المساعد الشخصي الرقمي

مشاهدة النسخة كاملة : ----> (طــهر الأيادي)<----


لبى قلبهــا
19-01-2009, 03:14 AM
الـــــــــسلام عليكم ورحمة الله وبركاته

/

\

/



http://www.alyaum.com/images/12/12201/439074_1.jpg


http://www.geocities.com/k_alkure3/khalaf.ra




/

\

/



هذا ماهو شيب .. لا تبكين .. ماهو شيـب يمـه=لا يهولك منظره في راسـي وتبكيـن .. عـادي !
لا يغـرّك لونـه الأيبـض .. ولا يفجعـك كمـه=صدقيني ماهو مـن الشيـب هـذا اللـون بـادي
تذكريـن .. اصابعـك لمـا تبعثـره وتلـمـه ؟=يوم كنت اوسده رجلك .. واروّض لـك عنـادي ؟
كل ما مشيتي اصبـع بيـن شعراتـي تشمـه ..=لين صارن بيض من كبر الغلا وطهـر الايـادي !
شرّعي لي حضنـك الممطـور بالمسـك ابخمـه=خمة ٍ تبرا بها روحي مـن جروحـي .. وانـادي
ما ابي مْن الناس : غير اذكـارك وريحتـك لمـه=ولا ابي مْن النور : غير سراجك العن به حـدادي
وما ابي مْن العز : غير اللي تحت رجليـك قمـه=ولا ابي مْن الأرض : غير جلالك اعلن به بـلادي
ودي ارجع ( طفلك المغمور ) واللي كان همـه ..=يصعد / اطول نخله .. ويشرب / من حثال العوادي
يغسل نعاسه ( باذان الفجر ، واصـوات الأئمـه )=ويونْس الشيبان لا رتّل لهم : ( قل يـا عبـادي )
ويسرق اول ( خبزه لصاجك ) ويخفيهـا بفمـه !=قبل ما يصحى حدا اخوانه .. ويحتـد التمـادي !
طفلك : اللي ذنبه انه مـا غسـل بالدمـع كمـه=لين صار الكم الابيض من بطا دموعـه رمـادي !
ما يخاف الا : بكاك ، ودعوتك : ( حمىً تحمّه ) ..=لا ركض جنب القليب وسمـع نبضاتـك تنـادي !
ولا كشخ ( بشماغ ابوه ) وشفتي الانظـار يمـه :=تغصبينه / يشرب ( القروه ) بخـوف ٍ لا إرادي !
ودي امسح دمعة ( استاذي الفلسطيني ) واضمـه=لا بكى في ( حصة التاريخ ) مـن ظلـم الاعـادي
واعتذر له عن سخافـة جيلـي وخـذلان الامـه=واتعلـم منـه كيـف اروي يقينـي باعتـقـادي
واسأله ليـه المجاهـد عندنـا مهـدور دمـه ؟؟=ومن ربط حدوتة الإرهـاب بالفكـر الجهـادي ؟؟
وليه نسمع بألف دعوة صلح مـع راهـب وعِمـه=والف خنجر يشهر بوجـه المطـوّع فـي بـلادي
ودي ارجع طفل : بعض عيوبه اجمل مـن شيمـه=يوم كان اصغر رفاقه عمـر .. واكبرهـم مبـادي
ودي افتـش بتاريخـي عـن احلامـي المهـمـه=قبل ما تهزم جيوش اليـأس صبـري واجتهـادي
ودي اوشي بحزنـي الحاضـر لماضيّـي وانمّـه=يمكن انقذ جمرة سنينـي مـن المـوت برمـادي
بس وشلون اقدر ارجع ؟ ليه ما قلتي لـي يمـه ؟=ليه ما قلتي لي ان الشيـب مشتـاق لسـوادي ؟!
ليه فهمتينـي ان الخـوف مـن بكـره مذمـه ؟؟=ليه خليتيني اكبـر واحمـل ذنـوب اعتـدادي ؟؟
وين اعيّن خير يمه ؟؟ والأمل من غيـر يَمـه !!=الحطب - يا ميّّه - قليّـل وبـرد الليـل سـادي
كل ما غرسـت غصنـي سافـي الحرمـان دمـه=واشعر اني وردة ٍ مزروعـة ٍ فـي بطـن وادي !
وانا والله ، ما رضيـت بهالعنـا مـن قـل همـه=ولا كبا غير الدروب اما انت وافـي يـا جـوادي
احمـد الله جاعـوا عيالـي وانـا شبعـان ذمـه=ما زرعت الا الوفا والناس تاكـل مـن حصـادي
مـا عرفـت الاي خـال لخالـه وعـم ٍ لعمـه !!=يوم ما ياسع همـوم القـوم غيـرك يـا شـدادي
وانتي يُمه .. لـو بكيتـي شيبـي وهوّلـك كمـه=قلت يُمه : ماهو من الشيـب هـذا اللـون بـادي
تخبرين ( الثلج ) لا منه تكدّس ( فوق قمـه ) ؟؟=هذا ثلج .. وراسي القمـه .. ولا تبكيـن عـادي

/

\

المبدع : خــلف الكريع

نــجــم
19-01-2009, 08:07 PM
صح لسان شاعرها

وتسلم يمين ناقلها

شيهانة نجد
21-01-2009, 12:28 AM
يالله
روووووووعه وربي :(
صح لساااااااااااانه مليون
ولاهنتي ع الاختيار الرااااائع
مودتي ,,

الجوهره
21-01-2009, 03:13 AM
صــح لــســان الــشــاعــر
يــعــطــيــك الــعــافــيــه ع الــنــقــل الــممــيــز

شموخ عزي
21-01-2009, 03:18 AM
صــح لــســان الــشــاعــر
يــعــطــيــك الــعــافــيــه ع الــنــقــل الــممــيــز

لبى قلبهــا
22-01-2009, 04:13 AM
نجم
يعطيك العأأأأأأأأفيه ع المروررر،،

تشكرأأأأأأأأأأأأأتووووو :)

كنت هُـنا--!
24-01-2009, 02:17 AM
اختيار رائع

مشكورهـ

تـــــوته
25-01-2009, 09:07 AM
يسلموووووووو لب لب
الف شكرلك عزيزتي ..

الدلوٍوٍعه
26-01-2009, 02:10 PM
روووووووووووعه
صح لسان شاعرها ولاهنتي يالغاليه
يعطيك العافيه

ملاكــ
11-02-2009, 04:58 AM
صــح لــســان الــشــاعــر
يــعــطــيــك الــعــافــيــه ع الــنــقــل