_.. بنت الحمايل على منبر البووح .._

[الديـــم]

.
.


http://www.3tt3.net/up/upfiles/fBp97154.jpg

:
:
:


بسم الله الرحمن الرحيم


أسعد الله صبااحكم وجميع أوقااتكم بكل خير وسروور وصفااء بإذنه تعالى


بعد الإنقطاااع عن منبرنا الذي هو همزة وصل عبر الأثير

بين الشعر والشعوور / بين الصمت والحديث / بين الهمس والتمتمه / بين البووح والقلم

بين الشااعر والمتلقي

نعوود مع شااعره خطت لها خطاً ميزها عن غيرها

شااعره ترسم الخطوط بتعابير صريحه / وهمسات يدوي صداها بعيداً

شااعره كتبت الشعر لأنها شعرت به !! أمتهنت بصدق لأنه فااض على سطح الورق

المتصفح لديوانها يقرأ الحزن بين سطووره وأن غاب قليلاً يعوود

معانااه / ألم / شجن مخفي / سطوور باهته / أورااق مترااميه

كلها بعثراات لشخصيه تنير العالم بضووء يجذب الإبهاار ويلفت الأنظااار

.
.


http://up.7cc.com/upfiles/Yfo26211.gif



لاشيء أبدأ به سوى أن أعطيكـ دفة القيااده وكلي ثقه بأن قياادتكـ سـ تكون ممتعه

وأن الإبحاار في ثناايا روحكـ سـ يكوون عميق و رااائع

.

فقط مفتاح هذه الصفحات على طبق من مخمل أحمر فيه ورقه بيضااء وقلم مداده من نوور

يقبع بين السمااء والأرض بـ خط هذا القلم سـ ينسكب النوور على صفحات البيااض ويزيدها بريق

نجمات أبعثرها في هذه الليله الباارده جداً علها تجد حولكـ ياقمر المنبر مكان لتلتحف فيه

أولى النجمات / * عرفينا بنفسكـ شاعرتنا !!

* متى قرضتي الشعر !!

* أول قصيده كتبتيها !!

* هل الحزن الطاغي على قصاائدكـ يسكن قلبكـ !! أم هو حزن مغلف ووقتي !!

* آخر بيت كتبتي قبل آعتلائكـ هذا المنبر / حتى لو كان منذ سنه !!



هذه مدوونتكـ بين يديكـ أكتبي وأرسمي مابدا لكـ !!





( لكـِ مطلق الحريه في الإمتناع عن الإجابه على أي سؤال تريدين )



بإنتظاركـ ياشاااعرتنا ولي عوده أكيده بإذن الله


_.. سبحانكـ اللهم وبحمدكـ .. أشهد أن لا إله إلا أنت .. أستغفركـ وأتوب إليكـ .._




تحياتي وتقديري ومتابعتي



الديــم بنت المطر


.._

[الثريـــا]

ديمه ... وحديث يخجلني جدا
وبدايه تشع ضياء من ضياء قلبك الأبيض عزيزتي
:
يشرفني ان اكون هنااا
وان اعتلّي هذا المنبر
وان اترّنم بما لديّ من كلماات وابيات ...
كلي سعاده بوجودي هنا
واشكرك غاليتي ديموااا على هذه الدعوه الكريمه
ولي عوده بالكثيررررر ...

[الثريـــا]

أولى النجمات / * عرفينا بنفسكـ شاعرتنا !!
انا انسانه بسيطه جدا جدا من مواليد نجد العذيه التي يجري هواهاا مجرى الدم
بأوردتي وشراييني
من عائله كريمه مشهود لهاا بالطيب والكرم والجود وحبها للشعر
فجدي شاعر كبير على مستوى القبيله وكذلك جداتي لأمي ولأبي رغم اني لا احفظ الكثير لهم
ولكن اذكر ابيات مشهوره لجدي من قصيده طويله يقول فيهاا
والنار تجذبلك رجالن مشاكـــــــــيل
وتجذبلك الطيب بعيد الاهالـــــــي
ماولله احلى شبها تالي الـــــــــــــيل
ونجرن ليامنك صقعته يلالـــــــي
:
:
* متى قرضتي الشعر !!
اقترضت الشعر منذ ان كان عمري 17 سنه ويبدو ان الشعر
احيانا يكون موهبه مكبوته بدواخلنا بحاجه الى من يطلق سراحها
من بين أضلعنا وانا مررت بتجربه جعلتني اطلق العنان لماا بداخلي
من مشاعر على شكل ابيات مقفاه بالبدايه لم يكن شعري جيدا لأني لم اكن اقرأ للشعار
ولم اكن اعرف حتى كيفية وزن القصيده ثم جاءت فتره ابتعدت فيها عن الشعر كليا
نتيجة لتفرغي التام للدراسه والتي اخذت من وقتي الكثير كنت اتمنى لو كان تخصصي أدبي
لأني كنت احب الشعر الفصيح جدااا واذكر وانا بالمتوسط كانت استاذة اللغه العربيه
محط اعجابي حيث انهاا كانت تحفظ جميع الأشعار القديمه وكانت دائما ماتردد
الشعر العباسي للمتنبي و ابو العلاء المعري
كذلك الشعر الأموي لجرير والفرزدق وغيرهم على مسامعنااا ....
كم كانت تطربني وكم كنت اتمنى ان اصبح مثلهاا ولكن ميولي العلميه جعلتني ابتعد
عن الشعر كلية رغم ان لي قصائد كتبتها آنذاك ولكنها تعد على الأصابع ...
والشعر احبه واحب قراءته ولكني لا اجفظ كثيرا باستثناء
بعض القصائد الخاصه بي والتي قد اكون متأثره بها :)
وقد عدت اليه منذ سنوات وبعد تخرجي تقريبا لكن هذا لايعني اني متفرغه
لكتابته ابد
:
:
* أول قصيده كتبتيها !!
اول قصيده كتبتهااا كانت هي انطلاقتي في سماء الشعر لا استطيع ان اكتبهاا هناا رغم اني
قد سبق لي كتابتهااا ولكن اعذريني لا استطيع
:
:
* هل الحزن الطاغي على قصاائدكـ يسكن قلبكـ !! أم هو حزن مغلف ووقتي !!
ليس منا من ذاق طعم الحزن او تجرع مرارته فلا حياة دون ان يكون بها فرح وحزن ايضاا
انا الحزن شاطرني حياتي منذ الصغر الى هذا الوقت والحمدلله على كل حال فما يزيدني
الجرح الا قوه ولا يزيدني الحزن الا ايماناا وصبرا وانا لا اتقوقع به وانسى الجوانب الجميله
في حياتي ولله الحمد فأنا انظر للحياه بنظرة تفاؤل رغم ان الحزن والتشاؤم يغلبني تارة
ولكنني في تارة اخرى اراني اغلبه ..
:
:
* آخر بيت كتبتي قبل آعتلائكـ هذا المنبر / حتى لو كان منذ سنه !!
ابيات كتبتها قبل وقوفي على هذا المنبر هي ابيات كتبتها تعبيرا
عن مشاعري حيال مايحدث بغزه
عطني يابوي سلاحك اللي تشيله
يكفي سكوت الذّل والراس ينهان
أذكر زمان ٍ فيه تفزع قبيله
لو ينتخيهم شخص فزوّا له اعوان
وشلون هذا الوقت باتوا ذليله
قدامهم صهيون يذبح بالاخوان
كم نفس راحت دون حل ٍ و حيله
ببلاد غزه والعرب شاهد اعيان
:
:
هذه مدوونتكـ بين يديكـ أكتبي وأرسمي مابدا لكـ !!
بما انهاا مدونتي فأنا سأرسم لكم حبي لنجد بهذه الشيله للشاعر الكبير
رشيد الزلامي وبصوت الرااائع مهنااا الدلبحي
:

http://almobile.maktoob.com/org/uploads/d33db819e6.ram


http://forum.te3p.com/uploaded4/243862_11212608589.jpg

[الثريـــا]

قصيده احبهااا جداا واراهاا قريبه من قلبي
كتبتهاا في لحظة معاناة حقيقيه
اراهااا الأفضل رغم انهاا لا تخلوو من النقد :)
:
:
http://www.modawanati.com/uploads/a/amer1/7831.jpg
.


يالله يارافعـن سبـع السمـوات =ومطمنن تحتهـا سبعـن تخاويهـا
ارحم وحيدن طوال الليـل ماباتـي=اشقـاه همّـه ودمعاتـه يداريـهـا
اول حياتي كثيـره حيـل كبواتـي=طيش البنات وصغر عقلي يعديهـا
ماكنت اعيد النظر واحسب حساباتي=ولاكنت اجاهد ظروف الوقت وانهيها
حتى كبرت وكبر عقلـي وغاياتـي=وفتّحت عينن ظلام الضيم معميهـا
لملمت جرحي بنفسي مـع نهاياتـي=وصكيت بابي بوجه قلـوب مابيهـا
سويت حفله لجـل اعـزم بداياتـي=واقهر سنينٍ مضت ماكنت ادانيهـا
جيت آتهادى يعانق صمتي شفاتـي=خطوه اعجّل وخطوه كنـت اهدّيهـا
فوق المنصه نثرت الحلـم بأبياتـي=وتليّت قافي وقمت اطرب واغنيهـا
راقصت روحي بفرحه دون مااحاتي=احساس خلا رموش العين تحويهـا
ياوجد حالي على همـي وسهراتـي=من زود مابي هذت روحي بخافيهـا
يالله انـا طالبـك تنهـي معاناتـي=وترّيح الروح مـن شـيٍ معنيهـا

[الديـــم]

.
.

للأريحيه والبيااض إهدااء من المنبر لشااعرته

/
/

http://www.3tt3.net/up/upfiles/00411141.jpg

/
/


يطيب السمر في نسمات البرد والصقيع لى دفء هذه التمتمات المغريه

أطربينا حديثاً وشجناً ولحناً لايمل ياشااعرتنا البااذخه



مودتي / ولي عوده بإذن الله


.._

[الثريـــا]

ديموووا
جبتيهاا ع الجرح :(
اهدااااء مقبول من شخصك الرااقي
وبطاقه اسعدتني رغم مابهاا من شجن
هذه القصيده بالذات لها موقف خاص بي
:
:
بعيدااا عن الحزن
وبعيداا عن محطات الجروح
هناك فضفضة مجنونه
اجعلهاا خاصة للبوح فقط
من اجلكم جميعااا سأفضفض كثيرااا
ولكن في دائرة الشعر وحياتي معه :)
/
/
http://9ofy.com/pic/albums/userpics/10001/Bride_of_Dracula.jpg
:

ودي افضفض الين الصبح يتنفس = وارجع افضفض الين الليل يغشاني
فيني كلام ٍ كثير ٍ حيل متوجّس = وده يعاند سكوت الروح بألحاني

[الثريـــا]

في طفولتي كنت اعشق الأناشيد
ودائماا احب الذهاب الى ديرة خوالي لأن بنت خالي في كل مره
تجعلني احفظ معها انشوده جديده لأعود الى بنات عمي وكلي سعاده
بترديدهاا معهن...
في مراهقتي ,,,
كنت اكتب الخواطر واستمتع بكتابة تلك الكلمات الرقيقه على وريقاتي الملونه
جميع زميلاتي تعجبهم خواطري ويثنون عليّ..
استاذة اللغه العربيه تحب ان تجعلني دائما اقرأ درس القراءه
وكنت اعشق مادة النصوص :)
حفظت الكثير من الأبيات المطلوبه والغير مطلوبه من شغفي بها
ولكن للاسف نسيتهاا تمامااا ..
بعد ان كبرت ... وبعد ان انفجرّ الصمام واصبحت بقدرة قادر اكتب الشعر :)
اصبحت اكثر حباا للشعر خصوصا دون سواه
لم اتجه الى التثقيف في مجال الوزن او معرفة بحور الشعر
لكني بدأت اقرأ كل ماتقع يدي عليه من مجلات شعريه او دواوين لأحدهم
اتذكر انني قرأت كتابا عن سيرة الشاعر الراحل محمد الأحمد السديري
وكذلك ديوان نجوم الشعراء وديوان دايم السيف
قرأت للشاعر منادي ... سعد ال سعود واحببت شعره
واستسمحته في وقت من الأوقات بالكتابه تحت مسمى .. مهرة الخيل
لأنها كانت ضمن قصيده له وأذن لي
كنت اعشق شعر الراحل الأمير طلال الرشيد واذكر انه كانت تربطني ببنت خاله صداقه
الله يذكرها بالخير
احتفظ الأن بدفترين فيهما بعضا من خواطري واشعاري القديمه
ربماا سأكتب لكم بعضا مما فيه ولكن دون تعليق :)
/
الحديث طويل وانا لي عوده بالتأكيد
:
:

[الثريـــا]

من القصائد القريبه من قلبي ولها ذكريات وان كانت محزنه نوعا ماا
/
ابيات كتبتهااا في والدي
تاج راسي
وسيدّ قلبي وروحي
:
ابيات كتبتهاا في قمة ألمي بعد ان جاءني خبر مرضه فجأة
عسى الله يخليه لي ولايحرمني منه
ويحفظ والديني ووالديكم جميعااا ..


جعل التعب يابوي فيني ولافيـك= فدوتك روحي والعمر فدوة رضاك
ودي أشيلك في عيوني وأداريك= واهديك فوق الحب قلبي بيمنـاك
ياشيخ عمري جعل ربي يخليـك= عز ٍ لعيني وعز من جاك ينخاك
يالشامخ اللي كال ماحلّ طاريـك= وسط العرب رددوا طيب ذكـراك
ياطير ياللي شايمٍ فوق أراضيـك = حرٍ جناحك يرهب اللـي تلّقـاك
ياتاج راسي بالمعانـي بجاريـك = ياكود حرفي يلحقه خير بحمـاك
واعذر مشاعر بنتك اللي تناديك = ياروحها وش هي حياتي بليـاك
وجعل التعب يابوي فيني ولافيك =يحرسك ربي دايم الدوم يحمـاك

[الثريـــا]

http://img256.imageshack.us/img256/9601/ty45y4ih6.jpg
:
:

انثى يخالط شخصها عقل وجنون = مرات تحكي وأغلب الوقت في صمت

[الثريـــا]

http://i180.photobucket.com/albums/x199/muyud2005/blackrose.jpg
.
.

هنا جرح.......وهنا جرح
وهنا جرح....

أنا كلي جروح
أنا كلي ينوح

وماعاد باقي بقلبي مكانٍ ماتألم
ولا وقتٍ بعمري ما تعلّم

كل الشقا.......كل السقم وآلام
فوق راس الطموح

تنزف جروح....
انا كلي جروح.......

وماعاد باقي عندي حلمٍ ماانخذل...
واحساس في جوفي يبي من يوصله
لكن ما أنوصل...
ولاقدر حتى من اعماقي يروح

انا كلي جروح.....

وماعاد باقي دقايق للهنا والسعاده
والهم عندي صاير في زياده

والعمر ينقص دون استفاده....

وأيامي المقبله كل شي فيها يبوح
عن سر همي والجروح...

انا كليّ جروح..

[الثريـــا]

الشاعر نايف صقر
شاعر جميل جداا
احب ان اقرأ له كثيراا
واحب ان اجعلكم تشاركوني هذا الجمال لهذا الشاعر
ليس لأنه يقرب لي من بعيد :)
لكن لأنه يستحق الاشاده بالفعل
فلقد كثر المستشعرون في هذا الوقت ولكن يبقى الشاعر الأصيل
صاحب الكلمة المتميزه والغير متكرره هو الأبقى في ساحة تعجّ
بأشباه الشعراء ..
:
:
المــــــــــــــوت حظ القلم والمجد للدفتر
.................... حبر القــــــــــلم غلطتي وايامي اوراقي
الخــــــوف يجتاحني وجه الطريق اسمر
.................... راح اكثر العمـــــــــر ياخوفي من الباقي
ياجـــــــــــــــــرح رافقتني للناس لاتظهر
.................... وان عشت في نظرتي ما مت بأعماقي
ياصـــــوت لا تلتحف صمتـــي ولا تصـــبر
.................... قل ماتبي واترك الهقوه عــــلى الهاقي
والخطــــــوه اللي عن اخر سكتي تقصر
.................... ماهيب من طبع رجليني ولا ســــــاقي
مانيب مـــــــن عـــاش لايربح ولا يخسر
................. ولا هو ضروري تكون افـــعالي اخـــلاقي
ثــــــراي ماينشد الغيمه متى تمطــــــر
.................... مادامهــــــا في سمــاي تحنّ لأغراقي
رح وين ماتشتهي رح قـــــــــــد ماتقدر
.................... انا اول الناس في قلبك وانا البـــــــاقي
يكفيني انك تعذبني وانا اتفجـــــــــــــر
................... قصايد ينتظرها كل عشــــــــــــــــــــاقي
وانا قصيدي يجي مختارني مهجـــــــــر
.................... وانبت عشانه نخــل وسنيني الساقـي
:
:

[الثريـــا]

http://up1.m5zn.com/photo/2009/1/5/08/qiyggfzp6.jpg/jpg
:
:

أما اعيش وهامتي للسما فوق = والا اموت بعزتي دون ماانساق

[الديـــم]

.
.

http://www.3tt3.net/up/upfiles/AsM99418.gif



بعد هذا المشووار الذي لابأس به رغم تعطشنا للإرتوااء من جمال مقالكـ ولطيف حديثكـ

إلا أننا سـ نتووقف عند بعض الأسئله


* ماهي القصيدة الاقرب الى قلبكـ ولماذا ؟

* قصيدة كُتبت لشاعر وتمنيتي أن تكون لكـ ؟

* أقرب الشعرااء الى نفسكـ !

* من المعرووف للباحث في قصاائد بنت الحمايل أنها شااعره تقليديه !! ولاتعترف بالحداثه في قصاائدها !! هل هذا الشيء متعمداً !! أم أنه غير مقصوود والقصيده تخرج هكذا !!

* بمن تآثرتي في بدايتكـ يااشاعرتنا ؟

* قصيدة كتبتيها وندمت على نشرها ؟



أكتفي بهذا الآن ولي عووده أكيده بإذن البااري


.._

[الثريـــا]

الله رفعني والمعالي مكاني = دوني عتيبه وأحتمي في ذراها
حلفت ماارخي هامتي للهواني = طبع ٍ خذيته من معالم غلاها

[الثريـــا]

((بعد هذا المشووار الذي لابأس به رغم تعطشنا للإرتوااء من جمال مقالكـ ولطيف حديثكـ ))
:
:
عزيزتي ديمه
احب ان اكتب بشيء اجده يتناسب وجمال هذا المنبر
لا استطيع ان اقدم لكم قصائدي القديمه والركيكه هناا :)
وبنفس الوقت لا استطيع ان اعيد لكم ماقرئتموه جميعاا بديواني
لأنني لم اكتب شيء جديد اكثر مما هو موجود بالديوان الأن
ولو جينا ع السوالف راح تتعبون وانتوا تقرون سوالفي
لأني صاحبة هذره :)
عمومااا لي عوده اكيد ... بالجديد ان شاءالله

[الثريـــا]

* ماهي القصيدة الاقرب الى قلبكـ ولماذا ؟
قصائدي كلها قريبه لي بالتأكيد لكن
القصيده الأقرب تحديدا هي قصيدة - ولد الحموله -
يمكن لأني كتبتهاا بصدق
ويمكن لأني اتذكر وين كتبتهاا تحديداا
ربما لهاا ذكريات وربماا يربطني بها علاقة اعجاب
احب هالقصيده عن جد :)



الله خلقني بنت نـاس وحمولـه= قـدري تعّـلا بالثريـا مكـانـه
ماهمني هرجـة قفـا او مقولـه= او عاذلٍ يحبك أصـول الخيانـه
ولاهمني قرع الحكي أو طبولـه= مادام نبض القلب صدق وأمانـه
يا للي تجاهر بالخطـا وبسهولـه=ماخفت من ذنبٍٍ يخالـط إهانـه
ذلٍ تجيبه كـل لحظـه عجولـه=لا ابوه لا ابو كل نفس ٍ جبانـه
يابنت ياللي ينقال عنك خجولـه= بينك وبين الكل صـارت ميانـه
هذا حبيبك أوصديـق الطفولـه= وهذاك ولد الجار كنتـي وزانـه
ليتك بقيتي لغز صعـبٍ حلولـه=او ليت ليتك شي دونه حصانـه
وياهيه ياللي تفتخـر بالرجولـه=وينك ووين المرجلـه والرزانـه
الطيّب اللـي كـل دربٍ يجولـه =يترك وراه الطيب في كل خانـه
وطبع الرديّ يبقى ولا شيٍ يزوله=بالعقل عاهه وان تثقّف لسانـه
واللي قريبٍ كـل ايـد ٍ تطولـه=يرخص بعين الكل ويقّـل شانـه
وانا ترى مانيب بنـتٍ زعولـه= ازعل على اللي ماينومس زمانه
ازعل على اللي في حياته بطوله=راعي علومٍ افتخر فيها عشانـه
شيخٍ كريمٍ ولد نـاس وحمولـه=مثلي تعـلاّ بالثريـا مكاااااانـه

[الثريـــا]

* قصيدة كُتبت لشاعر وتمنيتي أن تكون لكـ ؟
لست انا ممن يُكتب له الشعر
ولكن لو كانت قصيده كتبها شاعر وتمنيت ان تكون لي
لتمنيت لو كنت صاحبة قصيدة محمد بن فطيس - ياقو قلبك -
لا اعلم مالسبب ولكن هي قصيده جميله جداا
واعجبتني بشكل كبير
والتي يقول فيهاا


ياقو قلبك على الصّـده ويـا صُــــــبـرك
وياوسع صدري على صدك ويا صُبري



وياطول عمـرك بذاكـــــــرتـي وياكُبـرك
وياشيب عيني بشيّب عــــاد ذا كــــُبـري



والله لون حمل صبري فوقـك..ان تبرك
والله ولو تعتذر منـت بعلـى خــــــــبـري



ان ما جبرك الغلا ما اقدر على جـــبـرك
ياللي على ارض الوفـا ما شبرك بشبري



تـــزعل وترجع وتـلقانـي عــــلـى خبـرك
وانا انكسر لك واجـــــيـك ادوّر لــجبـري



طـــيفك وذكــــراك طـيلـة غيبتـــك سبـرك
وشـــــوقي لشوفتك طيلة غيبتـك سبـري



امـــــحق وليف ومحبه والا اقــول ابـرك
حسبي عليك اعشقك وانت اتحفر قــبري

[الثريـــا]

* أقرب الشعرااء الى نفسكـ !

وكأنك تعيدي نفس ماكتبته :)
اقرب الشعراء الى نفسي هم كالتالي
سعد آل سعود -منادي-
خالد الفيصل
طلال الرشيد
عبدالرحمن بن مساعد
نايف صقر
وكثيررررون بالتأكيد
لأني وبصراحه تستهويني الكلمه الجميله
والتعبير الممزوج بالصدق
فالشاعر هو من يجعلك تشعر بماا تقرأ وليس تقرأ لتحاول ان تشعر ...
:
:
وبهذه المناسبه هذه قصيدة مهرة الخيل للشاعر سعد آل سعود
وانا اشكر سموه من خلال هذا المنبر على اعطائي لقب مهرة الخيل
في يوم من الأيام
...
http://www.mnadi.com/Sound/p13.mp3

[الثريـــا]

* من المعرووف للباحث في قصاائد بنت الحمايل أنها شااعره تقليديه !! ولاتعترف بالحداثه في قصاائدها !! هل هذا الشيء متعمداً !! أم أنه غير مقصوود والقصيده تخرج هكذا !!
:
حكاية اني تقليديه فهذا شيء ربما أناس معينين هم من يرى ذلك
ولا اعلم اي تقليدي تعنين ولكني بالنهاية افتخر بالتقليديه هذه :)
انا اعترف بالكلام الراائع المنمق الحداثي ولكني لا اعترف بمن يكتبه كشاعر
فالشعر اجده احساس جميل ورائع يُقدم في قالبٍ اجمل سوء كان فصحى أو نبطي
اما الحداثي فهو لا يساوي قيمة الحبر الذي كتب به .. -وجهة نظر شخصيه -
فالفصحى هي رمزنا وهويتنا العربيه وتاريخنا ورابطنا الديني
والشعبي ذاكرتنا القديمة الممزوجة بروح البداوة ولون الصحاري وهو حياتنا اليومية
التي نتحدثها يومياا ... وان كان قد فلت من عقاله مؤخراً.
:
يا زمَان العجَايب وِشْ بَقى ما ظَهرْ
ـــــــــــــــــ كِل ماقلت هَانت جَدّ عِلمٍ جديدْ
:
وانا لا اتعمد ان ابتعد عن كل ماهو حديث ولكنها هكذا تأتي مشاعري
تترجم على الورق بشكل مريح وتقليدي ..
:

[الثريـــا]

من قديمي ...
،
،
http://up1.m5zn.com/photo/2009/1/5/10/nvj1cx097.jpg/jpg

[الثريـــا]

* بمن تآثرتي في بدايتكـ يااشاعرتنا ؟
لو تتبعتي كلامي بالبدايه ديمووا راح تعرفي بمين تأثرت
انا من بيئه معروفه بالشعر
جداتي الشاعره مهره والشاعره حربيه -نسبة لخوالهاا من حرب-
كن من نساء القبيله المشهورات بأبياتهن القويه والحماسيه وكذلك الغزليه
وهذه ابيات لجدتي وجدتها منسوبه لأحدى شاعرات عتيبه رغم ان قائلها
هي جدتي ولاتزال محفوظه بالذاكره :)
قلبي كما شيهانة بيضها فقش=المح راح ولابقى إلا قفوشه
وصاحبي صيده دقاق المها العكش=وله عادة في كل ليل يحوشه
والله يالولا الدرب من دونهم عفش=ودرب الخلا ماينوطى في عفوشه
لا فز فزة واحد موحي وقش=يخاف من مخلاب شىء ينوشه
:
:

[الثريـــا]

استراحه ...
/
http://up1.m5zn.com/photo/2009/1/6/01/v6534muwp.jpg/jpg
:

ودي ابعد قد مااقدر واستريح = اترك العالم ورا ظهري واروح
ارمي همومي مع الوقت الجريح =واطلق عنان صرخاتي وابوح
ضاق صدري من حياةٍ تستبيح = جورها طاغي على حظ ٍ ينوح
:
ابيات بخط يدي
من خباياي القديمه جدااا ...

[الثريـــا]

* قصيدة كتبتيها وندمت على نشرها ؟

كل قصائدي ولله الحمد لم اندم على نشرها
ولكن قصيدة - بنت الثريا - تمنيت لو كنت اخرّت نشرهاا
لأنني كنت ارغب لو اضفت اليه مااردت ايصاله الى من يهمها الأمر
وهذه هي القصيده كاملة
..

بسم الله العالم في كـل حالـه=عالـم بكـل الخافيـات العليلـه
ابدا بقافٍ يوصف اللي شكى لـه=يحكي تفاصيلي بقصـه طويلـه
بيني وبين الهم صـدق وزمالـه=والحزن زايدني حمـول ٍ ثقيلـه
من صغرسني صابراً لامحاله=اعطي حياتي والليالـي بخيلـه
امشي بدربي طامـع ٍ بالسهالـه=رغم الحظوظ العابسه والقليلـه
شربت ضيم الوقت حتى الثمالـه=وعاشرت ناسي بالطبوع الفضيله
ازرع بعمري كل طيب وجمالـه=ما همني كلمـة مديـح ٍجميلـه
ولو عيّبوني ناس حقد و نذالـه=ما زحزحوني من مكاني ذليلـه
غصب ٍ على اللي للفكر صار عاله=ببقى احارب كـل زلّـه وميلـه
ارفع فعولي عن علـوم البدالـه=مادام باسي عن ديـار و قبيلـه
اشمخ بحالي لا ميـول وميالـه=فريد طبعي مـا تلاقـي مثيلـه
بنت الثريا ما تهاب المقاله=من دونها حرف ٍ سيوفه صقيله
بنت الثريـا كالبـدر باكتمالـه=ياللي وصوفك ناقصه يالعميلـه
بنت الثريا فكرها دوم بالـه=صوب الذي ضايع و ضيّع دليله
ياللي حكيتي في غيابـي نكالـه=هذا قصيدي ليت يشفـي غليلـه
يالله ياعالم (ا)بكـل حالـه= تبعد وجيـه ٍ بالمضـرّه مخيلـه

[الثريـــا]

هذا صورة الدفتر حقي
اللي كنت اجمع فيه اشعاري
له اكثر من 10 سنوات :)
من جد رايح فيهاا
ولاتفوتكم بس الورود <<< وش هالذوق ياشيخه :)
:
http://up1.m5zn.com/photo/2009/1/6/01/jxl7lyfb6.jpg/jpg

[الثريـــا]

يا ليتنا قـد المواقـف والأفعـال=وقد العهود اللي وثيـق ٍ عهدهـا
نعطي وعـودٍ مابهـا ايّـة آمـال=وتفتر عزوم النفس محـدٍ سندهـا
احدٍ حياته كلها ضحـك وهبـال=وأحد ٍ حزونه مزمنـه فـي أمدهـا
دنيا غريبه مالهـا عمـق ٍ وجـال=لكن كثير اللي غرق مـا وجدهـا
كم نفس راحت ذكرها حي لازال=بالطيـب زايـد بالمحبـه عددهـا
وكم نفس راحت ماجنت شي ينقال=لا حد ٍ ذكرها ولا احـد ٍ فقدهـا
وانا حياتي كلها خـوف وأهـوال=شفت بعيوني شي طـولّ رمدهـا
شفت القلوب تغش من دون مكيال=تسرق وتحجد ولا احـد ٍنشدهـا
وناس ٍ تجيك بشكلها كل الاشكال=مـا همّهـا لوغيرهـا ينتقـدهـا
سبحان منهو ربّط العقـل بحبـال=وجاب العلوم الغايبه من بلدهـا !!
ياصاحبي لك فرصة ٍ عشرة ليـال=قبل اقلب الدنيا وأنا أرحل بعدهـا
اما تجينـي طيّـب العلـم رجـاّل=والا فمان ربي عّد مـزن ٍ رعدهـا

[الثريـــا]

http://www.xx5xx.net/up-pic/uploads/88ea2e2849.jpg
/
تلاشت كل الاحلام المقرؤة والمكتوبة
بعد ان كانت كقصيدة حب رشيقه تنساب بين أوردة القلب
والشرايين بكل انسيابية ورشاقه ..
مضت أياما عديده دون ان يكون لهذا الصمت من تبرير ..من تفسير .. من تدبير !!
حينها قررت ان اكون اكثر حزما عن ذي قبل وأن اشد رحال عمري
الى منعطف آخر غير الذي قد سلكته
نعم هكذا الحياه ... تلقنك درساً تلو الأخر
ولكن من يعتبر بالنهايه !!
..

:

علمتني هالحياة كثير لكني = مافهمت العلم لين الوقت عدّا
كثر ما بالقلب همٍ يطاولني = انجرحت وكل مافيني تردّا

[الثريـــا]

انا انسانه ادخّرت قصيدي لنفسي على مستوى العائله ...
اخجل بل اتردد ان اعرض أي من قصيدي على أهلي ولكنهم يعلمون اني اكتب الشعر ,,
كنت بالسابق اقرؤه على بنات عمي ولكني الآن لا اعرضه على احد ولا اعلم لماذا ...
ربماا لأني اجده عالمي الخاص الذي اجده يفهمني ويترجم مابي من مشاعر مختلطه ...
شعري ... انتقيت احسنه في ديوان لازالت اعكف عليه وقد سبق وان عرضته على دار نشر
ووعدوني بطباعته كونهم الرابحون حتما لأن الاقبال على الشعر النبطي اصبح اكثر عن ذي قبل
ولكنهم طلبوا مني ان اكمل النصاب المطلوب من القصائد حتى يخرج الديوان كما ارغب,,
انشغلت بالأونه الأخيره عن هذا الموضوع لأنشغالي بما هو في حياتي ولكن لازال هاجس
الديوان هو الهاجس الأكبر في حياتي كونه طموح ورغبه واراه انجازا ويجب ان احققه
وسأحققه قريبا ان شاءالله ولكن سأحتاج الى شحذ همتي من جديد
وكتابة المزيد من القصائد..
..
..
اتذكر ابيات للشاعر بديوي الوقداني من قصيده طويله مملؤه بالحكم يقول فيها :

جربت الايام ومثلـي مـن يجربهـا
تجريب عاقل وذاق المـر والحالـي
نضحك مع الناس والدنيـا نلاعبهـا
نمشي مع الفي طوع حيـث مامالـي
كم مـن علـوم وكـم اداب نكسبهـا
والشعـر مـازون مثقـال بمثقالـي
اعرف حروف الهجا بالرمز واكتبها
عاقل ومجنون حاوي كل الاشكالـي
لكن حظـي ردي والـروح متعبهـا
مافادني حسن تأديبـي مـع أمثالـي
ان جيت ابي حاجة عـزت مطالبهـا

:
يااااه مااروعه من شعر ومااروعها من حكم
وانا اعشق الشعر المليئ بالحكمه والنصح
واجد نفسي لاشعوريا اكتب بيت او بيتين في أي من قصائدي اما للنصيحه او للحكمه
حتى وان كانت القصيده غزليه :)

[الثريـــا]

http://www.xx5xx.net/up-pic/uploads/dc0c84d394.bmp
:
:

المانع الي مانعن قلبي والأفكار = من قرب منهو عاجبن ذوقي
شخص ٍ حكمني بالقوافي والأشعار= سيطر على كل المشاعر وشوقي
حيثه بعيد ٍ لا ولد عمٍ او جار = لاهوب من برقا ولا هو بروقي
عيّا الزمن لانجتمع معه في دار = راح وترك حزني يواسيه موقي

[الديـــم]

.
.

جميل جداً :)

عزيزتي بنت الحمايل

الأسئله معده مسبقاً !!

وكوني لا أتتبع ماكتبتيه فأنتي مشااء الله لم تدعي لي مجالاً للسؤال :)

غاليتي لفت إنتبااهي مقالكـ هذا


.
.



* من المعرووف للباحث في قصاائد بنت الحمايل أنها شااعره تقليديه !! ولاتعترف بالحداثه في قصاائدها !! هل هذا الشيء متعمداً !! أم أنه غير مقصوود والقصيده تخرج هكذا !!
:
حكاية اني تقليديه فهذا شيء ربما أناس معينين هم من يرى ذلك
ولا اعلم اي تقليدي تعنين ولكني بالنهاية افتخر بالتقليديه هذه :)
انا اعترف بالكلام الراائع المنمق الحداثي ولكني لا اعترف بمن يكتبه كشاعر
فالشعر اجده احساس جميل ورائع يُقدم في قالبٍ اجمل سوء كان فصحى أو نبطي
اما الحداثي فهو لا يساوي قيمة الحبر الذي كتب به .. -وجهة نظر شخصيه -
فالفصحى هي رمزنا وهويتنا العربيه وتاريخنا ورابطنا الديني
والشعبي ذاكرتنا القديمة الممزوجة بروح البداوة ولون الصحاري وهو حياتنا اليومية
التي نتحدثها يومياا ... وان كان قد فلت من عقاله مؤخراً.
:
يا زمَان العجَايب وِشْ بَقى ما ظَهرْ
ـــــــــــــــــ كِل ماقلت هَانت جَدّ عِلمٍ جديدْ
:
وانا لا اتعمد ان ابتعد عن كل ماهو حديث ولكنها هكذا تأتي مشاعري
تترجم على الورق بشكل مريح وتقليدي ..
:



عزيزتي

أنا أعني التقليديه في قصاائدكـ !!

التقليديه في القصيد هي البدايات التقليديه وعدم تضمين النص الفلسفات الحديثه !!!

هذا مااقصده !! ولا يعااب على الشعر كوني تقليدي !!!

عزيزتي أنا هنــا لأبراز الشااعر وتلميعه فقط ولست لأبخسه حقه أو أهضمه ماله !!

وكوني وصفتكـ بالشاعره التقليديه لايعاب عليكـ أبداً .. كثير من الشعرااء المعروفين تقليديين !!

.
.

ومن ناحية أن الحداثه تستخسرين فيها الحبر لها جمهورها ولها كتابها ولها مناصريها :)

وكما أسلفتي وجهة نظركـ الخاصه جداً !!

.
.


وفي الأخير قلتي أن قصيدتكـ تترجم على الورق بشكل مريح وتقليدي !!

وهنا مااريد أن يصلكـ وقد وصلكـ :)


:


أكملي غاليتي فقد أبحرتي بنا بحووراً كثيره وقياادتكـ جميله لهذا المنبر المكتض بالجمال




.._

[الديـــم]

.
.


http://www.3tt3.net/up/upfiles/X6M99616.jpg


للوفااء عنوان آخر عند هذا الصرح الجميل لشعراائه كان هذا المنبر ايكون كـ مدوونه لهم


بنت الحمايل

* أين أنتي والأدب !! هل يستهويكـ الأدب العربي أم الأنجليزي !!

* آخر كتاب قرأتيه !!

* إذا دخلتي المكتبه / أي الأقساام تذذهبين !!

* إذا فرضاً أنه صدر آمر بـ منح الأدبااء في الوطن العربي درعاً تكريمياً / وسـ يجعلوون لهم قائمه إنتخابيه !!

من تنتخبين ومن ترشحين !!




كوني بخير


.._

[الثريـــا]

ديمه
اشكرك عزيزتي لأنك تفضلتي واوضحتي لي اللبس في فهمي لموضوع التقليديه
والحمدلله ان فكرتك جاءت كفكرتي ايضا عن التقليديه
اذن لا مشكله ابدا في التقليديه :)
ولكني اعتب على كلمتك ( أنا هنــا لأبراز الشااعر وتلميعه فقط )
انا لا اقبل كلمة - تلميع - فالشاعر الحقيقي لا يحتاج الى من يُمسح بممسحة المدح
والثناء من اجل تلميع صورته امام الغير مادام انه قادر على اثبات نفسه وجدارته
وتوصيل مالديه من شعر و مشاعر واحاسيس بطريقة تصل الى المتلّقي دون تلميع مسبق ..

:
:
:
وبطاقتك الجميله تجعلني استمر في اخذكم معي في عالم ٍ اخر
لا يوجد به الا .. عذب الكلام .. وروح السلام .. وحلو الغرام :)
شكراا لك بحجم مافي قلوب البشرية من حب وتقدير
/
/
لي عوده ..

[الثريـــا]

أين أنتي والأدب !! هل يستهويكـ الأدب العربي أم الأنجليزي!!

سبق وان ذكرت بأنني عاشقة لقراءة الأدب وكنت اتمنى لو ان دراستي كانت بمجال الأدب العربي لكن للاسف ان اتجاهي كان علمي ...
انا احب الأدب واعشق الابحار فيه من وقت ٍ لأخر ولكنني لا اجد الوقت الكافي للخوض في مجلدات الأدب العربي الضخمة لذا افضل ان اقرأ كل ماتقع عيني عليه من خلال تصفحي بالشبكة العنكبوتيه من قصة او مقالة او رواية او قصيدة او خاطره او ماا الى ذلك ..
لدي مكتبه ضخمه بالمنزل تعجّ بمئات الكتب سواء الأدبيه او الثقافيه او الدينيه او غيرها
لم اقرأ منها الا القليل من ضمنها كتاب كليلة ودمنه ...
هذه المكتبه لم اتفرغ اليها الا الأن رغم اني دون عمل :(
واذكر اني قرأت للرائع بدر شاكر السياب هذه الراائعه :
بقايا من القافلة

تنير لها نجمة آفله

طريق الفناء

وتؤنسها بالغناء

شفاه ظماء

تهاويل مرسومة في السراب

تمزّق عنها النقاب

على نظرة ذاهلة

وشوق يذيب الحدود

:
الأدب الانجليزي لا اتتبعه كثيرا ولا يستهويني البحث عنه او قرائته ولكني اقرأ بعض من المقالات المترجمه كل ماوجدتها في متناول اليد والأدب الانجليزي لديه جمهوره وقرّائه ...
وانا لا يترائى لي الا شكسبير عندما يسألني احدهم عن الأدب الانجليزي
ولديه معزوفة مترجمه اعجبتني يقول فيها :

ألا تشبهين صفاء المصيف

بل أنت أحلى وأصفى سماء

ففى الصيف تعصف ريح الذبول

وتعبث فى برعمات الربيع

ولا يلبث الصيف حتى يزول
:
:

[الثريـــا]

* آخر كتاب قرأتيه !!
كتب كثيره تسنى لي قراءتها مؤخرا اغلبها كتب الكترونيه
واغلبها كتب علميه بحته يعني بعيده عن الأدب :) ,,
ولكن هناك ديوان شعري قرأته مؤخرا لشاعر قريب لي ...
وبالنسبه لي اخر ماقرأت قبل اعتلائي هذا المنبر هي مقاله قرأتها عن
الجينوم البشري ... كتاب الحياة للـ د/ صالح عبدالكريم
:
:
* إذا دخلتي المكتبه / أي الأقساام تذذهبين !!
على طول لقسم العلوم :)
وبعد ماااخلص اروح قسم تطوير الذات
وبعده اروح للأقسام الأدبيه من دواوين وغيره
وانا اعشق المكتبه عشق مو طبيعي حتى لو كانت المكتبه متواضعه
اهم شي انها مكتبه
وقد تشرفت بالذهاب الى مكتبة الملك فيصل للدراسات والبحوث
وكانت من اسعد رحلاتي
لأني وجدت فيهااا رووووائع من الكتب وعالم باذخ من الجمال ..
يعني انسى نفسي والوقت اذا دخلتها لأنها عالم جميل جداااا
:
:

[الديـــم]

.
.

عتبكـ مقبوول ياقمرنا / وحقكـ علينا ولاتزعين :)

أكملي فالجمال باذخ مع هذا الحضوور الراائع

.._

[الثريـــا]

طب ماشي :)
اصلا هو عتب بسيط ياغلاتي
وهذا مايمنع اني اكمل بالتأكيد
:
:
لي عوده

[الثريـــا]

http://alkasr01.jeeran.com/files/77492.jpg
/
/
ابيات كثيرون اثنوا عليهاا
وانا اسعدتني شهادتهم بهاا
لذلك احبهااا جدااا
/

لاتحسب اني من عنا البعد محروق=واليا ذكرتك لحظة ٍ خاطـري ضـاق
شخص ٍ هواه بلا مزايـا ولا فـروق=مالـت عليـه عــداد مــا لاح بــرّاق
شخص ٍ بليدٍ والعقـل منـه مسـروق=استخسر الدمعـه بحقـه و الاشـواق
شخص ٍ حياته مابهـا حـق وحقـوق=يبـلاه ربـي بالعمـى وسـط الأحـداق
ماهمني غيابه ولا هوب لـي عـوق=ولاهز لي شعـر ولا مـسّ الأعمـاق
إلا الكرامه امرها مـا هـو بمسبـوق=من دونها ترخص طويلات الأعناق
وانا عرفتك لا حشيمـه لـك ولاذوق=اهلك شيوخ ٍ مير طبعك بلا اخـلاق
مني نصيحه ياولد شوف لك سـوق=تعرض بضاعة خافقـك جـلّ ودقـاق
امـا اعيـش وهامتـي للسـمـا فــوق=والا أموت بعزتـي دون مـا انسـاق

[الثريـــا]

عوده مع اسئلتك عزيزتي
:
* إذا فرضاً أنه صدر آمر بـ منح الأدبااء في الوطن العربي درعاً تكريمياً / وسـ يجعلوون لهم قائمه إنتخابيه !!

من تنتخبين ومن ترشحين !!
:
حقيقه سؤال محير لأني ارغب بأختيار الكثير من الأدباء على مساحات الزمن
الماضي جدا والماضي القريب والحاضر
ولكني سأختار مجموعه بسيطه تحضرني اسمائهم حالياا
وقد قرأت وسمعت لبعضهم
ربماا سأنتخب :
عباس محمود العقاد
طه حسين
بدر شاكر السياب
احمد مطر
عبدالله الفيصل
جبران خليل جبران
احلام مستغانمي
عبدالله البردوني
سعد البازعي
عمر الفرا

:
باعتقادي انهم يستحقوا التكريم جميعااا دون تمييز
فلكل اديب منهم انتاجات ادبية لايستهان بهاا
ولكل منهم شأن كبير في مجال الأبداع ..

[الثريـــا]

وقفه عاطفيه قديمه وخاصه بهذا المنبر فقط ...
/
/
http://www.s77.com/up/up6/135030edc9.jpg
،
،

يامرحباا بك ياهواي وأهلا بك = طلّتك نور ٍ يجهر قلوب واعياني
يابركها من حزة ٍ يوم القدر جابك = ياللي غيابك سببّ هموم واحزاني
نفسي اضمك لين الأرواح تتشابك = واضمن اعيش بداخلك كل الأزماني
نفسي اشّمك والمس الشوق بثيابك = مشتاقتلك يالغلا والشوق بركاني
اجلس تقهوى من شعورٍ تحيّا بك = واضحك تراني لبسمتك حيل ولهاني
والله مابي دنيتي ساعة غيابك = خذني حبيبي بين عينك والأحضاني

[الثريـــا]

انا والسرقات ,,

في مره من المرات وانا اتصفح احد المنتديات وجدت قصيده لي نسبها احدهم لنفسه
مما دفعني ان اسجل بالمنتدى خصيصا من اجل ان اوقفه عند حده
وبعد ان قمت بالرد عليه في موضوعه ووضع رابط القصيده واسم صاحبتهااا
الأصليه لم يجد مجالا من الرد علي بأنه نسي ان يكتب انهاا منقوله !!
بعدها اعتذر لي صاحب الموقع وبيض الله وجهه ع وقفته النبيله تجاهي ..
لا اعلم لماا انتشرت السرقات الأدبيه ولماذا يتفاخر احدهم بما ليس له
اتذكر ان احداهن ايضا نسبت خاطره كنت قد كتبتهاا من فترة طويله
واكتشفت اختي ان هذه الخاطره هي خاطرتي فقامت بإرسال رساله لها
تعاتبهاا على هذه السرقه وكيف انهاا نسبتها لهاا لتعتذر الأخرى بدورها
عما بدر منها واعلنت للجميع بأن الخاطره منقوله وليست لهاا
وضعت نفسهاا بموقف حرج بسبب كذبها منذ البدايه
"
:

[الثريـــا]

وابيات لم تكتمل ,,,
/
/

http://up1.m5zn.com/photo/2009/1/7/11/8ee6lu1d3.jpg/jpg

[الثريـــا]

http://www.alamuae.com/gallery/data/media/32/1699685-8d815461ebd72682.jpg
/
ومعزوفة خرجت من الأعماق ,,,
،


قلبي مـن الصدمـات ياصاحبـي ونّ=ونّة جريح(ن) داميـات(ن) عروقـه
سبة حبايب خافق(ن) صوبهـم حـنّ=وأعلن هواهـم واحتياجـه وشوقـه
حتى انصدم فيهم ومن فعلهـم جـنّ=وذاق المرار اللي صعيب(ن) يذوقـه
وسبـة حكايـا يجرحـن مـايـداوّن=فيهـا بـلاوي للمنـايـا سبـوقـه
عن خافيات(ن) للبشـر مـا يسلـنّ=منهـا خلّـي البـال تكثـر فتـوقـه
وسبـة عطيـة مقتـدر كلهـا مـنّ=تكسر جنـاح البـر بأكبـر عقوقـه
وسبة قوي يفرض على الكل ويسـن=سنة خطا او شـر محـد(ن) يعوقـه
وذاك الضعيف يجاهد الوقت ويشـنّ=حرب الشقا حتـي يحصـلّ حقوقـه
وناس(ن) تصاحبها على الطيب وتظنّ=ان الصديق اللـي علومـه صدوقـه
واثر الكذب ياصاحبـي لعبـه وفـنّ=وأصدق صديق(ن) ماتميّـز فروقـه
معذور قلـب(ن) للمـلا بيّـح و ونّ=كثر القهر والضيـم أدمـوا عروقـه

[الثريـــا]

احيانااااا ,,,

الشعر بالنسبه لي حاله خاصه ...
يستحيل ان اكتب دون ان يكون جويّ هادئ تمااماا :)
يعني لي طقوس معينه عند الكتابه
احب اكتب بالقلم والورق لأن بالكيبورد اشعر وكأني مقيده ..
احب ان اكتب في مكان هادئ جداا وغالبا في غرفتي او في مجلس الحريم الخارجي :)
احب اكتب قصيده واحطهاا زي ماهي .. دون ان اعكف كثيراا على تنقيحهااا
وهذا هو عيبي ..
رغم اني بعد ان احفظها في مجلد واعود عليها بعد فتره اجد نفسي اعدلّ وابدل فيها
من جديد ... حتى تخرج بصوره اخري وقد يكون هذا عيب اخر :)
:
احياناا في حالات الغضب اكتب وامسح .. اكتب وامسح وبالنهايه لااكتب ولو كلمه واحده
وبعد ان تهدأ اعصابي اجدني اجمع افكاري وتأتيني الأبيات تباعاا ..
:
عندي درج بغرفتي فيه كل كتاباتي ودفتري الخاص اضعه تحت سريري
كل ما جاء في بالي مطلع قصيده سحبت الدفتر وكتبت
احب الكتابه بقلم الرصاص وعندي 3 درازن توني شاريتهن جايين بكرتونه وحده :)
احيانا وانا بالسياره يطري علي بيت اقوم اكتبه بجوالي
واحيانا مايكون معاي جوال ولا يكون معاي قلم فأضطر اعيد البيت كذا مره حتى
احفظه تماااماا وارجع اكتبه متى ماتهيأ لي اداة للكتابه
:
احيانا تجيني اختي وتقول ابي بيت يكسر الدنيا فأنسى بقدرة قادر كل مااحفظه
ولا استطيع حتى ان ارتجل ولو بشطر بيت :)
:
:
واحياانا اجد اني انسانه بسيطه
شعري متواضع جداا ولكني احب قصائدي واعتبرهاا جزء مني
وتاريخاا لا اقدر ان انساه ...

[الديـــم]

.
.

بنت الحمايل

لكـ رتم خاص وأسلووب مميز

لكـ جمال الشعر ومنتهااه / ولكـ سلسبيل الحديث ومنتقااه

كنت كـ الفرااشه تنتقلين بخفه متناهيه بين بساتين من رووعه وإبدااع

أنتي شاعره أستثناائيه / وكاتبه مبدعه

رونقكـ يبعث في النفس أريحيه

كنت حاله من جنون وفنوون إستثنائيه

بنت الحمايل

ألف ألف ألف شكر لقبوولكـ دعوتنا ولجميل مقالكـ هنــا


http://www.3tt3.net/up/upfiles/e0H16486.jpg


تحياتي وتقديري



الديــم بنت المطر


.._

[الثريـــا]

عزيزتي الديم
اشكرك لدعوتي لأعتلاء هذا المنبر
وكنت اتمنى لو اقحمتيني بالعديد من الأسئله كما كنتي تفعلين بالسابق
على المنبر مع من سبقني من الشعراء
كنت اتمنى لو كنتي متواجده كما كنتي
ولكن حاولت مااستطيع ان اضعه لكم دون اسئله
وأدرت دفّة حواري مع نفسي بنفسي :)
اشكرك من القلب بحجم مايملؤه قلبك من جمال
وبحجم ماتكتبيه من ابداع
وبحجم رونقك وتألقك في ادارة بوح القوافي
ولتعذروني على تواضع احرفي
وانا سعيده بهذه الأستضافه الجميله
:
:
لك وكل مرتادي عيال الحمايل كل التقدير والاحترام

/
/


يالديم لك مني سلام وتحيات=اعداد مابالكون نفل وخزامى
دعوتك كانت عن الفين دعوات=دعوه كريمه بالمحبه تسامى
العذر لو جاكم قصور ٍ بالابيات=عذر ٍ كبير من غلاكم تنامى

[الديـــم]

.
.

بنت الحمايل

لو كنت أجهل مقدرتكـ لكنت متواجده على الدوام ولكنت حاصرتكـ بالأسئله :)

ولكن ! أعلم من هي بنت الحمايل وأعلم مقدرتها على الحديث وفهم المنبر

فهو مدونه ينسكب بها الشااعر !!

وأقسم بالله لولا ظرووف سفري الطارئه لكنت متواجده ولكنت أكثر توسع ولكن ! أعذريني

الظرووف في هذا المنبر حكمتني !!

وأنتي لم تتواني عن جعل هذه الصفحات جنه من ورود ورياحين مزهره

صح لسانكـ وكلكـ مليوون مره وأبيات أعتز بها ويعتز بها المنبر

لاهنتي ياغلاااي


تحياتي وتقديري وشكري مراراً وتكراراً



الديــمه



.._

[الثريـــا]

العذر مقبول ياديمه
وانا كلي فخر واعتزاز بكل كلمه كتبتيهاا في حقي
ويكفيني شرف وجودي بهذا المنبر
والحمدلله ع السلامه ..
وانا اترك المجال لأخواني واخواتي ان كان هناك اي تعليق
او استفسار او عتب او غيره الأن ..
لك تقديري يالغلا...

[منادي]

صراحه ابداع
ابدعتي يابنت الحمايل طيلة فترة تواجدك على منبر البوح
وسعدت اكثر بتصفح اوراقك واشعارك .. حقيقةً كنتي رائعه
اشكرك على ماقدمتي لنا عبر هذا المنبر وغيره
واشكرك استاذنا الديم على حسن الاختيار وادارة المنبر بطريقه احترافيه

[الثريـــا]

صراحه ابداع
ابدعتي يابنت الحمايل طيلة فترة تواجدك على منبر البوح
وسعدت اكثر بتصفح اوراقك واشعارك .. حقيقةً كنتي رائعه
اشكرك على ماقدمتي لنا عبر هذا المنبر وغيره
واشكرك استاذنا الديم على حسن الاختيار وادارة المنبر بطريقه احترافيه


منادي
اشكرك استاذي ع الكلام الذووق
شهاده اعتز فيهااا حقيقه
والحمدلله ان اوراقي واشعاري المتواضعه نالت استحسانكم
ولك كل التقدير,,,

[أميرة الشوق]

اول شي يعطيك العافيه


استمتعت بالقراءه

ما قصرتي
وصح لسانك

<<<<<< ما ودك تسوين باختك بيت شعر منا ولا منا :):):)

<<<<<< يا زينك ساكته


لا هنتي اختي

[الثريـــا]

اول شي يعطيك العافيه
استمتعت بالقراءه
ما قصرتي
وصح لسانك
<<<<<< ما ودك تسوين باختك بيت شعر منا ولا منا :):):)
<<<<<< يا زينك ساكته
لا هنتي اختي


اميره
والله انا اللي مستمتعه اكثر بمتابعتك ياغلاتي
ومشكووووووره ع الذووق
وانتي المفروض يكتب فيك معلقه مو بيت
تستاهلين ياااميرتي
:
اميرتي ياكل شوقي وياذوق
يانجمة ٍ وسط الحمايل تلالا

[فادي الشلاحي]

صراحه ابداع
وتميز من جد وهذا الذي اقووله لك يا بنووته



لانك عارفه رايي من قبل وشهادتي فيك مجروووحه

[الثريـــا]

صراحه ابداع
وتميز من جد وهذا الذي اقووله لك يا بنووته
لانك عارفه رايي من قبل وشهادتي فيك مجروووحه


فاديوو
الابداع انتم من رسم طريقه لي
اشكرك ع الشهاده الذوووق استاذي
وع المرور وع الذوووق
لك كل الاحترام

[نـورهـ]

تحيه عبـقه للجميع ..


شاعرتنا الرقيقة "بنت الحمايل" بكل صدق أحببت إعتلاءك للمنبر وسعدتُ بـ كشفكِ لأوراقكِ الشعرية الفائضة الشاعريـة ,, برغم أن الحبر بهت في بعض الزوايا ولكنه مع ذلك كان مزداناً بالبياض أغواه بالإسترسال بذخ الإبداع والموهبه الشعرية الفذة لديكِ ,, قرأتكِ هنا جيداً جداً ووجدت أبياتكِ دثاراً وأنتي أزراره لولا بعض الملاحظات الطفيفه الذي وودت أبدائها لولا ضيق الوقت ,, أنا ممتنه لكِ مهرة الخيل على كل ما قدمتي ,, و أشكرك كذلك يا إبنة المطر لأني سمحتي لهذا الغيث بالهطول ,,,

لكمـا مني أعـذب تحيهـ .. )

[الثريـــا]

تحيه عبـقه للجميع ..
شاعرتنا الرقيقة "بنت الحمايل" بكل صدق أحببت إعتلاءك للمنبر وسعدتُ بـ كشفكِ لأوراقكِ الشعرية الفائضة الشاعريـة ,, برغم أن الحبر بهت في بعض الزوايا ولكنه مع ذلك كان مزداناً بالبياض أغواه بالإسترسال بذخ الإبداع والموهبه الشعرية الفذة لديكِ ,, قرأتكِ هنا جيداً جداً ووجدت أبياتكِ دثاراً وأنتي أزراره لولا بعض الملاحظات الطفيفه الذي وودت أبدائها لولا ضيق الوقت ,, أنا ممتنه لكِ مهرة الخيل على كل ما قدمتي ,, و أشكرك كذلك يا إبنة المطر لأني سمحتي لهذا الغيث بالهطول ,,,
لكمـا مني أعـذب تحيهـ .. )

نورهـ
وانا احببت مرورك ومتابعتك لي عزيزتي
واشكرك ع الشهاده اللطيفه بحقي
واعتلائي للمنبر وكشف ارواقي يجعلني اتقبل اي انتقاد
وانا على استعداد لتقبل نقدك عزيزتي
بودي لو وضحتي لي النقاط التي بهت فيهاا حبر صفحاتي
وبودي لو ابديتي ملاحظاتك لي بكل أريحيه
فأنا كلي آذان صاغيه يالغلااا ..
بانتظارك ,,,

[الثريـــا]

طب والله حلوو انه الى الأن مافيش انتقاد :)
عموماا لاتهابوا اعزائي الشعراء ومتذوقي الشعر
انا يسعدني ان اتقبل كلمات الانتقاد اكثر من تقبل االإطراء
كما تفعل حواء دائما :)
ولي عوده متكرره هناا لأوافيكم بكل بوح ٍ جديد ...

[أميرة الشوق]

يعطيك العافيه اختي ع الا بيات


لا عدمناك والله سلمت يمناك وصح لسانك

<<<< استحت من جد

[الثريـــا]

اميرة الشوق
صح بدنك يالغلاااا
وقليل بحقك يااميره هالبيت
لك كل التقدير

[.. Sawa7 ..]

بنت الحمايل ..

أين أنا عن كل هذاا الجماال ..
صح لسانكـ وسلم إحساسكـ ..

ربما كنا بحاجة لهذا المنبر من قبل .. طاب لنا التنقل بين أوراقة ..
قرأنا الكثير عن مسيرتكـ وفهمكـ للحياااة ..
سرت على أثركـ صفحة صفحة ... سأعود مرة آخرى وأرتوي من جديد ..

أبدعتي بكل ما تحمل الكلمة من معاني ..
ممتن لكـ ياا جميلهـ المقاام ..




الديم ..

جهد كبير .. لا تكفي كلمة شكراً لهـ ..

[الثريـــا]

بنت الحمايل ..
أين أنا عن كل هذاا الجماال ..
صح لسانكـ وسلم إحساسكـ ..
ربما كنا بحاجة لهذا المنبر من قبل .. طاب لنا التنقل بين أوراقة ..
قرأنا الكثير عن مسيرتكـ وفهمكـ للحياااة ..
سرت على أثركـ صفحة صفحة ... سأعود مرة آخرى وأرتوي من جديد ..
أبدعتي بكل ما تحمل الكلمة من معاني ..
ممتن لكـ ياا جميلهـ المقاام ..
الديم ..
جهد كبير .. لا تكفي كلمة شكراً لهـ ..



سواحـ
كلام جميل واطراء يزرع بي التجدد للإبداع من جديد
صح بدنك ملايين ولاهنت استاذي القدير
سعيده بتواجدك هناا والوقوف على ماكتبت
وسعيده لعودتك القادمه
اشكرك مليوووووون
لك كل التقدير والاحترام

[الجوهره]

بنوووته
اهلا ومرحبا بك هنا ع المنبر
استمتعت كثير بما قريت .. عفويه وقصائد حلووه
عيال الحمايل تفخر بك
مشكوووره عزيزتي
والشكر للديم

[الثريـــا]

بنوووته
اهلا ومرحبا بك هنا ع المنبر
استمتعت كثير بما قريت .. عفويه وقصائد حلووه
عيال الحمايل تفخر بك
مشكوووره عزيزتي
والشكر للديم

غرؤؤر
وانااا افخر بهذه الشهاده
وبتواجدي بينكم
اشكرك مليوووون
ولك كل الاحترام والتقدير يالغلاا ...

[الدلوٍوٍعه]

راااائعه الصفحات
المعطرة ببووحك الراقي والشامخ
الذي اجادت عزفه احساسيك الصادقه
وترجمه حبر قلمك الذي يشعل انووارالابداع

/

لقلمك نكهه
اتووق الى التلذذ به


/

ولرقه الهمس ووجوود .. ولدفء الحرف نبض
من يقرا طيات صفحاتك يجد انثى .. شامخه .. حالمه ..

/

تيقني اني مكثت هنا طوويلا
اطوول مما تتوقعين فـ الجمال سحرني

/

رااائعه انتي كـ انفاس رووحك
سلمت روووحك وونبض حرفك



http://up.7cc.com/upfiles/9Oq16932.gif

[الثريـــا]

راااائعه الصفحات
المعطرة ببووحك الراقي والشامخ
الذي اجادت عزفه احساسيك الصادقه
وترجمه حبر قلمك الذي يشعل انووارالابداع
/
لقلمك نكهه
اتووق الى التلذذ به
/
ولرقه الهمس ووجوود .. ولدفء الحرف نبض
من يقرا طيات صفحاتك يجد انثى .. شامخه .. حالمه ..
/
تيقني اني مكثت هنا طوويلا
اطوول مما تتوقعين فـ الجمال سحرني
/
رااائعه انتي كـ انفاس رووحك
سلمت روووحك وونبض حرفك
http://up.7cc.com/upfiles/9oq16932.gif


الدلووعه
احرجتيني بذوقك ياغلاتي
كلام ومتااابعه اسعدتني
اشكرك من القلب على كل حرف كتبتيه لي
لك كل التقدير

[الثريـــا]

اليوم يومني نهيت الحب بسكات = قررت أوادعك واجمع بقايا حنيني
كثر الجروح اللي بعمري كثيرات = وكثر السنين اللي مضت من سنيني

ببكي ألم / ببكي جروح ٍ ودمعات = وأعانق الماضي وكل عمري حزيني

[{ دايمـ السيف ..!]

عسى الله يبعد الحزن عنك يابنت الحمايل وتردين مثل أول وأحسن .. حتى ماخليتيني أتابع هالبوح بأبياتج هذي :(

لي عوده بإذن الله

[دالي]

رائـــــــــــعه بنت الحمايل

أستمتعت كثيرا بما قرأته

تحياتي لك يالغلا

[الثريـــا]

دايم
اللهم امين ..
واشكرك ع المرور وع التواجد
لك كل التقدير ...

[الثريـــا]

موون
الروعه في تواجدك يالغلاا
شكراا لك ,,,

[العنيــــدهـ]

يسسسسسلموو
أشكررك ويعطيك 1000 عاافيه

[حنانه يكفيني]

يعطيك العافيه

[الثريـــا]

شكرا لكل من مر من هنا
يعطيكم العافيه ...

[عفرااا القثامي]

استمعت بما خطته اناملك وبالتوفيق يابنت الحمايل......ابداع

ابي اسألك عن هذا البيت امي تردده وجدتي الله يرحمهااااااكانت تردده

ليتني ماوردت ارماح ............والعين ماشافت نوير


طبعا هي غزليه ولاكتبت البيت الثاني لانه محرجه شوي


عاد يالغاليه بسألك هل تعرفين كاتب هذا البيت اوتسألين احد يعرف لانه قديم يعني جداتنا هن اللي يعرفن لخبرتهن في الترحال من ديره لديره

[الثريـــا]

هلاا بك عفرا القثامي وحياك الله بهالمتصفح
اشكرك ع الكلام الذوووق ...
والله يرحم جدتك وجداتي ..
وكان ودي اخدمك يالغلاااا لكن للأسف
جداتي الشاعرات الله يرحمهن ومابقالي الا جدّه موديرن (متحضره )
الله يخليهاا يارب .. يعني ماراح تفيد بشي :)
لكن اذا قدرتي ترسلين لي القصيده كامله ع الخاص اكون شاكره عشان ماتنحرجين ..
ولك كل التقدير والاحترام ...

[عفرااا القثامي]

الثريا مااقدر ارسلك على الخاااص مشاركاتي قليله يبالهاتجاوز500
وانا دخولي قليل بالمنتدى
وانا مااعرف القصيده كامله بيتين فقط اللي كتبته والثاني ولا ودي اعرفهاااا كلاهاااااا من جد قصايد القدمااااء رائعه
اشكرك الثريا على رحابه صدرك والله يحفظ جدتس المودرن خليهاا تقصد قصايد الحداثه هابين فيها هاليومين هههه
تحياتي يابنت الأجواد
عفرا القثامي

[الثريـــا]

عفراا القثامي
يالبيه بس على القدامى وقصايدهم :)
وربي يخليك يالغاليه وشرفتيني بمرورك ...

[بروق الصيف]

صح الله لسانك
لقاء ممتع استمتعت بقراءته

[المزيون]

الله يعطيك العاااافيه على الايراااد ..

تقديري لك

[fille aînés]

يعطيك العافيه

[سموالذات]

الله يعطيك العافيه