍ لو آسـودس لـه الطيـب سـوداس
مايذكـره لـو بيـن أذانيـه نـاقـوس
ف ياللي تمردس طيبهـا فيـه مـرداس
ماتطلـع الصبخـة ثمـر كـل مغـروس
أكبـر شبـه للـي بهـا صـار غـراس
خبلٍ يشد السـرج مـن فـوق جامـوس
فـيالله يالمعـبـود ياجـالـي الـبـاس
إفـرج لمنهـو تالـي الوقـت مدعـوس
عقـب المعـزة تحـت الأقـدام ينـداس
كنه عن العالم نقـص كـف وضـروس
إن قلت أببعـد وش عليَّـه مـن النـاس
تحرشوا بـي لـو ورى حـد غرطـوس
وإن قلت أبقرب مثـل عنتـر وجسـاس
مامعـي مايفتكنـي لـو طـرف مـوس
إرجع ياسيفي خلاف وإطلـع ياقرطـاس
هـذا زمــانٍ للقراطـيـس مــدروس
أقفى زمـان إخـوان شامـه وعـرواس
وأقبل زمان إخـوان سوسـن وفـردوس
راحـوا عيـال المشمشـة والأنـانـاس
بالرزق والا إنَّـا نقـوس الفقـر قـوس
فيا راكبٍ مـن نقـوة الهجـن عرمـاس
مـن دار سلطـان السواحيـل قابـوس
ماكنـه إلا الزيـن مدقـوق الألـعـاس
يبرى لهـا ذيـلٍ تقـل ريـش طـاووس
أم العيـون اللـي تقـل لـون مدبـاس
حمـرٍ تخاتـل كنهـا عيـن جاسـوس
والخشـم منحـول الرواقيـن مـدمـاس
كنـه ليـا رد النسـم حامـي جمـوس
والإذن لاقامـت تمهـلـس تمـهـلاس
بيـرق عقيـد ومقـدم الخيـل كـردوس
قصيـرة الواحـد ولاهـيـب معـبـاس
طويلـة الإثنـيـن ذيــلٍ ونسـنـوس
تلقى مواطـي خفهـا فـوق الأطعـاس
تشبـه لسمـراً علمـت فوقهـا الفـوس
وخـفٍّ ليـا قـام يتطعمـس تطعمـاس
كنه بمرهـوفٍ مـن الشلـف محسـوس
ووركٍ تحـذف بـه تقـل ورك إيـنـاس
لاسمع الـه قبـلٍ غـدى تقـل منكـوس
والبطـن مهيـافٍ تقـل مابـه أرمـاس
والظهر صلـبٍ منحنـي كنـه القـوس
والجلـد مـن لكـز العراقيـب حسـاس
ومن وشة العصفـور فالجـو محسـوس
خطـرٍ لـو إنـه هبهـا ريـح نسنـاس
تدفي كما تدفـي مـن الظلـه شمـوس
إليـا نسـت عرقـوب ركابهـا أونـاس
راغت تقل غافي سمـع حـس نـادوس
تكـرم عـن اللـي زينوهـا بالأطيـاس
ولادوروا فــي هـــلال وتـــروس
اليـا اسهلـت يازيـن هـاك التمريـاس
كنها علـى ثلـجٍ وفـي خفهـا لبـوس
واليا أوعرت عبدٍ سمع حـس مـرواس
قام يتخشـع مومـي الـراس منكـوس
تلفـي علـى لباسـة الحمـر الأدقـاس
شمّـر هـل العـادات ريـس ومريـوس
ياماثنـوا عـن نايـد الــدار نـكـاس
وياما حدوا من صفـوة القـوم ناكـوس
منصى حلو في مجلسه طرب الإحسـاس
ماهـوب قفـرٍ مدبـر القـاع ميـبـوس
وانصى لنا برجس علـى كـور مقـواس
راعي الشداد اللـي للأجنـاب مركـوس
أشكي لهم وقتٍ على شـذب الأضـراس
فصَّـل عليَّـه دبـرة الشيـن ملـبـوس
وأنـا اللـذي ماشاقنـي درب الأدنـاس
وأشوم عن طعمة عسـل كـل نخسـوس
كـم دايـسٍ مــاداس شــيٍ إلا داس
وغيـره يـدوس ولـو مـاوده يـدوس
مالوم أهـل جـوخٍ تمـدوس تمـدواس
كلٍ حفـر لـه تالـي الوقـت دهلـوس
ومن لايحـط لمقضـب البـاب تربـاس
يصبـر علـى ماجـاه حيـه ولسلـوس
للجـب حـفـارٍ وللـحـب مـهـراس
ومن شد عقب شـوي تلقـاه مهـروس
واحالي اللـي ماعثـت فيـه الأرمـاس
ياكـود ممـا شـاف حاضـر ورامـوس
ما قول كن قلبي علـى الضـو محمـاس
متعـدي قولـة علـى الضـو محمـوس
كني ليـا حـل أسـود الليـل عسـاس
بين أنجمٍ بيـضٍ تخافـق تقـل طـوس
أهيـم فالدنيـا وأنـا مفلـس إفــلاس
من عاليـة حايـل إلـى نـازل سـدوس
وترى الفضا لو هـو وسيـعٍ ومشـواس
أضيق على الملتاع مـن خـرم دبـوس
ملتـاع مالوعـه أبـو عـود مـيـاس
ملتاع مـن جـور الليالـي ومطسـوس
ماعـاد يطربنـي مـع القـوم مجـلاس
ولاعاد يقضبنـي عـن الهملـه جلـوس
لو صابني ماصـاب ابودبـاس بدبـاس
مابـت ليـلٍ ساهـر الطـرف منحـوس
روابــعٍ فالقـلـب جـنـدٍ وحــراس
توقـد بقلبـي قـاد نــارٍ بفـانـوس
وكشف الروابـع قبـل توليـع الأكبـاس
راعيه لاشب أشهـب الصبـح مكبـوس
ياقـوم ياقولـة شجـيـعٍ وعنـطـاس
ياماغـدى فـي جمـة البيـر عنطـوس
عشريـن أقيسهـا علـى كـل مقيـاس
من بعد عشرينٍ علـى العمـر كابـوس
ماخـذت تعلـيـم الليـالـي بـكـراس
أخذت مـن سـود الدهـر جملـة دروس
كيف الوفاء شان الوهـد مالـه أمسـاس
وكيف المراجل تشتـرى اليـوم بفلـوس
من كثر ماشفـت الـوزا قطـع أنفـاس
أصبحـت بايـح سـد والمـخ ملحـوس
صبيت لي في مضـرب العـاج بقيـاس
ذن أشقحٍ بالضـارب الصلـب منسـوس
أبيه يجلي لـي عـن الخاطـر إعمـاس
لاشـك مـن مـرٍ علـى مـر مكبـوس
أغضيت عيني ساعةٍ وأرجـس إرجـاس
قلـبٍ ورى حـدب المعاليـق مرجـوس
في خايـعٍ صبحـه تخرمـس تخرمـاس
وليلـه كمـا حـم الغرابيـب خرمـوس
ياوي حلم أضرب له أخمـاس بأسـداس
أقلبـه مثلـوثٍ وألاقـيـه مـسـدوس
فزيت مثل اللي لمس سلـك مـن مـاس
به كهرباء من ضغط عالـي ومحسـوس
فزيـت واللـي فزنـي فـز هـوجـاس
وعزي لمـن رده عـن النـوم هاجـوس
وكـل السبـب زولٍ لفانـي بــلا راس
شفتـه ومـن خلفـه رجـالٍ بـلا روس
يحمـل معـاه كتيِّـبٍ تـقـل نـبـراس
أولـه واضـح ميـر تاليـه مطـمـوس
في عينه اليمنـى رجـاً يشبـه اليـاس
وفي عينه اليسـرى للأحـزان قامـوس
يلحس ذراعـه بأسفـل الريـع لحـاس
ويمسح حـذاه بعالـي الريـع دنفـوس
لـه ملـةٍ تجهـل نـبـي الله الـيـاس
الصبح مسلـم وآخـر الليـل هنـدوس
وعجزت أفسر غامـض الحلـم يانـاس
تصغر له نفـوسٍ وتكبـر لـه نفـوس

عين أبوي
14-03-2009, 02:19 AM
ابيات لناصر الفراعنة في روضة سدير

في امسيته في مهرجان الصيف 1425 هـ

روضة سدير صيف غير 25


الله يبيض وجه أهل روضـة سـدير=في مهرجان عامر يرفع الـراس

الطيبـين النادريـن المناعـــــــــيـر=كسابة تلحق على كـل نومـاس

ربع تقدر واصل العلـم تقــــــــدير=ما بين ضرغام وما بين قــــرناس

جينا لهم حشمة نشامى وتقديـر=أهل السلوم مرويّات كل عبـاس

عين أبوي
14-03-2009, 02:21 AM
تلاوة كاهن أو نفث قرئ

يقول:

تلاوة كاهن أم نفث قارئ
بصدري يوم اجر الصوت ساري

أدندن دن دندن دن دندن
مثل ما دندن الدندان جاري

على ربع كبطن الكف قفر
حلقه من الذواري موس ذاري

كأن الريح فيه وحوش غابٍ
تحاور في حشا صدري حواري

كأن جبال سلمى دون سلمى
هنا و هناك أنياب الضواري

شعا شاعي شعا شايع شعاها
شعاعا ما يباريها مباري

شعاشيع قراشيع شعثها
إلا شعشع سبيب ما تماري

ألا يالله طلبتك ثم طلبتك
سحابٍ من حياض الخلد جاري

تزبّر ثم تعبّر لين غبّر
و حبر ماطره وسط الخباري

تجلهم ثم تدلهم ثم أكلهم
بامر باري برى باريه باري

يحوف الشمس لين الشمس تصغر
شوي شوي مثل عين البخاري

إلى أن يختفي في ثوب نوه
جذب طاريه أهل درم السماري

مزونه مزنة و مزنة و مزنة
جواري حاكم تتلو جواري

بروقه في فتوقه من تشوقه
يلاعبها بأطراف الشباري

شهب مشهاب ضو أو شهاب
شهب شباب أشهب برق عاري

رعوده كلما نقض جعوده
قنيب ذيابة وسط الغداري

صدى أصواتها في كل ضلع
تلاميذ تردد خلف قاري

تحارش ثم تهارش ثم تكارش
خطارش غيمته من غير طاري

بطش الرش حش القاع حش
يبش ولا ينش و له مواري

دغاريق هماريق بريق
باباريق ترقرقها عصاري

لا قبل ثم وبل ثم سبل
و طبل تحسبه يصرف مصاري

ولا جل البرد وبله و هلل
مكلل ماه يا الماشي حذاري

محاذيف البرد كبر الجماجم
و أصغرها مثل روس الحباري

كأن القوس من قزح على أول
ظهور أول ظهيره شبه ناري

سنا شفق به رمق تدلى
سويعة مغرب من فوق صاري

سحاب جعل ربي لا امر به
يعم به اليماني و النزاري

و يسقي كل أهل شبه الجزيرة
تهامة و الحجاز و نجد داري

و ابو ظبي و واد العين منه
تغار لحسنه جزر الكناري

عساه فوق قبر الشيخ زايد
مية ليل وهو سكاب جاري

قبر زايد و من هو مثل زايد
و أفعاله تغنيها القماري

ملك بالطيب كل قلوب شعبه
بحب و خير و اسلوب حضاري

حمل شعبه على كتفه إلى أن
تباكوا له بأطراف الصحاري

سقى الله ضحكتك يابو خليفة
فلا زلت أعذب الأحباب طاري

عين أبوي
14-03-2009, 02:21 AM
قصيدة شاعر مضر ناصر الفراعنة في ملك البحرين

في أمسيته الأخيرة بالبحرين






يوم نادانا الملـك جينـاه ماجينـا كذيّـا
عاهل البحرين ذو الجدين قيدوم السرايـا
الزعيم اللي وهو دون الثرى نـال الثريّـا
منتهى القالات والطالات محمود السجايـا
محتمى مافي الحمى يقدح سطر راسه حميّا
ابن عيسى حامي الحمّان لا راحت حمايـا
ياحمد يا حرز اهلها من هناك ليـا هنيّـا
أنت يا ذروة ما عد من الزوايـا للزوايـا
في عدالة مملكتك النصر مـا راع الحديّـا
العدالة سيفها نفذ رغـم أنـف الضرايـا
قل لساعة تفرقة هيا إذا بـك خيـر هيّـا
من رفع راسه على باطل توطتـه الحنايـا
يا حمد أتعبت من بعدك ولا بقّيـت شيّـا
لك سوايا من شرفها ما تساويها السوايـا
من عصر أسلافك الماضيين ما فيها غبيّـا
أنتم أعظم من وطوا بقدامهم روس الحيايا
يا ضنا من هيئوا بسيوفهـم مـالا تهيّـا
سايقين ارواحهم من دون دولتهم ضحايـا
يا حمد يا محشر الأمجاد من ميت وحيّـا
الجحاجيح الزحازيح الطحاطيـح الطنايـا
من زمازيم الشغاميم من صماصيم القصيّا
من شوابيش النغاميش البطاطيش البلايـا
العبابيس المدابيـس المقابيـس السريّـا
زناتيـت العناتيـت الطواغيـت الطغايـا
قايد لعيون شعبـه شايلـن غبـن الكنيّـا
أدمنت روحه وفاها وأدمنت يـده العطايـا
كم سهر لعيون شعبه وان دعاه النوم عيّا
فاتح لعيون شعبه في حشا صدره حنايـا
من كثر ما يستحل اهموم شعبـه ويتريّـا
فالخلايا من دماغه كونـوا شعبـه خلايـا

عين أبوي
14-03-2009, 02:22 AM
أبيات في الشيخ ناصر بن حمد بنفس القافية ونفس الوزن







في محل الشيخ ناصر جت بنا عقب المسيّا
غيمةٍ من حلو ماها ما لها عنـدي حلايـا
في رضا ناصر نصير الشعر لا هبت عليّا
ابن نزال المخاوف ابـن طـلاّع الثنايـا
لا انكفا عن واجبه في واجبه راعي الكفيّا
ناصرٍ في واجبه يركي على عوص المطايا
في حجاجه من يمين حاتم رحـب وحيّـا
وفي حجاجه من يسار عنتر العبسي يتهايا
أشوس ياخذ قضاها كاملٍ عنـد القضيّـا
فيه من صملات جدّانه على جـذ السبايـا
جيتكم من وادي سبيع ومن وادي الحويّـا
مثل جاج الوقت أحمل داخلي أربع شظايـا

عين أبوي
14-03-2009, 02:23 AM
قصيدة الخطيب وإبليس لشاعر مضر

.
واكبدي اللي علـى المجمـول منحطْبـة
.......... حطـبـة غـضـا واديٍ حـافـوه حطّـابـة

الراس جاه العطَـب والـروح منعطبـة
.......... لو بين الاخوان كني مـن سكـن غابـة

كنـي قريـصٍ حـدر قـشـعٍ تخـبّـط بــه
.......... مــع مـخّـة الـسـاق دابٍ ذوّقــه نـابــه

لأبـو شفـاةٍ صفـار الكـاس تخلـط بــه
.......... لولاه ما قلـت مـن حلـو الشعـر جابـه

وعيون مشطوب ابو حيٍّ تبـي شطبـة
.......... عـيـون حـــرٍّ يـفــوع الـــدمّ مـخـلابـه

بأيمـن عيونـه وريــعٍ يلـعـب النطـبـة
.......... وبأيسـر عيونـه طليـبٍ شـاف طلابـه

وثنين كالبردقـان وروسـهـن رطـبـة
.......... قلبي عليهن يا ابـن عمّـار يِسـرى بـه

بأيمن نهوده خطيـبٍ أوجـز الخُطبـة
.......... وبأيسر نهوده بلـيـسٍ لابــسٍ كـابـه

ووركٍ يتل أهيف الخصر ويمرمط به
.......... تـلّـة كـريـمٍ يــدا ضـيـفٍ عـلـى بـابـه

كنْ بحّة الصوت يوم اوحيه يشحط به
.......... ترتيـل شيخٍ تهـجّـد وســط محـرابـه

عين أبوي
14-03-2009, 02:24 AM
دٍاوود وطاٍلوت وجاٍلوت



حبيـبـي يــا جـمـالٍ فـيـه آمــوت ولــو بغـيـت آمـــوت
وقــف مــن دون مـوتـي مـــوتٍ أحـيــا مـيّـتـي حـيّــه
آبذبـح كـاهـن البـصـرة واعـيـد أسـطـورة الطـاغـوت
آبــــي ادوّر عــلــى كــلّــي وراء بـعـضــي وخـافـيّــه

إلـى مـن فـوق كتّـان السمـاء ترسـم ســراب بـيـوت
لـهــا تـحــت الـثــرى مـنــي خـيــوط الـوجــد تـبـريّــة
إلـى أرضٍ دونهـا الخطـوة علـى بـاب الجحيـم تفـوت
إلـــى أرضٍ دونـهــا فـــاح الـدخــان وصـــاح جـنـيّـه

إلــى عــزّي إلــى ذلّــي إلــى الجـنّـة إلـــى الـتـابـوت
إلــــى بــعــدٍ يـسـوقــه وجــــه قــــربٍ نـيّــتــه نــيّـــة
حـبـيـبـي لا تعـاتـبـنـي وانــــا بــاقــي بـقــايــا قـــــوت
عـلــى مـــا كـــان كـــان وكـــان شـرقـيّـه وغـربـيّــه

لـو اطلـب عنبـرة مـن ظبـي والا مسـكـةٍ مــن حــوت
علـى الـحـظ الـقـوي سهـلـة لــو الأوضــاع عكسـيّـة
حبيبـي عمـر كـاس المُـرّ مــا يصـبـح زجـاجـة تــوت
وانــا حـظّـي عـلــى الـدنـيـا سـحــابٍ خـــان شـاويّــه

حبـيـبـي كـلـنـا ظـــلٍّ سـنــا شـمـسـه ظـــلال بـشــوت
تــمــوت الـفـيــن مــــرّة فــيّــةٍ فـــــي فـيّــهــا فــيّـــه
وانـا عـن حـرب شطرنـجـي نظـمـت إلـيـاذة البـالـوت
هـربــت مــــن الـحـقـايـق فــــي ســراديــبٍ خـيـالـيّـة

هـربـت سْــوات مــن بالـنـار لـلأقــدام حـــطّ سْـبــوت
هـربــت اطـــرد زمــانــي بــاقــي شــمــاغٍ وطـاقـيّــة
لـك الله مـا تـشـوف ان هامـتـي تكـبـر وانــا هلـفـوت
وتصـغـر لا عصـبـت الــراس قـلــت أخّـــو الفـلانـيّـة

حبيبـي كـلّ ذيــبٍ عــاش عــن شــيٍّ مـضـى كتـكـوت
تــراه الـلـي يصـيـد الـصـيـد يـــوم الـصـيـد عـصـريّـة
حبيبي ليه اعارض ؟ ليه افاوض؟ ليه أجرّ الصوت؟
ولـيــه ابـحــثْ ورا قـصــرٍ مـــن الـمـرجـان حــريّــة

مـــدام انّـــي بـصـمـتـي لابــــسٍ ديـبـاجــة الـيـاقــوت
وصـعــب الـنــاس مـثــل الـخـاتـم المـحـكـوم بـيـديّــه
أبـي ارمـي باقـي الأوراق واعطـي الوقـت بالشلّـوت
تعـبـت ارقــى تعـبـت انـــزل أبـــي كـيّــة وانـــا كـيّــة

عجـزت القـى دوا للـي معـي لـو هـو سحـر هــاروت
وانــــا دمّــــي لــمــن مـثـلــي مــثـــل دمّ الـبــرازيّــة
يـقـول الـلـي يقـولـه شـيـخ انـــا والا بـعــد سـربــوت
عـوايــد سـاكــن الـفـوقـي يـشــوف الـنــاس تحـتـيّـة

(سكـودٍ) فـي فضـاه مروّعـه قبـل أمــس (باتـريـوت)
ولا بــه شــيّ مــن لا شــيْ وبـســر النـاضـجـة نـيّــة
لــــلا داوود,طــالــوتٍ تــوطّـــى صــابـــره جــالـــوت
ورا طــالــوت يـجـحـدهـا؟ يـطـالــوتٍ مــهــي هــيّـــه

وبـعَـد داوود يستـاهـل ولــو طـالـوت شـاتــه شـــوت
رضـــى بـالأجـنـبـي شــيــخٍ وعــيّــا عــــن بـنـااخـيّـه
ومــن يـرضــى بنـفـسـه فـــي يَـــدٍ إلا يـــده ريـمــوت
يـراهـا نــاس صحـبـة بـــسْ نـراهــا حِـــنْ عـبـوديّـة

أنـا فــي وجــه ربــي مــن خِــدَام الهيـكـل المنـحـوت
ومـــن قـنـبـر بـنــي بــربــر ومــــن كــــفٍّ وكـوفـيّــة
ومـن طلسـام سـحـر العـبـد الأدريـسـي وأبــو نـبّـوت
ومـــن عـبّــادة الـعُــزّى ومــــن شــامــة وشـومـيّــة

دعوتـه بالفلـق تعويـذةٍ مِـن مَـن خـلـق فــي (كــوت)
ومــن أهــل الحـسـد والـلـي لــوت بـيـن العـقـد لـيّــه
أزال الجُبـت واحيـا النبـت حامـي حـوتـةٍ مــن حــوت
إلاهــــاً لا ســــواه الـمـنــزل آي (الـحــمــد) مـكــيّــة

حبيـبـي لا تـلـوم المـيْـت فــوق أرضٍ حقيـقـة مـــوت
ولُــمْ مــن مــات فــوق ارضٍ حقيـقـة أرضـهـا حـيّـة

عين أبوي
14-03-2009, 02:25 AM
قصيدة ( سلمى ) لناصر الفراعنه


أأعـمـى أم عـلـى عـيـنٍ غـشـاوة؟
.......... عن الغزلان في عَرَصاتِ (ساوهْ)

لـمــن بـأريـجـهـا هــبــت نـسـيــمٌ
.......... بكـلّ مخـدّرٍ مــن أرض (جــاوهْ)

حـمـيــراءٌ تـحــضّــر والــداهـــا
.......... ولا زالــــت طبيـعـتـهـا الــبــداوهْ

حـمـيــراءٌ بــهــا فــــي كـــــل وادٍ
.......... كِـبـاش الـقـوم فــي نـجـدٍ تـفــاوهْ

أتــــــمّ الله فـتـنـتــهــا فــكــانـــت
.......... لــكــلّ مـفـاتــن الـدنـيــا نــهـــاوهْ

ألا يــــــا ويــلــتــاهُ وســـوأتــــاهُ
.......... بعيني عـن سـوى سلمـى عـشـاوهْ

ألا يــــــا ويــلــتــاهُ وســـوأتــــاهُ
.......... أمـا فـي أهـل سلمـى لـي إخــاوهْ

لـهـا هــدبٌ بـــهِ أرواس شـهــبٍ
.......... لــها فـــي كـــفّ مـقـتـدرٍ قـفــاوهْ

وعـيـنــانٍ كـعـيـنــيْ جــؤذريـــنٍ
.......... أرى لـلـمــوت بيـنـهـمـا حــفــاوهْ

بغير المـوت مـا كُحِلا ولا الشعــ
.......... ــر خـاضبــة بغـيـر اللـيـل واوهْ

وصـفـح جبيـنـهـا كـالـبـدر يـبــدو
.......... ولـيـس عـلــى جـوانـبـهِ طـفــاوهْ

وخـــــدٌ خــلـــتُ أنّ بـوجـنـتـيــهِ
.......... شمـوسـاً قــد دنَــت مـنــهُ دنـــاوهْ

وثـغـرٌ عـرّجــت شـفـتـاهُ نـحــوي
.......... بـخـمــرٍ مـحــضُ مـزّتــها حـــلاوهْ

يعـضّ بثـغـره المعـسـول ثـغـري
.......... فـأحـسَـبُـهُ بِــــهِ يـلـقــي تِـــــلاوهْ

بـشـهـد لسـانـهـا رُطَـــبٌ جــنــيٌّ
.......... ويـشـرقُ خـدهـا السـاهـي نـقـاوهْ

يـكـادُ مــن النـعـيـمِ يـــذوبُ لـيـنـاً
.......... مــن الإسـفـنـجِ خـالـطـهُ سـهــاوهْ

فـلـسـتُ أرى لوجـنـتـها حـجـابــاً
.......... سوى مـن كـلّ صـرف دمٍ طهـاوهْ

كـــأنّ عـلــى لــوامــع وجنـتـيـهـا
.......... طــلاءً قَــدّ مــن عـســلٍ طـــلاوهْ

ونـــهـــدانٍ كـأنـهــمــا مــلــوكــاً
.......... أقـــام الـدهــر بيـنـهـمـا عــــداوهْ

رؤوسـهـمــا كأبطــنِ أقـحـــوانٍ
.......... أرى لهمـا علـى صـدري شـقـاوهْ

أشـــمّ عـلــى ثويـبـهـمـا عـبـيــراً
.......... بــهِ مــن نفـحـة المسـكـيْ قــداوهْ

كـأنــهــمــا وقـــوفــــاً قــبّــتـــانٍ
.......... تـبــارن لـيــس بيـنـهـمـا إخــــاوهْ

وصــدرٌ خـلـتُ مكـتـوبـاً عـلـيـهِ:
.......... (لـنـاصــر إن تـعـلانـي عِـــلاوهْ)

ووركٌ أزّهُ الـــشـــيـــطــــان أزّاً
.......... طــراوتــهُ يـخـالـطـهـا قــســـاوهْ

يـكـادُ يمـيـدُ سـطـح الأرض مـنـهُ
.......... إذا مــا اهـتـزّ لـيـس بــهِ رخــاوهْ

أرانــــي كـلّـمــا أعــلــوا عـلـيــهِ
.......... أرى وأنـــا هـنــا وادي سـمــاوهْ

وليـلـة إذ شقـيـتُ أنــا وسلـمـى
.......... ومـا نيـل الشقـيّ مـن الشـقـاوهْ

سـمـوّ مـنـارةٍ عــن سـقـف دارٍ
.......... سمـوتُ إلــى ترائبـهـا سـمـاوهْ

وقـد ننصـبّ مـن أعلـى لأدنــى
.......... كـمـا ينـصـبّ مـــاءٌ مـــن إداوهْ

كـــأنّ صــدورنــا مـتـلاصـقـات
.......... عـرايـاً لـيـس بينهـمـا غـشـاوهْ

إذا مــا ابتـلّـت الأجـســادُ مـنّــا
.......... نــدىً والـحـبّ تغلـبـهُ الـنــداوهْ

وعرّق صدرُها العرقانُ صـدري
.......... إلى إن صرتُ من عرقي رغاوهْ

أمـلـتُ هلالَـهـا لصلـيـب حـبّــي
.......... كمـا مـال الوريـق مـن الطـراوهْ

وحقي عنــد سلمـــــى قبلتــــــانٍ
.......... لنــا فيما مضــى كانــت أتـــاوهْ

عين أبوي
14-03-2009, 02:27 AM
قصيدة (فرقة حسب الله) سياسية


لعـيـون أنـاقـة هــاك الـوجه الحـلـو (كـوفـي)
مـن منطلـق مبـدأ ( السـنّـي كـمـا الصـوفـي)
علـى قـرار (ابـعـد البـصـري عــن الكـوفـي)
صـــدّق ووقّــــع ولــــد خـالـتْــه (مـنـديــلاّ)


مـن أجـل تطبيـق قـانـون الـسـلام :إيـكـا(1)
جـاء ضمـن لوحـة قـرار الحـكـم :أنتيـكـا(2)
إلـعــن أبــوهــم عــــرب , دقّــــي يـمـزّيـكـا
غــنّـــي يـواشـنـطــن وهـــــزّي يـمـانــيــلاّ


مـا دام (ذلحـيـن) مــا تشـفـق عـلـى (هـسّـا)
ومـا دام (بـاقـي وتــوْ ) مــا وافـقـت (لـسّـا)
بــالـــذلّ والـــغـــلّ بِـنْـصَــبّــحْ وبِـنْـمَــسّــى
وكــــل بــــن كــلــبٍ بــــدمّ كـبـودنــا فــلّــى


شـعــبٍ يـسـمّــون راع الــديــن (وهّــابــي)
ومـن ثـار دون ارضــه يسمّـونـه (ارهـابـي)
وراع التـقـالـيـد (مـتْـخـلّـف) و (أعــرابــي)
يـحـيـون يـفـنـون مــــا راسٍ لــهــم عــلّــى


تَـحَـتْ شـعـارات يـــا (بـابــا) ويـــا (مـامــا)
عـن سـوط حاخـام(3) واحد.شـعـب يتْحـامـى
بـمـجـلــسٍ حـاكـمـيـنــه ألــــــف حــاخــامــا
وهيهـات بــن عــمْ عــن ابــن الـعـمّ يتْخـلّـى


يــا شـيـب عيـنـي مــن الدنـيـا ويــا خـوفــي
يــا ويــل ويـلـي ثــلاث ويــا بَــرِيْ جـوفــي
كـان الصِـقَـهْ حــظّ سمـعـي والعـمـى شـوفـي
بـتـوخـذ الغـالـيـة غـصــبٍ عـلــى مـــن لا!!


داعــي ســـلامٍ خـلَــطْ (فُـدْكــا) ب (كونـيـكـا)
أمّـه (سرائيـل) وأخـت أخـت أمّــه (إمريـكـا)
الـطـاهـرة بـنــت شـيــخ الـقــوم (مـونـيـكـا)
والـعـاهــرة (رابــعـــة) والـتـافـهــة جُــلّـــى


في خانةٍ بيـن حـرف (الشّـا) وحـرف (السّـا)
مركـب (خبَـرْ كـان) بالشـعـب العـمـى رسّــى
مــن نسّـتـه نـعـمـة النـسـيـان (مـــا نـسّــى)
تـلـقـى حـيـاتـه مـثــل مـوتــه سَـــوَى بــــلاّ


(الشعب) أنا ؟ والا أنا (الشعب) ؟ الله أدرابي
لا فـرق , يــا قـربـه الـزاحـف مــن الحـابـي
الـمــوت واحـــد ســـواءً جــــاك (عـنّـابــي)
أو جــــاك (أســــود) فــهــلاّ تـعـتـبـر هــــلاّ


خــلاص يـكـفـي تـــرى تمـثـيـل و (دْرامـــا)
بالعـيـن مــن واقـــع الأمّـــة (بـنـورامـا)(4)
أمــا نـبـدّل حـجَـرْ (شطرنجـهـم) (دامــا)(5)
والا انقلبـنـا مـثـل مـــن صـــام مـــا صـلّــى


مــا شــيْ تغـيّـر بنـصـف الـقــرن يالـعـوفـي
يـا كـود توقيـع خــطّ (النـسْـخ) ب (الكـوفـي)
الوضـع هـوْ هـوْ ,عمـر صهيـون مــا تـوفـي
شـمـطــاً عــلــى أُمّــــة الـمـلـيـار تـتْـسـلّــى


يــا شـعــب عـــن شَـــدّة الأظـعــان ناهـيـكـا
يـا صـوت مـا ينسِمِـع لـولا صــدى (الميـكـا)
نجـدٍ تـقـول (ابْــك) وتْـجـاوب حَـلَـبْ (لَيـكـا)
جـمــاد هـــلاّ !! وحـــيّ بْــحــيّ مــــا هــــلاّ


حلفـت وحْيـاة مـن (واســى) ومــن (أسّــى)
ربٍّ يِـصَـبّــحْ صــبــاح وبـالـمـســا مــسّـــى
مــا يرتـخـي (حـبـلٍ) الاّ مــن عـقــب مَـسّــا
ولا عيـبٍ اعظـم مـن اسْتِعْـطـاف مــن ولّــى


لـو بــه سـلامٍ بليا حْـسـام (إي وابــي) ( 6 )
مـــا كـــان صـهـيــون قـدّمـنــي وصــلاّبــي
حـكــمٍ بــــلا ســيــف لا غــابــي ولا نــابــي
لــك حِـبّـة الـكـوع مـنـه اقــرب مــدى والاّ ؟


حـبـر القـلـم دفـتـره لــو يلـحـق الـمــا مـــاء
يـامـا عـلـى شـفـرة السـيـف الـحــدب يـامــا
شـعــبٍ تـــدارك مــــدَارِك دمـعـتــه وآمــــى
شـتّـان بـيـن الـقـلـم والـسـيـف أخـــو جـــلاّ


في الصيف شِتْـوِيْ ثيابـي فـي الشتـا صوفـي
بـغــداد بــغــداد يــــا جــوفــي وسـرجـوفــي
يـفــداك دمّـــي ولـيــت الـــدمّ بـــسْ يـوفــي
حـقّـك عـلـى السـيـف لا (حـاشـا) ولا (كــلاّ)


___________

(1)إيكا:هي لفظة عامية وهي اختصار لجملة (أي كلام) وقانون إيكا:أي قانون أي كلام
(2) أنتيكا:مصطلح يعني الشيء القديم المستهلك جدا
(3)الحاخام:هو عالم الدين عند اليهود ..والمجلس اقصد به مجلس الامم المتحدة
(4)البنوراما :مصطلح أجنبي يعني الواجهة الخارجية والامامية للشيء
(5) الداما:هو اسم للعبة تشابه الشطرنج شكلا وتختلف عنها مضمونا
( 6 )إي وابي :هي كلمة بدوية تقال عند التوجد على شيء مثل قولة (يا مال فرقا العين )

عين أبوي
14-03-2009, 02:28 AM
قصيده لناصر الفراعنه لحرف( الشيــــــــــــن)

نٍٍٍٍـوٍّ رهـش لـي موحـشٍٍ مرهٍـش جِِِِــش"
"هـتّــ اش عـتّــاش ورشّـــاش طـشّــاش

ناشـي مـن المنشـا يـشـادي ليـاارهـش"
"جيـو ش حبشـيٍّ علـى الـشـرق نـطّـاش

شهـلال شهلولـه علـى القـاع الـى رش"
"شهـلال شلـفٍ فـي النخاشيـش هـتّـاش

رشّ مــطــشّ هــايــشٍ شــايــشٍ وش"
"جـيّــاش نـــوّه بالقنـاطـيـش طــــوّاش
..
ينشـر نواشـيـره عـلـى هشـهـشٍ نــش"
"يغشـاه مــن قـشـع الشخاتـيـر غــوّاش

يرهش ويربش يـوم قـش الشجـر قـش"
"قلـب الشجـاع اللـي تنغمـش تنغـمـاش

كـن راعـده لاجهـش شـجـاعّ تشـوبـش"
"قام ايتخطرش دون الاشهب تخطـراش

يحيـي هشيـمٍ عقـب شـوف اربـع كـش"
"وينعش نشاش مشلهب عقب الانشاش

نــوٍّ بـشــوش يـــوم جـــرّش وبـــرّش"
"يشفـي بشوفـه بـوش بـدوانٍ اعـطـاش

طـرش علـى عشـب الشمـال ايتجهّـش"
"قـام ايتخطّـش شـوك شبـكـه تخـطّـاش

شوف الشمطري والشجـر منبتـه هـش"
"شفّـي وشـفّ امنشـنـشٍ حالـتـه مــاش

والشـف الاول شــوف غــرو تـقـروش"
"غـرو هبشـنـي هـبـش حــب بمهـبـاش

البـارحـة كـنـي عـلـى ريــش الاريــش"
"من شان شيٍ بالحشـا يجهـش جْهـاش

هـمٍ حشـا حشّـي يحـش الحـشـا حــش"
"حشّة حشيش غطرشوا به على طـاش

فيا شوع قلبـي شـوع طيـرٍ علـى عـش"
"اخذ فرخه وخرفش على العـد خرفـاش

فـيـا نـشّـتـي نـشّــة خـلــوجٍ تنـشـنـش"
"شالـ وا ضناهـا وهـي تشـوفـه يعـمّـاش

لاشـرقـوهـا شــــرق شــــام تـنـقــرش"
"قامت تشمشم من شـذا الريـح مهنـاش

هي شومهـا شومـي علـى ناقـل الغـش"
"راع الجـديـل الـلـي تعـكـرش تعـكـراش

ابـــو ثـلـيـل فــــوق مـتـنــه تـعـكــرش"
"شمـ لـول شهـلـول بــرد وابـلـه طـــاش

وابــــو خــــدود مـرهـشــات هـمـلّــش"
"لا شــال برقعـهـن تـقـل شـعّـة فـــلاش

يـــا مـــا عليـهـنّـه شـجــاعٍ تـطـربـش"
"اصفى من الياقوت وابيض من الشاش

صـدر مــن الشـيـراز كاسـيـه رشــرش"
"نــور مــن البـلّـور كـاسـيـه رشـــراش

ابـــو ثـمــان كـنـهـا الـطــش والـــرش"
"هـــش ّ هشـاهـيـشٍ تـبـهّــش تـبـهّــاش

كـــن ريـقـهـن در الـبـكـار الحبـشـبـش"
"ول ا حـلـيـب نـاشــع فــيــه خـشـخــاش

مـزيـون مــن شــر العـيـون يتخـشّـش"
"علـى مشفشـف شفّـتـه جـانـي خْــراش

يـاشـبـه خـشــف ذيّــــروه الـمـخــرّش"
"كنّ ـه يحوشـه عـن شبـا الريـع حــوّاش

خشـف عفيـف الـشـان حــرّك وتبـلـش"
"عوده ليا هب الشمـال ارعـش ارعـاش

علـيـه لا جــاء مــن يمـيـن آتــدروش "
"وعليه لا جاء من شمال ارهش رْهاش

مانـيـب مـربـوشٍ ولا نـيــب هـشـهـش"
"ولا شـاربٍ غـرشـا ولا نـيـب حـشّـاش

لا شـك شوقـي شـقّ الاجيـاب واربــش"
"واصبحت مربـوش علـى كـور مربـاش

يالايـمـي فــي حـبّــه اش اش ثـــمّ اش"
"لابـو هـشـاش المرجـلـة لابــو قـطّـاش

عين أبوي
14-03-2009, 02:29 AM
قصيدة الالفيه للفراعنه

هذه قصيده الالفيه لشاعر الثقلين (( ناصر الفراعنه ))
والعجيب ان كل كلمه يأتي فيها الحرف الذي يبدئ فيه الشطر

اترك لكم التعليق !!!

((أ))

على الالف اولف بخلي مولف
افرق بها اقوام واقوام اولف

اديب شعوا لين العظم واللف
الفه على حرف حرف ابجديه
((ب))

على البا بغلبا وصبيان غلبا
بلا ما بلا القلب مبروم غلبا

بلا سبق طير بلا وسق غلبا
بنيه ونيه سواتي مطيه
((ت))

على التا ترى مابتاتي بتاتي
تبي ماتبي ثبت بت بتاتي

تجي بامر من ينبت المنبتاتي
تجي فت لو فت فتا فتيه
((ث))

على ثا ثلاثا نهار الثلاثا
ثلاث الغضي قطعني ثلاثا

ثلاث طلاق علي بالثلاثا
ثلاث فلا مثلها في البريه

((ج))

على الجيم جم ادعج اغنج مسرج
جديله سبيب الحصان المسرج

جنا الخد جليا السراج المسرج
جلا دج دوج الدجا الخرمسيه

((ح))
على الحاحلو ليس له بالملاحي
حلي محالي او مليح ملاحي

حلا مايحاليه بين الملا حي
حلا في حلا مايحلا حليه
((خ))

على الخا خلا ماعلى القلب اناخي
خليل خلا بي خلا عن بناخي

خلاوي لمرخي ولانيب ناخي
خلا في خلا خالي اخلو خليه
((د))

على الدا دوا الدا من الدا ياباالدا
دوا الدا من الدا هو الدا يبدا

دوافي سهود النهود المبدا
ودوا في مهود الخدود ضحويه
((ذ))

على ذا ذوا ذا وهذا كهذا
ذكرت بهذا نسيت بهذا

ذبحني ذبحني لماذا ياهذا
ذبحني وماذا عسى في يديه
((ر))
على الرا رماني بسرا مسرا
رماني بسرا شمرا مسرا

رماني وانا بين ضرا وسرا
رماها ولا رامي ارمى رميه
((ز))
على الزا زبنت المذل المعزا
زبن من زبن له عزا من تعزا

زهمته في الازلام لات وعزا
زمان توزا ولزا خزيه
((س))

على السا سما الحسن جنا وانسا
سما الحسن حسناوجنسا وانسا

سما اللي ان احسن صنيعا وان ساء
سوى مثله فلا ولدته ادميه
((ش))

على الشا شناح بشوفه تشاوش
شغاميم شيخان قوم تشاوش

شعرها شليل اشقح من تشاوش
شماليه وله حقو ساحليه
((ص))

على الصا صفا مسجد البيت الاقصى
صفا صدره النهد الادنى والاقصى

صفاتي هياكل من الشرق الاقصى
صلاتي على القبه الهاشميه
((ض))

على الضا ضوى الخد ضو لضاضا
ضوى لال والا سنا من لظى ضاء

ضبيب نحره غض وبه اغلضاضا
ضبيب ذهبة نضة بابليه
((ط))

على الطا طلبته مقاطم حماطه
طلبته بليل عن الصبح اماطه

طلبته طلق ما طلا الشيح ماطه
طلبته مطارق جديله عطيه
((ظ))

على الظا ظلام ونار تلظى
ظلمته ظليمة ظليم بلظى

ظرمته وظليت يالضا على الظا
ظميته ظمى ظم ظمظم ظميه
((ع))

على العاعدا ماعدا بالبراقع
عوا عاوي يوم رد البرا قع

على ماعليته رقعني براقع
على ماعلاني رقعته بزيه
((غ))

على الغين غليون غلو الملاغي
غواني بلاغي من الهم الاغي

غوى يغدي الشيخ سيد ملا غي
غوى وابدل الفاتحه سامريه
((ف))

على الفا في سيفي ورمحي وهيفي
في شوفي ونفنوف صوفي وهيفي

فلا في وليفي اشيا الا وهي في
فكن ماكتب هم الاعليه
((ق))

على القا قال الساق مسفوع راقي
قرو فوقه اقرا ومنقوع راقي

قلاني بعرقا سبيل عراقي
قعدنا وقمنا ولا هي هيه
((ك))
على الكا كبا من لعب لعب راكي
كبا ثم شكا ثم بكا ماانبرى كي

كلانا كما شبك راك براكي
ككم بكم وكيه بكيه
((لا))

على اللا لواليه بعضا وكلا
لاقال اه لالا وكل المكلا

له قلت لا لا وحاشا وكلا
لك الله ابوك انت مني وفيه
((م))

على ما ملام بلاما على ما
ملام بلاما هدت روع لاما

ملام بدمع ذرف ما على ما
محاه الولي فلما اللوم ليه
((ن))

على النون نون بنون لادندن
نضا منه دن لاحدرن وسندن دن

نضا للمدندن لادندن دن
دننغنه مناغا الحجل راعبيه
((هـ))

على الها هل جاهل من جهلها
هل الشال الادهم ديابيج اهلها

هل اهلا لهم دانة الموج هلها
هم ابخص بمهمه همل مهمهيه
((و))

على الوا وا وي مهاوي هواوي
ولني بلاوي ولاويه واوي

ووي يوم واو حدر واو وا وي
وساد توسد نهد غشمريه
((ي))

على اليا يقول ابن حي يحيي
ياربي ياحيي بميتي وحيي

ياربي تصلي على احمد نبيي
تسوق التحايا تحيه تحيه

عين أبوي
14-03-2009, 02:30 AM
قصيدة الشاعر ناصر الفراعنة (التوجد) - نجر ابـن حربان

وقصة القصيدة كتبها أخونا خاز باز على طريقته



مناسبة القصيدة ..

أن خالد مدعث الدوسري كتب قصيدة توجد ..

وأبو فارس جاراه بقصيدة على نفس الوزن والقافيه ..

بقصة أحداثها يبطي أي مخرج وكاتب يجيب قصة في مثل روعة احداثها ..

طبعا أحداث القصة باختصار تبدا من رجل ذبح أمه بالغلط ليلة العيد ..

واتهموه أخوانه بذبحة أمه .. واعطوه مهلة ثلاث ايام علشان يرحل من ديرتهم .. وبعده اذا شافوه اذبحوه ..

هج من عندهم بعدما ودع زوجته وبنته ام اربع شهور.. وكل ماراح لديرة يبي الزبنة دجّوه .. وقالوا له كيف نجير ذباح امه ..!! الا انحش منا انت براسك والا بنذبحك ..

ضاقت الوسيعة على الادمي وراح صوب البحر وركب سفينة رايحه لبلاد السند ..

وفي الطريق هبت ريح وعواصف على السفينة .. وقاموا يدعون الله انه ينقذهم ..

بعدها قام منهم شيخ منهم وأعطاهم رأي .. قال لهم سوو قرعة واللي تطيح عليه القرعة نرميه في البحر .. وطاحت القرعة على المقرود ذباح امه .. ورموه في البحر وعضه قرش ..

وبقدرة قادر نجاه الله ورمته الامواج صوب ديار الهند .. وفي الهند اتهموه بذبح سلطان المدينة ..!!

واسجنوه 15 سنة .. وبعدها جاه من ديرته رجال وقال له ترى زوجتك ماتت وبنتك شغالة عند زوجات أخوه الثنتين ..

قام يحن ويون .. وقعد على ما اضن 3 سنين زيادة .. بعدها فكوه ..

ويوم رجع نجد يبي بنته .. يبي يشوفها .. يبي يحظنها .. وخلاص صار قريب منها .. عضه حنش ومات

طبعاً أحداث القصة غير واقعية .. من وحي الخيال







كل ما فاضت عيوني نجـر ابـن حربـان دنّـا
في ضلوعي يسمع اللي مـن ورا بغـداد دنّـه
يوم ابن مدعث لنا سنّ الوجـود الحـقّ سنّـا
وا فوادي كنّ دود الارض يرعـى فـي مسنّـه
وا فوادي لو تضنّى يابن مدعـث مـا تضنّـى
كنّّـه المجـدور عقـب الجـور مرمـيٍٍّ بعنّـه
اشعل التنباك مـن خلقتـه مـا شبّـه و كنّـا
مير كنّّه من عجاج فـاح مـن صـدره يكنّّـه
وا وجودي وجد منهو عـضّ بابهامـه وحنّّـا
واحدٍٍ شاف الثـلاث البيـض سـودٍ مستجنّـه
شـاف قـدّام الخيـام خشيـف ريـمٍ مرجهنّـا
وثوّر البندق يبي صيـده وراغ الخشـف عنّـه
اطلق اربع عقبها اربع ثم سمـع صـوتٍ يونّـا
واثرها امّه صابها طلقه و طـار العقـل منّـه
واتهمـوه بذبحـة امّـه ليلـة العيـد و تجنّـا
اتهمته النـاس و صـدوف المقاديـر اتهمنّـه
قالوا اخوانه ترى منّـا بمنـك ولا انـت منّـا
يفرق الله بيننا و بينـك عسـى مالـك مظنّـه
لك ثلاث ايام من ذلحين و ارحـل مـن وطنّـا
عقبها تخطر علـى راسـك مضاريـب الاسنّـه
ودّع مريته وتـوْ بنتـه صغيـره مـا تحنّـى
توّها ام اربع شهور و فـي لحَمهـا زود لنّـه
ركْب غوجه و انقلب قبلـه بليـلٍ مـا تونّـى
والحمايا مـن خلافـه ارخـوا حْبـال الاعنّـه
المطايـا و السبايـا مـن خـلافـه عمـدنّـا
والمنايـا سجّـدٍ قــدّام عيـنـه يحتـرنّـه
كل ما عنّز علـى قـومٍ وطـنّ الـراس طنّـا
قالوا اذلـف ذابـح امّـه لعنبونـا لـو نحنّـه
ذابـح امّـه لـو زبنّـا عـدّه انّـه مـا زبنّـا
لعنبـوك بْيـوت قـومٍ ذابـح امّــه زبنـنّـه
الجمالـة مـا تجمّـل فـي ولـد حـرٍّ تدنّـى
ميـر دوّرغيرنـا وانحـش بقلبـك لا نـدنّـه
وانقلب من عندهم كنّـه علـى محمـاس بنّـا
يمّة اهل الغـوص عجـلات الركايـب وجّهنّـه
ركْب بابـور البحـر و دمـوع عينـه يذرفنّـا
فـوق خـدّه كنّـهـنّ اذواد بــدوٍ مرثعـنّـه
يـوم حـلّ الليـل اشرعـة السفينـه دودلنّـا
والهبايـب مـا يخلّـنْ محبـلٍ مـا دودلـنّـه
قام ربّـان السفينـه قـال يـا نـاس امتحنّـا
قوموا ادعوا ربّكم عـلاّم مـا وسـط الاجنّـه
قال شيـخٍ منهـم الا عنـدي الـراي المطنّـا
ضحّوا بواحد عسـى الله ينقـذ ايديـنٍ رجنّـه
و طاحت القرعه على اللي ذابح امّه مـا تتنّـى
ثم رموا به فـي ظلمـات البحـور المستكنّـه
و ادبحوا عنّه وهو فـي غبّـة المـوج يتثنّـى
ثم عرض له من وحوش القرش جرجورٍ و صنّه
عضّ جرجور البحر ساقه و صايح و استجنّـا
ابك لولا الله كلاه القـرش مـا يسلـم مطنّـه
وفي ديارٍ من بلاد الهنـد بيـن انـسٍ و جنّـا
من فضل ربي عليه اطـراف الامـواج احذفنّـه
ومثل ما قبل امس متهـومٍ بذبـح امّـه معنّـى
اتهمـوه بذبـح سلطـان البـلاد المطمئـنّـه
و في السجون المظلمه خمسة عشر عامٍ قضنّـا
مع ثلاث مـا قضـنّ الا عقـب حالـه قضنّـه
لا سمع ورقاً تغنّـي جـرّ مسحوبـه و غنّـى
وكلّ مغنىً يزعجه غصـبٍ يجـي تاليـه ونّـه
ولا طرته بْيـوت قـومٍ فـي الخلايـا يرفعنّـا
دار دولاب الدبـا الدالـوب دولابـه و زنّــه
وكل ما برقٍ سرى شرقٍ صدوق الغيـث شنّـا
كن قلبـه فـوق سبـق طيـور بـرٍّ شطرنّـه
عقـب مـدّه جـاه مـن داره نذيـرٍ مرثعـنّـا
قـال انـا جيتـك بعلـمٍ والله انّـه والله انّـه
حرمتك ماتت لها عشـر سنـواتٍ قـد مضنّـا
والبنيّـه معمـسٍ تقـرع عليـك قـراع شنّـه
عمّها عزّر بها فـي وسـط بيتـه مـا تهنّـى
خادمـة نسوانـه الثنتيـن و اللـي ضيفـنّـه
ثم زوّجهـا لبـو سبعيـن عـامٍ مـا انقصنّـا
شايبٍ يطرب خفوقـه لا سمـع للقـرش رنّـه
يوم سمْع هْروجهم فاضـت عيونـه و ازحرنّـا
وسط سجنه كنّّه اللي ساكـنٍ لـه فـي مجنّـه
قال يا ربعي افزعوا لي مـن سجـونٍ غيضنّـا
وقبر قلبـي الدمـدم آغـادي يديكـم يظهرنّـه
قالوا انّا وش لنـا انّـا والله انّـا مـا شحنّـا
غير بنتك والاّ مثلـك مـا قربـه بقـرب جنّـه
وانتحـوا وعيـون قايدهـم جنـوبٍ خايلـنّـا
وهو ورا سجنـه عيونـه كـلّ نجـمٍ خايلنّـه
وعقب عامٍ من مجيْ ربعه و سنٍّ عـضّ سنّـا
اعفوا الكفّار عنّـه مـن عقـب سـودٍ دهنّـه
يوم فكّوا قيـد رجلـه وانطلـق خاطـرْه منّـا
وانفلت يبغـى ديـارٍ مـن ورا نجـد اشحننّـه
حثّ ساقه مـا يشـوف الا بنيتـه يـوم قنّـا
من عقب عشرين عامٍ في وطـن قـومٍ مصنّـه
ومن ردى حظه نهار اغضنْ عيونـه و ارقدنّـا
فزّ من نومه عقب عضّـه حنـش دابٍ بسنّـه
ومن اثر سم الحنش يونس ضلوعـه يطبخنّـا
و طاح عزّي لواحـدٍ سـود الافاعـي طيحنّـه
يوم هـو فكّـر والـى فوقـه نجـومٍ يبرقنّـا
وشاف بكية بنتـه اللـي جـا يبيهـا بينهنّـه
قال يا نجوم السما تكفين روحي صـوب اهلنـا
علّمي بنتي عن اللي صـاب ابوهـا واستسنّـه
اشهد انّا ما بحلنـا فـي الليالـي اشهـد انّـا
مير حظي خانني ثمْ مات مـا بـه مـن يقنّـه
ذاك وجده وجد حالي فـي وطنّـا مـن عطنّـا
من هنوفٍ خدرهـا بيـض الهنـادي يحتمنّـه

عين أبوي
14-03-2009, 02:32 AM
قهر الأحرار



ولّــي خـلـوجٍ عـلـى سـمــرا فَـمِــي تِـــرزم"
"كــلْ هــمٍّ اقـفــى تـــردّه جـــاي وتْـعَـزمـه

اوّل زمـانــي وانــــا هــمّــي ثــمــان ارزَمّ"
"واتـلـى زمـانـي وكــلْ رزمــة مِـيَــة رزمـــة

من شطّ (قزوين) اجاوب شاطي (القلزم)"
"واطــراف ريـشـي بـعـوق سْـبــوق منْـلـزمـة

يـا سـاق لـو صيّـرك حـذف الطغـاة احْــزَمّ"
"غيرك عرب وانت عودٍ مـن عَـرَضْ حِزمـة

وقــتٍ تمـرسـل قـفـا علـبـاي كـــود ابْـــزم"
"وانـــا مـتــى مـــا بـزمــت الـبـزمـة الـبـزمـة

فياللـي ترانـي (قـزَم) عينـي تـراك (اقـزم)"
"ومـن آهَلِـك مـن تـعـوّض قـربـك بْكَـزمـة

عن (موميا مصر) بحثي في (حصا زمـزم)"
"وعلم(الـجَـبِـر) دارسٍ قـبـلــك خــوارزمــه

ما احدٍ عن (الشُبْط) ينشـد (كنّـة المـرزم)"
"لا قـــد تـخــاون ولا جـــاء بيـنـهـن لِــزمــة

يـا سعـود مـن كـلّ ذو عـزمٍ نبـيـك اعْــزم"
"واحـرص ماْكـلْ عهـدٍ بْْـه اعْـداك ملتـزمـة

وان شفت لك حازمٍ مسّ الحـزام احْـزم"
"خـبـلـك لـمــا تـحـتـزم والـقــوم مـحـتـزمـة

الحـرّ يغـضـب والــى شــاف القـهـر يَـجـزِم"
"والـعبد مـــا حـسّـتـه قـولـة:عـلـى جــزمــة

يـا سـعـود مــن لا نِـصَـرْه الله يـبـى يـهـزم"
"وصــيّــور مـنْـتَـصْـرِةٍ يــــا ســعــود مـنْـهـزمـة

اعــزم والــى مــا عـزمــت ايّـــاك تسـتـعـزم"
"خلْ ردّها في اكبـرٍ مـا هـوب فـي عِزمـة

مــا لازم الاّ ويجـيـك الصـبـح مـنــه الْـــزم"
"ومـن آهَلِـك مـن عــدوّك شــدّ بــه عَـزمـه

كــم خـشـم لــولا خـشـوم ربـوعـه بْـيِِـخـزم"
"يـأمـن وهــو يــا كـثـر نــاسٍ تـبـي خـزمــه

مـا كـلّ رجـلٍ طعَـم هرجـه حـلـو مـحـزم"
"وحلو الحكي في الشدايد ما يفـكّ ازْمـة

مــن دون قـولـة (نِـعِـم) سبـعـيـن مسـتـلـزم"
"ما استلزم الفعل في( نصبه) وفي (جزمه)

عين أبوي
14-03-2009, 02:33 AM
قصيدة في فؤادي من حطب

فـي فـوادي مـن حطـب شيـخٍ ضيوفـه شـيـوخ
جـمـرةٍ يـغـري سـنــا نـارهــا أكـبــر مـوبــذان
مـــن جـنــونٍ دوخـتـنــي وعــيــت لا تــــدوخ
والمـجـنـن زادوا جـنـانـهـا الـسـابــق جــنــان
ليـت شعـري أيــن أمـسـت مـلـوكٍ مــن تـنـوخ
عـــودت أحـداثـهـم مــــن أحــاديــث الــزمــان
يـامـرقـصـة الـجـمــل يـامـقـرنـسـة الــفـــروخ
مــن طـمـان نفوسـكـم نازلـيـنٍ فـــي الـطـمـان
عـالــمٍ لـبـسـوا ثـيــاب الـدهــاة وهـــم دلـــوخ
أوردتـهـم حـــوض فـرعــون قـفــزه بـهـلـوان
لا نـجـوا مــن فــخ طـاحـوا بـــآلاف الـفـخـوخ
عشرهم فـي مجلـس العـم سـام أضحـت ثمـان
وشرهة الطوخي على من حضر من أهل طوخ
لأنتصـب حــد السـنـان إرتـخـى حـبـل العـنـان
فـي حضـور المسـخ الأكبـر تعشتـنـا المـسـوخ
وأردفـونـا فــي ظـهــر بكـرتـيـنٍ مـــن عـمــان
العـوض فـي قبـة البيـت الأقصـى بـيـت كــوخ
وكــل حـربـة عــود زانٍ عوضـهـا عــود بــان
لا بــدا الخـافـي وبـاخـت عـلـوم الـقـوم بـــوخ
للـمـذلـه فـــي وجـــه ربـهــا شــاهــد عــيــان
صفعـةٍ فـي الخـد مــع ضربتـيـنٍ فــي النـفـوخ
روعـت خورشيـد باشـا وهـو فــوق الحـصـان
ماجـنـه تحـمـل يـداهــا تـســع حـبــات خـــوخ
سـرهـا عـنـد آل حـسـان والـبـيـض الـحـسـان
مــن كـبـر شــرخٍ معـانـا تصاغـرنـا الـشـروخ
نـدرق فـي القـرع مــع كــل قـرعـة صولـجـان
الـسـلام الـلـي يفـسـر لـنــا مـعـنـى الـرضــوخ
لـيـس إلا الـمـوت فــي كـفــنٍ مـــن طيـلـسـان
والشمـوخ اللـي عـلـى ذل لــو سـمـي شـمـوخ
المقـابـر مـنـه أعـظـم شــرف وأطـهـر مـكــان
الكـرامـه جـوخـةٍ مــن نفـيـس الـجـوخ جــوخ
ما تناسـب مـن قصـر بـه عـن الطـول الهـوان
واعـذابـي مــن يـنــوخ جـمــال هـذيــل نـــوخ
قـبـل لا يهـتـز مـــن سـاســه الـركــن الـيـمـان
الـطـعـون طـعــون يـالـلـي تسمـيـهـا مـشــوخ
ولا يـحـقـر ثـــاره إلا الـجـبـان بـــن الـجـبــان
ياحـفـرنـا عـدنــا لـيــن يـآتــي لــــه نــضــوخ
يــا ناديـنـا فــي خـبـر كــان يـامـا كــان كـــان
أمـــة مـــا للـقـيـم فـــي ضـمـايـرهـا رســــوخ
مـجـدهـا مـــاءٌ تـبـخـر عـلــى هـيـئـة دخــــان

عين أبوي
14-03-2009, 02:34 AM
يـوم كـل لابـن عمّـه عصـب راســه وشــاش

هذي قصيدة الشاعر ناصر الفراعنه في وصف الابل
وقد كتبها فالمزاين حين فازت بالمراكز الاولى ابل سبيع في ام ارقيبه
في عام 1421 هجري وهي من افضل القصائد اللتي كتبت فالابل



واحب ان اشارك فيها معكم لوكان شاعرها موجود معنا ولاكن مايمنع
اني اشارك فيها وتمنياتي للجميع بالتوفيق




وصلو على النبي




يـوم كـل لابـن عمّـه عصـب راســه وشــاش"
"شش ياراسي لارحم رحـم ابـو مجنـاك iiشـش

يـوم جينـا للمزايـن وغــاض الـمـاء iiوطــاش"
"بانـو اهـل البـل وبـان الاصيـل مـن iiالغـشـش

يـوم جـاكـر ذودنــا ذود الاجـنـاب استـغـاش ii"
"ذودنـا يـفـرق بـفـرق البصـيـر مــن العـمـش

طقّ للذيـدان باصبـع وهيـض الجـاش جـاش ii"
"جعل ابـو مـن يجحـد الحـق يشـرى لـه iiنعـش

اربـع الـذيـدان سيـقـت عـلـى ريــع iiمـشـاش"
"كـــنّ خّّـــدّه زبـرقــان الحريـرالـيـا iiانـبــرش

بيـن صـفـرا واشـعـلا كنّـهـا طــش iiالـغـراش"
"بيـن ملحـا وبيـن وضحـا تقـل وجـه iiامغـبـش

ولّّ قــلــب دقّــتــه كـنّـهــا طـلـقــة iiكـــــلاش"
"يـوم صيّّح"عامري""لعمـري" والـديـم iiرش

كـــن تـنـظّـام الجمـاهـيـر وغـتـرهـا iiتــبــاش"
"طقـم لولـو فــي ثـغـر حـلـوة المبـسـم iiبـهـش

زبـــدة الاربـــع ثـــلاث رقشـنـاهـن iiرقـــاش"
"يـافـهـد والـرابـعـه جـالـنـا فـيـهـا iiامـخـمــش

ولو لفونـا مـن هـل الـوادي الاقصـى هتـاش "
"وادي سبـيـع الـمـقـدس لـفـانـا مـــن هـتــش

كـان اخذناالاربـعـه حـاضـر بحـاضـر وكــاش"
"ورثـنـا هــي ورثـنـا دونـهـا لـطـم iiالـخـشـش

يـا بـن علـوش البـل البـل ربوعـي يـا بـلاش"
"هـم هـل البـل دونـهـا ورّدوا خـضـر iiالنـمـش

يافـهـد حـنــا هـــل الـبــل مـدلـهـة iiالـبــواش"
"دونـهـا مــا ينتـفـخ راس شـيـخ الا iiويـفــش

دونهـا كـم روس قــوم عـلـى الـرقـه iiتـطـاش"
"دونهـا سـوق الرصـاص الحـمـر جيـنـاه iiدش

دونـهـا كــل اشـقـر بالشبـيـلـي مـــا يـحــاش"
"لـلـنـحـر رمــــح مــدبّــب وللـعـلـبـا iiمــقــش

دونهـا حشنـا السلاطـيـن بالبـيـض الـحـواشّ"
"ولا انفهقـنـا لـيــن عـــوّّد غضنـفـرهـم ii(...)

دونهـا ملعـون ابــو مــن يبيـهـا لــه iiمـعـاش"
"غصب ولا بالرضا تفدي( دغيش) و(دغش )

دونـهـا شـهـب الـمـعـارك دفشـنـاهـا iiدفـــاش"
"مثل يوم (عريق )و(طويـق) و(دوارة iiنعـش)

وغير وقعة (حنو) وقعـة (غراميـل iiالفـراش)"
"وهـيـة فــي (جــو سـاقـان) بارقـهـا iiرهـــش

يا فهد يا ما حلا تدريجهن يوم للسيل ادّحـاش"
"فـي مـداحـي عثـعـث حـطـه الوسـمـي iiمـنـشّ

فــي رغــد قـــاع زمـالـيـق جـيّّـانـه iiتـجــاش"
"اشهـريـن وادهـــم الـغـيـث فـوقــه يمـتـحـش

يلعـب الزمـلـوق فــي خايـعـه لـعـب الـفـراش"
"وام سـالــم تـطـلـب وابـــو سـالــم iiيـبـرهـش

غـــادي كــنــه زوالــيــف ســجــاد تــهــاش"
"مـن عقـب ماهـو مثـل خـدّة الـوجـه الـخـرش

كــن صــوّّاك الـغـضـا فـيــه بـوّابــة قـــراش"
"كــن زهــر ورده طـرابـيـش تـــرك iiتـدّهــش

كــن زبيـديّـه لـيـا صلّـعـت روســـه iiوكـــاش"
"روس حجّـاج عـقـب حلّـقـوا ســود iiالقـشـش

اول الاربــــع جـهـامــة مـجـاهـيــم iiتــنـــاش"
"كنـهـن سـهّـاب نــوّ عـلـى الـقـمـرا iiغـطــش

لا نثعـن كنهـن سبـيـب ادهــم غــاد iiطـشـاش"
"وان تتـالـن كنـهـن مـــن طـوابـيـر iiالـحـبـش

مـن زبـار (الخاطبيـه) لـيـا (حــزم iiالـرقـاش)"
"فـي عـروق سبيـع نــزو المجاهـيـم iiايهـقـش

مثـل ممشـى الحافيـه خايفـه وطـي الخـشـاش"
"لا امـهـلـن وان عـجّّـلـن يلـعـبـنّ الطـرقـعـش

قطـف مـا فـي اوبارهـن لأمّّ ريحانـه iiعــراش"
"والـمـذيّّـل مـثــل ريـــش الـنـعـام iiالمـنـفـرش

كنـهـن روس تـحـاذف غتـرهـا فــي iiهــواش"
"لا نحوهـن عـن هواهـن وضاميـهـن iiجـهـش

كـن بيـن عيونهـن ضـوح نــار فــي قـشـاش"
"وكـن وبرهـن يمرخونـه بمـاء عيـن iiالوحـش

كـن فحلهـن بينهـن يـوم جـاء يدقـش iiدقــاش"
"وهنّ مـن حولـه صفـوف تجـش القـاع iiجـش

حاكـم يهتـف لـه الشعـب كـلـه عــاش عــاش"
"كـبّــروا راســـه ولا عـــاد يحـتّـشـه مـحــش

ول يـا ملـحـا تـحـت ظــل السبيـعـي ماتـنـاش"
"كـنّـهـا لاشفـتـهـا يـافـهـد تـرعــى iiالـمـشـش

بنـت شيـخ لبسـوهـا اســود الخـامـه iiقـمـاش"
"فـي حـداد وعمرهـا مـا تـعـدى اربــع iiطـعـش

وثـانـي الاربـــع شـــرارة مغـاتـيـر iiبـشــاش"
"كــن وبرهـنّـه بــرشّّ مـــن الـفـضّـه يـــرش

كــن مرافضـهـن صيـانـي سلاطـيـن iiغـبـاش"
"كــن قـريــش اثفـانـهـن سـنـديـان iiمـنـقـرش

وصــف قـبّــة مـسـجـد سـقّـفـت iiبالبيـلـكـاش"
"وصـف مـردودم سنـام علـى العـطّّـف iiوقــش

كــن حــسّ ارغيّـهـن قرقـشـة طـفـل iiبـقـاش"
"او تضـحّّـك خـفـرة غـازلـت راعـــي iiبـكــش

كــن بلـهـان الفـحـل بينـهـن يــوم iiاستـهـاش"
"ثـم هـدر واضـحـن خشـيـع خضـيـع ماتـهـش

ضـابـط افــراد لـقـى وقـفـة الطـابـور iiمـــاش"
"فار دمّه ثـم عطـى الامـر "ثابـت يـا iiحـوش"

ول يــا وضـحـا كنّـهـا قطـنـة تـربـط iiبـشـاش"
"فــوق اصيـبـع جـاهـل طــشّ دمّــه ثــمّ نــش

كنّها تحـت الـذرى مـن عقـب طـق iiالرشـاش"
"جـــادل دوبـــه خـذالــه يـابــن عـلــوش دش

كنّـهـا لا فـرّّعـت مــع ظـهــر حـــزم iiنـكــاش"
"خـفــرة ضـاقــت وذبّـــت عبايـتـهـا iiطــفــش

لا اختفـى بـدر الظـلام اكشحـت مثـل iiالفـلاش"
"وان تـبــدى زادت الـنــور نـــور وارتـهــش

وثالـث الاربـع مـن الصفـر حلـوات iiالرهـاش"
"كــن سـمـار ازوالهـنّّـه قـصـور فــي iiجــرش

تقل ساعـة يفترشـن ابيـض الارض افتـراش"
"روس اصـابـع حــرّّة بأخـضـر الحـنّـا iiتـمـشّ

كــنّ حـسـك ظهورهـنّـه ذوالـيــق iiالـعـشـاش"
"بينهـا القمـري بنـى لــه مـيـة عــشّ وعــش

كـــن علابـيـهـن ورزّّات الآذانـــي iiهــــواشّ"
"قبّّـعـة جـنـدي خـفـر صـوّّتـوا لــه iiوانـخـرش

ووصــف قـاعـة بـرلـمـان تـلاقــوا iiللـنـقـاش"
"وصـف دمـث اردوفهـن لا تبـدّن عقـب طـشّ

كـن لعـوب اذيالهـن لاغـدى يرعـش iiرعـاش"
"قــرن ممـلـوح بليـلـة زفــاف اخـتـه iiرعـــش

كنّـهـن نـســوة شـريــف تـلاقــن iiبالـمـقـاشّ"
"يـوم غـارن مـن بعضهـن تلاقـطـن iiالـشـوش

ورابـع الاربـع مـن الشعـل حلـوات iiالمـهـاشّ"
"فـي الدحـى كنـهـن شـيـوخ مذهّـبـة iiالجـمـش

كنّ وصف الشعل فوق ابيـض الخـد الحـراش"
"عقـد سلسـال علـى صـدر ابـورمـش iiعـكـش

كــن غواربـهـن محـاريـب رهـبــان iiنـــواشّ"
"جــرّة الميـسـم عليـهـن تـقـل جـــرّة iiحـنــش

كنّهـن ضـوح الشفـق يــوم بارقـهـن iiتــواشّ"
"او كـسـر يـاقـوت حــدري مصابـيـح iiتـــوشّ

وكـن حدرهـن يخـت مليـارديـر فــوق طــاش"
"وكـــن اذانـيـهـن مـزامـيـر عـبّــاد iiالــدبــش

كنّـهـن حــدر المـطـر خـــرّد بـالـمـا iiتـــراشّ"
"والـحـويّـر تـقــل ورع يـــدوّر لـــه iiمــخــش

كنّـهـن بـرشـوم وجّّ المـذهّّـب فــي الـقــراش"
"تـغـري الـضـد المنـاحـر والــى هّــدّ iiابـتـلـش

يـا فهـد هـذي وصـوف البـل جاشـت iiبـجـاش"
"شـاعـر لــه فــوق عــرش الشـعـاره مـدّّقـش

يافهـد جـانـي عـلـى سبـكـة المعـنـى iiخــراش"
"كـنّ بيـن اضلـع حشـاي الــف جـنّّـيّ غــوش

افرق (النقطه) عن (الفاصلـه) بثنيـن ii(داش)"
"لا أبــو حــشّ الــردي لا أبــو والـيـه iiحـــش

لا أبـو عيـن عـن الـشـوف لاحقـهـا iiعـمـاش"
"لا أبـوهـا اذن عــن السـمـع لاحقـهـا iiطــرش

ذا وتـالـي الـقـول مـثـل اوّّلــه والــلاش iiلاش"
"شش ياراشي لا رحم رحم ابـو مجنـاك iiشـش

عين أبوي
14-03-2009, 02:36 AM
ياغــــريّـب


من قصائد شاعر مضر الغزلية الرائعة





جعل يسقي دار غضّ العود صيّب
ياغريّب صاحـبٍ يذبـج جمالـه
صاحبٍ زينه لابن يومـه يشيّـب
خلّ عاد اللي عمر عشرين طالـه
ابو عينٍ يـا تعيّـب يـا تغيّـب
بنت عمّ الموت مدري بنت خالـه
وابو رمشٍ لو تشوفه يا غريّـب
متّ ما كمّلت لـو ربـع البيالـة
وابو خدٍّ صفحته صفحـة كتيّـب
كنّ زهر الورد نقشٍ فـي ريالـه
في محل البـدر حـلّ ولا تهيّـب
والقمر ما كلّ خـدٍّ جـاء بدالـه
من يشمّه مات عمره ما تطيّـب
وش يبي في الشيح والعنبر حلاله
وابو عنقٍ عن حشا صدره تسيّب
يا حياة الشرّ يا عنـق الغزالـه
وابو نهـدٍ لا يخيْـب ولا يخيّـب
تقْل فوق الصدر يُلقي له مقالـة
وابو قـدٍّ لارقـص مـا ينتعيّـب
وصف دابٍ ينفخ الساحـر قبالـه
وابو خصرٍ لا حضر ردفه تغيّـب
من عصا موسى على وصفه دلالة
وابو ردفٍ ما يجيبـه ردف ثيّـب
قومته ما قامها صاحـب جلالـة
يوم شفتـه لا بعيـد ولا قريّـب
لعنبو جدّه تقِـل يمشـي لحالـه
ان وقف لا هو دقـاق ولا دبيّـب
وان مشى كنّه يطالع في ظلالـه
ولّ مشية ما مشاها الا الحبيّـب
كنْ يمينه ربّطوهـا فـي شمالـه
صاحبي لا قلت شـيٍّ قال:طيّـب
اطوع القلبٍ يحبّـه مـن خيالـه

عين أبوي
14-03-2009, 02:37 AM
قصيدة العيون مسكته والخدود مسكته



الـعـيــون مْسـكّــتـه والـخـدود مْسـكّـتـه = ياسـلام الــيـــا كــشــف وان تـغـطّـى ياحـــرام

لا بـغـيـت اوصـّفــه جـت لسـانـي عـَكّـتـه = كـلّ عـضـوٍ من حـبيـبـي يـقـول اسـكـت ونــام

من يـشوفه مات وجـنّ الهوى ما فـكـّتـه = كـيف اجـل لوهـو يـشـوف اربـٍع حـدر اللـثـام

جــادلٍ لا شــلّـح الـثـوب داخـل دكّــتــه = ما بـقـى جــدارٍ من الـبـيــت ما صــلـى وصـــام

فـتـنـتـه مـن ضـحـكـتـه الـف عـام بـكّـتـه = اقـطع من السـيـف وآرق من ريـش الـنـعــام

مـن تــوصّـت فـيـه روس الاسـنّـة وكّــتـه = وش عـلـيـهـا شـيـخ والا بـعــد تـــوّه غـــلام

من عذر ثوبه على الردف جـوّد ضـكّتـه = حصـّل اللـي ما حـصـل لي أنا عشـريـن عــام

حـربـة الـردفــيــن ثـوبٍ كـساهـا شــكّـتـه = كـنّهـا لا شــفـتـهـا من ورا تـضــرب ســلام

دوب بسّ الساق لحـظـة يـمـرّ بـسكّتـه = واللـه ما يـمـديـه يـركـض قـبـل يــوم الـقـيــام

اشـهــد انّـي مـكـّتــه ان بـغـانـي مـكّـتــه = واشهد انّي بيته مـن الحـجـر حـتـى الـمـقــام

وإكّـتـي مـا سـرّهـا حـكـمهـا عـنـد إكّـتـه = واشـهــد انّه إكـّـة الـحسـن مـا فـيـهـا كــلام

ويـن والا كـيـف قـلـبـي تــلاشـى تـكـّتـه = والغـضي عـني مـسـافـة طــمـيّـه عـن سـنـام

يـسقـي الله يـوم يـقـسـم لنـا مـن عُـكـّتـه = غـرب من بـرّ الثـمـامه وشـرقٍ مـن خــزام

وسـط روضٍ شـاة راعي الغنم ما دكـّتـه = صرت أنا والزين مثـل المـصّـلـي والإمــام

يا حـبـيـبٍ فيـه كـلّ الوصـوف مـسـكّـته = فـيـك قـلـبـي ميّـت وضـربـك الـمـيّـت حــرام

عين أبوي
14-03-2009, 02:38 AM
العلوج ووادي عبقر

يا خلوج جاوبت في حشا قلبـي خلـوج(1)
.......... ليت ما فـيّْ فيـك حتـى تِعَرْفيـن الخـلاج

في حشاي اربع مِيَـةْ طفـل أدّوا (مانلـوج)
.......... أو شريْطيّـةْ عقـارٍ تلاحـوا فـي حـراج

وش له استغرب ؟ وهذي هي الدنيـا زروج
.......... لأجل خاطـر كلبهـا عَقّبـت ليـث الـزراج

الصقور اللي اذكروها تسوج الروس سـوج
.......... يا كثر ما خدّها امـسٍ لكـلْ رِجْـلٍ مَسـاج

يا حمد حتّيش لو في سما الجـوزاء تـدوج
.......... والله اني خابـرٍ يـوم هـيّ امـسٍ دجـاج

ناس لولا مالها امسـت معاورهـا فـروج
.......... ويا حمد ما كان أكلنا رطـب غلبـا خمـاج

يا مكثّرْة الحكـي والفعايـل عـوج هـوج
.......... ما يِحَذْف الناس من كان بيته مـن زجـاج

يا حمد طيرٍ جناحـه وراء صـدري يـروج
.......... ويش اسوّي ؟ كانه افلت من ضْلوعي وراج

في جنوب افريقيا البيـض ياطـون الزنـوج
.......... وفي شمال افريقيا البيض ما ترفـع حجـاج

لا تعجّب مـن (علـوجٍ) توطّتهـا (علـوج)
.......... والله انّ الشـرّ للشـرّ أحيـانـاً عــلاج

يا حمد ما يدفـع الكَـرْب ترديـد الهـروج
.......... كان مالك من ربوعك علـى الدنيـا سيـاج

العدل يبقى عَـدِل والـدروب العُـوْج عُـوْج
.......... والعمى من لا معَه من فِعِـل كفّـه سـراج

والدهر بابٍ دخولـه مـن الداخـل خـروج
.......... واللهْ لا زبّـن دخيـلٍ ولا دبّــر خــراج

ولو من الموت تْحمينـا طويـلات البـروج
.......... أمدىْ منْه مْلوك مِصْر احتموا في بْروج عاج

خُذْ حَذَرْك من الليالي ولو صـارت مُـرُوج
.......... كمْ وَ كمْ عذبٍ فُـرات انقلـب ملحـاً أُجـاج

المطالب يا حمـد دونهـا ضـرب الفجـوج
.......... دونها شُربك قـراحٍ مثـل شربـك همـاج

ولولاْ قولة (والنعِمْ) ما اعتلوا فوق السروج
.......... أٌمّـةٌ قبلـك خبَـرْ حيَّهـا فـي الأرض داج

لَحْج(2 )شرهتها على من سكنها من اللحوج
.......... كـان هـو قدّامهـم جفّـل الذيـب النِعَـاج

أحمد الله يوم لي من خـلال المـوج مـوج
.......... اركبه لا هاج سِيْـف البحَـر تحتـي ومـاج

ادلجوا لي كـلّ ذي طيلـسٍ رومـيْ دُلُـوج
.......... وادّلَـج بـي كـلّ ذي أخنـس الأنـف ادّلاج

مأتمٌ في وادِ عبقـر بعـد سبـع مْحجـوج
.......... صائح الموتى على جانـبٍ منـه استهـاج

مـا تصفّحنـا الليالـي تصفّـح (كاتلـوج)
.......... لين مع كُلْ حادثٍ ذي حَـدَث عشنـا مِـزاج

بدويٍّ سِبْـت رِجْلـي يبـوج القـاع بـوج
.......... ما تْعَقَّب وقفتـي فـي اعتـدالٍ واعْوِجـاج

امتطي من عظم ساقي إلى ما قمت غوج (3)
.......... وافترش من عظم كفّي إلى ما نمـت صـاج

مـا لعينـي كحـلِ ألاّ لُجَـج ليـلٍ يـلـوج
.......... ولا لخـدّي دهْـنٍ ألاّ وضوئـي والعـجـاج

وما لثوبي عطـرٍ ألاّ حطَـب سمْـرٍ ينـوج
.......... وما لراسي مشـطٍ ألاّ شجـر سـدْرٍ تَـلاجّ

مثل من به في السما ديدب الجـنّ مْعَـروج
.......... يوم تلعب شوشتي والهوى صلْـفٍ هجَـاج

يا حمد مسيار ربعـي عليّـه فـوج فـوج
.......... غايتي يوم الـردي غايتـه نجمـة و تـاج

ظبْيِـةٍ رشّـوا لهـا زعفـران الخلـد روج
.......... من ملوك النحـل خمـسٍ بِمَبْسَمْهـا تِمَـاجّ

ساقي النشوى لها من خـروجٍ فـي وُلُـوج
.......... كـم أنـا للصحـو منهـا شديـد الإحتيـاج

زوجةٍ ما شاقهـا مـن قياصـر نجـد زوج
.......... غير ناصر ما تبي مْنَ اْيّ اْبِـنْ أمّـه زواج

سمّرت بيض الشوارب على سـود الـدروج
.......... وفي العَجَم بين الأُمَم قرْطِسَتهم زاج زاج (4)

يالله يا مرهي عقـب طايلـة قيـضٍ ثلـوج
.......... جاعـلٍ بيـن الثنيـن انعـزالٍ وانـدمـاج

طالبك فيها العَـوَض عنـدلٍ هيفـاً غنـوج
.......... حتّىْ في عزّ الزّعل في الزعَل منهـا غنـاج

عيْطَلٍ(5) من راس جدّي لعُـوجٍ لا زعـوج
.......... بنت قـرمٍ لا غـدا لأحمـر الـدمّ انْزعـاج

مُهرةٍ في حْجاج عيني إلـى صالـت بُلُـوج
.......... في حجاج المِحتِظر(6) من مْلاعبها انبـلاج

من ورا الهضب المناحر رعت خضر المروج
.......... حيرة الرجل ادخلـت دونهـا عـاجٍ بسـاج







(1)الخلوج:الناقة إذا فقدت ولدتها والخلاج هو المصدر من اسم الفاعل لــ(خلج)
(2)لحج:من مدن اليمن.
(3)غوج أي حصان .فالغوج هو الحصان
(4)الزاج هو مثل القرطاس يكتبون فوقه قديما
(5)عيطل:طويلة الرقبة.
(6)المحتظر:هو من حضرته الوفاة

عين أبوي
14-03-2009, 02:39 AM
ياسحاب بارقه من مداين شرق ناض

يا سحابٍ بارقه من مداين شرق ناض
في عيوني من مشاكي مصابيحه وميض

كنّ تسبيح الرعد في شقوقه يوم هاض
تمتمة سبع المثاني على راس المريض

كوثرٍ من كوثرٍ تحت ظل العرش فاض
ملمس الزملوق من ماطره ملمس غضيض

جعل شهلوله يديّم على هاك الحياض
وفي الثرى طشاش وبله يفيض ولا يغيض

لين من مدة يده ينتشي عشب الفياض
وكل سيل منه محنابه الأقصى يفيض

من شخاتيره عقيم الشجر جاه المخاض
وام سالم من طربها تبادلنا القريض

دار غروٍ في حمر شفته مثل الشواظ
من سنا نجمٍ لهب ناره الحمرا يشيظ

في هدب عينه سوادٍ وفي قلبه بياض
آبــ أحبه لين ناقة هل العارض تبيض

من سحر طيفه جنوبي من اللهفه تجاضّ
وللضلوع العوج من حاتميّ اسمه جضيض

في عيونه للمنايا يا ابن زيد انقضاض
جادلٍ حسنه لكلْ صاحبة حسنٍ يغيض

آه يا قلبٍ غدا مع مكحّلة اللحاظ
مثل سرّاي السُرى بين غيظ وبين فيض

الغبي من لا اتّعظ من محاجره اتّعاظ
كم رجع من سيف رمشه كريمٍ في الحضيض

من هوى فضيّ الاطراف تبريّ
لو معَ نوح النبي ما ينجيني الفضيض

من مراده يرجع القوم خالين الوفاض
عضّ اصابيع الندم شيخهم واقبل عضيض

كلمةٍ بآقولها ما يجي فيها اعتراض
صاحب شيخ الغنادير بالبنط العريض

جادلٍ ما حاشه الا الرياجيل الحظاظ
واشهد اني بالغضي ياهل الروضه حظيظ

كم على سلمى يسالم تمنينا الحفاظ
مير ما للشيّ إلى ما حفظه الله حفيظ

تنتفض لاحرار من عيشة الذل انتفاض
يوم ولد اللاش في الذل يعجبه المقيظ

ما درينا وش ورا ضحكة القاضي عياض
لين قدّامي عياضٍ كشف عورة معيض

عين أبوي
14-03-2009, 02:40 AM
أربعمية مارد).........قدتني الى الفراعنه فهل هو؟؟


نعم( اربعميه مارد) قدتني الى الفراعنه من موضوعك ماذا قال ناصر الفراعنه عن امه؟
عندما قرأت موضوعك اردت التأكد(والله ليس شك فيك بل هذا طبعي ان اتأكدفأعذرني ان ازعجتك بذلك)عن هذه الرائعه لأجد ماهو اعجب هل تعلمون ماذا وجدت؟؟؟
وجدتناصر الفراعنه في احد المواقع {الحضرميه اترك للإداره طلب الموقع}بنفسه فشككت انه هو لأجد تاريخ تسجيله 2003(منذ 5 سنوات)وردوده بنفس لهجة الفراعنه وثقافته(لم اجزم بعد اترك للمقربين منه التأكد)
هناك قصائد في ذلك الموقع اترككم مع احد مشاركاته(ان كان الفراعنه)

بسم الله الرحمن الرحيم
اللهم لا اله الا انت برحمتك استغيث سبحانك اني كنت من الظالمين

يا دهر إن كنتُ فيمـا قـد مضـى حدثـا
.......... مـا كنـت يومـاً لأنسـى منـك مـا حدثـا

بانت ( ...... ) وخطـوي رهـن خطوتهـا
.......... الخيـر صابـت وصابـت أرجلـي دعثـا

عـادت عداهـا وكـف البـيـن عـاودهـا
.......... تجلجـل الريـح منهـا الحجـل والرعثـا

كــأن طـرحـى خـيـامٍ فــي مطارحـهـم
.......... طرحـى عساكـر تـركٍ أصبحـت جثثـا

ســارت بـهــا حـجــجٌ كـأنّـهـا لـجــجٌ
.......... فـسـرتـهُ وعِـثــاً مـــا خـلـتـهُ دمِــثــا

تــرى أثافيّـهـا الـســوداء شـاخـصـةً
.......... شـخـوص أرؤس زنــجٍ صـفّـه ربـثـا

تـوعّـد النـسـر فــي اكنـافـهـا حـجــلاً
.......... وخـاتـل الـصـلّ فــي اطرافـهـا شبـثـا

يا دار خلي بوادي الحمض مـن عِمَـرٍ
.......... مالي ارى القصر فـي أعقابكـم وعثـا

ناشـدتـك الله رفـقـاً فــي أخــي رحــمٍ
.......... كــم بـيـدٍ مـنـه حـانـي راحــةٍ ضغـثـا

تلـك الخـيـام كـغـاب الـغـول موحـشـة
.......... قـد أوكـل الدهـر فـي امشاجهـا العثثـا

بـالأمـس كـانـت كـبـغـداد حضـارتـهـا
.......... واليـوم لــم يـبـق منـهـا قـاهـرٌ رثـثـا

قــومٌ هــم الـقـوم لا أقـــوام غـيـرهـمُ
.......... إن حـادثٌ مـن دواهـي دهرهـا حـدثـا

يا سعد يا ابن حريـب الأزد صعصعـةٌ
.......... قــد استـمـات بـهـم مــوتٌ فـمـا لبـثـا

أن ردّ موسرهـم فــي إثــر معسـرهـم
.......... ما شال حتى قضـى مـن حولهـم رفثـا

فـصـار أيمنـهـم مــن كــان أيسـرهـم
.......... ومـا علـى الهضـم منهـم أبـلـجٌ رئـثـا

حـتـى أبـــاد مـبـيـد الـنــاس ملـكـهـمُ
.......... وكــثّ لحيـتـهـم مـــن لـومـهـا كـثـثـا

كـم حلـلـوا مــدراً, كــم ظلـلـوا وبــراً
.......... علـيـه قبلـهـم حـاثـي الـزمــان حـثــا

مـا قعـدوا حيـن قـامـوا فــي مـرادهـم
.......... حتـى لهـم خاضعـاً ملْـك الملـوك جـثـا

كـأنّ مـا فـوق وجـه الأرض مـن أمـمٍ
.......... إلا وسيـفٌ بـهـا مــن نحـوهـم عبـثـا

صبـيّـة المـجـد قــد فـضـوا بكـارتـهـا
.......... قـبـل القبـائـل إن مــا نـاجــثٌ نـجـثـا

إنــا سمـونـا سـمـاء الـمـجـد مـنـزلـةً
.......... طوعاً ومنا اخضرار الروض إن رمثا

إن الـحـضـارة إذ ضــلــت بـغـيـرهـم
.......... حتى علـى صـوت راعـي طبلـةً خنثـا

لــم تستـطـع منـهـمُ شـأنــاً فشـأنـهـمُ
.......... شــأن الـكـرام إذا مـــا عـاقــلٌ لـوثــا

كـم وتـروا مـن صناديـدٍ ومـا وُتِــروا
.......... لا يتـر الدهـر مـن عـن سـؤهـا نـأثـا

لـم يبلـغ المجـد منـهـم صـيـدُ غانـيـةٍ
.......... أو مــن تنـائـى فأخـفـى غُـلّــةً فـعـثـا

لـم يــدأث الخـلـق داثــاً مـثـل داثـهـمُ
.......... ومــا سـواهـم بمـيـزان التـقـى دأثـــا

الـيــوم ارثـيـهــمُ حُــزنــاً وأنـدبـهــم
.......... هيـهـات هـــل بـبـكـاءٍ مـيــتٌ بُـعِـثـا؟

إن المـراثـي لــو تحـيـي لـنــا أحـــداً
.......... وسـط المقابـر مــا أبـقـت لـنـا جـدثـا

يــا دهــرُ قــل لـهـمُ إن جـئـت تـلّـهـمُ
.......... صـبـحـاً وذَلّـهــمُ ذو شــوكــةٍ جــأثــا

أنـــي مـحـذرهــم أمــــراً فـمـنـذرهـم
.......... أمـــراً فمـعـذرهـم أمــــراً وإن نــأثــا

فليرحـم الله قـومـاً مــن ذوي رحـمـي
.......... مـا كنـت بينـهـم فــي الـدهـر مكتـرثـا

إنـــي حـلـفـتُ يمـيـنـاً بـــرّةً بــــرأت
.......... لا أخـلـف الـدهـرَ ميـثـاقـاً وإن نـكـثـا

لا يجـمـع الله مــن بــادت سيـادتـهـم
.......... وأصحـر البـيـن منـهـم أعيـنـاً ولُـثـى

إنـي أنــا الشـاعـر الميـمـون طـائـره
.......... ومــن لعـلـم بـنـات الـجـن قــد ورثــا

أتـيـت سـمـط بـنـات الـجـن يحملـنـي
.......... ومـن ورائـيَ كــم مــن شـاعـرٍ لهـثـا

قـد أرضعتنـي خلـوف الشعـر راهـبـةٌ
.......... حتى نشرتُ بشعري في الورى جدثـا

جنـيـتـانٍ سـمــت لـلـعـرش نـارهـمـا
.......... سـمــوّ حـــبّ غـبــارٍ رمـلــه حـرثــا

يا نافث السحـر مـا ترجـو بسحرهمـا
.......... فـي قلـب غمـرٍ بـآي الـربّ قــد نُفِـثـا

إنــي ورثــت طـفـيـلاً قـبــل إخـوتــهِ
.......... أبـنـاء أم البنـيـن الخـمـسـة الشـعـثـا

مـن يدّلـث مـن بنيـهـم يـدّلـث عجـبـاً
.......... مــا كـــان إلا وشـــاح الـعــزّ مُـدّلـثـا

لـم يبـق منهـم عجـيب الطبـع مـن مـلِـكٍ
.......... حــيٍّ ومــا لــمّ منـهـم صـالـحٌ شعـثـا

جدي هوازن حاميها وحاكمها
.......... إذا ضباثٌ على أعناقكم ضبثا

كــم طمـثـوا مـجـد ربٍّ كـــان قبـلـهـمُ
.......... ومـــا لمـجـدهـمُ مـــن سـيــدٍ طـمـثــا

قومـي سبيـعٌ سبـاع الـغـاب عادتـهـم
.......... طـيـب الـوطـاب إذا مــا طـيـبٌ خبـثـا

إن يغـلـث الـزنـد فــي ايديـهـمُ خـطــأً
.......... فـكـم بـأيـدي سـواهـم كـــان مغتـلـثـا

أقـوت بهـم حقـبٌ ألــوت بـهـم نـقـبٌ
.......... أهـوت بهـم عقـبٌ والقـول مــا فـرثـا

ما عاش في الدهر من سقنا مدائحهـم
.......... جهـرا ولا مـن لهـم حـي بـكـى ورثــا

عــن كــل جـاريـةً فــي إثــر غـاديــةً
.......... مــن أهــل بـاديـةٍ مــن فوقـهـا نـبـثـا

طـويـت قافيـتـي فــي إثـــر عافـيـتـي
.......... لله حـافـيـتــي إن بـــاحـــثٌ بــحــثــا

لـي بنـت عــمٍ كـتـوم الـسـر عالمُـهـا
.......... صــدق وحاكمـهـا عـــدلُ وإن حـنـثـا

الـحــب كـالـحــج أطــهــارٌ ربـائـعــهُ
.......... فــلا فـســوق بـــهِ رَامــوا ولا رفـثــا

الـقـلـب وادٌ غــثــاء الــهــم فــجــرهُ
.......... لله قـلـبٌ بـــهِ سـيــل الـهـمـوم غـثــا

افــز حـيـن يـنــادى بإسـمـهـا ولـعــاً
.......... كـمـن لأنـيـاب أفـعـىً أقـبـلـت جـهـثـا

كـــأن هـمــاً بقـلـبـي عـــاث بـاحـثـهُ
.......... طـــرّاد كـنــزٍ بـعـالـي قـفــرةٍ بـحـثــا

إن ينـقـص اللـيـل ثلـثـاً عـنـد قربـتـهِ
.......... حـيـنـاً فـكــم بـعــدهُ قـــد زادهُ ثـلُـثــا

نـارٌ مــن الـنـور لا يخـفـى بمبسـمـهِ
.......... لـيـلٌ وفــي نــورهِ مــا كـنـت معتلـثـا

أتلـت مــن الكـوكـب الــدريّ سابـقـةً
.......... مــن الضـيـاء إذا مــا خـالـصٌ بـغـثـا

لا يدعـث التـم يـومـاً ضــوح وجنـتـهِ
.......... وكـــم بوجـنـتـهِ مـــن كـامــلٍ دعـثــا

كـــأن نـــوراً تـلالــى حـــدر بـرقـعـهِ
.......... نــورٌ تـــلألأ حـــدر الـغــار وانبـعـثـا

لرائـحٍ مــن شـذاهـا مــرّ فــي عـجَـلٍ
.......... طبنـا , فكيـفَ بــهِ لــو أنّــه مكـثـا؟!!

عين أبوي
14-03-2009, 02:41 AM
ناقتـي ياناقـتـي لاربــاع ولاسـديـس
وصليني لابتي مـن وراء هـاك الطعـوس
حائلاً رابع سنه من خيـار العيـس عيـس
خفهـا لادرهمـت كنـه بالنـار محسـوس
في دجى خالي خـلا لاحسيـس ولانسيـس
تنوخذ من شـدة البـرد طقطقـة الظـروس
في عيوني يكفخ الطيـر ويطيـح الفريـس
وانتهض جساس من دون خالتـه البسـوس
وفي خفوقي فرخ جنيتاً يضـرس ضريـس
يوم اوردها هجـوس واصدرهـا هجـوس
ديرتي دار ابن ضاري وابن غثلـم جريـس
ديرة اللي دوجوا في فيافـي نجـد جـوس
ديرتـي يابنـت شيخـاً ومعدنهـا نفـيـس
عيطموسـاً دونهـا دثرتنـي عيطـمـوس
جادلاً مطرق جسدها مـع الغربـي يميـس
طينتاً مـن تربـة الخلـد والـدم محمـوس
نقشت خمساً من الخمس في يـوم الخميـس
ليت شعـري مـا ارادت بهـذا دختنـوس
كـم تمنـا إن معـه مثلهـا فتنـه بليـس
كان يمكن قد قلب نصـف إمتنـا مجـوس
كن دماث الصدر منهـا كنيسـه او كنيـس
صومعة رهبـان ديـراً يـؤدون الطقـوس
آتقـوس مـع تقـوس نواهدهـا وإقـيـس
قبتين قـاب قوسيـن قوسـاً جنـب قـوس
خصرها يحكي لنـا واقـع القـوم التعيـس
وردفها عن غطرسة بـوش يعطينـا دروس
وبالرغم من قصرهـا مايجالسهـا جليـس
تصبح أطول نسوة الارض في وضع الجلوس
العروسه ماتبي غير ابـو تركـي عريـس
العروسه نجـد ماهيـب حـي الله عـروس
نجد بنت المجـد ونسـة مونسـة الونيـس
ماعسفها الا معزي ضحى اليـوم العبـوس
كل اهل نجد هلي من إجاء حتـى الخميـس
في ذراهم بالتجي عـن مجففـة الرسـوس
وعيشتي مابين أسوداً ولـو مانـي رئيـس
(خير من كوني رئيساً علـى شلقـة تيـوس)
وليس عيباً إن خدعني بمكـره كـل هيـس
لان مايفهـم بمكـر الهيـوس الا الهيـوس
مصطفى فـي مأدبـة عمـه البابـا لويـس
كبر اللقمه تحـت ضـؤ حمـراء الكـؤوس
وطسم حدتها على حائـط المبكـى جديـس
يـوم شقـت ثوبهـا بنـت عفـار شمـوس
سيدة هـاك القصـر أسمهـا الاول لميـس
دونها سمر الحناجـر بترهـا حـد مـوس
قسقسـة لاحرارهم.قيس.قيس.قيس.قـيـس
والبستهـم مـن مهانتهـم انـواع اللبـوس
بين خدعة كعـب اخيـلاً ومولـد ادونيـس
درسونـا الالهـه والمـدرس هـنـا روس
ويش لاقوا من قناة السويس اهـل السويـس
وويش لاقوا من تلمسان قوماً مـن سنـوس
كلهم من شـدة الجـوع راحـوا خندريـس
بين غيبوبة مخدر وصحـوة عـرق سـوس
ثـورة راحـوا سببهـا بتـوع الاتوبـيـس
وش نبي فيها وهـي ماتهـز الا الغـروس
آفة المرء اثنتان الف كـاس وحـب كيـس
والنفوس اليا بغيـت اتعرفهـا ارم الفلـوس
ينكشف زيف الشعارات الى حمي الوطيـس
ترجع الاذناب إذناب وتبقـى الـروس روس
صدق لاقال العرب مايحوص الا الخسيـس

عين أبوي
14-03-2009, 02:42 AM
.ღ. قصيدة ناصر الفراعنه بنبي الله يوسف عليه السلام .ღ.


بسم من أظهر أسامة على جيـش السُفيـت
سامع صوت بن متّى وهو في بطن الحـوت
أخرج من الميْت حيّ أخرج مْن الحيّ الميْـت
من جعل أرضاً ذلول وجعل أرضـاً السبـوت
بسمه المحيي المميت ابتديت ايـه الابتديـت
ابتديت اللي بديت وعطيت الصـوت صـوت
شيب عيني شيب عيني اجرحوني ما دريـت
اقعديني اقعدينـي اقعـدي راسـي يانـوت
عـن نبـيّ الله بأدافـع دفـاع المستميـت
لين احقّق غاية القصد والاّ ارحـب يامـوت
لابن يعقـوبٍ بـروح بـن حربـانٍ فديـت
ويا عسى جلدي لطاهر قـدم رجليـه بـوت
مثّلـت (يسـرا) زليخـا بمسـرح أوبريـت
وهيّ كان اولـى بهـا أن تمثّـل دختنـوت
مثّلوها هي ويوسف مثـل رميـو وجُليـت
وبجلابيـب الزنـا لبّسـوه جْبـه وكــوت
ونوت تسألني عقب كـل هـذا وش لقيـت!
وابتسمت شويْ وقلت اثر ما في الوقت قوت!
يا فؤاد المستميت ان بكيـت او مـا بكيـت
العن آبو من على الضيم يرضيه السكـوت
من لهب نار الرفيـق انكويـت ألا استويـت
طاح كرتي ويا كثر من لهم طاحـت كـروت
من وانا ورع ابو عشـر وهمـي كُمبليـت
امتطي ساقي مطيّة واهيـم مـع الخبـوت
ما لعبت (عظيم ساري) ولا (بنت السبيـت)
همّي اكبر من دْوِرْتي علـى شلّـة بلـوت
عايش عيشـة شقـا لا فنيـت ولا بقيـت
آتوسّد بطن كفّـي واشـوم مـن التخـوت
بدويًّ قـحّ مـن ويـن اعـرف الإيْتِكيـت
حطّني الله عظـم بحلـوق أهـل الجَبـروت
طار نومي طار يا ضارب الطـار وصحيـت
قم قبـل يِرفـع علينـا شـراع الجيْلبـوت
ايه انا( ناصر) ولي في الملا صوت وصيـت
جت بي امّي في رمادة غضا في (حضرموت)
وحْلِمت بي حلمٍ افزع (تهامـة) بيـت بيـت
وافرح مْن سبيع (علوى) مروبعْـة البيـوت
وجت سوابق قصّتي في كتاب (بْن السُكيـت)
واعقدوا لي سحرهم فـي خليّـة عنكبـوت
بقْدمي سبعة ملوك من الجـنّ لـو بغيـت
في مثل لمح البصر فُتّهم يـا نـوت فـوت
أذّنوا لي في المساجـد : وفيـت ولا هفيـت
دون حقّك (ياليتيمة) بغـى ناصـر يمـوت
فترةٍ فيهـا احتويـت (اليتيمـة ) واحتميـت
لين حطّـوا لـي بلاهـم عبيـد الكَهَنـوت
طوّعوا غيري وانا اللي لحالي بس عصيـت
لين ضيّع راعي (البوش) في قلبـي خفـوت
لين بعيوني سقوني مـن الخمـرة (كميـت)
قد بغيت آمـوت لـولا صلاتـي والقنـوت
حرّةٍ يجلب لحمهـا علـى سـوق الكويـت
دونها الموت الحمر شاتني للنـاس شـوت
واعتزيت بسبعـة مـن جـدودي وانتخيـت
قالوا:اثبت قلت: افا,ما عقـب هـذي ثبـوت
والله انـي مـن رجـال بعاليهـا علـيـت
الكبيريـن البخـوت الوسيعيـن البـشـوت
قالو:اثبت ,حكم ربك كـذاوش بـك غديـت؟
والدهر مرّ وحلـو كالزهـر علقـم وتـوت

عين أبوي
14-03-2009, 02:43 AM
غـرٌ طمــح ياحسين بيــن الصلاتـــين

يـــــومٍ زوج البــــين مـا هــــو تـــكانه

ياحسـين أنا ادخلته بـوجـهي نهارين

ينطــــر هــله وأنا مـكانــــي مـــكانه

في ذمتي ياحسين ما شافت العين

زولــه ولا حــــدث لسانـــي لـــسانه

وفي ذمتي ياحسين لو شفتها ألحين

إنــي ما أعــرفة لــو بصــم لــي بـنانه

مـا ساورتني فيه نفسي عن الشين

ياحسـين حسن الظــن ربــع الــديانه

ما شك في نفسي ولا في أدعج العين

لــو هــو مـن الــــروعه جعلــــني وزانـه

ياحســين يــوم الشك مــن عادة القين

الشـك مـــاله مــع هـل الطيــب خــانه

مـــا كل طيــب يلقــــى مـــثله إثنـــين

لأن مــــا هـــــذا الـــــزمان بـــــزمانه

عين أبوي
14-03-2009, 02:45 AM
من وحي الغربة (الهلالية) نـــاصر الفــراعنة

عـفـى الله عــن عـيــنٍ تـكــدّر منـامـهـا
.......... قـزَت مـن لذيـذ النـوم مـدري علامهـا !

حَبَـسْ عينـيَ القشرا مـن النـوم حابـس
.......... قلَـب يومهـا واخلـف شهَـرْهـا وعامـهـا

الى جيـت اغمّـض كـنّ جفنـي بحاجبـي
.......... مـثـبّـت بمسمـاريـن صــلــبٍ قـوامـهــا

تحضّـر همومـي كـل مـا جيـت باسفهـل
.......... حضـور العساكـر يــوم يُـوخـذ تمامـهـا

أنـــا كـــنّ مــا بـيـنـي وبـيــن المـنـيـة
.......... ألا مـسـافــة خـنـصــرٍ مــــن بـهـامـهــا

غدا الكون فـي عينـي كبـر خـرم الابـرة
.......... او اصغـر شْوَيْ من نقط ريشـة اقلامهـا

علـيْ ضـاق رحْـب الكـون حتـى هقيتـه
.......... مــا عــاد يـوسـع نمـلـةٍ فـــي مقـامـهـا

عـايـشــت بـالـدنـيـا ثـلاثــيــن حــجـــة
.......... وعاشـرت معشـر حامهـا قـبـل سامـهـا

واثر لذة الدنيـا اسْـم بـسْ !!! والحقيقـة
.......... كـمـا الحنظـلـة مــا بــلّ ريــقٍ طعامـهـا

لـحـى الله دنـيــا مـــا مـدحـهـا مـجــرّب
.......... ولا اروت من الشول الظوامـي حيامهـا

هـبــيــة هــبــاهــا الله دنـــيـــا دنـــيـــة
.......... عـجـوزٍ لـقـلـب الـغِــرَ دقّـــت وشـامـهـا

مستـفـرسٍ فيـهـا عـلـى الـذيـب ثـعـلـب
.......... وعيـال العبيـد استشيخـت فـي عمامهـا

دنـيــا تـهـيـن الـحــرّ وتـطــقّ بـاصـبـع
.......... وتـرخـي لـكـلّ مْقـطّـع اربـــع سنـامـهـا

خصّـت مـن نــوادر كــلّ قــومٍ فحولـهـا
.......... وفــي كــلّ اســدْ غــابٍ تفـحّـل نعامـهـا

أنــا والهـمـوم الـسـود خـيـطِ وسـبْـحـة
.......... تحـلّـل حـلالــي قـبــل احـــرّم حـرامـهـا

عـقـبْ دار اخــوي ودار ابـويـه وجــدي
.......... بـ (دارٍ) لــلا المجـنَـبْ لعـنّـا رسـامـهـا

دنـيـا رمـتـنـي رمـيــة الـدلــو بـالـرشـا
.......... بـ (دارٍ) تضيّـع صبحـهـا فــي ظلامـهـا

دارٍ بــهــا كــــلْ مشـبـهـانـي مـهــجّــن
.......... بصفـقـه وتصفـيـره تـرقّــص حمـامـهـا

بـهـا الـــذلّ صـاغـتـه الـعــذارى قـلايــد
.......... وقِطْـعَـتْ وجـيـه رجالـهـا مــن ملامـهـا

وانــــا لـوبـيــدّي أو هــــو الــــودّ ودّي
.......... فـلا ازورهـا لـيـن انـدفـن فــي عدامـهـا

وخـيـرٍ يــاْ طـيـر ولــوّ مـسـكٍ وعـنـبـر
.......... تــراب ارضـهـا أو سلسـبـيـلٍ جمـامـهـا

ولو هـو حصاهـا مـن (جمان)و(زمـرّد)
.......... لابوهـا لابـو خـبـلٍ مــن الـقـوم رامـهـا

دار الـخـنــا لــــو يـفـرشـونـه زبَــرْجــد
.......... عنـهـا كِـــرام الـقــوم تـطـلـق لجـامـهـا

ودارالـخـنـا لـــو روبـعــوا فـيــه قــبّــة
.......... عـشّــة خـــرابٍ جـيّـفـت مـــع قمـامـهـا

ودار الـذلـيـل يـطـيـح لأدنـــى عـجـاجـة
.......... ولــو قبّـتـه مــن تـبـرٍ اصـفـر رخامـهـا

دار الخـنـا ملّـيـت مــن شـوفــة اهْـلَـهَـا
.......... أهَــلْ رُقـعِـةٍ مــا يسـتـر الـحـال خامـهـا

أنـا عنـدي احـلى مـن كرَزْهـا وخوخـهـا
.......... مـنـابـيــت نــجـــدٍ أثـلــهــا وثـمـامـهــا

وانـا مـا جـرح كبـدي وكــدّر بخـاطـري
.......... بـروقٍ يـشـوق العـيـن سـامـر غمامـهـا

بـروقٍ تكاشـف فـي سمـا العـرش كنّهـا
.......... مـصـابـيـح عــبّــادٍ تـصــلّــي قـيـامـهــا

اربــع مخـايـل بـيـن مِـشـمِـل ومِـجـنِـب
.......... وما بيـن شـرق وغـرب يقـدح شعامهـا

مـن الاربـعـه مــا شاقـنـي غـيـر واحــد
.......... سـحـابٍ ســرى غـربـيْ بــلادٍ وحامـهـا

شعانـي سحـاب الـغـرب ربــي حسيـبـه
.......... بــغـــرا هـمـالـيــلٍ تـــركّـــد ركــامــهــا

شعـتـنـي خـشــوم مــزونــه العـقـربـيـة
.......... ذبحـنـي تبـسّـم عفْـرَهـا فـــي جهـامـهـا

دخيـلـك سـحــابٍ كـــنّ وضّـــاح بـرقــه
.......... الـى لـوّح شْـوَيْ واختفـى فـي عتامـهـا

هنوفٍ بـدت فـي مجلـس البيـت كاشفـه
.......... وطــرَقْ بابـهـم ضـيـفٍ وذبّــت لثامـهـا

تِجَـاوَب رعــوده بــه تِـجَـاوِب جمـاعـة
.......... إلـى ردّدوا (آميـن) مــن خـلـف امامـهـا

سحـابٍ تـرى فـي نصوبـه اليـا تهادفـت
.......... مـظـاهـيـر بــــدوٍ شــايــلاتٍ خـيـامـهــا

وكنْ طقطقـةْ وبلـه علـى القـاع طقطقـة
.......... سـنــون بــردانــه تــراجــف عـظـامـهـا

عسى هو على (نجدٍ) ومـا كـان حولهـا
.......... ديـارٍ بـرى حـال (بْـن فـارس) غرامـهـا

ديــار القـبـايـل والحـمـايـل هـــل الـثـنـا
.......... هـل العـزّ عقّـب مــن ظلَمْـهـا وضامـهـا

سـقـى الله يــوم انّ القـنـا تـقـرع القـنـا
.......... كــم خـضّـبـوا بـالــدمّ سـلّــة حسـامـهـا

أحــفــاد(ابــو زيـدٍ)و(عـنـتـر)و(عـامـر)
.......... و(سـالـم)و(ابـن غانم)و(حاتم)كـرامـهـا

ديــارٍ بـهـا صبـيـان مـدعـث عصابـتـي
.......... خـالــد وعـبــدالله لِـ عِـــدّوا حـشـامـهـا

وجـودي علـى المجـلاس معكـم ياْخـالـد
.......... وفـرقــا اربـــعٍ لا يـرحــم الله رحـامـهـا

والا انّ ردّ الـعــمــر شـــــاشٍ مـــــذرّع
.......... وشَـــقٍّ بـحـفـرة سـنّــةٍ بـيــن انـامـهــا

وطـراة العمُـر رفقـة ربـوعٍ علـى النـقـا
.......... مــــع رقّــــة جــــردا يِـعَـمّــد كـتـامـهــا

نــوبٍ قصـيـد ونـــوبٍ آخـــر سـوالــف
.......... ونوبٍ مزوحٍ ونوب نضرب بـ (دامهــا)

ونــــوبٍ تـعـالـيـقٍ خــفـــافٍ وذربـــــة
.......... نجنّـب مـن الشينـه ويصـفـي عسامـهـا

وإلـى أذّن المـذّن سكتـنـا والــى انتـهـى
.......... قريـنـا الـدُعـا المـأثـور حــزّة ختـامـهـا

وقـمـنـا نْـتِـوَضّـى ونتـسـنّـن ونـطّـلــب
.......... لـيـن اعـلـن الـمـذّن صـلاتــه واقـامـهـا

وظهرنـا بركعـاتٍ هــي الـذخـر والـرجـا
.......... بِيـوم انذهــال المرضعـة عـن غلامهـا

هــذي طــراة الـعـمـر لا شـــيْ غـيـرهـا
.......... دام الـعـظـام بـصـحّـه وخــيــر دامــهــا

اشــوف المنـايـا مخـلـبٍ لـيـس مُـعـتِـق
.......... عـبـيـدٍ ولا الأحـــرار يِـخْـلِـي خطـامـهـا

من الموت هو وش لون نفـسٍ بتسلـم؟
.......... والاقــدار تقـفـاهـا والاسـبــاب امـامـهـا

الاقــــدار فـجّـاعــة والاعــمــار فـانـيــة
.......... والايــــام بــوّاقــة حـدَجْـهــا خـزامـهــا

والآجـــال مكـتـوبـة والاجـســاد بـالـيـة
.......... والاعمـال محسـوبـة يمَنْـهـا و شامـهـا

فيـا جامـع الدنيـا تــرى الـوعـد مقـبـرة
.......... أنـا وانــت مِتْسَـاويـن حَــدْرِيْ رغامـهـا

أرى قـبـر كــلْ صنـديـد قــومٍ صـمـيـدع
.......... مِثِـلْ قـبـر رعـديـدْ ادّرَق عــن زحامـهـا

وارى قبـر شيـخٍ يعطـي الخيـل والنضـا
.......... مثـل قبـر مـن يسـرق مـن امّـه زمامهـا

وارى قبـر مـن يشـرب بأبـاريـق فـضّـة
.......... مثل قبر مـن يشـرب بِـ (نعلـة دهامها)

وارى قبـر ابـو يـومٍ ويومـيـن واصـغـر
.......... مثل قبر من عاش 1000عـامٍ وعامهـا

قــبــورٍ لــــو الله قــــدّر لْــهَـــا تـكــلّــم
.......... سِمَع مـن ورا القطـب الشمالـي كلامهـا

وصلاتي على احمد عدّ ما ذعذع الهوى
.......... وعــداد مــن قــام الـدهــوره وصـامـهـا

عين أبوي
14-03-2009, 02:45 AM
الله أكبر والله أكبر


الله اكبـر والله اكبـر والله اكبـر والله اكبـر كـل مـا اقبـل مـزن ودبــر ومــا ســرى بــرقٍ iiوراح
والله اكـبـر والله اكـبـر والله اكـبـر والله اكـبـر ربـنـا ماغـيـره اكـبـر رب مـوســى iiوالمـسـيـح

محصـي مـا قـد حبـا منـا ومـا منـا دبــا مـنـزل سـبـا مـنـزل تـبـارك والنـبـا مُـجـري iiالـريـاح
جـاعـل الأرضَ كفـاتـا جـاعـل اللـيـلَ سـبـاتـا مـنــزل مـــاءً فـراتــا مـرســل بـالـريـح iiريـــح

يوم طشّيت الشماغ وصحت للهاجوس والهاجوس للهاجوس ابو منكـوس يـا منكـوس صـاح
ما تقول الا انْ وسط اذني مزامير الف عفريت من الجنْ ساعة الصفـرة مـع الصفـرة iiتصيـح

يـا قلـم هلّـل وكبّـر لحظتيـن ثـم تعـبّـر فــي الــورق حـبّـر وعـبّـر فــاح فـوحـي فــاح فــاح
يا قلم نبغى المعاني بيض كالبيض الغواني يا قلم خذ من لساني لسـت بالمعنـى شحيـح

لي لسان لا بغى نظم القصايد مـا لغـى يقعـد صغـا مـن لـه صغـا فنجـال قافـه يـوم iiسـاح
كـل قـاف فـي الحشـا مـد الرشـا ادلـى بدلـوه بيـن واجـب مستعـد وبيـن واجـب iiمستريـح

بسم فهد سيّدي فهد الفهود الصيهـدي شبـل الأسـود النُجّّـدي فهـد بـن سلطـان iiالجمـاح
بسـم قائـد منطقتنـا المجتهـد فـي كـل مـا يثـري البلـد يـا مرحبـا يــا ريــح ريـحـان وشـيـح

ارحب ارحب وارحب ارحـب يالأميـر اي والله ان ترحـب وترحـب رحبـة ماهـا قـراح فـي iiقـراح
عـدّ مـن غـرّد وغنّـى عـدّ مـن شـيّـد وبـنّـى عــدّ مــا مـنّـا ومـنّـا عــدّ كــل صــوح iiوصـيـح

مرحـبـا ياخـالـد الخـالـد سلـيـل أئـمّـة المـجـد الخـوالـد لــك بسـطـنـا كـــلّ راح جـنــب iiراح
مرحبا بك يا سليل ملوك نجد اهل الشـرف والمجـد مـن ذروة هـل العوجـا معطّـرة الصفيـح

فـي ذرى دار قـرار شادهـا عـبـد العـزيـز الـحـرّ مــن وكــر الـحـرار مْـروّيـة شـهـب iiالـرمـاح
ما حكمها من فراغ الا عقب حذف الشمـاغ وضـرب سيـف فـي الدمـاغ مصوّبـه عـدّه ذبيـح

دار ابـو تركـي حفيـد الأكرميـن اللـي حكمهـا باليميـن وكــلّ رجــل باليمـيـن أشـقـر iiجـنـاح
ما حكها ابن الملوك الا عقب ممشى بشوك وشلّ ابوك وحـطّ ابـوك وكـلْ نطيـح لـه نطيـح

دار ردّاد البرى رجع الثرى نجع الذرى ليث الشرى بدر السرى رجـم القـرى ضافـي iiالوشـاح
دار هدّاج الصخا سعد الرفيق اليا انتخى ستر المزيّـن لأرتخـى عنهـا الستـر حبـس iiالطريـح

يــوم زام الــزار والبـنـدق دخنـهـا ثــار مـنـهـا ثـــار يـــا سـتّــار نـــار ونـــار والـضـمّـر iiتـــداحّ
يـوم زرقـات السهـوم وشـوم حانيـة الوشـوم القانيـة خمـس الرقـوم وكـلْ نزيـح لـه iiنـزيـح

مـن شجـرة للرفيـق وللصديـق المـا قـراح وللعـدو مـن حـضـر والا مــن بــدو ســمّ ذحــاح
شجـرة آل سعـود اهـل الجـود بالماجـود لطّامـة شبـاة العـود يـوم الخـيـل بآهلـهـا iiطفـيـح

إن ركـب بنـت الحصـان تقـول ليـث وان قصـر مـدّ الزمـان تـقـول غـيـث عــان بـرقـه لاح iiلاح
بالمعجّـل والمؤجّـل هـم هـل المجـد المبجّـل حبـر ماضيـه المسجّـل دمّ كـلْ قــرم iiجـريـح

الـولـد خـالـد وسلـطـان هـــو الـوالــد ونـعــم بـالـولـد والـنـعـم بـالـوالـد جـبــال مـــا iiتـــزاح
والدك سلطان سلطان الصخا وقت القسا وقت الرخا سقم العدا قصر الندى الرحب الفسيح

ذلـــك الـحــرّ الأبـــيّ الـوائـلـيّ اليـعـربـيّ الحـاتـمـيّ المـرحـبـيْ لا فــــي غــــدوّ ولا iiرواح
هـوّ ابونـا وهـوّ اخونـا عزّنـا عـزّه وعـزّه عزّنـا بالجـود كـلّ اســم إلــى جــاء اسـمـه iiيطـيـح

ايـه ابـو خالـد ولا ياطيـب طيبـه مـن ولـد مثلـه فــلا مثـلـه ولــد لا فــي البـيـاح ولا iiالفـيـاح
صيرميّ صمصمي مفراص ماص به خلاص اليا صبخ وبل الرصاص بكـلّ سيـح وكـلّ iiضيـح

سلّح القوّات بأحدث معطيـات العصـر واستبشـر بمجهـوده حمـام النصـر فـي عصـره iiونـاح
بالسفـن ذات الـرؤوس وبالحفـن ذات الـتـروس وكــلّ أسـطـول ضــروس لا يــزاح ألا iiيـزيـح

بالمـدافـع والــدروع وكــلّ كــوع جـنـب كــوع بـكـلّ دبّـابـة تــروع بـكــلّ تـرسـانـة iiســـلاح
زوّده بالنافـثـات الـعـابـرات وبـالأيــادي الـمـاهـرات آلـيــن كـــلّ بـــات فـــي بـيـتـه iiمـريــح

اولـده خالـد عضيـده قاضـب بأيـده وجـيـده أشـهـد ان خـالـد ولـيـده والعـمـل ســر iiالنـجـاح
صاحـب الـرأي المحنّـك لا هفـى غيـره وتنّـك طيـب طيبـه خـلّ عنّـك كـل سيـح مـا iiيسيـح

تــحـــت بـيـرقـهــم تـعـسـكـرنـا ودسـكــرنــا مـــــن ايـمــنّّــا لأيـسـرنـاجـنــود iiلـلـكــفــاح
مثـل مـا سـاروا تحتـه اجدادنـا واقولهـا وبـكـلْ صـراحـة والصـراحـة مـبـدأ الـرجـل iiالصـريـح

كلـمـة ابديتـهـا نيـابـة عــن سـيّـدي نـبـراس عيـنـي وسـعـدي والـعـذر منـكـم iiوالـسـمـاح
بالنيابـة عـن فهـد طيـر السعـد ستـر البلـد علـم صحيـح الا صحـيـح ولا يـصـحّ الا iiالصحـيـح

والختـام انــا احـمـد الله (لاح يمـلاحـي ولاحــي لاح يمـلاحـي ولاحــي لاح يمـلاحـي ولاح)
قالها اللي كنّ وسط اذنه مزامير الف عفريت من الجنْ ساعـة الصفـرة مـع الصفـرة تصيـح

عين أبوي
14-03-2009, 02:47 AM
الراقصه الشقراء


هذه القصيده كتبها ناصر منذ ما يقرب من عشر سنوات خارج بلاده وبالتحديد فى لبنان فى راقصه سالته عن سبب عدم الانتباه اليها رغم تمنى الاخرون ممن كانوا معه نظره منها فقالت له هل تكابر.....؟ ومن انت حتى تكابر.....؟ فكتب هذه القصيده وبقول فيها:








أوراقـصــةٌ شـقــراءُ
تـريــدُ قـــراءةَ أفـكــاري الـحـمـقـاءْ
أيتهـا الراقصـة الشقـراءُ
دعينـي (خُلِـق الطُهـرُ غـشـاءْ)
لسـتُ أنـا
لسـتُ أنـا
مَـن سَلَـبَـت لـبّـهُ طلسـمـةُ الإغــراءْ
أبداً لسـتُ أنـا
مـن يرضـى أن يقطـعَ دهـرَهُ (زِيـرَ نسـاءْ)
عنـدي غيـرُكِ ألـفُ بـلادٍ
بـل عنـدي غيـرُكِ ألــفُ سـمـاءْ
مــن قــال بـأنّـي
أتمـنّـى لـــي مـعْــكِ لـقــاءً ذاتَ مـســاءْ
بـل مـن قـال بأنّـي
لـكِ أطـوي الصحـراءَ وراء الصحـراءْ
من قال بأنـي
مـن أجلـكِ أسْتجـدي الأجـواءَ مـن الأرجـاءْ
مــن قــال بـأنّـي
أرجـــو اللهَ إذا مـــا أُطـفــإت الأضـــواءْ
وتكـدّسـتِ العـشّـاقُ مــن الأشــواقِ
دمــاءً فـــوقَ دمـــاءْ
أن أخلـق منـكِ علـى صـدري وثـنـاً
أعـبـده كـيـف أشــاءْ
مــن قــال بـأنّـي
أرقُــبُ أن تهديـنـي ريّ جـنــاك سِـقــاءْ
أو أن تـمـتـدّ إلـيــك أصـابــعُ أسـنـانـي
تــلــك الــجــرداءْ
كي تنقشَ ليَ حرفَ اسْمي
فوق صحيفةِ مبسمكِ الحمراءْ
مـن قـال بأنّـي
أستجـدي مــن صـوبـكِ تسطـيـر الأنــواءْ
أو حـتـى
أن أرتــاد لـرؤيــةِ وجـهــكِ صـــالات الأزيـــاءْ
وأقصّ تـذاكرَ مـا فـيها تـبديـن كـآنـيـةٍ جوفـاءْ
أيتـهـا الراقـصـة الشـقـراء
خـدعـوك المـوتـى والأحـيــاءْ
تستلقينَ وما عندكِ من شرفٍ محفوظٍ رُبْعَ وعـاءْ
تحت اسم الفنّ
مَكَرْتِ
غَـدَرْتِ
نشَـرْتِ
فسوقَـكِ بالإمضـاءْ
بـتـقـلّـب أيّــــامٍ
وتـشـكّــلِ أغــــوالٍ
وتــلـــوّنِ حــربـــاءْ
تستلـقـيـنَ كـنـائـحـةٍ كُـشِـفَــت
لا يـسـتـرُهـا أيّ غــطــاءْ
بعصـا موسـى
وجنـود سليـمـانَ
ومعـجـزةِ بْــن الـعـذراءْ
خدعـوك كمـا خـدعـوا مــن قبـلِـك
ملـيـون فـتـاةٍ عمـيـاءْ
مـا منـكِ
ســوى أجــزاءٍ
لا تستـرجـلُ أن تصـبـحَ أجــزاءْ
فـلـقـد لـبِـسـوا جِـلــدكِ
تـحــتَ بـوالــي كـــلّ رداءٍ ورداءْ
ولقـد دهـسـوا لحْـمـك
تـحـتَ قمـائـمِ كــلّ حــذاءٍ وحــذاءْ
يــا حـجـراً يتـقـاذفُـهُ عـبّــادُ الـشـهـوةِ
مـــن دونِ حـيــاءْ
يـــا خـمــراً تتقـارعُـهُـا الأفـــواه الـسـوقـيّـة
دون إنــــاءْ
يـا دُمـيـةُ طـفـلٍ
تركـوهـا تتمـرجـحُ فــي أيــدي الخبـثـاءْ
نهشوكِ نعمْ نهشوكِ
ألـى أن صـرتِ كشمـسٍ دون ضيـاءْ
قـمـراً دون سـنـاً وضّــاحٍ
شريـانـاً يـجــري دونَ دمـــاءْ
جـســداً يـعـلـوهُ كـســاءٌ
ســـرّاً يفـضـحُـهُ كـــلّ كــســاءْ
يـا عبـدةَ مالـي
هـل لـلـزرعِ حـصـادٌ فــي أرضٍ صبـخـاءْ
هـــل لـلـحـبّ الـمـشـمـوسِ
إذا نـسـفـتـهُ الــريــح ُبــقــاءْ
(آنـسـةٌ )و (مــدامٌ)
لـيـس غريـبـاً فلمثـلـكِ ألـــف نـــداءْ
فأرينـي عــرض كتـوفَـك
هـيّـا غــوري أيّتـهـا الشمـطـاءْ
لـــن تـجــدي مـنّــي إقـبــالاً
فـفــؤادي مِقْـصَـبَـةٌ صـمّــاءْ
مــاتَ فـلـمْ يـتـرُكْ لــي غـيـرَ مـذكِّـرةٌ
سالـمـةُ الأعـضــاءْ
تخبـرُنـي أن أبـحـثَ عـــن غـانـيـةٍ
شـقــراءٍ أو سـمــراءْ
خُـلِـقـت مـنـهـا الأســمــاءَُ
ولا تُـشـبــهُ كــــلَّ الأســمــاءْ
هــيَ شــيءٌ واحــدُ إلاّ أنّــهُ
يـعـنـي لـــي كـــلّ الأشـيــاءْ
لا فـي التـوراةَ ولا فـي الإنجيـلِ
لهـا وصـفُ شبيـهٍ جــاءْ
مـن مـاءٍ كانـت وإلـى مـاءٍ كانـت
مـن خُلِـقَـت مــن مــاءْ
فوقَ صفيف الجوع تباتُ
وتصبـحُ لا تلقـى فضْـلَ حسـاءْ
مُعْـدَمَـةٌ
تحـمـلُ داخِــلَ دفّـــاتِ الـصــدرِ
كـنــوزَ الـفـقـراءْ
تلـك هـي المنـيـةُ فــي الدنـيـا
أيّتـهـا الراقـصـةُ الشـقـراءْ

عين أبوي
14-03-2009, 02:48 AM
دثريني يامنييرة _ للفراااعنه

دثريني يامنيرة زمليني يامنيرة
يامنيرة في فؤادي فرخ عبد طق زيره
من هنوف صوبها راع الهوى يشعب بعيره
سيدة سادات قوم سادة ابناء ساده


من بهاها يامنيرة ويش اوصف ويش اخلي
في جبين الطهر منها بدر سبتين متجلي
هالة دون المصلي اخلفت وجه المصلي
في محاجرها عقيد القوم يومي به جواده

الحجاج هلال ماهو في اهلتنا مقيد
من يشوفه قبل لايبدي هلال العيد عيد
لامتى والموت حدر رموشها السود يتصيد
لامتى ذبح البشر عند العيون السود عاده


دوب يانع وردها في روض لبتها تفتق
في سحر منطوقها صرف من الراح المعتق
وكن ظفايرها على الغره ليا قامت تنتق
خدم سود وقوف حول البنت البيه غاده


ياوجودي يالزباد الزبد يالبيض المقشر
يوم حازت من امامي عمد واحمر المؤشر
مانا الا اخو عقم بمولود مبشر
من سروري يوم اعانق طيفها فوق الوساده


كن اصابعها من العناب او بسر عراقي
او بلح شام مجفف او قناني خمر ساقي
وكن ترايبها صحاف الترك حمران الطواقي
في سنا نور رقبتها ذابت اكثر من قلادة


فتنة من شافها في جو سابع عرش عرَش
كاد ناعم ثوبها في جسمها الغض يتحرش
مرحبا يامرحبا يامرحبا بالطش والرش
بالحرير الحر والغرو الغرير الغر عاده

كل ماتكبر تزين وكل ماتقدم تجدد
كن نحرها من وراء بوابة الثوب يتهدد
حجم ناحل خصرها في ردفها لاجيت احدد
حجم نقطة نون داخل نون ماتقبل زيادة


بين خصر اشتراكي وردف راس مالي
ويل ويلي شيب عيني طر جيبي ويل حالي
كل غض في نحرها شايف نفسه معالي
والثنين بكل صراحة يستحقون الاشادة


كن عايم صدرها في وقفته قرم ينادي
في خضم المعركة هل من مبارز او معادي
من غروره يعتبر كل مانقوله فيه عادي
يامصابيح الرواهب من بياضه في سواده


من مزاج الزنجبيله في شفاه السلسبيله
اورد الساعي كليب حتفه نظم الجليله
جمرة في روح تمره ضيعت ابو دليله
قايدٍ حاذاه قايد ريم وانساه القياده


من ليونتها كأن ماله ولا عظم جسدها
ومن نعومتها تخاف خدودها من لمس يدها
ومن كثر مامشيها جذاب ماتمشي وحدها
ومن كثر ماجلدها صخيف تحب اللبس ساده


ويش يسوى المسك وأبو المسك مع ريحة عرقها
يوم ذبت شالها وأهتز في الملعب حلقها
ما كأن الله مثل ياقي مخاليقه خلقها
فتنةٍ كانت ركون القصر تعبدها عبادة

نــجــم
15-03-2009, 01:11 AM
صح لسان الشاعر المبدع ناصر الفراعنه

وتسلم يمينك يا عين ابوي على الديوان الرائع

الف شكر لك

أخوك / نجــم

جهز العطاوي
15-03-2009, 04:41 AM
صح لسانه

وسلمت يمينك على الايراااد

لكـ الوود

عــ الهوى ــز
17-03-2009, 11:28 PM
فرعون الشعر

معروف مايحتاج

صح لسانة مليون على كل قصيدة


ولاهنت عيوني عين أبوي


ويعطيك العافية على مجهود الرائع



تحياتي لك

الجوهره
23-03-2009, 02:57 AM
ديوان رااائع ومميز
صح لسان شاعرما القدير
ويعطيك العافيه ع النقل المميز
لاهنت

برنس
23-07-2009, 07:32 PM
يعطيك عافيه صح لسانك يسلموووو

محمد الميموني
05-08-2009, 05:50 PM
إنتقــاء في قمة الارتقــاء

لشاعر الثقلين الشاعر/ ناصر الفراعنه

":":" عين ابوي ":":"

ـإهنيك ع ـإختيارك العذب

الله يعطيك العافيه

لاهنت

تقبل تحياتـ ودمت ـي وخالص ـإحترامـ فالوجود ـي

سعود السبيعي
07-10-2009, 07:00 AM
الله الله الله
على فرعون الشعر
وشاعر مضر
ناصر الفراعنه غني عن التعريف
بيض الله وجهك اخوي على هذه القصائد المميزه للشاعر الكبير
لك مني اجمل تحيه.
أخوك/ سعود السبيعي