تخيل واحد يدخل عليك بزواجك ويقول قصيدة بعروسك ..شوف القصيدة وبعدها قول وش راح تكون ردة فعلك

[تأبط خيراً]

أبد ما جيت أبــــارك لك ولكن جيت باوصيك
على اللي ناوي(ن) تدخــل بها اللـــيله ... معذبتي


ترى لولا الظروف اللي عطّـتك وحدّت محاكيك
قســـم بالله مـــا تدخل عليــــها لو على رقبتي

ولكن النصيب أقوى ولاادري وش اسوي فيك
نعــم...صــارت معزبتك,, ولا صــارت معزبتي


كذا شـاءت بنا الأقـــــدار تحرمني لجل تعطيك
كذا لازم عشــــان تفوز انت,,وأنا اخـسر بتجربتي


تراها غاليــــة جدا..و تكفى.. والله يخلـــــيــــك
تدللــــــــها..تدلعــــــــها .....تنسّــــيها مصاحبتي


أنا من كثر ما اغليها أحس اني بديت أغلـيك...
ولاتسـأل بأيـة حـق والا وش مناســــــبتي


لأنك لو بتسألـني بتسمـع شي مـــــــا يرضيك
لذا يا خــــــوي لا تسأل ولا تسمـع لأجوبتي


أبيك تحطها في داخل عـيونك وبين ايـديـك
وهي دلوعة إعتــــــــادت على كثرة مداعبتي

فداعبـها شوي شوي ..حـتى تشتهي طاريك
وشاغبها إلـــــــــيـن تقول: بـطّــل من مشاغبتي


واذا هي مالها خلقك,,ولا تضحك ولا تسليك
تحمّلــها وإسألـها :يا عمـــــري ليـــه عصّبـتي

وبالك أسمع انك يوم تضربهــا وهي تشكيك
ما يحتــاج أوري لك بفن الضـــرب موهبتي


صحيح انك بتملكـــها ومعك العقــد بالتمليـــك
وانا عــــارف حدود الله ومن حــقـــك معاقبتي


ولكن قل لها : المجنون وصّـــاني وهو يعنيك
يقــــــول انه بيــنــتظـرك لوشـيّـب وشـيّــــبتي


وانا مجنونها اللي مـا نساهــــــا وانت مايمديك
تغــطي ذكريـــــاتي.. في هواهــــا و ربع تجربتي


أحس اني تماديت بكلامي,, والغضب حـــاديــك
ولو انك في مــكاني ما تفكر في محــــــاسبتي


كفاك اني تركت الليــــله أشغالي عشان أجيك
دخلت القاعة برجلي ولا أدري ويش عاقبتي

وانا ما جيت أخرّب عرسك الليله ولا أذّيـــك
أنا جيتك عشــان أخاطـبك واسمع مخـــاطبتي


توصّــــى ..... و انتبه.. واحرص عليها و الله يهنيك
ترى كل الكلام اللي طلع من ضيقي و كبـــتـــي


ولكن ما قدرت اني أقوله وانت مايخفـــــيك
أخـــــاف اني اذا قلته تقوم و تقطـــع رقبــتي...

[عزتي مهابة]

هذي فيها قبايل

والدم لين الركب : )

نتظر ردود الرجال !َ!!

ولآهنت أخوي العنيد

[تأبط خيراً]

ههههههههههههههههههههههههههههههههههههههههه

واللهي مدري اختي وننتظر الرجال ..


سرني مرورك العذب

[عزتي مهابة]

طيب نفتتحها معاك : )

وش رايك هههههههه

<< تبي تعرف

:

[تأبط خيراً]

دامك تبين ردة فعلي بالنسبة لي احتمال اقول تراها طلاق والمهر والعرس هديه مني لك ولها وبروح العن والدين اللي عرفني عليها او جابها لي :)..

سرني مرورك الكريم

[جهز العطاوي]

صح لسان الشاعر

ويعطيك العافيه ع الاختيار الجميل

[عزتي مهابة]

ههههههههههه

عزالله إنك ماتنلام يا العنيد : )

:

[عبدالله الحضبي]

شكرا لهذا التميز

[يارا العامرية]

دامك تبين ردة فعلي بالنسبة لي احتمال اقول تراها طلاق والمهر والعرس هديه مني لك ولها وبروح العن والدين اللي عرفني عليها او جابها لي :)..

ههههههههههههههههههههههاآاي ..



صح لســــان الشاعر وسلمتـ يمانكـ ع الايراد ,,

[الجوهره]

اتوقع الطلاق
مشكوور ع النقل الحلوو

[the best]

اقول يكفينا شر قهر الرجال....ويكفينا شر انفسهم............
ويعطيك العافية مستشارنا..........

[{ دايمـ السيف ..!]

ههههههههههههههه

تدري اول شي يصير

اقرب شوزن ولا كلاش واديلوه ههههههههههههههههههه

بس ارميه على عدد الابيات ولا اقول على عدد الاحرف <<<<< واحد نذل ههههههههههههههه


شكرا ع الابيات العنيد

[اساور وأغصان]

بصراحه ...

ابي ردة فعل العريس ..

وش صار بكاتب القصيدة ...


... ولو اني انا رجال ... بطلقهااا ... وبأخذ المهر ... واقول روح خذهااا دامها معذبتك ..,, يالله


..^_^..







والله انت كريم يالعنيد .. بتعطيه المهر ... صدق افلقه واخذ المهر ..,,, عشان ثاني مره توافق تزووج وهي تحب واحد ثاني اي حياة ذي ....


وربي القصيدة روعهــ


تسلم ايدينك ..

[بعيدالهقاوي]

اما انا بالنسبه لي ليا سمعت القصيده وهي بزوجتي لا والله اقول روحي لبيت اهلك واطلقها
كيف اعاشر انسانه وفي واحد كاتب عنها كذا لابالله الا افتك منها واللي خلقها خلق غيرها

لاهنت اخوي العنيد على النقل المميز

تقبل تحياتي

[الدلوٍوٍعه]

ابياتها قوويه
وحرام ماينلام يحبها :(
<< وين جالسين

بس جد الله يعين المعرس

[تأبط خيراً]

حياكم الله جميعا

عاشق حياك وطلبنا ردة فعل مو شي كثير ومع ذلك انت حر في تحفظك

عزتي مهابتي


تدللــــــــها..تدلعــــــــها .....تنسّــــيهامصاحبتي

ما ظني اختي بعد هالبيت هذا تحتاج تفكير :)


عبدالله الحضبي حياك الباري

يارا حياك الله

غرور حياك والستر زين


الافضل حياك والله يعافيك واللهم امين ويكفينا شر كيدهن :)

دايم السيف حياك وصدقني ما تستاهل انك تذبحه علشانها وبعدين توك ما دخلت فيها يعني اللي خلقها خلق غيرها وخليها تروح بالثلاث حنا طالبينك :) وبعدين هي مستفيدة وراح تنشهر ويبي يجيها نصيبها والرجال مات وانت من غير شر بابو زعبل الا طالما انك ذابح ذابح الاثنين مع بعض وريح راسك :)

سرني مروركم العذب

[تأبط خيراً]

اساور حياك الله واللهي مدري ايش ردة فعل العريس ويمكن القصة من اساسه خيالية وتعرفين الشعراء مسوين فيها خيالهم واسع :)

الله يسلمك هذا مو دليل كرم هذا يستاهل تقوم تبوس راسه والا كان متوهق بالكائن الرومانسي :)

بعيد الهقاوي حياك وكلام منطقي اللي خلقها خلق غيرها ويادخل بين البصلة وكشرتها مايطولك الا ريحتها :) بجد ادري ان المثل مال امه دخل بالسالفة بس هي جت معاي كذا :)

الدلوعه حياك الله ويروحون يحبون بعض بعيد عني شو صارت الحريم تتزوج اربع رجال وحنا مادرينا :)

سرني مروركم العذب

[اساور وأغصان]

ايه معك حق يقولون اصدق الشعر أكذبه ان ما خاب ظني

..^_^..

[{ دايمـ السيف ..!]

صادقة يا اساور وحتى يقولون الشعراء يقولون مالا يفعلون


العنيد سرني موضوعك االجميل

[اساور وأغصان]

ايه ايه

دايمــ .. السيفــ ..

..^_^..

[ملاكــ]

ومن الحب ماقتل الله يعينهم الاثنين
يعطيك العافيه يالعنيد

[أميرة الشوق]

الله يكفينا شرر العلم الشين والسمعه الشينه ويسترنا

بس من جد يوم الواحد يقرا القصيده يفور دمه

فما ينلا م المعررس اذا اتخاذ اي قرار


لا هنت اخوي

[تأبط خيراً]

حياكم الله والشعراء يقولون مالا يفعلون وفي كل وادي يهيمون ويتبعهم الغاوون وسلامتكم :)

وسرني مروركم الكريم

[تأبط خيراً]

اللهم امين اختي اميرة وفعلا ما ينلام بس الحكمة بمثل الامور هذي تدل علي عقليات الرجال ..

سرني مرورك الكريم