يآآآآآآآآليتنــــــــي ولــــــــــــد !

[شيهانة نجد]

( يا ليتني ولد )

يا شباب لا تلومو البنات بهذا الكلمه

اسمحولي يا شباب وبنات الحمآيل لأنه طويل بس مع القراءه راح تندمج وتحسو بمعاناة البنات

\\\رساله الى آآآآآدم///

لما يكونون معزومين بعزيمة ...والكل مستعد وتجهز....ويطلعون برا وينادون السواق
وأخيرا يلقون السواق مو موجود
وبعد جوله على جوالات الاخوان.... وتسيرة على جوال الابو
ويأس من ظهور السواق
وبعد جملة مافيه روحة ارقوا غيروا
تلاقي صرخة تسبق هالجملة وتعبر عن الموقف بقوة




( يا ليتني ولد )





والا بجمعة عائليه ...وتخيم حلو بالربيع
العيال مجتمعين يلعبون بالبقي والدبابات
وبعضهم معه جمس والا جيب
والباقين باللوت
وضحك وبسطة
والبنات اللي معهم جوالات ويروح رجاها بالهوا
والثانيه واقفة تترجى اخوها ...بدون فايدة
والثالثة بعد مايأست رجعت لسواليف الحريم المملة والكيئبه
مع ان طلباتهم ماتعدت دورة بالجيب بين هالرمال
والا دورة بالبقي
والا حتى يمكن شريط بسيارتهم بس ماأحد راضي يعطيها المفتاح
والنهاية


( يا ليتني ولد )


وأحيانا تعزم صديقاتها
وتقولهم بكل الفخر
العشا على ...لا ومن وين من الريف الايطالي ......طلبيه عشان خاطر عيونكم
هم ماعندهم سواق
لأن الاب يقول عندكم 5 اخوان
(حنا مانحتاج سواق البيت كله شباب)
وإذا كانوا هالشباب
واحد مقفل جواله
والثاني بالبر مايوصل له الارسال
والثالث نايم بالملحق ولا في امل يصحى
والرابع بالغرفة ...وقافل على نفسه الباب ...ويقول لااحد يزعجني
والخامس مع عيال أخواله عندهم دورية


والعشا يتفركش
والاعذار تتسكت بوجبات( بتوصيل منزلي) من هرفي
واول مايطلعون
تسمع صرخة بالحوش



( يا ليتني ولد )



كل شيء يهون بس اللي مايهون ايام العطل
قبل العطلة يمكن بشهر
البنات حول الابو
يبه تكفى ..الله يسلمك ...الله يعافيك ...الله يخليك ....الله لا يحرمنا منك ..الله ....الله... الله... الله
نبي نسافر ذا السنة

لا وانا ابوكم ذا السنة مشغول
عندي انتداب عمل
ويمكن عمل اجباري
هالسنة امكم والده
وين ناخذ بزر بالشهور معنا
وأخوكم مهند
توه يمشي
تبونه يشغلنا اذا سافرنا والا يضيع من بين ايدينا
تدرون
تبون جدة والا الشرقيه ...يالله اختاروا ...
والا وش رايكم نروح عند اهلكم بالعيينه
بنفس هالوقت يدخل فيصل
يبه عن إذنك ترا اليوم رحلتي مع محمد وتركي وخالد ولد عمتي
بنسير على مصر ام الدنيا كم يوم ونجي
عاد زي ماقلتلك يمكن نمر شرم الشيخ
هاه يأخوتي ياحلوين تامرون على شيء قبل ماأروح
إيه
سموا
تبادل
ايش

( يا ليتنا أولاد )



ولما تكونين جالسة على اللاب توب
وتو النت شابك
(تم تسجيل دخولك الى شبكة الاتصال )
وتوك فاتحة على المفضلة تبين تشيكين على الموقع اللي تبي تدخلينه
الا اللي فوق راسك
ومن صار ...اليكر ...نواف ....حبيب البيت ......وبرا البيت
_____________
قفلي النت
ليه؟؟؟؟؟
ابي التلفون ....وثاني مرة لعد تشبكينه فاهمة !!!!اوكي
وليه معد أشبكه
اولا أصرف ....ثانيا بنت ....ثالثا وشوله تشبكينه ...وش الفايدة...؟؟؟؟ماله داعي
!!!!
لاأحد يرفع السماعة طيب......


( يا ليتني ولد )


طبعا صايرة كلمة للعائلات فقط تستفز شريحة كبيرة من الشباب هنا
اضف الموضوعات الصحفيه المنتشرة بخصوص هالموضوع
طبعا هالافته بقدر ماهي مزعجة
بقدر ماتخليك تفكر وتمعن فيها
الكل مع الشباب المعارضين لها
لان المحطات الترفيهية لهم قليلة
لكن ،،،لما يجون يقارنونها بالبنات .......هنا نوقف شوي
أغلب المجتمعات النسائيه كئيبة ومملة بشكل كبيييييييير
والسواليف أغلبها تقتصر على
لبست...اشترت ...انخطبت ...تزوجت....حملت....سافرت
وتلاقي درجة الغليان عند البنات من هالسواليف توصل 100درجة مئويه
الطلعات برا و مع الصديقات....أغلب العوائل محدودة
والبقيه مابين حريه مطلقة....الى منع مطلق ...فالبيت هو المنتزه الموجود المشترك
وش في هالمنتزه ؟؟؟؟؟؟؟؟؟؟؟؟؟؟؟؟
مثلا تلفون
أغلب العبارات التي تنقال على اللي تكلم
ايه تلفون 24 ساعة انتي ماتملين
بالله عليكم وش تقولون كل هالوقت

منهي ذي ؟؟؟؟ هذي تغريد....هماك توك شايفتها بالجامعة

قفلي التلفون .....ليه؟؟؟؟؟؟؟بس موب لازم كل ذي الهذرة-

من بتكلمين نهى ...مو لازم بكرة بتشوفينها بالعزيمة
(( هذا اذا لقت احد يوديها ))
ألحين انتظر تلفون من أختك ببريطانيا _

من اللي شاغل التلفون ...والله اني قايلته شوفي سوير ان رفعتيه ثاني مرة لا تلومين الا نفسك
__________________________________
طيب موب لازم انترنت ولا تلفون لانه امر مفروغ منه ...بس أخوي مسموح له .....ابوي دايم يقول ان اخوي ولد وعادي لو يشبك النت ...ولو قلتله على الفاتورة ...قال هو يشبك على خطه ...انا مالي دخل

طيب اروح عند التلفزيون ....لا لا لا
مستحيل التليفزون انقلب الى أداة لترويج المنكر ...كله استعراض للبنات ....وهو خراب لعقولنا يالبنات
أداة استحقر نفسي إذا شفتها ...حتى الافلام اللي شفتها معادة بالقناة نفسها 4 مرات
غير البرامج والسخافات ووووووو...............
وين أجل وين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مافي قدامي غير غرفتي .....تدرون وش ابسوي فيها
-
-
-
-
-
-
(ااذاكر)
!!!!!!عرفتوا ليه البنات اشطر من الاولاد ...........استوعبتوا السر ؟؟؟؟

طبعا في اشياء ثانيه موجودة
بس هذي اهم الاشياء
وأول ماتفتح الكتاب وتمسك القلم
افففففففففففففففففففف

( يا ليتني ولد )



نصل هنا للهدف من الموضوع !!

عندما تقول المرأة ،،،

إنظرو ماذا تقول البنت ركزو . الله عليه اعجبني كلامها
((لو أني ولد)) ...


أول شيء اسويه اروح أخذ امي واخوتي وامشيهم بشوراع الرياض
ونروح نشرب لنا قهوة من توتي كافيه
ولا نمر على ملك المانجو وناخذلنا كوكتيل
والااعشيهم على حسابي
والا أفاجئهم بتذاكر لمكة عشان ناخذ لنا عمرة
والا استنى اي فرصة اشوفهم محتاجين لي فيها عشان اخدمهم
زيادة على افعالنا لهم كنساء نطبخ وننظف ونقوم بالبيت كله عشانهم !!

هذي أفعالهم عندما تتحقق أمانيهم بأن يصبحون أولادا !!

فهل فعلنا نحن كــ (أولاد) لأجلهم مايستحقون ؟؟!!
اوتمنينا يوما ان نحقق لهم بعضا من مما قرروا فعله لنا عندما
يصبحون اولادا !!
رفقا بهم فانهم يستحقون الكثير !!

(( أتمنى تكون الرسالة وصلت ))



\\

رسآآلة قرأتها في احدى المنتديات
و أعجبتني فنقلتها لكم

[تلسكوب]

والله كلامك فيه نوع من الصحه

لكن ما اعتقد ان البيوت كلها كذا

واحمدي ربك على العفو والعافيه ترا غيرك ما يفكر لا في سفر ولا عزايم ولا غيره

تشكرات على الوضوع

[فادي الشلاحي]

والله كلامك فيه نوع من الصحه

لكن ما اعتقد ان البيوت كلها كذا
واحمدي ربك ياوخيتي
ومشكوره والله لايحرمنا من جديدك ولا من ابداعك

[εε المهره الأصيله εε]

شيهانه
اوقف لك واصفق لك بكل حراره على ماتحمله هالرساله من معنى
بس مين يسمعك وربي شباب هاليومين يرفعون الضغط والحين عاد بالصيف اووووف انطقي مكانك ولا احد بسيسال عنك
تصدقين انا امي دايما تهاوشني لاني طول الوقت بالنت
تقولي ليه انتي بالنت ليه ماتجلسين معي
طيب سوالفهم ماتناسبني
وماهي من طلعاتي الكثير
فالنت هو الاقي فيه اللي ابيه دايماً
وهو المسلي الوحيد بالنسبة لي
وانا ايضا اقول ياليتني بنت مثل باقي بنات الدول الثانيه
بس بنت بإخلاق إسلاميه وان عطوها الحقوق
انا لن سقت سياره الكويت طيحت اصدام حقها
واخر شئ بنت عمي قالت لي صدق سعوديه
ههههههههههههه
خليها على ربك
والف شكر لك مره ثانيه على المووع الرااائع
واسفه على الاطاله
مهييييره :)

[شيهانة نجد]

والله كلامك فيه نوع من الصحه
لكن ما اعتقد ان البيوت كلها كذا
واحمدي ربك على العفو والعافيه ترا غيرك ما يفكر لا في سفر ولا عزايم ولا غيره
تشكرات على الوضوع


أهلا بالتلسكووب .. أكيد الأصابع و هي الأصابع مو وحده
فكيف بالبيوت :)

الحمدلله و أشكره و أثني عليه رآضيه و حالتي و لآ أحلى الله لا يغير علي :)
بس الموضوع يحكي شي واقعي و بعض البيوت أردى من هيك
المقصد .. من يعنيه الأمر .. فلا ينسى أن هناك جنس ناعم .. قال عنه الرسولصلى الله عليه وز سلم
" رفقا بالقوارير "

و سلآمة فهمك .. أسعدتني طلتك ,,

[شيهانة نجد]

والله كلامك فيه نوع من الصحه
لكن ما اعتقد ان البيوت كلها كذا
واحمدي ربك ياوخيتي
ومشكوره والله لايحرمنا من جديدك ولا من ابداعك

الحمد لله و الشكر له .. لكن ما أصاب من الصحة بنظرك هو ما أعنيه
ربما القالب الفكاهي للموضوع ألمح بشكل أو بآخر لمشكلة حقيقية .. سأعود لطرحها بشكل أكبر

تسلم ع المرور فادي ,,

[شيهانة نجد]

شيهانه
اوقف لك واصفق لك بكل حراره على ماتحمله هالرساله من معنى
بس مين يسمعك وربي شباب هاليومين يرفعون الضغط والحين عاد بالصيف اووووف انطقي مكانك ولا احد بسيسال عنك
تصدقين انا امي دايما تهاوشني لاني طول الوقت بالنت
تقولي ليه انتي بالنت ليه ماتجلسين معي
طيب سوالفهم ماتناسبني
وماهي من طلعاتي الكثير
فالنت هو الاقي فيه اللي ابيه دايماً
وهو المسلي الوحيد بالنسبة لي
وانا ايضا اقول ياليتني بنت مثل باقي بنات الدول الثانيه
بس بنت بإخلاق إسلاميه وان عطوها الحقوق
انا لن سقت سياره الكويت طيحت اصدام حقها
واخر شئ بنت عمي قالت لي صدق سعوديه
ههههههههههههه
خليها على ربك
والف شكر لك مره ثانيه على المووع الرااائع
واسفه على الاطاله
مهييييره :)


هههههههههههههههههههه مهييير جبتي أوم العيد
مهما كان الماما أولا بعدين أي شي بالدنيا
ما يضر هون و هون .. أنا أدخل النت أحيان مع أمي
و تجلس تضحك على ردودي أحيان .. و أحيان تدخل معي قسمي و نشوف الفساتين سوا
<< تموت مامي ع الفساتين :)

الله يخليها لي :)

و هالموضوع لأن بعض العيال يدبلووووون التسبد
مثل اللي لا هو مصلي و لا مخلي الناس يصلون
لا يقضي حاجتك و لا يخليك تدبرين راسك مع السواق
هذا وش تعملين بوه ؟

أي والله خليها على ربك .. أوما بنت عمك توووحفه ههههههههه
لبى السعودية بس :mm-30:

نووورتي غناتي .. لآ خلا و لا عدم ,,

[لبى قلبهــا]

لي عوده يابنت اصلا الموضوع جابني وانا بأأأأأأأخر المنتدى :)

[شيهانة نجد]

حيااااااك لبى قلبهآ
منوره باي وقت ,,