جبــــنة
06-08-2006, 10:51 AM
المكان / الخبر/ احدى شركات الشحن والبريد السريع المعروفه
الساعه الرابعه والنصف عصرا
التلفون يرن
يرفع الموظف فهد السماعه
فهد: شركة --- مرحبا
الطرف الاخر: هلا فهد معك ابو خالد (ابو خالد مدير الشركه بالخبر)
فهد :هلا ابو خالد امرني
ابو خالد: مايامر عليك ظالم بتجيك مره اسمها ام ناصر بترسل اغراض خذ منها اغراضها وارسلها
بدون ما تاخذ وتعطي معها بالكلام لانها تمشكلت مع الموظف اللي في الفرع وسوت هيصه فبالله يافهد
خلص امورها بسرعه ولا تاخذ منها شي لانها دفعت بالفرع الاول
فهد: (وهو شايل هم هالادميه وجرأتها وهو موظف بالمركز الرئيسي) ابشر طال عمرك
بعد ساعه وربع وفهد جالس يخدم العملاء دخلت إمرأه
المرأه: لو سمحت
فهد : هلا اختي دقايق لو سمحتي
المرأه : انت فهد؟
فهد : يقول في نفسه( هلا هلا وصلت الله يستر)
ويكمل : هلا انتي اكيد ام ناصر؟
ام ناصر : ايه وجايه ابي ارسل هالاغراض
فهد : يلتفت للعملاء اللي معه وهو شايل هم ام ناصر (دقايق عن اذنكم)
ويروح لام ناصر
آمري اختي وش تبين ترسلين؟
ام ناصر : ابد و معي هالاغراض و ملفوفه بكيسه ومقفله باحكام وفيها ملابس نسائيه
داخليه وبعض الامور الخاصه برسلها للخفجي
والموظف الوقح اللي بالفرع الاول أكدت عليه مايفتش او يفتح الاغراض ومع كذا فتحها
فهد: ابشري تعبين الاستماره ولا اعبيها لك؟
ام ناصر : لا اكتبها انت الله يخليك وعطني ورقه بيضا معك وقلم
فهد: ليه؟
ام ناصر : ابي اكتب شكوى على الموظف الحقير اللي فتح اغراضي
فهد: يابنت الحلال ان شاء الله قلبك كبير سامحيه
ام ناصر : لا اعذرني
فهد: زي ماتبين تفضلي هذي ورقه وهذا قلم
جلس فهد يكتب الاستماره وام ناصر جلست تكتب الشكوى
وبعد ماخلص واخذ الاغراض لقسم الارسال
جت ام ناصر ومعها الورقه وكاتبه عليها الشكوى وجه وقفى
ام ناصر : تفضل
فهد : ابشري الشكوى بتكون بمكتب المدير
وجلس يقرا فهد الشكوى ولمح من بين ماقرأ جملة (ملابس نسائيه داخليه سكرية اللون)
ام ناصر كم الحساب؟
فهد: لا طال عمرك الحساب وصل
ام ناصر: اكيد؟؟
فهد ايه
ام ناصر :اجل يالله بامان الله
فهد : ياهلا
فهد تنفس الصعداء على ان الوضع انتهى من غير هيصه وغضب وفضايح
وتوجه للعملاء المنتظرين لكن ما تمكن من خدمتهم لان اذان المغرب حان وقته
فهد يخاطب العملاء: ماعليه يا شباب اذن بعد الصلاه نكمل
العملاء وهم في حاله من الاستياء يخرجون
وفي اللحظه اللي جا بيقفل السيكورتي الباب جاء رجل
لو سمحت لو سمحت
فهد يأشر بيده قفلنا بعد الصلاه اخوي
بعد الصلاه
دخل الرجل اللي جا متاخر بوقت الصلاه قبل الجميع
الرجل يكلم فهد
لو سمحت اخوي
فهد: اخوي فيه ناس قبلك صف بالدور
الرجل: اخوي ابيك بموضوع ضروري
فهد: طيب صف بالدور وبيجي دورك
الرجل : ياخوي الموضوع طارئ
فهد: امر؟
الرجل : لو سمحت اطلع برى ابيك
فهد: اخوي تراني مداوم وماني فاضي وش بغيت؟
الرجل : وربي موضوع طارئ
فهد : انالله وراح معه
آآمر؟
فهد: امر يالغالي
الرجال: لو سمحت جاتك طلبيه اليوم رايحه للكويت؟
فهد: لا ماجتني اليوم أي طلبيه للكويت بتاتا
الرجل: طيب ماجاتك طلبيه باسم فلانه ام ناصر ؟
فهد: وهو مستغرب ويقول في نفسه وش هاليوم اللي مهوب راضي يعدي؟؟
ايه جتني وشفيها؟
الرجل: ابي الطلبيه ذي يالغالي
فهد: مستحيل اخوي ماقدر اسلمك شي
الرجل:ياخوي الارساليه لو تبيني اقولك وشفيها قلت لك، ملابس نسائيه داخليه ولونها سكري
فهد: تذكر الشكوى اللي كتبتها ام ناصر وفعلا كان مكتوب فيها لون الملابس
طيب ياخوي ماقدر اسوي لك شي الاغراض راح تشحن بطلب من صاحبتها
الرجل: ياخوي ترى الاغراض اللي معكم رايحه لساحر وام ناصر تبي تسحر وحده ياخي على الاقل انتم تبون الموضوع يمشي بالنظام اصبر علي عشر دقايق بتكون الشرطه عندكم ومعهم خطاب تفتيش
فهد : بدى يروح تفكيره ويجي ويقول في نفسه شرطه؟ يعني الدعوه فيها نجوم ورتب وحوسه
مسك فهد الغرض الخاص بام عبدالله بحركه خاطفه ونادى السيكورتي: راشد امسك الغرض ذا وحطه بالدولاب وقفل عليه ولا تطلعه لاحد
ومسك فهد سماعة التلفون:
فهد )اتصل بالمدير وهو في حالة توتر وتشتت) الو ابو خالد
المدير: هلا فهد وشفيك؟
فهد: انت ارسلت وحده لي اسمها ام ناصر
المدير:وهو يحس ان ام ناصر سوت شوشره ثانيه ايه ايه وش سويت لايكون تمشكلت معها؟
فهد: لا لا اسمعني زين
ويعلم فهد المدير بكل السالفه وان الشرطه جايه
المدير: حط الاغراض في مكان وقفل عليها انا جاي الحين
فهد: اوكي هذا اللي سويته الحين
بهذا الوقت حصل اللي توقعه فهد، انواع الرتب داخله للمركز مدير البحث الجنائي وضابطين
اخذهم فهد لغرفة جانبيه وطلب من العمال تحضير الشاهي لهم وذهب الى بعض زملائه واخبرهم كي يجلسوا مع الزوار الرسميين بينما هو يقوم بالغاء عمليات العملاء المنتظرين
وصل المدير وبدأت قصة الرجل امام الجميع واخرج احد الضباط من حقيبته امر بتفتيش الغرض المرسول من ام ناصر بطريقه رسميه
وبالفعل تم فتح الشحنه
وتفاجأ الجميع بما وجدو بداخلها
ملابس داخليه بنفس الالوان المذكوره ومعها قصاصات شعر واظافر ومبلغ وقيمته
تم التناقش فيما بين الضباط والمدير والرجل وفهد بما حصل وقام احد الضباط بالاستفسار من فهد عن الاستماره اللي كتبتها ام ناصر كدليل ادانه ولكنه اخبرهم انه هو اللي كتبها هنا الضباط فقدوا الامل بان ام ناصر تاخذ جزاها وتثبت عليها التهمه وفجأه فهد يقول:
لا لا لا عندي شي يثبت ادانتها الشكوى اللي كتبتها على موظف الفرع وذكرت فيه كل شي
وجاء بالشكوى وتم التحفظ عليها كدليل اثبات
سئل خالد الرجل اللذي اخبره بالمشكله: من انت ياخي ووش سالفتك بالموضوع؟
قال الرجل: انا ابو ام ناصر والحرمه اللي تبي تسحرها هي زوجتي (زوجة ابوها)
فهد: وهو في حالة صدمه قويه : طيب ليه كبرت الموضوع وبلغت عن بنتك؟ ليه مامنعتها؟
الرجل: لو اضربها او احبسها صدقني ذا كله ماراح يثنيها من اللي تبي تسويه وانا اراقبها لي فتره وعرفت انها ناويه على السحر بعد ما اختفت بعض ملابس زوجتي ولحقتها للفرع الاول وتفاجأت انها ما ارسلت لاني جيت متأخر وعرفت انها اختلفت مع الموظف هناك وهذا من فضل ربي وصدقني مالقيت الا كذا عشان اوقف هالمصيبه
في هذاه الاثناء
تم اخراج الاغراض الخاصه من الشحنه وأمر رجال الامن بارسال شحنه وهميه للخفجي لتعقب الساحر بخطوة ذكيه تحسب لرجال الامن
وفعلا تم ارسالها للخفجي وزرع عناصر من البحث الجنائي في فرع الشركه هناك دوامهم كداوم الموظفين بالشركه
مر اسبوع ولم يأتي صاحب الشحنه للفرع بالخفجي واجهزة الامن تترقب ليل نهار
وفي احد الايام جاءهم اتصال من الكويت
الشركه: الو الشركه الفلانيه للشجن
الطرف الاخر بالكويت: فيه شحنه باسم فلان الفلاني هل وصلت؟
الشركه: نعم
الطرف الاخر من الكويت: شكرا بكره بجي اخذها
باليوم التالي
سياره من نوع وانيت تتوقف امام الشركه ينزل منها رجل باكستاني ويتجه نحو المكتب ويستفسر عن الشحنه
اخرج الموظف له الشحنه وامره بالتوقيع بالاستلام وعندما فعل خرج رجال الامن وتم القبض عليه واحالته للتحقيق
هذه قصه واقعيه من آلاف القصص اللي صارت تصير في مجتمعنا
السحر وقد انتشرت بشكل كبير وخاصة بين النساء فقد حدثني احد المشائخ بالخفجي ذات مره ان جميع اعمال السحر بالمرتبة الاولى تأتي من دولة الكويت لانتشار السحره فيها وعدم معاقبتهم بالشريعه الاسلاميه والتساهل لمن يفرقون بين الرجل وزوجته ويسلب العقول والتفكير ويلتبس رجالنا ونسائنا المسلمات
لا ننكر بوجود بعض السحرة في بلادنا وهذا شيء طبيعي فلا يخلو مجتمع من آفة ولكن كحكومة تحكم بشريعة الله وسنة رسوله يتم مكافحته هؤلاء ليل نهار من قبل رجال الهيئة والامن والحمد لله هم في تناقص مستمر
ولكن مايؤسف فعلا انتشارهم بدوله شقيقه وممارسة اعمالهم القذره بغير محاسبه
هذا بعض ما اردت كتابته بعد ما سمعت القصه من فهد شخصيا ومن مديره واردته ان يكون للقراءه والانتباه من مثل هذه الاعمال وعدم الوقع فيها لانها محرمه
والتحصن منها بالاذكار اليوميه
ملاحظه:: تم استبدال اسامي الشخصيات الحقيقيه باسامي وهميه
منقوووووووووووووووووول
تحياتي
جبــــــــــــنةt11t59 t11t59
الساعه الرابعه والنصف عصرا
التلفون يرن
يرفع الموظف فهد السماعه
فهد: شركة --- مرحبا
الطرف الاخر: هلا فهد معك ابو خالد (ابو خالد مدير الشركه بالخبر)
فهد :هلا ابو خالد امرني
ابو خالد: مايامر عليك ظالم بتجيك مره اسمها ام ناصر بترسل اغراض خذ منها اغراضها وارسلها
بدون ما تاخذ وتعطي معها بالكلام لانها تمشكلت مع الموظف اللي في الفرع وسوت هيصه فبالله يافهد
خلص امورها بسرعه ولا تاخذ منها شي لانها دفعت بالفرع الاول
فهد: (وهو شايل هم هالادميه وجرأتها وهو موظف بالمركز الرئيسي) ابشر طال عمرك
بعد ساعه وربع وفهد جالس يخدم العملاء دخلت إمرأه
المرأه: لو سمحت
فهد : هلا اختي دقايق لو سمحتي
المرأه : انت فهد؟
فهد : يقول في نفسه( هلا هلا وصلت الله يستر)
ويكمل : هلا انتي اكيد ام ناصر؟
ام ناصر : ايه وجايه ابي ارسل هالاغراض
فهد : يلتفت للعملاء اللي معه وهو شايل هم ام ناصر (دقايق عن اذنكم)
ويروح لام ناصر
آمري اختي وش تبين ترسلين؟
ام ناصر : ابد و معي هالاغراض و ملفوفه بكيسه ومقفله باحكام وفيها ملابس نسائيه
داخليه وبعض الامور الخاصه برسلها للخفجي
والموظف الوقح اللي بالفرع الاول أكدت عليه مايفتش او يفتح الاغراض ومع كذا فتحها
فهد: ابشري تعبين الاستماره ولا اعبيها لك؟
ام ناصر : لا اكتبها انت الله يخليك وعطني ورقه بيضا معك وقلم
فهد: ليه؟
ام ناصر : ابي اكتب شكوى على الموظف الحقير اللي فتح اغراضي
فهد: يابنت الحلال ان شاء الله قلبك كبير سامحيه
ام ناصر : لا اعذرني
فهد: زي ماتبين تفضلي هذي ورقه وهذا قلم
جلس فهد يكتب الاستماره وام ناصر جلست تكتب الشكوى
وبعد ماخلص واخذ الاغراض لقسم الارسال
جت ام ناصر ومعها الورقه وكاتبه عليها الشكوى وجه وقفى
ام ناصر : تفضل
فهد : ابشري الشكوى بتكون بمكتب المدير
وجلس يقرا فهد الشكوى ولمح من بين ماقرأ جملة (ملابس نسائيه داخليه سكرية اللون)
ام ناصر كم الحساب؟
فهد: لا طال عمرك الحساب وصل
ام ناصر: اكيد؟؟
فهد ايه
ام ناصر :اجل يالله بامان الله
فهد : ياهلا
فهد تنفس الصعداء على ان الوضع انتهى من غير هيصه وغضب وفضايح
وتوجه للعملاء المنتظرين لكن ما تمكن من خدمتهم لان اذان المغرب حان وقته
فهد يخاطب العملاء: ماعليه يا شباب اذن بعد الصلاه نكمل
العملاء وهم في حاله من الاستياء يخرجون
وفي اللحظه اللي جا بيقفل السيكورتي الباب جاء رجل
لو سمحت لو سمحت
فهد يأشر بيده قفلنا بعد الصلاه اخوي
بعد الصلاه
دخل الرجل اللي جا متاخر بوقت الصلاه قبل الجميع
الرجل يكلم فهد
لو سمحت اخوي
فهد: اخوي فيه ناس قبلك صف بالدور
الرجل: اخوي ابيك بموضوع ضروري
فهد: طيب صف بالدور وبيجي دورك
الرجل : ياخوي الموضوع طارئ
فهد: امر؟
الرجل : لو سمحت اطلع برى ابيك
فهد: اخوي تراني مداوم وماني فاضي وش بغيت؟
الرجل : وربي موضوع طارئ
فهد : انالله وراح معه
آآمر؟
فهد: امر يالغالي
الرجال: لو سمحت جاتك طلبيه اليوم رايحه للكويت؟
فهد: لا ماجتني اليوم أي طلبيه للكويت بتاتا
الرجل: طيب ماجاتك طلبيه باسم فلانه ام ناصر ؟
فهد: وهو مستغرب ويقول في نفسه وش هاليوم اللي مهوب راضي يعدي؟؟
ايه جتني وشفيها؟
الرجل: ابي الطلبيه ذي يالغالي
فهد: مستحيل اخوي ماقدر اسلمك شي
الرجل:ياخوي الارساليه لو تبيني اقولك وشفيها قلت لك، ملابس نسائيه داخليه ولونها سكري
فهد: تذكر الشكوى اللي كتبتها ام ناصر وفعلا كان مكتوب فيها لون الملابس
طيب ياخوي ماقدر اسوي لك شي الاغراض راح تشحن بطلب من صاحبتها
الرجل: ياخوي ترى الاغراض اللي معكم رايحه لساحر وام ناصر تبي تسحر وحده ياخي على الاقل انتم تبون الموضوع يمشي بالنظام اصبر علي عشر دقايق بتكون الشرطه عندكم ومعهم خطاب تفتيش
فهد : بدى يروح تفكيره ويجي ويقول في نفسه شرطه؟ يعني الدعوه فيها نجوم ورتب وحوسه
مسك فهد الغرض الخاص بام عبدالله بحركه خاطفه ونادى السيكورتي: راشد امسك الغرض ذا وحطه بالدولاب وقفل عليه ولا تطلعه لاحد
ومسك فهد سماعة التلفون:
فهد )اتصل بالمدير وهو في حالة توتر وتشتت) الو ابو خالد
المدير: هلا فهد وشفيك؟
فهد: انت ارسلت وحده لي اسمها ام ناصر
المدير:وهو يحس ان ام ناصر سوت شوشره ثانيه ايه ايه وش سويت لايكون تمشكلت معها؟
فهد: لا لا اسمعني زين
ويعلم فهد المدير بكل السالفه وان الشرطه جايه
المدير: حط الاغراض في مكان وقفل عليها انا جاي الحين
فهد: اوكي هذا اللي سويته الحين
بهذا الوقت حصل اللي توقعه فهد، انواع الرتب داخله للمركز مدير البحث الجنائي وضابطين
اخذهم فهد لغرفة جانبيه وطلب من العمال تحضير الشاهي لهم وذهب الى بعض زملائه واخبرهم كي يجلسوا مع الزوار الرسميين بينما هو يقوم بالغاء عمليات العملاء المنتظرين
وصل المدير وبدأت قصة الرجل امام الجميع واخرج احد الضباط من حقيبته امر بتفتيش الغرض المرسول من ام ناصر بطريقه رسميه
وبالفعل تم فتح الشحنه
وتفاجأ الجميع بما وجدو بداخلها
ملابس داخليه بنفس الالوان المذكوره ومعها قصاصات شعر واظافر ومبلغ وقيمته
تم التناقش فيما بين الضباط والمدير والرجل وفهد بما حصل وقام احد الضباط بالاستفسار من فهد عن الاستماره اللي كتبتها ام ناصر كدليل ادانه ولكنه اخبرهم انه هو اللي كتبها هنا الضباط فقدوا الامل بان ام ناصر تاخذ جزاها وتثبت عليها التهمه وفجأه فهد يقول:
لا لا لا عندي شي يثبت ادانتها الشكوى اللي كتبتها على موظف الفرع وذكرت فيه كل شي
وجاء بالشكوى وتم التحفظ عليها كدليل اثبات
سئل خالد الرجل اللذي اخبره بالمشكله: من انت ياخي ووش سالفتك بالموضوع؟
قال الرجل: انا ابو ام ناصر والحرمه اللي تبي تسحرها هي زوجتي (زوجة ابوها)
فهد: وهو في حالة صدمه قويه : طيب ليه كبرت الموضوع وبلغت عن بنتك؟ ليه مامنعتها؟
الرجل: لو اضربها او احبسها صدقني ذا كله ماراح يثنيها من اللي تبي تسويه وانا اراقبها لي فتره وعرفت انها ناويه على السحر بعد ما اختفت بعض ملابس زوجتي ولحقتها للفرع الاول وتفاجأت انها ما ارسلت لاني جيت متأخر وعرفت انها اختلفت مع الموظف هناك وهذا من فضل ربي وصدقني مالقيت الا كذا عشان اوقف هالمصيبه
في هذاه الاثناء
تم اخراج الاغراض الخاصه من الشحنه وأمر رجال الامن بارسال شحنه وهميه للخفجي لتعقب الساحر بخطوة ذكيه تحسب لرجال الامن
وفعلا تم ارسالها للخفجي وزرع عناصر من البحث الجنائي في فرع الشركه هناك دوامهم كداوم الموظفين بالشركه
مر اسبوع ولم يأتي صاحب الشحنه للفرع بالخفجي واجهزة الامن تترقب ليل نهار
وفي احد الايام جاءهم اتصال من الكويت
الشركه: الو الشركه الفلانيه للشجن
الطرف الاخر بالكويت: فيه شحنه باسم فلان الفلاني هل وصلت؟
الشركه: نعم
الطرف الاخر من الكويت: شكرا بكره بجي اخذها
باليوم التالي
سياره من نوع وانيت تتوقف امام الشركه ينزل منها رجل باكستاني ويتجه نحو المكتب ويستفسر عن الشحنه
اخرج الموظف له الشحنه وامره بالتوقيع بالاستلام وعندما فعل خرج رجال الامن وتم القبض عليه واحالته للتحقيق
هذه قصه واقعيه من آلاف القصص اللي صارت تصير في مجتمعنا
السحر وقد انتشرت بشكل كبير وخاصة بين النساء فقد حدثني احد المشائخ بالخفجي ذات مره ان جميع اعمال السحر بالمرتبة الاولى تأتي من دولة الكويت لانتشار السحره فيها وعدم معاقبتهم بالشريعه الاسلاميه والتساهل لمن يفرقون بين الرجل وزوجته ويسلب العقول والتفكير ويلتبس رجالنا ونسائنا المسلمات
لا ننكر بوجود بعض السحرة في بلادنا وهذا شيء طبيعي فلا يخلو مجتمع من آفة ولكن كحكومة تحكم بشريعة الله وسنة رسوله يتم مكافحته هؤلاء ليل نهار من قبل رجال الهيئة والامن والحمد لله هم في تناقص مستمر
ولكن مايؤسف فعلا انتشارهم بدوله شقيقه وممارسة اعمالهم القذره بغير محاسبه
هذا بعض ما اردت كتابته بعد ما سمعت القصه من فهد شخصيا ومن مديره واردته ان يكون للقراءه والانتباه من مثل هذه الاعمال وعدم الوقع فيها لانها محرمه
والتحصن منها بالاذكار اليوميه
ملاحظه:: تم استبدال اسامي الشخصيات الحقيقيه باسامي وهميه
منقوووووووووووووووووول
تحياتي
جبــــــــــــنةt11t59 t11t59