نايف ابو طفره
18-12-2005, 12:08 AM
اليكم هذه الابيات وارجوا ان تحوز على رضاكم
انا البارحه ممسيت نومي على مركاي =
عيون المشقا عن حلا النـوم ممنوعـه
اعد الليال الماضيه والزمـان الجـاي =
واقول الليالي كـل يومـن لهـا لوعـه
ليالن تقلـب لقبلـت عـودت بقفـاي =
وكم دالهـن حصيلـه الهـم والروعـه
غدت في وليفن رغبتي غايتي ومنـاي =
عليه المشاعـر والمعاليـق مفجوعـه
وليفن لعبي في غرامه وهو دعـواي =
اهو سبت الدعوى وشعري وموضوعـه
عذابي وغربالي وهـو علتـي ودواي =
شعاني هواة الله يجازيـه فـي شوعـه
عليه اتوجد وجد من صابـه الرمـاي =
كسر ساقه الايمن وخمسن من ضلوعه
وطته الغزيـه وانقلـب يمهـا لقـاي =
يبا ماقف النومـاس والمـدح لربوعـه
تحيزم يبا المفزاع اثره على العميـاي =
رمـاه الشبـب والملـه علـى كوعـه
غدوا في ذلوله فوقها مزهبه والمـاي =
وراحت خيار الـذود والخيـل مقلوعـه
جداه الونين ويزعج الصوت بالمضماي =
يجاوب حمام الـورق لانـاح بفروعـه
وانا لي وجوده من صباحي اليا ممساي =
على واحدن صورته بالقلـب مطبوعـه
ابوغرتن مثل القمـر لابـدا مسـراي =
على نوره اسري والمساري على طوعه
عيون اشقرن والجول يدلي عليه ادلاي =
الي من سمر بالطلع ثم حقـق طلوعـه
ليا شرف الصقار واركى على الهوهاي =
خطيرن يشق الـدس لافاعلـه فوعـه
اليا دبر الحفان يرهي عليـه ارهـاي =
لكشها بكفن عن ثلاثه عشـر صوعـه
ويا عود موزن حده الضلع والحمـاي =
عليه السواني تنسف المـاي وتزوعـه
تواما معاليقي وقلبي عليـك اومـاي =
كما اوماي شرع السفن لاجات مرفوعه
اعد الجروح اللي بقلبي واعد اخطـاي =
تجدد جروح القلـب ماكمـل اسبوعـه
دخيلك ترفق يالطيـف الحشـا ويـاي =
عليك الله اكبر كيف رحمتـك منزوعـه
وكانك نسيت اللي مضى روح يانساي =
انا كيف اغير واحـدن هـذي اطبوعـه
اشيل المقام ومعه دلوي واشيل ارشاي =
واقول العلاقه ياريش العيـن مقطوعـه
وسلامتكم
انا البارحه ممسيت نومي على مركاي =
عيون المشقا عن حلا النـوم ممنوعـه
اعد الليال الماضيه والزمـان الجـاي =
واقول الليالي كـل يومـن لهـا لوعـه
ليالن تقلـب لقبلـت عـودت بقفـاي =
وكم دالهـن حصيلـه الهـم والروعـه
غدت في وليفن رغبتي غايتي ومنـاي =
عليه المشاعـر والمعاليـق مفجوعـه
وليفن لعبي في غرامه وهو دعـواي =
اهو سبت الدعوى وشعري وموضوعـه
عذابي وغربالي وهـو علتـي ودواي =
شعاني هواة الله يجازيـه فـي شوعـه
عليه اتوجد وجد من صابـه الرمـاي =
كسر ساقه الايمن وخمسن من ضلوعه
وطته الغزيـه وانقلـب يمهـا لقـاي =
يبا ماقف النومـاس والمـدح لربوعـه
تحيزم يبا المفزاع اثره على العميـاي =
رمـاه الشبـب والملـه علـى كوعـه
غدوا في ذلوله فوقها مزهبه والمـاي =
وراحت خيار الـذود والخيـل مقلوعـه
جداه الونين ويزعج الصوت بالمضماي =
يجاوب حمام الـورق لانـاح بفروعـه
وانا لي وجوده من صباحي اليا ممساي =
على واحدن صورته بالقلـب مطبوعـه
ابوغرتن مثل القمـر لابـدا مسـراي =
على نوره اسري والمساري على طوعه
عيون اشقرن والجول يدلي عليه ادلاي =
الي من سمر بالطلع ثم حقـق طلوعـه
ليا شرف الصقار واركى على الهوهاي =
خطيرن يشق الـدس لافاعلـه فوعـه
اليا دبر الحفان يرهي عليـه ارهـاي =
لكشها بكفن عن ثلاثه عشـر صوعـه
ويا عود موزن حده الضلع والحمـاي =
عليه السواني تنسف المـاي وتزوعـه
تواما معاليقي وقلبي عليـك اومـاي =
كما اوماي شرع السفن لاجات مرفوعه
اعد الجروح اللي بقلبي واعد اخطـاي =
تجدد جروح القلـب ماكمـل اسبوعـه
دخيلك ترفق يالطيـف الحشـا ويـاي =
عليك الله اكبر كيف رحمتـك منزوعـه
وكانك نسيت اللي مضى روح يانساي =
انا كيف اغير واحـدن هـذي اطبوعـه
اشيل المقام ومعه دلوي واشيل ارشاي =
واقول العلاقه ياريش العيـن مقطوعـه
وسلامتكم