المساعد الشخصي الرقمي

مشاهدة النسخة كاملة : ماعاد فيــها مجامــله ...

الهاوي
15-07-2008, 12:42 PM
http://www.t1111t.com/gdeed/k-tmyz.gif












ياهاجسي ماعاد فيها مجامله = دام الزمن عندي تساوت عوامله
اغضيت عمّا فات بالصبر علّني = اترك براكين الهناديب خامله
لاشك زاد الكيل في وسط مهجتي = حملٍ ثقيلٍ من سنين امتحامله
واليوم سدّي باح من قل حيلتي = رحماك يامن يسجدون الانام له
انا ابتيلت بحب ملهوفة الحشا = المهره اللي بالتواصيف كامله
هذا وانا غافل عن مطارد الهوى = طاوي سجلاته وباني مقام له
لين ارجعتني غصب عني بلا رضا = بدموعها اللي بالجفون امتهامله
قالت حياتي دون لاماك يافهد = تنعاف لوهي بالملذات شامله
ابيك عندي ياغرامي وسلوتي = حتى جفن عيني يطيب المنام له
وامسيت حاير وش عواقب مصيبتي = وآقول قلبي مايطيب الغرام له
انا من اول مكتفي من تجاربي = والجرح الاول هدّني في تعامله
حاولت ارد القلب عنها ولاقدر= ونسيت جرح الحب والانتقام له
حتى دخلت بغيهب الحب ثانيه = سرقة مزوحٍ يجبر الابتسام له
واصبحت في مكنونها فوق ماهقت = وانجزت حلمٍ قبل عامين تامله
لاشك دار الوقت واظهر كنينها = وصارت عليّ بدون عذر امتحامله
قامت تلاعب بالاحاسيس مادرت = بأني عطيبٍ ماتحقق مرام له
راع الهوى لادنات شيٍ يحزّ به = وشلون لامن شاف قل اهتمام له
مثل الغرير اللي تعوّد على الدلع = واصبح يتيمٍ يعطفون العمام له
ان قدّر الله ياجروحٍ بداخلي = لااشفي غليلك واوصل العلم صامله
باكر تجي بنت الهوى تطلب الهوى = واحدّها حدّت من البل هامله
كرامة الانسان هي راس غايته = وراع الاشدّه مايجوز المسام له


وسلامتكم ... الهـــاوي
نــجــم
15-07-2008, 12:46 PM
عز انك قلته مافيه مجامله بيض الله وجهك
صح لسانك قصيدة جزل ومن رجال جزل
لاهنت
منســـآب
15-07-2008, 01:23 PM
الله الله الله 000


يا سلام عليك يا الهاوي 000 يا محترف الإبداع


صح لسااانك على هالرااائعة 00 الشامخة

ترويض قافية صعبة لا يجيدها سوى المبدعين أمثالك

قصيدة لا نمل قراءتها ابداً




تقبل خالص التحايا وننتظر كل جديد لك يا ابو محمد ـــ،،،
المليونير
15-07-2008, 01:40 PM
الهاوي


هذا الشبل من ذاك الاسد


صح بدنك ترليون ولاهنت وبيض الله وجهك قصيده جزله من شاعر جزل


استمتعت جدآ بقراءه النص المميز يالذيب


احترامي يالهاوي
الهاوي
15-07-2008, 01:52 PM
نجم عنيزه


صح الله ابدانك وتواجدك اسعدني جدا ...
فهد بن فهم
15-07-2008, 01:52 PM
الهاوي

صح لسانك

وسلم بنانك

قصيده من اجمل القصائد

شكرا لك

لاهنت
الهاوي
15-07-2008, 01:53 PM
منساب


صح الله ابدانك ياشاعرنا والعين ماتعلى على الحاجب

وتواجدك بحد ذاته شرف عظيم لدي ...
الهاوي
15-07-2008, 02:00 PM
فهد بن فهم



صح الله ابدانك وشكرا جزيلا على الاشاده الطيبه ...
رنج روفر
15-07-2008, 02:05 PM
باكر تجي بنت الهوى تطلب الهوى
واحدّها حدّت مـن البـل هاملـه

صح لسانك يابو محمد

الف شكر لك على هالمتعه اللي استمتعنا به من خلف كواليس النت

لاتحرمنا جديدك ياكحيلان

وحبلي خشم الشايب والله يوفقه <<<<<<< ماعنه مصد ابو خلف

ارق

تحيه

رنج
فيصل الفيصل
15-07-2008, 02:06 PM
صح لسانك يالهاوى

لا هنت على انعاش روحنا بهذه الورده الرائعه من بستان الابن ومن عبق روحه الجميله

وكما يقال هذا الشبل من ذاك الاسد



اشهد الله على محبتك ومحبة والدك فى الله

فيصل الفيصل
الهاوي
15-07-2008, 02:08 PM
رنج روفر


صح الله ابدانك والف شكرا على التواجد الرائع


وابشرك الوالد عندي ووصله السلام وتراه يسلم عليك ...
الهاوي
15-07-2008, 02:09 PM
فيصل الفيصل



صح الله ابدانك


وانا كذلك احبك لله فالله والله يعلم عن النيه



شكرا جزيلا على الطله الحلوه طال عمرك ...
الامـ عذووبه ـيره
15-07-2008, 02:48 PM
كرامة الانسان هـي راس غايتـه
وراع الاشدّه مايجوز المسـام لـه



رااااااائعه
صح لساانك ويسلم بنانك
لك التقديـــر,,
انسياب الفكر
15-07-2008, 03:04 PM
صح لسانك يالهاوي...

أنت مبدع دوما...
ريــــان
15-07-2008, 03:19 PM
جميل هذا البوح ياهاوي جميل لــ حد الدهشه كأنني أشاهد قصة القصيده قدرة فائقه على وصف الحدث بأبيات ليست كــ أبيات القصائد ألأخرى

أستطعمنا الجمال هنا ياهاوي فــ شكراً وصح لسانك
القلب المغرم
15-07-2008, 05:36 PM
اللـّـه اللـّـه يالهاوي

راقت لي كثيــر بصـرآحــه

أفكـآر متسلسلـه

صــح اللســآنك مليـون يالمبدع

يعطيك العــآفيـه

ودي وآحتــرآمــي
خالد ابو اثنين
15-07-2008, 10:16 PM
صح لسانك اخوي الهاوي
لاهنت يالغالي
الهاوي
16-07-2008, 12:28 AM
عذوبه


صح الله ابدانك


ومرحبا ومسهلا بك وشكرا على تواجدك ...
الهاوي
16-07-2008, 12:29 AM
ابوبندر الشلاحي


وانت مبدع بتواجدك طال عمرك


صح ابدانك ...
الهاوي
16-07-2008, 12:33 AM
ريان


صح لسانك


وشهادتك واشادتك وسام على صدري


اهلا بكل ماتكتب ...
الهاوي
16-07-2008, 12:34 AM
القلب المغرم


صح الله ابدانك


وابرك الساعات اللي راقت لك هالقصيده ...
سالم
16-07-2008, 12:35 AM
ياسلام عليك يالهااااوي مبدع مبدع

صح لسااانك مليووون ولايكفووون

ننتظر جديدك يالمبدع
الهاوي
16-07-2008, 12:36 AM
خالد ابوثنين


صح الله ابدانك


ومرحبا فيك ...
الهاوي
16-07-2008, 12:37 AM
الهايم


صح الله ابدانك


ومرحبا بك طال عمرك ...
ماجد بن عبدالعزيز
16-07-2008, 12:38 AM
صح لسانك يابو محمد

كالعادة مبدع
شارد الذهن
16-07-2008, 01:26 AM
ان قـدّر الله ياجـروحٍ بداخـلـي
لااشفي غليلك واوصل العلم صامله
باكر تجي بنت الهوى تطلب الهوى
واحدّها حدّت مـن البـل هاملـه
.
.

ياسلاااام سلّم على الابداع والنشيده الرائعه

صح لسانك يالهاوي وصح قلبك على الفاتنه

لك الود
مناير السيف
16-07-2008, 02:05 AM
الهاوي

صح السانك على هذه الرائعه

كلمات تستحق التصفيق بالفعل استمتعت بها

بدون مجامله انت شاعر متمكن

دمت ودام ابداعك
مازن العوني
16-07-2008, 02:59 AM
صح لسانك استاذ الهاوي



تحياتي وتقديري
منادي
16-07-2008, 03:50 AM
صح لسانك يالهاوي
نص رائع وراقي كالعاده
اشكرك ولاتحرمنا من ابداعك القادم
الله يعطيك 1000 عافيه

و

تحية اعجاب لمن يستحق الاعجاب
منادي
مفرج بن سقيان
16-07-2008, 06:33 AM
صح لسانك والله لا يحرمنا جديدك
الهاوي
16-07-2008, 11:49 AM
شارد الذهن


صح الله ابدانك ومرحبا بتواجدك الكريم ...
الهاوي
16-07-2008, 11:52 AM
مناير السيف



صح الله ابدانك


اشاده اسعدتني جدا


لاهنتي ياشاعرة عيال الحمايل ...
الهاوي
16-07-2008, 11:53 AM
مازن العوني



صح الله ابدانك ومرحبا بك طال عمرك ...
الهاوي
16-07-2008, 11:54 AM
منادي


دائما شهادتي بشهادتك مجروحه


صح الله ابدانك ...
الهاوي
16-07-2008, 11:55 AM
هدوء البحر


صح الله ابدانك ومرحبا بك


شكرا على الاطراء الرائع ...
فيصل الدويش
16-07-2008, 02:46 PM
مامعكـ معشى .. يالبستان الصغير ..



صح الله السانكـ وعلى شانكـ ..



ودن أعجابي ..


ولك ودي.
الطيـّر
16-07-2008, 03:04 PM
صح لسانك يالهاوي

قصيده جزله من رجال جزل

رائعه كما عودتنا دائماً .... لاهنت وفي انتظار جديدك بكل

شوق
&فارس عتيبه&
16-07-2008, 03:56 PM
سجل أعجابي هنا بهذه القامه الشعرية الفارعه قصيدتك على نسج عظماء الشعر أعدت قرأتها أكثر من مره ووجدت فيها السبك والحبك وأختيار المفرده بأنتقاء
رائعتك هذه كأنها من قصائد الشاعر محمد الأحمد السديري لما تحتويه من الجزاله في اللفظ والسمو الشعري

أخي الهاوي تقبل شكري على هذه الرائعه التي أتحفتنا بها

وصح لسانك مدد بلا عدد
الهاوي
17-07-2008, 03:46 AM
مفارق احبابه


صح الله لسانك والعين ماتعلى على الحاجب يابوبندر


لاهنت على المرور الكريم ...
الهاوي
17-07-2008, 03:47 AM
شجاع الثبيتي


صح الله ابدانك


وشكرا جزيلا على المتابعه الاكثر من رائعه ...
الهاوي
17-07-2008, 03:48 AM
فارس عتيبه


صح الله ابدانك مدد بلا عدد


وشهادتك بهذه المتواضعه تبقى وسام على صدري ماحييت ...
الجوهره
17-07-2008, 03:55 AM
الهاوي

صح لسانك

لاهنت
الهاوي
17-07-2008, 02:50 PM
شجون

صح الله ابدانك ومرحبا ومسهلا بك ...
فهد مطلق بن جافور
17-07-2008, 08:53 PM
الله الله ياسلام





صح السانك يالزميل





قصيده اهلاليه جزله من راس جزل




ماهي غريبه منك
الراهي
18-07-2008, 03:49 AM
صح لسانك الهاوي ابيات اكثر من رائعه
وبراااااااافو

تحياااااتي
الهاوي
18-07-2008, 03:53 AM
فهد الجافور


صح الله ابدانك طال عمرك


والوعد ان شاء الله بقاعة الاختبار :)
الهاوي
18-07-2008, 03:54 AM
الراهي



صح الله ابدانك وشكرا جزيلا على الاطراء الرائع ...
نـــggحـ
20-08-2008, 10:38 PM
ياسلام ياسلام
ابيات في قمة الروعه
صح لسانك يا الهاوي ولاهنت على هالابيات الاكثر من رائعه
ننتظر جديد ابداعاتك
تحياتي
KuWAiT
27-08-2008, 03:45 AM
صح لساااااااااااااااااااااااااااااااااااااااااااااااا اااانك ونص الشعب الي عندي يقولك ما الحب الا للحبيب الاولي هههههههههههههههه




تحياتي لك